В этот день: Русская Православная Церковь отмечает память святых:

Свт. Никиты, затворника Печерского, еп. Новгородского Мучеников Викторина, Виктора, Никифора, Клавдия, Диодора, Серапиона и Папия Мученицы Трифены Кизической Св. Арсения Паросского (1877). Прпмч. Илии Ардуниса, Афонского (Греч.). Прп. Пахомия, игумена Кенойского. Св. Марцелла Римского (410). Св. Афанасия, еп. Мефонского (IX). Храни вас Господь, Матерь Божия и все святые, их же память мы сегодня отмечаем!

Кира и Иоанна. Тропарь, глас 5. Чудеса святых Твоих мученик/стену необориму нам даровавый, Христе Боже,/ тех молитвами советы языков разори,/ Церковь Святую укрепи,/ яко Един Благ и Человеколюбец.

Троичная благодать всельшися в честная сердца ваша,/ преблаженнии Кире и Иоанне,/ на духи нечистью страшни прогонителие явистеся./ И не точию явленным, но и тайным/ недугом врачеве бысте,/ темже, дерзновение имуще к Человеколюбцу Богу,/ непрестанною молитвою душевныя наша страсти исцелите.

Святии славнии Кире и Иоанне,/ безсребренницы, мученицы и чудотворцы,/ милосердием своим, яко стеною необоримою, нас оградите от всех бед/ и от врагов видимых и невидимых сохраните/ непрестанною вашею молитвою ко Господу.

От Божественный благодати дар чудес приемыш, святии,/ чудодействуете непрестанно,/ вся наша страсти рукодейством секуще невидимым,/ Кире Богомудре со Иоанном славным:/ вы бо Божественнии врачеве есте.

Насладився, богомудре, воздержания / и желание плоти твоея обуздав, / на престоле святительства сел еси, / и яко звезда многосветлая, просвещая верных .сердца / зарями чудес твоих, отче наш, святителю Никито, / и ныне моли Христа Бога, / да спасет души наша.

Небеснаго пространства желая,/ от юности в тесне месте затворился еси,/ в немже прельщен быв от врага,/ паки смирением и послушанием/ победил еси прелестника крепце, Никито,/ и ныне, предстоя Христови,/ моли спастися всем нам.

Архиерейства саном почтився/ и чисте Чистейшему предстоя,/ прилежно моление за люди твоя приносил еси,/ яко и дождь молитвою свел еси,/ овогда же и града запаления угасил еси./ И ныне, святителю Никито,/ моли Христа Бога/ спасти люди твоя молящияся,/ да вси вопием ти:/ радуйся, святителю отче предивный.

Неделя о блудном сыне

Русская Православная Церковь отмечает память святых:

Преподобного Зинона, постника Печерского, в Дальних пещерах (XIV). Сщмч. Ипполита, еп. Римского и с ним мчч. Кенсорина, Савина, Хрисии девы Блаженную Пелагию Дивеевскую (1884). Прп. Зинона Антиохийского Мч. Феофила Нового (784). Сщмч. Владимира пресвитера (1933). Мч. Стефана (1945). Блгв. Петра, царя Болгарского (967). Новомч. Феодора Митиленского (Афонского) (Греч.). Новомчч. вел. кн. Павла Александровича и вел. кн. Димитрия Константиновича, мирянина Евгения Поселянина (Погожева). Св. Адельгонды Мабергской (680) (Нидерл.). Св. Вафильды, королевы Франции (680). Новомч. Димитрия Сливенского (1841).

Собор Вселенских учителей и святителей Василия Великого, Григория Богослова и Иоанна Златоуста. Тропарь, глас 4. Яко апостолов единонравнии / и вселенным учителие, / Владыку всех молите / мир вселенней даровати / и душам нашим велию милость.

