Предпразднство Рождества Пресвятой Богородицы

В этот день:
Русская Православная Церковь отмечает память святых:

Преподобных Александра Пересвета и Андрея Осляби (1380).
Мученика Созонта (ок. 304).
Мученика Евпсихия
Святого Иоанна, архиепископа Новгородского (1186).
Преподобномученик Макарий Каневский (1678)
Апостолов Евода и Онисифора
Преподобный Макарий Оптинский (1860)
Преподобный Серапион Псковский, Спасо-Елеазаровский (1480)
Священномучеников Евгения, митр. Горьковского
Священномученик Григорий
Преподобный Лука (после 975).
Храни вас Господь, Матерь Божия и все святые, их же память мы сегодня отмечаем!

Молитвы:
Тропарь святителя Иоанна, архиепископа Новгородского глас 8
Днесь светло красуется славнейший великий Новград,/ имея мощи твоя в себе, святителю Иоанне,/ яко солнечныя лучи испущающия,/ и подающия исцеления, притекающим с верою к тебе./ Молися Христу Богу, избавити град сей невредим от варварскаго пленения,/ и междоусобныя брани, и огненнаго запаления,/ святителю Богомудре и чудоносче,/ небесный человече, и земный ангеле:/ да сошедшеся любовию в память твою,/ светло празднуем, в песнех и пениих радующеся,/ и Христа славяще, тебе таковую благодать даровавшаго исцелений,/ и великому Новуграду заступление и утверждение.

Ин тропарь святителя Иоанна, архиепископа Новгородского глас 4
Господи Боже наш,/ творяй присно с нами по Твоему смотрению,/ не отстави милости Твоея от нас,/ но молитвами святителя Твоего Иоанна/ в мире устрой живот наш.

Кондак святителя Иоанна, архиепископа Новгородского глас 4
Возвеселися явленно Честная Церковь Христова,/ в память днесь приснословущаго святителя Иоанна,/ от великаго Новаграда возсиявшаго:/ и всю страну удивившаго преславными чудодеянии,/ и всеми добродетельми украсившагося./ И по преставлении бо честное тело его обретеся нетленно,/ источающее велия чудеса./ Темже зовем ему:/ о всеблаженне!/ Моли Христа Бога непрестанно о всех нас.

Тропарь преподобномученика Макария, архимандрита Каневского глас 4
Христу, нас ради с Небес сошедшему,/ последовал еси в подвизех твоих,/ Макарие, отче наш./ Егоже моли о нас, ублажающих тя,/ прощение прегрешений даровати нам,/ любовию же и смирением сердца наша озарити/ и спасти души наша.

Ин тропарь преподобномученика Макария, архимандрита Каневского глас 4
Божественным желанием весь сам себе от юнаго возраста Господеви возложив,/ явился еси светильник светлый граду твоему,/ поучая всех истинней вере и житию богоугодному,/ священно-мучениче Макарие, Овручская похвало./ Сего ради, яко агнец непорочный, гонимый от распрелюбивых врагов,/ возшел еси во обитель Каневскую,/ идеже, яко пастырь добрый, душу твою положил еси за овцы твоя./ И ныне ко всечестней раце многоцелебных мощей твоих/ мы, грешнии, со умилением притекающе,/ дар исцеления приемлем, многострадальне:/ ты бо присно источаеши болящим здравие, печальным утешение/ и всем, чтущим тя, всякое исполнявши требование,/ моляся Христу Богу спастися душам нашим.

Ин тропарь преподобномученика Макария, архимандрита Каневского глас 8
Ко всечестней раце многоцелебных мощей твоих,/ преподобномучениче Макарие,/ мы, грешнии, притекающе, дар исцеления приемлем:/ ты бо присно источаеши болящим здравие, печальным утешение/ и всех, чтущих тя, всякое исполнявши требование,/ молящеся Христу Богу спастися душам нашим.

Кондак преподобномученика Макария, архимандрита Каневского глас 4
Нетленною красотою смиреннаго жития твоего/ Бога на земли прославил еси/ и Божественный веры чистоту/ сохраняти люди научил еси,/ страдальческими же подвиги кончину прием,/ от Бога прославлен явился еси,/ преподобномучениче Макарие, отче наш.

Ин кондак преподобномученика Макария, архимандрита Каневского глас 2
Постническое и равноангельное житие твое/ страдальческими уяснил еси подвиги/ и Ангелом совсельник, Богоблаженне, явился еси, Макарие,/ с нимиже Христу Богу моляся не престай/ о всех нас.

