Неделя 19-я по Пятидесятнице
В этот день:
Русская Православная Церковь отмечает память святых:
Апостола Фомы (I)
Сщмч. Иоанна пресвитера (1937).
Иконы Божией Матери, именуемой «О Всепетая Мати»

Храни вас Господь, Матерь Божия и все святые, их же память мы сегодня отмечаем!

Молитвы
Тропарь апостола Фомы глас 2
Ученик Христов быв,/ Божественнаго собора апостольскаго сопричастник,/ неверствием бо Христово Воскресение известив/ и Того пречистую страсть осязанием уверив,/ Фомо всехвальне,// и ныне нам проси мира и велия милости.

Кондак апостола Фомы глас 4
Премудрости благодати исполнен,/ Христов апостол/ и служитель истинный/ в покаянии вопияше Тебе:// Ты мой еси Бог же и Господь.

Pages: 1 2 3

Проповеди:
В этот день:
Русская Православная Церковь отмечает память святых:

Священномученика Дионисия, еп. Александрийского (265).
Мученицы Харитины (304)
Преподобного Дамиана, пресвитера, целебника (1071)
Святителей Московских и всея России чудотворцев:
Петра, митрополита Московского (1326)
Алексия, митрополита Московского (1378)
Ионы, митрополита Московского (1461)
Макария, митрополита Московского (1563)
Филиппа, митрополита Московского (1569)
Иова, Патриарха Московского (1607)
Ермогена, Патриарха Московского (1612)
Филарета, митрополита Московского (1867)
Иннокентия, митрополита Московского (1879),
Тихона, Патриарха Московского (1925)
Макария, митрополита Московского  (1926)
Петра, митрополита Крутицкого (1937)
Преподобного Гавриила исп (1959).
Преподобного Матфея прозорливого, Печерского.
Преподобного Варлаама Чикойского (1846)
Преподобного Евдокима Ватопедского (?)
Мученицы Мамелхвы Персидской (ок. 344).
Преподобного Григория Хандзойского (861; Груз.)
Преподобного Иеремии (ок. 1070)
Святителя Иоанна Мавропоа, митрополита Евхаитского (1100)
Преподобного Харитины, кн. Литовской, в Новгороде подвизавшейся (1281).
Преподобного Саввы Ватопедского (1347)
Преподобного Матфея Чернеево-Шацкого, игумена (1573)

Храни вас Господь, Матерь Божия и все святые, их же память мы сегодня отмечаем!

Молитвы:

Ин тропарь Алексия, митрополита Московского и всея России глас 8
Яко светоносная возсия днесь память твоя, славне,/ верных озаряющи души и телеса,/ и исцеления струй Богоприятными ти молитвами источаеши,/ отче святителю Алексие,/ темже тя молим, яко архиереом сопрестольна и чудодейственника изрядна,/ иже Христову Престолу предстояй,/ о нас не оскудевай моляся спастися душам нашим.

Тропарь святителя Ионы, митрополита Московского и всея России чудотворца
глас 4
От юности твоей весь сам себе Господеви возложив,/ в молитвах, и трудех, и в постех образ быв добродетели,/ отонудуже видев Бог твое благое произволение,/ архиерея тя и пастыря Церкви Своей устрояет./ Темже и по преставлении честное тело твое цело и нетленно соблюдеся,/ Ионо святителю,/ моли Христа Бога да спасет души наша.

Кондак святителя Ионы, митрополита Московского и всея России чудотворца
глас 8
Яко от младенства Господеви поработив себе, мудре,/ постом и бдением тело твое удручая,/ темже сосуд чист и дом Духу Пресвятому явился еси./ Сего ради и Церкви Своей тебе архиерея и пастыря устрояет,/ юже добре упас, ко Господу отходиши, Егоже возлюбил еси./ Тем молим тя: поминай нас, верою чтущих святую память твою, да вси зовем ти:/ радуйся, отче Ионо, святителю всечестный.

Тропарь святителей Московских глас 4
Первопрестольницы Российстии,/ истиннии хранителие апостольских преданий,/ столпи непоколебимии, православия наставницы,/ Петре, Алексие, Ионо, Филиппе и Ермогене,/ Владыку всех молите/ мир вселенней даровати// и душам нашим велию милость.

Кондак святителей Московских глас 3
Во святителех благочестно пожисте/ и люди к богоразумию настависте,/ и добре Богу угодисте,/ сего ради от Него нетлением/ и чудесы прославистеся,// яко ученицы Божия благодати.

Тропарь святителя Тихона, патриарха Московского и всея Руси (прославление)
глас 1
Апостольских преданий ревнителя / и Христовы Церкве пастыря добраго, / душу свою за овцы положившаго, / жребием Божиим избранного / Всероссийскаго Патриарха Тихона восхвалим / и к нему с верою и упованием возопиим: / предстательством святительским ко Господу / Церковь Русскую в тишине соблюди, / расточенная чада ея во едино стадо собери, / отступившия от правыя веры к покаянию обрати, / страну нашу от междоусобныя брани сохрани / и мир Божий людем испроси.

Ин тропарь святителя Тихона, патриарха Московского и всея Руси глас 3
В годину тяжкую Богом избранный / в совершенной святости и любви Бога прославил еси, / во смирении величие, в простоте и кротости силу Божию являя, / положил душу за Церковь, за люди своя, / исповедниче патриарше святе Тихоне, / моли Христа Бога, / Емуже сораспялся еси, / и ныне спасти землю Русскую и паству Твою.
Показать ещё молитвы

Кондак святителя Тихона, патриарха Московского и всея Руси глас 2
Тихостию нрава украшен,/ кротость и милосердие кающимся являяй,/ во исповедании православныя веры и любве ко ГосподУ/ тверд и непреклонен пребыл еси,/ святителю Христов Тихоне./ Молися о нас, да не разлучимся от любве Божия,/ яже о Христе Иисусе, Господе нашем.

