Проповеди
Святки. Пост отменяется
Рождество Господа нашего Иисуса Христа.
Поклонение свв. волхвов: Мельхиора, Гаспара и Валтасара.
Прпмч. Ионы и с ним 50 монахов и мирян в Трифоно-Печенгском монастыре шведами убиенные (1590).

Храни вас Господь, Матерь Божия и все святые, их же память мы сегодня отмечаем!

Тропарь праздника Рождества Христова, глас 4
Рождество Твое, Христе Боже наш,/ возсия мирови свет разума,/ в нем бо звездам служащии/ звездою учахуся/ Тебе кланятися, Солнцу Правды,/ и Тебе ведети с высоты Востока.// Господи, слава Тебе!

Кондак праздника Рождества Христова, глас 3
Дева днесь Пресущественнаго раждает,/ и земля вертеп Неприступному приносит,/ Ангели с пастырьми славословят,/ волсви же со звездою путешествуют,/ нас бо ради родися// Отроча Младо, Превечный Бог.

Величание
Величаем Тя,/ Живодавче Христе,/ нас ради ныне плотию рождшагося/ от Безневестныя// и Пречистыя Девы Марии.

Задостойник, глас 1
Величай, душе моя,// Честнейшую и Славнейшую горних воинств, Деву Пречистую, Богородицу. Любити убо нам яко безбедное страхом/ удобее молчание,/ любовию же, Дево,/ песни ткати, спротяженно сложенныя, неудобно есть,// но и, Мати, силу, елико есть произволение, даждь.

Pages: 1 2 3

Попечительский Совет при Алчевском благочинным округе и администрация портала «Алчевск Православный» поздравляют всех гостей

с

Рождеством Христовым!!!

Желает всем Божией благодати, терпения, крепости духа и да сохранит Вас Господь в добром здравии на многая лета.

Проповеди
Навечерия Рождества Христова
В этот день:
Русская Православная Церковь отмечает память святых:
Преподобномученица Евгения Римская
Святителя Владимира (Шимковича), митрополита Воронежского и Задонского (1926)
Преподобного Витимона Скитского. (IV-V)
Преподобный Антиох, монах палестинской лавры св. Саввы (ок. 635)
Преподобного Афродисия, монаха Палестинского. (VI в.)
Преподобного Николая монаха Болгарского (IX)
Мученик Ахмет (Ахмед) Краснописец (+ 1682)  (Греч. ).
Преподобномученика Иннокентия (Беды) (1928)
Священномученика Сергия Мечёва, протиерея (1942).

Храни вас Господь, Матерь Божия и все святые, их же память мы сегодня отмечаем!

Молитвы:

Предпразднства Рождества Христова. Тропарь, глас 4.
Написовашеся иногда со старцем Иосифом,/ яко от семене Давидова, в Вифлееме Мариам,/ чревоносящи безсеменное Рождение./ Наста же время рождества,/ и место ни единоже бе обиталищу,/ но, якоже красная палата, вертеп Царице показашеся./ Христос раждается прежде падший воскресити образ.

Кондак предпразднства Рождества Христова, глас 3.
Дева днесь Превечное Слово в вертепе грядет родити неизреченно:/ ликуй, вселенная, услышавши,/ прослави со Ангелы и пастырьми хотящаго явитися отроча Младо, Превечнаго Бога.

Тропарь преподобномученицы Евгении Римской, глас 4
Агница Твоя, Иисусе, Евгения/ зовет велиим гласом:/ Тебе, Женише мой, люблю,/ и, Тебе ищущи, страдальчествую,/ и сраспинаюся, и спогребаюся крещению Твоему,/ и стражду Тебе ради,/ яко да царствую в Тебе,/ и умираю за Тя, да и живу с Тобою,/ но, яко жертву непорочную, приими мя с любовию пожершуюся Тебе./ Той молитвами, яко милостив, спаси души наша.

Преподобномученице Евгении Римской Кондак , глас 2.
Благородия нравом тя честноподобне украсив обоживый Господь,/ в рабий образе от Девы нам соединися,/ Иже тя в лик дев свещеносиц вчини/ и с мученики сочета, Евгение,/ яко воистинну благородия Божественныя славы венец улучи.

