Православный календарь 16 февраля (3 февраляст.ст.)

Проповеди
В этот день:
Русская Православная Церковь отмечает память святых:
Праведного Симеона Богоприимца (I)
Пророицы Анны (I)
Святого Власия вукола (пастуха ) Кесарийского (III).
Преподобной Вербурги Честерской, игумении (ок. 700) (Кельт. и Брит.).
Святителя Ансгара, еп. Гамбургского, просветителя Дании и Швеции. (865)
Блгв. князя Святослава-Гавриила Юрьевского (1253) и сына его св. Димитрия.
Благоверного кн. Романа Угличского (1285)
Святителя Игнатия Мариупольского, митр. Готфейского и Кафайскогоо (1786)
Мучеников братьев Стаматия, Иоанна и с ними Николая Хиосских (1822).
Равноапостольного Николая, архиеп. Японского (1912)
Пророка Азарии (X в. до н.э.)
Мучеников Папия, Диодора, Клавдиана (250)
Мученика Келерина Карфагенского, Римского (III)
Мчч. Адриана и Еввула (ок. 308-309).
Свт. Лаврентия Кентерберийского (619) (Кельт. и Брит.).
Святителя Симеона, еп. Полоцкого, 1-го еп. Тверского (1289)
Икона Божией Матери «Умягчение злых сердец»

Поученіе. Св. Богопріимецъ Смеонъ и пророчица Анна
Поученіе. Св. пророчица Анна

Храни вас Господь, Матерь Божия и все святые, их же память мы сегодня отмечаем!

Молитвы:

Сретение Господне. Тропарь, глас 1.
Радуйся, Благодатная Богородице Дево,/ из Тебе бо возсия Солнце правды, Христос Бог наш,/ просвещаяй сущия во тьме./ Веселися и ты, старче праведный,/ приемый во объятия Свободителя душ наших,/ дарующаго нам воскресение.

Сретение Господне. Кондак, глас 2.
Утробу Девичу освятивый рождеством Твоим,/ и руце Симеоне благословивый,/ якоже подобаше, предварив,/ и ныне спасл еси нас Христе Боже,/ но умири во бранех жительство,/ едине Человеколюбче.

Кондак святаго Симеона, глас 4.
Старец днесь отрешитися от юз моляшеся/ сего жития тленнаго,/ Христа восприят на руки,/ Зиждителя и Господа.

Св. Симеона.Тропарь, глас 4.
Симеон старец днесь веселится,/ восприят на руку свою Младенца Превечнаго Бога,/ от уз плоти разрешитися прося/ и вопия:/ видеста очи мои/ спасение Твое мирови.

Иконы Божьей Матери, именуемой «Умягчение злых сердец» или «Симеоново проречение». Тропарь, глас 8.
Восприемши души человеческия/ и утоливши злый совет,/ сокруши, Богомати Владычице,/ и разгони тьму прегрешений,/ и нас настави на путь смирения,/ яко да и мы будем во свете дел ходити,/ и Твоей иконы явлению торжествовати,/ и на помощь Твою уповати,/ и умильным гласом звати, Владычице, из глубины:/ помози, Едина Благословенная.

Иконы Божьей Матери, именуемой «Умягчение злых сердец» или «Симеоново проречение». Тропарь, глас 2.
Моление теплое и стена необоримая,/ милости источниче, мирови прибежище,/ прилежно вопием Ти:/ Богородице Владычице, предвари/ и от бед избави нас,/ Едина вскоре предстательствующая.

Иконы Божьей Матери, именуемой «Умягчение злых сердец» или «Симеоново проречение». Кондак, глас 6.
Око сердца моего смущают,/ и злый совет/разоряет мя,/ сих сокруши, Дево Чистая,/ и не презри мое воздыхание,/ и супостаты на нас умягчи, Преблагословенная Владычице.

Равноап. Николая, архиеп. Японского. Тропарь, глас 4.
Апостолов единонравне и сопрестольне,/ служителю Христов верный и Богомудрый,/ цевнице избранная Божественнаго Духа,/ сосуде преизливающийся любве Христовы,/ Японския земли просветителю,/ святый Николае, иерарше равноапостольне,/ молися Живоначальней Троице/ о всем твоем стаде/ и о всем мире.

