Поклонение честным веригам ап. Петра . Блаженного Максима, иерея Тотемского Мучениц Спевсиппа, Елевсиппа, Мелевсиппа, бабки их Леониллы и с ними Неона, Турвона и Иовиллы Мученика Данакта чтеца Сщмч. Иоанна пресвитера (1919). Прп. Ромила, ученика св. Григория Синайского и с ним свв. Нестора, Мартина, Даниила, Сисоя, Зосимы и Григория (Греч.). Новосщмч. Дамаскина Хилендарского (Греч. ). Свт. Онората, архиеп. Арльского. Св. мч. Зигеберта, короля Восточного Англса (635) (Кельт. и Брит.). Св. Фурсея Бур Кастльского, просветителя Восточной Англии (650) (Кельт. и Брит.). Св. Якова Тарентазийского (429). Новомч. Николая Митиленского (1777).

Молитвы:

Рима не оставль, к нам пришел еси / честными веригами, яже носил еси, апостолов первопрестольне. / Имже верою покланяющеся, молимся: / твоими к Богу молитвами / даруй нам велию милость.

Камень Христос каменя веры прославляет светло, учеников первопрестольника:/ созывает бо вся праздновати, Петре, чудеси твоей честныя вериги/ и подает согрешений прощение.

Верховнаго и перваго апостолов,/ истины Божественнаго ученика,/ Петра великаго восхвалим/ и того верою целуем вериги,/ прегрешений разрешение приемлюще.

Непорочным священством Богови послужив,/ посреде мирскаго мятежа юродство избрал еси,/ взем бо крест, последовал еси Христу невозвратным помыслом/ и, с любовию к Нему добродетельми приближался,/ земная оставив, Небесная восприял еси,/ блаженне Максиме, отче наш,/ моли Христа Бога/ сохранитися граду Тотьме невредиму/ и спастися душам нашим.

Божественному гласу последуя,/ возревновал еси наставляти паству свою/ не мудростию слова, но буйством жития безмятежнаго,/ непрестанными молитвами и слезными струями/ душу и тело омывая,/ воздушными стихиями плоть изнуряя,/ темже и по смерти чудесы тя Господь прослави,/ да с верою зовем к тебе:/ радуйся, Богомудре отче наш Максиме.

В этот день: Русская Православная Церковь отмечает память святых:

Св. Мелетия, еп. Рязанского, миссионера Якутского (1900). Преподобных в Синае и Раифе избиенных: Исаии, Саввы, Моисея и ученика его Моисея,  и иных с ними Преподобного Иосифа Аналитина Раифского Преподобного Федула Преподобного Стефана Новосщмч. еп. Амвросия (Гудко) и новомчч. в Раифской пустыни близ Казани убиенных (1918). Прп. Иоанна исп (1961). Мч. Агнии девы. Свт. Кентигерна (Мунго), еп. Глазго и Страфклайда (612) (Кельт. и Брит. ).

Равноап. Нины, просветительницы Грузии. Тропарь, глас 4. Слова Божия служительнице, / во апостольстей проповеди Первозванному Андрею и прочим апостолом подражавшая, / просветительнице Иверии / и Духа Святаго цевнице, / святая равноапостольная Нино, / моли Христа Бога / спастися душам нашим.

Приидите днесь вси,/ воспоим избранную от Христа/ равноапостольную проповедницу Божия слова,/ мудрую благовестницу,/ люди Карталинии приведшу на путь живота и истины,/ Богоматере ученицу,/ усердную заступницу и неусыпающую хранительницу нашу,/ Нину прехвальную.

Церкве Христовы Светильниче, земли Рязанстей и Сибирстей украшение,Святителю Мелетие, Владыце всех молися, мир вселенней даровати и душам нашим велию милость.

Днесь Собор Рязанских и Сибирских Святых предстоит в Церкви, и невидимо за ны молится Богу. Днесь Церковь небесная и земная ликовствует, Ангели и Святии радуются, купно паства с ними веселится, прославляя обретение мощей Святителя Мелетия, нас бо ради молят вси Превечнаго Бога.

