В этот день: Русская Православная Церковь отмечает память святых:

Святой мученицы Лукии девицы и с нею Рикса и других Преподобный Сисой, схимник Печерский (XIII) Святая праведная дева Иулиания, княжна Ольшанская (XVI) Преподобные Василий, Тихон и Никон Соколовские (VI) Собор Радонежских святых. Преподобномученика Евфимия (1931). Преподобномученика Феодора (1943). Святого мученика Коинта Фригийского (ок. 283). Мучеников Марина, Марфы, Авдифакса, Аввакума, Кирика, Валентина пресвитера, Астерия и многих других (269). Мучеников Исавр диакон, Иннокентийи др. Македонских (301). Богородско-Уфимской иконы Божией Матери (1621).

Тропарь преподобного Сисоя Великого глас 2 Плотския страсти умертвив воздержанием,/ миру распялся еси и, в пустыни живый,/ всех похотей отсечением/ Ангел земный и Небесный человек показался еси,/ сего ради тя, яко наставника иноком,/ поем, Сисое отче наш, и просим:/ моли Христа Бога, да спасет души наша.

Подвизався, Ангел на земли виден был еси,/ озаряли, преподобне, помышления верных Богознаменьми всегда./ Темже тя верою, Сисое, почитаем.

Тропарь Собора Радонежских святых глас 4 Днесь светло празднуем, вернии людие,/ преславныя Троицкия обители торжество:/ се бо велий собор святых чудотворцев Радонежских,/ яко дивныя птицы небесныя,/ являет нам Церковь Российская,/ стезями честнаго их жития шествовати всех призывающи,/ к нимже, с верою и любовию притекающе, воззовем:/ молитеся о нас ко Пресвятей Троице,/ преподобный отцы наши с Богоносным аввою Сергием,/ мир мирови даровати/ и душам нашим велия милости.

Плоды добродетелей на земли принесше,/ преподобнии отцы,/ в Небесных чертозех ныне благоухаете, яко райстии цвети,/ и лицем к лицу зрите Пресвятую Троицу,/ Юже дерзновенно молите,/ спастися душам нашим.

Приидите, вси концы отечества нашего,/ прославим святый лик угодников Радонежских,/ яко звезды, украсивших небо церковное подвиги земнаго жительства,/ тех бо предстателъством теплым ко Господу/ многия нам милости Его низпосылаются,/ бедствия отгоняются и злыя страсти укрощаются./ Ихже всесвятую память ныне празднующе, тако возопиим:/ радуйтеся, Сергие и Никоне и вси Радонежстии чудотворцы,/ усерднии служителие Живоначальныя Троицы.

Пустынный житель, и в телеси Ангел,/ и чудотворец явился еси, Богоносе отче наш Сисое,/ постом, бдением, молитвою Небесная дарования приим,/ исцеляеши недужныя и души верою притекающих ти./ Слава Давшему тебе крепость,/ слава Венчавшему тя,/ слава Действующему тобою всем исцеления.

Кондак прп. Сисоя, схимника Печерского, в Дальних пещерах глас 1 Сисое чудне,/ на страсти вельми подвизавыйся/ и постом и мощными молитвами сия успивый,/ благодать от Христа приял еси/ в страстех бедствующим пособствовати./ Тем и наша страсти плоти и духа исцели, молимся.

Яко непорочная невеста Нетленнаго Жениха Христа,/ праведная дево Иулиание,/ с светлою свещею добрых дел вошла еси в чертог Его Небесный/ и тамо со святыми блаженства вечнаго наслаждаешися./ Темже моли, Бгоже возлюбила еси/ и Емуже девство твое обручила еси,/ спасти души наша.

Кондак праведной девы Иулиании глас 8 Храм Божий одушевленный,/ девственною чистотою благоукрашенный,/ вемы тя, святая и праведная дев о, княжно Иулиание,/ темже, с любовию празднующе/ святых твоих мощей обретение, молим тя,/ известная желаний наших ходатаице:/ принеси за нас молитвы твоя ко Господу/ и от всяких бед свобождай нас/ предстательством твоим у Престола Всевышняго, да зовем ти:/ радуйся, дево святая Иулиание, невесто Христова прекрасная.

