ПОХВАЛЫ, или священнное последованіе на святое преставленіе

ПОХВАЛЫ, или священнное послдованіе на святое преставленіе Пресвятыя Владычицы нашея Богородицы и Приснодвы Маріии, поемое въ седьмый надесять день мсяца Августа, каждогодно въ скит Гесиманіи.1

Изъ книгъ намстника Троицко-Сергіевой Лавры архим. Антонія (Медведева)

НА ВЕЛИЦЙ ВЕЧЕРНИ, Стихословимъ Блаженъ мужъ, 1-й антифонъ. На Господи воззвахъ, ставимъ стиховъ 8, и поемъ стихиры праздника, гласъ 1:

О, дивное чудо! Источникъ Жизни во гроб полагается, и лствица къ небеси гробъ бываетъ. Веселися Гесиманіе, Богородиченъ святый доме. Возопіемъ врніи, Гавріила имуще чиноначальника: Благодатная, радуйся, съ Тобою Господь, подаяй мрови Тобою велію милость.

Дивны Твоя тайны, Богородице: Вышняго престолъ явилася eси, Владычице, и отъ земли къ небеси преставилася eси днесь. Слава Твоя боголпная, богоподобными сіяющи чудесы. Двы съ Матерію Царевою, на высоту вознеситеся. Благодатная, радуйся, съ Тобою Господь, подаяй мрови Тобою велію милость.

Твое славятъ успеніе Власти и Престоли, Начала и Господьства, Силы и Херувими, и страшніи Серафими, радуются земнородніи, о Божественнй Твоей слав красящеся, припадаютъ царіе со Архангелы и Ангелы, и воспваютъ: Благодатная, радуйся, съ Тобою Господь, подаяй мрови Тобою велію милость.

Ины стихиры изъ Іерусалимскаго послдованія, гласъ 6:

Днешній день тайно* великій псалмопвецъ прообразоваше, глаголя:* воскресни, Господи, въ покой Твой,* Ты и Кивотъ святыни Твоея.* И паки: предста, глаголя, Царица одесную Тебе,* рясны златыми одяна, преиспещрена.* Сія бо есть благословенная суббота,* сей есть упокоенія Божественный день,* въ оньже почи отъ живота Матерь сущи Живота,* смотреніемъ еже на смерть,* плотію субботствовавшая и преставльшаяся,* и на небеса возшедшая,* силою Иже изъ Нея воплощшагося Христа Бога,* и съ Нимъ во вки вковъ вчнующая,* и дарующая намъ животъ вчный,* съ любовію чтущимъ святое Ея успеніе.

Гласъ 2. Подобенъ: Егда отъ древа.

Егда отъ мра, Жизнь сущи,* рождшая Жизнь всяческихъ, Сына Божія во плоти,* вземлема была еси,* восходящи во входы божественныя, небесныя, Чистая,* тогда чудо сбысться, еже возгласи Духъ Святый:* кто Сія, нын восходящая отъ пустыни?* Вся же со страхомъ вопіяху:* слава восхожденію Твоему, Любоблагая.

Егда во гроб, Маріамъ,* въ Гесиманіи положилася еси плотію,* естества Оживотворительнице,* тогда вся тварь, зрящи Тя, ужасеся;* Творецъ же духъ Твой,* руц распростеръ, благодатн пріятъ,* яко должникъ Сынъ.* Еже Безплотныхъ чини зряще,* со страхомъ вопіяху:* слава восхожденію Твоему, Любоблагая.

Егда тріе священницы,* Ареопагитъ оный и Іероей съ Тимоеемъ2,* Твое божественное увидша, Всенетлнная, успеніе,* тогда, слезы точаще, глаголютъ сице:* како стерпимъ страданіе въ мр?* Въ Теб бо, о Двая,* Сына Твоего мнхомъ зрти и утшахомся.

Гласъ 5.

Тебе, одющагося свтомъ, яко ризою,* Сына Божія рождшую,* ликъ ученикъ Его видвъ мертву,* во гроб, мрака исполненномъ, простерту,* благосердный плачь воспріимъ,* рыдая, глаголаше:* увы мн, сладчайшая Маріамъ,* Юже въ мал имхъ утшеніе,* и видя Тебе мнхъ, Учителя моего зрти,* но се, нын вижду Тя* по закону естества подъемшу смерть.* О, како Тя погребу, Дво,* или како плащаницами обвію?* Кими же рукама прикоснуся нетлнному Твоему тлу?* Или кя псни воспою, Твоему исходу достойныя?* Како же стерплю, Госпоже,* Твое, скорбное ми, отшествіе?* Или како безтрудно понесу* всетяжкое сиротство?* Недоумваю, блаженная* Богородице Маре,* и болзненнымъ сердцемъ соплетаю пснопнія,* и величаю Тя, Владычице,* пснословлю зачатіе Твое,* почитаю Твое божественное рождество,* чту восхожденіе Твое, Дво.* Ублажаю же успеніе Твое* и всесвятое погребеніе Твое со преставленіемъ,* зовый: Господи, слава Теб.

Слава, и нын, гласъ 1:

Богоначальнымъ мановеніемъ, отвсюду Богоносніи апостоли, облаки высоц взимаеми, дошедше пречистаго и живоначальнаго Твоего тла, любезно лобызаху. Превышнія же небесныя силы, съ своимъ Владыкою пришедше, богопріятное и пречистое тло предсылающе, ужасомъ одержими; прекрасно же предъидяху, и невидимо вопіяху превышнимъ чиноначаліемъ: се Всецарица Богоотроковица пріиде. Возмите врата и Сію премрно подъимите, Присносущаго Матерь Свта, Тоя бо ради всеродное человкомъ спасеніе бысть. На Ню же взирати не можемъ, и Той достойную честь воздати немощно: Тоя бо преизящное преходитъ всякъ умъ. Тмже, Пречистая Богородице, присно съ Живоноснымъ Царемъ, и Рождествомъ живущи, молися выну сохранити и спасти, отъ всякаго прилога противнаго, новыя люди Твоя: Твое бо предстательство стяжахомъ, во вки свтоявленно блажаще.

