Преподобного Иоанна Лествичника Прав. Аарона Первосвященника. Преподобного Феофана исп., Сигрианского (818). Праведного Кира. Праведного Финееса (ок. 1500 г. до Р.Х.). Святителя Григория Двоеслова, папы Римского (604). Преподобного Симеона Нового Богослова (1021). Лиддской, нерукотворной (на столпе) икон Божией Матери (I). Св. Александра исп. пресвитера (1933). Сщмч. Иоанна пресвитера, прмч. Владимира (1938). Сщмч. Сергия пресвитера (1943). Св. Алфегия, еп. Винчестерского (951) (Кельт. и Брит.). Св. Павла, еп. Леонского в Британии (572). Св. Никодима Маммолского в Калабрии (990). День восстановления автокефалии Грузинской Православной Церкви (1917). (Груз.) Блгв. царя мч. Димитрия Самопожертвователя, Грузинского (1289). (Груз.) Феоктиста, бывшего Драгутина, короля Сербского (XIV).

Молитвы:

Тропарь преподобного Иоанна Лествичника, игумена Синайского, глас 8

Слез твоих теченьми пустыни безплодное возделал еси,/ и иже изглубины воздыханьми во сто трудов уплодоносил еси,/ и был еси светильник вселенней,/ сияя чудесы, Иоанне, отче наш,/ моли Христа Бога спастися душам нашим.

Ин тропарь преподобного Иоанна Лествичника, игумена Синайского, глас 4

Яко Божественную лествицу, обретохом, Иоанне преподобне,/ твоя Божественныя добродетели,/ к Небеси возводящия ны:/ добродетелей бо ты был еси воображение./ Тем моли Христа Бога, да спасет души наша.

Кондак преподобного Иоанна Лествичника, игумена Синайского, глас 1

Плоды присноцветущия,/от твоей книги принося учения, премудре,/ услаждавши сердца, сим с трезвением внемлющих, блаженне:/ лествица бо есть, души возводящая от земли к Небесней и пребывающей славе/ верою чтущих тя.

Свт. Григория Двоеслова, папы Римского. Тропарь, глас 4. Иже от Бога свыше Божественную благодать восприем,/ славне Григорие,/ и Того силою укрепляема/ евангельски шествовати изволил еси./ Отонудуже у Христа возмездие трудов приял еси, всеблаженне,/ Егоже моли,/ да спасет души наша.

Свт. Григория Двоеслова, папы Римского. Кондак, глас 3.

Подобоначальник показался еси Начальника пастырем Христа,/ иноков чреды, отче Григорие,/ ко ограде Небесней наставляя,/ и оттуду научил еси стадо Христово заповедем Его,/ ныне же с ними радуешися и ликуеши в Небесных кровех.

Прп. Феофана исп., Сигрианского. Тропарь, глас 5.

Воздержанием житие украсил/ и, уды умертвив,/ победил еси вражия козни, отче Феофане,/ преставился еси к Богу в вечную жизнь,/ яко достоин причастник,/ моляся непрестанно/ помиловати души наша.

Прп. Феофана исп., Сигрианского. Кондак, глас 2.

Свыше прием Божественное откровение,/ со тщанием изшел еси от среды молвы житейский/ и, уединився, преподобие, чудес приял еси действо/ и пророчества достоинство,/ богатства и супружницы лишився.

Прп. Симеона Нового Богослова. Тропарь, глас 3.

Божественное озарение, Симеоне отче,/ восприяв в души твоей,/ светило в мире показался еси светлейшее,/ разгоняя того мракобесие/ и всех уверяя искати, юже погубиша, благодать Духа,/ Егоже прилежно моли/ даровати нам велию милость.

Прп. Симеона Нового Богослова. Ин тропарь, глас 1.

Внешний мудрости пребывая непричастен,/ Божественный же преисполнен был еси последи/ и Новый Богослов воистинну всеми познася, Симеоне./ Сего ради твою память, отче мудре, почитающе, тебе вопием:/ слава тя прославлынему Христу,/ слава тя дивна Показавшему,/ слава Действующему тобою всем исцеления.

Прп. Симеона Нового Богослова. Кондак, глас 3.

Светом просвещен Трисолнечным, Богомудре,/ Богослов явился еси Пребожественныя Троицы./ Свыше премудростию словес обогатився,/ источил еси Богомудрия Божественный струй,/ от нихже пиюще, вопием:/ радуйся, треблаженне Симеоне Богонаученне.

Прав. Аарона Первосвященника. Тропарь, глас 3.

Стеблю Левиина корене,/ приимый чин древняго Мафусаила,/ он бо отча ради к Богу вознесения,/ ты же братня ради с Богом беседования,/ первосвященный во Израили молебниче о всех,/ умоли Бога купно с братом своим боговидцем,/ да избавимся от всякия скорби.

Прав. Аарона Первосвященника. Кондак, глас 3.

Преиспещрено имый одеяние от честных камений,/ процветенный священством, Аароне,/ твой сухий жезл процветущий/ прообразоваше от Нескверныя Пречистыя Девы Сына Божия рождество,/ истиннаго Священнопастыря старейшаго,/ Егоже моли со всеми освященными лики,/ да спасет ны по велицей Его милости.

Pages: 1 2 3

Неделя Крестопоклонная

Великий Пост

В этот день: Русская Православная Церковь отмечает память святых:

Мученика Конона Исаврийского (I).