Заступнице Усердная, Надеждо ненадежных, Помощнице нищих и сирых, плачущих Утешение, согрешающих очищение, Путеводительнице заблуждших, болящих Целебнице и исправление падающих, Ты бо еси Похвало земли Уфимския, Дево Богородице.

Кондак Божией Матери пред иконой Ее, именуемой Богородско-Уфимская глас 5 О, Милосердная Мати, не отрини слез и воздыханий наших, с верою и любовию к Тебе приносимых: пред иконою Богородскою услыши ныне молящихся и на путь спасения настави, и душ наших грехи исцели, от земли Уфимския вся пагуби потреби, Ты бо еси людем сокровище вечнаго спасения и источниче Божественныя благодати.

Pages: 1 2 3

В этот день: Русская Православная Церковь отмечает память святых:

Обретение честных мощей Преподобного Сергия, игумена Радонежского (1422) Преподобномученицау великаю княгиню Елисавету и инокиню Варвару (1918) Святого Арсения, еп Тверского (1409). Собор Тверских святых. Преподобный Агапит исповедник (1936). Преподобного Лампада Иринопольского (X). Новопрпмч. Киприана Афонского (Греч. ). Новомчч. кн. Игоря Константиновича, кн. Иоанна Константиновича, кн. Константина Константиновича, кн. Владимира и кн. Сергия (Палея). Св. Морвенны, покровительницы Морвеннстоу (VI) (Кельт. и Брит.). собор 23 свв. Лесбосских (Греч.). Св. Стефана, еп. Регийского, ученика ап. Павла, и вместе с ним еп. Суерия и дев Агнии, Филицитаты и Перпетуи (I). Мч. Афанасия, диак. Иерусалимского (451). Иконы Божией Матери, именуемой «Экономисса».

Тропарь преподобного Афанасия Афонского глас 3 Еже во плоти житию твоему/ удивишася ангельстии чини:/ како с телом к невидимым сплетением изшел еси, приснославне,/ и уязвил еси демонские полки./ Отонудуже, Афанасие,/ Христос тебе воздаде богатыми дарованьми,/ сего ради, отче, моли/ спастися душам нашим.

Яко невещественных существ зрителя изрядна/ и деятельна сказателя всеистинна,/ взывает тя стадо твое, Богоглагольниче:/ не оскудей, моля о рабех твоих,/ избавитися напастей и обхождений, вопиющим ти:/ радуйся, отче Афанасие.

От юности восприял еси Христа в души твоей, преподобне,/ и паче всего вожделел еси мирскаго мятежа уклонитися:/ мужески в пустыню вселился еси/ и чада послушания в ней, плоды смирения, возрастил еси./ Тем, быв Троице вселение,/ чудесы твоими всех просветил еси, приходящих к тебе верою,/ и исцеления всем подая обильно.// Отче наш Сергие, моли Христа Бога, да спасет души наша.

Яко трисветлаго солнца светозарный звезды,/ Троическим светом озаряете сердца верных,/ сосуда Света Пресвятыя Троицы явльшеся,/ и предивным вашим житием иноком бысте твердии законоположителие/ и церквам благолепие, и благоверным, и святителем, и всем людем,/ вся бо демонския скверны отгнавше отсюду/ вашими чистыми учении и делы,/ добре упасосте стадо, собранное вами,/ но и ныне молим вас:/ посещайте чад своих, яко имущий дерзновение ко Святей Троице,/ Богомудре Сергие с чудным учеником своим Никоном,/ и молите Христа Бога, да спасет души наша.

От юности восприял еси Христа в души твоей, преподобне,/ и паче всего вожделел еси мирскаго мятежа уклонитися,/ мужески в пустыню вселился еси/ и чада послушания в ней, плоды смирения, возрастил еси./ Тем быв Троице вселение,/ чудесы твоими всех просветил еси, приходящих к тебе верою,/ и исцеления всем подай обильно./ Отче наш Сергие, моли Христа Бога, да спасет души наша.

Днесь пресветло красуется царствующий град Москва,/ яко светолучными зарями, молниями чудес твоих осияемь,/ всю вселенную созывает/ похвалити тя, Богомудре Сергие;/ пречестная же и славная обитель твоя,/ юже во Имя Святыя Троицы многими труды твоими создал еси, отче,/ имущи в себе стада ученик твоих,/ веселия и радости исполняется./ Мы же, празднующе преславное обретение честных мощей твоих, в земли сокровенных,/ яко цвет благоуханен и кадило благовонно,/любезно я лобызающе, различная исцеления приемлем/ и твоими молитвами грехов прощения сподобляемся,/ отче преподобне Сергие,/ моли Святую Троицу/ спасти души наша.

