В этот день: Русская Православная Церковь отмечает память святых: Пророка Иеремии (VI в. до Р.Х.). Преподобного Пафнутия Боровского (1478). Священномученика Макария, митр. Киевского (1497). Преподобного Герасима Болдинского (1554). Преподобномученика Ваты Персянина (IV). Святой Тамары, царицы Грузинской (1213). Прмчч. Афонских Евфимия (1814), Игнатия (1814) и Акакия (1816). Мц. Нины (1938) Свт. Асафа, еп. Лланвильского (VI-VII)(Кельт. и Брит.). Свт. Панарета, архиеп. Кипрского (Греч.). Прп. Никифора Хиосского (Греч.). Мч. Саввы (Греч.). Св. Ултана основателя Фосийского (680) (Нидерл.). Св. Зосимы, еп. Кумурдинского (XV). Новомч. Монаха Романа Какавского (780). Новомц. Марии Мерамбельской на Крите (1826). Св. Бриока игумена Брикского. Св. Корентина еп. Квимперского. Перенесеное мощей св. Валбурги игимении Хейденхеймской. Св. Философа. Иконы Божией Матери Царевококшайской, или Мироносицкой (1647), Иконы Божией Матери  «Нечаянная Радость» Иконы Божией Матери Андрониковской (XIV) Иконы Божией Матери «Византийской»

Молитвы Тропарь преподобного Пафнутия Боровского, глас 4 Жития светлостию просветив твое отечество,/ в молитвах и постех дарований Божественнаго Духа исполнился еси,/ и, во временней сей жизни добре подвизався,/ милость благоутробия всем скорбящим отверзл еси,/ и нищим был еси заступник./ Тем молим тя, отче Пафнутие,/ моли Христа Бога, да спасет души наша.

Божиим светолитием просвещен, отче,/ постническое стяжал еси жительство, преподобне,/ иноком предобрый наставниче и постником благое украшение./ Сего ради Господь, труды, твоя видев,/ чудес даром обогати тя,/ источавши бо исцеления./ Мы же, радующеся, вопием ти:/ радуйся, отче Пафнутие.

Пророка Твоего Иеремии память, Господи, празднующе,/ тем Тя молим:// спаси души наша.

Очистив духом, великий пророче и мучениче,/ твое светозарное сердце,/ славнее Иеремие,/ пророчествия дар свыше приял еси/ и возопил еси велегласно во странах:/ се Бог наш, и не приложится ин к Нему,/ Иже, воплощся, на земли явился есть

Явися днесь Церкви новое торжество/ триех страстотерпцев,/ яко светила, озаряющее/ православных, Христе,/ исполнения.

Божественныя Безкровныя совершая Жертвы,/ кровь твою, от безбожных агарян излиянную,/ в жертву непорочную принесл еси Владыце твоему, Пастыреначальнику Христу./ Егоже моли, молим тя,/ пролити гнев на языки, хотящия браней;/ христолюбивое воинство наше на враги укрепи/ и стадо твое от всяких бед неврежденно соблюди,/ тебе бо крепкаго заступника почитаем,/ новый свяшенномучениче российский,/ святителю блаженный Макарие.

Веселится град Киев,/ великое сокровище стяжав,/ твое тлению непричастное тело,/ святителю блаженный Макарие,/ твой бо престол даже до крове от лютых врагов нашествия хранил еси./ И ныне Небесному предстоиши Престолу,/ идеже молитвенно пред Творцем поминай нас, отче наш,/ да во всех бедах имеем тя прибежище и тобою хвалимся, зовуще:/ радуйся, Макарие, архиереом честное украшение.

Вышния красоты желая,/ нижния сласти телесныя далече от себе отгнала еси/ и, в чертозе царском пребывающи,/ ангельское житие препровождала еси,/ царице Тамаро блаженная,/ моли Христа Бога спастися душам нашим.