Священныыя и Боговещанныя проповедники,/ верх учителей, Господи/ приял еси в наслаждение благих Твоих и упокоение:/ труды бо онех и смерть приял еси паче всякаго всеплодия,/ Едине, прославляли святыя Твоя.

Глас апостола Павла услышавша глаголющ: мы юроди Христа ради, рабы Твои, Христе Боже, Пелагия, Параскева и Мария, юроди быша на земли Тебе ради; темже, память их почитающе, Тебе молим: Господи, спаси души наша.

Вышния красоты возжелевша, нижния сласти телесныя тощно оставили есте, нестяжанием суетнаго мира, ангельское житие проходяща, скончавшася, Пелагие, Параскево и Марие блаженныя: Христа Бога молите непрестанно о всех нас.

Преподобне отче Зиноне, / преподобне и честне житие твое на земли препроводивый / и тем Богови по премногу благоугодивый, / моли о нас, / чтущих память твою.

Восхвалялся днесь, преподобие Зиноне,/ яко преподобен во славе,/ и радуяся давидски на ложи своем во Царствии Небеснем,/ не премолчи о нас мольбу принести ко Господу.

В этот день: Русская Православная Церковь отмечает память святых: Перенесение мощей сщмч. Игнатия Богоносца Святого Лаврентия, затворника Печерского Свтт. Герасима, Питирима, Ионы, епп. Великопермских, Устьвымских. Преподобного Андрея Рублева, иконописца Мучеников Романа, Иакова, Филофея, Иперихия, Авива, Иулиана и Паригория Самосатских Мучеников Сильвана еп., Луки диак. и Мокия чтеца Сщмчч. Иоанна и Леонтия пресвитеров, Константина диакона и с ними 5 мучеников (1920). Новомч. Димитрия Хиосского (Греч. ). Прп. Афраата. Свт. Варсимея, еп. Едесского. мчч. Сарвела и Вивейи, Едесских (Греч.). Св. Сулпиция Севера, ученика прп. Мартина Турского (406) (Кельт. и Брит.). Прп. Гилды Мудрого, игумена Лланиллтуд и Бриттани (ок. 570) (Кельт. и Брит.). Благоверного царя Ашота Курапалати Тао-Кларджетского (829) (Груз.) Свт. Игнатия, еп. Смоленского (1210).

Молитвы:

И нравом причастник,/ и престолом наместник апостолом быв,/ деяние обрел еси, Богодохновенне,/ в видения восход,/ сего ради слово истины исправляя,/ и веры ради пострадал еси даже до крове,/ священномучениче Игнатие./ Моли Христа Бога/ спастися душам нашим.

От востока днесь возсиявый/ и тварь всю просветивый ученьми,/ мученичеством украсися Богоносный и Божественный Игнатий.

Равноапостольному святителю Стефану наследовавший/ и Православия светом страну Зырянскую озаривший,/ святителие Христовы Герасиме, Питириме и Ионо,/ Престолу Пресвятыя Троицы ныне предстояще,/ молитеся пастве вашей от врагов ненаветованней быти/ и всем православным людем в мире спастися.

Первопрестольницы Пермстии/ и истиннии хранителие апостольских преданий,/ столпи непоколебимии,/ благочестия учителие, Пермстии наставницы,/ Герасиме, Питириме и Ионо,/ Владыку всех молите мир вселенней даровати/ и душам нашим велию милость.

Православия наставницы,/ благочестия учителие и милости сокровища,/ архиереом украшение,/ души своя за паству свою положивший,/ Герасиме, Питириме и Ионо,/ святителие Церкве Пермския,/ со равноапостольным Стефаном молите Христа Бога/ мир вселенней даровати/ и душам нашим велию милость.

Во святителех благочестно поживше/ и Пермския люди к Богоразумию наставивше,/ добре Богу угодисте./ Сего ради Устьвымь и земля Зырянская хвалятся,/ имеюще мощи ваша/ яко источник исцелений/ всем, с верою притекающим к вам,/ вы бо чудесы прославистеся,/ яко ученицы Божия благодати.