Равноап. Николая, архиеп. Японского. Кондак, глас 4.
Странника и пришельца прият тя страна Японская,/ равноапостолъне святителю Николае,/ в ней же исперва познал еси себе яко чуждаго,/ обаче теплоту и свет Христов источая,/ прелагал еси враги твоя в сыны духовныя,/ имже раздай благодать Божию, созидал еси Церковь Христову,/ о ней же ныне молися,/ и тебе бо сынове ея и дщери взывают:/ радуйся, пастырю добрый наш.

Ин.Тропарь Николая, архиеп. Японского, глас 4.
Яко апостолом сопричастника в трудех и возмездиих/ Церковь тя с любовию почитает,/ святителю отче Николае равноапостольне./ Положив бо многими подвиги начало Православия в Японии язычестей,/ умножил еси в ней чада спасения,/ и по кончине прият тя Бог во обители апостол Своих по достоянию./ Сего ради молим тя/ молися Господеви пребыти и в предняя делу твоему незыблему на веки,/ и ввестися в лоно Церкве Православныя всем погибнути имущим,/ умиритися мирови/ и спастися душам нашим.

Николая, архиеп. Японского. Кондак, глас 2.
Твердаго и Боговещаннаго проповедателя Евангелия Твоего, Господи,/ возмездил еси Боголепно/, труды бо его и болезни приял еси паче всех жертв законных и всесожжении./ Того молитвами соблюди нас от неприязни.

Блгв. кн. Романа Угличского.Тропарь, глас 4.
От младенства явился еси,/ правоверный княже Романе,/ избран от Бога/ благочестия столп необорим,/ веру непорочну соблюл еси,/ молитвами и милостынею и постом Богу угодил еси;/ темже и по смерти явися светлость жития твоего,/ исцелявши бо недуги немощствующих,/ верою притекающих ко святому твоему гробу./ Сего ради вопием ти:/ радуйся, угодниче Божий Романе,/ града Углеча похвало и утверждение.

Блгв. кн. Романа Угличского. Кондак, глас 8.
Яко многосветлая звезда,/ всепразднственная память твоя возсия днесь, благоверный княже Романе,/ созывающи к похвалению люди твоя,/ песньми славословити честное житие твое/ и верно торжествовати святое твое успение,/ в немже молися, святе, ко Христу Богу нашему,/ еже избавитися нам от всех наветов вражиих,/ да вси зовем ти:/ радуйся, Романе пребогате, новый Российский чудотворче.

Ин. Тропарь. Блгв. кн. Романа Угличского, глас 4.
Измлада явился еси, Богомудре,/ княже Романе всеблаженне,/ Божественный сосуд избран Богови,/ и ныне точиши нам многая исцеления,/ и вся недуги потоплявши,/ и спаси град свой Углеч,/ и всех верных сохраняй от невидимых и видимых враг,/ верою, молим, блаженне княже Романе,/ моли Христа Бога спастися душам нашим.

Ин тропарь, Блгв. кн. Романа Угличского, глас тойже.
Явися, яко звезда пресветлая,/ благоверный княже Романе,/ в Богом порученном ти граде Углече,/ в животе своем просветився/ воздержанием и всенощным стоянием,/ постом, и молитвою, и слезами,/ моляся ко Всемилостивому Спасу за град свой/ и за вся страны Русския земли,/ и по преставлении твоем источаеши исцеления неоскудно/ приходящим с верою,/ тем же вопием ти:/ моли Христа Бога/ спастися душам нашим.

Блгв. кн. Романа Угличского. Кондак, глас 8.
Скончав добрый подвиг,/ и веру соблюде в сердцы своем,/ и венец нетленный от Бога приял еси,/ блаженный княже Романе,/ и славе Его сподобился еси,/ и Престолу предстал еси Спасову./ Молися Господеви спасти град Углеч и вся грады/ от нашествия иноплеменных, и междоусобныя брани, и поганых,/ и твое честное преставление почитающим/ грехов оставление даровати/ чтущим любовию святую память твою.

Блгв. кн. Романа Угличского. Кондак, глас 8.
Красоту мира сего, княжение и славу/ яко временно помышляя,/ и сего ради благочестно в мире пожил еси,/ блаженне княже Романе,/ милостынею и молитвами Богу угодив,/ и по преставлении своем чудес дар приим от Христа Бога,/ и светильник явися пресветлый,/ просвещая своими чудесы, приходящим к тебе с верою здравие подавши и от бед избавлявши./ Тем же Христова Церковь песньми славит тя,/ благочестивый княже Романе,/ граду своему Углечу великий поборниче.

Pages: 1 2 3