Православный календарь 24 марта (11 марта ст.ст.)

Родительская суббота

В этот день: Русская Православная Церковь отмечает память святых: Святителя Софрония, патр. Иерусалимского (638-644). Святителя Евфимия, архиеп. Новгородского, чудотворца (1458). Свт. Софрония, еп. Врачанского (1813) (Болг.). Перенесение мощей мч. Епимаха. Преподобного Софрония, затворника Печерского, в Дальних Пещерах (XIII). Священномученика Пиония, пресвит. Смирнского Прп. Алексия Киевского (1917). Прп. Патрикия исп (1933). Сщмч. Василия пресвитера (1937). Прп. Георгия Синаита. Прп. Иоанна Мосха. Прп. Агнуса Кельдского (Кельт. и Брит.). Прп. Георгия Нового (Греч.). Св. Феодоры, царицы Арты, супруги деспота Михаила II Эпирского (Греч.). Сщмч. Евлога, митр. Кордовского (859). Мчч. Трофима и Фала Лаодисейских (300) (Греч.). Сщмч. Констанитина Кинтирийского. Храни вас Господь, Матерь Божия и все святые, их же память мы сегодня отмечаем!

Тропарь святителя Евфимия, архиепископа Новгородского чудотворца, глас 4 Избран быв Богови от юности,/ святителю Евфимие,/ и, сего ради архиерейства саном почтен быв,/ упасл еси люди, иже тебе Богом врученный;/ темже и по преставлении чудес дарования от Господа приял еси/ исцеляти различный недуги./ Того моли о нас,/ совершающих честную память твою,/ да тебе вси непрестанно ублажаем.

Кондак святителя Евфимия, архиепископа Новгородского чудотворца, глас 8 Яко архиереем сопрестольник/ и святителем изрядный поборник был еси, святителю Евфимие,/ не престай сохраняя отечество твое,/ град же и люди, иже тебе верою почитающия/ и честным мощем твоим покланяющияся,/ да велегласно тебе вси вопием:/ радуйся, святителю Богомудре.

Иже Божественною ревностию подвигся/ и истинных повелений устне распростер,/ церковная основания благоузаконив/ и тамо сущим монашеским составом предав,/ премудрый в Патриарсех Иерусалимский Софроние,/ всемудрая словеса во свет извел еси,/ имиже наставляемы, зовем ти:/ радуйся, светлая православных похвало.

Мученик Твой, Господи, Епимах/ во страдании своем венец прият нетленный от Тебе, Бога нашего,/ имеяй бо крепость Твою,/ мучителей низложи,/ сокруши и демонов немощныя дерзости./ Того молитвами// спаси души наша.

Многообразныя раны претерпел еси/ и венец прием от Христа Бога,/ Емуже о нас молися, блаженне Епимаше,/ верно совершающих память твою,// да спасет души наша.

Тропарь святителя Софрония, епископа Врачанского, глас 1 Щитом веры вооружився,/ мечем словесе безбожныя агаряны посекая,/ стадо твое упасл еси на земли./ В Небесней же обители вселився,/ Христа моли даровати народу нашему/ мир и велию милость.

Архиереев похвала и страдальцев украшение быв,/ святителю Софроние,/ добродетельми прославився,/ возсиял еси, яко солнце,/ нас просвещая и греховную тьму неведения отгоняя./ Но, яко имея дерзновение к Богу,/ мир испроси душам нашим и велию милость.