Тропарь мученика Созонта глас 4
Мученик Твой, Господи, Созонт,/ во страдании своем венец прият нетленный от Тебе, Бога нашего:/ имеяй бо крепость Твою,/ мучителей низложи,/ сокруши и демонов немощныя дерзости./ Того молитвами/ спаси душы наша.

Кондак мученика Созонта глас 2
Истиннаго и Богомудраго мученика,/ страдальца благочестия искуснаго,/ сошедшеся днесь, велегласно восхвалим Созонта таинника благодати,/ исцелений дателя богатейшаго:/ молит бо Христа Бога о всех нас.

Тропарь преподобного Серапиона Псковского глас 8
Изрядством жития чистоту девства приим, Серапионе,/ и вся красная мира сего возненавидев,/ Христа Единаго возлюбил еси./ Сего ради во внутреннюю пустыню вселився и со зверьми живый,/ весь Христов спостник и друг Евфросина учителя твоего был еси,/ тем же и молим тя, поминай нас, чтущих святую память твою, да зовем ти:/ радуйся, пустынныя похвало, преподобне отче наш.

Кондак преподобного Серапиона Псковского глас 4
От высокоумия искус прийм смиренномудрия,/ благодатию Божиею явился еси рачитель, Богоносне Серапионе./ Желанием бо Божественный любве вжигаем,/ житейския молвы оставль,/ ревнитель учителю твоему Евфросину был еси,/ безмолвием и жестоким пребыванием последуя Христу:/ бдением же, и молитвою, и постом образ был еси спостником твоим;/ ныне же молися Господеви, Богоблаженне,/ спастися душам нашим.

Pages: 1 2 3

В этот день:
Русская Православная Церковь отмечает память святых:

Воспоминание чуда святого Архистратига Михаила в Хонех (Колоссах) (IV).
Cвященномученик Кирилла, епископа Гортинского (III-IV).
Священномученика Димитрия пресвитера (1918).
Cвятого Ромила и с ним 11000 воинов (ок. 107-115).
Cсвятого Евдоксия , Зинона и Макария и с ними 1104 воинов (311-312).
Преподобного Давида
Святых мучеников Кириака, Фавста и Авива, и с ним 11-ти мучеников (ок. 250)
Преподобного Архиппа (IV).

Арапетской икон Божией Матери.
Киево-Братская икона Божией Матери (1654)

Храни вас Господь, Матерь Божия и все святые, их же память мы сегодня отмечаем!

Молитвы:
Тропарь Архангела Михаила глас 4
Небесных воинств Архистратиже,/ молим тя присно мы, недостойнии,/ да твоими молитвами оградиши нас/ кровом крил невещественныя твоея славы,/ сохраняя нас припадающих прилежно и вопиющих:/ от бед избави нас,// яко чиноначальник вышних сил.

Кондак Архангела Михаила глас 2
Архистратиже Божий,/ служителю Божественныя славы,/ Ангелов начальниче и человеков наставниче,/ полезное нам проси и велию милость,// яко безплотных Архистратиг.

Тропарь священномученика Кирилла, епископа Гортинского глас 3
Гласом божественным от темницы изведен,/ в Риме братию в божественней вере утвердил еси,/ и, от Ангела глаголы приим о святительстей пастве,/ во страдании своем паки гласу с Небесе сподобися,/ богоповеленный святителю и страдальче Кирилле,/ моли за души наша.

Кондак священномученика Кирилла, епископа Гортинского глас 3
Видев себе ради темничныя двери отверсты в полунощи/ и идолы сокрушены,/ и Гортинскую паству святительскую,/ от Бога повеленную, добре упас,/ и по Христе надеждно пострадав,/ священномучениче Кирилле,/ молися за чтущия тя.

Pages: 1 2 3

В этот день:
Русская Православная Церковь отмечает память святых:

Пророка Захарии  и прав. Елисаветы, родителей св. Иоанна Предтечи (I)
Память святого Урвана и еже с ним (370)
Память святого Авдия (V)
Память святых Фифаила и Фивеи (98-138).
Убиение святого князя Глеба, во св. Крещении Давида (1015).
Празднование святому Апостолу Петру, в Афире
Мученицы Раисы (Ираиды) (ок. 308).
Память святых Иувентина и Максима (361-363).
Преподобномученик Афанасий, игумен Брестский (1648)
Священномученика Алексия, архиеп. Великоустюжского, мч. Евфимия (1937).
Храни вас Господь, Матерь Божия и все святые, их же память мы сегодня отмечаем!

Молитвы:
Тропарь пророка Захарии глас 4
Священства одеждею обложен, премудре,/ по закону Божию всесожжения приятна священнолепно приносил еси, Захарие,/ и был еси светильник и зритель тайных,/ знамения в тебе благодати нося явственно, всемудре,/ и, мечем убиен быв в храме Божии,/ Христов пророче, с Предтечею моли// спастися душам нашим.