Во святых дивная,/ Иверии светило,/ благоверная царице Тамаро,/ на горах высоких храмы воздвигшая,/ да в них моления возсылают ко Господу,/ мольбами твоими крепость даровавшая воем христолюбивых людей страны Иверския,/ десницею же своею полчища агарянская низпровергшая,/ моли Христа Бога/ спастися душам нашим.

Днесь вернии людие/ духовно торжествуем,/ прославляюще Заступницу усердную рода христианскаго/ и притекающе к пречистому Ея образу, взываем сице:/ о, Премилостивая Владычице Богородице,/ подаждь нам нечаянную радость,/ обремененным грехи и скорбьми многими,/ и избави нас от всякого зла,/ молящи Сына Твоего, Христа Бога нашего, спасти души наша.

Не имамы иныя помощи,/ не имамы иныя надежды,/ разве Тебе, Владычице./ Ты нам помози,/ на Тебе надеемся/ и Тобою хвалимся,/ Твой бо есмы раби,/ да не постыдимся.

Pages: 1 2 3

В этот день: Русская Православная Церковь отмечает память святых:

Мученицы царицы Александры (303). Мученика Анатолия (303) Праведной Тавифы (I) (переходящее празднование в Неделю 4-ю по Пасхе ). Перенесение мощей мч. Авраамия Болгарского (1230) (переходящее празднование в Неделю 4-ю по Пасхе ). Новосщмч. священника Егора (Георгия) Спасс-Чернякского (1918). Сщмч. Иоанна пресвитера (1940). Новосщмч. священника Сергея Зачарчука Наброзского в Польше (1943). Мч. Протолеона (303). Мчч. Гликерия земледельца, Афанасия волхва, Валерия, Доната и Ферина. Мч. Ферина Бофротуского (250). Новомч. Георгия Птолемаидского (1752). Новомч. Лазаря болгарского (1802). Прп. Георгия Шенкурского.

Молитвы Тропарь великомученика Георгия, глас 4 Яко пленных свободитель/ и нищих защититель,/ немощствующих врач,/ православных поборниче,/ победоносче, великомучениче Георгие,/ моли Христа Бога// спастися душам нашим.

Подвигом добрым подвизался еси,/ страстотерпче Христов,/ верою и мучителей обличил еси нечестие,/ жертва же благоприятна Богу принеслся еси./ Темже и венец приял еси победы/ и молитвами, святе, твоими всем подавши/ прегрешений прощение.

Возделан от Бога,/ показался еси благочестия делатель честнейший,/ добродетелей рукояти собрав себе:/ сеяв бо в слезах, веселием жнеши,/ страдальчествовав же кровию, Христа приял еси,/ молитвами, святе, твоими всем подаеши// прегрешений прощение.

Царства земнаго славу презревши,/ Единаго Христа, нас ради распятаго, возлюбила еси/ и, Того мужественне исповедающи,/ венцем мученическим увенчалася еси,/ всеблаженная царице Александре./ Темже и ныне Престолу Царя славы на Небесех предстоящи,/ молися о спасении душ наших.

Апостолом сотаиннице, милостивая Тавифо,/ обители женския начало положила еси/ и бедным одеяние была еси,/ послушнице смиренная,/ слову апостола Петра повинувшися,/ из мертвых силою Христовою возстала еси/ и ныне на Небесех светло празднуеши./ Темже моли Христа Бога/ всем, поминающим тя, даровати живот вечный.

Первоначальная Церковь ликовствует,/ Иоппия тобою, Тавифо, просвещается,/ из мертвых твоему воскресению радующися,/ и мы, память твою ныне празднующе,/ славим Победителя смерти — Христа Бога,/ общаго святаго Воскресения чающе.