Мучеников Ермила и Стратоника Преподобного Иринарха, затворника Ростовского Преподобного Елеазара Анзерского Преподобного Иакова, еп. Низибийского Мученика Петра Анийского Преподобного Максима Кавсокаливита, Афонского Мч. Афанасия Сщмч. Илария, еп. Пуатье. Мчч. Пахомия и Папирина, (Греч. ).

Мучеников Ермила и Стратоника. Тропарь, глас 4. Мученицы Твой, Господи,/ во страданиих своих венцы придала нетленный от Тебе, Бога нашего:/ имуще бо крепость Твою,/ мучителей низложиша,/ сокрушиша и демонов немощный дерзости./ Тех молитвами/ спаси души наша.

От мирския молвы избегосте и к тихому пристанищу преставистеся,/ мученичества кровьми и постничества трудами венчаеми./ Темже и показастеся мучеников и преподобных единовсельницы.

Яко мученика добропроизвольна / и преподобных удобрение, / звезду Ростовскую, / в затворе, узах и веригах Господеви благоугодившаго / и чудес благодать от Него приемшаго, / Иринарха предивнаго песньми хвалебными почтим / и, к нему припадающе, умильно глаголем: / отче преподобне, моли Христа Бога / спастися душам нашим.

Волнений множество жестоким житием преходя,/ изгнание, затвор и узы железный претерпел есй мужески, Иринарше терпеливодушне,/ нам оставль образ злострадания и терпения твоего,/ озаряя чудес блистаньми с верою приходящих к честному гробу твоему,/ у негоже, яко почесть победную, вериги твоя тяжкия видим,/ от нихже подаеши исцеления недужным./ Сего ради зовем ти:/ радуйся, Иринарше, отче предивный.

Отверг плоти тленная, / нетленных потщался еси достигнути, / и, мира удалився, / вселился еси в морский остров, / и на нем усердно многа лета Господеви поработал еси, / сего ради и дары прозрения и чудес обогатился еси,/ отче преподобне Елеазаре. / Христа Бога моли даровати нам мир и велию милость.

Яко лучу тя солнечную, Христос показа, преподобие,/ сияющу во стране приморстей чудес благодатию,/ уставлявши бо плавающим тишину морскую, верою молящимся тебе и вопиющим:/ радуйся, Елеазаре, отче наш,/ страны Беломорския похвало и утверждение.

Татьяна Римская, мученица

В этот день: Русская Православная Церковь отмечает память святых:

Святитель Савва, просветитель Сербский Преподобный Мартиниан Белозерский Блаженного Галактиона Белоезерских Мученик Мертий Мученик Петр Авесаламит Преподобной Евпраксии Тавенисской Икона Божией Матери, именуемых «Акафистная» Икона Божией Матери «Млекопитательница». Икона Божией Матери, именуемая «Попская». Мч. Евфасии девы. Прп. Венедикта Бископа, игумена Веармаудского (689-690) (Кельт. и Брит.). 8 мчч. Никейских (Греч.). Св. Илии чудотворца, из «Рая» (Греч.). Св. Феодоры Александрийской, руководительнице монахинь (5th c.). Мч. Филофея Антиохского (305).

Мученицы Татианы. Кондак, глас 4. Светло во страдании твоем возсияла еси, страстотерпице,/ от кровей твоих преиспещрена,/ и, яко красная голубица, к Небеси возлетела еси, Татиано,/ темже моли присно за чтущия тя.

Явился еси днесь вселенней,/ и свет Твой, Господи, знаменася на нас,/ в разуме поющих Тя:/ пришел еси, и явился еси,/ свет неприступный.

Пути, вводящаго в жизнь,/ наставник, и перво-престольник, и учитель был еси:/ первее бо пришед, святителю Савво,/ отечество твое просветил есй/ и, породив тое Духом Святым,/ яко древа маслинная,/ в мысленнем рай насадил есй всеосвященная твоя чада./ Тем, яко апостолом и святителем сопрестольна/ чтуще тя, молим:/ моли Христа Бога/ даровати нам велию милость.

Яко первосвятителя великаго и апостолов сообщника,/ Церковь прославляет тя людей твоих, преподобие,/ но яко имея дерзновение ко Христу Богу,/ молитвами твоими от всяких нас бед спасай, да зовем ти:/ радуйся, отче Савво Богомудре.