Преподобномученика Адриана Пошехонского, Ярославского (1550). Мученирка Конона градаря (огородника) (III). Обретение мощей блгвв. князей Феодора Смоленского и чад его Давида и Константина, Ярославских чудотворцев (1463). Преподобного Марка постника Египетского (V). Мученика Евлогия, иже в Палестине. Преподобного Исихия Постника. Иконы Божией Матери, именуемой «Воспитание». Свт. Николая (Велемировича) еп. Охридского, Сербского (1956) (Серб.). Сщмч. Николая (1919). Сщмч. Иоанна пресвитера и прмчч. Мардария и Феофана (1938). Новомч. Иоанна Болгарина (Греч.). Мч. Архелая и 152 мчч. Египетских. Мч. Онисия (I). Мц. Ираиды и с ней: Архелая и 150 мчч. Мч. Евлампия. Св. Киерана (Киарана), Сайгерского (V-VI) (Кельт. и Брит.). Св. Теофила, еп. Каисарийского в Палестине (200). Св. Виргила, еп. Арийского (618). Св. Василия (1249) и Константина (1257), царевичей Ярославльских. Новосщмч. Парфения, еп. Дидимотечонского во Фрасе (1805). Новомч. Георгия Рапсанского (1818). Св. Пирана монаха Перанпорфского.

Храни вас Господь, Матерь Божия и все святые, их же память мы сегодня отмечаем!

Молитвы

Тропарь мученика Конона Исаврийского, глас 4

Яко девственника предивна/ и мученика непоколебима,/ блаженнаго страдальца,/ на бесы власть приемшаго,/ Конона песньми восхвалим и к нему возопиим:/ моли Христа Бога,/ да спасет души наша.

Кондак мученика Конона Исаврийского, глас 3

Чистотою яко Ангел на земли пожив,/ отонудуже собеседник Ангелом быти сподобился еси,/ и родители ко Христову познанию привел еси,/ и, единаго Бога в Троице исповедав,/ пострадал еси до крове,/ мучениче Кононе,/ моли Его непрестанно о всех нас.

Тропарь благоверных князей Феодора Смоленского и чад его Давида и Константина

глас 4 Измлада явистеся святии,/ Богомудре Феодоре и блаженне Давиде с Константином славным,/ Божественный сосуди, избранный Богови./ Ныне же источаете нам многа исцеления от честных мощей ваших,/ вся ереси потопляюще,/ и спасающе присно град свой,/ и всех верных сохраняюще невредимо/ от видимых и невидимых враг./ Темже верою молим вас, святии:/ молите Христа Бога/ в мире сохранитися нам и спасти души наша.

Ин тропарь благоверных князей Феодора Смоленского и чад его Давида и Константина, глас 4

Иже от юности Христовы любве/ прилепившеся усердно, святии/ законы и оправдания Того сохраняюще,/ отнюдуже и чудесными даровании обогатистеся,/ исцеления источаете иже верою вас почитающих,/ темже молите Христа Бога/ спастися душам нашим.

Кондак благоверных князей Феодора Смоленского и чад его Давида и Константина, глас 8

Богомудренно преселистеся, святии,/ во град, присно добродетельми цветущий,/ в жизни сей приносяще Богови плоды благи,/ преподобне Феодоре и блаженне Давиде с Константином славным,/ и явистеся, яко многоцветущая райская древеса жизни/ и яко многосветлыя звезды, в мире сияюще благодатию,/ в добродетели исправивше жизнь свою,/ и сего ради получисте живот вечный на Небесех./ Темже благодарственно вам зовем:/ радуйтеся, всемирнии светильницы и граду нашему Ярославлю великое утверждение.

Тропарь преподобномученика Адриана Пошехонского, глас 4

Христову мученику Адриану тезоименит был еси, преподобне,/ многия труды подъял еси в жизни временней,/ обитель иноческую созидая в пустыни,/ идеже пострадал еси даже до крове от злых разбойник/ и мученическую смерть от них приял еси,/ Адриане славне,/ чудес благодатию обогатився,/предстоиши всех Царю, Христу Богу,/ Егоже моли спастися душам нашим.

Ин тропарь преподобномученика Адриана Пошехонского, глас 4

Аще и смертию нуждною умерл еси,/ аще и смертная сень внезапу найде на тя,/ обаче, яко деву мудрую, душу твою обрете Христос/ и в чертог Свой Небесный введе,/ и со святыми всели,/ чудесы возвеличив имя твое,/ Адриане мучениче преподобне,/ Емуже молитву о нас сотвори,/ память твою почитающих.

Кондак преподобномученика Адриана Пошехонского, глас 6

Житейския молвы избежав, преподобне,/ в пустыню вселился еси,/ и, тамо обитель иноков возградив,/ последи от разбойник мученически пострадал еси,/ и ныне сияеши нетлением и чудесы,/ Адриане многострадальна,/ молитвенниче о душах наших.

Тропарь Божией Матери пред иконой Ее Воспитание глас 4

Воспитавшейся во храме во святая святых,/ одеянней верою и премудростию и безмерным девством,/ Архистратиг Гавриил принесе с небесе целование/ и еже радуйся, радуйся Благословенная,/ радуйся, Препрославленная, Господь с Тобою.