Pages: 1 2 3

Проповедь
Рождественский пост.
В этот день:
Русская Православная Церковь отмечает память святых:
Десяти мучеников в Крите (250)
Преподобного Нифонта, еп. Кипрского (IV).
Преподобный Павел, еп. Неокесарийский (IV).
Святителя Наума, просветителя Болгарского (910) (Болг. ).
Прп. Давида Эчмиадзинского, в Армении. (703)
Преподобный Эгберт Ратмельсигийский, Линдисфарнский (729)
Святителя Феоктиста, архиеп. Новгородского (1310)
Сщенномученика Павла (Кратирова), еп. Старобельского. (1932)
Священномученика Василия Спасского, иерея (1938)
Преподобномученика Иоанна (Смирнова), иеромонаха (1938)
Преподобномученик Макарий (Миронов), иеромонаха (1938).

Храни вас Господь, Матерь Божия и все святые, их же память мы сегодня отмечаем!

Молитвы:
Мучеников, иже в Крите. Тропарь, глас 3.
Многочудный Крит почтим,/ процветший честныя цветы,/ Христовы бисеры,/ мучеников сорасленых,/ десять бо суть числом, блаженнии,/ иже весь идольский народ посрамиша,/ темже и венцы прията, добледушнии.

Св. Наума. Тропарь, глас 4.
Мир оставил еси, прилепився Христу,/ плоть распял еси, пожив Духу,/ Науме всеблаженне,/ потщался еси апостольским подвизатися течением/ и уловил еси к вере Болгарская неисчетная множества./ Темже молитвами твоими/ избави нас от искушений.

Св. Наума. Кондак, глас 3.
Светлых твоих подвигов пречестная память, яко велие солнце, всем возсиявает,/ лица воспевающих тя просвещает,/демоны и всяку болезнь отгоняет:/ сего ради, сошедшеся, любовию сию верно восхвалим.

Проповеди
Рождественский пост.
В этот день:
Русская Православная Церковь отмечает память святых:
Великомученицы Анастасии Узорешительницы (ок. 304).
Праведного Александра Юнгерова, протоиерея Чагринского (1900)
Священномученика Димитрия Киранова, протоиерея (1938)
Священномученика Феодора Поройкова, протоиерея (1938)

Храни вас Господь, Матерь Божия и все святые, их же память мы сегодня отмечаем!

Молитвы

Вмц. Анастасии. Тропарь, глас 4.

Победоноснаго Воскресения/ истинноименитая наречена еси, мученице Христова,/ победы на враги поставила еси мук терпением,/ Христа ради, Жениха твоего,/ Егоже возлюбила еси./ Того моли/ спасти души наша.

Вмц. Анастасии. Кондак, глас 2. Во искушениих и скорбех сущий,/ к твоему храму притекающе,/ приемлют честная дарования от живущия в тебе Божественныя благодати, Анастасие:/ ты бо присно миру точиши исцеления.

Pages: 1 2 3

Проповеди
Рождественский пост.
В этот день:
Русская Православная Церковь отмечает память святых:
Мученица Иулиания и с нею 500 мужей и 130-ти жен, в Никомидии пострадавших (304)
Святитель Петр, митр. Московский и всея России (1326)
Благоверная княгиня Иулиания Вяземская (1406)
Преставление блж. Прокопия, Христа ради юродивого, Вятского (1627).
Святитель Филарет, митр. Киевский (1857)
Святой мученик Фемистоклей (251)
Преп. Макария постника, настоятеля Хахульского монастыря (1034) (Груз.).
Святой Антоний II (Багратиони), католикос-патриарх всея Грузии (1827)
Священномученика Михаила Киселева, протоиерей (1919).
Священномученика Сергия Цветкова, диакона (1938).
Священномученика Никиты, еп. Белевского (1938).
Священномученика Леонтия диакона (1940).

Храни вас Господь, Матерь Божия и все святые, их же память мы сегодня отмечаем!

Молитвы:

Cвт. Петра, митр. Московского, всея России чудотворца. Тропарь, глас 4.
Яже прежде безплодная, земле, ныне веселися:/ се бо Христос светильника в тебе показа,/ яве сияюща в мире/ и исцелевающа недуги и болезни наша./ Сего ради ликуй и веселися со дерзновением:/ святитель бо есть Вышняго,/ сия соделоваяй.

Cвт. Петра, митр. Московского, всея России чудотворца. Ин тропарь, глас 8.
Ликуй светло, благославнейший граде Москва/, имеяй в себе архиерея Петра,/ яко зарю солнца, всю Россию чудодеянии озаряюща:/ той бо немощи врачует/ и недуги, яко тьму, прогонит от вопиющих ему:/ радуйся, иерарше Бога Вышняго,/ тобою сия пастве твоей соделовающаго.

