Православный календарь 1 апреля (19 марта ст.ст.)

Вход Господень в Иерусалим

В этот день:
Русская Православная Церковь отмечает память святых:

Мучеников Хрисанфа и Дарии (283)
Мученика Панхария Никомидийского (ок. 302).
Преподобной  Вассы Псково-Печерской. (1473)
Преподобного Иннокентия Комельского, Вологодского (1521).
Новомученика Димитрия Торнары (1564).
Праведной Софии, кн. Слуцкой (1612).
Преподобного Симеона (Поповича), Дайбабского (1941)
Исповедник Иоанн Блинов, (1932).
Преподобномученицы Матроны (Алексеевой), монахини, (1938).
Иконы Божией Матери, именуемой «Умиление», Смоленской (1103).

Храни вас Господь, Матерь Божия и все святые, их же память мы сегодня отмечаем!

Молитвы:

Кондак праздника, глас 6

На престоле на Небеси,/ на жребяти на земли носимый, Христе Боже,/ Ангелов хваление/ и детей воспевание приял еси, зовущих Ти:// благословен еси, Грядый Адама воззвати.

Задостойник, глас 4

Бог Господь, и явися нам./ Составите праздник,/ и веселящеся приидите, возвеличим Христа,/ с ваиями и ветвьми, песньми зовуще:// благословен Грядый во имя Господа Спаса нашего.

Тропарь в Неделю Ваий, глас 4

Спогребшеся Тебе крещением, Христе Боже наш,/ безсмертныя жизни сподобихомся Воскресением Твоим,/ и воспевающе зовем:/ осанна в вышних,// благословен Грядый во имя Господне.

Кондак в Неделю Ваий, глас 6

На престоле на небеси, на жребяти на земли носимый Христе Боже, ангелов хваление, и детей воспевание приял еси зовущих Ти: благословен еси грядый Адама воззвати.

Величание

Величаем Тя,/ Живодавче Христе,/ осанна в вышних,/ и мы Тебе вопием:// благословен Грядый во имя Господне

Иконы Богородицы «Умиление» Смоленской. Тропарь, глас 4.

Богорадованная Владычице,/ Препрославленная Мати щедрот и человеколюбия,/ Всемилостивая о всем мире Ходатаице!/ Прилежно, рабы Твой, к Божественному предстательству прибегающе/ и пречудному образу Твоему со умилением припадающе, молимся:/ молитву теплую к Сыну Твоему и Богу нашему сотвори,/ о Всепетая Царице Богородице,/ да всяких болезней и печалей нас Тебе ради избавит/ и от грехов всяких свободит,/ Царствия Своего Небеснаго наследники ны покажет,/ велие бо неизреченное, яко Мати, имаши дерзновение к Нему/ и вся можеши,/ Едина во веки Преблагословенная.

Иконы Богородицы «Умиление» Смоленской. Ин тропарь, глас 4.

К Богородице со умилением припадем/ вси, грехами обремененнии,/ чудотворную икону умиления облобызающе/ и вопиюще со слезами:/ Владычице, приими моление недостойных раб Твоих/ и подаждь нам, просящим,/ велию Твою милость.

Прп. Иннокентия Комельского, Вологодского. Тропарь, глас 4.

От юности сосуд избранен был еси/ и в житии Богу послужил еси,/ иноков наставниче Иннокентие,/ потщался еси хуждшее покорити лучшему,/ темже и страсти умертвив,/ возвысился еси к зрению красоты несозданныя,/ в Бозе Емуже предстоиши,/ моли, отче, Христа Бога/ спастися душам нашим.

Преподобного Иннокентия Комельского. Ин тропарь, глас 4.

От юности своей весь Богу поработился еси, блаженне,/ Того ради любве отечество и род оставил еси,/ и, в пустыню вселився,/ в ней жестокое житие показал еси,/ и чудес дарования от Господа приял еси,/ преподобие Иннокентие,/ моли Христа Бога спастися душам нашим.

Преподобного Иннокентия Комельского. Кондак, глас 8.

Мира и сродник удалився,/ в пустыни неустанною молитвою Богу угодил еси/ и в подвизе жития, отче, просиял еси,/ поминай нас, чтущих усердно память твою, да зовем ти:/ радуйся, Иннокентие преподобие.

Преподобного Иннокентия Комельского. Ин кондак, глас 4.

Отечества, преподобие, удалився/ и вселився в пустыню,/ тамо жестокое житие показал еси и многих людей житием своим удивил еси./ Помилуй нас, чтущих память твою, да зовем ти:/ радуйся, преподобие Иннокентие, отче наш.

Тропарь преподобной Вассы Псково-Печерской, глас 4

Днесь, вернии, преславно ликовствуем, память преподобныя Вассы совершающе, и раце мощей ея умильно покланяющеся, со слезами и любовию вопием ей: буди ходатаица наша пред Богом, огради молитвами твоими обитель и град наш, в скорбех и печалех нам буди утешительница, ты бо еси крепость верным, и обители Псково-Печерския украшение.

Кондак преподобной Вассы Псково-Печерской, глас 4

Память преподобныя Вассы днесь светло совершающе, благодарственне воспоминаем многотрудныя подвиги, естество бо женское отвергши, со супружником твоим устремися к монашескому житию, да нетленными венцы венчает тя Христос.

Прав. Софии, кн. Слуцкой. Тропарь, глас 5.

Блаженная мати Софие,/ нетлением мощей и чудес сиянием почти тя Бог;/ поминающе твое праведное житие,/ тя молим испросити/ телесем нашим здравие и душам спасение.

Pages: 1 2 3