Днесь, яко солнце пресветло, возсиявше от земли,/ честныя мощи твоя нетленны обретошася,/ яко благоуханный цвет, множеством чудес сияюще,/ и всем верным источающе различная исцеления,/ и веселяще избранное твое стадо,/ еже мудре собрав, добре паствил еси./ О нихже и ныне Троице предстоиши, моляся,/ и воинству победительная на враги даровати,// да вси вопием ти: радуйся, Сергие богомудре.

Взирающе на предлежащий честный твой гроб,/ в немже скрыся, яко многоценное сокровище, святое трудолюбное твое тело чистоты,/ мы, чада твоя суще жалостная,/ в удивлении един со единем вещающе, вопием:/ отче наш Сергие, моли Святую Троицу/ и нам спастися, твоим чадом.

Смирением достоинство княжеское сокрывши, богомудрая Елисавето, сугубым служением Марфы и Марии Христа почтила еси. Милосердием, терпением и любовию себе предочистивши, яко жертва праведная Богу принеслася еси. Мы же, чтуще добродетельное житие и страдания твоя, яко истинную наставницу усердно просим тя: святая мученице великая княгине Елисавето, моли Христа Бога спасти и просветити души наша.

Величие подвига веры кто повесть? Во глубине земли, яко в раи светлости, страстотерпица великая княгиня Елисавета со ангелы во псалмех и пениих радовашеся и, убиение претерпевающи, о безбожных мучителех взываше: Господи, прости им грех сей, не ведят бо, что творят. Тоя молитвами, Христе Боже, помилуй и спаси души наша.

От славы царственныя, вземши Крест Христов, прешла еси к славе небесней, молящи врагов, и обрела еси радость вечную, святая мученице княгине Елисавето, с Варварою мученицею. Темже молим вас: молите о душах наших.

Предстательство страшное и непостыдное,/ не презри, Благая, молитв наших,/ Всепетая Богородице, Милостивая верных Домостроительнице,/ утверди православных жительство,/ спаси страну нашу/ и всех православно живущих в ней защити,/ зане родила еси Бога, Едина Благословенная.

В этот день: Русская Православная Церковь отмечает память святых:

Императора Николая II, Императрицы Александры, царевича Алексия, великих княжен  Ольги,  Татианы,  Марии,  Анастасии (1918). Святого Андрея, архиепископа Критского (740). Святой праведной Марфы матери прп. Симеона Дивногорца (551). Святого мученика Феодота епископа Киринейского (310). Обретение мощей преподобного отца нашего Евфимия, Суздальского чудотворца (1507). Преподобный Андрей Рублев иконописца (XV) Святой благоверный князь Андрей Боголюбский (1174) Страдание святых мучеников Феодота и Феодотии Новомч. иеромон. Нила (Полтавского) (1918). Сщмч. Димитрия пресвитера (после 1937). Сщмчч. Саввы, еп. Горнокарловацкого, и Георгия пресвитера (1941). Обретение мощей прп. Евфимия, Суздальского чудотворца (1507). Прп. Тихона, Василия и Никона, Соловецких. Св. Андрея Русского, Каирского. Свт. Доната, еп. Ливийского (Греч.). Св. Аскепия чудотворца (Греч.). Сщмч. Феофила (Греч.). Св. Менигна монаха (Греч.). Сщмч. Феодота (Греч.). Сщмчч. Иннокентия и Савватия и с ними 30-и других в Сирмиме Панонийской (304). Перенесение мощей св. Мартина Милостливого, еп. Торсского (397). Св. Урлиха Аугсбургского и Баварского (973). Галатская икона Божией Матери

Тропарь царственных страстотерпцев глас 4 Днесь, благовернии людие, светло почтим/ седмерицу честную царственных страстотерпец,/ Христову едину домашнюю Церковь:/ Николая и Александру,/ Алексия, Ольгу, Татиану, Марию и Анастасию./ Тии бо, уз и страданий многоразличных не убоявшеся,/ от богоборных смерть и поругание телес прияша/ и дерзновение ко Господу в молитве улучиша./ Сего ради к ним с любовию возопиим:/ о святии страстотерпцы,/ гласу покаяния и стенанию народа нашего вонмите,/ землю Российскую в любви к Православию утвердите,/ от междоусобныя брани сохраните,/ мир мирови у Бога испросите// и душам нашим велию милость.

