В этот день:

Преподобного Исаакия исп., игумена обители Далматской (383). Прп. Иакова Галичского. Св. Хуберта Маастрихского, (727) Сщмч. Василия пресвитера (1942). Мч. Наталия. Мчч. Романа, Мелентия и Евплия. Св. Макрины, бабки свт. Василия Великого. Прпп. Исаии и Никанора Архангельских. Св. Венантия Галльского (374). Храни вас Господь, Матерь Божия и все святые, их же память мы сегодня отмечаем

Яко угодник Божий верный,/ по Христове Церкви ревностию разжегся,/ бразды Валентовы удержав,/ пророчески тому о затворении Церкве пагубную смерть предрекл еси, преподобие./ Темже присно моли о нас, чтущих тя, Исаакие преподобие.

Pages: 1 2 3

В этот день: Русская Православная Церковь отмечает память святых:

Святой преподобномученицы Феодосии, девы, Константинопольской (730). Святого, Христа ради юродивого Иоанна, устюжского чудотворца,  (1494). Святого Луки исповедника, архиепископа Симферопольского (1961). Обретение мощей преподобного. Иова, в схиме Иисуса Анзерского (2000). Память Первого Вселенского Собора (325) Священочемученник Иоанна диакона (1938). Мученик Андрея (1938). Сщмч. Иоанна диакона и мч. Андрея (1938). Свт. Александра, патр. Александрийского. Новомч. Андрея (Греч. ). Новомч. Иоанна Смирнского (1802). Последнего благ. греческого царя-мученика Константина. Сщмч. Олвиана, еп. Анеусийского с учениками (Греч.). Мчч. Кирилла, отрока Карела, Примола, Финода, Венуста, Гиссина, Александра, Тредентия и Иокунда Кесарийских в Каппадокии (253-259). Прав. Иоанна и Марии, Устюжских (XIII). иконы Божией Матери «Споручница грешных». Иконы Божией Матери «Недремлющее Око». Иконы Божией Матери Цесарская — Боровская.

Мц. Феодосии девы, Тирской. Тропарь, глас 4. Добродетель благоприятно, мученице, постигла еси,/ Христово приятелище бывши чистое/ святаго Духа дом возлюблен;/ отнюдуже посрамила еси врага, борющаго род человеческий,/ добре страдавшая,/ и посекла еси Копронима, Феодосие, мечем веры,/ и к чертогу Небесному преставилася еси, радующися./ Тебе верою чтущим/ присно проси велия милости.

Трудами живот нетрудный достигла еси,/ кровию же Копронима удавила еси, мученице,/ сквернаго врага Христовы Церкве, всеблаженная Феодосие,/ и с Вышними радуешися воинствы,/ чтущия память твою покрывающи.

Наготою телесною и терпением/ обнажил еси вражия коварствия,/ обличая неподобное его деяние,/ зельне стражда солнечный вар/ и нуждныя великия студени мраза,/ и огня не чул еси,/ Божиею помощию покрываемь,/ Иоанне премудре,/ моли о верою творящих память твою честно/ и усердно притекающих к раце мощей твоих,/ избавитися от бед и падения избежати.

Иоанне премудре,/ земныя славы не возлюбив,/ того ради яко неистов ся творя,/ желая Царство Небесное наследовати,/ ударения и укорения приемля,/ наготу и зной терпя,/ тем ныне со Ангелы ликуеши,/ моли Христа Бога о душах наших.

Вышния красоты желая,/ нижния сладости телесное ядение тщательно оставил еси,/ нестяжанием суетнаго мира возлюбил еси ангельское житие,/ преходя скончався, Иоанне блаженне,/ с нимиже моли Христа Бога непрестанно о всех нас.

Умолкает ныне всякое уныние/ и страх отчаяния исчезает,/ грешницы в скорбех сердца обретают утешения/ и небесною любовию озаряются светло./ Днесь бо Мати Божия простирает к нам спасающую руку/ и от Пречистаго образа Своего вещает, глаголя:/ Аз Споручница грешных к Моему Сыну,/ Сей дал Мне за них руце слышати Мя выну./ Темже людие, обремененнии грехми и скорбьми многими,/ припадите к подножию Ея иконы со слезами, вопиюще:/ Заступнице мира, грешных Споручнице!/ Умоли Матерними Твоими молитвами Избавителя всех,/ да Божественным всепрощением покрыет грехи наша/ и светлыя двери райския отверзет нам,/ Ты бо еси предстательство и спасение рода христианскаго.

Честное жилище бывшее/ неизреченнаго естества Божественнаго/ выше слова и паче ума/ и грешным еси Споручница,/ подававши благодать и исцеление,/ яко Мати всех Царствующаго:/ моли Сына Твоего/ получийти нам милость в День судный.