В этот день: Русская Православная Церковь отмечает память святых: Преподобного Феодора Трихины (власяничника) (IV-IX). Преподобного Александра Ошевенского (1479). Преподобного Анастасия, игумена Синайской горы (695). Мч. младенца Гавриила Слуцкого (Белостокского) (1690). Святителя Николая (Велемировича) еп. Охридского, Сербского (1956) (Серб.). Свтт. Григория (593) и Анастасия (599), патриархов Антиохийских. Сщмч. Феодосия, еп. Коломенского (1937). Прпп. Афанасия и Иоасафа, игуменов Метеорских. Ап. Закжея, еп. Кесарийского. Свтт. Вританиана и Феотима, епп. Томисских, Скифских (Рум.). Св. Кедваллы, короля Зап. Саксонии (689) (Кельт. и Брит.). Анастасия I, парт. Антиохского (599) Сщмч. Анастасия II, патр. Антиохийского. Кипрской иконы Божией Матери Кипяжской иконы Божией Матери.

Кондак преподобного Феодора, глас 4 Явился еси предивен житием,/ Феодоре мудре отче,/ власяными рубы изменив/ паче царских сокровищ,/ яже на земли,/ сего ради небесную одежду восприял еси,// присно моли о нас, преподобне.

Христа, истиннаго Бога, всею душею возлюбил еси/ и Тому невозвратным желанием последовал еси,/ вся же красная и сладкая мира сего возненавидев,/ яко небопарный орел, на Небеса возлете/ и тамо со Ангелы ликуеши и со всеми святыми Святей Троице предстоиши,/ моли и нам спастися, чадом твоим,/ яко же обещася, Александре преподобне, отче наш.

Родителей своих любовь отринул еси/ и дом свой, яко чужд, оставил еси,/ водвори бо ся в пустыню,/ и тамо виде Бог труды твоя и подвиги,/ пастыря и наставника избранному Своему стаду сподобляет тя/ и по преставлении великими чудесы прославляет тя,/ исцеляти различный недуги./ Моли о нас Христа Бога,/ празднующих любовию святую память твою,/ да вси единогласно вопием ти:/ радуйся, Александре преподобне, отче наш.

Святый младенче Гаврииле, / ты за Прободеннаго нас ради от иудей/люте от онехже в ребра прободен был еси/ и за Истощившаго кровь Свою за нас/ все тело твое на истощение крове/ в лютыя язвы предал еси, / ныне же во славе вечней с Ним вселился еси. / Тем помяни и нас, молим, зде чтущих память твою, / прося нам здравие телеси/ и спасение душам нашим.

Отечество твое Зверки бысть, / мучениче Христов Гаврииле, / идеже от истых зверей — иудеев восхищен:/ абие родитилей лишен еси, / таже вся поряду люте претерпев, / в отечество Небесное преселился еси. / Восхищай и нас зде от всяких напастей и скорбей/ и умоли, молим тя, / улучити вечное наследие твое.

В этот день: Русская Православная Церковь отмечает память святых:

Мученика Иоанна Нового из Янины (1526). Преподобного Иоанна, ученика прп. Григория Декаполита (820-850). Сщмч. Виссариона пресвитера (1918). Новомчч.: иереев Николая (1937) и Василия Державина (1930), и мирян Городецких, Нижегородских. Прмц. Тамары (1942). Мчч. Виктора, Зотика, Зинона, Акиндина и Севериана (303). Прпп. Антония, Евфимия и Феликса Карельских. Монахов Иоанна и Афанасия Эгинских (Греч.). Св. Навкратия, еп. Студийского (848). Св. Афанасия чудотворца Аегинского (IX). Преп. Василия Ратишвили (XIII) (Груз.). Мч. Саввы Готского (372). Максимовской иконы Божией Матери (1299).

Молитвы

Днесь светло красуется славнейший град Владимир,/ радостно совершая, Владычице,/ праздник явления Твоего святителю Максиму, в нем бывшаго,/ о немже ныне воспоминаюше и молящеся Тебе, взываем сице:/ о Пречудная Владычице Богородице,/ молися Превечному Архиерею — Сыну Твоему,/ да непоколебиму утвердит Церковь Православную,/ град наш Владимир и всю Русскую землю/ в мире сохранит и спасет в правоверии души наша.