Pages: 1 2 3

Родительская суббота

Великий Пост

В этот день: Русская Православная Церковь отмечает память святых:

Преподобного Герасима, иже на Иордане (475).

Преподобного Герасима Вологодского (1178). Благоверного князя Даниила Московскогоеп (1303). Благоверный князьВасилия (Василько) Ростовского (1238). Перенесение мощей блгв. кн. Вячеслава Чешского (938). Мучеников Павла и Иулиании Преподобного Иакова постника (VI). Святой Патрик Новосщмч. священика Дмитрия Иванова Киевского (1933) Сщч. Александра пресвитера (1938). Новомч. иерея Вячеслава Леонтьева, Нижегородского (1942). Прп. Иоасафа Снетногорского, Псковского (1299) Прмч. Василия Мирожского, Псковского (1299). Свт. Григория, еп. Констанции Кипрской. Свт. Григория, еп. Ассы близ Ефеса. Св. Иулиана, патриарха Александрийского (189). Св. Петра (Мичурина), отрока Тобольского (1820).

Храни вас Господь, Матерь Божия и все святые, их же память мы сегодня отмечаем!

Молитвы:

Кондак преподобного Герасима, глас 4

Возгоревся рачением горним,/ жестость пустыни Иордановы паче всех мира сладких предпочел еси;/ отонудуже повинуся тебе зверь даже до смерти, отче,/ послушне и жалостне на гробе твоем скончася,/ прославльшу тя тако Богу,/ к Немуже моляся, и о нас,// отче Герасиме, поминай.

Тропарь благоверного князя Вячеслава Чешского, глас 4

Днесь Ангели с человеки радуются вкупе общим веселием,/ Небо и земля светло ликуют в память твою, святе./ И мы, грешнии, прилежно ти вопием:/ помолися к Владыце о нас,/ избавити ны от напасти/ видимых и невидимых враг,/ чтущих пресветлую память твою.

Ин тропарь благоверного князя Вячеслава Чешского

Благочестиваго корене отрасль пречестная,/ святый благоверный великий княже Вячеславе,/ поборник быв Восточныя в Чехах Церкве/ и прибежище теплое убогим и сирым,/ яко вторый Авель, незлобиве претерпел еси смерть,/ во главу усечен рукою брата пред враты церковными./ Темже и всели тя Христос/ яко исповедника правыя веры во обители Небесныя,/ прослави всечестную память твою в словенских языцех/ и дарова тя скораго помощника всем, почитающим тя./ Молися о людех твоих ко Господу,/ да обратит их в лоно Православный Церкве и спасет души наша.

Кондак благоверного князя Вячеслава Чешского, глас 1

С лики Ангельскими предстоя,/ блаженне княже Вячеславе,/ наслаждаешися Божественныя и неизреченныя доброты/ и, оттуду благодетельныя дары почерп чудес,/ всем, притекающим верою под твою святыню,/ источавши цельбам дарование.

Тропарь преподобного Герасима Вологодского, глас 4

Яко Безплотным единонравен/ и преподобным сообщник, преподобне Герасиме,/ един на Вологду пришел еси,/ прорицая ту быти граду великому/ и в нем святей церкви воздвигнутися/ и святителем водворитися./ Темже и сподобился еси/ близ того погребен быти/ и по преставлении своем многими чудесы исцелений просил еси./ Молися всегда о нас,/ яко да обрящем от Бога милость.

Кондак преподобного Герасима Вологодского, глас 8

От юности, премудре, мирский мятеж оставил еси,/ и многоценный ризы тленныя возненавидел еси,/ и святую одежду ангельскую любезно восприял еси,/ и ту соблюл еси в чистой совести/ и во благих делех, и до преставления своего/ бысть Божественнаго ради жития Троицы селение/ и просветил еси верою приходящий к тебе;/ темже вси зовем ти:/ радуйся, отче Герасиме всечестный.

Тропарь благоверного князя Даниила Московского, глас 4

Княжения твоего славу отложив,/ озаряемый Божественною благодатию,/ Богомудре княже Данииле,/ весь разум в сердце от суетнаго мира сего/ к Зиждителю неуклонно возложил еси/ и, яко звезда на востоце Российскаго государства просиял еси,/ целомудрием же и равноангельным твоим житием/ течение добре совершая,/ веру соблюл еси непорочну,/ тем и по смерти прослави тя Бог в чудесех,/ яко источаеши исцеления верно притекающим к честней раце твоей;/ сего ради днесь празднуем успение твое, людие твои./ Ты же, яко имаши дерзновение ко Христу,/ моли спасти отечество твое// и мирней быти державе нашей.

Ин тропарь благоверному князю Даниилу Московскому, глас 5

Благодатнородный сын Твой,/ Всетворителю Господи Боже наш,/ щедрототворством христоподражательный отец Даниил/ в евангельском заповедании и благоразумном своем житии/ чудесодарования и Небесная со святыми пребывания восприят/ от Тебе, Спасителя нашего Христа Иисуса./ Возымев бо Твое Божественное пособие,/ суетномирския и плотоогненныя страсти упраздни/ и враги демоны, невидимый и видимыя злотворны/ и разорители своего великокняжескаго наследия, победи./ Того молитвами спаси вся,/ зовущия Тебе: Аллилуйя.