Православия наставниче,/ благочестия учителю и чистоты,/ вселенныя светильниче,/ архиереов Богодухновенное удобрение,/ Савво премудре,/ ученьми твоими вся просветил еси,/ цевнице духовная,/ моли Христа Бога спастися душам нашим.

Струями слез твоих, Богоносне Савво,/ церковь телесную очистив,/ слуга бысть Святыя Троицы,/ сохраняй отечество свое непобедимо,/ тому бо ты еси утверждение.

Избраннаго от пелен Христовою благодатию/ и возлюбленнаго от юности Божиим Духом,/ юностный цвет, Савву блаженнаго,/ похвальный венцы, вернии, днесь сплетше/ и Божественную главу его венчающе, воззовем:/ радуйся, отче, Божие жилище.

Богу от юности, отче, избравшу и возлюбившу тя/ и провидящу твое доброе произволение,/ наставляет тя приити к преподобному Своему угоднику -/ Кириллу всеблаженному,/ от негоже наставлен бысть на путь спасения,/ страхом Божиим, и чистотою душевною, и благоговением,/ и непрестанными к Богу молитвами/ во мнозе подвизе жизнь свою препроводил еси/ и заповеди Божия непорочно соблюл еси,/ пастырь и наставник иноком предивен был еси,/ и ныне Престолу Христову со дерзновением предстоиши на Небесех,/ со Ангелы светлоликовствуя,/ отче преподобне, Мартиниане всеблаженне,/ не престай молися Христу Богу/ спасти и помиловати души наша.

Благоизволив, преподобие,/ от юнаго возраста работати Господеви день и нощь,/ в страсе Божий и благоговении чистоту душевную соблюл еси,/ в молитвах же и бдениих ум твой предочистил еси,/ в подвизех же, злостраданиих тело твое изнурив,/ вся добродетели духовный исправил еси/ и образ хотящим по тебе спастися явился еси./ Темже ныне, присно зря на Небесех Пресвятую Троицу,/ молися, всеблаженне, даровати душам нашим спасение,/ и житию нашему исправление,/ да вси верою вопием ти:/ радуйся, преподобие Мартиниане, отче наш.

От юности, отче, избран и возлюблен был еси Господом Богом,/ Иже, провидя доброе твое произволение,/ научи тя прийти к преподобному угоднику Своему, Кириллу всеблаженному,/ от негоже наставлен быв на путь спасения,/ в страсе Божий и чистоте душевней,/ в благоговении же и непрестанных к Богу молитвах/ житие твое непорочно прешел еси,/ и ныне, со дерзновением предстоя на Небесех Престолу Христову,/ отче Мартиниане всеблаженне,/ не престай моля Христа Бога спасти и помиловати души наша.

От юнаго возраста Божественным желанием разжегся,/ честному учителю вдан был еси/ и в воздержании мнозе, отче,пребыл еси,/ ревнуя благому наказанию,/ плод многодобродетелен Богу принесл еси,/ тем молим тя, отче Мартиниане,/ моли Христа Бога спастися душам нашим.

Без семене от Божественнаго Духа,/ волею же Отчею зачала еси Сына Божия,/ от Отца без матере прежде век суща,/ нас же ради из Тебе без отца бывша,/ плотию родила еси/ и Младенца млеком питала еси,/ темже не престай молити/ избавитися от бед душам нашим.

Душ наших чувствия очистивше,/ узрим на иконе таинство преславное,/ Творца Вселенныя и Господа вышних сил,/ во объятиих держима и от сосцу Твоею яко Младенца питаема,/ и, со страхом и радостию покланяющеся Тебе/ и рождшемуся от Тебе Спасу нашему, воззовем:/ радуйся, Владычице, жизни нашея Питательнице.