Избраннии Царем царствующих и Господем господствующих/ от рода царей Российских,/ благовернии мученицы,/ муки душевныя и смерть телесную за Христа приимшии/ и венцы Небесными увенчавшиися,/ к вам, яко покровителем нашим милостивым,/ с любовию благодарне вопием:/ радуйтеся, царственнии страстотерпцы,// за Русь Святую пред Богом усерднии молитвенницы.

Царства земнаго лишение,/ узы и страдания многоразличныя/ кротко претерпел еси,/ свидетельствовав о Христе даже до смерти от богоборцев,/ страстотерпче великий Боговенчанный царю Николае,/ сего ради мученическим венцем на небесех,/ венча тя с царицею и чады и слуги твоими Христос Бог,/ Егоже моли помиловати страну Российскую/ и спасти души наша.

Надежда царя мученика/ с царицею и чады и слуги укрепи,/ и к Твоей любви окрыли, будущий им покой предвозвестивши,/ тех молитвами, Господи, помилуй нас.

Христову Церковь цевницею языка твоего,/ песнословя умильно, возвеселил еси,/ богословием же Препетыя Троицы/ славу всем сказал еси ясно,/ тем тя, яко тайноглагольника, поем,/ Андрее, пастырю Критский,/ и величаем память твою,/ Христа славяще дивнаго во святых Своих.

Правило веры и образ кротости,/ воздержания учителя/ яви тя стаду твоему,/ Яже вещей истина./ Сего ради стяжал еси смирением высокая,/ нищетою богатая,/ отче Андрее,/ моли Христа Бога/ спастися душам нашим.

Житием чистым и любовию, яже ко Пречистей Божией Матери,/ стяжала еси дар чадородия преславный,/ светильника миру, дивнаго Симеона,/ тем тя, Марфо,/ яко матерь, о чаде веселящуюся, песньми ублажаем.

Вострубив ясно Божественная сладкопения,/ явился еси светильник мира светлейший,/ светом сияя Троицы, Андрее преподобне./ Темже вси вопием ти:/ не престай моляся о всех нас.

Божественнаго света лучами облистаемый,/ преподобне Андрее,/ Христа познал еси, Божию Премудрость и Силу,/ и иконою Святыя Троицы всему миру проповедал еси/ Единство во Святей Троице,/ мы же со удивлением и радостию вопием ти:/ имеяй дерзновение ко Пресвятей Троице,// моли просветити души наша.

Плоды добродетелей на земли принесше,/ преподобнии отцы,/ в Небесных чертозех ныне благоухаете, яко райстии цвети,/ и лицем к лицу зрите Пресвятую Троицу,/ Юже дерзновенно молите/ спастися душам нашим.

От юности к Божественней красоте устремляяся,/ чудный иконописец в земли Российстей был еси,/ и богоносным твоим учителем поревновав,/ сиянием добродетелей украсился еси, преподобне Андрее,// темже и явися Церкве нашея похвала и радование.

Вас молим, преподобнии отцы наши,/ телом почивающий на земли,/ духом же Божию престолу предстоящий:/ молитеся о граде Москве/ и о всех, почитающих честную память вашу.

Яко благоверен и праведен,/ за любовь Христа Бога от своих смерть приял еси,/ кровь свою пролияв,/ якоже прежде сродницы твой и страстотерпцы Борис и Глеб,/ ихже кровем совопиет и твоя кровь, святе, к Богу,/ якоже Авеля и Захарии праведных,/ благоверный страстотерпче, великий княже Андрее,/ с нимиже Христа Бога моли о стране нашей, еже Богоугодней быти/ и сыновом российским спастися.

Еже во плоти житию твоему удивишася ангельстии чини:/ како с телом к невидимым сплетением изшел еси, преславне,/ и уязвил еси демонския полки./ Отонудуже, Андрее, Христос тебе воздаде богатыми дарованьми:/ сего ради, отче, моли спастися душам нашим.