Тропарь святителя Филиппа Перваго глас 3
Чудо явися, извещением и делы возсияв,/ Духа Святаго произбранием святительства паству приим,/ откровением Божиим церковь разобра/ и величайшую воздвиже,/ всечестне Филиппе, святителю великий,/ мир граду даруй нашему Москве/ и велию милость.

Кондак святителя Филиппа Перваго глас 8
Во успении твоем обретоша на телеси твоем сокровище некрадомое:/ два креста и тяжчайшая железа, еже есть вериги,/ постом и молитвами Богу угодил еси, святителю Филиппе,/ моли Христа Бога о всех нас.

Тропарь мученицы Харитины глас 4
Агница Твоя, Иисусе, Харитина/ зовет велиим гласом:/ Тебе, Женише мой, люблю/ и, Тебе ищущи, страдальчествую,/ и сраспинаюся, и спогребаюся крещению Твоему,/ и стражду Тебе ради, яко да царствую в Тебе,/ и умираю за Тя, да и живу с Тобою;/ но, яко жертву непорочную, приими мя с любовию, пожершуюся Тебе./ Тоя молитвами,/ яко Милостив, спаси души наша.

Кондак мученицы Харитины глас 2
Крепким разумом, Харитино,/ душу утверждали верою,/ борителя врага яве посрамила еси,/ у Христа предста, всеблаженная,/ червленицу от кровей твоих носящи,/ и присно со Ангелы радуешися,/ моли за ны, страстотерпице.

Pages: 1 2 3

Проповедь
В этот день:
Русская Православная Церковь отмечает память святых:
Священномученика Иерофея, еп. Афинского (I).
Мучеников Давикта (Адавкта)  и дщери его Каллисфении (ок. 318)
Священномученика Петра Капетолийского (III-IV).
Пренодобного Павла Препростого (340).
Святого Иоанна (Лампадиста) Кипрского (X)
Святого праведного Стефана Щиляновича (1515).
Святителя Гурия, архиеп. Казанского (1563)
Святителя Варсонофия, еп. Тверского (1575)
Преподобной Елены/ Елисаветы/ Сербской, королевы
Благоверного кн. Владимира Ярославича Новгородского, чудотворца (1052).
Преподобных Иона и Нектария Казанских (XVI)
Собор Казанских Святых
Мучениц Домнины и дщерей ее Виринеи (Вероники) и Проскудии (Просдоки) (305-306).
Мучеников Гая, Фавста, Евсевия и Херимона (III)
Преподобного Аммона (ок. 350).
Святитель Иоаким Корсунянин, епископ Новгородский, (1030)
Преподобного ЕлладияПечерского (XIII).
Преподобного Онисима Печерского (XIII).
Преподобного Аммона, затворника Печерского (XIII).
Преподобный Пиор Печерский ( XIII вв.)
Священномученик Католикос Эвдемоз, (1642)
Священномученика Димитрия пресвитера (1918).
Священномученика Николая Верещагина иерея, (1937)
Священномученика Михаила пресвитера, (1937)
Священномученика Иакова пресвитера, (1937)
Священномученика Тихона пресвитера (1937) и св.я Хионию исповедницу (1945) Архангельских

Храни вас Господь, Матерь Божия и все святые, их же память мы сегодня отмечаем!

Молитвы:
Кондак святителя Варсонофия глас 6
Воздержанием тело духу поработив,/ душу же равноангельну сотворил еси,/ сего ради святительства саном почется,/ чисте Чистейшему предстоиши./ Моли Христа Бога, святителю,/ спасти люди твоя, святе,/ да вси вопием ти:/ радуйся, отче преподобне Варсонофие,// граду нашему Казани похвала и утверждение.

Тропарь святителей Гурия и Варсонофия глас 3
Первии учителие прежде темному,/ ныне же светлому и новопросвещенному граду Казани,/ первии возвестителие пути спасительнаго,/ истиннии хранителие апостольских преданий,/ столпи непоколебимии, благочестия учителие/ и Православия наставницы, Гурие и Варсонофие,/ Владыку всех молите// мир вселенней даровати и душам нашим велию милость.

Кондак святителя Гурия глас 4
Чувственныя страсти победив,/ чистотою, яко солнце, возсиял еси,/ чисто житие до конца сохранив,/ и от неверия в веру многих ко Христу привел еси,/ и Того ради от Бога нетлением почтен был еси/ и чудесы удивляем./ Молим тя, святителю Гурие,/ молитвами твоими от бед избави нас, да зовем ти:// радуйся, отче предивный, граду Казани похвала и утверждение.

Тропарь священномученика Иерофея глас 4
Благости научився и трезвяся во всех,/ благою совестию священнолепно оболкся,/ почерпл еси от сосуда избраннаго неизреченная/ и, веру соблюд, равное течение совершил еси,/ священномучениче Иерофее,/ моли Христа Бога// спастися душам нашим.

Кондак священномученика Иерофея глас 4
Якоже столп непоколебим, Иерофее,/ прещения врагов не устрашися,/ но прелести разрушил еси твердыню,/ яко камень честен валяяся, отче./ Тем Владыка тя, храбрствовавша, венчает/ живоначальною и Божественною десницею,// Егоже о всех нас умоли.