Ин тропарь благоверному князю Даниилу Московскому, глас 5

Благославная похвале и благосветлый венче/ царствующаго града Москвы,/ всеблаженне Данииле, отче наш./ Подвигом бо добрым подвизався,/ богоугодное течение совершил еси,/ всерадостныя некончаемыя жизни сподоблься,/ зриши Господа Бога,/ Емуже молися,/ благочествующим тя и лобызающим богохранимыя твоя и чудесоточныя мощи/ спасение и наследие Царства Небеснаго даровати.

Кондак благоверного князя Даниила Московского, глас 4

Избранный Богом от чресл родительских/ и воспитанный от младенчества в законе Господни в мужа совершенна/ и Промыслом Вышняго, именитаго града Москвы наследие княжества прием,/ верен строитель благочестивым людем твоим показался еси, Богоблаженне Данииле,/ ихже образом своим наставляя/ и поучая заповедем Господним выну,/ путем, ведущим в живот вечный, присно шествуя,/ Небеснаго Царства достигл еси,// идеже со ангельскими водворяяся лики, поеши Богу: Аллилуия.

Pages: 1 2 3

Рождественский пост. В этот день: Русская Православная Церковь отмечает память святых:

Мученица Иулиания и с нею 500 мужей и 130-ти жен, в Никомидии пострадавших Святитель Петр, митр. Московский и всея России Благоверная княгиня Иулиания Вяземская Преставление блж. Прокопия, Христа ради юродивого, Вятского (1627). Святитель Филарет, митр. Киевский Святой мученик Фемистоклей Сщмч. Михаила пресвитера (1918). Сщмч. Сергия диакона (1937). Сщмч. Никиты, еп. Белевского (1938). Сщмч. Леонтия диакона (1940). Преп. Макария постника, настоятеля Хахульского монастыря (XI) (Груз.). Обретение мощей (1950) новомч. Ефраима монаха (1426).

Храни вас Господь, Матерь Божия и все святые, их же память мы сегодня отмечаем!

Молитвы:

Cвт. Петра, митр. Московского, всея России чудотворца. Тропарь, глас 4.

Яже прежде безплодная, земле, ныне веселися:/ се бо Христос светильника в тебе показа,/ яве сияюща в мире/ и исцелевающа недуги и болезни наша./ Сего ради ликуй и веселися со дерзновением:/ святитель бо есть Вышняго,/ сия соделоваяй.

Cвт. Петра, митр. Московского, всея России чудотворца. Ин тропарь, глас 8.

Ликуй светло, благославнейший граде Москва/, имеяй в себе архиерея Петра,/ яко зарю солнца, всю Россию чудодеянии озаряюща:/ той бо немощи врачует/ и недуги, яко тьму, прогонит от вопиющих ему:/ радуйся, иерарше Бога Вышняго,/ тобою сия пастве твоей соделовающаго.

Cвт. Петра, митр. Московского, всея России чудотворца. Ин тропарь, глас 4.

Благоверно пожив в мире,/ житием чистым просветився,/ учением святительства приим паству,/ апостолом наследниче./ Тем прием дар чудес от Бога, отче Петре,/ моли Христа Бога/ да спасет души наша.

Cвт. Петра, митр. Московского, всея России чудотворца, кондак, глас 4.

Явися днесь пресветлая память твоя, святителю преблаженне Петре,/ в мире светло сияющи/ и являющи всем Божественное сияние.

Cвт. Петра, митр. Московского, всея России чудотворца, кондак, глас 2.

Взбранному и дивному нашел земли чудотворцу,/ днесь любовию тебе притекаем, песнь, Богоносе, плетуще,/ яко, имея дерзновение ко Господу,/ многообразных избави нас обстояний, да зовем ти:/ радуйся, утверждение граду нашему.

Предпразднство Рождества Христова. Тропарь, глас 4.

Готовися, Вифлееме,/ отверзися всем, Едеме,/ красуйся, Евфрафо,/ яко древо живота в вертепе процвете от Девы:/ рай бо Оноя чрево явися мысленный,/ в немже Божественный сад,/ от негоже ядше, живи будем,/ не якоже Адам умрем./ Христос раждается прежде падший возставити образ.

Кондак предпразднства Рождества Христова, глас 3.

Дева днесь Превечное Слово в вертепе грядет родити неизреченно:/ ликуй, вселенная, услышавши,/ прослави со Ангелы и пастырьми хотящаго явитися отроча Младо, Превечнаго Бога.

Мч. Иулиании. Тропарь, глас 4.

Агница Твоя, Иисусе, Иулиания/ зовет велиим гласом:/ Тебе, Женише мой, люблю,/ и, Тебе ищущи, страдальчествую,/ и сраспинаюся, и спогребаюся крещению Твоему,/ и стражду Тебе ради,/ яко да царствую в Тебе,/ и умираю за Тя, да и живу с Тобою,/ но, яко жертву непорочную, приими мя, с любовию пожершуюся Тебе./ Тоя молитвами,/ яко милостив, спаси души наша.

Мч. Иулиании. Кондак, глас 3.

Девства добротами преочищена, девице,/ и мучения венцы, Иулиание, ныне венчавшися,/ даеши сущим в нуждах и недузех исцеление и спасение,/ приступающим к раце твоей:/ Божественную бо благодать Христос источает и жизнь вечную.

Препраздненству Рождества, Кондак, глас 2.

В Вифлееме зряще пеленами повиваемаго,/ всю землю держаща рукою Своею,/ предпразднственныя песни Рождшей Сего приносим:/ матерски бо веселится, держащи в недрех Сына Божия.