Ин.  Тропарь пророка Захарии и праведной Елисаветы. глас 2
Праведных Твоих Захарии и Елисавети, Господи, память празднующе,/ теми молим Тя:/ спаси душы наша.

Кондак пророка Захарии глас 3
Пророк днесь и священник Вышняго,/ Захария предложи, Предтечев родитель,/ трапезу своея памяти,/ верныя питая, питие бо правды всем растворив,/ сего ради скончавается,// яко божественный таинник Божия благодати.

Кондак праведной Елисаветы глас 4
Яко луна полна,/ Свет Правды от Мысленнаго Солнца Мессии прияла еси,/ и во всех заповедех Господних с Захарием ходила еси, Боговозлюбленная Елисавето./ Достойными убо Тя песньми ублажающе,/ Всещедраго Света, просвещающаго всех, Господа величаем.

Тропарь преподобномученика Афанасия Брестского глас 2
Блажен еси, отче наш Афанасие,/ яко верно пожил еси, стоя бодренно за святую Православную веру,/ со умилением присно поя неседальное Пречистей,/ заповедуя никомуже нарушати Православныя веры святыя,/ пострадав за свидетельство истины даже до смерти./ Мы же, чтуще святыню твою,/ со дерзновением взываем ти:/ отче наш, преподобномучениче Афанасие,/ похвало и украшение наше.

Кондак преподобномученика Афанасия Брестского глас 4
Монашескаго жития украшение и мучеников красоту явил себе житием твоим, Афанасие, и яко солнце пресветлое людям православным возсиял еси. Темже и Христос даром чудес обогати тя; да чтуще пресветлую память твою, зовем ти: поминай стадо твое молитвами твоими, преподобне.

Ин кондак преподобномученика Афанасия Брестского глас 2
Яко постника благочестна и искусна,/ и страдальца произволением честна,/ и пустыни жителя сообразна,/ в песнех достойно хвалим Афанасия приснохвальнаго,/ той бо змия попрал есть.

Тропарь благоверного князя Глеба глас 4
Мученик Твой, Господи,/ спасшеся веры ради,/ княже Глебе,/ труждающимся быстрый помощник/ и ненадежным надежа./ Ты бо болезни врачуеши притекающим к тебе с верою./ Темже и мы верою молимся/ от бед избави нас,/ чтущим любовию память твою.

Кондак благоверного князя Глеба глас 2
Днесь земля ублажается, напившися крови твоея,/ и храм освящается, приимши тело твое,/ великомучениче княже Глебе./ Желанием болезни твоея за грези предлагаема/ и удесы благоухания освящающи,/ подающи всему миру велию милость.

Pages: 1 2 3

В этот день:
Русская Православная Церковь отмечает память святых:

Священномученика Вавилы, еп. Великой Антиохии,  и с ним трех отроков (251).
Пророка Моисея (1531 г. до Р.Х.)
Святых мучеников Феодора, Мианы, Иулиана, и Киона-311).
Святого Вавилы Никомидийского и с ним 84 детей (IV).
Святой мученицы Ермионии (ок. 117).
Преподобномученик Парфений, игумен Кизилташский (1867)
Обретение мощей свт. Иоасафа, еп. Белгородского (1911).
Второе обретение мощей свт. Митрофана, еп. Воронежского (1989).
Собор Воронежских святых.
Икона Божией Матери «Неопалимая Купина» (1680)

Храни вас Господь, Матерь Божия и все святые, их же память мы сегодня отмечаем!

Молитвы:
Тропарь святителя Иоасафа глас 3
Святителю, Христу Богу возлюбленне,/ правило веры и образ милосердия людем был еси,/ бдением же, постом и молитвою,/ яко светильник пресветлый, просиял еси/ и прославлен от Бога явился еси:/ телом убо в нетлении почивая,/ духом же Престолу Божию предстоя,/ чудеса преславная источаеши./ Моли Христа Бога,/ да утвердит нас в Православии и благочестии// и спасет души наша.

Ин тропарь святителя Иоасафа Белгородского глас 2
Молитвенниче издетства преизрядный,/ Богоизбранный святителю Христов Иоасафе,/ правило веры и образ милосердия благочестным житием всем являвши/ и с верою к тебе притекающим обильно исцеления источаеши./ Моли Христа Бога, да утвердит правоверие, мир и благочестие и спасет души наша.