Кондак священномученика Иерофея глас 8
Священноначальника Афинскаго восхваляем тя,/ яко таиноучившеся тобою странным и неизреченным:/ явился бо еси Богоприятный песнословец./ Но моли, всеблаженне Иерофее,/ от всяких нам грехопадений избавитися, да зовем:/ радуйся, отче Богомудре.

Тропарь благоверного князя Владимира Ярославича глас 4
Измлада явился еси, Богомудре княже Владимире,/ Божественный сосуд избран Богови,/ благочестием воспитан, веру непорочну соблюл/ и, храм пречуден Премудрости Божия/ в Великом Новеграде сем устроив,/ тело Твое в Нем предложил еси,/ и ныне, на Небесех предстоя Престолу Святыя Троицы,/ молися низпослати и нам велию и богатую милость.

Кондак благоверного князя Владимира Ярославича Кондак,
Многомудренно пожив в княжении твоем в Великом Новеграде,/ благоверный княже Владимире,/ плод благий в жизни сей был еси, присноцветущ добродетельми./ Того ради получил еси жизнь вечную на Небесех,/ тело же твое нетлением прославлено бысть на земли,/ и ныне праздник твой светло совершающе,/ с любовию вопием тебе:/ радуйся, великому Новуграду и всей Российстей земли утверждение.

Тропарь святого праведного князя Стефана Щиляновича, Сербского глас 4
На земли премудрости славу стяжал еси,/ богатство Господеви своему вручил еси,/ и Той тя с Небесными водворяет,/ тело твое на земли, святе, сохрани невредимо,/ ты бо в целомудрии и чистоте/ житие праведно пожил еси,/ тем с дерзновением моли спастися нам.

Кондак святого праведного князя Стефана Щиляновича, Сербского глас 2
Вышняго желанием прославляя,/ и Той тя в памяти прославляет, праведне,/ восхождением добродетелей совершил еси душу,/ премудре святе Стефане,/ на земли непорочно житие соверши,/ Зиждителю всех благоугодил еси,/ моли непрестанно о всех нас.

Pages: 1 2 3

Проповеди
В этот день:
Русская Православная Церковь отмечает память святых:
Священномученика Дионисия Ареопагита (Афинского), апостола от 70-ти (96)
Преподобной Дамари Афинской (I)
Блаженного Исихия Хоривита, безмолвника (VI)
Преподобного Иоанна Хозевита, Кесарийского (532/кон.)
Преподобного Дионисия Печерского, затворника (XV)
Преподобного Антония (Медведева), Радонежского (1877)
Святителя-исповедника Агафангела (Преображенского), митрополита Ярославского (1928)
Трубчевская икона Божьей Матери

Храни вас Господь, Матерь Божия и все святые, их же память мы сегодня отмечаем!

Молитвы:

Тропарь священномученика Дионисия Ареопагита глас 4
Благости научився и трезвяся во всех,/ благою совестию священнолепно оболкся,/ почерпл еси от сосуда избраннаго неизреченная/ и, веру соблюд, равное течение совершил еси,/ священномучениче Дионисие,/ моли Христа Бога// спастися душам нашим.

Кондак священномученика Дионисия Ареопагита глас 8
Небесная врата прошед духом, яко ученик/ до третияго Небесе достигшаго апостола, Дионисие,/ неизреченных обогатился еси всяким разумом/ и озарил еси во тьме неведения седящия./ Темже зовем:// радуйся, отче всемирный.

Тропарь преподобного Дионисия, затворника Печерского, в Дальних пещерах глас 4
Жертву Безкровную приносивый Господеви непорочне / и служивый Ему по званию своему многое время неленостне, / священне Дионисие, / молися о нас, / любовию чтущих тя.

Кондак преподобного Дионисия, затворника Печерского, в Дальних пещерах глас 2
Священнодействовавшаго на земли священнолепно/ и потрудившагося в чину своем добре,/ ныне же на Небесех ликуеши светло,/ священными похваляем тя песньми, Дионисие, и молим:/ моли Христа Бога непрестанно о всех нас.

Pages: 1 2 3

Проповеди
В этот день:
Русская Православная Церковь отмечает память святых:
Покров Пресвятой Владычицы нашей Богородицы и Приснодевы Марии
Апостола от 70-ти Анании (I).
Мученика Домнина Солунского (305).
Празднование в честь Хитона Господня и Столпа Животворящего. (ок. 330; Груз.)
Святителя Ремигия, епископа Реймского и апостола франков (533; Галл.)
Преподобного Романа Сладкопевца (VI).
Преподобномученика Михаила, игумена Зовийского, и с ним пострадавших (780-790).
Преподобного Саввы Вишерского, Новгородского (1461).
Преподобный Иоанн Кукузель, Афонский (1341)
Блаженной Сидонии, сестры Елеазара (I)
Мученики Вериссим, Максима и Иулия Лиссабонские или Олисипонские, (ок.304)
Равноапостольного Мириана,  царя Иверского и Наны, святой царицы (IV) (Груз.)
Преподобного Баво или Бавон Гарлемского (VII)
Cвятитель Мелхиседек I, католикос-патриарх всея Грузии (+ ок. 1033)
Преподобный Григорий доместик (XIV)
Священномученика Алексия Ставровского, пресвитера (1918).
Священномученика Михаила пресвитера (1920).
Священномученика Александра, пресвитера (1937)
Священномученика Георгия, пресвитера (1937)
Священномученика Николая Кулигина пресвитера, (1937)
Мученика Иоанна (1937).
Собор Молдавских святых
Барской икон Божией Матери.
Браиловскойиконы Божией Матери (1635)
Гербовецкая икона Божией Матери
Касперовская икона Божией Матери
Люблинской  иконы Божией Матери(IX),
Псково-Покровскойиконы Божией Матери (1581),

Храни вас Господь, Матерь Божия и все святые, их же память мы сегодня отмечаем!