Неделя 1-я по Пятидесятнице, Всех святых

Преподобного Никиты исп., еп. Халкидонского (IX). Святителя Игнатия, еп. Ростовского (1288). Преподобной Елены Дивеевской (1832). Святого Андрея Христа ради юродивого Константинипольского (911). Прмч. Макария, Дионисия, сщмч. Николая диакона, мчч. Игнатия и Петра (1931). Св. Ираклия, исп (1936). Прмц. Гермогены (1942). Сщмч. Евтихия, еп. Мелетинского (I). Мч. Еликониды (244). Сщмч. Елладия еп. (VI-VII). Новомч. Димитрия (1794) (Греч.). Новомч. Захарии Прусского (1802) (Греч.). Прп. Софрония (Болг.). Свт. Германа, еп. Парижского (Галл.). Мчч. Крискента, Павла и Диоскора Римских (Греч.). Св. Вильяма Лангведокского (812) (Галл.). Св. Геронтия, митр. Московского (1489). Иконы Божией Матери «Никейской»(304), Иконы Божией Матери Чухломской (Галичской) (1350), Иконы Божией Матери Антиохийской Иконы Божией Матери «Умиление»

Молитвы:

Правило веры и образ кротости,/ воздержания учителя/ яви тя стаду твоему,/ Яже вещей истина./ Сего ради стяжал еси смирением высокая,/ нищетою богатая,/ отче Никито,/ моли Христа Бога/ спастися душам нашим.

Светлостию дел твоих просиял еси, преподобне,/ апостольскаго престола наследник был еси, Никите,/ и, яко солнце, облистал еси твоей пастве, отче,/ вся Божественных учений исполнь./ Темже зовем ти:/ радуйся, Халкидону удобрение.

Благоверия просвещся учении,/ святительства прием паству/ и апостолов наследник быв,/ тем приял еси от Бога дар чудес, святителю отче Игнатие,/ моли Христа Бога,/ да спасет души наша.

Явися днесь пресветлая память твоя,/ святителю преблаженне Игнатие,/ в мире светло сияющи и являющи всем Божественное сияние.

Бысть чрево Твое святая трапеза,/ имущи Небеснаго Хлеба, Христа,/ от Негоже всяк ядый не умирает,/ якоже рече всяческих,/ Богородице, Питатель.

Предстательство христиан непостыдное,/ ходатайство ко Творцу непреложное,/ не презри грешных молений гласы,/ но предвари яко Благая на помощь нас,/ верно зовущих Ти:/ ускори на молитву и потщися на умоление,/ предстательствующи присно, Богородице, чтущих Тя.

К Богородице со умилением припадем,/ вси грехми обремененнии,/ чудотворную Ея икону Умиление облобызающе/ и вопиюще со слезами:/ Владычице, приими моление недостойных раб Твоих/ и подаждь нам, просящим,/ велию Твою милость.

Pages: 1 2 3

В этот день: Русская Православная Церковь отмечает память святых:

Апостола от 70-ти Алфея (I). Влкмч. Георгия Нового, пострадавшего от царя Селима турецкого (1515). Обретение мощей прп. Макария Калязинского (1521). Мученика Александра Солунского (1794) (Греч.). Мчч. Аверкия и Елены (I). Прп. Иоанна Психаита исп. Константинопольского (IX). Свт. Августина Кентерберийского, благовестника Английского (605) (Кельт. и Брит.). Новосщмчч. Милана Бониака и Милана Голубовича Дрварских в Сербии (1941—1945). Селигерской-Владимирской иконы Божией Матери.

Молитвы:

Апостоле святый Карпе,/ моли Милостиваго Бога,/ да прегрешений оставление/ подаст душам нашим.

Яко звезду пресветлую, Церковь всегда стяжа тя, апостоле Карпе,/ чудес твоих многоподаванием просвещаема,/ спаси верою чтущих память твою.

Божественным желанием от юнаго возраста/ весь сам себе Господеви возложив,/ в молитвах и постех образ быв добродетели,/ богатство же, и славу, и доброродство телесное, яко не сущее, презрев,/ и Христа единаго от души возлюбил еси,/ и Того, истиннаго суща Бога, в Троице покланяема,/ пред нечестивыми турки проповедал еси,/ и, срацынскую веру, и законы Моамефовы под ногами поправ/ и мучителя ужасив,/ мучения венцем украсився, славне,/ к Небесным востекл еси ликостоянием,/ премудре Георгие./ Моли Христа Бога/ сохранити отечество твое и спасти люди и град,/ иже твоя подвиги присно почитающий.

Божественною уязвлен любовию,/ премудре Георгие славне,/ Христа Бога нечестивым проповедал еси/ и злочестие турское ногами попрал еси;/ мучения же венцем украсився,/ к Небесным востекл еси ликостоянием./ Моли Христа Бога/ сохранити отечество твое, град и люди,/ подвиги твоя присно почитающия.

Яко звезда пресветлая, явился еси непрелестная мирови,/ праведнаго солнца Христа возвещающи страдании твоими, страстотерпче,/ великий мучениче Христов Георгие,/ и прелесть погасил еси срацынскую,/ и Моамефова предания и законы под ногами твоими попрал еси,/ и беззаконнаго царя и мучителей ужасил еси крепким твоим терпением,/ и верным подаеши свет,/ моляся к Богу непрестанно/ о всех нас.