Cвт. Петра, митр. Московского, всея России чудотворца. Ин тропарь, глас 4.
Благоверно пожив в мире,/ житием чистым просветився,/ учением святительства приим паству,/ апостолом наследниче./ Тем прием дар чудес от Бога, отче Петре,/ моли Христа Бога/ да спасет души наша.

Cвт. Петра, митр. Московского, всея России чудотворца, кондак, глас 4.
Явися днесь пресветлая память твоя, святителю преблаженне Петре,/ в мире светло сияющи/ и являющи всем Божественное сияние.

Cвт. Петра, митр. Московского, всея России чудотворца, кондак, глас 2.
Взбранному и дивному нашел земли чудотворцу,/ днесь любовию тебе притекаем, песнь, Богоносе, плетуще,/ яко, имея дерзновение ко Господу,/ многообразных избави нас обстояний, да зовем ти:/ радуйся, утверждение граду нашему.

Мч. Иулиании. Тропарь, глас 4.
Агница Твоя, Иисусе, Иулиания/ зовет велиим гласом:/ Тебе, Женише мой, люблю,/ и, Тебе ищущи, страдальчествую,/ и сраспинаюся, и спогребаюся крещению Твоему,/ и стражду Тебе ради,/ яко да царствую в Тебе,/ и умираю за Тя, да и живу с Тобою,/ но, яко жертву непорочную, приими мя, с любовию пожершуюся Тебе./ Тоя молитвами,/ яко милостив, спаси души наша.

Мч. Иулиании. Кондак, глас 3.
Девства добротами преочищена, девице,/ и мучения венцы, Иулиание, ныне венчавшися,/ даеши сущим в нуждах и недузех исцеление и спасение,/ приступающим к раце твоей:/ Божественную бо благодать Христос источает и жизнь вечную.

Блгв. кн. Иулиании Вяземской. Тропарь, глас 2.
Благочестно в законе поживши/ и благими делы украсившися,/ яко крепкий адамант, явися,/ целомудренная святая благоверная княгине Иулиание,/ тленную славу и добротство телесное презревши,/ злокозненнаго врага победила еси,/ целомудрия ради мученическую смерть прияла еси./ Сего ради от Христа Бога нетленным и вечным венцем венчавшися,/ ныне с лики мученик ликуеши/ и нам велия чудеса, приходящим ко гробу твоему,/ обильно источавши./ Темже ти вопием:/ молися Христу Богу о всех нас,/ верою и любовию страдания твоя почитающих.

Блгв. кн. Иулиании Вяземской. Кондак, глас 2.
Воспоем днесь Благодетеля всех Бога,/ прославльшаго в России Иулианию Богомудрую,/ да молитвами ей подаст душам нашим/ грехов оставление и велию милость.

Блж. Прокопия. Тропарь, глас 4.
Иже на земли Христа ради волею в буйство преложися,/ и мира сего красоты отнюд возненавиде,/ и плотская играния увядив постом и жаждою/ и на земли леганием,/ от зимы студению и мразом,/ и от зноя солнечнаго и дождя/ и прочил тяготы никогда же уклонися под кров,/ и на теле своем не имея одеяния,/ Божиею помощию покрываем,/ и душу очистил еси добродетельми своими, яко злато в горниле,/ Прокопие премудре,/ с верою творящим память твою честно/ и усердно притекающим к мощем твоим,/ прославляюще твое святое успение,/ Христу Богу молися, благоюроде,/ да избавит ны Господь от варварскаго нашествия и междоусобныя брани/ и мир мирови дарует/ и душам нашим велию милость.

Блж. Прокопия. Ин тропарь, глас 4.
Велию любовь ко Господу в себе имея,/ все претрудное житие твое/ во граде Хлынове, юродствуя, провел еси, блаженне Прокопие,/ зной и мраз, глад и жажду благодушно терпя,/ биение и поношение от людий безбожных/ радостно принимал еси, подвижниче добропобедный,/ любовию же и добром велиим за зло воздавая,/ мнозем предрекал еси их ожидающее/ и от недугов исцелял еси, беззлобие,/ тем же, наслаждался ныне в сонме святых,/ моли Господа помиловати град и люди, тя почитающия.