Всеблаженне Лаврентие, / затворивый себе Господа ради в месте тесне / и в нем многа лета трудолюбне поживый, / молися о нас ко Господу, / яко да и мы от всякаго греха чувства затворше, / получим отверзение дверей милости Господни в День судный.

Усердие Лавре Печерстей желая от чудес прославления,/ себе же самаго смиряя,/ отреклся еси онаго,/ бедне диаволом мучима, исцелити,/ отслав его ко пещере,/ идеже он исцелившися,/ блаженне Лаврентие,/ прослави с тобою Господа,/ прославляющаго святых Своих.

Преподобного Ефрема Сирина Преподобного Феодосия Тотемского Прп. Ефрема Печерского, еп. Переяславского Сщмчч. Игнатия, еп. Скопинского Преподобного Ефрема Новоторжского Преподобного Палладия пустынника Сирского (IV). Преподобного Исаака Сирина, еп. Ниневийского Суморинской-Тотемской иконы Божией Матери (XVI). Св. Феодора исп., пресвитера (1933). Прп. Леонтия исп. (1972). Прп. Иоанна Реоманского (Галл.). прп. Иакова Порфирианского (Греч.).

Молитвы:

Слез твоих теченьми пустыни безплодное возделал еси, / и иже из глубины воздыханьми во сто трудов уплодоносил еси, / и был еси светильник вселенней, / сияя чудесы, Ефреме, отче наш, / моли Христа Бога спастися душам нашим.

Час присно провидя Суда,/ рыдал еси горько, Ефреме, яко любобезмолвный,/делателен же был еси в делех учитель, преподобие./ Темже, отче всемирный, ленивыя воздвизаеши к покаянию.

Божественною свыше благодатию просветився, Богомудре, / и по смерти яви тя светлость жития твоего, / темже источаеши мирови благоухание, / иже с верою притекающим к раце мощей твоих, Ефреме преподобне. / Тем вопием ти: / слава Давшему ти чудесем благодать, / слава Прославльшему тя в чудесех, / слава Действующему тобою всем исцеления.

Яко Богоявленная Российская звезда,/ днесь сияя чудесы, явился еси, преподобие отче Ефреме./ Тем не престай моляся о стаде своем,/ сохраняли отечество твое, град же и люди,/ иже тебе верою почитающих/ и к честным мощем твоим усердно притекающих,/ да велегласно тебе вопием:/ радуйся, Богомудре Ефреме, отче наш.

Духом горя путешествия к святым местом, / странствовал еси в Греческую землю, / святителю Ефреме, / отнюдуже со многою пользою возвращаяся, / устав святаго Студийскаго монастыря списав, / аки некий многочестен дар, семо принесл еси, / имже и днесь Церковь Российская управляема / славит тебе, истиннаго о ней промысленника.

Церкви Православной Российской по желанию Бргоноснаго Феодосия устав Студийский принесшаго,/ во святйтелех же светло просиявшаго/ и стадо свое добре упасшаго,/ восхваляем тя, Ефреме,/ яко молящася Господеви о всех нас.

От юности, преподобне Феодосие, / желание твое ко Христу Богу вперил еси, / егоже ради град и отечество оставль / и славу суетную, яко прах вменив, / последовал еси преподобному Димитрию / и обители его сожитель был еси, / преселився ко граду Тотьме / и в междоречие вселився, / постом и бдением, и власяным одеянием, / и веригами тело твое удручил еси. / Сего ради Бог, видев твоя труды, / по преставлении твоем чудесы обогати тя: / бесы изгоняеши и слепыя просвещаеши, / от всяких недуг и бед избавляеши приходящия к тебе с верою и вопиющия: / слава Давшему ти крепость, / слава Венчавшему тя, / слава Дающему тобою всем исцеление.

