Проповеди
В этот день:
Русская Православная Церковь отмечает память святых:
Преподобномученицу Анастасиию Римляныну (III).
Мучеников Клавдия, Астерия, Неона и Феониллы (285).
Преподобного Аврамия затворника и блж. Марии, племянницы его (ок. 360).
Преподобной Ермилиндисы, пустынницы (592) (Нидерл.).
Преподобного Аврамия, архим. Ростовского (1073—1077).
Преподобного Аврамия, затворника Печерского (XIII)
Святого Колмана, игумена и епископа Килмакдуахского (623)
Прп. Анны Константинопольской (826).
Св. Серапиона Зарзмского (900) (Груз.).
Преподобного Тимофея Есфигменского (1820)(Греч.).
Сщмч. Николая пресвитера и с ним. мчч. Космы, Виктора, Наума, Филиппа, Иоанна, Павла, Андрея, Павла, Василия, Алексия, Иоанна и мц. Агафии (1918).
Мц. Анастасии (после 1937).
Сщмч. Иоанна пресвитера (1930).
Сщмч. Евгения пресвитера (1937).
Сщмч. Леонида пресвитера (1941).

Храни вас Господь, Матерь Божия и все святые, их же память мы сегодня отмечаем!

Молитва:
Прмц. Анастасии Римляныни. Тропарь, глас 4.
Агница Твоя, Иисусе, Анастасия,/ зовёт велиим гласом:/ Тебе, Женише мой, люблю/ и, Тебе ищущи, страдальчествую, / и сраспинаюся, и спогребаюся Крещению Твоему,/ и стражду Тебе ради, яко да царствую в Тебе, / и умираю за Тя, да и живу с Тобою;/ но, яко жертву непорочную, приими мя с любовию, пожершуюся Тебе./ Тоя молитвами/ яко Милостив спаси души наша.

Кондак преподобномученицы Анастасии Римляныни глас 3
Девства водами очищенна, преподобная,/ мученичества кровьми, Анастасие, венчавшися,/ подаеши сущим в нуждах недугов исцеление и спасение,/ приступающим от сердца,/ крепость бо тебе подает Христос,// источая благодать приснотекущую.

Прп. Аврамия. Тропарь, глас 8.
В тебе, отче, известно спасеся еже по образу:/ приим бо крест, последовал еси Христу/ и, дея, учил еси презирати убо плоть, преходит бо,/ прилежати же о души, вещи безсмертней./ Темже и со Ангелы срадуется, преподобие Авраамие, дух твой.

Кондак Авраамия, глас 3.
Во плоти, яко Ангел, на земли явился еси,/ и лощением был еси, яко древо насажденное, / водою воздержания добре возрастився/, и теченьми твоих слез скверну омыв:/ сего ради явился еси приятелище Божественное, Авра-амие, Духа.

Прп. Аврамия, архим. Ростовского. Тропарь, глас 1.
Просветився Божественною благодатию, / неверныя люди наставил еси к свету Богоразумия: / и по смерти сияя светлостию жития твоего, / источаеши исцеления притекающим с верою к тебе, / Авраамие отче наш, / Христа Бога моли даровати нам велию милость.

Прп. Аврамия, архим. Ростовского. Кондак, глас 2.
Иго Христово прием, Авраамие, / и Того крест на рамо взем,/ последовал еси Ему,/ насажден быв в дому Господни / и процвел еси, яко финике и яко кедр, иже в Ливане,/ умножил еси чада твоя, муж желаний духовных:/ от возлюбленнаго же апостола Иоанна Богослова благодать восприим,/ жезлом сокрушил еси идола/ и рассыпал еси его, яко прах,/ и чудотворец убо велий явился еси, преподобие./ Темже Христа Бога моли/ непрестанно о всех нас.

Прп. Аврамия, затворника Печерского. Тропарь, глас 2.
Велия веры исправления, / в пещернем затворе, яко на воде упокоения, / преподобне отче Авраамие, радовался еси, / огнем бо любве Божественным распалаемь, / бдением и молитвою безстрастия достигл еси / и явился еси равноангельный на земли, / того молитвами, Христе Боже, спаси души наша.

Прп. Аврамия Затворника, Печерского. Кондак, глас 3.
Во плоти яко Ангел на земли явился еси,/ и пощением, яко древо насажденное при водах воздержания, добре возрос еси,/ теченьми же твоих слез скверну омыв, Авраамие,/ явился еси селение Божественное Святаго Духа.