В этот день: Русская Православная Церковь отмечает память святых:

Перенесение мощей святителя Филиппа, митрополита Московского и всея России, чудотворца (1652) Святитель Анатолий, Патриарх Константинопольский (458) Святитель Василий, епископ Рязанский (1295) Благоверные князья Василий и Константин Ярославские, братья (XIII) Преподобные Иоанн и Лонгин Яренгские (1544—1545) Блаженный Иоанн Московский, Христа ради юродивый, по прозванию Большой Колпак (1589) Преподобный Никодим, Кожеезерский чудотворец (1640) Священномученика Антония, архиепископа Архангельского Преподобных Анатолия Затворника (Дальние пещеры) Анатолия затворника (Ближние пещеры) Преподобного Александра, первоначальника обители Неусыпающих (ок. 430). Страдание святых мучеников Мокия и Марка (IV). Мчч. Диомида, Евлампия, Асклипиодота и мц. Голиндухи (II). Прп. Исайи отшельника, Египетского и Палестинского. Блжж. Михаила и Фомы, юродивых, Сольвычегодских. Свт. Германа, еп. Айсл-оф-Мэн, просветителя Пила, племянника св. Патрика (V) (Кельт. и Брит.). Мчч. Феодота и Феодоты (Греч.). Прпмч. Герасима Нового, Карпенисионского (Греч.). Св. Клаудиана, патр. Александрийского (167). Св. Анатолия, еп. Лаодикского и преемника св. Евсебия (III). Св. Симеона, третьего столпника Киликойского (VI). Св. Георгия богоносца Черногорского, учителя св. Георгия Афонского (X) (Груз.). Св. Василия, Новгородского (1352).

Молитвы Тропарь святителя Филиппа глас 8 Первопрестольников преемниче,/ столпе православия, истины поборниче,/ новый исповедниче, святителю Филиппе,/ положивый душу за паству твою,/ темже, яко имея дерзновение ко Христу,/ моли за Отечество наше, за град же и люди,// чтущия достойно святую память твою.

Чудо явися, извещением и делы возсияв,/ Духа Святаго произбранием святительства паству приим,/ откровением Божиим церковь разобра/ и величайшую воздвиже,/ всечестне Филиппе, святителю великий,/ мир граду даруй нашему Москве/ и велию милость.

Радостный возсия день светлаго торжества:/ днесь церковная расширяются недра,/ приемлюще духовных даров неоскудеемо боготворное сокровище,/ струю благодатей неисчерпаемую,/ источника чудесем обильна,/ чудотворивыя и священныя мощи твоя,/ святителю Филиппе./ Темже моли прославившаго тя Дародателя Христа Бога/ о воспевающих тя/ и кланяющихся священным мощем твоим.

Православия наставника и истины провозвестника,/ златоустаго ревнителя, Российскаго светильника,/ Филиппа премудраго восхвалим,/ пищею словес своих разумно чада своя питающа:/ той бо языком хваления пояше,/ устнама же пение вещаше,// яко таинник Божия благодати.

Во успении твоем обретоша на телеси твоем сокровище некрадомое:/ два креста и тяжчайшая железа, еже есть вериги,/ постом и молитвами Богу угодил еси, святителю Филиппе,/ моли Христа Бога о всех нас.

Яко солнце, днесь от земных недр возсияша/ честныя твоя мощи, святителю./ Землю же и воздух шествием твоим осветил еси/ и всех верных чудес богознаменьми облистал еси,/ чудотворец предивен и молитвенник к Богу о мире изящен явися./ Сего ради вопием ти:/ спасай нас теплым своим предстательством,/ яко ученик Божия благодати.

Мученик Твой, Господи, Иакинф/ во страдании своем венец прият нетленный от Тебе, Бога нашего:/ имеяй бо крепость Твою,/ мучителей низложи,/ сокруши и демонов немощный дерзости;/ того молитвами/ спаси души наша.

Древо жизни посреде души своей,/ веру Твою, Христе, стяжавый Твой мученик,/ едемскаго рая честнейший бысть,/ древо прелести змиевы погубив дерзновенно духом,/ венчася славою Твоею, Многомилостиве.

