Православный календарь 1 апреля (19 марта ст.ст.)

Прп. Марии Египетской

Русская Православная Церковь отмечает память святых:

Праведной Софии, кн. Слуцкой (1612). Преподобного Иннокентия Комельского, Вологодского (1521). Мученика Панхария Никомидийского (ок. 302). Преподобной  Вассы Псково-Печерской. Иконы Божией Матери, именуемой «Умиление», Смоленской (1103). Новомученика Димитрия Торнары (1564).

Прмц. Матроны (1938). Прав. Марии, жены Всеволода III (1206). Новомч. Николая Караманосского в Смирне (1657).

Иконы Богородицы «Умиление» Смоленской. Тропарь, глас 4. Богорадованная Владычице,/ Препрославленная Мати щедрот и человеколюбия,/ Всемилостивая о всем мире Ходатаице!/ Прилежно, рабы Твой, к Божественному предстательству прибегающе/ и пречудному образу Твоему со умилением припадающе, молимся:/ молитву теплую к Сыну Твоему и Богу нашему сотвори,/ о Всепетая Царице Богородице,/ да всяких болезней и печалей нас Тебе ради избавит/ и от грехов всяких свободит,/ Царствия Своего Небеснаго наследники ны покажет,/ велие бо неизреченное, яко Мати, имаши дерзновение к Нему/ и вся можеши,/ Едина во веки Преблагословенная.

К Богородице со умилением припадем/ вси, грехами обремененнии,/ чудотворную икону умиления облобызающе/ и вопиюще со слезами:/ Владычице, приими моление недостойных раб Твоих/ и подаждь нам, просящим,/ велию Твою милость.

От юности сосуд избранен был еси/ и в житии Богу послужил еси,/ иноков наставниче Иннокентие,/ потщался еси хуждшее покорити лучшему,/ темже и страсти умертвив,/ возвысился еси к зрению красоты несозданныя,/ в Бозе Емуже предстоиши,/ моли, отче, Христа Бога/ спастися душам нашим.

От юности своей весь Богу поработился еси, блаженне,/ Того ради любве отечество и род оставил еси,/ и, в пустыню вселився,/ в ней жестокое житие показал еси,/ и чудес дарования от Господа приял еси,/ преподобие Иннокентие,/ моли Христа Бога спастися душам нашим.

Мира и сродник удалився,/ в пустыни неустанною молитвою Богу угодил еси/ и в подвизе жития, отче, просиял еси,/ поминай нас, чтущих усердно память твою, да зовем ти:/ радуйся, Иннокентие преподобие.

Отечества, преподобие, удалився/ и вселився в пустыню,/ тамо жестокое житие показал еси и многих людей житием своим удивил еси./ Помилуй нас, чтущих память твою, да зовем ти:/ радуйся, преподобие Иннокентие, отче наш.

Блаженная мати Софие,/ нетлением мощей и чудес сиянием почти тя Бог;/ поминающе твое праведное житие,/ тя молим испросити/ телесем нашим здравие и душам спасение.