Pages: 1 2 3

Проповеди
В этот день:
Русская Православная Церковь отмечает память святых:
Мучеников Терентия и Неониллы и чад их: Сарвила, Фота, Феодула, Иеракса, Нита, Вила и Евникии (249-250).
Мученицы Параскевы, нареченной Пятница (III).
Священномученика Кириака, патриарха Иерусалимского (363).
Преподобного Иоанна Хозевита, еп. Кесарийского (VI).
Святого равноапостольного Ростислава Великоморавского, князя (870)
Святителя Арсения I, архиеп. Сербского (1266).
Преподобного Иова, игумена Почаевского (1651).
Святителя Димитрия, митр. Ростовского (1709).
Преподобного Нестора некнижного, Печерского, в Дальних пещерах (XIV).
Преподобного Арсения Каппадокийского (1924)
Мученика Терентия Петрийского, Африканского, Карфагенского (251)
Прп. Стефана Савваита, творца канонов
Сщмч. Неофита, еп. Урбнисского (VI) (Груз.).
Св. Феофила Киевского, Христа ради юродивого (1853).
Священномученика Иоанна пресвитера (1918).

Храни вас Господь, Матерь Божия и все святые, их же память мы сегодня отмечаем!

Молитвы:

Тропарь святителя Димитрия глас 8
Православия ревнителю и раскола искоренителю,/ Российский целебниче и новый к Богу молитвенниче,/ списаньми твоими буих уцеломудрил еси,/ цевнице духовная, Димитрие блаженне,// моли Христа Бога спастися душам нашим.

Тропарь святителям Ростовским глас 4
Святителие премудрии,/ паствы вашея учителие богопросвещеннии,/ веру евангельскую в людех преумножившия,/ любве Небесныя на земли достоподражательнии образи,/ люди страны Ростовския и Ярославския приобщавшии спасению,/ служителие воистинну Божий/ и сопричастницы апостолов достойнии явилися есте,/ Леонтие священномучениче, Исаие, Игнатие, Иакове, Феодоре/ и златословесниче Российский Димитрие,/ Христа Бога молите/ о архиереех, на престоле вашем преемницех,/ о людех, благочестно вас почитающих,/ о стране нашей православной/ и о всей Христовой Церкви.

Кондак святителя Димитрия глас 4
Звезду Российскую, от Киева возсиявшую,/ и чрез Новград Северский в Ростов достигшую,/ всю же страну сию ученьми и чудесы озарившую,/ ублажим златословеснаго учителя Димитрия:/ той бо всем вся написа, яже к наставлению,/ да всех приобрящет, якоже Павел, Христу// и спасет правоверием души наша.

Тропарь преподобного Иова игумена Почаевского глас 4
Многострадальнаго праотца долготерпение стяжав,/ Крестителеву воздержанию уподобляяся,/ Божественныя же ревности обою приобщаяся,/ тех имена достойно прияти сподобился еси/ и истинныя веры был еси проповедник безбоязнен;/ темже монахов множества ко Христу привел еси,/ и вся люди в Православии утвердил еси,/ Иове преподобне отче наш,/ моли спастися душам нашим.

Кондак преподобного Иова игумена Почаевского глас 4
Явился еси Истинныя веры столп,/ Евангельских же заповедей ревнитель,/ гордыни обличение, смиренным же предстатель и научение:/ темже и ублажающим тя грехов отпущение испроси/ и обитель твою невредиму сохрани,/ Иове отче наш,/ Многострадальному подобный.

Тропарь святителя Арсения, архиепископа Сербского глас 8
Милости наставниче и благоутробия сокровище,/ еже всем отверзл еси,/ правоверия учителю и архиереев Божественное удобрение,/ отче наш, иерарше Арсение,/ нищих был еси заступник:/ тем моли Христа Бога,/ просветити души наша, да не когда уснем в смерть.

Кондак святителя Арсения, архиепископа Сербского глас 2
В пищи словес твоих, Богоносе Арсение,/ разумно чада твоя питая,/ языком хваля, устнами же пение принося, вещанием зовый:/ Христе, Ты еси Свет неизреченный.

Тропарь великомученицы Параскевы Пятницы глас 4
Премудрая и всехвальная Христова мученица Параскева,/ мужескую крепость приимши,/ женскую же немощь отвергши,/ диавола победи и мучителя посрами,/ вопиющи и глаголющи:/ приидите, тело мое мечем ссецыте и огнем сожгите,/ аз бо, радующися, иду ко Христу, Жениху моему./ Тоя молитвами, Христе Боже,/ спаси души наша.

Ин тропарь святой великомученицы Параскевы
глас 8
Иже веруя и мужеством душевным, тезоименитне,/ диавола посрамила еси/ и мучительское прещение и раны доблественне победила еси,/ мученице Параскево, вопия:/ мечем сосецайте и огнем сожизайте тело мое,/ яко да, радуюся, прииду Жениху моему Христу Богу./ Егоже моли спастися душам нашим.

