Православный календарь 19 Июля (6 Июля по ст. ст.)

Русская Православная Церковь отмечает память святых:

Апостола Филимона
Мученицы Лукии девицы и с нею Рикса и других (301)
Преподобного Сисоя Великого (429).
Преподобного Сисоя, схимника Печерского (XIII)
Праведная дева Иулиания, княжна Ольшанская (XVI)
Собор Радонежских святых
Мучеников Марина, Марфы, Авдифакса, Валентина пресвитера, и многих других (269).
Святого мученика Коинта Фригийского (ок. 283)
Мучеников Исавр диакон, Иннокентийи др. Македонских (301)
Преподобные Василий, Тихон и Никон Соколовские (VI)
Преподобномученика Евфимия (1931).
Преподобномученика Феодора (Богоявленского) (1943).
Богородско-Уфимской иконы Божией Матери (1621).

Храни вас Господь, Матерь Божия и все святые, их же память мы сегодня отмечаем!

Молитвы:
Тропарь преподобного Сисоя Великого глас 2

Плотския страсти умертвив воздержанием,/ миру распялся еси и, в пустыни живый,/ всех похотей отсечением/ Ангел земный и Небесный человек показался еси,/ сего ради тя, яко наставника иноком,/ поем, Сисое отче наш, и просим:/ моли Христа Бога, да спасет души наша.

Кондак преподобного Сисоя Великого глас 4

Подвизався, Ангел на земли виден был еси,/ озаряли, преподобне, помышления верных Богознаменьми всегда./ Темже тя верою, Сисое, почитаем.

Тропарь Собора Радонежских святых глас 4

Днесь светло празднуем, вернии людие,/ преславныя Троицкия обители торжество:/ се бо велий собор святых чудотворцев Радонежских,/ яко дивныя птицы небесныя,/ являет нам Церковь Российская,/ стезями честнаго их жития шествовати всех призывающи,/ к нимже, с верою и любовию притекающе, воззовем:/ молитеся о нас ко Пресвятей Троице,/ преподобный отцы наши с Богоносным аввою Сергием,/ мир мирови даровати/ и душам нашим велия милости.

Ин тропарь Собора Радонежских святых глас 2

Плоды добродетелей на земли принесше,/ преподобнии отцы,/ в Небесных чертозех ныне благоухаете, яко райстии цвети,/ и лицем к лицу зрите Пресвятую Троицу,/ Юже дерзновенно молите,/ спастися душам нашим.

Кондак Собора Радонежских святых глас 8

Приидите, вси концы отечества нашего,/ прославим святый лик угодников Радонежских,/ яко звезды, украсивших небо церковное подвиги земнаго жительства,/ тех бо предстателъством теплым ко Господу/ многия нам милости Его низпосылаются,/ бедствия отгоняются и злыя страсти укрощаются./ Ихже всесвятую память ныне празднующе, тако возопиим:/ радуйтеся, Сергие и Никоне и вси Радонежстии чудотворцы,/ усерднии служителие Живоначальныя Троицы.

Тропарь прп. Сисоя, схимника Печерского, в Дальних пещерах глас 1

Пустынный житель, и в телеси Ангел,/ и чудотворец явился еси, Богоносе отче наш Сисое,/ постом, бдением, молитвою Небесная дарования приим,/ исцеляеши недужныя и души верою притекающих ти./ Слава Давшему тебе крепость,/ слава Венчавшему тя,/ слава Действующему тобою всем исцеления.

Кондак прп. Сисоя, схимника Печерского, в Дальних пещерах глас 1

Сисое чудне,/ на страсти вельми подвизавыйся/ и постом и мощными молитвами сия успивый,/ благодать от Христа приял еси/ в страстех бедствующим пособствовати./ Тем и наша страсти плоти и духа исцели, молимся.

Тропарь праведной девы Иулиании глас 8

Яко непорочная невеста Нетленнаго Жениха Христа,/ праведная дево Иулиание,/ с светлою свещею добрых дел вошла еси в чертог Его Небесный/ и тамо со святыми блаженства вечнаго наслаждаешися./ Темже моли, Бгоже возлюбила еси/ и Емуже девство твое обручила еси,/ спасти души наша.

Кондак праведной девы Иулиании глас 8

Храм Божий одушевленный,/ девственною чистотою благоукрашенный,/ вемы тя, святая и праведная дев о, княжно Иулиание,/ темже, с любовию празднующе/ святых твоих мощей обретение, молим тя,/ известная желаний наших ходатаице:/ принеси за нас молитвы твоя ко Господу/ и от всяких бед свобождай нас/ предстательством твоим у Престола Всевышняго, да зовем ти:/ радуйся, дево святая Иулиание, невесто Христова прекрасная.

Тропарь Божией Матери пред иконой Ее, именуемой Богородско-Уфимская глас 4

Заступнице Усердная, Надеждо ненадежных, Помощнице нищих и сирых, плачущих Утешение, согрешающих очищение, Путеводительнице заблуждших, болящих Целебнице и исправление падающих, Ты бо еси Похвало земли Уфимския, Дево Богородице.

Кондак Божией Матери пред иконой Ее, именуемой Богородско-Уфимская глас 5

О, Милосердная Мати, не отрини слез и воздыханий наших, с верою и любовию к Тебе приносимых: пред иконою Богородскою услыши ныне молящихся и на путь спасения настави, и душ наших грехи исцели, от земли Уфимския вся пагуби потреби, Ты бо еси людем сокровище вечнаго спасения и источниче Божественныя благодати.

Pages: 1 2