Блгв. кн. Иулиании Вяземской. Тропарь, глас 2.

Благочестно в законе поживши/ и благими делы украсившися,/ яко крепкий адамант, явися,/ целомудренная святая благоверная княгине Иулиание,/ тленную славу и добротство телесное презревши,/ злокозненнаго врага победила еси,/ целомудрия ради мученическую смерть прияла еси./ Сего ради от Христа Бога нетленным и вечным венцем венчавшися,/ ныне с лики мученик ликуеши/ и нам велия чудеса, приходящим ко гробу твоему,/ обильно источавши./ Темже ти вопием:/ молися Христу Богу о всех нас,/ верою и любовию страдания твоя почитающих.

Блгв. кн. Иулиании Вяземской. Кондак, глас 2.

Воспоем днесь Благодетеля всех Бога,/ прославльшаго в России Иулианию Богомудрую,/ да молитвами ей подаст душам нашим/ грехов оставление и велию милость.

Блж. Прокопия. Тропарь, глас 4.

Иже на земли Христа ради волею в буйство преложися,/ и мира сего красоты отнюд возненавиде,/ и плотская играния увядив постом и жаждою/ и на земли леганием,/ от зимы студению и мразом,/ и от зноя солнечнаго и дождя/ и прочил тяготы никогда же уклонися под кров,/ и на теле своем не имея одеяния,/ Божиею помощию покрываем,/ и душу очистил еси добродетельми своими, яко злато в горниле,/ Прокопие премудре,/ с верою творящим память твою честно/ и усердно притекающим к мощем твоим,/ прославляюще твое святое успение,/ Христу Богу молися, благоюроде,/ да избавит ны Господь от варварскаго нашествия и междоусобныя брани/ и мир мирови дарует/ и душам нашим велию милость.

Блж. Прокопия. Ин тропарь, глас 4.

Велию любовь ко Господу в себе имея,/ все претрудное житие твое/ во граде Хлынове, юродствуя, провел еси, блаженне Прокопие,/ зной и мраз, глад и жажду благодушно терпя,/ биение и поношение от людий безбожных/ радостно принимал еси, подвижниче добропобедный,/ любовию же и добром велиим за зло воздавая,/ мнозем предрекал еси их ожидающее/ и от недугов исцелял еси, беззлобие,/ тем же, наслаждался ныне в сонме святых,/ моли Господа помиловати град и люди, тя почитающия.

Блж. Прокопия. Ин тропарь, глас 8.

Ангельски живя на земли богоугодно,/ многия скорби и труды терпеливо неся,/ добродетельми и дарованиями от Бога украсився,/ предвещая грядущая и исцеляя болезни,/ безмолвно, непрестанно моляся,/ юродствуя, скрыв дарования своя,/ ныне наслаждался в селениих святых,/ святый блаженне Прокопие,/ моли Христа Бога спастися душам нашим.

Блж. Прокопия. Ин кондак, глас 8.

Многою любовию к Богу пламенея,/ любви и смирению людей безмолвно учил еси,/ деянием будущая являя,/ недуги и болезни целил еси./ На путь спасения нас настави,/ от язв греховных исцели,/ Прокопие блаженне,/ о всех нас Христа Бога моли.

Блж. Прокопия. Кондак, глас 2.

Возбранному и дивному в праведницех мужу,/ волею во юродство претворившуся,/ мира сего красоты возненавидел еси,/ плотская мудрования увядил еси постом и жаждею,/ студению мраза, снега, и зноя, и дождя,/ и от прочил воздушныя тяготы никогда же уклонися/ и очистил еси себе, яко злато в горниле, Прокопие блаженне,/ всей Вятской земли похвала и утверждение.

Pages: 1 2 3

Смоленской иконы Божией Матери, именуемая "Одигитрия" (Путеводительница) (1046)

Молитвы

В этот день:

Русская Православная Церковь отмечает память святых:

Успение праведной Анны, матери Пресвятой Богородицы
Святой Олимпиады диакониссы (410)
Преподобной девы Евпраксии (413).
Преподобный Макарий Желтоводский и Унженский (1444)
Пятый Вселенский Собор (553)
Мчч. Санкта, Маттура, Аттала и Бландины, Лионских (304; Галл. ).
Прп. Христофора, игумена Сольвычегодского (1582)
Сщмч. Александра пресвитера (1927).
Священномученика Феодора Тонковида пресвитера Ловецкого (Псков) (1942)
Св. Ираида исп (1967).
Священномученика Феодора Тонковида пресвитера Ловецкого (Псков) (1942)

Храни вас Господь, Матерь Божия и все святые, их же память мы сегодня отмечаем!

Молитвы:

Тропарь преподобного Макария Желтоводского, Унженского глас 5

Днесь град твой Галич тобою хвалится,/ в концех бо его пресветло,/ яко велие солнце, возсиял еси/ и чудесы твоими, преподобне Макарие, вся озарил еси./ И ныне молися Господеви/ избавитися душам нашим от прелести вражия/ и спастися граду твоему от поганскаго наития.

Ин тропарь преподобного Макария Желтоводского, Унженского глас 4

Богомудрый Желтоводския обители первоздателю,/ Богом поставленный монашескаго жития столпе,/ благописанный досточуднаго постничества образе,/ Богозданный Духа Святаго сосуде,/ златозарное Русския земли светило всесветлое,/ молим тя, отче Макарие,/ светозарною молитв твоих лучею разрешай мрачных страстей наших облак.