Призри на нас, Всепетая Богородице,/ возсияй просвещение сердцем помраченным/ и озари стадо Твое, Пречистая,/ елика бо хощеши и можеши,/ яко Мати сущи Зиждителя,/ и возопий молящим Тя:/ Аз есмь с вами,/ и никтоже возможет на вы.

Pages: 1 2 3

В этот день: Русская Православная Церковь отмечает память святых:

Апостолов от 70-ти Пуда (ок. 67). Апостолов от 70-ти Трофима (ок. 67). Благоверного вел. князя Киевского Мстислава-Феодора. Святого Даниила Ачинского в Сибири (1843). Мчч. Месукевийских — Сухия и дружины его (100-130) (Груз.). Мученика Саввы Готфского (372). Мучениц Василиссы и Анастасии (ок. 68). Сщмч. Александра пресвитера (1930). Прп. Руадхана, игумена Лофрского (584) (Кельт. и Брит.). Свт. Леонида, еп. Афинского (Греч.). Св. Василия Поианского в Марулии (1767). Мч. Павсилипия Фрасского (II). Мч. Кресенса в Мире (III). Св. Петерния еп. Ландбадарнского.

Кондак апостолов глас 4 Явися апостольский честный сей праздник,/ просвещая нас и греховную мглу прогоняя, зовущим:// явися Свет, и прииде избавление.

В этот день:

Преподобного Никиты исп., игумена обители Мидикийской (824). Новомченика Павла (1683). Преподобного Иосифа Песнописца (Греч.). Мученицы Феодосии девы (307-308). Прп. Иллирика чудотворца. Мчч. Елпидифора, Дия, Вифония и Галика. Прп. Нектария Бежецкого. Мч. Ульфиана Тирского. Мчч. Кассия, Филиппа и Евтичия Солунских (304). Мчч. Евагра, Бенигна, Криста, Арсента, Киннуда, Руфуса, Патриция и Зосимы Томисских (310). Св. Фары (Бургондофары) Евориакского или Фаремутирского (VII).

Прп. Никиты исп.Кондак, глас 8. Аще и во Гроб снизшел еси, Безсмертне, / но адову разрушил еси силу / и воскресл еси, яко Победитель, Христе Боже, / женам мvроносицам вещавый: радуйтеся! / и Твоим апостолом мир даруяй, / падшим подаяй Воскресение.

Небесный ум и житие стяжав,/ сиявши ясно, якоже солнце, светлостию дел,/ просвещавши сущия во тьме житейстей, отче Никито,/ и, приводя всех к Богу,/ моли непрестанно о всех нас.

Добродетель благоприятно, мученице, постигла еси, / Христово приятелище бывши чистое / и Святаго Духа дом возлюблен; / отонудуже посрамила еси врага, борющаго род человеческий, / добре страдавшая, / и посекла еси Копронима, Феодосие, мечем веры, / и к чертогу Небесному преставилася еси, радующися. / Тебе верою чтущим / присно проси велия милости.

Радуйся, Богоневесто, жезле тайный,/ Цвет Неувядаемый процветший,/ радуйся, Владычице, Еюже радости наполняемся/ и жизнь наследствуем.

Pages: 1 2 3

Пасха. Светлое Христово Воскресение.

Русская Православная Церковь отмечает память святых:

Преподобного  Тита чудотворца(IX). Мученика Поликара (IV)

Пасха. Светлое Христово Воскресение.Тропарь, глас 5. Христос воскресе из мертвых, / смертию смерть поправ, / и сущим во гробех живот даровав.

Предварившия утро яже о Марии / и обретшия камень, отвален от гроба, / слышаху от Ангела: / во Свете Присносущнем Сущаго, / с мертвыми что ищете, яко человека? / Видите гробныя пелены, / тецыте и мiру проповедите, / яко воста Господь, умертвивый смерть, / яко есть Сын Бога, спасающаго род человеческий.

Аще и во Гроб снизшел еси, Безсмертне, / но адову разрушил еси силу / и воскресл еси, яко Победитель, Христе Боже, / женам мvроносицам вещавый:радуйтеся! / и Твоим апостолом мир даруяй, / падшим подаяй Воскресение.