Блж. Прокопия. Ин тропарь, глас 8.
Ангельски живя на земли богоугодно,/ многия скорби и труды терпеливо неся,/ добродетельми и дарованиями от Бога украсився,/ предвещая грядущая и исцеляя болезни,/ безмолвно, непрестанно моляся,/ юродствуя, скрыв дарования своя,/ ныне наслаждался в селениих святых,/ святый блаженне Прокопие,/ моли Христа Бога спастися душам нашим.

Блж. Прокопия. Ин кондак, глас 8.
Многою любовию к Богу пламенея,/ любви и смирению людей безмолвно учил еси,/ деянием будущая являя,/ недуги и болезни целил еси./ На путь спасения нас настави,/ от язв греховных исцели,/ Прокопие блаженне,/ о всех нас Христа Бога моли.

Блж. Прокопия. Кондак, глас 2.
Возбранному и дивному в праведницех мужу,/ волею во юродство претворившуся,/ мира сего красоты возненавидел еси,/ плотская мудрования увядил еси постом и жаждею,/ студению мраза, снега, и зноя, и дождя,/ и от прочил воздушныя тяготы никогда же уклонися/ и очистил еси себе, яко злато в горниле, Прокопие блаженне,/ всей Вятской земли похвала и утверждение.

Pages: 1 2 3

Проповедь
Рождественский пост.
В этот день:
Русская Православная Церковь отмечает память святых:
Священномученик Игнатий Богоносец (107)
Святитель Филогоний, епископ Антиохийский (328)
Святой Даниил, архиепископ Сербский (1338)
Преподобный Игнатий, архим. Печерского, в Дальних пещерах (1435)
Праведный Иоанн Кронштадский (1908)
Новомч. Иоанна на о. Фасос (Греч. ). (1652)
Свт. Антония, архиеп. Воронежского (1846).
Икона Божией Матери Новодворская
Икона Божией Матери Леньковской  именуемой «Спасительница утопающих»

Храни вас Господь, Матерь Божия и все святые, их же память мы сегодня отмечаем!

Молитвы:

Сщмч. Игнатия Богоносца. Тропарь, глас 4.
Апостольских нравов подражателю/ и престола их снаследниче,/ архиереев удобрение/ и мучеников славо, Богодухновенне,/ на огнь, и меч, и звери дерзнул еси веры ради/ и, слово истины исправляя,/ до крове пострадал еси, священномучениче Игнатие,/ моли Христа Бога/ спастися душам нашим.

Священномученика Игнатия Богоносца, кондак, глас 3.
Светлых подвиг твоих светоносный день/ предпроповедует всем в вертепе рожденнаго:/ сего бо жаждая от любве насладитися,/ потщался еси от зверей снеден быти;/ сего ради и Богоносец нареклся еси, Игнатие всемудре.

Тропарь праведного Иоанна Кронштадтского, глас 1
Православныя веры поборниче,/ земли Российския печальниче,/ пастырем правило и образе верным,/ покаяния и жизни во Христе проповедниче,/ Божественных Таин благоговейный служителю/ и дерзновенный о людех молитвенниче,/ отче праведный Иоанне,/ целителю и предивный чудотворче,/ граду Кронштадту похвало/ и Церкве нашея украшение,/ моли Всеблагаго Бога// умирити мир и спасти души наша.

Кондак праведного Иоанна Кронштадтского, глас 3
Днесь пастырь Кронштадтский/ предстоит Престолу Божию/ и усердно молит о верных/ Христа Пастыреначальника,/ обетование давшаго:/ созижду Церковь Мою, // и врата адоване одолеют ей.

Св. Даниила, архиеп. Сербского. Тропарь, глас 3.
Чудо явися извещения,/ делами добродетелей Божиих возсиял еси,/ монашествующих лики упасл еси,/ архиерейская седалища утвердил еси,/ еретическаго нападения не усумневся,/ Церковию Христовою управляя,/ преподобне отче, Данииле премудре,/ умер, яко спя,/ тело же твое цело и нетленно соблюдено бысть,/ и подает цельбы болящим от различных недугов,/ и демоны прогоняет./ Сего ради молим тя: моли спастися душам нашим.

Святителя Даниила, архиепископа Сербского. Кондак, глас 8.
Возбранному и дивному нашел земли светильнику днесь любовию притекаем/ и песнь тебе, Богоносе, плетем,/ яко имущему дерзновение ко Господу:/ избави нас от многообразных обстояний, да зовем ти:/ радуйся, утверждение отечеству нашему и великий покровителю обители своея.

