В этот день:
Русская Православная Церковь отмечает память святых:

Святой Апостол Тит от 70-ти, еп. Критского (I).
Перенесение честных мощей Апостола Варфоломея (VI).
Память святых исповедников Христовых, пострадавших в Едессе от ариан
Священномученика Владимира пресвитера (1938).
Память святого Мины, патриарха Константинопольского(552).
Новосщмч. прот. Владимира Мощанского (1938).
Храни вас Господь, Матерь Божия и все святые, их же память мы сегодня отмечаем!

Молитвы:
Тропарь апостолов Варфоломея и Тита глас 3
Апостоли святии,/ молите Милостиваго Бога,/ да прегрешений оставление// подаст душам нашим.

Кондак апостола Варфоломея глас 4
Явился еси велие солнце Церкви,/ учений сиянием/ и чудесы страшными/ просвещая поющия тя, Варфоломее,// Господень апостоле.

Кондак апостола Тита глас 2

Павлов явився собеседник, апостоле,/ с ним нам слово предвозвестил еси Божественныя благодати,/ тайноглагольниче Тите приснопамятне./ Сего ради вопием ти:// не престай моляся о всех нас.

Pages: 1 2 3

В этот день:
Русская Православная Церковь отмечает память святых:

Преподобного Арсения Комельского
Равноапостольного Космы Этолийского (1779).
Перенесение мощей свт. Петра, митр. Московского, всея России чудотворца (1479).
Празднование в честь явления Пресвятой Богородицы прп. Сергию Радонежскому
Прп. Аристоклия, старца Московского (1918).
Святой мученицы Сиры, девы Персидской (558).
Священномученика Евтихия
Совятого мученика Татиона (305).
Преподобнго Георгия Лимниота (ок. 716).
Преподобномученика Серафима
Святителя Мартирия, архиепископа Новгородского (1199).
Петровской иконы Пресвятой Богородицы

Храни вас Господь, Матерь Божия и все святые, их же память мы сегодня отмечаем!

Молитвы:

Тропарь святителя Петра глас 4
Наста днесь всечестный праздник/ пренесения честных мощей твоих, святителю Петре,/ веселя изрядно твое стадо,/ и верное отечество, и люди,/ о нихже не оскудевай, моляся Христу Богу,/ еже от Него дарованней ти пастве сохранитися от враг ненаветованней// и спастися душам нашим.

Ин тропарь святителя Петра, митрополита Московского, всея России чудотворца глас 4
Благоверно пожив в мире,/ житием чистым просветився,/ учением святительства прият паству,/ апостолом наследниче./ Тем прием дар чудес от Бога, отче Петре,/ моли Христа Бога,/ да спасет души наша.

Кондак святителя Петра глас 8
Яко врача преизрядна и источника чудесем обильна,/ днесь сошедшеся любовию, духовная твоя чада,/ в пренесение честных мощей твоих,/ архиерею Петре, молим тя:/ моли Христа Бога даровати честным твоим пренесением/ верному воинству нашему на враги победительная,/ да твоими к Богу молитвами находящих зол избавльшеся,/ радостною душею и веселием сердца/ благодарная ти воспоем, глаголюще:// радуйся, отче Петре, архиереев и всея Российския земли удобрение.

Ин кондак святителя Петра, митрополита Московского, всея России чудотворца глас 4
Явися днесь пресветлая память твоя,/ святителю преблаженне Петре,/ в мире светло сияющи/ и являющи всем/ Божественное сияние.

Тропарь преподобного Арсения Комельского глас 4
Удалився мира, и водворився в пустыню,/ и ту подвизався добрым подвигом,/ постом, и молитвами, и многим терпением,/ и жив показал еси многая чудеса,/ и по преставлении своем источаеши различная исцеления/ с верою приходящим к честному гробу твоему,/ Арсение, отче наш,/ моли Христа Бога/ спастися душам нашим.

Кондак преподобного Арсения Комельского глас 8
Житейския молвы отбег,/ и в пустыню вселился еси,/ и тамо житием жестоким пожил еси,/ и зверя свирепаго аркуда молитвами укротил еси,/ и многим был еси наставник ко спасению,/ и того ради получил еси жизнь венную на Небесех./ Всегда зря Святую Троицу,/ моли избавитися нам от бед, да зовем ти:/ радуйся, отче наш Арсение, пустынный жителю.