Кондак великомученицы Параскевы Пятницы глас 3
Всесвятое и непорочное мучение принесши,/ яко вено пречестное, безсмертному Жениху Христу,/ Ангельское ликостояние возвеселила еси/ и победила еси демонския козни./ Сего ради тя честно верою чтим,/ мученице Параскево многострадальная.

Тропарь мучеников Терентия и Неонилы и чад их глас 4
Мученицы Твои, Господи,/ во страданиих своих венцы прияша нетленныя от Тебе, Бога нашего:/ имуще бо крепость Твою,/ мучителей низложиша,/ сокрушиша и демонов немощныя дерзости,/ тех молитвами// спаси души наша.

Кондак мучеников Терентия и Неонилы и чад их глас 4
Мученическая честная память прииде днесь,/ веселящи всяческая,/ Терентия премудраго и подружии его,/ тепле убо стецемся,/ да приимем исцеление,/ сии бо благодать приемше от Духа Святаго// исцеляти недуги и болезни душ наших.

Pages: 1 2 3

Проповеди
В этот день:
Русская Православная Церковь отмечает память святых:
Мучениц Капитолины и Еротииды (304).
Мученика Нестора Солунского (ок. 306).
Прп. Нестора Летописца, Печерского, в Ближних пещерах (ок. 1114).
Обретение мощей блгв. кн. Андрея Смоленского в Переславле-Залесском (1539).
Мученика Марка и иже с ним.
Преподобного Димитрия Басарбовского в Болгарии (XII-XIII).
Праведной Проклы, жены Пилата. (I) (Греч.)
Преподобномученика Сергия Чернухина, игумена (1942)

Храни вас Господь, Матерь Божия и все святые, их же память мы сегодня отмечаем!

Молитвы:

Тропарь мученика Нестора глас 4
Мученик Твой, Господи, Нестор/ во страдании своем венец прият нетленный от Тебе, Бога нашего,/ имеяй бо крепость Твою,/ мучителей низложи,/ сокруши и демонов немощныя дерзости:/ того молитвами// спаси души наша.

Кондак мученика Нестора глас 2
Страдальчествовав добре,/ безсмертную славу наследовал еси ныне,/ яко воин изрядный Владыки был еси,/ молитвами Димитрия мученика:/ с ним убо, Несторе мудре,// моля не престай о всех нас.

Ин кондак мученика Нестора Солунского глас 4
Благочестия непобедимаго воина/ и истине согласника и оружника/ вси по достоянию восхвалим Нестора великаго днесь/ и к нему возопием:/ моли Христа Бога о всех нас.

Тропарь благоверного князя Андрея Смоленского глас 8
Блаженство Евангельское возлюбив,/ Богомудре княже Андрее,/ чистоту сердца девством почтил еси/ и, суету мира сего презрев,/ устремился еси зрети Бога,/ Иже тя прослави чудесы/ во врачевании различие страждущих./ Сего ради молим тя:/ проси нам у Христа Господа/ всяких скорбей избавления/ и получение Царства Небеснаго.

Ин тропарь благоверного князя Андрея Смоленского глас 2
Град твой Смоленск яко чужд имея,/ водворился еси во граде Переяславле,/ и в дому святителя Николая/ жестоким житием временную жизнь совершив,/ востекл еси в Горняя предстояти Христу,/ Егоже моли о творящих память твою,/ да вси вопием ти:/ радуйся, святе княже Андрее,/ Ангелом собеседниче и человеком помощниче.

Ин тропарь благоверного князя Андрея Смоленского глас 4
Возвысився на добродетель/ и, очистив ум свой, к желанию прекрасному достигл еси,/ безстрастием украсився своим лощением изрядно,/ в молитвах безплотно вознесеся/ и возсия в мире, яко солнце, во граде Переяславле,/ отче преблаженне, святе княже Андрее Смоленский,/ моли спастися душам нашим.

Кондак благоверного князя Андрея Смоленского глас 8
Насажден во дворех Господних,/ своими преподобными детельми/ в дому святаго Чудотворца Николая/ красно процвел еси,/ мира красоту и славу сего света ни во что вменив,/ Единаго Христа возлюбил еси;/ слез твоих течением напаяем,/ уязвился еси желанием будущих даров./ Темже зовем ти:/ радуйся, святе княже Андрее Смоленский,/ граду Переяславлю похвало/ и всей Российстей земли великое утверждение.
Тропарь преподобного Нестора Летописца, Печерского, в Ближних пещерах глас 4
Великих князей русских деяния/ и преподобных отец Печерских жития и чудеса написавый,/ свое же, Богомудре Несторе, многих ти ради добродетелей имя/ написано на небеси стяжавый, моли и нам написатися в Книги Животныя.