Молитвы:
Тропарь Покрова Пресвятой Богородицы глас 4
Днесь, благовернии людие, светло празднуем,/ осеняеми Твоим, Богомати, пришествием,/ и к Твоему взирающе пречистому образу, умильно глаголем:/ покрый нас честным Твоим Покровом/ и избави нас от всякаго зла,/ молящи Сына Твоего, Христа Бога нашего,// спасти души наша.

Кондак Покрова Пресвятой Богородицы глас 3
Дева днесь предстоит в церкви/ и с лики святых невидимо за ны молится Богу,/ Ангели со архиереи покланяются,/ апостоли же со пророки ликовствуют:// нас бо ради молит Богородица Превечнаго Бога.

Тропарь преподобного Саввы Вишерского, Новгородского глас 4
От юности твоея весь Богу поработился еси, блаженне, / и Того ради любве отечество и род оставил еси, / в пустыню вселився / и в ней жестокое житие показав, / чудес дарования от Господа приял еси, / Савво преподобне, / моли Христа Бога спастися душам нашим.

Кондак преподобного Саввы Вишерского, Новгородского глас 8
Отечества, преподобне, удалився/ и вселився в пустыню,/ и тамо на столп вшед, идеже жестокое житие показал еси,/ и многих житием удивив,/ отнюдуже дарование чудес от Христа приял еси,/ поминай нас, чествующих память твою, да зовем ти:/ радуйся, Савво, отче наш.

Тропарь апостола Анании глас 3
Апостоле святый Анание,/ моли Милостиваго Бога/ да прегрешений оставление// подаст душам нашим.

Кондак апостола Анании глас 2
В молитвах теплейший заступниче/ и просящим скорейший послушателю,/ прими моление, Анание, наше/ и Христа моли помиловати ны,// Единаго во святых Почивающаго.

Тропарь преподобнаго Романа Сладкопевца глас 8
В тебе, отче, известно спасеся еже по образу:/ приим бо крест, последовал еси Христу/ и, действуя, учил еси презирати убо плоть, преходит бо,/ прилежати же о души вещи безсмертней./ Темже и со Ангелы срадуется, преподобне Романе, дух твой.

Кондак преподобнаго Романа Сладкопевца глас 8
Божественными добродетельми духа/ измлада украсився, Романе премудре,/ Церкви Христове пречестное украшение был еси:/ пением бо прекрасным украсив ю, блаженне./ Тем молим тя: подаждь желающим Божественнаго дарования твоего,/ яко да вопием ти:/ радуйся, отче преблаженне, красото церковная.

Тропарь Божией Матери пред иконой Ее Псково-Покровской глас 4
Днесь светло красуется Богоспасаемый град Псков/ и вся страна Российская/ пришествием Матери Бога Вышняго/ на избавление града сего от варварскаго пленения./ Услыша плач и слезы раб Своих,/ скоро приклонися на мольбу к Сыну Своему и Богу нашему,/ и молением Своим гнев Божий укроти и весь мир просвети,/ и град сей от скорби на радость премени./ О, дивному знамению,/ како Пресвятая Владычице прииде на воздусе и в церковь Свою/ и на забрало града Пскова / и призва угодников своих, благоверных князей,/ и поноси в людех беззаконие./ И Своею пречистою рукою указоваше на поганаго злаго варвара/ и его совет на разрушение./ Возвеселися, Богоспасаемый граде Пскове/ и все Православие, имеюще такову Заступницу непобориму./ Днесь притецем, вернии,/ в дом спасительный Владычицы Богородицы,/ светло празднуя,/ и ко святому Ея образу со слезами припадем, вопиюще и глаголюще:/ О Всемилостивая Госпоже Владычице Богородцие,/ молися Сыну Своему Христу Богу нашему/ спасти православныя люди и град сей избавити от огненнаго запаления/ и от нахождения поганых и междоусобныя брани,/ и спасти души наша яко Милосердая.

Кондак Божией Матери пред иконой Ее Псково-Покровской глас 8
Заступнице христиан, Предстательнице граду нашему Пскову,/ услыши молитву раб Своих, Владычице Богородице,/ и скорым Своим пришествием светолучными зарями раб Своих возвесели/ и торжествовати устрой, в беде и в сетовании возвесели,/ и завеща во граде молити Святую Троицу,/ и Сама обещася молити Ю./ О, преславному чудесе,/ како Небесная Царице к земным прийде избавити рабы Своя погибающия./ О, дивному знамению,/ како вразумляют; е рабы Своя, како бы умолити Святую Троицу./ О, Всемилостивая Владычице Богородице,/ аще не бы Ты предстояла, молящи за ны,/ кто бы нас избавил от толикия беды,/ яко не имамы иныя помощи и надежды, разве Тебе, Владычице,/ Твой бо раби, да не погибнем,/ и потщися на умоление раб своих присно,/ Богородице, чтущих Тя.

Тропарь Хитону Господню и Животворящему Столпу глас 8
Днесь празднует Святая Церковь, чтущи Столп Животворящий и Хитон Господень, иже Свет просияша во вся концы вселенныя и жизни святое миро источиша. Сего ради Всесвятей Богоматери и рождшемуся от Нея Христу покланяемся во спасение душ наших.