Pages: 1 2 3

В этот день:
Русская Православная Церковь отмечает память святых:

Святого Апостола (из семидесяти) Фаддея
Святой мученицы Васса и чад ее: Феогния, Агапия и Писта
Преподобный Авраамий Смоленский
Преподобной Марфы Дивеевской (1829).

Храни вас Господь, Матерь Божия и все святые, их же память мы сегодня отмечаем!

Кондак преподобного Авраамия, чудотворца Смоленского глас 3
Возсия, Господи, граду Твоему/ память Твоего угодника,/ яко светлое солнце,/ радостно всех, яко лучами, озаряющи,/ паче же молитвы Пречистыя Твоей Матере/ от всех бед избавляют нас/ и упраждняют варварская шатания./ Тем мы, людие Твои и град наш, вельми хвалимся/ и спасаемся молитвами/ Твоего угодника Авраамия, преподобнаго отца.

Тропарь апостола Фаддея глас 2
Днесь Едес град веселится,/ прием тобою Крещения баню,/ и Авгарь, страстей пременен, твою память славит./ С нимиже поем и мы:/ веселия духовнаго исполни живот наш/ и страсти исцели,/ Фаддее апостоле, молитвами твоими.
Ин тропарь апостола Фаддея, общий глас 3
Апостоле святый Фаддее,/ моли Милостиваго Бога,/ да прегрешений оставление/ подаст душам нашим.

Кондак апостола Фаддея глас 4
Яко звезду пресветлую/ Церковь тя стяжа,/ апостоле Фаддее,/ чудесы твоими всегда просвещаема,// спаси верою чтущия память твою.

Pages: 1 2 3

В этот день:
Русская Православная Церковь отмечает память святых:
Святого пророка Самуила
Собор Московских святых
Святые мученики Севир и Мемнон сотник и с ними тридцать семь мучеников
Храни вас Господь, Матерь Божия и все святые, их же память мы сегодня отмечаем!

Молитвы:
Тропарь пророка Самуила глас 2
Дар многочестен дан бысть неплодней утробе/ и принесен в жертву, яко всесожжение благоприятно, Господеви своему,/ послужив Тому в преподобии и правде,/ тем тя почитаем, пророче Божий Самуиле,// яко молитвенника о душах наших.

Ин тропарь пророка Самуила глас 5
От матере умоленный, тезоимените дания Божия,/ от Бога звания во младенчестве сподобися,/ честный пророче Самуиле,/ добре пасый непокоривыя люди/ и царем явивыйся устроитель,/ и о нас, верно чтущих тя, моли Истиннаго Бога,/ да спасет души наша.

Ин тропарь пророка Самуила, общий глас 2
Пророка Твоего Самуила память, Господи, празднующе,/ тем Тя молим:/ спаси души наша.

Кондак пророка Самуила глас 8
Яко многочестный дар, прежде зачатия вдан Богу,/ и из млада Тому, яко Ангел, послужил еси, всеблаженне,/ и сподобился еси предбудущая вещати./ Темже вопием ти:// радуйся, пророче Божий Самуиле, архиерею великий.

Ин. кондак пророка Самуила глас 8
Помазателю царский,/ паче же святаго боговидца Давида,/ великий Самуиле,/ потщися умолити о нас,/ да помажемся Святаго Духа мастию/ и будем странни неприязни,/ якоже Давид нечистому духу Саулову

Pages: 1 2 3

В этот день:
Русская Православная Церковь отмечает память святых:

Память святых мучеников Флора и Лавра (II).
Преподобный Иоанн Рыльский (946).
Святитель Георгий I, патриарх Константинопольский.
Святитель Иоанн V, патриарх Константинопольский
Преподобный Макарий, игумен Пеликитской обители (ок. 830).
Память святых мучеников Ерма, Серапиона и Полиена (II).
Святого священномученика Емилиана и прочих с ним (ок. 300).
Иконы Божией Матери именуемой «Всецарица».
Храни вас Господь, Матерь Божия и все святые, их же память мы сегодня отмечаем!