В этот день: Русская Православная Церковь отмечает память святых:

Преподобный Михаил Клопский Преподобный Феодосий Антиохийский Святитель Феодосий, митр. Трапезундского (Греч.). Сщмчч. Николая, Феодора и Владимира пресвитеров (1919). Св. Владимира исп., пресвитера (1932). Свв. Феодора и Агапия архим. Мч. Маира. Свт. Стефана из Плакиды (Греч.). Св. Агапия Апамейского, Сирийского. Сщмч. Егина, папы Римского (742) (Кельт. и Брит.). Прп. Ромила пустынника, Ведденского. Прп. Виталия Газского (Греч.). Св. Иосифа Каппадокийского (Греч.). Икону Божией Матери Елецкую

Прп. Феодосия Великого. Тропарь, глас 8. Слез твоих теченьми пустыни безплодное возделал еси, / и иже из глубины воздыханьми во сто трудов уплодоносил еси, / и был еси светильник вселенней, / сияя чудесы, Феодосие отче наш, / моли Христа Бога спастися душам нашим.

Насажден во дворех Господа твоего, / преподобными твоими добродетельми красно процвел еси/ и умножил еси чада твоя в пустыни,/ слез твоих тучами напаяемая,/ стадоначальниче Божий Божественных дворов./ Темже зовем: радуйся, отче Феодосие.

Иже на земли Христа ради волею в буйство преложився, / мира сего красоты отнюд возненавидел еси / и, плотская играния увядив постом и жаждею и на земли леганием, / от зноя же и студени, от дождя и снега / и от прочия воздушныя тягости никогда же уклонился еси, / душу же очистил еси добродетельми, яко злато в горниле, / отче преподобне Богоносне Михаиле, / и ныне на Небесех предстоиши престолу Пресвятыя Троицы. / Но яко имея дерзновение многое, / моли Христа Бога спастися душам нашим.

Духа Святаго силою уподобился еси Богоглаголивым древним пророком,/ сказав безвестная и тайная и еже годе судьбам Божиим в сбытие, / и ина многа чудеса о Христе сотворив,/ и люди удивив, торжествовати устроил еси вопиющия: / слава Богу, прославляющему святыя Своя.

Днесь светло красуется древний град Елец, / поминающе славное чудо Пресвятыя Богородицы: / егда бо на стогнах Первопрестольныя Москвы / икону Ея чудную людие московстии сретаху, / тогда Сама, Владычице, на горе Аргамачстей во граде Ельце, / на сретение нечестивому Тамерлану изшедше, / грозное его нашествие вспять обрати. / Сего дивнаго явления изображение на новописанней иконе зряще / и Заступницу нашу за вся благодеяния Ея благодаряще, / умильно Ей взываем: / и в предняя не остави нас, о Мати Милосердая.

В этот день: Русская Православная Церковь отмечает память святых:

Святитель Феофан, Затворник Вышенский Преподобный Павел Комельский (Обнорский) Преподобный Дометиан Мелитинский Преподобный Маркиана пресвитера Священномученика Анатолия, митр. Одесского Преподобный Макарий Писемский Блаженной Феозвы диакониссы Прп. Антипы Валаамского (Афонского) (1882). Сщмч. Зиновия пресвитера (1920). Сщмч. Петра пресвитера (1930). Прмц. Арсении игумении (1939). Прп. Аммония, монаха. Прп. Антипы из Калапоести (1882) (Рум.). Страрца Ефраима и шести монахов Обнорских (1538).

Тропарь Григорю, глас 4. Боже отец наших,/ творяй присно с нами по Твоей кротости,/ не отстави милость Твою от нас, / но молитвами их / в мире управи живот наш.

Церкве Божественный иерарх/ и премудрости честный тайноглагольник, / Ниссийский бодрый ум, Григорий,/ со Ангелы ликовствуя/ и наслаждался Божественным светом,/ молится непрестанно о всех нас.

Оком душевным бодрствуя, святителю,/ бодр пастырь явился еси миру, / и жезлом мудрости твоей, и теплым предстательством твоим/ вся отгнал еси злославныя, яко волки,/ невредно соблюд стадо,/ Григорие всемудре.

Православия наставниче, / благочестия учителю и чистоты, / Вышенский подвижниче святителю Феофане богомудре, / писаньми твоими Слово Божие изъяснил еси / и всем верным путь ко спасению указал еси, / моли Христа Бога спастися душам нашим.

Богоявлению тезоименитый,/ святителю Феофане,/ ученьми Твоими многи люди просветил еси,/ со Ангелы ныне предстоя Престолу Святыя Троицы,// моли непрестанно о всех нас.