Кондак Животворящему Столпу и Хитону Господню глас 8
В Горней борьбе за мя непобедимый помощниче, Столпе святый и Богоосиянный, мир просвещаяй, яко молния освещаяй Небесноподобную пелену — свыше истканный Хитон Господень, украшаяй же воспевающия и празднующия торжество твое, даруй сугубое озарение и радость поющим ти: радуйся, Столпе, Богом осиянный.

Pages: 1 2 3

Неделя 18-я по Пятидесятнице
В этот день:
Русская Православная Церковь отмечает память святых:

Мученников Дады, Гаведдая и Каздои (IV).
Преподобного Кириака отшельника (556).
Преподобного Киприана Устюжского (1276)
Священномученика Иоанна, архиеп. Рижского (1934)
Святителя Иоанна (Максимовича), епископа Шанхайского и Сан-Францисского, чудотворца (1966; РПЦЗ).
Преподобного Феофана Милостивого
Мученицы Говделии Персидской , (IV)
Преподобного Онуфрия Гареджийского, чудотворца (XVIII)
Собора Полтавских святых.
Горбаневская икона Божией Матери (Полтав.).

Храни вас Господь, Матерь Божия и все святые, их же память мы сегодня отмечаем!

Молитвы:

Тропарь  Горбаневской иконе, глас 4:
Заступнице и Похвало земли нашея Полтавския, Пречистая Дево Богоневесто Владычице! Многообразную благодать от святыя Твоея иконы стяжавше, молим Тя, смирении и грешнии: о, Всепетая Мати Бога нашего, Молитвеннице теплая, чудес и исцелений подательнице, не отвратися тока слез наших, но приими моления рабов Твоих; не ввери нас человеческому предстательству, да не до конца погибнем от беззаконий наших, но покрый нас всечестным покровом Твоим, и изми ны от належащих на нас бед и скорбей; моли Сына Твоего, Христа Бога нашего, грехов оставление нам даровати, и жизни вечныя причастники быти сотвори; на Тя бо по Бозе все упование наше возлагаем, Пресвятая Дево.

Кондак  Горбаневской иконе, глас 8:
Светоносная палата уготовася Тебе, Владычице, святый Соборный храм града нашего, в немже всечестная икона Твоя, якоже солнце светозарное возсия. Ты же, Чистая, благодарения наша и поклонения иконе Твоей приемлюще, не отвергай нас, призывающих Тя с верою и умилением. Озари души наша светом благодати Твоея, да никтоже из притекающих к Тебе изыдет отсюду тощь и неуслышан. О, Богомати, милости Источниче, управи пути жития нашего и советы наша в правде, во еже открытися в них Царствию Христову; Ты бо еси Молитвенница усердная о граде нашем, и земли нашея Похвала и Покров.

Тропарь преподобного Кириака глас 1
Пустынный житель, и в телеси Ангел,/ и чудотворец показался еси, богоносе отче наш Кириаче,/ постом, бдением, молитвою Небесная дарования приим,/ исцеляеши недужныя и души верою притекающих к тебе./ Слава Давшему тебе крепость,/ слава Венчавшему тя,// слава Действующему тобою всем исцеления.

Кондак преподобного Кириака глас 2
Чистотою душевною божественно вооружився/ и непрестанную молитву, яко копие, вручив крепко,/ ссекл еси демонская ополчения,/ Кириаче, отче наш,// молися непрестанно о всех нас.

Кондак преподобного Кириака отшельника глас 8
Яко поборника крепкаго и заступника, / чтущи тя священная лавра всегда,/ празднует летне памяти./ Но яко имея дерзновение ко Господу,/ от врагов находящих соблюди ны, да зовем:/ радуйся, отче треблаженне.

Pages: 1 2 3

Проповеди
В этот день:
Русская Православная Церковь отмечает память святых:
Апостола от 70-ти Зины (I).
Апостола от 70-ти Марка
Апостола от 70-ти Аристарха
Мученицы Епихарии (284-305).
Мученика Каллистрата (304).
Св. Флавиана, архиепископа Антиохийского (404).
Преподобного  Игнатия (X)
Преподобного Савватия Соловецкого (1435).
Мученицы Акилины Загливерийской (1764)
Преподобной Рахели схимомонахини Бородинского монастыря (1928)
Священномученика Петра, митр. Крутицкого (1937).
Священномученика Димитрия Шишокина, пресвитера (1918).
Священномученика Германа, еп. Вольского,(1919)
Священномученика Михаила Платонова пресвитера, (1919).
Священномученика Феодора пресвитера (1937).

Храни вас Господь, Матерь Божия и все святые, их же память мы сегодня отмечаем!

Молитвы:
Тропарь преподобного Савватия Соловецкого глас 3
Удалився мира и водворися в пустыни, / добрым подвигом подвизався, злостраданием, и вниманием, и молитвами. / Отнудуже и по смерти источаеши исцеления, Савватие отче наш, / моли Христа Бога спастися душам нашим.

Ин тропарь преподобного Савватия Соловецкого глас 4
От юности своея, преподобне, весь себе Господеви предложив./ И земная вся оставль Христовым стопам тепле последовал еси. И безплотным сожитель явися и всем преподобным сообещого, преблаженне Савватие./ Тем молимтися, отче, молися о нас непрестанно Христу Богу, яко да милостив будет нам в День судный.

Кондак преподобного Савватия Соловецкого глас 2
Житейския молвы отбег и вселися в морский остров, премудре./ И крест Господень на рамо взем, Христови последовал еси в молитвах и во бдениих, и в пощениих, злостраданием плоть свою изнуряя./ Тем бысть иноком удобрение./ Иже любовию память твою празднующим, преподобне Савватие,/ моли непрестанно о всех нас.