Молитвы:
Тропарь мучеников Флора и Лавра глас 4
Преудобренную и богомудрую двоицу пресветлую/ восхвалим, вернии, по достоянию,/ Флора преблаженнаго и Лавра всечестнаго./ Иже усердно Троицу несозданную ясно проповедасте всем,/ темже пострадавше до крове,/ и венцы пресветлыми увязостеся,// молитеся Христу Богу, да спасет души наша.

Кондак мучеников Флора и Лавра глас 8
Яко благочестия мученики и страдальцы Христовы богомудрены,/ вселенная преславно почитает Флора и Лавра днесь,/ яко да улучим благодать и милость молитвами их// и избавимся бед и напастей, гнева же и скорби в День Судный.

Тропарь преподобного Иоанна Рыльского глас 1
Покаяния основание, прописание умиления,/ образ утешения, духовнаго совершения/ равноангельное житие твое бысть, преподобне./ В молитвах убо и в пощениих и в слезах пребывавый,/ отче Иоанне,/ моли Христа Бога о душах наших.

Ин тропарь преподобного Иоанна Рыльского глас 4
Тело смирив лощением,/ душу же возвысив пением,/ сосуд явися избран Святому Духу,/ Иоанне, отче наш,/ в чистоте сердца твоего, преподобне, пожив./ Тем, дерзновение имея ко Господу,/ моли спастися душам нашим.

Кондак преподобного Иоанна Рыльского глас 2
Твердым умом и непрестанными молитвами/ борителя врага силу всегубительную до конца поборив,/ достойно от Христа прославился еси,/ Иоанне всеблаженне./ Тем твоих днесь мощей возвращения/ светлый совершающе праздник в веселии,/ согласно вопием ти:/ стаду и людем твоим ты еси с Богом, отче преподобне,/ похвала и утверждение.

Кондак преподобного Иоанна Рыльского глас 2
В молитвах бодренно не усыпая/ и в пениих непрестанных Ангелом подобяся,/ в гроб вшел еси, тленную жизнь оставив,/ и к Небеси прешел еси/ на нетление, Иоанне отче,/ от смерти бо к животу вечному/ тя пресели Христос Бог, яко Своего угодника.

Ин кондак преподобного Иоанна Рыльского глас 6
Благодатию Божиею нас обогатил еси/ и делы благими известил еси,/ званием явися, Иоанне, угодник Христа Бога./ В молитвах и постех дарований Божия Духа исполнися/ и бысть недугом прогонитель/ и заступник душам нашим.

Ин кондак преподобного Иоанна Рыльского глас 2
Молящим тя теплейший заступниче/ и просящим скорейший послушателю,/ преподобне отче Иоанне,/ приими моление наше/ и Христа умоли помиловати нас,/ Единаго Преблагаго и Многомилостиваго.

Pages: 1 2 3

В этот день:
Русская Православная Церковь отмечает память святых:
Преподобный Алипий Печерский (ок. 1114).
Святой мученик Мирон (250).
Мученик Левкий Кесарийский
Преподобного Пимена Угрешского (1880).
Святые мученики Павел и его сестра Иулиания (ок. 273).
Святые мученики Стратон, Филипп, Евтихиан и Киприан (249-251).
Святой мученик Патрокл (270-275).
Свенская-Печерская икона Божией Матери
Арматийской иконы Божией Матери.

Храни вас Господь, Матерь Божия и все святые, их же память мы сегодня отмечаем!

Молитвы
Кондак мученика Мирона глас 4
Измлада Христа возлюбив, преславне,/ и Того соблюдая Божественныя заповеди,/ к Тому притекл еси весь цел,/ Мироне всечестне,/ и со Ангелы молишися прилежно./ Проси всем почитающим память твою// оставления грехов.

Тропарь преподобного Алипия, иконописца Печерского, в Ближних пещерах
глас 8
Зраки изобразуя святых на дщицах,/ сих благодеяния спешно,/ яко искусен художник, всехвальне Алипие,/ написовал еси на скрижалех твоего сердца/ и сего ради, аки образ, благолепне украшен,/ священства благодатию, аки златом, обложился еси/ от Христа Бога и Спаса душ наших.

Кондак преподобного Алипия, иконописца Печерского, в Ближних пещерах глас 2
От юности Божественное в себе имея начертание,/ вдан был еси в научение иконнаго писания;/ и внегда небеси подобная Богородицы писашеся церковь,/ ты таможде пособствовал/ и видел еси Духа Святаго осияние,/ от Негоже приял еси чудес действо,/ яко иконы твоя чудотворяху,/ тем тя чтим и ублажаем, чудне Алипие.