Кондак святителя Иоасафа глас 8
Многоразличныя подвиги жития твоего кто исповесть?/ Многообразныя милости Божия, тобою явленныя, кто исчислит?/ Дерзновение же твое у Пречистыя Богородицы и Всещедраго Бога добре ведуще,/ во умилении сердечнем зовем ти:/ не лиши и нас твоея помощи и заступления,// святителю Христов и чудотворче Иоасафе.

Тропарь священномученика Вавилы глас 4
И нравом причастник,/ и престолом наместник апостолом быв,/ деяние обрел еси, богодухновенне,/ в видения восход:/ сего ради, слово истины исправляя,/ и веры ради пострадал еси даже до крове,/ священномучениче Вавило,/ моли Христа Бога// спастися душам нашим.
Кондак священномученика Вавилы

Тропарь священномученика Вавилы глас 8
Яко благочестия проповедника и страдальцев утверждение,/ Церковь славит тя, Вавило славне, освещаема днесь;/ но, яко имея дерзновение ко Господу,/ в мире совершеннем величающия и восхваляющия тя сохранити// Христу молися, о многострадальне.

Тропарь пророка Моисея глас 2
Пророка Твоего Моисея память, Господи, празднующе,/ тем Тя молим:// спаси души наша.

Ин тропарь пророка Боговидца Моисея глас 2
На высоту добродетелей возшел еси пророче Моисее:/ и сего ради сподобился еси видети славу Божию,/ скрижали благодатныя закона прият/ и начертаний благодать в себе нося,/ и пророков был еси честная похвала,/ и благочестия великое таинство.

Кондак пророка Моисея глас 2
Лик пророческий с Моисеем и Аароном/ веселием днесь веселится,/ яко конец пророчествия их на нас исполнися:/ днесь сияет Крест, имже нас спасл еси;// тех молитвами, Христе Боже, помилуй нас.

Тропарь святителя Митрофана, епископа Воронежского. глас 4
Правило веры и образ кротости / словом и житием пастве твоей, отче смиренномудре Митрофане, был еси. / Темже и во светлостех святых / солнца светлейше возсиял еси, / венцем нетления и славы украшаемь, / моли Христа Бога / стране нашей и граду твоему в мире спастися.

Кондак святителя Митрофана, епископа Воронежского.глас 8
Воздержанием тело духу поработив,/ душу же равноангельну сотворив,/ святительскою одеялся еси одеждею, яко венец священства,/ и ныне, всех Владыце предстоя,/ моли, всеблаженне Митрофане, умирити и спасти души наша.

Тропарь Божией Матери пред иконой Ее Неопалимая Купина глас 4
Иже во огни купины неопалимый, древле Моисеем виденныя,/ тайну воплощения Своего от Неискусобрачныя Девы Марии Прообразовавый,/ Той и ныне яко чудес Творец и всея твари Создатель/ икону Ея святую чудесы многими прослави,/ даровав ю верным во исцеление недугом и в защищение от огненнаго запаления./ Сего ради вопием Преблагословенней:/ Надеждо христиан, от лютых бед, огня и грома избави на Тя уповающия, и спаси души наша яко Милосерда.

Pages: 1 2 3

В этот день:
Русская Православная Церковь отмечает память святых:

Священномученика Анфима, епископа Никомидийского, и с ним многих
Мученицы Василисы
Блаженный Иоанн Власатый, Милостивый, Ростовский, чудотворец
Собор Саратовских святых
Собор Казахстанских святых
Святой Фивы диаконисы (I).
Священномученика Пимена, (1918)
Святого Иоанникия II, патриарха Сербского (1349).
Священномученика Аристиона, еп. Александрии Сирийской.
Писидийская икона Божией Матери (608)
Храни вас Господь, Матерь Божия и все святые, их же память мы сегодня отмечаем!

Молитвы:
Тропарь священномученика Анфима глас 4
И нравом причастник,/ и престолом наместник апостолом быв,/ деяние обрел еси, богодухновенне,/ в видения восход:/ сего ради, слово истины исправляя,/ и веры ради пострадал еси даже до крове,/ священномучениче Анфиме,/ моли Христа Бога// спастися душам нашим.

Кондак священномученика Анфима глас 4
Во священницех благочестно пожив/ и мучения путь скончав,/ идольская угасил еси служения,/ поборник быв твоему стаду, богомудре./ Темже тя и почитает ныне, тайно вопиюще:/ от бед избави нас// твоими молитвами, приснопамятне Анфиме.