Божественною любовию от юности распалаемь, Павле преподобне, / вся, яже в мире красная, возненавидев, / Христа единаго возлюбил еси / и сего ради во внутреннюю пустыню вселился еси, / со зверьми жити весь Христу. / Отонудуже и Всевидящее Око, твоя труды видев, / даром чудес и по преставлении обогати тя. / Темже вопием ти: / моли непрестанно о всех нас, / честную память твою присно в песнех почитающих.

Все твое умное желание к Богу вперив,/ и Тому невозвратно от души последовал еси, в пустыню вселився,/ и, тамо ангельски пожив, многим путь был еси ко спасению. / Сего ради и Христос тя прослави и даром чудес обогати./ Темже вси вопием ти:/ радуйся, Павле преподобие, пустынный жителю.

Попразднство Богоявления.

Русская Православная Церковь отмечает память святых: Святитель Филипп, митр. Московский и всея России, чудотворец Мученика Полиевкта Мелитинского Преподобный Иона Киевский Пророка Самея (X в. до Р.Х.). Святитель Петр, еп. Севастийский Армянский Преподобный Евстратий Сщмч. Павла пресвитера (1943). Св. Адриана Кентерберийского (659) (Кельт. и Брит.). Новомц. Парфины Едесской в Македонии (1375). Перенесения мощей св. Иудока пустынника Понфейского. Св. Филана игумена Стрфиланского.

Тропарь Богоявлению, глас 1. Во Иордане крещающуся Тебе, Господи, / троическое явися поклонение, / Родителев бо глас свидетельствоваше Тебе, / возлюбленного Тя Сына именуя, / и Дух в виде голубине, / извествоваше словесе утверждение. / Явлейся Христе Боже, / и мир просвещей, слава Тебе.

Явился еси днесь вселенней,/ и свет Твой, Господи, знаменася на нас,/ в разуме поющих Тя:/ пришел еси, и явился еси,/ свет неприступный.

Мученик Твои, Господи, Полиевкт, / во страдании своем венец прият нетленный от Тебе, Бога нашего:/ имеяй бо крепость Твою,/ мучителей низложи,/ сокруши и демонов немощныя дерзости./ Того молитвами/ спаси души наша.

Спасу приклоншу во Иордане главу, / сокрушишася змиев главы. / Полиевктова же глава отсекшаяся/ льстиваго посрами.

Первопрестольников преемниче, столпе Православия, / истины поборниче, новый исповедниче, святителю Филиппе, / положивый душу за паству твою. / Темже яко имея дерзновение ко Христу, / моли за град же и люди, чтущия достойно светлую память твою.

Православия наставника и истины провозвестника, / Златоустаго ревнителя, / Российскаго светильника, Филиппа премудраго восхвалим,/ пищею словес своих разумно чада своя питающа, / той бо языком хваление пояше, / устнама же пение вещаше,/ яко таинник Божия благодати.

В этот день: Русская Православная Церковь отмечает память святых:

Священномученика Исидора и с ним 72-х Прп. Паисия Угличского (1504). Преподобного Григория, чудотворца Печерского, в Ближних пещерах (1093). Преподобного Григория, затворника Печерского, в Дальних пещерах Мученика Або Тбилисского Священномученик Картерий Преподобной Домники Константинопольской Преподобного Емилиана исповедника Мученики Феофил и Елладий Мучеников Иулиана,  Василиссы и еже с ними Преподобный Илья, пустынник Египетский Сщмч. Виктора пресвитера (1937). Сщмч. Димитрия пресвитера (1938). Сщмч. Владимира пресвитера (1938). Михаила (1938). Св. Михаила исп., пресвитера (1941). Свят. Кира и Аттика, патр. Константинопольских. Прп. Агафона Египетского Мч. Гудулы Брюссельской (659) (Кельт. и Брит.). Свт. Григория, еп. Мизийского (Болг.). Св. Северина, ап. Норикумского в Австрии (482). Св. Федора Константинопольского (595). Св. Ерхарда, еп. Регенсбургского в Баварии (700). Св. Макария (Макриса) Афонского (1431). Св. Северина еп. Кологненского (397). Св. Нафалана Аберденширского. Св. Пеги пустыннице Пикирской. Св. Вулсина еп. Шерборнского.