Тропарь Божией Матери пред иконой Ее Печерской глас 4
Днесь светло торжествует Печерская обитель/ и радуется явлением образа Богоматере/ безмерный лик Печерских отцев,/ с нимиже и мы непрестанно вопием:/ радуйся, Благодатная, Печерская похвало.

Кондак Божией Матери пред иконой Ее Печерской глас 3
Дева днесь невидимо предстоит в церкви/ и с лики Печерских отцев молится о нас,/ благоговейно величающих Ей безмерную милость к роду нашему,/ явльшуюся в чудном образе Ея,/ обитель Печерскую украшающем.

Pages: 1 2 3

В этот день:
Русская Православная Церковь отмечает память святых:

Перенесение из Эдессы в Константинополь нерукотворного образа Иисуса Христа (944).
Святой мученик Диомид, врач (298).
Преподобный Херимон (IV).
Священномученика Александра пресвитера(1937),
Иконы Божией Матери «Торжество Пресвятой Богородицы» (Порт-Артурской) 1904.
Феодоровская — Костромская икона Божией Матери.
Храни вас Господь, Матерь Божия и все святые, их же память мы сегодня отмечаем!

Молитвы:
Тропарь Нерукотворенного Образа глас 2
Пречистому Твоему образу покланяемся, Благий,/ просяще прощения прегрешений наших, Христе Боже:/ волею бо благоволил еси плотию взыти на Крест,/ да избавиши яже создал еси от работы вражия./ Тем благодарственно вопием Ти:/ радости исполнил еси вся, Спасе наш,// пришедый спасти мир.

Кондак Нерукотворенного Образа глас 2
Неизреченнаго и Божественнаго Твоего к человеком смотрения,/ неописанное Слово Отчее,/ и образ неписанный,/ и богописанный победителен,/ ведуще неложнаго Твоего воплощения,// почитаем, того лобызающе.

Тропарь мученика Диомида
Мучительнии сосуди устроиша ти путь к Небесем,/ Христов воине Диомиде,/ победив диавольския козни,/ и на Небесех у Христа прославися,/ молися за творящих верою память твою.

Кондак мученика Диомида глас 2
Истинный и непобедимый страстотерпец,/ благочестия и благодати Небесный тайнник явлься,/ Диомиде преславне,/ победив мучителя и победоносец быв,/ венцы победными прославися.

Тропарь Божией Матери пред иконой Ее Феодоровской глас 4
Пришествием честныя Твоей иконы, Богоотроковице,/ обрадованный днесь Богохранимый град Кострома,/ якоже древний Израиль к кивоту Завета,/ притекает ко изображению лица Твоего/и воплотившагося от Тебе Бога нашего,/ да Твоим Матерним к Нему предстательством/ присно ходатайствуеши всем,/ под сень крова Твоего прибегающим,/ мир и велию милость.

Ин тропарь Божией Матери пред иконой Ее Феодоровской глас 4
Днесь светло красуется преименитый град Кострома/ и вся Русская страна,/ созывающи к веселию вся боголюбивыя народы христианския,/ на преславное торжество Божия Матере,/ пришествия ради чудотворнаго Ея и многоцелебнаго образа,/ днесь бо явися нам пресветлое великое солнце,/ приидите, вси Богоизбраннии людие, новый Израиль,/ ко источнику цельбоносному,/ источает бо нам неоскудныя милости Пресвятая Богородица/ и избавляет вся грады и страны христианския/ невредимы от всех навет вражиих./ Но, о Всемилостивая Госпоже, Дево Богородице, Владычице,/ спаси страну нашу, и архиереи, и вся люди Твоего достояния от всех бед/ по велицей Твоей милости, да зовем Ти:/ радуйся, Дево, христианом похвало.

Кондак Божией Матери пред иконой Ее Феодоровской глас 8
Благодарственная приносяще Ти, раби Твои, Богородительнице, о всех,/ имиже благодеяла еси граду нашему,/ из глубины души взываем к Тебе и мили ся деем:/ не престани, Владычице,/ Матерними к Сыну Твоему и Богу нашему молитвами/ подавати вся благая и спасительная всем,/ верою и любовию вопиющим Ти:/ радуйся, Дево, христиан похвало.