Ин кондак преподобного Савватия Соловецкого глас 3
Яко звезда всесветлая добродетельми сияющи,/ чудес лучи испущающи обоюду,/ богатя приходящих души целя и телеса,/ благодать имея, Савватие,/ Прославляет бо Своя Себе Великий Дародатель.

Тропарь священномученика Петра митрополита Крутицкого глас 2
Божиим смотрением к святительскому служению/ святым патриархом Тихоном призванный,/ стаду Христову явился еси страж неусыпный/ и защитник небоязненный,/ священномучениче Петре,/ жестокая заточения и дальная изгнания,/ страдание и смерть от богоборцев претерпел еси,/ венец мученический прияв,/ на Небеси ныне радуешися./ Моли милостиваго Бога,/ да сохранит Церковь нашу от нестроений,/ единомыслие и мир людем Своим дарует// и спасет души наша.

Кондак священномученика Петра митрополита Крутицкого глас 4
Дух мирен и кроток стяжав,/ твердое упование на милосердие Божие имея,/ блюститель верный Церкве Российския/ и исповедник Христов явился еси,/ священномучениче Петре,/ присный о нас пред Богом предстателю// и молитвенниче о душах наших.

Тропарь мученика Каллистрата и дружины его глас 4
Мученицы Твои Господи,/ во страданиих своих венцы прияша нетленныя от Тебе Бога нашего:/ имуще бо крепость Твою,/ мучителей низложиша,/ сокрушиша и демонов немощныя дерзости,/ тех молитвами спаси души наша.

Кондак мученика Каллистрата и дружины его глас 4
Всяк труд днесь Церковь ныне совершающи святии,/ восхваляет таинственно,/ яко за ню страдальчествовавшия мученицы Божественнии,/ добропобеднии всемудрии.

Ин кондак мученика Каллистрата и дружины его глас 4
Многообразныя раны претерпевше, и венцы от Бога яве приимше,/ о нас молитеся блаженнии Христу,/ память всепразднственную вашу совершающих,/ величайший Каллистрате со страдавшими с тобою,/ еже умирити паству, и люди:/ той бо есть верных утверждение.

Pages: 1 2 3

Проповеди

В этот день:
Русская Православная Церковь отмечает память святых:

Пророка Гедеона (XIV в. до н.э.)
Преставление апостола и евангелиста Иоанна Богослова (начало II).
Преподобного Нила Россанского Младшего, игумена (1004)
Преподобного  Ефрема Перекомского, Новгородского (1492).
Святителя Тихона, патриарха Московского и всея Руси (1925).
Священномученика Афанасия Докукина иерея, (1937)
Священномученика Александра пресвитера, (1937)
Священномученика Димитрия пресвитера, (1937)
Мученика Иоанна Золотова (1937)
Мученика Николая Гусева (1937).
Священномученика Владимира Вятского пресвитера (1939).

Храни вас Господь, Матерь Божия и все святые, их же память мы сегодня отмечаем!

Молитвы:

Тропарь апостола и евангелиста Иоанна Богослова глас 2
Апостоле, Христу Богу возлюбленне,/ ускори избавити люди безответны:/ приемлет тя припадающа/ Иже падша на перси Приемый,/ Егоже моли, Богослове,/ и належащую мглу языков разгнати,// прося нам мира и велия милости.

Кондак апостола и евангелиста Иоанна Богослова глас 2
Величия твоя, девственниче, кто повесть?/ Точиши бо чудеса, и изливаеши исцеления,/ и молишися о душах наших,// яко Богослов и друг Христов.

Тропарь святителя Тихона, патриарха Московского и всея Руси (прославление) глас 1
Апостольских преданий ревнителя / и Христовы Церкве пастыря добраго, / душу свою за овцы положившаго, / жребием Божиим избранного / Всероссийскаго Патриарха Тихона восхвалим / и к нему с верою и упованием возопиим: / предстательством святительским ко Господу / Церковь Русскую в тишине соблюди, / расточенная чада ея во едино стадо собери, / отступившия от правыя веры к покаянию обрати, / страну нашу от междоусобныя брани сохрани / и мир Божий людем испроси.

Ин тропарь святителя Тихона, патриарха Московского и всея Руси глас 3
В годину тяжкую Богом избранный / в совершенной святости и любви Бога прославил еси, / во смирении величие, в простоте и кротости силу Божию являя, / положил душу за Церковь, за люди своя, / исповедниче патриарше святе Тихоне, / моли Христа Бога, / Емуже сораспялся еси, / и ныне спасти землю Русскую и паству Твою.

Кондак святителя Тихона, патриарха Московского и всея Руси глас 2
Тихостию нрава украшен,/ кротость и милосердие кающимся являяй,/ во исповедании православныя веры и любве ко ГосподУ/ тверд и непреклонен пребыл еси,/ святителю Христов Тихоне./ Молися о нас, да не разлучимся от любве Божия,/ яже о Христе Иисусе, Господе нашем.

Тропарь преподобного Ефрема Перекомского глас 4
От юности твоей весь Богови поработился еси, блаженне,/ и Того ради любве отечество и род оставил еси,/ в пустыню вселився,/ в нейже жестокое житие показав,/ и чудес дарования от Бога приял еси,/ Ефреме преподобне./ Моли Христа Бога, да спасет души наша.