От мирскаго мятежа изшед,/ преподобие отче наш Феодосие,/ и в тихое пристанище достиг,/ преподобному Димитрию сожитель был еси,/ и оттуду, Божиим Духом направляемь,/ во град Тотьму преселился еси,/ и во отоцех водных обитель себе воздвигл еси,/ идеже равноангельное житие пожив,/ последовал еси Христу,/ Егоже ради власяну ризу и вериги на теле твоем носил еси./ Смирением и нищелюбием украсився,/ славу суетную презрел еси/ и отеческое имение добре расточил еси,/ молением же к Богу и слезными струями бесы посрамил еси,/ темже по успении твоем Христос даром чудес обогати тя./ Имея убо дерзновение ко Господу,/ преподобие отче наш Феодосие,/ моли Христа Бога, да спасет души наша.

Воздержанием плоть изнурил еси/ и непрестанными молитвами, яко Ангел, возвысился еси,/ струями же слезными бесовския полки погрузил еси./ И ныне во Свете невечернем ликуеши у Христа Бога/ и приходящим ко святому твоему гробу неоскудно исцеление подаеши,/ верою вопиющим тебе:/ радуйся, отче Феодосие Богомудре.

В этот день: Русская Православная Церковь отмечает память святых:

Преподобного Ксенофонта Робейского Мучеников Анании пресвитера, Петра, темничного стража, и с ними 7 воинов Перенесение мощей прп. Феодора, игум. Студийского (845). Преподобного Симеона Ветхого Святого Иосифа, архиеп. Солунского Новомч. Марии Гатчинской (1930). Новомч. Аркадия (1938). Мч. Иоанна (1938). Блгв. Давида III Возобновителя, царя Иверии и Абхазии (1125) (Груз.). Свт. Конона, еп. остр. Мэн (648) (Кельт. и Брит.). Прп. Климента Стирионского (Греч.). Св. Павлы вдовы (404). Храни вас Господь, Матерь Божия и все святые, их же память мы сегодня отмечаем!

Ксенофонта и дружины его. Тропарь, глас 4. Боже отцев наших,/ творяй присно с нами по Твоей кротости,/ не отстави милость Твою от нас,/ но молитвами их/ в мире управи живот наш.

Житейскаго моря избегше, Ксенофонт праведный/ с сопружницею честною на Небесех свеселятся с чады,/ Христа величающе.

Пустыни явился еси доброе прозябение, / отче преподобне, / от юности бо чистое житие изволил еси, / духовному учителю последуя, / и, того учением ум твой к Небесным вперив, / в пустыню вселился еси, / и в ней обитель создал еси, / и стаду твоему премудр наставник показался еси, / великому же Новуграду похвала и утверждение, / темже и Христос, яко пресветла светильника, / чудесы обогати и прослави тя. / Ксенофонте, отче наш, / моли Христа Бога спастися душам нашим

В этот день: Русская Православная Церковь отмечает память святых:

Преподобного Анатолия (старшего) Оптинского Священномученика Владимира, митрополита Киевского и Галицкого Новомц. игумении Маргариты (Гунаронуло) в Мензелинске (1918). Сщмч. Петра , архиеп. Воронежского (1929). Святителя Моисея, архиеп. Новгородского Мученицы Филицаты и сыновей ее Преподобного Поплия Сирийского Преподобного Мара певца Иконы Божией Матери, именуемой «Утоли моя печали» Сщмч. Василия , еп. Прилукского. (1930). Новомц. игумении Афанасии (Лепёшкиной) в Зосимовой Пустыни (1931). Сщмч. Стефана пресвитера, мч. Бориса (1938). Новомч. Авксентия Константинопольского (1720) (Греч.). Мч. Медулы и и ее спутников (Греч.). Свт. Кастина, еп. Византийского (Греч.). Прп. Димитрия Скевофилакса, Константинопольского (Греч.). Прп. Аполлона Фивского, монаха (Греч.). Свт. Бретаниона, еп. Томисского (Рум.). Св. Григория Галутвинского (XV). Св.Двины Ландвинской.