Кондак Божией Матери пред иконой Ее Феодоровской
глас 8
Притецем, людие, вси к тихому и доброму пристанищу,/ в дом Божия Матере,/ чудному образу Царицы и Богородицы,/ за неизреченную милость Ея явленному,/ верно припадающе и вопиюще:/ о Всемилостивая Владычице,/ за спасительное Твое смотрение,/ чуднаго образа к нам пришествие,/ посети нас, грешных, светло сотворяющих празднество Твое,/ укрепи страну нашу,/ дивно на враги победу подающи, и веру утверди./ Церковь Сына Твоего непоколебиму соблюди,/ притекающих к Тебе спаси, от всяких напастей избави,/ сохраняющи в мире все Православие, да зовем Ти:/ радуйся, Невесто Неневестная.

Pages: 1 2 3

В этот день:
Русская Православная Церковь отмечает:

Успение Пресвятой Владычицы нашей Богородицы и Приснодевы Марии
Икона Божией Матери Галичская-Чухломская «Умиление» (XIV),
Киево-Печерская икона Успения Пресвятой Богородицы (1073),
Иконы Софии, Премудрости Божией (Новгородской).
Икона Божией Матери Овиновская (1425),
Икона Божией Матери Псково-Печерская (1472),
Икона Божией Матери Семигородная (XV),
Икона Божией Матери Пюхтицкая (XVI).
Икона Божией Матери: Ацкурская (I),
Икона Божией Матери Цилканская (IV),
Икона Божией Матери Владимирско-Ростовская (XII),
Икона Божией Матери Моздокская (XIII),
Икона Божией Матери Гаенатская (XIII),
Икона Божией Матери Сурдегская (1530),
Икона Божией Матери Тупичевская (XVII),
Икона Божией Матери Влахернская,
Икона Божией Матери Бахчисарайская

Храни вас Господь, Матерь Божия и все святые, их же память мы сегодня отмечаем!

Молитвы:
Тропарь праздника глас 1
В рождестве девство сохранила еси,/ во успении мира не оставила еси, Богородице,/ преставилася еси к животу,/ Мати сущи Живота,// и молитвами Твоими избавляеши от смерти души наша.

Кондак праздника глас 2
В молитвах Неусыпающую Богородицу/ и в предстательствах непреложное упование/ гроб и умерщвление не удержаста:/ якоже бо Живота Матерь/ к животу престави// во утробу Вселивыйся приснодевственную.

Тропарь ради иконы Софии, Премудрости Божией глас 1
Превечная Премудросте, Христе Боже наш!/ Божественным смотрением Своим преклонивый Небеса,/ благоволил еси вселитися во утробу Чистыя Отроковицы,/ средостение вражды разрушив,/ освятил еси естество наше/ и Царствие Твое нам отверзл еси;/ сего ради Тебе, Творца нашего и Избавителя,/ и рождшую Тя,/ спасения нашего тайне послужившую Деву Чистую, православно величаем.

Ин тропарь ради иконы Софии, Премудрости Божией глас 4
Велия и неизреченная Премудрости Божии сила/ смотрения плотскаго таинства!/ Софие Преименитая,/ девственных душе и неизглаголаннаго девства чистото,/ смиренный мудрости истино,/ покоище Святаго Духа,/ пречестный храме непостижимыя славы Его,/ огнезрачный престоле Христа Бога нашего,/ в Тя бо вселися неизреченно Слово Божие, и плоть бысть,/ Невидимый явися,/ и неприкосновенный из Тебе изыде,/ и с человеки поживе, врага исконнаго уловляя/ и человеки от клятвы древния свобождая,/ возводя паки, отнюдуже испадохом./ Молимтися, Владычице,/ отягченныя ны во гресех лютых помиловати/ и спасти душе наша,/ и, яко человеколюбивая и милосердая Царица,/ Мати Премудрости Божия Слова,/ призри на ны, грешныя люди Твоя,/ и умилосердися, заступи от напастей и скорбей лютых/ и грады наша невредимы сохрани,/ идеже ныне имя Твое пресвятое боголепно славится.

