Православный календарь 9 июня (27 мая ст.ст.)

Неделя 6-я по Пасхе, о слепом.

В этот день:
Русская Православная Церковь отмечает память святых:

Священномученика Ферапонта, еп. Сардийского (III).
Обретение мощей прп. Нила Столобенского (1667).
Прп. Ферапонта Белоезерского, Можайского (1426).
Преподобного Ферапонта Монзенского (1597).
Праведного Иоанна Русского, исп. (1730).
Мчч. Феодоры девы и Дидима воина (304).
Мч. Иулия Ветерана, Румынского (302) (Рум.).
Преп. Микела Парехеского (VIII-IX) (Груз.).
Преп. Василия Хахульского, сына царя Баграта III (XI) (Груз.).

Поученіе. Обртеніе мощей преп. Нила столобенскаго. Прот. Григорій Дьяченко († 1903 г.)
Поученіе. Преподобный ерапонтъ Блозерскій.  Прот. Григорій Дьяченко († 1903 г.)

Храни вас Господь, Матерь Божия и все святые, их же память мы сегодня отмечаем!
Молитвы:

Прав. Иоанна Русского. Тропарь, глас 4.
От земли пленения твоего/ воззвавый тя к Небесным селением,/ Господь соблюдает невредимо и цельбоносно тело твое,/ праведне Иоанне,/ ты бо, в России ятый и во Асию проданный,/ посреде, агарянскаго злочестия благочестно пожил еси во мнозе терпении/ и, сеяв зде слезами,/ жнеши тамо неизглаголанною радостию./ Темже моли Христа Бога спастися душам нашим.

Прав. Иоанна Русского. Ин тропарь, глас 4.
От земли Призвавший тя в Небесныя обители/ сохраняет и по смерти нетленное тело твое, святе,/ ты бо яко пленник приведен бысть в Азию,/ идеже и уподобися Христу./ Сего ради моли Его спастися душам нашим.

Прав. Иоанна Русского. Ин кондак, глас 4.
Ныне приспе память славных, свите отче, дел твоих,/ веселяще благочестивыя души,/ верно чтущия тя, Иоанне.

Прав. Иоанна Русского. Кондак, глас 8.
В честней памяти твоей, святе,/ веселится о тебе Россия,/ во благочестии тя воспитавшая,/ и целебным мощем твоим радуется Асия,/ идеже узкий путь прошед страдальческаго плена и постнических подвигов,/ сосуд честен явился еси Божия благодати,/ еяже проси и нам, чтителем твоим, да зовем ти:/ радуйся, Иоанне, благодати тезоимените.

Прав. Иоанна Русского. Тропарь, глас 4.
На Небеси предстоя Святей Троице,/ праведне блаженне Иоанне,/ земный ангеле, Божий человече,/ с Безплотными лики славословиши любовь неизреченную,/ в Церкви первородных со святыми водворялся,/ о нас, сущих на земли, возносиши молитвы/ к Содетелю всех и Спасу,/ да подаст мир всему миру,/ Церквам на земли благостояние и соединение всех,/ чтущих Сына Божия, во плоти пришедша,/ во святем Теле Христа Иисуса,/ еже есть Церковь Бога Живаго,/ во спасение рода человеческаго.

Прав. Иоанна Русского. Кондак, глас 4.
Евангельский любве служителя,/ правды Божия ревнителя,/ чистоты душевныя и телесныя хранителя,/ веру Христову исповедавша в страданиих,/ праведнаго Иоанна ублажаем и почитаем днесь/ и, житием его назидающеся, поем:/ радуйся, молитвенниче наш, от Бога прославленный.

Прп. Ферапонта Белоезерского, Можайского. Тропарь, глас 4.
Житием чистым просветився,/ в молитвах и постех пустыни явился еси доброе прозябение/ и, духовному твоему учителю последствуя,/ ум свой к Небесным управль,/ стаду твоему наставник был еси,/ тем тя молим, отче Ферапонте:/ моли Христа Бога спастися душам нашим.

Прп. Ферапонта Белоезерского, Можайского. Ин кондак, глас 8.
Христовым желанием распалився,/ страсти плотския воздержанием оттряс,/ постническое стяжав жительство, преподобие,/ сего ради Господь труды твоя видев,/ даром чудес обогати тя,/ источавши бо исцеления и молишися о нас к Богу,/ мы же, радующеся, вопием ти:/ радуйся, Ферапонте, отче наш.

Прп. Ферапонта Белоезерского, Можайского. Кондак, глас 4.
Преблагий Спас наш Христос/ умножил есть миость Свою к нам,/ даровав нам в заступника и целителя/ преподобнаго отца нашего Ферапонта,/ иже просвещает нас образом святаго жития своего/ и ныне молитвами своими ограждает храм свой от врагов и от разрушения,/ страну сию от глада и напрасный смерти,/ чтущих же память его всех/ от болезней и от лютых страстей.

Прп. Нила Столобенского. Тропарь, глас 4.
Яко светильник всесветел,/ явился еси во острове Селигера езера,/ преподобие отче Ниле,/ ты бо, крест Христов от юности своей на рамо взем,/ усердно Тому последовал еси,/ чистотою Богови приближився,/ отонудуже и чудес дарованием обогатился еси./ Тем и мы, притекающе к раце мощей твоих, умильно глаголем:/ отче преподобие,/ моли Христа Бога/ спастися душам нашим.

Прп. Нила Столобенского. Кондак, глас 8.
Отечества, преподобие, удалився,/ в пустыню вселился еси,/ и, на остров Селигера езера возшед,/ жестоко житие показал еси,/ и, многих добродетельми удивив,/ дарования чудес от Христа приял еси./ Поминай нас, чтущих память твою, да зовем ти:/ радуйся, Ниле, отче наш.

Прп. Ферапонта Монзенского. Тропарь, глас 8.
Любовию Христовою, Богомудре, просветився и добродетельми,/ сожительствовал еси Василию блаженному,/ и, всякое наслаждение плотское возненавидев,/ в пустыню вселился еси,/ в ней же вельми подвизался еси в жизни сей временней,/ плоть умершвляя свою в пениих, и во бдениих, и в пощениих./ Темже и Христос даром чудес обогати тя,/ но поминай убо нас, чтущих пресветлую память твою,/ преподобне отче Ферапонте,/ и моли Христа Бога спастися душам нашим.

Прп. Ферапонта Монзенского. Кондак, глас 8.
Возложив себе Богу от юности, преподобие,/ Того паче всех возлюбив,/ и Тому от всея души любовию последовал еси,/ тленная и красная мира нивочтоже вменив, в пустыню вселився,/ в ней же добре подвизался еси противу невидимых врагов козней/ и, яко светозарное солнце, в концех Галическия земли возсиял еси,/ отонуду же, веселяся, прешел еси к Небесным обителем,/ и ныне со Ангелы Владычню Престолу предстоя,/ поминай нас, чтущих память твою, да зовем ти:/ радуйся, Ферапонте, отче наш.

Pages: 1 2 3