Плотская мудрования, отче Макарие,/ воздержанием и бдением умертвил еси,/ место бо, на немже поты твоя излиял еси,/ яко труба, вопиет к Богу,/ поведающи твоя исправления,/ и по смерти честныя твоя мощи источают исцеления./ Темже вопием ти:/ моли Христа Бога, да спасет души наша.

Яко древо насаждено при водах воздержания,/ струями слез твоих напаяемь,/ преподобие отче Макарие,/ сеяв бо со слезами, в радости жнеши добродетельный рукояти,/ тем Великий Мздодавец плоды трудов твоих прият/ и в житницах Небесных тя сокровище положи,/ но поминай чтущих любовию пресветлую память твою/ и моли Святую Троицу, преподобие Макарие,/ спастися душам нашим.

Слез твоих теченьми пустыни безплодное возделал еси/ и иже из глубины воздыханьми во сто трудов уплодоносил еси,/ и был еси светильник вселенней, сияя чудесы,/ Макарие отче наш, моли Христа Бога/ спастися душам нашим.

Яко финике псаломский во удолиих постнических процвел еси,/ трудов своих поты, яко плоды духовными, возвеличил еси над всеми Бога,/ но яко имея дерзновение ко Святей Троице,/ поминай нас, чтущих любовию святую память твою, да зовем ти:/ радуйся, преподобие Макарие, отче наш.

Вышних желая, воздержанием, и труды, и поты насладився,/ желание плоти твоей обуздав,/ чудес дар прием от Христа Бога,/ светильник явился еси пресветлый./ Темже Христова Церковь песньми славит тя,/ преподобие Макарие, отче наш.

Pages: 1 2 3

День Святого Духа.

Русская Православная Церковь отмечает память святых:

Память II Вселенского Собора (381). Мученика Василиска (ок. 308). Мученика Иоанна-Владимира, кн. Сербского (1015). Блаженного Якова, отрока Боровичского в Новгороде (1540). Сщмч. Михаила пресвитера (1942). Новосщмч. Захарии Прусского (1802) (Греч.). Мч. Маркелла и Кодрата (Греч.). Мц. Софии врачебницы (Греч.). Новомчч. Павла и Димитрия Трипольских (Греч.). Тупичевской иконе Божией Матери Кипрской икон Божией Матери

Молитвы:

Благословен еси, Христе Боже наш, / Иже премудры ловцы явлей, / низпослав им Духа Святаго, / и теми уловлей вселенную, / Человеколюбче, слава Тебе.

Егда снизшед языки слия,/ разделяше языки Вышний,/ егда же огненныя языки раздаяше,/ в соединение вся призва;/ и согласно славим Всесвятаго Духа.

Всех живота, Источника Приснотекущаго Божественных даров,/ Духа Всесвятаго,/ яко Отцу Единосущна/ и Сыну Соприсносущна,/ в песнех благоверно воспоим и величаим/ и яко Богу верою поклонимся.

Достойно есть воистинну величати Тя, Бога Слова,/ Егоже трепещут и ужасаются Херувими/ и славословят Силы Небесныя,/ от Девы непреложно воплощшагося/ Христа, Жизнодавца и Господа.

Во страдании крепок и мужествен явился еси и в чудесех предивен,/ явленно Христово имя преднося, мучителя посрамил еси./ Тем тя почитаем, Василиске, присно зовуще, всечестне:/ радуйся, мучеников светлая доброто.

Крест, явльшийся тебе с Небесе, светел проповедал еси,/ просветив языки ясно, Владимире славне,/ обагреньми кровей твоих украсився,/ сподобился еси почестей нетленных,/ предстояй Троице,/ тем со дерзновением/ моли спастися нам.

Крест, явльшийся тебе с Небес в блистании, всем проповедал еси,/ просветив языки верно, Владимире славне./ Искуплением же, кровьми твоими возблистав,/ сподобился еси мзды нелестныя, предстоя Троице./ Темже дерзновенно моли Христа спастися нам.

Яко сокровище многоценное/ и источник, точащ земным токи,/ недуги очищающий,/ нам подадеся тело твое священное,/ болезнем различным подающе исцеление/ и благодать Божественную притекающим к нему, да зовем ти:/ радуйся, княже Владимире.

Верою и любовию/ твое честное пренесение празднующих, блаженне,/ сохрани и соблюди от веяния злобы и соблазна змиина,/ имаши бо дерзновение ко Владьще всех, Христу Богу./ Бгоже моли спасти православныя люди,/ молящия тя, да вси вопием ти:/ радуйся, отче Иакове,/ всея Российския земли удобрение.

Божественною благодатною просветився,/ и по смерти даруеши исцеление/ притекающим к тебе, премудре Иакове:/ темже и мы ныне чтим честных мощей пренесение,/ веселяще вкупе души и телеса./ Тем вси вопием:/ слава Давшему ти крепость!/ Слава Венчавшему тя!/ Слава Действующему тобою всем исцеления!