Кондак ради иконы Софии, Премудрости Божией глас 4
Притецем, православнии людие,/ к премудрости Божий/ и видим чудотворную икону Пречистыя Богоматере,/ Юже именуем по явлению Софию, Премудрость Божию,/ зане храм бысть одушевлен Единороднаго Сына и Слова Божия./ Сия убо светолучно сияет в пречестнем храме Своем/ и сердца наша веселит, приходящих с верою/ и взирающих со страхом и благоговением на пречистую сию икону,/ помышляюще в сердцах наших,/ яко воистинну Премудрости Божий есть селение/ и таинства Его смотрение,/ на упование бо верным/ воображение огнезрачное Ей зрим/ и покланяемся, яко истинному и пренепорочному Ея девству/ в рождестве и по рождестве паки;/ от Неяже изыде Огнь Божественный,/ попаляя тленныя страсти/ и просвещая души наша и чисты сотворяя,/ Имже и веки сотвори Отец,/ Той же и Мудрость, Слово и Сила наречется,/ сияние славы и Образ Отчи Ипостаси./ И паки убо молим/ и, припадающе, лобызаем пречестную икону Премудрости Божия Матере/ и велегласно вопием:/ о Милосердая Владычице,/ спаси рабы Своя от насилия диаволя,/ от нахождения иноплеменных и междоусобныя брани,/ яко Ты еси всех благих Подательница и Покровительница/ притекающим к Тебе с верою и просящим велия милости.

Тропарь Божией Матери пред иконой Ее Успение Киево-Печерской глас 4
Днесь светло торжествует Печерская обитель/ и радуется явлением образа Богоматере/ безмерный лик Печерских отцев,/ с нимиже и мы непрестанно вопием:/ радуйся, Благодатная, Печерская похвале.

Pages: 1 2 3

Успенский пост
Предпразднство Успения Пресвятой Богородицы.

О создании церкви честного Успения Пресвятой Богородицы в Киево-Печерской обители
Перенесение мощей преподобного Феодосия, игумена Печерского (1091).
Святой пророк Михей (VIII до Р.Х.).
Священномученика Маркелла, епископа Апамейского (ок. 389).
Переложение мощей преподобного Аркадия,Вяземского и Новоторжского (XI).
Собор всех новомучеников Грузинских от безбожников убиенных (XX) (Груз.).
Беседная икона Пресвятой Богородицы.
Нарвская икона Пресвятой Богородицы.
Священномученик Василий, еп. Черниговсксй (1918).

Храни вас Господь, Матерь Божия и все святые, их же память мы сегодня отмечаем!

Молитвы:
Тропарь преподобного Феодосия глас 8
Православия наставниче,/ благочестия учителю и чистоты,/ вселенныя светильниче,/ архиереев богодухновенное удобрение,/ Феодосие премудре,/ ученьми твоими вся просветил еси, цевнице духовная,// моли Христа Бога спастися душам нашим.

Кондак преподобного Феодосия глас 8
Наследник отцев был еси, преподобне,/ тех последуя житию и учению,/ обычаю и воздержанию,/ молитве же и предстоянию./ С нимиже, имея дерзновение ко Господу,/ прощение согрешений и спасение испроси вопиющим ти:// радуйся, отче Феодосие.

Тропарь предпразднства глас 4
Людие, предыграйте,/ руками плещуще верно,/ и любовию соберитеся,/ днесь радующеся/ и светло восклицающе вси веселием:/ Божия бо Мати имать от земных к Вышним прейти славно,// Юже песньми присно яко Богородицу славим.

Кондак предпразднства глас 4
В славней памяти Твоей/ вселенная, невещественным Духом испещрена,/ умно с веселием зовет Тебе:/ радуйся, Дево,// христиан похвало.

Тропарь преподобного Аркадия Вяземского и Новоторжского глас 4
От духовнаго наставника, отца преподобнаго Ефрема, наставляемь,/ послушания добрый рачителю, отче Аркадие,/ от мирскаго мятежа удалился еси/ и, инок быв изрядный,/ добрым подвигом ревнуяй,/ от Христа Бога приял еси венец славы Небесныя;/ и ныне вкупе с преподобным отцем Ефремом у Престола Вьшшяго предстоя,/ о нас молися, избавитися нам от всех бед и скорбей/ и спастися душам нашим.

