Етер артыкъ бом-бош къуру чагъырувлар, Етер артыкъ огъретювлер, багъырувлар, Халкъ такъдирин пек къайгырып "агъырувлар",- Ич кимсени динълемез бу бизим миллет! Къулак асмаз буюк шаир Петефиге, Къулак асмаз не имангъа ,не динге, Къулак асмаз янып язгъан Асанинге,- Ич кимсени динълемез бу бизим миллет! Я кимлерни динълесин бу бизим миллет?- Эр бир иште акъыллы чокъ олса, илле... Козьяшынъны сен не къадар тёкип, сильме,- Ич кимсени динълемез бу бизим миллет! Татар дегиль, къырымман...

Читати далі...

Къырымда чокъ чешит миллетке,- Багърына сыгъдыргъан ,эп къабул эткен, Чыкъарып атмагъан кимсени четке, Анадай сабырлы, багъры кенъ экен. Юнаны, урумы, дженевизи де, Мармара, Эгейи, Акъ денъизинден Къайсы бир заманда келип сыйыкъкъан,- Дагъына, чёлюне келип ыйыкъкъан. ...Сонъ эрмени кельген Сурб-хачы иле, Лассилер джавгъанлар дарб-хачы иле; Арсызнынъ ниджеси мында къутургъан, Мусульман топрагъын хачкъа толдургъан... Сен насыл тюштинъ я бу ерге, булгъар? Сен де бир етимсинъ бу ерде, хюнгар...

Читати далі...