Тропарь блаженного Иоанна Власатого глас 8
Явился еси во граде яко в пустыни,/ в смиренномудрии, чистоте и в трудех, и подвизех, и в терпении мнозе, преблаженне отче Иоанне./ Взем бо Крест Христов последова Ему/ и бе в молитвах и псалмопении день и нощь,/ иноязычнаго речения о спасении всего мира христианскаго рода/ и преселился еси к Невечернему Свету./ Ныне же ко гробу Твоему вернии приходящий,/ моляся Господеви, Богородице и Предтечи, приемлют исцеления молитвами твоими./ Но присно за ны молися, блаженне отче Иоанне, спастися душам нашим.

Ин тропарь блаженного Иоанна Власатого глас 4
Явился еси во граде, яко в пустыни,/ смиреномудрием и чистотою,/ и взем крест Христов последова Ему/ в трудех и подвизех, и в терпении мнозе, преблаженне отче Иоанне./ И ныне моли о нас совершающих память твою,/ и усердно притекающих к раце мощей твоих,/ избавитися от бед, и душам нашим подати велию милость.

Кондак блаженного Иоанна Власатого глас 8
Христовою любовию уязвися, отче Иоанне блаженне,/ вышния красоты желая,/ земная же вся презре и ни во чтоже вмени./ И на земли ангельское житие препроводи,/ в вечный покой достиже,/ идеже глас празднущих,/ с нимиже молися за ны./ И душам нашим прощение,/ и телесем исцеление даруй.

Ин кондак блаженного Иоанна Власатого глас 2
Христовою любовию уязвися отче Иоанне блаженне,/ вышния красоты желая,/ земная же вся презре и ни вочтоже вмени,/ и на земли ангельское житие имея,/ преселился еси в вечный покой,/ идеже предстоя Христу Богу/ моли спастися нам и всему христианскому роду яко да зовем ти:/ радуйся преблаженне отче Иоанне.

Pages: 1 2 3

В этот день:
Русская Православная Церковь отмечает память святых:

Святого Маманта, отца его Феодота и матери Руфины (III).
Святого Иоанна Постника, патриарха Константинопольского (595).
Преподобные Антоний (1073) и Феодосий (1074) Печерские
Обретение мощей препеподобномученика Феодосия Тотемского (1796).
Священномученика Варсонофия, еп. Кирилловского, и с ним Иоанна пресвитера, прмц. Серафимы игумении и мучеников Анатолия, Николая, Михаила и Филиппа (1918).
Священномученика Дамаскина, еп. Стародубского, и с ним Евфимия, Иоанна, Иоанна, Владимира, Виктора, Василия, Феодота, Петра, Стефана пресвитеров и преподобномученицы Ксении (1937).
Калужская икона Божией Матери (1771)

Храни вас Господь, Матерь Божия и все святые, их же память мы сегодня отмечаем!

Молитвы:

Тропарь преподобных Антония и Феодосия глас 4
Звезды мысленныя,/ просиявшия на тверди Церковней,/ иноков Российских основание,/ песньми, людие, почтим,/ радостныя похвалы сим воздающе,/ радуйтеся, преблаженнии отцы, Антоние со Феодосием богомудрым,// присно молящиися о возследствующих и чтущих память вашу.

Ин тропарь преподобных Антония и Феодосия Печерских глас 3
Двоицу начальных российских светил почтим,/ Антония, Богом посланнаго, и Феодосия, Богом дарованнаго:/ тии бо первии, равноангельным в России житием просиявше от гор Киевских,/ осветиша отечествия нашего вся концы,/ и путь к Небеси правый многим показаша,/ и, первоотцы иноком бывше, лики спасаемых Богови приведоша,/ и ныне, предстояще в вышних немерцаемому Божества Свету, молятся о душах наших.

Кондак преподобных Антония и Феодосия глас 8
Двоицу великих отец и правило иноков светлое,/ умныя зари, онебесившия Российскую Церковь,/ кто по достоянию хвалами воспоет?/ Тии бо Престолу Божию предстоят./ Но яко имущии дерзновение к Святей Троице,/ Антоние преблаженне и Феодосие приснопамятне,/ молитеся о молебная вам приносящих// и любовию песньми вас ублажающих.

Ин кондак преподобных Антония и Феодосия Печерских глас 2
Твердыя столпы благочестия,/ недвижимая иноческих законоположений основания, и необоримыя стены Российския восхвалим:/ Антониа, возлюблыпаго Бога, и Феодосиа, возлюбленнаго Богом:/ труды бо онех и постническия подвиги прият паче всякаго всеплодия,/ Един во святых прославляемый.

Тропарь мученика Маманта глас 4
Мученик Твой Господи, Мамант,/ во страдании своем венец прият нетленный, от Тебе, Бога нашего: имели бо крепость Твою, мучителей низложи,/ сокруши и демонов немощныя дерзости,/ того молитвами спаси душы наша.