Кондак преподобного Макария Желтоводского, Унженского глас 2

Вторый Моисей явился еси, преподобне:/ он бо жезлом море раздели,/ ты же страсти, яко Амалика, победил еси/ и непроходную пустыню немятежным умом прошел еси,/ в нейже молитвами твоими велие чудо сотворил еси:/ гладныя люди до изобилия прекормил еси./ И ныне молися Господеви/ подати всем печальным утешение,/ Макарие, отче приснопамятне,/ иже Галичестей стране и всей Российстей земли/ похвала и утверждение.

Тропарь праведной Анны глас 4

Жизнь рождшую во чреве носила еси, Чистую Богоматерь,/ богомудрая Анно./ Темже к приятию Небесному, идеже веселящихся жилище,/ в славе радующися, ныне преставилася еси,/ чтущим тя любовию/ прегрешений просящи очищение,// присноблаженная.

Кондак праведной Анны глас 2

Прародителей Христовых память празднуем,/ тех верно просяще помощи,/ избавитися всем от всякия скорби, зовущим:// Бог наш с нами, сих прославлей, якоже благоволи.

Pages: 1 2 3

В этот день:

Русская Православная Церковь отмечает память святых:

Мученик Ермогена
Св. Афинагора Афинянина, апологета (II) (Греч.).
Мученицы Христины (ок. 300).
Свт. Деклана, еп. Ардморского (V; Кельт. и Брит.)
Блгвв. князей страторпцев Бориса и Глеба, во крещении Романа и Давида (1015).
Прп. Поликарпа, архим. Печерского (1182).
Мч. Феофила Закинфского (1635) (Греч.).
Прав. Боголепа отрока-схимонаха, Черноярского (1659)
Священноисповедника Иоанна Калинина, Оленевского (1951)
Прп. Илариона Твалели (1041) (Груз.).
Прп. Пахомия, игумена, Вологодского.
Мч. Афанасия Киосского (1670) (Греч.)
Сщмч. Алфея (Корбанского), диакона (1937).
Св. Николая (Понгильского) (1942)
Храни вас Господь, Матерь Божия и все святые, их же память мы сегодня отмечаем!

Молитвы:

Тропарь благоверных князей Бориса и Глеба,глас 2

Правдивая страстотерпца/ и истинная Евангелия Христова послушателя,/ целомудренный Романе с незлобивым Давидом,/ не сопротив стаста врагу сущу брату,/ убивающему телеса ваша,/ душам же коснутися не могущу./ Да плачется убо злый властолюбец,/ вы же, радующеся с лики Ангельскими,/ предстояще Святей Троице,/ молитеся о державе сродников ваших богоугодней быти// и сыновом Российским спастися.

Ин тропарь благоверных князей страстотерпцев Бориса и Глеба,глас 4

Яко плодовита винограда, отрасли добродетелей суще,/ Небесный дождь Христов прилете,/ источающе отечеству своему струю Православия,/ Борисе пречудне с доблим Глебом,/ вкупе молитеся Господеви сохранити град и люди,/ и на враги пособствовати,/ и душам нашим даровати велию милость.

Ин тропарь благоверных князей страстотерпцев Бориса и Глеба, глас 4

Мученическою кровию порфиру окропивше светло,/ украшени предстоите, страдальцы славнии, Царю Безсмертному,/ и, венцы славы от Него приимше,/ молитеся стране нашей подати на враги одоление/ и душам нашим велию милость.

Кондак благоверных князей Бориса и Глеба, глас 3

Возсия днесь преславная память ваша,/ благороднии страстотерпцы Христовы, Романе и Давиде,/ созывающи нас к похвалению Христа Бога нашего./ Тем, притекающе к раце мощей ваших,/ исцеления дар приемлем молитвами вашими, святии:// вы бо божественнии врачеве есте.

Ин кондак благоверных князей страстотерпцев Бориса и Глеба. глас 8

Аще и убиени бысте и во гробех положени,/ но на Вышнее Царство преидосте,/ оваго бо копии насунута,/ другаго же, яко агнца незлобива, ножем зарезаша,/ тем и кровь ваша бысть исцеление миру,/ верою призывающим вас, святии, на помощь.

Тропарь преподобного Поликарпа, архимандрита Печерского, глас 4

Тезоименит званию твоему,/ яко многоплодное древо,/ насажден сый во обители Божия Матере,/ многая и чудная тщанием твоим исправления показавый,/ мудре Поликарпе,/ моли Христа Бога о нас,/ яко да и мы, многия плоды добродетелей Ему принесше, спасемся.

Кондак преподобного Поликарпа, архимандрита Печерского, глас 8

Яко преподобным Печерским совсельника/ и житий их в себе делом и писанием изобразителя неложна,/ вкупе же славы Небесныя с теми общника явльшагося,/ приидите, вернии, песньми священными преподобнаго Поликарпа ублажим, зовуще:/ радуйся, архимандритов Печерских похвало.