Поученіе въ день св. Пятидесятницы. Архіеп. Николай Зіоровъ

Pages: 1 2 3

День Святой Троицы. Пятидесятница

В этот день: Русская Православная Церковь отмечает память святых: Равноапп. царя Константина и матери его царицы Елены Блгв. кн. Константина (Ярослава) (1129) и чад его Михаила и Феодора, Муромских чудотворцев (XII). Обретение мощей блж. Андрея Симбирского (1998). Преподобного Кассиана грека, Угличского чудотворца (1504). Собор Карельских святых. Собор Уфимских святых. Преподобномученика Агапита Маркушевского. Свт. Василия, еп. Рязанского. Св. Хоспиция, Триерского (Галл.). Новомч. Пахомия Патмосского, Афонского (Греч.). Сщмч. Секунда и всех кто с ним в Александрии (356). Св. Кирилла, еп. Ростовского (1262). Св. Елены Дечайской в Сербии (1350). Чтимые списки с Владимирской иконы Божией Матери: Псково-Печерская «Умиление», Заоникиевская, Красногорская (Черногорская), Оранская.

Молитвы:

Благословен еси, Христе Боже наш, / Иже премудры ловцы явлей, / низпослав им Духа Святаго, / и теми уловлей вселенную, / Человеколюбче, слава Тебе.

Егда снизшед языки слия,/ разделяше языки Вышний,/ егда же огненныя языки раздаяше,/ в соединение вся призва;/ и согласно славим Всесвятаго Духа.

Днесь светло красуется славнейший град Москва,/ яко зарю солнечную восприимши, Владычице,/ чудотворную Твою икону,/ к нейже ныне мы притекающе и молящеся. Тебе взываем сице:/ о, пречудная Владычице Богородице!/ Молися из Тебе воплощенному Христу Богу нашему,/ да избавит град сей/ и вся грады и страны христианския невредимы от всех навет вражиих,/ и спасет души наша, яко Милосерд.

К Взбранней Воеводе и Заступнице, Деве и Богородице,/ в чистей совести, верою утвердившеся, русстии народи,/ невозвратно надежду имуще, притецем,/ к чудотворному Ей и пречистому образу, и возопием Ей:/ радуйся, Невесто Неневестная.

Взбранной Воеводе победительная,/ яко избавльшеся от злых пришествием Твоего честнаго образа,/ Владычице Богородице,/ светло сотворяем празднество сретения Твоего/ и обычно зовем Ти:/ радуйся, Невесто Неневестная.

Радуйся, святая гора Красная, небеси подобная,/ слава бо Божия на Тебе возсия./ Взыграйте, горы и холми, веселием,/ яко на сей горе икона Божия Матере,/ честнаго Ея умиления, прославися./ Ликуйте, человецы, и веселитеся./ яко нам даровася богатство неотъемлемое, исцелении сокровище,/ гласы, якоже трубы, возшумите,/ прославляюще Ея чудеса преславная./ И Ты, Чистая, радуйся, яко с Тобою Господь.

На горе святей видяще Твою святую икону,/ Богородице, Мати Дево,/ поем Твоего светообразнаго лика изображение,/ поклоняемся Твоей святей иконе,/ почитаем оную,/ и славим той преславная чудеса,/ и сице зовем Тебе:/ радуйся, Невесто Неневестная.

Креста Твоего образ на Небеси видев/ и, якоже Павел, звание не от человек прием,/ в царех апостол Твой, Господи,/ Царствующий град в руце Твоей положи,/ егоже спасай всегда в мире молитвами Богородицы,/ едине Человеколюбче.

Константин днесь с материю Еленою/ Крест являют, всечестное древо,/ всех убо иудеев посрамление суще,/ оружие же на противныя верных людей:/ нас бо ради явися знамение велие/ и во бранех грозное.

Константин днесь весело ликовствует,/ предстоя престолу Святыя Троицы,/ видя отечествие свое, мастию духовною сияющее;/ емуже последоваша Михаил и Феодор, сынове его,/ и молятся вси трие вкупе о душах наших.

Изрядному воеводе и правоверному князю Константину с сынома его вкупе/ отечество его, хваляся, вопиет,/ имеющее его начальника и заступника,/ яко избавльшееся им от прелести и скверны идольския./ Сего ради вопием ему сице:/ радуйся, княже Константине преблаженне.

В тебе, отче Кассиане, известно спасеся еже по образу,/ восприем бо крест и последовав Христови,/ творил еси заповеди Его тщательне./ Темже ныне со Ангелы радуется, преподобне, дух твой.

Днесь град Углеч тобою хвалится,/ в концех бо его пресветло, яко велие солнце, возсиял еси/ и чудесы твоими вся озарил еси,/ и ныне молися Господеви,/ Кассиане преподобие,/ за град Углеч и обитель сию,/ и всяк град, и страну, и люди,/ иже верою тебе почитающия,/ и о спасении душ наших.

Днесь пресветло красуется славнейший Углеч град,/ церковь же Божия Матере вельми радуется,/ имеющи многоцелебныя в себе мощи великаго чудотворца,/ преподобнаго Кассиана, возсиявшаго от Рима,/ якоже солнце, всему миру, издалеча просвещающаго верных сердца,/ имже украси Бог церковь Матере Своей./ Темже ныне молим тя:/ буди покровитель и заступник непобедимый/ от всяких бед граду нашему/ и всем верным хранилище,/ притекающим в дом Божия Матере и кланяющимся тебе,/ преподобие угодниче Христов Кассиане,/ моли Христа Бога спастися душам нашим.