Кондак мученика Маманта глас 3
Жезлом, святе, от Бога тебе данным,/ люди твоя упаси, на пажитех живоносных:/ звери же невидимый и неукротимыя/ сокруши под ноги тя поющих:/ яко вси иже в бедах предстателя тя тепла, Маманте, имут.

Тропарь глас 4
Заступнице от враг иноплеменных Необоримая Калужския земли, / и Избавительнице от смертоносныя язвы Милостивая! / Избави рабы Твоя от всяких бед и болезней, / с верою и любовию прибегающия к чудотворней иконе Твоей, / и спаси души наша.

Тропарь Божией Матери пред иконой Ее Калужской глас 4
Заступнице от враг иноплеменных Необоримая Калужский земли/ и Избавительнице от смертоносныя язвы Милостивая!/ Избави рабы Твоя от всяких бед и болезней,/ с верою и любовию прибегающий к чудотворней иконе Твоей,/ и спаси души наша.

Кондак Божией Матери пред иконой Ее Калужской глас 6
Не имамы песней, ниже словес,/ како достойно восхвалити Тя,/ Мати Христа Бога нашего,/ явления ради чудотворный иконы Твоей земли Калужстей,/ токмо можем вопити Тебе:/ не отврати милости Твоей от нас/ и низпосли ю всем, притекающим к цельбоносней иконе Твоей.

Pages: 1 2 3

В этот день:
Русская Православная Церковь отмечает память святых:

Начало индикта — церковное новолетие
Преподобного Симеона Столпника (459) и матери его Марфы (ок. 428).
Праведного Иисуса Навина (XVI до Р.Х.).
Память святых 40 дев постниц и Аммуна, учителя их
Память святых мучеников Каллисты и родных ее братьев Евода и Ермогена
Мученика Аифала диакона, Персидского (380).
Иконы Божией Матери Александрийской,
Иконы Божией Матери Августовской (1914)
Иконы Божией Матери «Всеблаженная» (в Казани).
Миасинская (Азуровская) икона Божией Матери (864).
Иконы Божией Матери Черниговской-Гефсиманской (1869)

Храни вас Господь, Матерь Божия и все святые, их же память мы сегодня отмечаем!
Молитвы:

Тропарь Индикту (церковному новолетию) глас 2
Всея твари Содетелю,/ времена и лета во Своей власти положивый,/ благослови венец лета благости Твоея, Господи,/ сохраняя в мире люди и град Твой/ молитвами Богородицы и спаси ны.

Кондак Индикту (церковному новолетию) глас 2
В вышних живый, Христе Царю,/ всех видимых и невидимых Творче и Зиждителю,/ Иже дни и нощи, времена и лета сотворивый,/ благослови ныне венец лета,/ соблюди и сохрани в мире/ град и люди Твоя, Многомилостиве.

Тропарь преподобного Симеона Столпника глас 1
Терпения столп был еси,/ ревновавый праотцем, преподобне,/ Иову во страстех, Иосифу во искушениих,/ и безплотных жительству, сый в телеси,/ Симеоне отче наш,/ моли Христа Бога спастися душам нашим.

Кондак преподобного Симеона Столпника глас 2
Вышних ищай, нижним совокупляяйся,/ и колесницу огненную столп соделавый:/ тем собеседник ангелом был еси преподобне,/ с ними Христу Богу моляся/ непрестанно о всех нас.

Тропарь Божией Матери пред иконой Ее Всеблаженная глас 4
Торжество днесь празднуем светлое,/ се бо предлежит, о Всеблаженная, икона Твоя Всечестная,/ к ней же любовию сердца вси приходяще, Владычице,/ поклоняемся и тепло Тебе вопием:/ избави нас от бед и обстояний.

Кондак Божией Матери пред иконой Ее Всеблаженная глас 4
Во праздник Твой сошедшеся, вернии,/ священное ко славе Божией торжество Твое, Владычице, днесь всеблагоговейно совершаем,/ любовию же чтуще честную икону Твою,/ Тебе песнословим вси в радости:/ радуйся, Дево Честная Всеблаженная.

Тропарь Божией Матери пред иконой Ее Черниговской-Гефсиманской глас 5
Пречистая Владычице Богородице, упование всех христиан,/ понеже инаго упования не имамы разве Тебе,/ Всенепорочная Владычице моя, Госпоже Богородице,/ Мати Христа Бога моего./ Темже помилуй и избави мя от всех зол моих/ и умоли Милостиваго Сына Своего и Бога моего,/ да помилует окаянную душу мою,/ и да избавит мя от вечныя муки, и сподобит мя Царствия Своего.