Страстная суббота

Русская Православная Церковь отмечает память святых:

Преподобного Евфимия Суздальского (1404). Преподобного Варсонофия Оптинского (1913) Мученика Аврамия Болгарского (1229) Преподобного Геронтия, канонарха Печерского (XIV). Прав. Ахаза. Мучеников Геронтий и Василид (III) Преподобного Макарий, игумен Пеликитской обители (ок. 830)

Молитвы:

Яко светозарная звезда,/ пришел еси от востока на запад,/ оставив отечество твое, Нижний Новград,/ и, дошед богоспасаемаго града Суждаля,/ в нем обитель сотворил еси,/ и собрал еси монахов множества,/ и, прием дар чудес от Бога, отче Евфимие,/ был еси о Христе собеседник/ и спостник преподобному Сергию./ С нимже у Христа Бога испроси нам здравие, и спасение,/ и душам нашим велию милость.

Волнений множество невлажно преходя,/ безплотныя враги струями слез твоих погрузил еси,/ Богомудре Евфимие преподобне,/ тем и чудес дар приял еси,/ моли непрестанно о всех нас.

В тебе, мати, известно спасеся, еже по образу,/ приимши бо крест, последовала еси Христу/ и, деющи, учила еси презирати убо плоть, преходит бо/ прилежати же о души вещи безсмертней./ Темже и со Ангелы срадуется, преподобная Марие, дух твой.

Блудами первее преисполнена всяческими,/ Христова невеста днесь покаянием явися,/ ангельское жительство подражающи,/ демона креста оружием погубляет./ Сего ради Царствия невеста явилася еси, Марие преславная.

Греха мглы избежавши,/ покаяния светом озаривши твое сердце, славная,/ пришла еси ко Христу,/ Сего Всенепорочную и святую Матерь/ Молитвенницу милостивную принесла еси./ Отонудуже и прегрешений обрела еси оставление/ и со Ангелы присно срадуешися.

Греха мглы избежавши,/ покаяния светом озаривши твое сердце, славная,/ пришла еси ко Христу,/ Сего Всенепорочную и святую Матерь/ Молитвенницу милостивную принесла еси./ Отонудуже и прегрешений обрела еси оставление/ и со Ангелы присно срадуешися.

Днесь, благовернии людие, сошедшеся,/ восхвалим добляго сего мученика и страдальца Авраамия,/ сей бо, укрепляемь силою Божиею,/ душу свою положи за Христа,/ много пострадав от зловерных болгар./ Сего ради от Господа венец прият/ и ныне предстоит Ему/ и молится о граде сем/ и о всех нас, чтущих память его.

Яко многоценное сокровище,/ принесено бысть от Болгарский страны во град Владимир/ пречестное тело твое, мучениче Авраамие,/ имже подавши всем чтущим преславную память твою обилие исцелений,/ предстоя на Небеси Христу Богу/ и моля Его о спасении душ наших.

Укрепився, славне, любовию Господнею/ и Того честный Крест на рамо взем, иго Господне,/ посрамил еси диаволя коварствия/ и пострадал еси даже до смерти,/ и сего ради, досточудне, явися страдалец велик, Авраамие,/ и оружником храбротаинник/ и участник Божия благодати.

Всечестный канонарше Геронтие,/ правилоначальный бывый в церкви/ и в правиле иночестем возсиявший светло,/ моли Христа Бога,/ да прегрешений оставление/ подаст душам нашим.

Канонаршествуя, честный канонарше Геронтие,/ и пение церковное поющим предводительствуя в церкви,/ уподобился воистинну Ангелом,/ поющим Бога на Небеси,/ ихже и житию подражая, и, с ними ликуя,/ поминай ны, любовию хвалящих тя.