Свт. Григория Богослова, архиеп. Константинопольского. Тропарь, глас 1. Пастырская свирель богословия твоего / риторов победи трубы / якоже глубины духа изыскавшу, / и доброты вещания приложишася тебе. / Но моли Христа Бога, отче Григорие, / спастися душам нашим.

Богословным языком твоим сплетения риторская разрушивый, славне,/ православия одеждею, свыше истканною, Церковь украсил еси,/ юже и носящи, с нами зовет, твоими чады:/ радуйся, отче,/ Богословия уме крайнейший.

Верою пламенною апостолу Петру подобяся, таже и трикратным слышанием воззвания Христова, душу твою за Того положил еси, святителю отче Петре, каменю твердый Церкви Православныя: светильниче во мраце беззаконий добродетельми сияй, радостию страдати за Христа претерпети изволил еси, со исповедники и страстотерпцы Российскими. Молися с ними о нас, архиерею Божий, священномучениче Соловецкий

Во святительстве твоем добро подвизался еси, богомудре, и мученичества венцем светло украсился еси, прещения врагов Христовых не устрашився, кровьми твоими землю во отоце Анзерстем освятил еси: сего ради силы небесныя удивишася терпению твоему, мы же с верою и любовию притекаем ко святым мощем твоим, досточудне. Ныне со всеми Соловецкими святыми моли о нас Христа Бога, всеблаженне Петре, да зовем ти: радуйся, отче приснопамятне.

Утоли болезни / многовоздыхающия души моея, / утолившая всяку слезу от лица земли: / Ты бо человеком болезни отгбниши / и грешных скорби разрушаеши, / Тебе бо вси стяжахом надежду и утверждение, / Пресвятая Мати Дево.

Не ввери мя человеческому предстательству,/ Пресвятая Владычице,/ но приими моление раба Твоего,/ скорбь бо обдержит мя,/ терпети не могу демонскаго стреляния,/ покрова не имам,/ ниже где прибегну, окаянный,/ всегда побеждаемь,/ и утешения не имам, разве Тебе, Владычице мира,/ упование и предстательство верных,/ не презри моление мое,/ полезно сотвори.

Слово в день памяти священномученика Владимира, иконы Божией Матери «Утоли моя печали», Святителя Григория Богослова. Протоиерей Александр Шаргунов

В этот день: Русская Православная Церковь отмечает память святых:

Блаженной Ксении Петерсбургской Святителя Герасима Великопермского (Устьвымского) Мученика Иоанна Казанского Преподобных Дионисия Олимпийского и Платинского, и Афонского (Греч.). Святого Неофита, затворника Кипрского (Греч.). Мученика Вавилы Сицилийского Преподобного Македония, сирийского пустынника Перенесение мощей прмч. Анастасия Персидского Свт. Фелициана, еп. Фолиньянского, Италийского. Св. Лупицина из Липидиако (Галл.). Мч. Николая (1918). Мчч. Гермогена и Мамы (Греч.). Мчч. Павла, Павсирия и Феодотиона (284-305). Св. Филона, еп. Колпастийского (V). Сщмч. Филиппика пресвитера и мц. Варсимы с двумя братьями. Прп. Зосимы, монаха Синайского.

Молитвы:

В тебе, мати, известно спасеся, еже по образу:/ приймши бо крест, последовала еси Христу/ и, деющи, учила еси презирати убо плоть, преходит бо,/ прилежати же о души, вещи безсмертней./ Темже и со Ангелы срадуется, преподобная Ксение, дух твой.

Твою страннонравную, Ксение, память совершающе,/ любовию почитающий тя, поем Христа,/ во всех тебе подающаго крепость исцелений,/ Емуже всегда молися о всех нас.