Pages: 1 2 3

В этот день:
Русская Православная Церковь отмечает память святых:

Положение честного пояса Пресвятой Богородицы (395-408).
Святого священномученика Киприана, епископа Карфагенского 258).
Святого Геннадия, патриарха Константинопольского (471).
Святителя Иоанна, митр. Киевского.
Храни вас Господь, Матерь Божия и все святые, их же память мы сегодня отмечаем!

Молитвы:
Тропарь Положения честного пояса Пресвятой Богородицы глас 8
Богородице Приснодево, человеков покрове,/ ризу и пояс пречистаго Твоего телесе,/ державное граду Твоему обложение даровала еси,/ безсеменным рождеством Твоим нетленна пребывающи,/ о Тебе бо и естество обновляется и время./ Темже молим Тя мир граду Твоему даровати/ и душам нашим велию милость.

Кондак Положения честного пояса Пресвятой Богородицы глас 2
Богоприятное Твое чрево, Богородице,/ объемший пояс Твой честный/ держава граду Твоему необорима/ и сокровище есть благих неоскудно,/ едина рождшая Приснодево.

Кондак Положения честного пояса Пресвятой Богородицы глас 4
Честнаго пояса Твоего положение/ празднует днесь Твой, Препетая, храм/ и прилежно взывает Ти:/ радуйся, Дево,/ христиан похвало.

Pages: 1 2 3

В этот день:
Русская Православная Церковь отмечает память святых:

Святителя Александра, патр. Константинопольского
Перенесение мощей благоверного князя Александра Невского (1724).
Святителя Иоанна, патриарха Константинопольского
Святителя Павла, патриарха Константинопольского (784),
Свтятителя Евлалия, еп. Кесарийского.
Преподобного Александра Свирского (1533).
Обретение мощей благоверного князя Даниила Московского (1652)
Собор сербских святителей
Преподобного Христофора Римлянина (VI).
Преподобного Фантина чудотворца, в Солуни (IX-X).
Храни вас Господь, Матерь Божия и все святые, их же память мы сегодня отмечаем! .

Молитвы:
Тропарь благоверного князя Александра Невского глас 4
Познай свою братию, российский Иосифе,/ не в Египте, но на Небеси царствующий,/ благоверный княже Александре,/ и приими моления их,/ умножая жита людем плодоносием земли твоея,/ грады владычествия твоего ограждая молением// и православным христианом на сопротивныя споборствуя.

Кондак благоверного князя Александра Невского глас 4
Якоже сродницы твои Борис и Глеб/ явишася тебе с Небесе в помощь,/ подвизающемуся на Велгера Свейскаго и воев его,/ тако и ты ныне,/ блаженне Александре,/ прииди в помощь твоим сродником// и побори борющия ны.

Тропарь благоверного князя Даниила Московского глас 4
Явися, яко звезда пресветлая,/ благоверный и преподобный княже Данииле,/ в богопорученнем твоем граде Москве в жизни временней/ и просветися воздержанием, и всенощным стоянием, и постом,/ и молитвою, и слезами ко Всемилостивому Спасу/ за град свой Москву и за вся страны Российския земли./ И по преставлении твоем честныя твоя мощи/ источают исцеления неоскудно приходящим с верою,/ темже вопием ти:/ моли Христа Бога// спастися душам нашим.

Тропарь благоверного князя Даниила Московского глас 3
Явился еси в стране нашей,/ яко звезда пресветлая,/ благоверный княже Данииле,/ лучами света твоего озаряя град твой и обитель твою,/ людем православным поборник еси,/ пленным свободитель и нищим защитетель./ Моли Христа Бога/ державе Российстей даровати мир// и спасти души наша.

Ин тропарь благоверному князю Даниилу Московскому
глас 5
Благославная похвале и благосветлый венче/ царствующаго града Москвы,/ всеблаженне Данииле, отче наш./ Подвигом бо добрым подвизався,/ богоугодное течение совершил еси,/ всерадостныя некончаемыя жизни сподоблься,/ зриши Господа Бога,/ Емуже молися,/ благочествующим тя и лобызающим богохранимыя твоя и чудесоточныя мощи/ спасение и наследие Царства Небеснаго даровати.

Кондак благоверного князя Даниила Московского глас 8
Красоту мира сего, княжение и славу яко временная помышляя,/ и сего ради благочестно в мире пожил еси, блаженне княже Данииле,/ милостию, и молитвами, и иночеством Богу угодив,/ и по преставлении своем чудес дар приим от Христа Бога,/ и светильник явися пресветлый, просвещая своими чудесы,/ приходящим с верою подаеши скорое здравие и от бед избавляеши./ Темже Христова Церковь песньми славит тя, благочестивый княже Данииле,// царствующему твоему граду Москве великое утверждение.

