Іншым разам

Іншым разам, іншым крокам,

Іншым часам, іншым вокам

Пазіраем, пакідаем,

Не зважаем: адгараем.

Адыходзім,патрапляем,

не спыняемся,

мінаем нашы сцены,

нашы ночы:

У нашы днi жывi як хочаш.

Шэры цень ахутаў горад,

Чорны змрок параніў золак.

Той па свеце ледзь кульгае.

Як i ён, усё дагарае.

Попел сэрцаў пад нагамi,

як памыйны бруд змятаем.

Усё часцей мы забываем,

што, як золак, адгараем.  

Адыходзяць у ноч спатканні;

Смех, i слёзы, i світанні –

Пахавалі усё за плотам i абнеслі колкім дротам.

"Прагматычныя машыны"

Распісалі па гадзінах

Хто, куды, калi i з кiм,

Колькі узяць i што па чым.

Толькі зараз, а не потым.

Толькі бегам, а не крокам.

Іншым разам, iншым бокам,

iншым часам, iншым вокам

Пазiраем, не зважаем:

Адыходзiм, пакiдаем,

Мы знiкаем...

Памiраем...

Адлятаем...

Дагараем...