Преподобного Игнатия, архим. Печерского. Тропарь, глас 4.
Чистаго ради и непорочнаго твоего жития,/ Богоносе отче Игнатие,/ приемый от Господа чудотворныя дары исцеляти немощныя,/ исцели, молим тя, и немощи наша,/ моля о нас Единаго Человеколюбца.

Прп. Игнатия, архим. Печерского. Кондак, глас 1.
Проходя, всеблаженне, добродетельми от силы в силу,/ и всех, с тобою сущих, оными превозвышая,/ всем служил еси, Игнатие, и угождал,/ тем избран был еси всем, в дому Божия Матере сущим, в старейшину и вождя,/ в несом; паче Господеви благоугождь и стадо Его добре; упасши,/ молися о нас, чадех твоих.

Pages: 1 2 3

Проповеди
Рождественский пост.
В этот день:
Русская Православная Церковь отмечает память святых:
Мученика Вонифатия Тарсийского (290)
Праведной Аглаиды Римской (308)
Святого Вонифатия Милостивого, еп. Ферентийского (VI)
Преподобного Илия Муромца, Печерского (1188)
Мучеников Илия, Прова и Ариса (308)
Мучеников Полиевкта и Тимофея (IV)
Святой Григория, еп. Омиритского (ок. 552)

Преп. Георгия и брата его Саввы Хахульских (XI) (Груз).
Священномученика Константина Россиянина (1743)

Храни вас Господь, Матерь Божия и все святые, их же память мы сегодня отмечаем!

Молитвы:

Мч. Вонифатия Тарсийского. Тропарь, глас 4.
К сословию послан мучеников,/ мученик был еси истинен,/ пострадав за Христа крепчайше, всехвальне,/ мощми же возвратился еси верою пославшей тя, Вонифатие блаженне,/ моли Христа Бога прияти нам грехов прощение.

Мч. Вонифатия Тарсийского. Кондак, глас 4.
Священие непорочное самовольне Тебе привел еси, Иже от Девы тебе ради родитися хотящему,/ святе венченосче, премудре Вонифатие.

Мученика Вонифатия, Ин кондак глас 4
Изыде к приятию страстотерпческих мощей и страждущих законне веры ради зря,/ показал еси мужески крепость свою,/ устремився на страсти исповеданием во Христа,/ Иже прием почесть победы твоего страдания,/ Вонифатие, присно моли за ны.

Pages: 1 2 3

Проповеди
Рождественский пост.
В этот день:
Русская Православная Церковь отмечает память святых:
Мученик Севастиан и дружина его (ок. 287)
Священномучеников Закхея диакона и Алфея чтеца, Кесарийских (Греч.). († 303)
Святитель Модест, архиеп. Иерусалимский (634)
Преподобный Севастиан Сохотский, Пошехонский (ок. 1500)
Прославление (1694) прав. Симеона Верхотурского (1642)
Священномученика Фаддея, архиеп. Тверского и Кашинского (1937).
Святого Гатияна, первого еп. Турского (III).
Преподобный Флор, еп. Амийский (VII)
Преподобного Виннибальда, игумена (761) (Кельт. и Брит.).
Преподобный Михаил сингелл (ок. 845)
Священномученика Николая (Клементьева), архиепископа (1937)
Священномученика Илию Бенеманского, иерея (1937)
Священномученика Иоанна Миронского, иерея (1937)
Священномученика Владимира Преображенского, иерея (1937)
Священномученика Николая Кобранова, протоиерея (1937).
Священномученика Сергия Астахова, диакона (1942)
Мученика Виктора Матвеева (1937).
Мученицы Веры Трукс (1942).

Храни вас Господь, Матерь Божия и все святые, их же память мы сегодня отмечаем!

Молитвы:

Мчч. Севастиана и дружины его. Тропарь, глас 4.
Мученицы Твои, Господи,/ во страданиих своих венцы прията нетленный от Тебе, Бога нашего,/ имуще бо крепость Твою,/ мучителей низложиша,/ сокрушиша и демонов немощный дерзости,/ тех молитвами/ спаси души наша.