Иже во святых святая/ Христа Преблагаго всем сердцем возлюбила еси, Богомудрая Ксение славная,/ того ради омерзила еси мирскую сладость./ Крест же Его вземши честный,/ возлюби пети присно: аллилуйя.

Божественный веры проповеданием/ землю Зырянскую озарил еси/ и ко Христу люди мнбгия привел еси./ Возопиет же с тобою и Авель ко Господу/ и Захариина кровь праведная,/ отче

Я ко священника превелика/ и апостолов и мучеников совсельника,/ Церковь Русская почитает тя, святителю Герасиме./ Сию твоими молитвами соблюдай, блаженне,/ непобедйму, и необуреваему, и нескверну,/ и всем нам испроси у Бога мир и велию милость.

Страстотерпче святый Иоанне,/ блаженна земля, напившаяся крове твоей,/ Христа бо со дерзновением проповедав,/ многия муки от неверных агарян приял еси,/ страданьми своими противных дерзости низложив,/ Троицы поборник явился еси,/ Юже и моли даровати нам велию милость.

Звезда светла среди неверных явился еси,/ многострадально Иоанне,/ зарями твоими Солнце — Христа возвещающи,/ прелесть агарянскую посрамил еси/ и нам подаеши свет,/ моля непрестанно Христа Бога о всех нас.

Неделя о мытаре и фарисее

Русская Православная Церковь отмечает память святых:

Преподобного Геннадия Костромского и Любимоградского Собор Костромских святых. Преподобного. Мавсимы Сирина Преподобного Саламана молчальника Святого Павлина Милостивого, еп. Ноланского Воспоминание VI Вселенского Собора Перенесение мощей свт. Феоктиста, архиеп. Новгородского (1786). Прмч. Серафима, прмц. Евдокии и Екатерины. Мц. Милицы (1938). Св. Евсевия, затворника горы Коринфской близ Антиохии (Греч.). Прп. Дионисия Олимпийского (Греч.).

Молитвы:

Тропарь Климента, глас 4. Лоза преподобства и стебль страдальчества,/ цвет священнейший и плод Богоданный,/ верным, всесвященне, присноцветущ, даровался еси,/ но яко мучеников сострадалец/ и священноначальников сопрестольник,/ моли Христа Бога/ спастися душам нашим.

Сад благоцветущ израсте во отечествии своем,/ красен плод прозябе по вселенней во время страданий твоих,/ темже память твою чтим, преподобне Клименте./ Сего ради источаеши миро, веселящее души наша.

Лозы был еси честная розга Христова,/ многострадальне Клименте всехвальне, явлься,/ со страждущими же взывал еси:/ Ты мучеников, Христе, светлое радование.

Яко пустыннолюбивая горлица, / от суетнаго и многомятежнаго мира в пустыню удалився, / чистотою и говением, молитвами и труждением / прославил еси Бога в душе и телеси своем. / И тако благочестно пожив, / явился еси, преподобне Геннадие, пустыни Любимоградския украшение, / иноком честнаго жития образ / и теплый молитвенник за всех, / притекающих к тебе с верою.

Молитвою и постом, труждением и терпением/ умертвивый всякое плоти мудрование,/ чистоты сосуд благолепен,/ Божественных даров и чудес причастник,/ иноком же доблий наставник был еси,/ сподвизаяся блаженному Корнилию, отче Богомудре./ Сего ради вопием:/ молися ко Господу,/ да молитвами твоими дарует мир и спасение душам нашим.

Днесь град Кострома вельмй вами хвалится:/ в пределех бо земли Костромския,/ яко звезды светозарныя, возсиявше,/ чудесы своими вся озарили есте/ и ныне молитеся ко Господу, отцы преблаженнии, Геннадие, Паисие, Авраамие,/ Иакове, Макарие и Пахомие, со инеми многими нашего края Небесными покровителями/ за град Кострому и всяк град, и страну, и люди,/ верою и любовию вас почитающия,/ и о спасении душ наших.