Pages: 1 2 3

Великая Пятница

Русская Православная Церковь отмечает память святых:

Святителя Ионы, митр. Киевского, Московского и всея России, чудотворца Святителя Иннокентия, митр. Московского (1879). Преподобного Ипатия целебника, Печерского, в Дальних пещерах (XIV). Сщмч. Вениамина Персидского, диакона (418-424). Сщмч. Иоанна пресвитера (1938). Прп. Аполлония Египетского (IV). Прп. Ипатия, игумена Руфианского (ок. 446). 38 мчч., усеченных мечом при Юлиане (361-363). Свт. Акакия, исповед. еп. Метиленского. Прп. Власия Аморейского (Греч.). Мч. Менандера (Греч.). Св. Стефана монаха-чудотворца (Греч.).

Молитвы:

Ярем Господень измлада восприим,/ и Того стопам невозвратным желанием последовал еси,/ и освященнаго подвига достигл,/ святительства паству приим и чудес от Бога дары прият,/ с верою приходящим к раце мощей твоих/ подавши различным недугом исцеление неоскудно,/ отче наш Ионо, святителю Христов,/ моли Христа Бога даровати нам велию милость.

От юности твоей весь сам себе Господеви возложив,/ в молитвах, и трудех, и в постех образ быв добродетели,/ отонудуже видев Бог твое благое произволение,/ архиерея тя и пастыря Церкви Своей устрояет./ Темже и по преставлении честное тело твое цело и нетленно соблюдеся,/ Ионо святителю,/ моли Христа Бога да спасет души наша.

Божественною благодатию просветився/ и по смерти показуя светлость жития твоего,/ источаеши мирови благоухания,/ притекающим к раце мощей твоих,/ и народи Московстии наставил еси ко свету богоразумия,/ Ионо, отче наш,/ моли Христа Бога/ даровати нам велию милость.

Желанием духовным постническое житие совершив/ и святительства паству приим,/ чистоты ради телесный и тело твое Владыка Христос соблюде нетленно/ и Петру чудотворцу наследника тя содела,/ и того нраву последовал еси,/ и учителя тя Христос Своему стаду дарова,/ идеже лежат целебныя мощи твоя,/ благоухают, яко от кадила благовонна,/ и подают исцеления немощным, верою приходящим,/ святителю Ионо, моли Христа Бога непрестанно о всех нас.

Яко от младенства Господеви поработив себе, мудре,/ постом и бдением тело твое удручая,/ темже сосуд чист и дом Духу Пресвятому явился еси./ Сего ради и Церкви Своей тебе архиерея и пастыря устрояет,/ юже добре упас, ко Господу отходиши, Егоже возлюбил еси./ Тем молим тя: поминай нас, верою чтущих святую память твою, да вси зовем ти:/ радуйся, отче Ионо, святителю всечестный.

Изволением Божественнаго разума/ вперив ум свой в Небесныя обители/ и равно Ангелом житие пожив на земли,/ сего ради мучения красоты венец на своем версе утвердив,/ священномучениче Ипатие,/ моли Христа Бога/ спастися душам нашим.

Изволением Божественнаго разума/ вперив ум свой в Небесныя обители/ и равно Ангелом житие пожив на земли,/ сего ради мучения красоты венец на своем версе утвердив,/ священномучениче Ипатие,/ моли Христа Бога/ спастися душам нашим.

В прекрасном Церкве апостольския вертограде/ из юна возраста всесильною десницею Божиею насадился еси,/ Богоблаженне отче Ипатие,/ и в ней, яко верен первосвященник,/ верно Богоначальное и Всетворящее Троическое Единство/ проповедал еси во Вселенском Собрании,/ Духа же Святаго в добродетелех исполнен быв,/ велия чудеса сотворив,/ мучением за веру Христову скончався,/ пришел еси в Небесный град,/ идеже Триипостаснаго Бога зря,/ моли о чествующих тя,/ да в Горнем Иерусалиме со святыми жити сподобимся.

Боговидное досточудных добродетелей зерцало,/ Богоправимое Православный веры правило/ и утверждение Церкве Христовы,/ за нюже и страдал еси, всечудне отче Ипатие,/ чудесы, Богодарованными тебе, весь мир удивив,/ душеспасительныя пользы сотворил еси,/ и ныне верно призывающим тя во всяких бедах и напастех/ испроси нам у Господа Бога/ помощь и спасение вечное душам.