Кондак преподобного Ефрема Перекомского глас 8
Ангельскому житию поревновав, преподобне,/ вся земная оставив, ко Христу притекл еси/ и, Того заповедьми ограждся,/ явился еси столп непоколебим от вражиих нападаний./ Тем зовем ти:/ радуйся, Ефреме, светило пресветлое.

Pages: 1 2 3

Проповеди:
В этот день:
Русская Православная Церковь отмечает память святых:

Мученика Пафнутия Тентирского и еже с ним (ок.303)
Преподобной Евфросинии Александрийской (ок.445)
Преподобной Евфросинии Суздальской, в миру Феодулии (1250).
Преставление преподобного Сергия, игумена Радонежского, всея России чудотворца (1392).
Святителя Германа, архиеп. Казанского (1568).
Преподобной Досифеи затворницы, Киевской (1776).
Священномученик Александр Смирнов, священник (1918)
Священномученик Феодор Ремизов, (1918)
Святого Лупы, епископа Лионского (542)
Священномученика Кадока Лланкарфанского, епископа Валлийскиого (577)
Святителя Финбара Коркского (633)
Преподобного Чолфрида, игумена Уирмутского и Джерроуского (716)
Святителя Арсения Великого, Католикоса Грузинского (887)
Священномученика Николая исп., пресвитера (1941).

Храни вас Господь, Матерь Божия и все святые, их же память мы сегодня отмечаем!

Молитвы:

Тропарь преподобного Сергия глас 4 аудио

Иже добродетелей подвижник,/ яко истинный воин Христа Бога,/ на страсти вельми подвизался еси в жизни временней,/ в пениих, бдениих же и пощениих образ быв твоим учеником,/ темже и вселися в тя Пресвятый Дух,/ Егоже действием светло украшен еси;/ но, яко имея дерзновение ко Святей Троице,/ поминай стадо, еже собрал еси, мудрe,/ и не забуди, якоже обещался еси,/ посещая чад твоих,// Сергие, преподобне отче наш.

Кондак преподобного Сергия глас 8 аудио
Христовою любовию уязвився, преподобне,/ и Tому невозвратным желанием последовав,/ всякое наслаждение плотское возненавидел еси/ и, яко солнце, Отечеству твоему возсиял еси;/ тем и Христос даром чудес обогати тя./ Поминай нас, чтущих пресветлую память твою, да зовем ти:// радуйся, Сергие богомудре.

Тропарь преподобной Ефросинии Суздальской глас 8
В тебе, мати, известно спасеся еже по образу, приимши бо Крест, последовала еси Христу и, деющи, учила еси презирати убо плоть, преходит бо: прилежати же о души вещи безсмертней. Темже и со Ангелы срадуется,. преподобная Евфросиние, дух твой.

Ин тропарь преподобной Ефросинии Суздальской глас 4
Святая твоя память Суждальскую страну веселит, верных же вся созывает во всечестный храм твой, идеже ныне совершается всеславная память твоя, Бвфросиние преподобная: моли Христа Бога, спастися душам нашим.

Кондак преподобной Ефросинии Суздальской глас 2
Девства чистый сосуд елеем молитвы и любве исполнивши, неугасимый светильник в сердце своем возжгла еси, преподобная, с нимже бодренно в сретение Небеснаго Жениха изшедши, в чертог Того пресветлый прията была еси: идеже ныне водворялся с лики Ангелов и святых, молися, молимся, Христу Богу, части дев юродивых избавится нам.

Ин кондак преподобной Ефросинии Суздальской глас 6
Женише мой Сладчайший, Христу взываше прекрасная Евфросиние, ибо сладость любве Твоея душу ми надежею впери и красота милости Твоея сердце ми услади, сопотрудитися страданий по Тебе имея на Тя надежду, да достойну мя чертога с мудрыми девами и ликовствовати у Тебе причтимся. Темже, преподобная, почитающе подвиг трудов твоих, молим тя: моли незазритися и нам чертогу двери.

Ин кондак преподобной Ефросинии глас 8
Девства чистотою возмогла еси свещу своего разума/ и просветила еси душевную чистоту,/ лощением же и бдением плоть поработила еси духу,/ темже, преподобная Евфросиние,/ почитающе подвиги трудов твоих, молимся,/ моли Христа Бога спастися душам нашим.

Pages: 1 2 3

Проповеди
В этот день:
Русская Православная Церковь отмечает память святых:
Первомученицы Равноапостольной Феклы (I).
Преподобного Стефана (Симона) Сербского (1224/1228),
Преподобного короля Владислава Сербского (после 1267)
Преподобного Никандра пустынножителя, Псковского чудотворца (1581)
Преподобномученика Галактиона Вологодского (1612).
Мученика Петра Алеута (1815; Амер.)
Преподобного Гавриила Седмиезерного (Зырянова) (1915).
Преподобного Коприя Палестинского (530).
Преподобного Авраамия, игумена Мирожского (1158)
Преподобного Давида Сербского (XIII)
Преподобного Феодосия Манявского, игумена (1629; Укр.)
Священномученика Василия диакона (1918).
Преподобномученика Виталия Кокорева, монаха,  (1937)
Священномучеников Андрея и Павла пресвитеров, прмч. Виталия и мчч. Василия, Сергия и Спиридона (1937).
Священномученика Павла Березина, иерея (1937)
Священномученика Никандра пресвитера (1939).
Мирожская икона Божией Матери

Храни вас Господь, Матерь Божия и все святые, их же память мы сегодня отмечаем

Молитвы:
Тропарь первомученицы равноапостольной Феклы глас 4
Словесем Павловым научившися, богоневестная Фекло,/ и верою утвердившися от Петра, богозванная,/ первомученица явилася еси и первострадальница в женах,/ возшла еси на пламень, яко на место благоцветущее,/ звери и юнцы устрашишася тебе, вооружися бо Крестом./ Тем моли, всехвальная, Христа Бога,// спастися душам нашим.