Костромского края благочестия подвижники и за грады и веси страны Российския теплыя предстатели явистеся,/ отцы преблаженнии, Христа Бога молите о нас,/ священный ваш собор почитающих/ и с любовию вопиющих:/ радуйтеся, отцы предивнии, Костромского края и всея России похвале и утверждение.

Ублажаем вас,/ преподобие отче наш Геннадие/ и всех святых отцев собор, Костромского края покровителей,/ вы бо молите за нас/ Христа Бога нашего.

В этот день: Русская Православная Церковь отмечает память святых:

Преподобномученика Анастасия Персянина . Преподобногно Макария Жабынского, Белевского чудотворца Преподобномученика Анастасия, диак. Печерского Мучеников Мануила, Георгия, Петра, Леонтия епископов, Сиония, Гавриила, Иоанна, Леонта, Парода пресвитера и прочих 377-ми Священномучеников Иоанна, Николая, Иакова, Петра, Иоанна, Иоанна, Иоанна и Евфимия пресвитеров (1938). Св. Иоасафа Самакуса Освященного, Критского (Греч.). Св. Бритвальда Вилтонского (1045) (Кельт. и Брит.). Св. Вендреды Марчинской.

Молитвы:

Благости научився и трезвяся во всех, / благою совестию священнолепно оболкся, / почерпл еси от сосуда избранного неизреченная / и, веру соблюд, равное течение совершил еси, / апостоле Тимофее, / моли Христа Бога / спастися душам нашим.

Мученик Твой, Господи, Анастасий/ во страдании своем венец прият нетленный от Тебе, Бога нашего,/ имеяй бо крепость Твою,/ мучителей низложи,/ сокруши и демонов немощньш дерзости./ Того молитвами/ спаси души наша.

От мирскаго жития изшед / в тихое пристанище жизни иноческия, преподобне Макарие, вшел еси, / в нейже добре подвизався, душу твою добродетельми превысокими обогатил еси, / и явился еси добр пастырь и учитель иноческому собору, / емуже и обитель возградил еси, / таже в безмолвие вшед и Боговидения сподобився, ко Господу преставился еси, / Иже даром чудес тя обогати. / Егоже ныне моли, / да спасет верою и любовию почитающих святую память твою.

Житие чистое, терпение, кротость и любовь нелицемерну,/ воздержание совершенное,/ умиление Божественное,/ веру же и надежду истинну и милосердие стяжав,/ равноангельно, Макарие, на земли пожил еси/ и на Небеси Богови с лики Безплотных предстоиши./ С ними же, святе, молися/ мир Российстей Церкви даровати/ и душам нашим велию милость.

Плотское, яко безплотный Ангел,возненавидевши препитание,/ духовную во иноческом чину возлюбил еси пищу,/и в нем Боговидцу на Синаи Моисею/ добрым жития твоего подвигом уподобляяйся,/ многими на горе Божией Печерской возвысился еси добродетельми,/ идеже в молении к Вышннему непрестанно пребывал еси,/ ныне же со отцы преподобными Печерскими,/ аки бисер многоценен, мощми нетленными/ в пещере твоими пресветло сияеши,/ а душею со Ангелы пред Престолом Божиим,/ святый преподобномучениче Анастасие, предстоиши,/ о нас всегда моляся ко Господу/ спастися душам нашим.

Постническим плоти твоей умерщвлением/ душу оживил еси,/ ибо твоего ради презельнаго воздержания/ и привременнаго терпения,/ жизнь непреемная и диадима неувядаемая/ от пострадавшаго за ны плотию/ и из мертвых воскресшаго Христа Бога нашего,/ тебе, святе, преподобномучениче Анастасие,/ яко злочестивых победителю/ несумненно и воистинну уготовася,/ занеже Божие тридневное Воскресение/ всем, живущим на земли,/ тобою, якоже иногда от отроков Ефесских православно воспроповедася,/ и сего ради, отче, днесь к тебе вси вопием немолчно:/ святый преподобномучениче Анастасие Печерский,/ моли прилежно воставшаго Христа тридневно из мертвых,/ да избавит от смерти вечныя души наша.