Тропарь мученицы Христины, глас 4

Агница Твоя, Иисусе, Христина/ зовет велиим гласом:/ Тебе, Женише мой, люблю,/ и, Тебе ищущи, страдальчествую/ и сраспинаюся и спогребаюся Крещению Твоему,/ и стражду Тебе ради,/ яко да царствую в Тебе,/ и умираю за Тя, да и живу с Тобою,/ но яко жертву непорочную приими мя,/ с любовию пожершуюся Тебе.// Тоя молитвами, яко Милостив, спаси души наша.

Тропарь мученицы Христины, глас 4

Званием евангельски Христу уневестившися,/ Христино славная,/ славу мира сего и похоть бренную вменила еси ни во что же,/ о самом телеси небрегущи,/ муки претерпела еси доблественно,/ тем твое страдание хвалами почитаем,/ мученице, Христу тезоименитая.

Кондак мученицы Христины. глас 4

Световидная голубица позналася еси, криле имущи злате,/ и к высоте Небесней возлетела еси, Христино честная./ Темже твой славный праздник совершаем,/ верою покланяющеся твоих мощей раце,/ из неяже истекает всем обильно/ исцеление Божественное,// душам же и телом.

Pages: 1 2

В этот день:

Проповедь в Неделю 10-ю по Пятидесятнице митрополита Антония Сурожского

Русская Православная Церковь отмечает память святых:

Почаевская икона Божией Матери

Праведной Анны, матери прор. Самуила. (1100 до н.э.)
Священномученика  Аполлинария, епископа Равеннийского (ок. 75)
Память святых мучеников Трофима и Феофила (305)
Православного воина Феодора Ушакова (1817)
Преподобного Иоанна Нового Хозевита (1960; Рум.)
Мученика Андрея (1938).
Икона Божией Матери «Всех скорбящих Радость» (с грошиками) (1888)

Храни вас Господь, Матерь Божия и все святые, их же память мы сегодня отмечаем!

Молитвы:

Тропарь Божией Матери пред иконой Ее Почаевской глас 5

Пред святою Твоею иконою, Владычице,/ молящиися исцелений сподобляются,/ веры истинныя познание приемлют/ и агарянская нашествия отражают./ Темже и нам, к Тебе припадающим,/ грехов оставление испроси,/ помыслы благочестия сердца наша просвети/ и к Сыну Твоему молитву вознеси// о спасении душ наших.

Ин тропарь Божией Матери пред иконой Ее Почаевской глас 4

К Богородице прилежно ныне притецем грешнии и смиреннии, и припадем к дивному образу Ея, иже на горе Почаевстей: к немуже умильно взирающе и молящеся Царице Владычице из глубины душевныя вопием: О Пречудная Дево, Мати Господа Вышняго, от лет древних избравшая обитель Почаевскую в место селения Своего! Землю отечественную нашу в православии и мире утверди, и спаси всех предстоящих и молящихся Тебе умиленною душею и сокрушенным сердцем, пред Пречистым Твоим образом со слезами. Не отврати рабы Твоя тщи: Тя бо едину Надежду имами.

Кондак Божией Матери пред иконой Ее Почаевской глас 1

Источник исцелений и веры Православныя утверждение/ Почаевская Твоя икона, Богородице, явися,/ темже и нас, к ней притекающих,/ от бед и искушений свободи,/ лавру Твою невредиму сохрани,/ Православие во окрест стоящих странах утверди/ и грехи разреши молитвенник Твоих:// елика бо хощеши, можеши.

Ин тропарь Божией Матери пред иконой Ее «Всех скорбящих радость» глас 8

Ко источнику приснотекущему милосердия, Пречистей Деве Богородице, притецем, людие вси, священницы же и иноцы, мужие, и жены, и чада, здравии и болящии, в покаянии вопиюще и умильно глаголюще: Владычице, помози грешным рабом Твоим, яви яко Благая славу Твою, присно потщися умилосердитися на ны, испросити очищение душ и телес наших от Источника жизни нашея, Бога, Егоже родила еси, едина Благословенная.

Кондак Божией Матери пред иконой Ее «Всех скорбящих Радость» глас 6

Не имамы иныя помощи,/ не имамы иныя надежды,/ разве Тебе, Владычице,/ Ты нам помози:/ на Тебе надеемся/ и Тобою хвалимся,/ Твои бо есмы раби,// да не постыдимся.

Pages: 1 2 3

В этот день:

Русская Православная Церковь отмечает память святых:

Равноапостольной мироносицы Марии Магдалины (I)
Священномученика Фоки Синопского (117)
Святителя Кирилла I, патр. Антиохского (298; Ант.)
Блж. Киприана Воскресенского, Суздальского (1622).
Преподобный Корнилий Переяславский (1693)
Сщмч. Михаила пресвитера (1918).
Сщмч. Алексия пресвитера (1931).

Храни вас Господь, Матерь Божия и все святые, их же память мы сегодня отмечаем!

Молитвы:

Тропарь равноапостольной Марии Магдалины глас 1

Христу, нас ради от Девы рождшемуся,/ честная Магдалино Марие, последовала еси,/ Того оправдания и законы хранящи./ Темже днесь всесвятую твою память празднующе,/ грехов разрешение// молитвами твоими приемлем.

Кондак равноапостольной Марии Магдалины глас 3

Предстоящи, преславная, у Креста Спасова со иными многими,/ и Матери Господни состраждущи, и слезы точащи,/ сие в похвалу приношаше, глаголющи:/ что сие есть странное чудо?/ Содержай всю тварь пострадати изволи.// Слава державе Твоей.