Ин кондак святого благоверного князя Даниила глас 6
Еже по образу соблюд непреложно/ и яже в мире тленная оставив,/ со ангельскими лики предстоиши Христу,/ преподобне княже Данииле,/ никакоже забывая чад твоих,/ но милостивно посещая и глаголя им:/ аз есмь с вами и никтоже на вы.

Кондак святителей Александра, Иоанна и Павла глас 8
Христовою любовию распалаеми, славнии,/ и ярем Его приемшии — Крест Честный,/ подражатели Того жития явистеся/ и Божественный славы Его причастницы бысте,/ Александре Богомудре со Иоанном чудным и Павлом славным./ Темже, Престолу Его предстояще,/ прилежно молитеся за души наша.
Тропарь преподобного Александра Свирского глас 4
От юности, Богомудре, желанием духовным в пустыню вселився,/ единаго Христа возжелал еси усердно стопам в след ходити,/ темже и ангельстии чини зряще тя, удивишася,/ како с плотию к невидимым кознем подвизався, премудре,/ победил еси полки страстей воздержанием/ и явился еси равноангелен на земли,/ Александре преподобне,/ моли Христа Бога,/ да спасет души наша.

Кондак преподобного Александра Свирского глас 8
Яко многосветлая звезда днесь в странах российских возсиял еси, отче,/ вселився в пустыню, Христовым стопам последовати усердно возжелел еси/ и, Того святое иго на рамо твое взем — честный крест,/ умертвил еси труды подвиг твоих телесныя взыграния,/ темже вопием ти:/ спаси стадо твое, еже собрал еси, мудре, да зовем ти:/ радуйся, преподобне Александре, отче наш.

Тропарь святителя Евстафия, архиепископа Сербского глас 4
Избран от Бога, возлюблен от людей, / архиереов Божественная красото, / отче Евстафие, Ангелов сослужителю, / таин же Божественных проповедатель был еси,/ темже моли Христа Бога со всеми святыми / избавится от всяких зол / молитвами твоими, блаженне, / и спастися нам, / чтущим любовию святую память твою.

Кондак святителя Евстафия, архиепископа Сербского глас 6. Подобен: Еже о нас:
Свыше благодать прием от Бога, / во святительское подобие облеклся еси/ и от уст твоих благочестно всех научил еси покланятися Троице Единосущней. / Темже память твою чтуще,/ прославляем Бога, прославльшаго тя.

Тропарь святителю Савве, первому архиепископу Сербскому глас 3
Пути, вводящаго в жизнь,/ наставник, и первопрестольник, и учитель был еси:/ первее бо пришед, святителю Савво,/ отечество твое просветил есй/ и, породив тое Духом Святым,/ яко древа маслинная,/ в мысленнем рай насадил есй всеосвященная твоя чада./ Тем, яко апостолом и святителем сопрестольна/ чтуще тя, молим:/ моли Христа Бога/ даровати нам велию милость.

Ина служба святителя Саввы Сербскаго. Тропарь глас 8
Православия наставниче,/ благочестия учителю и чистоты,/ вселенныя светильниче,/ архиереов Богодухновенное удобрение,/ Савво премудре,/ ученьми твоими вся просветил еси,/ цевнице духовная,/ моли Христа Бога спастися душам нашим.

Pages: 1 2 3

Строгий пост.

В этот день:
Русская Православная Церковь отмечает память святых:

Усекновение главы Пророка, Предтечи и Крестителя Господня Иоанна
Поминовение православных воинов, за веру и Отечество на брани убиенных.
Храни вас Господь, Матерь Божия и все святые, их же память мы сегодня отмечаем!

Молитвы:
Тропарь Предтечи глас 2
Память праведнаго с похвалами,/ тебе же довлеет свидетельство Господне, Предтече:/ показал бо ся еси воистинну и пророков честнейший,/ яко и в струях крестити сподобился еси Проповеданнаго./ Темже за истину пострадав, радуяся,/ благовестил еси и сущим во аде Бога, явльшагося плотию,/ вземлющаго грех мира// и подающаго нам велию милость.

Кондак Предтечи глас 5
Предтечево славное усекновение/ смотрение бысть некое Божественное,/ да и сущим во аде Спасово проповесть пришествие./ Да рыдает убо Иродия,/ беззаконное убийство испросивши:/ не закон бо Божий, ни живый век возлюби,// но притворный, привременный.

Сказание об усекновении главы святого пророка, предтечи и крестителя Господня Иоанна

Pages: 1 2 3