Яко светозарная звезда, пришел еси от востока на запад,/ оставль отечество и княжение твое Христа ради,/ и в царствующий град Москву пришел еси,/ и, промышлением Божественнаго разума направляемь,/ Углеча града достигл еси,/ и, близ его, над Волгою рекою, в пустыни Учме вселився,/ обитель сотворил еси, и церковь созда,/ и созва монахов во спасение;/ с нимиже моли о нас, чтущих память твою, да зовем ти:/ радуйся, преподобие отче Кассиане.

К Богородице со умилением припадем,/ вси грехми обремененнии,/ чудотворную Ея икону Умиление облобызающе/ и вопиюще со слезами:/ Владычице, приими моление недостойных раб Твоих/ и подаждь нам, просящим,/ велию Твою милость.

В этот день: Русская Православная Церковь отмечает память святых:

Благоверного Довмонта, во св. крещении Тимофея, Псковского (1299). Преподобного Стефана, игумена Сербского (Греч.). Мученика Фалалея, Александра и Астерия (ок. 284). Мученика  Аскалона (ок. 287). Преп. Завулона и Сосанны, родителей святой равноапостольной Нины (Нино). Прп. Фалассия мироточца, Ливийского. Прпп. Никиты, Иоанна и Иосифа, Хиосских. Св. Етелберта, короля и мученика (793) (Кельт. и Брит.). Св. Марка пустунника (Греч.). Св. Австрегиселия, еп. Бургского (624) (Нидерл...).

Молитвы:

Яко сокровище пребогатое, многодетно в земли сокровенное,/ честныя мощи твоя обретошася чудоточащия,/ всеблаженне отче святителю Алексие:/ от нихже врачевство приемлюще, обогащаемся/ и Христа славословим, глаголюще:/ слава прославляющему святыя Своя.

Апостольских преемников архиереев сопрестольниче,/ России всея пастырю и учителю,/ всеблаженне отче Алексие,/ Владыце всех молися/ мир пастве твоей даровати,/ и спасение душам,/ и велию милость.

Свыше от Бога глас глаголющ услышав,/ от юности подвизався, мудре,/ в молитвах, и во умилении, и слезах,/ во бдениих же и пощениих образ быв добродетели,/ отонюдуже и дом Духу Пречистому явися./ Сего ради Русския митрополии архиерейским саном почтен быв,/ Христово стадо упасл еси добре,/ еретическая нападения, не усумнеся, отрази/ и церкви воздвиже Христови, святителю Алексие,/ иночествующих лики собра/ и сих Христови привел еси./ Умре же, явися, яко спящ,/ цел соблюден бысть пред многими леты,/ подавая цельбы болящим./ Тем молим тя:/ моли Христа Бога спасти град твой Москву неврежден/ и страну и православный люди по велицей Его милости.

Яко светоносная память святителя/ всем разруши уныние/ и свет облиста Небесных даров,/ всех созывающи на веселие:/ от Бога бо, святителю Алексие, благодать обрете прогонити недуги/ и вся человеки исцеляти,/ и мнихом же степень показася.

Яко солнце незаходимое, от гроба возсия нам/ от мног лет сокровены честный твоя мощи нетленны,/ святителю Алексие,/ тобою благодать приемлем:/ всю бо страну сию и вся ны чудесы и добротою обогащавши,/ действом благодати, да поем ти:/ радуйся, отче, светило России.

Иже отчее нечестие возненавидев,/ преблаженне княже Доманте,/ и нощи страстныя избег, еже к идолом тщание,/ прииде мыслию к Солнцу славы — Христу,/ озарився благодатию Божественнаго Крещения,/ и ныне во свете Пресвятыя Троицы предстоя,/ моли Христа Бога сохранити и спасти православный люди/ и град твой от безбожных агарян,/ и латин нашествия, и междоусобныя брани/ и спастися душам нашим.

Духом Божиим наставляемь,/ отчее нечестие отвергл еси,/ святый благоверный княже Тимофее,/ потщался еси приити в богоспасаемый град Псков,/ в немже душу твою благодатию святаго Крещения просветив,/ верою и любовию обитель в себе сотворил еси Пресвятей Троице,/ Ейже непрестанно молися/ даровати душам нашим/ мир и велию милость.

Любовию Христовою уязвися, преблаженне княже Доманте,/ ум вперив зарею Духа,/ идольскую прелесть отеческаго нечестия возненавидев,/ порождением святьш купели Тимофей наречен еси,/ слезами и милостынею ко Христу присвоився,/ и жизни сей течение добре скончав,/ веру непорочну соблюд,/ и ныне молим тя:/ моли Пресвятую Троицу и Пречистую Богородицу/ за град Псков и за всех, притекающих к раце мощей твоих,/ избавитися нам от всяких зол,/ да тебе вси, яко тепла заступника, непрестанно почитаем.