Тропарь священномученика Фоки глас 4

И нравом причастник,/ и престолом наместник апостолом быв,/ деяние обрел еси, богодохновенне,/ в видения восход,/ сего ради, слово истины исправляя,/ и веры ради пострадал еси даже до крове,/ священномучениче Фоко,/ моли Христа Бога// спастися душам нашим.

Кондак священномученика Фоки глас 6

Яко святитель принося, отче, жертвы,/ на конец себе принесл еси жертву живу,/ свидетельствовав законно о Христе Бозе,/ от Ангел укрепляемый,/ и смерть изволяя,/ сый с вопиющими тебе:// прииди, Фоко, с нами, и никтоже на ны.

Pages: 1 2 3

В этот день:

Русская Православная Церковь отмечает память святых:

Пророка Иезекииля (VI в. до н.э.)
Мученика Виктора Марсельского (III;Галл.)
Преподобных Симеона, Христа ради юродивого и Иоанна, спостника его (VI-VII)
Благоверной княгини Анны Кашинской (1338)
Преподобного Онуфрия молчаливого, Печерского (XII-XIII) 
Преподобного Онисима Печерского (XII-XIII)
Сщмч. Петра пресвитера (1938).
Священномученика Мирко Гламочского (1941)
Священномученика Симо Гламочского (1941)
Арматийской иконы Божией Матери

Храни вас Господь, Матерь Божия и все святые, их же память мы сегодня отмечаем!

Молитвы:

Тропарь пророка Иезекииля глас 2

Пророче Божий Иезекииле,/ предзревый затворенная Духом врата/ и Плотоносца, во исходе сих, Единаго сказавый Бога,/ Того моли, молимся,/ да отверзет дверь милости Своей/ и спасет души благочестно поющих память твою.

Ин тропарь пророка Иезекииля глас 2

Пророка Твоего Иезекииля память, Господи, празднующе,/ тем Тя молим:/ спаси души наша.

Кондак пророка Иезекииля глас 4

Божий явился еси пророк,/ Иезекииле чудне,/ воплощение Господне всем провозвестил еси,/ Сего Агнца и Зиждителя,// Сына Божия, явльшася во веки.

Тропарь преподобных Симеона и Иоанна глас 4

Боже отец наших,/ творяй присно с нами по Твоей кротости,/ не отстави милость Твою от нас,/ но молитвами их// в мире управи живот наш.

Кондак преподобных Симеона и Иоанна глас 2

Во плоти явльшася безплотнаго и добродетельми премирно просиявшаго,/ Симеона равноангельнаго и богоноснаго восхвалим,/ с нимже Иоанна приснопамятнаго, верою и любовию,// яко молящияся Господу непрестанно о всех нас.

Тропарь преподобного Онуфрия молчаливого глас 3

Преблаженнии и Богоноснии отцы наши Онуфрие и Онисиме,/ яко стяжавшии дерзновение ко Господу/ равноангельным своим житием,/ егоже ради обогати Христос нетлением и чудесы мощи ваша,/ молим вас прилежно:/ испросите душам нашим очищение/ и велию и богатую милость.

Кондак преподобного Онуфрия молчаливого глас 4

Богатство благодати и сыноположения/ стяжавше многими подвиги и добродетельми,/ ихже ради Христос всели души ваша в Небесная селения Своя,/ даровав благодать нетления и чудес мощем вашим,/ к нимже притекающе, вопием:/ радуйтеся, Онуфрие и Онисиме, отцы наши,/ ликов иночествующих похвало и удобрение.

Тропарь великой княгини Анны Кашинской глас 3

Днесь восхваляем тя, преподобная мати,/ великая княгине инокине Анно:/ яко бо лоза плодовита посреде терния,/ процвела еси во граде Кашине твоими добродетельми,/ всех удивила еси чудным твоим житием,/ темже Христу Богу угодила еси,/ и ныне, радующися и веселящися,/ пребывавши с лики преподобных жен,/ наслаждающися райския красоты и веселия./ Молим убо тя:/ моли о нас Человеколюбца, Христа Бога нашего,/ даровати нам мир и велию милость.

Ин тропарь великой княгини Анны Кашинской глас 4

Просветившися Божественною благодатию, преподобная,/ и правостию умною душу твою привязавши в любовь Христову,/ тленныя, и красныя, и временный нивочтоже вменила еси./ Крестным знамением на мысленный враги мужески вооружившися,/ постническими подвиги, постом и молитвами/ углие страстей угасила еси, достославная Анно,/ и по смерти источавши благодать притекающим к мощем твоим./ И ныне, в Небеснем чертозе с мудрыми девами предстоящи Христу,/ моли о нас, почитающих святую память твою.

Кондак великой княгини Анны Кашинской глас 4

Яко пресветлая звезда,/ явилася еси в Российстей земли, во граде Кашине,/ преподобная мати Анно,/ во всех благочестивых и верных женах,/ аки крин, процвела еси чистым и непорочным твоим житием,/ во инокинях же совершенными твоими труды и подвиги,/ и возшла еси к Вышнему граду, радующися и веселящися,/ яко добре совершивши твое течение,/ и ныне честныя твоя мощи,/ аки бисерие драгое, явишася,/ на исцеление всем, приходящим с верою./ Тем и вопием ти:/ радуйся, всекрасная душею,/ и моли Христа Бога/ о спасении душ наших.

Pages: 1 2 3