Тропарь Богоявлению, глас 1. Во Иордане крещающуся Тебе, Господи, / троическое явися поклонение, / Родителев бо глас свидетельствоваше Тебе, / возлюбленного Тя Сына именуя, / и Дух в виде голубине, / извествоваше словесе утверждение. / Явлейся Христе Боже, / и мир просвещей, слава Тебе.

Явился еси днесь вселенней,/ и свет Твой, Господи, знаменася на нас,/ в разуме поющих Тя:/ пришел еси, и явился еси,/ свет неприступный.

Явился еси светило пресветлое, Георгие,/ озаряя Божественными зарями верно зовущия ти:/ моли о нас Владыку Христа,/ явльшагося во струях/ и просвещшаго земнородныя.

Страстотерпцы Господни блаженнии,/ Православную веру Христову со дерзновением проповедаете/ и на судищи учения врагов неправая обличисте, / того ради и ввержени бысте, святии,/ во глубину речную,/ души же ваша вселишася в Небесныя кровы, / идеже со святыми предстояще Престолу Царя всех Бога,/ молитеся Ему за вся православный люди,/ подвиги ваша честно почитающия.

Мученик Христовых лик песньми почтим,/ пострадавших крепко Христовы ради веры истинныя/ и вражию гордыню до конца низложивших./ Озарившеся бо благодатию Несозданныя Троицы, славнии,/ со священномучеником Исидором пострадавший,/ яко звезды, сияете во всем мире,/ и ныне молитеся Христу непрестанно, / и нас защищаете от враждебных язык нашествия, / неусыпнии молитвенницы о душах наших.

Великих дарований приемниче / и великих чудес силою Божиею творителю, / пречудне отче Григорие, / яко велие дерзновение имея ко Христу Богу, / непрестанно о нас молися Ему, / да грехов оставление / подаст душам нашим.

Запрещая беззаконнующим беззаконновати, / ввержен был еси теми в струи речныя, досточудне Григорие,/ идеже блаженную восприем кончину./ Ныне со Ангелы предстоя Престолу Владычню,/ молися о душах наших.

Пещерный житель и в телеси Ангел / и чудотворец явился еси, Богоносе отче наш Григорие, / постом, бдением, молитвою Небесная дарования приим,/ исцеляеши недужныя и души верою приходящих ти. / Слава Давшему ти крепость, / слава Венчавшему тя, / слава Действующему тобою всем исцеления.

Велиим воздержанием / и нощными молитвами, / преподобие чудотворче отче Григорие, / приял еси от Бога дар чудотворения/ исцеляти недужныя, / с верою к тебе притекающия, / темже и наша многия болезни исцели, молимся.

Христовы ради любве отечество и род оставил еси,/ и, ангельскому житию поревновав,/ в пустыню вселился еси, / в нейже многотрудное житие явил еси / и чудес дарования от Бога приял еси, / Паисие преподобне, / моли Христа Бога спастися душам нашим.

Христовы ради любве отечество и род оставил еси/ и, ангельскому житию поревновав,/ духовному отцу твоему преподобному Макарию, подражатель быв,/ града Углеча достигл еси,/ и близ того при водах в пустыню, Ангелом показанную, вселился еси,/ и обитель прекрасну Матери Божией воздвигл еси,/ и множество монахов собрал еси,/ имже и наставник ко спасению быв,/ и чудес дарования от Бога приял еси,/ Паисие преподобне,/ моли Христа Бога спастися душам нашим.

Слез твоих теченьми пустыни безплодное возделал еси/ и, иже из глубины воздыханьми, во сто трудов уплодоносил еси,/ и был еси светильник вселенней, сияя чудесы, Паисие, отче наш,/ моли Христа Бога/ спастися душам нашим.

Чистотою душевною божественно вооружився/ и непрестанный молитвы, яко копие, имый,/ крепко ссекл еси бесовское ополчение,/ Паисие, отче наш,/ моли непрестанно о всех нас.

Украшен добродетельми, преподобне Паисие Богодухновенне,/ Церкве Христовы красота был еси,/ подвиги бо иноческими украси ю, блаженне./ Темже молим тя:/ молися ко Господу свободити нас от всякия брани борителя, вопиющих ти:/ радуйся, отче преблаженне.