Кондак преподобного Аркадия глас 2
К глубинам Божественнаго разума вперив ум свой,/ в Небесныя обители востекл еси,/ и равноангельно житие, отче Аркадие, на земли пожил еси,/ и во всем повинулся еси духовному своему настоятелю и наставнику, преподобному отцу Ефрему,/ и ныне, вкупе предстояще у Престола Владыки Христа,/ молися непрестанно о всех нас.

Кондак преподобного Аркадия Вяземского и Новоторжского глас 2
К глубинам Божественнаго разума вперив ум свой,/ в Небесныя обители востекл еси,/ и равноангельно житие, отче Аркадие, на земли пожил еси,/ и во всем повинулся еси духовному своему настоятелю и наставнику, преподобному отцу Ефрему,/ и ныне, вкупе предстояще у Престола Владыки Христа,/ молися непрестанно о всех нас.

Pages: 1 2 3

Успенский пост

Отдание праздника Преображения Господня.
В этот день:
Русская Православная Церковь отмечает память святых:

Святых мучеников Ипполита, Иринея, Авундия и мц. Конкордии в Риме
Перенесение мощей прп. Максима Исповедника.
Обретение мощей блж. Максима, Христа ради юродивого, Московского (ок. 1547).
Преставление (1783), второе обретение мощей (1991) свт. Тихона, еп. Воронежского, Задонского чудотворца.
Собор Кемеровских святых
Священномучеников Иоанна, Иоасафа и Константина пресвитеров (1918).
Священномучеников Серафима, еп. Дмитровского, Николая, Иакова пресвитеров и Алексия диакона (1937).
Мч. Василия (1942).
Новосщмч. Василия (Преображенского), еп. Кинешемского.
Мчч. Ипполита, Иринея, Авундия и мц. Конкордии в Риме (258).
Прп. Серида, игумена Газского.
Императрицы Ирины (в мон. Ксении).
Св. Евдокии, императрицы, супруги Феодосия Юнейшего.
Прп. Радегунды из Пуатье (Галл.).
Прп. Дорофея Газского (Греч.).
Св. Вегберта, настоятеля Черсфелдского, английского миссионера в Германии (738).
Минская икона Пресвятой Богородицы (1500),
Страстная икона Пресвятой Богородицы (1641)
«Умягчение злых сердец» («Семистрельная») икон Божией Матери (1830)

Храни вас Господь, Матерь Божия и все святые, их же память мы сегодня отмечаем!

Молитвы
Тропарь святителя Тихона, епископа Воронежского, Задонского чудотворца глас 8
От юности возлюбил еси Христа, блаженне,/ образ всем был еси словом, житием, любовию,/ духом, верою, чистотою и смирением,/ темже и вселился еси в Небесныя обители,/ идеже предстоя Престолу Пресвятыя Троицы,/ моли, святителю Тихоне,/ спастися душам нашим.

Ин тропарь святителя Тихона, епископа Воронежского, Задонского чудотворца глас 4
Православия наставниче, благочестия учителю,/ покаяния проповедниче, Златоустаго ревнителю,/ пастырю предобрый,/ новый России светильниче и чудотворче,/ паству твою добре упасл еси/ и писаньми твоими вся ны наставил еси,/ темже венцем нетления/ украшен от Пастыреначальника,/ моли Его спастися душам нашим.

Кондак святителя Тихона, епископа Воронежского, Задонского чудотворца
глас 8
Апостолов преемниче,/ святителей украшение,/ Православный Церкве учителю,/ Владьще всех молися/ мир вселенней даровати/ и душам нашим велию милость.

Тропарь блаженного Максима, Христа ради юродивого, Московского глас 4
Терпением своим велию мзду на Небесех стяжал еси,/ в буйство волею Христа ради преложися/ и на Небо мысленное, яко на колеснице огненней,/ возшел еси, премудре Максиме./ Днесь мы ныне чтим честных мощей твоих обретение/ вкупе с благочестивыми и верными людьми царствующаго града Москвы,/ да вси вопием ти:/ моли Христа Бога/ спастися душам нашим.

Кондак блаженного Максима, Христа ради юродивого, Московского глас 8
Верою и любовию твое честное обретение празднующих, блаженне,/ сохрани и соблюди от всякий злобы и соблазна змиина,/ имаши бо дерзновение ко Владыце всех Христу,/ Егоже моли спасти люди, моляшиятися,/ да вси вопием ти:/ радуйся, отче Максиме, царствующему граду Москве похвало.