Римскому отечеству светильник,/ Богозарными лучами концы светя,/ ныне просвети твое празднество поющия, Ипатие,/ прося свыше мира и грехов оставления,/ молитвами защити ны, Ипатие многострадально.

Обитель Триипостаснаго Божества,/ достоблаженне отче Ипатие, быв,/ во вселенную Всетворца Бога воскликнул еси./ Благодарственне же чудодействуя,/ вшел еси в Небесный обители,/ тамо моли Всесвятую Троицу, молим тя,/ исцелити телеса и души наша/ в Богосозданную нашу красоту.

О всеблаженный чудотворче Ипатие,/ предстояй в Небесех Всетворящей Божественней Троице,/ с лики Горними богоприятне и всерадостне возносиши хвалы./ Приими от нас сие тебе хвалорадостнословие./ И моли Господа избавити ны от всяких грехов, напастей же и болезней/ и даровати Царствие Небесное всюду поющим:/ аллилуйя.

Во вся страны полунощныя изыде вещание твое,/ яко приемшия слово твое,/ ихже боголепно научил еси,/ неведущия Христа светом Евангелия просветил еси,/ человеческия обычаи украсил еси,/ Российская похвало, святителю отче наш Иннокентие,/ моли Христа Бога/ спастися душам нашим.

Первый учитель прежде темным языческим племенам,/ первый возвеститель им пути спасительнаго,/ апостольски потрудивыйся в просвещении Сибири и Америки,/ святителю отче наш Иннокентие,/ Владыку всех моли/ мир вселенней даровати/ и душам нашим велию милость.

Истинный и наложный учитель был еси:/ заповеданная бо Господам сам сотворив,/ имже учил еси и наказал еси ко благочестию приходящая чада,/ неверныя вразумлял еси познати веру истинную,/ просвещая их святым Крещением./ Сего ради со апостолы радуешися,/ приемля почесть благовестника Христова.

Безначальнаго онаго и тихаго места,/ идеже несть печали, ни воздыхания,/ достигнути, преподобне, желая,/ не дал еси себе зде покоя нимало,/ но присно день и нощь в делех всяких/ и жестоком житии трудолюбно подвизаяся, пребываеши,/ тем желаемого получил уже, Ипатие,/ молися о душах наших.

Похвала Пресвятой Богородицы (Суббота Акафиста)

Русская Православная Церковь отмечает память святых:

Святителя Ипатия Гангрского Мучеников Трофима и Евкарпия Никомидийских (ок. 300). Мученика короля Эдуарда. Преподобного Кирилла Астраханского (ок. 1576). Преподобной Марии (Скобцовой) (1945). Преподобного Анина монаха. Сщмч. Димитрия пресвитера, прмц. Наталии (1938). 10 000 мчч. Никомидийских. Свт. Тетрика, еп. Лангрского (Галл.). Прп. Даниила, монаха Египетского (VI).

Молитвы:

Дево Безневестная / и Мати Всечистая, / приемши от Архангела благовещение, / со тщанием востекла еси в Горняя, / и целовавши южику Твою, всечестную Елисаветь, / Материю Господа от сия наречена была еси, /и возвеличила возвеличившаго Тя Господа:/ Благословенна Ты в женах, / и благословен Плод чрева Твоего.

Взбранной Воеводе победительная, яко избавльшеся от злых, благодарственная восписуем Ти раби Твои Богородице: но яко имущая державу непобедимую, от всяких нас бед свободи, да зовем Ти: Радуйся Невесто Неневестная.

Языком твоим, мудре,/ Божественными вдохновеньми просветил еси твоя люди/ едину чести Троицу,/ Естеством нераздельну, разделяему же Лицы./ Темже, радующеся, всесвятую твою память празднуем,/ иже к Богу молитвенника тя предлагающий.