Слово в Троицкую родительскую субботу протоиерея Павла Адельгейма

Pages: 1 2 3

В этот день: Русская Православная Церковь отмечает память святых: Преподобного Корнилия, чудотворца Комельского (1537). Благоверного вел кн. Димитрия Донского (1389). Преподобного Корнилия, игумена Палеостровского, Олонецкого (ок. 1420). Собор Харьковских святых. Преподобного Иоанна, еп. Готфского (VIII). Блгв. кн. Иоанна Угличского, в иночестве Игнатия, Вологодского (1523). Преподобного Сергия Шухтомского (1609). Священномученика Онуфрия, ариеп. Курского (1938). Вступление в Грузию Равноап. Нины (Нино), просветительницы Грузии (323). Мученика Калуфа Египтянина (284-303). Священномученика Патрикия, еп. Прусского, и дружины его: Акакия, Менандра и Полиена пресвитеров (II-III). Сщмч. Виктора (1937). Сщмчч. Антония, еп. Белгородского, и с ним Митрофана, Александра, Михаила, Матфея, Ипполита, Николая, Василия, Николая, Максима, Александра, Павла и Павла пресвитеров и мчч. Михаила и Георгия (1938). Прмч. Валентина (1940). Свт. мчч. Парфения и с ним брата его Калогерия (250). Свт. Дунстана, архиеп. Кентерберийского (988) (Кельт. и Брит.). Мчч. и исп. монахов Иоанна, Конона, Иеремии, Кирилла, Феоктиста, Варнавы, Максима, Феогносия, Якова, Геннадия, Герасима, Марка и Германа Кипрских, пострадавших от латинян (1231). Мцц. Кириаки и Феотимы (311) (Греч.).

Молитвы:

Яко светосиянен добротою священства/ и мучения кровию преукрашен,/ с пострадавшими с тобою, Патрикие, Христу предстоя,/ о нас поминай,/ яко страдалец честный.

От юности горящим желанием Божественныя любве разжигаемь,/ житейския молвы оставил еси, преподобне,/ ревнитель Антонию Великому быв,/ безмолвием и жестоким пребыванием последуя Христу,/ бдением, и молитвами, и постом образ был еси твоим учеником./ Темже молися Господеви, Корнилие блаженне,/ спастися душам нашим.

Постническими труды нетрудную жизнь стяжа, преподобие,/ слезами же мысленнаго фараона потопил еси/ и вместо скорби радость обрел еси,/ предстоя Христови в лице святых,/ поминай молящихся чад твоих, Корнилие, отче наш.

Господеви, от Святыя Девы возсиявшу мирови,/ и Тому измлада, яко Ангел, послужил еси, блаженне,/ и силою Его пустыню, яко град, сотворил еси,/ множество же ученик в ней собрал еси,/ ихже Богодохновенными ученьми просветил еси./ Тем вопием ти:/ радуйся, отче наш Корнилие, иноком Божественное удобрение.

От юности, премудре, прилежно подвизався,/ от Бога наставляемь,/ отечество свое оставль — град Псков,/ и вселися в пустыню,/ во отоце великаго езера Онега,/ иноки собра мудре/ и извещением Святаго Духа обитель согради/ и храм созда Пресвятей Богородице/ в похвалу Рождества Ей,/ струями же слез твоих/ безплотныя враги погрузил еси/ и жития твоего целомудрием со ангельскими лики совокупися,/ преподобие отче Корнилие,/ с нимиже Христа Бога моли/ спастися душам нашим.

Яко Ангел во плоти, на земли показася,/ пощением насажден быв, преподобие отче Корнилие,/ наставник иноком многим был еси,/ сего ради вопием ти:/ моли Христа Бога спастися душам нашим.

В житии своем многи скорби претерпел еси, блаженне,/ и терпения ради венец от Бога приял еси,/ и по смерти своей чудотворец показался еси,/ того ради память твою песньми почитаем,/ преподобие отче наш Игнатие,/ молися, предстоя Святей Троице,/ державе сродник твоих богоугодней быти/ и сыновом Российским спастися.

Чисто житие на земли пожил еси,/ душу и тело без скверны соблюл еси/ и терпения ради, своего мзду восприял еси./ И ныне на Небесех со Ангелы веселяся, преподобие отче Игнатие,/ молися непрестанно Христу Богу о всех нас, почитающих память твою/ и притекающих к раце мощей твоих.

Изрядная отрасле благочестиваго корене,/ дивный благородный цвете,/ избранный от пелен благодатию Христовою,/ возлюбленный от юности Духом Святым,/ девственное процветение, Игнатие блаженне,/ днесь, сошедшеся, вернии, в память твою,/ похвальными венцы честную твою главу венчающе, зовем:/ радуйся, преподобие, сосуде Святаго Духа, всея Российской земли удобрение.

Бденными молитвами и потоки слезными пустыню напоил еси/ и из глубины воздыханьми ю расплодил еси/ и бысть постнически равно Ангелом житие твое;/ страдальчески бореньми, яже от бесов и от ненаказанных человек, претерпел еси/ и Ангелом собеседник явися,/ Божественнаго винограда насеятель быв;/ и, оставив временное житие, преселился еси в жилище Небесное./ Темже тя почитаем, преподобне отче наш Сергие,/ моли Христа Бога спастися душам нашим.