В этот день: Русская Православная Церковь отмечает память святых:

Мученика Неофита Мучеников Евгения, Кандида, Валериана и Акилы Преподобного Максима Грека Мученицы Агнии девы Иконы Божией Матери Ктиторской Иконы Божией Матери «Отрада», или «Утешение»Ватопедской Икон Божией Матери «Закланная» Иконы Божией Матери «Одигитрия — Ксенофска». Сщмч. Илии пресвитера (1938). Мч. Анастасия (662). Прп. Неофита Ватопедского (Греч.). Св. Зосимы, еп. Сиракузского (662). Собор церкви Св. Мира около моря в Константинополе. Св. Тимона монаха Надеевского и Костромского (1840).

Молитвы:

Зарею Духа облистаем,/ витийствующих богомудренно сподобился еси разумения,/ неведением омраченная сердца человеков светом благочестия просвещая,/ пресветел явился еси Православия светильник, Максиме преподобне,/ отонудуже ревности ради Всевидящаго/ отечества чужд и странен, Российския страны был еси пресельник,/ страдания темниц и заточения от самодержавнаго претерпев,/ десницею Вышняго венчаешися и чудодействуеши преславная./ И о нас ходатай буди непреложен,// чтущих любовию святую памятъ твою.

Богодухновенным Писанием и богословия проповеданием/ неверствующих суемудрие обличил еси, всебогате,/ паче же, в Православии исправляя, на стезю истиннаго познания наставил еси,/ якоже свирель богогласная, услаждая слышащих разумы,/ непрестанно веселиши, Максиме досточудне,/ сего ради молим Тя:/ моли Христа Бога грехов оставление низпослати// верою поющим всесвятое твое успение, Максиме, отче наш.

Православия наставниче,/ благочестия учителю и чистоты,/ вселенныя светйльниче,/ монашествующих Богодухновенное удобрение,/ Максиме премудре,/ ученьми твоими вся просветил еси,/ цевнице духовная,/ моли Христа Бога спастися душам нашим.

Свет Трисиянный, всельшийся в душу твою,/ сосуд избран показа тя, всеблаженне,/ являюща Божественная концем,/ неудобопостижных разумений ты сказуяй, блаженне,/ и Троицу всем, Максиме, возпроповедуяй ясно,// Пресущную, Безначальную.

Мученик Твой, Господи, Неофит/ во страдании своем венец прият нетленный от Тебе, Бога нашего:/ имеяй бо крепость Твою,/ мучителей низложи,/ сокруши и демонов немощныя дерзости./ Того молитвами/ спаси души наша.

О, покров благодатный и спасительный стяжахом честную Твою икону, Богородице. На сию убо со умилением взирающе, Тебе вопием: Владычице низпосли отраду и утешение; на Тя упование возлагаем грешнии и смиреннии, на Твое предстательство надеемся недостойнии, ускори нас избавити от бед и скорбей, и умоли Сына Твоего, Христа Бога нашего, помиловати и спасти души наша.

К Богородице прилежно ныне притецем,/ грешнии и смиреннии, и припадем,/ в покаянии зовуще из глубины души:/ Владычице, помози, на ны милосердовавши,/ потщися, погибаем от множества прегрешений./ Не отврати Твоя рабы тщи,/ Тя бо и едину надежду имамы.

Взбранной Воеводе победительная,/ яко избавльшеся от злых,/ благодарственная восписуем Ти, раби Твой, Богородице,/ но яко имущая державу непобедимую,/ от всяких нас бед свободи, да зовем Ти:/ Радуйся, Невесто Неневестная.