Входъ. Прокименъ, гласъ 2:

Воскресни, Господи, въ покой Твой,* Ты и Кивотъ святыни Твоея. Стихъ: Клятся Господь Давиду истиною и не отвержется ея.

Чтенія три:

Бытія чтеніе. Глава 28.

Изыде Іаковъ отъ студенца клятвеннаго и иде въ Харрань. И обрте мсто, и спа тамо, зайде бо солнце; и взятъ отъ каменія мста того, и положи возглавіе себ, и спа на мст ономъ. И сонъ вид: и се лствица утверждена на земли, eяже глава досязаше до небесъ, и Ангели Божіи восхождаху и низхождаху по ней. Господь же утверждашеся на ней, и рече: Азъ Богъ Авраамовъ, отца твоего, и Богъ Исааковъ, не бойся: земля, идже ты спиши на ней, теб дамъ ю и смени твоему. И будетъ смя твое, яко песокъ земный, и распространится на море, и ливу, и сверъ, и на востоки, и возблагословятся о теб вся колна земная и о смени твоемъ. И се Азъ съ тобою, сохраняяй тя на всякомъ пути, аможе аще пойдеши, и возвращу тя въ землю сію, яко не имамъ тебе оставити, дондеже сотворити Ми вся, елика глаголахъ теб. И воста Іаковъ отъ сна своего, и рече: яко eсть Господь на мст семъ, азъ же не вдхъ. И убояся, и рече: яко страшно мсто сіе, нсть сіе, но домъ Божій, и сія врата небесная.

Прoрочества Іезекилева чтеніе. Глава 43 и 44.

Тако глаголетъ Господь: будетъ отъ дне осмаго и прочее, сотворятъ іереи на олтари всесожженія вашего и яже спасенія вашего, и пріиму вы, глаголетъ Адонаи Господь. И обрати мя на путь вратъ святыхъ вншнихъ, зрящихъ на востоки, и сія бяху затворена. И рече Господь ко мн: врата сія затворена будутъ, и не отверзутся, и никтоже пройдетъ сквоз ихъ, яко Господь Богъ Израилевъ пройдетъ ими, и будутъ затворена. Яко игуменъ сядетъ въ нихъ снсти хлбъ: по пути еламскихъ вратъ внидетъ, и по пути его изыдетъ. И введе мя по пути вратъ святыхъ, сущихъ къ сверу, прямо храму, и видхъ, и се исполнь славы храмъ Господень.

Притчей чтеніе. Глава 9.

Премудрость созда себ домъ и утверди столповъ седмь. Закла своя жертвенная, и раствори въ чаши своей вино, и уготова свою трапезу. Посла своя рабы, созывающи съ высокимъ проповданіемъ на чашу, глаголющи: иже есть безуменъ, да уклонится ко мн. И требующимъ ума рече: пріидите, ядите мой хлбъ и пйте вино, еже растворихъ вамъ. Оставите безуміе, и живи будите, и взыщите разума, да поживете, и исправите разумъ въ вдніи. Наказуяй злыя, пріиметъ себ безчестіе, обличаяй же нечестиваго опорочитъ себе. Обличенія бо нечестивому — раны ему. Не обличай злыхъ, да не возненавидятъ тебе, обличай премудра, и возлюбитъ тя. Даждь премудрому вину, и премудршій будетъ, сказуй праведному, и приложитъ пріимати. Начало премудрости — страхъ Господень, и совтъ святыхъ — разумъ. Разумти бо законъ помысла есть благаго: симъ бо образомъ многое поживеши время, и приложатся теб лта живота.

На лити стихиры, самогласны, гласъ 1.

Подобаше самовидцамъ Слова и слугамъ, и еже по плоти Матере Его успеніе видти, конечное елико на Ней таинство, яко да не токмо еже отъ земли Спасово восхожденіе узрятъ, но и Рождшія Его преставленію свидтельствуютъ. Тмже, отвсюду Божественною силою собравшеся, Сіона достигоша, и на небо идущую предсылаху, вышшую Херувимъ, Ейже и мы съ ними покланяемся, яко молящейся о душахъ нашихъ.

Гласъ 2. Анатоліево:

Яже небесъ вышшая сущи, и херувимъ славнйшая, и всея твари честнйшая, яже премногія ради чистоты, Присносущнаго Существа пріятелище бывши, въ Сыновн руц днесь всесвятую предаетъ душу, и съ Нею исполняются всяческая радости, и намъ даруетъ велію милость.

Іоанново:

Всенепорочная Невста и Мати Благоволенія Отча, Яже Богу пронареченная, во Свое Ему жилище, неслитнаго соединенія, днесь пречистую душу Творцу и Богу предаетъ, Юже безплотныхъ силы боголпно подъемлютъ, и къ животу преставляется, сущая Мати Живота, Свща неприступнаго Свта, спасеніе врныхъ, и упованіе душъ нашихъ.

Гласъ 3. Германово:

Пріидите, вси концы земни, честное преставленіе Богоматере восхвалимъ: въ руц бо Сына душу непорочную положи. Тмже святымъ успеніемъ Ея мръ оживотворися, во псалмхъ, и пніихъ и пснехъ духовныхъ, со безплотными и апостолы празднуетъ свтло.

Pages: 1 2 3 4 5 6 7 8 9 10 11