Pages: 1 2 3

В этот день: Русская Православная Церковь отмечает память святых:

Святителя Исаии, еп. Ростовского, чудотворца (1090). Святителя Макария (Глухарева) архиман. Алтайского (1847). Благоверного царевича Димитрия, Угличского и Московского (день убиения) (1591). Преподобного Пахомия Нерехтского (1384). Преподобнго Евфросина и ученика его Серапиона, Псковских (1481). Св. Варвара Мироточивого Св. Арефы Верхотурского и Валаамского (1903). Преподобного Исаии Печерского (1115). Прп. Ахиллия, еп. Ларисийского (ок. 330). Св. Андрея пустынника и чудотворца (Греч.). Новомч. архиеп. Пахомия Черниговского (1938), брата его архиеп. Аверкия (1927), отца их иерея Николая (Кедрова) (1936), зятя их иерея Владимира (Загарского) (1937). Свмц. Димфны Гильской во Фландрии (VII). (Нидерл.). Св. Халлварда Хусабийского.

Молитвы:

Слез твоих теченьми пустыни безплодное возделал еси,/ и иже из глубины воздыханьми во сто трудов уплодоносил еси,/ и был еси светильник вселенней, сияя чудесы, Пахомие отче наш,/ моли Христа Бога спастися душам нашим.

Светильник светел показался еси в концех,/ пустыню же грады сотворил еси множествы монашескими,/ сам себе распен, крест твой на рамо взем,/ и воздержанием тело изнурил еси,/ моля непрестанно о всех нас.

Православия наставниче,/ благочестия учителю и чистоты,/ Ростову пресветлый светильниче,/ святителем Богодохновенное удобрение,/ Исаие премудре,/ учением бо твоим вся Российския концы просветил еси благодатию духовною,/ святителю блаженне,/ моли Христа Бога, да спасет души наша.

В иноцех святыя лавры Печерския/ благоискусен показавыйся/ и во архиерейстем сане добр пастырь/ своему стаду, Боголюбезне Исаие, бывый,/ моли о нас Пастыреначальника Христа Бога/ да помилует и спасет души наша.

Яко гром, возгремел еси Божественными твоими учении в Российстей земли/ и явился еси светильник пресветел,/ осияя светом Богоразумия, Исаие блаженне./ Темже вопием тй:/ Христа Бога моли непрестанно о всех нас.

Царскую диадиму обагрил еси кровию твоею,/ Богомудре мучениче,/ за скиптр Крест в руку приим,/ явился еси победоносец/ и жертву непорочну Владыце принесл еси себе:/ яко бо агнец незлобив, от раба заколен еси./ И ныне, радуяся, предстоиши Святей Троице,/ молися о державе сродников твоих богоугодней быти/ и сыновом российским спастися.

Яко благочестиваго корене Боголюбивый произыде плод,/ яко агня незлобиво, неповинно во младенстве заклан бысть/ от властолюбца вкупе и злаго раба./ Тем, яко златыми крылы,/ душевною чистотою и младенческим незлобием/ к Небесней высоте возлетел еси, страстотерпче Димитрие./ И ныне,кровь твоя от земли тайно вопиет к Богу,/ яко Авеля праведнаго./ Сего ради покланяемся верою ти,/ славяще прославльшаго тя Бога,/ Егоже моли стране нашей богоугодней быти/ и сыновом русским спастися.

Всеоружеством Духа благодати вооружен быв/ и необорим столп и утверждение отечеству своему показася,/ яко агнец незлобивый, от врага неправедно заклан быв/ и в жертву непорочну Господеви принесеся./ И ныне дар благодати от всех Подвигоположника прием,/ источавши всем исцеление, достохвальне благоверный царевичу княже Димитрие./ Слава Восприимшему тя от земных в Небесная,/ слава Венчавшему тя венцем неувядаемым,/ слава Действующему тобою всем исцеление.

Возсия днесь в славней памяти твоей верным веселие,/ яко бо доброрасленный грезн, прозябл еси/ и Христу красен плод принесл еси себе;/ темже и по убиении твоем соблюде тело твое нетленно,/ страдальчески обагреное кровию./ Благородие святе Димитрие,/ соблюдай отечество твое и град твой невредим,/ тому бо еси утверждение.

Житейскую печаль и всяк мятеж мира сего/ любве ради Христовы со дерзновением отвергл еси, блаженне,/ и повеленная распятым Господем Иисусом Христом/ вся исправил еси,/ и, Того ярем взем, во всем воли Его повинулся еси,/ и, благочестив делатель, животным заповедем Христовым/ благотрудно прилежал еси./ И сего ради Бог прослави тя/ и по преставлении чудеса показа от честнаго гроба твоя,/ Темже и неоскудно угобзися обитель твоя,/ и нищим бысть богатное пристанище и покров,/ отче наш преподобне Евфросине,/ моли Христа Бога, да спасет души наша.