Свт. Модеста, архиеп. Иерусалимского. Тропарь, глас 4.
Преподобно пожив, Богомудрие Модесте,/ и святительскою одеждою украшен,/ пастырю Иерусалима блаженнейший,/ в веселии ныне Христу предстоиши/ и концы озаряеши чудесы,/ помощник убо буди тя призывающим,/ моляся, отче, о всех нас.

Свт. Модеста, архиеп. Иерусалимского. Кондак, глас 3.
Светлых подвигов твоих твердость/ и сострадания ко всем богатство видя,/ Всеблагий Подвигоположник Бог/ богатых дарований Своих сподоби тя, Модесте,/ славный иерарше и чудотворче./ Тем, молящеся тебе, вопием:/ свобождай нас от лютых обстояний/ и недугом нашим подаждь исцеление.

Прп. Севастиана Сохотского, Пошехонского. Тропарь, глас 4.
Удалився мира и водворився в пустыни,/ добрым подвигом подвизася,/ злостраданием, и вниманием, и молитвами,/ отонюдуже и по смерти источаеши исцеления,/ Севастиане, отче наш,/ моли Христа Бога/ спастися душам нашим.

Прп. Севастиана Сохотского, Пошехонского. Кондак, глас 3.
Сиянием Духа Пресвятаго, мудре Севастиане, просвещся,/ оставил еси яже в житий молвы,/ пустыню же достиг, преподобие отче,/ возвеселил еси иже над всеми Бога и Зиждителя./ Сего ради прославляет тя Христос, блаженне, Великий Дародатель.

Прав. Симеона Верхотурского. Тропарь, глас 4.
Мирскаго мятежа бегая,/ все желание обратил еси к Богу,/ да в видения восход обрящеши Горе,/ отнюдуже не уклонився в лукавствия сердца,/ но очистив душу и тело,/ приял еси благодать точити цельбы верным и неверным,/ притекающим к тебе, праведный Симеоне. Темже, по данному ти дару,/ испроси у Христа Бога исцеление нам,/ болящим душевными страстьми,/ и моли спасти души наша.

Прав. Симеона Верхотурского. Кондак, глас 2.
Мира суетнаго отверглся еси,/ да блага вечныя жизни наследиши,/ возлюбив незлобие и чистоту души и тела./ Снискал еси, еже возлюбил,/ свидетельствует бо о сем гроб и нетление мощей твоих/ и благодать чудотворения наипаче./ Точиши бо цельбы всем притекающим к тебе и непросвещенным,/ Симеоне блаженне,/ чудотворче предивный.

Pages: 1 2 3

Проповеди:

Рождественский пост.
В этот день:

Русская Православная Церковь отмечает память святых:
Пророк Даниил и  Трех отроков: Анании, Азарии и Мисаила (600 г. до н.э.)
Святой Дионисий Закинфский (1622)
Преподобного диакона Аввакума Сербского (1814) (Серб.).
Святого Штурма, еп. и основателя Фулдского монастыря (779) (Герм.).
Преподобный Даниил исповедник (X)
Преподобного Мисаила иеромон. Абалатского (1797).
Священномучеников протоиерея Николая Бельтюкова и иерея Александра  Савелова (1918)
Священномученика Сергия Флоринского, Раквереского (1918).
Священномученика Петра Покровского, иерея (1937)
Священномученика Иоанна Земляного, иерея (1937).
Мчч. Паретмуфа, Корпа и Алексамдра воинов Египетских (361).

Храни вас Господь, Матерь Божия и все святые, их же память мы сегодня отмечаем!

Молитвы:

Прор. Даниила и трех отроков. Тропарь, глас 2.
Велия веры исправления,/ во источнице пламене, яко на воде упокоения,/ святии трие отроцы радовахуся,/ и пророк Даниил львом пастырь яко овцам являшеся./ Тех молитвами, Христе Боже, спаси души наша.

Прор. Даниил. Кондак, глас 3.
просветившееся Духом чистое твое сердце/ пророчества бысть светлейшаго приятелище:/ зриши бо, яко настоящая, далече сущая./ Львы укротил еси, ввержен в ров;/ сего ради тя почитаем, пророче блаженне, Данииле славне.

Прор. Даниил. Кондак, глас 6.
Рукописаннаго образа не почетше,/ но неописанным существом защитившеся, треблаженнии,/ в подвизе огня прославистеся;/ среде же пламене нестерпимаго стояще, Бога призвасте:/ ускори, о Щедрый!/ и потщися, яко милостив, в помощь нашу,/ яко можеши хотяй.

Pages: 1 2 3