Ин тропарь преподобного Нестора Летописца, Печерского, в Ближних пещерах глас 4
Времена и лета достопамятных деяний,/ подвиги и труды Богоносных отец,/ Несторе премудре, написуя,/ любовию возгорелся еси последовати стопам первоначальных,/ с нимиже не престай молитися Христу Богу,/ спастися душам нашим.

Кондак преподобного Нестора Летописца, Печерского, в Ближних пещерах глас 2
Яко сый Богоноснаго Феодосия ученик/ и истинный жития того подражатель,/ первый честных его мощей самовидец быти сподобился еси,/ яже с прочиими святолепно пренес,/ наследил еси с темиже Царство Небесное,/ еже получити и нам, чтущим тя, Господеви молися.

Pages: 1 2 3

Проповеди
В этот день:
Русская Православная Церковь отмечает память святых:
Великомученика Димитрия Солунского (ок. 306).
Мученика Луппа (ок. 306).
Святителя Кедда Ластингемского, епископа (664)
Святителя Эты, еп. Хексхэмского и игумена Ландисфарнского (686) (Кельт. и Брит.).
Прп. Афанасия Мидикийского (ок. 814).
Преподобного Феофила Печерского, архиеп. Новгородского, в Дальних пещерах (1482).
Преподобного Димитрия (ХIV).
Прп. Димитрия Басарбовского, Болгарского (1685).
Святитель Антоний, епископ Вологодский
Св. Александра Окропиридзе еп. Гурииско-Мингрельского (1907) (Груз.).
Священномученика Константина Подгорского, протоиерея (1918)

Храни вас Господь, Матерь Божия и все святые, их же память мы сегодня отмечаем!

Молитвы:

Вмч. Димитрия Солунского. Тропарь, глас 3.
Велика обрете в бедах/ тя поборника вселенная, страстотерпче,/ языки побеждающа./ Якоже убо Лиеву низложил еси гордыню,/ и на подвиг дерзновенна сотворив Нестора,/ тако, святе Димитрие,/ Христу Богу молися/ даровати нам велию милость.

Кондак великомученика Димитрия Солунского, глас 2.
Кровей твоих струями, Димитрие,/ Церковь Бог обагри,/ давый тебе крепость непобедимую/ и соблюдая град твой невредим;/ того бо еси утверждение.

Прп. Феофила Печерского, архиеп. Новгородского, в Дальних пещерах. Тропарь, глас 4.
Правило веры, и образ кротости, / и воздержания известный учитель Христову стаду воистину был еси, / уча е выну смирению, / . не мудрствовати еже высокая, / сего ради стяжал, яже желаше, / отче святителю Феофиле, / моли Христа Бога спастися душам нашим.

Прп. Феофила Печерского, архиеп. Новгородского, в Дальних пещерах Кондак, глас 4.
Яко воистинну по имени своему ты,/ Боголюбезне святителю Феофиле и преподобие, соблюдши,/ явися тебе Христос Спас,/ обещая ти Живот и Царствие Свое,/ в немже, днесь ликуя, не забуди нас, рабов твоих.

Свт. Антония, еп. Вологодского. Тропарь, глас 4.
Иже от юности, Богомудре, возследуя Христу, / во бдениих и в пощениих пребывая, / и паству, от Бога дарованную ти, добре пасый, / и учений Божественных исполняя, и в жизненный путь наставляя: / отнюду же и архиерейства саном почтеся, / Церковь и люди возвеселил еси; / и по преставлении своем чудес лучи испущаеши, / недугом с верою приходящим к тебе исцеление подая, / и слепу младенцу свет дарова, / угодниче Христов, святителю Антоние, / предстоя Престолу Христову с лики Ангельскими, / с нимиже моли Его о нас, притекающих к тебе / получити от него оставление грехов и велию милость.

Свт. Антония, еп. Вологодского. Кондак, глас 8.
Возвеселися Христова Честная Церковь,/ приимши тя в недра своя пастыря и учителя;/ мы же, вернии людие, прославляем Подавшаго ти благость неоскудну,/ яже твориши преславная чудеса./ Тем, святителю, не престай моля Христа, Емуже угодил еси,/ о нас хвалящих и чтущих тя, к тебе притекающих,/ подати милость зде и в день Судный, да зовем ти:/ радуйся, святителю Антоние, граду нашему похвала и утверждение.