Кондак первомученицы равноапостольной Феклы 2
глас 2
Уязвивши твое сердце, добродево, любовию Христовою,/ обручника временнаго, яко небрегома, преобидела еси,/ и на огнь дерзнула еси,/ зверей же уста заградила еси/ и, спасшися от них, прилежаше, Павла ищущи,// Фекло первострадальная.

Кондак первомученицы равноапостольной Феклы глас 8
Девства добротою просияла еси,/ и мученичества венцем украсилася еси,/ Апостольству вверяешися, дево, яко преславная,/ и огня убо пламень в росу преложила еси,/ юнца же ярость молитвою твоею укротила еси,/ яко первострадальная.

Тропарь преподобномученика Галактиона Вологодского глас 5
Днесь град Вологда тобою всемирне хвалится,/ возсиял бо еси пресветло яко солнце/ и чудесы твоими град и веси, преподобне Галактионе, озарил еси./ И ныне молися Господеви/ избавитися душам нашим от прелести вражия/ спастися граду нашему от поганскаго и всех противных наития,/ и испроси у Христа Бога любовию чтущим тя/ прегрешений прощения/ и просящим твоея помощи от всякия скорби избавление, и вопиющим к тебе:/ Бог наш с нами, прославивый угодника Своего, яко же благоволи.

Ин тропарь преподобномученика Галактиона Вологодского глас 4
Днесь град Вологда тобою хвалится, преподобне,/ возсиял бо еси пресветло, яко солнце,/ грады и веси чудесы твоими озаряя./ И ныне, преподобномучениче Галактионе,/ Господеви молися стране нашей от нахождения сопротивных избавитися,/ и у Христа Бога прегрешений наших оставление испроси,/ и от всякия скорби избавление подаждь любовию чтущим тя,/ и вопиющим верно:/ Бог наш с нами, прославивый угодника Своего, якоже благоволи.

Кондак преподобномученика Галактиона Вологодского глас 4
Благочестно на земли пожив/ и мучения венец приял еси, пречестне,/ древом во главу от нашедших градоразорителев убиен еси,/ добрый ученик Спаса Христа,/ оставив отечественный свой град и други/ странствовати любве ради Христовы Евангельски изволил еси./ Сего ради тя почитаем, песньми вопиюще:/ от бед избави нас присно молитвами твоими,/ угодниче Божий Галактионе, отче наш.

Тропарь преподобного Никандра пустынножителя, Псковского чудотворца глас 4
Глас Божественный,/ иже во Евангелии, услышав, преподобне отче Никандре:/ приидите ко Мне вси труждающиеся и обремененнии, и Аз упокою вы,/ и прием крест, последовал еси Христу,/ мир оставль, в пустыню вселился еси,/ пощением же и бдением Небесный дар восприим,/ и души недужных приходящих к тебе с верою исцелявши:/ темже и со ангелы срадуется, преподобне, дух твой.

Ин тропарь преподобного Никандра пустынножителя, Псковского чудотворца глас 6
Светило незаходимаго света стране нашей явился еси, Богоблаженне, / доблественне претерпев вражия озлобления, / биение и раны яко одежда нетления вменишася тебе, / со зверьми бо брався, и от человек злых прободения прияв, / о тех молился еси, не постави им греха сего, глаголя; / темже Владыце Христу уподобился еси, достохвальне Никандре, отче наш, / молися о душах наших.

Кондак преподобного Никандра пустынножителя, Псковского чудотворца глас 1
Яко лучу тя солнечную Христос показа, преподобне,/ сияеши бо в земли Российстей чудес благодатию,/ и отгонявши тму страстей же и скорбей, от приходящих к тебе с верою:/ темже почитаем твою память, Никандре/ отче наш, и вопием ти: радуйся пустынножителей красото,/ и стране нашей похвала и утверждение.

Ин кондак преподобного Никандра пустынножителя, Псковского чудотворца глас 8
Во избрание Богосиянная звезда веры,/ иже возсия в Рустей земли, отче преблаженне Никандре,/ слезами и постом и бдением и молитвами удручал тело свое,/ темже и обрете Небесную жизнь,/ и радостно тайно со Ангелы ликовствуя, да зовем ти: радуйся, отче преподобне Никандре пустынный жителю.

Тропарь Божией Матери пред иконой Ее Мирожской глас 4
Яко звезда пресветла возсия в Российской земли/ от иконы честнаго образа Твоего, Богородице Дево,/ из обою очию текущи слезы Твоя, яко река,/ и видевше народи псковскии, мужи и жены и с чады,/ с плачем молящеся образу Твоему, сице глаголюще:/ О Пресвятая Владычице Богородице,/ не забуди грешных раб Твоих,/ молящися Христу Богу нашему спастися нам.

Кондак Божией Матери пред иконой Ее Мирожской глас 7
Заступнице христианом непостыдная/ и Предстательнице граду нашему Пскову,/ не презри моления нас грешных,/ и видящих от Твоего честнаго образа слезы текуща из обою очию,/ и молящуся прилежно,/ но предвари яко Блага на помощь нашу, верно к Тебе прибегающим,/ услыши наша моления, Богородице,/ и избави нас от нахождения поганых,/ ускори же на молитву нашу и потщися на умоление,/ заступающи присно, Богородице, чтущих Тя;/ радуйся, Дево, христианом похвале.

Pages: 1 2 3