Преблаженнии и Богоноснии отцы наши, Анатолие и Анатолие Затворниче,/ яко стяжавшии дерзновение ко Господу/ равноангельным своим житием,/ егоже ради обогати Христос нетлением и чудесы мощи ваша,/ молим вас прилежно:/ испросите душам нашим очищение/ и велию и богатую милость.

Богатство благодати и сыноположения/ стяжавте многими подвиги и добродетельми,/ ихже ради Христос всели души ваша в Небесная селения Своя,/ даровав благодать нетления и чудес мощем вашим,/ к нимже притекающе, вопием:/ радуйтеся, Анатолие и Анатолие Затворниче,/ ликов иночествующих похвало и украшение.

Первее в Муроме святительством почтен был еси,/ из негоже неправедно изгоняемь,/ на мантию, яко на легкий корабль, возшел еси,/ на немже паче естества, яко безплотен,/ по водам шествие творя,/ промышлением Вышняго и заступлением Богоматере управляемъ/ богоспасаемого града Рязани достигл еси /и в нем, архиерейства престол восприим,/ богоданную паству рязанскую добре упасл еси,/ святителю отче наш Василие,/ моли Христа Бога спастися душам нашим.

Яко многосветлая звезда, от града Мурома возсиял еси,/ святителю Василие,/ по водам же дошед до града нашего Рязани,/ Церковь Божию добре упасл еси,/ просвещая люди учением и житием твоим./ Поминай и ныне чада твоя, молим тя,/ наставниче наш добрый,/ и за ны Христу Богу и Пречистей Его Матери молися,/ да благодарною душею зовем ти:/ радуйся, угодниче Христов и теплый к Богу о нас молитвенниче.

Иже Христа ради, волею оставив свое отечество — град Вологду/ и вся красная мира сего возненавидев,/ желанием духовным вселился еси во град Ростов/ и, яко в пустыни скитался в нем,/ гладом, и жаждею и безмерною тяготою плоть свою изнуряя,/ и работая Господеви день и нощь,/ в посте и молитве пребывая в притворе церковнем,/ власы же главы своей пеплом и смолою удручая,/ и, ревнуя Василию блаженному,/ пришел еси в царствующий град Москву/ и в целомудрии и терпении течение добре скончав,/ преселился еси к вечным обителем,/ чудес лучи испущая,/ преблаженне Иоанне, отче наш,/ моли Христа Бога спастися душам нашим.

Иже Христа ради наложивый на себя мудростию юродство,/ образом буйства зрим от человек,/ умныма же крылома горе возлетая,/ все тело свое веригами обязал,/ яко злато многоценное, соблюдеся в народе,/ очистив ум от страстей,/ веселием духовным прешел еси море мятежнаго сего жития,/ обрете светлость жизни вечныя,/ молим тя, блаженне Иоанне,/ молися прилежно Христу Богу нашему/ сохранитися нам от всякаго навета/ и злых обстояний видимых и невидимых враг, да зовем ти:/ радуйся, многострадально, яко да молитвами твоими направляеми,/ предстоя присно с нами,/ в Троице славимому Богу поем Ему: аллилуйя.

В этот день: Русская Православная Церковь отмечает память святых:

Святителя Фотия, митр. Киевского (1431). Свтятителя Иувеналия, патриарха Иерусалимского (ок. 458). Празднование в честь ризы Богородицы (Груз.). Святителя Иувеналия, первомч. Американского и Аляскинского. Собор Тверских святых Блгв. короля Стефана Великого, Молдавского (1504) (Рум.). Св. Монегунды Шартрской (Галл.). Новомч. Лампа Маркинского (1835) (Греч.). Обретение мощей новосщмч. священника Сергия Флоринского Ракверского в Эстонии (1918). Св. Оудосея еп. Ландафского. Св. Свифуна еп. Винчестерского. Пожайской иконы Божией Матери Феодотьевской иконы Божий Матери Ахтырской икоын Божией Матери.

Молитвы: Тропарь Положения честной ризы Пресвятой Богородицы глас 8 Богородице Приснодево, человеков покрове,/ ризу и пояс пречистаго Твоего телесе/ державное граду Твоему обложение даровала еси,/ безсеменным рождеством Твоим нетленна пребывающи,/ о Тебе бо и естество обновляется и время./ Темже молим Тя мир граду Твоему даровати// и душам нашим велию милость.