Pages: 1 2 3

Проповеди
В этот день:
Русская Православная Церковь отмечает память святых:
Праведной Тавифы (I).
Мученика Анастасия (III).
Мучеников Криспина и Криспиана Суассонских (286).
Мучеников Маркиана и Мартирия, нотариев Константинопольских (ок. 355).
Преподобного Мартирия диакона, Печерского в Дальних пещерах
Преподобного Мартирия затворника, Печерского в Дальних пещерах (XIII—XIV)
Преподобной Матроны (Власовой) инокини, исп. (1963).
Мученика Миниата Флорентийского (251).
Свт. Фронта, еп. Периго (II) (Кельт. и Брит.).

Храни вас Господь, Матерь Божия и все святые, их же память мы сегодня отмечаем!

Молитвы:

Тропарь мучеников Маркиана и Мартирия глас 1

Мученик двоица единонравная,/ Маркиан с Мартирием славным,/ Ариево нечестие разрушиша/ и Соприсносущна Сына Отцу и Духови веровати научиша,/ Павлу повинующеся, истинных повелений учителю,/ темже мечем убиени, умроша,/ и присно со Христом живуще,// о нас Того молят спасти души наша.

Кондак мучеников Маркиана и Мартирия глас 4

Подвигшеся добре от младенства,/ Маркиане с мудрым Мартирием,/ отступника Ария низложисте,/ невредно сохраньше Православную веру,/ Павлу последующе, мудрому учителю,/ темже с ним обретосте живот,// яко Троицы поборницы изряднейшии.

Тропарь преподобного Мартирия, диакона Печерского, в Дальних пещерах глас 1

Служивый в чину диаконства Господеви добре,/ честный иеродиаконе Мартирие,/ и тамо яко слуга Господень обретыйся,/ идеже и Господь твой,/ молися Ему и о нас,/ да подаст нам велию милость.

Кондак преподобного Мартирия, диакона Печерского, в Дальних пещерах глас 2

Диаконе честный, иночествующим похвало/ и преподобным сопричастниче всеблаженне Мартирие,/ молися Господеви непрестанно о всех нас.

Тропарь праведной Тавифы глас 4

Днесь вера Христова утверждается камнем веры,/ и ликовствует в веселии Иоппия,/ псаломски славословят Жизнодавца Сына Божия вернии,/ видяще совершаемо велие чудо:/ первоверховный апостол глаголет,/ и умершая востает от гроба,/ юже Низложитель смерти дарует Церкви,/ да украшаются во образ ея добродетельми люди./ Приидите убо, христиане,/ принесем ко святей моления наша:/ блаженная Тавифо и милосердная,/ вознеси наша воздыхания Пресвятей Троице/ и молися со дерзновением,/ да сынове Света Превечнаго будем,/ да сподобимся Божия милости,/ да пребываем в любви Божественней,/ и да царствует мир во вселенней.

Кондак праведной Тавифы глас 4

Ужасахуся Иоппийстии людие, и дивляхуся Ангели Божии,/ егда исцеливый Еннея воззва от мертвых серну нарицаемую, милосердием преукрашенную,/ о нейже к нему взываху вдовицы неимущыя./ И ныне, Тавифо блаженная, услыши молитвы наша, к тебе приносимыя,/ и испроси у всяческих благ Подателя милости и щедроты верным Его,/ да, блажаще тя, вопием ти:/ радуйся, добродетели нас научающая.

Pages: 1 2 3

Проповедь
В этот день:
Русская Православная Церковь отмечает память святых:
Апостола Иакова, брата Господня по плоти (ок. 63).
Святителя Северина Кёльского, епископа (397)
Свт. Игнатия, патриарха Константинопольского (877-878).
Преподобного Елисея Лавришевского (ок. 1250).
Блж. Иакова Боровичского, Новгородского чудотворца (перенесение мощей ) (ок. 1540).
Праведной Оды Амейской. (634)
Священномученика Николая Архангельского (1937)
Священномученика Владимира Амбарцумова
Священномученика Александра Соловьёва, иерея (1937)
Священномученика Николая Агафонникова, протоиерея (1937)
Священномученика Емилиана Гончарова, иерея (1937)
Священномученика Созонта Решетилова, иерея (1937).
Преподобномученицы Евфросинии Тимофеевой (1942).

Храни вас Господь, Матерь Божия и все святые, их же память мы сегодня отмечаем!

Молитвы:

Апостола Иакова, брата Господня по плоти. Тропарь, глас 2.
Яко Господень ученик восприял еси, праведне, Евангелие, / яко мученик имаши еже неописанное, / дерзновение яко брат Божий, / еже молитися яко иерарх: / моли Христа Бога спастися душам нашим.