Тропарь преподобного Максима исповедника глас 8
Православия наставниче,/ благочестия учителю и чистоты,/ вселенныя светильниче,/ монашествующих Богодухновенное удобрение,/ Максиме премудре,/ ученьми твоими вся просветил еси,/ цевнице духовная,// моли Христа Бога спастися душам нашим.

Кондак преподобного Максима исповедника глас 6
Свет Трисиянный, всельшийся в душу твою,/ сосуд избран показа тя, всеблаженне,/ являюща Божественная концем,/ неудобопостижных разумений ты сказуяй, блаженне,/ и Троицу всем, Максиме, возпроповедуяй ясно,// Пресущную, Безначальную.

Тропарь Божией Матери пред иконой Ее Минская глас 5
На древе крестнем явилася еси, Пренепорочная Отроковице, от Царьграда и Киева / Богоспасаемому граду Минску милость показавши. / Просвети нас, грешных, сиянием Своим, / яви, яко присно, силу Свою, / спаси нас предстательством Своим / и избавляй от навет вражиих, / Тя бо Необоримую Стену и едину Надежду имамы.
Показать ещё молитвы

Тропарь Божией Матери пред иконой Ее Страстной глас 4
Днесь возсия неизреченно царствующему граду нашему Москве/ икона Богоматере,/ и, яко светозарным солнцем, пришествием тоя озарися весь мир,/ Небесныя силы и души праведных мысленно торжествуют, радующеся,/ мы же, на ню взирающе, к Богородице со слезами вопием:/ о Всемилостивая Госпоже, Владычице Богородице,/ молися из Тебе воплощенному Христу, Богу нашему,/ да подаст мир и здравие всем Христианом/ по велицей и неизреченней Своей милости.

Ин тропарь Божией Матери пред иконой Ее Страстная глас 4
Животворящей Премудрости источник чудес/ честный образ Твой, Богородице Дево,/ молящеся, к нему любовию усердно притекающе, светло празднуем/ и из глубины души вопием Ти:/ спаси, Владычице, верою покланяющихея цельбоносному Твоему святому образу,/ тем, благодаряще, Тя величаем, яко Матерь Божию,/ спаси архиереи православный,/ и сохрани землю Русскую,/ и вся люди, иже Тебе чтущия, соблюди,/ да хвалебныя Ти дары, грешнии, приносим, Благодатная:/ радуйся, Дево, христиан похвало.

Кондак Божией Матери пред иконой Ее Страстная глас 3
Благодать прияхом нетления,/ еже даровала еси нам, спасительнаго Твоего целения/ чудотворным Твоим образом честным, Богородице Дево,/ темже вопием Ти и с радоствдо зовем, Госпоже Царице,/ молимтися умильно, грешнии, со слезами глаголюще:/ о Пресвятая Владычице,/ скорое нам яви заступление и помощь,/ спаси ны от супостат наших/ и от всякия скорби соблюди,/ землю нашу миром огради,/ и вся люди Твоя покрый,/ и соблюди на Тя уповающия,/ потщися избавити,/ да не погибнем зле, раби Твои,/ но да зовем Ти:/ радуйся, Невесто Неневестная.

Тропарь Божией Матери пред иконой Ее Умягчение злых сердец (Семистрельная) глас 5
Умягчи наша злая сердца, Богородице,/ и напасти ненавидящих нас угаси,/ и всякую тесноту души нашея разреши,/ на Твой бо святый образ взирающе,/ Твоим страданием и милосердием о нас умиляемся/ и раны Твоя лобызаем,/ стрел же наших, Тя терзающих, ужасаемся./ Не даждь нам, Мати Благосердая,/ в жестокосердии нашем и от жестокосердия ближних погибнути,/ Ты бо еси воистину злых сердец умягчение.

Кондак Божией Матери пред иконой Ее Умягчение злых сердец (Семистрельная) глас 2
Благодатию Твоею, Владычице,/ умягчи сердца злодеев,/ низпосли благодетелей,/ соблюдающи их от всякаго зла,/ благомолящимся Ти усердно/ пред честными иконами Твоими.

Pages: 1 2 3