Одеяние всем верным нетления, Богоблагодатная Чистая,/ даровала еси, священную ризу Твою,/ еюже священное тело Твое прикрывала еси,/ покрове всех человеков,/ еяже положение празднуем любовию/ и вопием со страхом Ти, Чистая:// радуйся, Дево, христиан похвало.

Брата Божия на престоле архиерейства преемниче,/ святаго града Иерусалима иерарше достохвальне,/ с богомудрыми отцы в Халкидоне изъяснил еси воплощение Сына Божия,/ пришедшаго мир обновити и обожити вся человеки,/ в Церкви Его с Ним сочетавшаяся,/ святителю отче Иувеналие,/ предстоя ныне во Царствии Отца светов,/ о почитающих тя любовию молися,/ да мир и милость Спасова будет с нами.

Словес евангельских послушателю/ и Божественных учений рачителю,/ премудрый наказателю,/ всегда страху Господню поучаяйся,/ в молитвах к Богу простираяйся,/ заградителю уст кривоглаголющим слово правыя веры,/ апостолом сопричастниче,/ вере Христовой утвердителю,/ пророчески вещателю, святителю Фотие,/ моли Христа Бога/ умирити мир и спасти души наша.

Троице сосуд явися честный твоим житием,/ святителю Фотие, всегда зрящий Святую Троицу,/ Ейже предстоиши, молися непрестанно о всех нас.

Преблагословенная Дево, Богородительнице Чистая,/ у Креста Сына Твоего и Бога нашего предстоящи,/ скорбь велию претерпела еси/ и благодать от Него прияла еси сущия в скорбех утешати./ Темже на пречистый образ Твой благоговейно взирающе/ и изображенную Тя на нем пред Крестом Спаса нашего видяще,/ умиленно к Тебе вопием:/ Заступнице усердная, благая и милостивая!/ Ускори избавити ны от всякия скорби, нужды и болезни/ и спаси души наша,/ да Тя со благодарением славим во веки.

Притецем, вернии, к благодатному милостей и щедрот источнику — / чудотворному Пречистыя Девы образу:/ сей бо нам свыше даровася,/ душам и телесем во спасение,/ емуже покланяющеся с любовию, возопием к Богородице:/ о Всепетая Мати, о Царице Всемилостивая,/ покрый и соблюди нас от всякаго зла/ Твоим к Богу матерним предстательством.

Pages: 1 2 3

В этот день: Русская Православная Церковь отмечает память святых:

Мученика Потита (II). Преподобного Петра патрикия, Константинопольского (854). Праведной Ангелины, деспотиссы Сербской (XVI). Преподобного Никодима Святогорца (1809). Перенес. мощей прп. Иоанна Рыльского из Тырново в Рыльск (Болг.). Сщмч. Алексия диакона (1942). Свв. Иулия и Аарона, первомчч. Уэльсских (304) (Кельт. и Брит.). Св. Сервана, апостола Зап. Файфа, в Восточной Шотландии (VI)(Кельт. и Брит.). Свт. Леонтия Радаутского, Румынского (Рум.). Свт. Галла, еп. Клермонтского и прп. Епархия затворника (Галл.). 25 мчч. Никомидийских (Греч.). Прп. Василия, основателя монастыря «Глубокого потока» (Греч.). Мч. Константина и иже с ним мчч., Кипрских (Греч.). Св. Лео пустынника (Греч.). Св. Серфа еп. Кинросского. Св. Епархия отшельника Гальского (581). Священномученика Аркадия пресвитера (1918).

Тропарь бессребреников глас 8 Святии безсребреницы и чудотворцы Космо и Дамиане,/ посетите немощи наша:// туне приясте, туне дадите нам.

Благодать приимше исцелений,/ простираете здравие сущим в нуждах, врачеве,/ чудотворцы преславнии,/ но вашим посещением ратников дерзости низложите,// мир исцеляюще чудесы.

В тебе, мати, известно спасеся, еже по образу,/ приимши бо крест, последовала еси Христу/ и, деющи, учила еси презирати убо плоть, преходит бо,/ прилежати же о души, вещи безсмертней./ Темже и со Ангелы срадуется, преподобная Ангелино, дух твой.