Апостола Иакова, брата Господня по плоти. Кондак, глас 4.
Отчее Единородное Бог Слово,/ пришедшее к нам в последний дни,/ Иакове Божественне,/ перваго тя показа Иерусалимлян пастыря и учителя,/ и вернаго строителя таинств духовных:/ темнее тя вси чтим, апостоле.

Блж. Иакова Боровичского. Тропарь, глас 1.
Божественною благодатию просветився,/ и по смерти даруеши исцеление/ притекающим к тебе, премудре Иакове:/ темже и мы ныне чтим честных мощей твоих пренесение,/ веселяще вкупе души и телеса./ Тем вси вопием:/ Слава Давшему ти крепость!/ Слава Венчавшему тя!/ Слава Действующему тобою всем исцеления!

Блж. Иакова Боровичского. Кондак, глас 8.
Верою и любовию/ твое честное пренесение празднующих, блаженне,/ сохрани и соблюди от всякия злобы и соблазна змиина,/ имаши бо дерзновение ко Владыце всех, Христу Богу./ Егоже моли спасти православный люди,/ молящия тя, да вси вопием ти:/ радуйся, отче Иакове,/ всея Российския земли удобрение.

Прп. Елисея Лавришевского и свт. Лаврентия, затворника Печерского, еп. Туровского в Ближних пещерах. Тропарь, глас 3.
Преподобне отче наш Елиссее, / с Лаврентием чудным подвизался еси, учителю своему подражая, / земную славу и честь стопам Христа повергли есте, / темже Господь увенча вас / нетленным венцем славы Своея.

Pages: 1 2 3

Проповеди
В этот день:
Русская Православная Церковь отмечает память святых:
Празднование Казанской иконе Божией Матери
Равноапостольного Аверкия, еп. Иерапольского, чудотворца (ок. 167).
Семи отроков, иже во Ефесе: Максимилиана, Иамвлиха, Мартиниана, Дионисия, Антонина, Константина (Ексакустодиана) и Иоанна ( ок. 250, 408-450).
Мучеников Александра еп., Ираклия воина и жен: Анны, Елисаветы, Феодотии и Гликерии (II-III).
Преподобного Лота Египетского. (V)
Священномученика Серафима, архиеп. Угличского (1937)
Преподобномученика Мины, архиеп. Рязанского (1937).
Священномученика Александра Андреева, прот. (1937)
Священномученика Германа (Полянского) архим., (1937)
Священномученика Владимира Соболева, иерея (1937)
Священномученика Василия Богоявленского, иерея (1937)
Священномученика Александра Лебедева, иерея (1937)
Сщмч. Николая Богоявленского, протоиерея (1937)
Священномученика Николая Богословского,  протоиерея (1937)
Преподобномученика Григория (Воробева), иеромонаха (1937).
Преподобномученика Германа (Полянского), архим. (1937)
Андрониковской иконы Божией Матери
Якобштадтской иконы Божией Матери.

Храни вас Господь, Матерь Божия и все святые, их же память мы сегодня отмечаем!

Молитвы:
Тропарь Божией Матери пред иконой Ее Казанской глас 4
Заступнице усердная,/ Мати Господа Вышняго,/ за всех молиши Сына Твоего, Христа Бога нашего,/ и всем твориши спастися,/ в державный Твой покров прибегающим./ Всех нас заступи, о Госпоже Царице и Владычице,/ иже в напастех, и скорбех, и в болезнех, обремененных грехи многими,/ предстоящих и молящихся Тебе/ умиленною душею и сокрушенным сердцем,/ пред пречистым Твоим образом со слезами,/ и невозвратно надежду имущих на Тя/ избавления всех зол./ Всем полезная даруй/ и вся спаси, Богородице Дево:// Ты бо еси Божественный покров рабом Твоим.

Кондак Божией Матери пред иконой Ее Казанской глас 8
Притецем, людие, к тихому сему и доброму пристанищу,/ скорой Помощнице, готовому и теплому спасению, покрову Девы,/ ускорим на молитву и потщимся на покаяние,/ источает бо нам неоскудныя милости Пречистая Богородица,/ предваряет на помощь и избавляет от великих бед и зол// благонравныя и богобоящияся рабы Своя.

Тропарь равноапостольного Аверкия, епископа Иерапольского, чудотворца глас 4
Истины проповедник и чудотворец дивен показался еси,/ сирот отец и нищих заступник,/ бодрый пастырь словеснаго стада, бесом страшен,/ всех убо от тех нападений заступай, вопиющих ти:/ Аверкие отче наш,/ моли Христа Бога,/ да спасет души наша.

Кондак равноапостольного Аверкия, епископа Иерапольско глас 8
Яко священника превелиикаго и апостолов совсельника,/ Церковь почитает тя, вся верных, Аверкие:/ юже твоими молитвами соблюдай, блаженне,/ непобедиму и необуреваему от всякия ереси, и нескверну,/ яко приснопамятный.