Изволением Божественнаго разума вселися в пустыню/ и тамо вперив свой ум в Небесныя обители/ и равно Ангелом житие пожив на земли,/ в молитвах, и в трудех, и в пощениих образ быв своим учеником./ Темже Бог, видев твое благое изволение,/ умножи тебе чада в пустыни,/ слез твоих тучами напаяема,/ но, яко имея дерзновение к Богу,/ поминай стадо свое, еже собрал еси, мудре,/ и не забуди, якоже обещался еси, посещая чад своих,/ Евфросине, преподобие отче наш.

Божиим светолитием просвещен, отче,/ постническое стяжав жительство, преподобие,/ иноком предобрый наставниче и постником благое украшение./ Сего ради Господь, труды твоя видев, даром чудес обогати тя,/ источавши бо исцеления./ Мы же, радующеся, вопием ти:/ радуйся, отче Евфросине, иноком удобрение.

Житейских молв, преподобне, отвергся/ и, яко птищ, обрете себе в пустыни безмолвие,/ в молитвах и бдении прилежа Богови,/ преподобне отче Пахомие,/ и остави древнее пребывание,/ и отыде в пустыню, и в ней водворися,/ и состави обитель во Имя Пресвятыя Троицы,/ и процвел еси, аки финикс,/ и бысть образ утешения духовнаго./ Темже, преподобне Пахомие,/ моли Пресвятую Троицу/ спастися душам нашим.

Неделя 7-я по Пасхе, святых отцев I Вселенского Собора

Русская Православная Церковь отмечает память святых: Мученика Исидора (251). Блаженного Исидора, Христа ради юродивого, Ростовского чудотворца (1474). Преподобного Никиты, затворника Печерского, еп. Новгородского (1109). 1-е открытие мощей свт. Тихона, еп. Задонского (1846). Мученика Максим Азийского (ок. 250). Преподобного Серапиона Синдонита (V). Святителя Леонтия, патриарха Иерусалимского (1175). Св. Матфея, иеромонаха Ярамского на Вятке (1927). Сщмч. Петра пресвитера (1939). Новомч. Марка Критского, в Смирне (1643) (Греч.). Свт. Апрункула, еп. Клермонского, в Галлии (Галл.). Cвв. мчч. Александра, Варвара и Аколифа (Греч.). Св. Андрея, настоятеля Рафаельского (Тобольского) (1820). Теребенской иконы Божией Матери (1654) Ярославской (Печерской) иконы Божией Матери (1823). Икона Божией Матери Челнская (Умиление)

Молитвы:

Мученик Твой, Господи, Исидор/ во страдании своем венец прият нетленный от Тебе, Бога нашего,/ имеяй бо крепость Твою/ мучителей низложи,/ сокруши и демонов немощныя дерзости./ Того молитвами/ спаси души наша.

Управитель превеликий вселенней ты явился еси, святе,/ твоими к Богу молитвами,/ темже воспеваем тя днесь,/ мучениче Богомудре,/ Исидоре преславне.

Блж. Исидора, Христа ради юродивого. Тропарь, глас 4. Просветився Божественною благодатию, Богомудре,/ целомудрием многим и терпением/ во временней жизни течение добре скончал еси./ Тем и по смерти яви тя светлость жития твоего:/ источавши бо исцелений благодать/ иже с верою притекающим ко святому твоему гробу,/ Исидоре блаженне,/ моли Христа Бога,/ да спасет души наша.

Блаженного Исидора. Ин тропарь, глас тойже. От земли Воззвавый тя на вечныя обители,/ соблюдает и по смерти тело твое невредимо,/ святе Исидоре,/ ты бо в целомудрии и чистоте жития пожил еси, блаженне,/ не осквернив своего телесе,/ темже со дерзновением Христа Бога моли/ спастися душам нашим.

Блаженного Исидора. Ин тропарь, глас 1. Божественною свыше просветився благодатию, Богомудре,/ многим терпением во временней жизни течение совершил еси,/ темже и по успении источавши чудеса/ иже с верою приходящим к раце мощей твоих, Исидоре всеблаженне./ Слава Давшему ти крепость,/ слава Прославльшему тя в чудесех,/ слава Действующему тобою всем исцеления.

Верою память твою, блаженне, совершающий,/ соблюдай от всякия злобы и соблазна змиина,/ имаши бо дерзновение ко всех Владыце, Христу Богу,/ Егоже моли избавитися от бед и напастей рабом твоим,/ Богомудре Исидоре.

Взбранному и дивному в праведницех,/ иже убо от Христа дар чудес приимшему,/ похвальный ныне принесем глаголы,/ но яко имея дерзновение ко Святей Троице,/ Юже моли избавитися от бед рабом твоим, да зовем ти:/ радуйся, Богомудре Исидоре.

Небеснаго пространства желая,/ от юности в тесне месте затворился еси,/ в немже прельщен быв от врага,/ паки смирением и послушанием победил еси прелестника крепце, Никито,/ и ныне, предстоя Христови,/ моли спастися всем нам.

Победив вражия лести добле/ и светло добродетельми просияв,/ святительства одеждою облеклся еси, преславне Никито,/ в немже светом жития твоего и чудесы сияя паче солнца,/ многих просветив, привел еси Христови,/ Егоже моли о нас, поющих тя.