Вышняго живота желающи сподобитися,/ нижнюю пищу тщательно оставила еси,/ и богатство твое расточила еси нищим,/ и Небесное богатство прияла еси,/ и по смерти нас освящавши,/ и чудеса твоя, всехвальная Ангелино, источаеши./ Темже твое успение святое почитаем, взывающе:/ радуйся, мати прехвальная.

В этот день: Русская Православная Церковь отмечает память святых:

Преподобного Петра, царевича Ордынского (Ростовского) (1290). Прославление свт. Софрония, еп. Иркутского (1918). Перенесение мощей блгв. царя вмч.Стефана Уроша III, Сербского (1338). Сщмч. Тимофея пресвитера (1918). Прмч. Феогена (1939) Новосщмч. Милана Поповица Рманского в Сербии (1940). Мч. Иоанна (1944). Св. блгв. кн. Андрея Боголюбского. Новомч. Михаила Афинского (1770) (Греч.). Свт. Геласия Римецкого. Мч. Петра Синопского (Греч.). Мч. Мелетона (Греч.). Мч. Василида, воина Александрийского (202). Св. царицы Динар Эретской (X) (Груз.). Св. Стефана Омского (1876). Св. Мартиала еп. Ломогесского (III). Балыкинской иконы Божий Матери(1711) Горбаневской иконы Божией Матери.

Собор славных и всехвальных 12-ти апостолов. Тропарь глас 4 Апостолов первопрестольницы/ и вселенныя учителие,/ Владыку всех молите/ мир вселенней даровати/ и душам нашим велию милость.

Камень Христос каменя веры прославляет светло,/ учеников преизрядна,/ и с Павлом весь дванадесяточисленный собор днесь,/ ихже память совершающе верно,// сих Прославльшаго прославляем.

Петра, вернии, каменя веры, похвалим/ и Павла Богомудраго,/ созывают бо всех праздновати верою,/ соборне вкупе вся дванадесяте, яко проповедники вере,/ просяща грехов оставления.

Отечества своего, блаженне Петре, удалився,/ и богомерзкую веру отнюд возненавидев,/ от тьмы во свет пришел еси/ и вселился еси во славный и многонародный град Ростов,/ в немже житие честно пожив,/ церковь во имя святых апостол Петра и Павла воздвигл еси Христовою благодатию,/ и сию чудными иконами, яко невесту, украсив,/ святителя же, и князя, и вся люди житием своим удивил еси,/ темже и по смерти твоей Христос даром чудес обогати тя./ Поминай нас, чтущих пресветлую память твою, преподобне отче Петре,/ и моли Христа Бога спастися душам нашим.

Явися велие солнце Христовой Церкви,/ просвещая учения светлостьми, всечестне,/ яко черпалом златым,/ от кладязя неископаннаго чудес почерпл еси,/ от источника неистощимаго,/ на память успения твоего пришедшим, всеблаженне Петре,/ ныне всем подававши грехов прощение, славо преподобным.

От юности Христа возлюбил еси, блаженне Софроние,/ добре управил еси иноческия обители/ и, архиерейства саном почтен быв,/ упасл еси Иркутскую паству,/ темже и по преставлении дарования чудес от Бога приял еси/ и молиши Христа Бога/ избавити нас от бед и спасти души наша.

Соименнаго мудрости иерарха,/ изрядное Церкве Иркутския украшение,/ отца нашего святителя Софрония любовию восхвалим, вси вернии,/ той бо есть хранитель града и страны сея/ и молитвенник о душах наших.

Окончание Петровского поста. В этот день: Русская Православная Церковь отмечает память святых: Первоверховного апостола Петра Первоверховного апостола Павла Касперовской иконы Божией Матери (1853—1855). Преподобного Петра, царевича Ордынского. Святителя Григория, митр. Ираклийского и Редестосского (Конст.). Обрет. мощей прп. Никандра Псковского. Св. Марии, матери Иоанна-Марка, племянника Апостота Варнавы в Иерусалиме (I). Мученицы Евфимии. Афимьи стожарницы.

Молитвы:

Апостолов первопрестольницы,/ и вселенныя учителие,/ Владыку всех молите/ мир вселенней даровати/ и душам нашим велию милость.

Твердый и Боговещанныя проповедатели,/ верх апостолов Твоих, Господи,/ приял еси в наслаждение благих Твоих и покой:/ болезни бо онех и смерть приял еси паче всякаго всеплодия,/ Едине, сведый сердечная.