Тропарь семи отроков Ефесских глас 4
Велия веры чудесе,/ в пещере, яко в чертозе царском,/ святии седмь отроцы пребыша,/ и умроша без тли,/ и по мнозех временех восташа, яко от сна,/ во уверение воскресения всех человеков.// Тех молитвами, Христе Боже, помилуй нас.

Ин тропарь семи отроков Ефесских глас 8
Благочестия проповедники и Воскресения умерших изобразители,/ Церкви столпы седмочисленныя,/ отроки всеблаженныя песньми восхвалим:/ тии бо по многих летех нетления, аки от сна воставше,/ всем возвестиша яве мертвых востание.

Кондак семи отроков Ефесских глас 4
Мира сущая тленная презревше/ и нетленныя дары приемше,/ умерше, кроме тления пребыша./ Темже востают по многих летех,/ все погребше лютых неверие,/ яже во хвалении днесь, вернии, восхваляюще,// Христа воспоим.

Ин кондак семи отроков Ефесских глас 4
Прославивый на земли святыя Твоя/ прежде втораго и страшнаго пришествия Твоего, Христе,/ преславным востанием отроков/ показал еси Воскресение неведящим е,/ нетленна одеяния и телеса явив,/ и царя уверил еси вопити:/ воистинну есть мертвых востание.

Pages: 1 2 3

Проповеди
В этот день:
Русская Православная Церковь отмечает память святых:
Преподобного Илариона Великого (371-372).
Мученицы Урсулы Кологненской и ее спутников (383).
Святого Финтана/ Мунну, игумена Тичмунского (635) (Кельт. и Брит.)
Прп. Филофея, Афонского (Греч. ). (XI).
Преподобного Илариона, схимника Печерского, в Дальних пещерах (XI).
Преподобного Христодула, чудотворца Патмосского (1093)
Перенесение мощей свт. Илариона, еп. Меглинского (1206).
Святителя Илариона, митр. Киевского (XVI).
Преподобного Илариона Псковоезерского, Гдовского. (1476)
Преподобного Виссариона Сарайского, (1744)
Сщмч. Дамиана (Воскресенского), архиеп. Курского (1937).
Прмц. Пелагии (Тестовой) (1944).
Святые мученики Дасий, Гаий и Зотик (303).
Преподобного Вульфилаиха Трирского, столпника (594)
Прпп. Феофила и Иакова Омучских (ок. 1412).
Священномученика Димитрия (Троицкого) (1937).
Священномученика Софрония (Несмеяновова) (1937)
Священномученика Павлина (Крошечкина) архиеп. Могилевского (1937).
Священномученика Константина Чекалова, иерея (1937)
Священномученика Сергия Смирнова, иерея (1937)
Священномученика Василия Никольского, иерея (1937)
Священномученика Феодора Беляева, иерея (1937)
Священномученика  Владимира Введенский, иерея (1937)
Священномученика Николая Раевского, иерея (1937)
Священномученики Василий и Иоанн Козаревы, (1937)
Священномученика Александра Богоявленского,  иерея (1937)
Священномученика Алексия Москвина, иерея (1937)
Священномученика Сергия Казансконо, протодиакона (1937)
Священномученика Иоанна Мельницкого, диакона (1937).
Сщмчч.  Аркадия (Ершова), еп. Екатеринбургского,(1937)
Священномученика Анатолия Левицкого, иерея (137)

Храни вас Господь, Матерь Божия и все святые, их же память мы сегодня отмечаем!

Молитвы:

Прп. Илариона Великого. Тропарь, глас 8.
Слез твоих теченьми пустыни безплодное возделал еси / и, иже из глубины воздыханьми, во сто трудов уплодоносил еси, / и был еси светильник вселенней, / сияя чудесы, Иларионе, отче наш: / моли Христа Бога спастися душам нашим.

Прп. Илариона Великого. Ин тропарь, глас 8.
Яко иноков утверждение, наставник же граждан пустынных,/ и чудотворец благодатию Великому Антонию подобяся,/ помощник в страстех бедствующим неотступен, Иларионе отче наш,/ моли за чтущия святую память твою.

Прп. Илариона Великого. Кондак, глас 3.
Яко светильника незаходимаго умнаго тя Солнца,/ сошедшеся днесь, восхваляем в песнех,/ возсиял бо еси сущим во тьме неведения,/ вся возводя к Божественней высоте, Иларионе./ Темже вопием:/ радуйся, отче, всех постников основание.

Прп. Илариона, схимника Печерского, в Дальних пещерах. Тропарь, глас 1.
Воистину достойне наречен был еси Иларион, / тихостен бо и кроток нрав по имени твоему имел еси, блаженне, / имже кроткому Господу Иисусу благоугодив, / молися Ему о нас рабех твоих.

Прп. Илариона, схимника Печерского, в Дальних пещерах. Кондак, глас 2.
Великий Ангельский образ иноческаго чина святую схиму яко прием,/ и второе отрицание суетнаго мира сего яко сотворь,/ тщался еси всеми образы, преподобие Иларионе,/ обещание делом исполнити/ и образу святому приличие пожити,/ тем тя чтим и ублажаем.

Перенесение мощей свт. Илариона , еп. Меглинского. Тропарь, глас 3.
Чудо явився извещения, / делы возсиял еси добродетелей Божиих, / монашествующих лики упасл еси, / архиерейская седалища изчистил еси, / еретическаго же нападания не усумневся, / церкви Христовы воздвигл еси, / преподобне Иларионе, / умер, яко спя, / тело же твое цело и нетленно соблюдено бысть, / и подает цельбы болящим от различных недуг, / и демоны прогоняет, / сего ради молим тя: / моли спастися душам нашим.

Перенесение мощей свт. Илариона , еп. Меглинского. Кондак, глас 3.
Яко светоносна явися, архиерее, память твоя,/ тьму разруши уныния и свет облиста даров Небесных,/ вся созывающи на радость,/ от Бога бо, Иларионе, благодать обрел еси/ и монахов был еси степень.

Прп. Илариона Псковоезерского, Гдовского. Тропарь, глас 4.
В молитвах бодрствуя, / пресветлый храм Духа Святаго был еси, / темже и чудотворец предивный явился еси, / преподобне отче наш Иларионе. / О нас моли Христа Бога / светом Божественнаго познания просветити ны / и спасти души наша.

Pages: 1 2 3

Проповеди
В этот день:
Русская Православная Церковь отмечает память святых:
Святой великомученик Артемий (362).
Прп. Матроны Хиосской (XV)
Праведного Артемия Веркольского (1545)
Преподобного Герасима Нового, Кефалонского (Греч. ).
Преподобной Анастасии Киевской
Священномученика Иоанна Ганчева,  Бакинского (1937)
Свт. Акка, еп. Хексхэмского (740) (Кельт. и Брит.).
Священномученика Николая Любомудрова пресвитера (1918).
Священномученика Германа (Кокель), епископа Алатырского, (1937).
Священномученика Зосимы Пенина, 1937
Священномученика Иоанна Талызина, иерея (1937)
Священномученика Иоанна Речкина,иерея (1937)
Священномученика Николая Фигурова, иерея (1937)
Священномученика Леонида Никольского, (1937)
Священномученика Иоанна Родионова, протоиерея (1937)
Священномученика Александра Орлова, иерея, (1937)
Священномученика Михаила Исаева, дикона (1937)
Священномученика Петра Кравеца, потодиакона (1937)
Мученика Павла Бочарова (1937).

Храни вас Господь, Матерь Божия и все святые, их же память мы сегодня отмечаем!

Молитвы:
Вмч. Артемия. Тропарь, глас 4.
Истинною бо Христовою верою/ утверждься, страстотерпче,/ мучителя злочестива царя/ победил еси со идольским того возношением./ Тем от Царя Великаго, вечно царствующаго,/ пресветлым венцем победным одарен бысть,/ вся исцеляяй болящия и призывающий тя, Артемие великий,/ моли Христа Бога/ спасти души наша.

Вмч. Артемия. Кондак, глас 2.
Благочестиваго и венценоснаго мученика,/ на враги победы вземшаго одоление,/ сошедшеся, достойно песньми восхвалим Артемия,/ превеликаго в мученицех,/ чудес же дателя пребогатаго,/ молится бо Господу о всех нас.

Прав. отрока Артемия Веркольского. Тропарь, глас 2.
Вышняго повелением тученосным облаком небо помрачившим,/ и молниям блистающим,/ грому же возшумевшу с прещением,/ испустил еси душу твою в руце Господеви, премудре Артемие,/ и ныне предстоиши Престолу Владыки всех,/ о иже верою и любовию приходящим к тебе, подал исцеление всем неотложно,/ и моляся Христу Богу, спастися душам нашим.

Прав. отрока Артемия Веркольского. Кондак, глас 8.
Возсия днесь пресветлая память премудраго Артемия;/ Богоданная благодать, яко реки, изливает от целебных мощей его, дивная исцеления,/ имиже от многоразличных недуг избавляемся с верою приемлюще я и взывающе:/ радуйся, Артемие Богомудре.

Pages: 1 2 3