Проповеди
Святки. Пост отменяется
В этот день:
Русская Православная Церковь отмечает память святых:
Апостол первомученик и архидиакон Стефан (ок. 34)
Св. Маврикия и Фибанского легиона (302).
Прп. Феодора Начертанного, исп., брата Феофана, творца канонов (ок. 840)
Обретение мощей прп. Ферапонта Белоезерского, Можайского (1514).
Свт. Феодор, архиеп. Константинопольский (ок. 686)
Прп. Луки, монаха Триглийского. (конец Х)
Священномученика Тихона, архиеп. Воронежского (1919).
Мученицу Антонину Брянских (1937).

Храни вас Господь, Матерь Божия и все святые, их же память мы сегодня отмечаем!

Молитвы:

Ап. первомч. и архидиакона Стефана. Тропарь, глас 4.
Подвигом добрым подвизался еси,/ первомучениче Христов и апостоле,/ и мучителей обличил еси нечестие./ Камением бо побиен от рук беззаконных,/ венец от яже свыше десницы приял еси,/ и к Богу взывал еси вопия:/ Господи, не постави им греха сего.

Ап. первомч. и архидиакона Стефана. Ин тропарь, глас 3.
Апостолом совсельник/ и страстотерпцем первострадалец,/ Христов служитель, прехвальне Стефане,/ первее бо совершив мучения течение,/ безчисленныя роды человек равно Подвигоположнику Христу приведе./ Темже яко апостола и страдальца верховнаго/ чтуще тя, молим:/ моли Христа Бога/ даровати нам велию милость.

Ап. первомч. и архидиакона Стефана. Кондак, глас 3.
Владыка вчера нам плотию прихождаше,/ и раб днесь от плоти исхождаше./ Вчера Царствуяй плотию родися,/ днесь раб камением побивается;/ Того ради и скончавается первомученик и Божественный Стефан.

Прп. Феодора Начертанного, исп. Тропарь, глас 8.
Православия наставниче,/ благочестия учителю и чистоты,/ вселенныя светильниче,/ монашествующих Богодухновенное удобрение,/ Феодоре премудре,/ ученьми твоими вся просветил еси, цевнице духовная;/ моли Христа Бога спастися душам нашим.

Прп. Ферапонта Белоезерского. Тропарь, глас 4.
Житием чистым просветився,/ в молитвах и постех пустыни явился еси доброе прозябение/ и, духовному твоему учителю последствуя,/ ум свой к Небесным управль,/ стаду твоему наставник был еси,/ тем тя молим, отче Ферапонте,/ моли Христа Бога спастися душам нашим.

Прп. Ферапонта Белоезерского. Кондак, глас 4.
Преблагий Спас наш Христос/ умножил есть милость Свою к нам,/ даровав нам в заступника и целителя/ преподобнаго отца нашего Ферапонта,/ иже просвещает нас образом святаго жития своего/ и ныне молитвами своими ограждает обитель свою от врагов и от разрушения,/ страну сию от глада и напрасный смерти,/ чтущих же память его всех/ от болезней и от лютых страстей.

Pages: 1 2 3

Проповеди
В этот день:
Русская Православная Церковь отмечает память святых:
Мученика Флорентия Солунского (I-II).
Священномученика Карпа Пергамского (251).
Мученика Вениамина диакона Персидского (421-424).
Преподобный Лука Деменский, игумен (995)
Священномученика Иакова Хаматурского, игумена (XIII)
Преподобного Вениамина Печерского, в Дальних пещерах (XIV).
Мученицы Хрисы (Златы) (1795) (Болг.).
Святителя Антония Чкондидского (1815) (Груз.).
Священномученика Иннокентия Кикина (1937)
Священномученика Николая Ермолова (1937).
Преподобного Никиты исп.
Святого Ванантия Турского (Галл.).
Святого Мелетия, патриарха Александрийского (1601).
Иверской иконы Божией Матери (принесение в Москву в 1648 г.).
Седмиезерной иконы Божией Матери (XVII)

Храни вас Господь, Матерь Божия и все святые, их же память мы сегодня отмечаем!

Молитвы:
Тропарь Божией Матери пред иконой ее Иверской глас 1
Дерзость ненавидящих образ Господень/ и держава нечестивых безбожно в Никею прииде,/ и посланнии безчеловечно вдовицу,/ благочестно чтущую икону Богоматере, истязуют,/ но тая нощию с сыном икону в море пусти, вопиющи:/ слава Тебе, Чистая,/ яко непроходимое море плещи своя подаде,// слава правошествию Твоему, едина Нетленная.

Тропарь Божией Матери пред иконой ее Иверской глас 1
От святыя иконы Твоея,/ о Владычице Богородице,/ исцеления и цельбы подаются обильно/ с верою и любовию приходящим к ней./ Тако и мою немощь посети,/ и душу мою помилуй, Благая,// и тело исцели благодатию Твоею, Пречистая.

Кондак Божией Матери пред иконой ее Иверской глас 8
Аще и в море ввержена бысть святая икона Твоя, Богородице,/ от вдовицы, не могущия спасти сию от врагов,/ но явилася есть хранительница Афона/ и вратарница обители Иверския, враги устрашающая/ и в православней Российстей стране// чтущия Тя от всех бед и напастей избавляющая.

Тропарь мучеников глас 4
Мученицы Твои, Господи,/ во страданиих своих венцы прияша нетленныя от Тебе, Бога нашего,/ имуще бо крепость Твою,/ мучителей низложиша,/ сокрушиша и демонов немощныя дерзости./ Тех молитвами// спаси души наша.

Кондак мучеников глас 4
Яко сокровище многоценное, Владыка,/ и источник, источающ токи исцелений,/ сущим на земли подаде мощи ваша,/ недуги убо отъемлющия страстей различныя,/ благодать же дающия душам непрестанно./ Темже согласно любовию// ваше, мученицы Божественнии, совершаем торжество.

Ин кондак мучеников Карпа, Папилы диакона, Агафодора и мученицы Агафоники глас 4
Венченосцы явльшеся днесь в мире,/ премудрии, с Карпом Папиле,/ просвещаете всех,/ иже верою и веселием чтущих память вашу.

Тропарь преподобного Вениамина Печерского, в Дальних пещерах глас 2
Добр купец бысть, Богомудре Вениамине,/ богатство бо свое тленно раздав,/ купил еси оным нетленное в Царствии небеснем,/ в немже ныне тамошних благ наслаждаяся богатне,/ проси нам мира и велия милости.

Кондак преподобного Вениамина Печерского, в Дальних пещерах глас 8
Куплю житейскую яко тщетную оставль/ и шед, купил еси себе многоценен бисер Христа,/ Емуже во иночестем образе/ труды и подвиги, безменством же и послушанием, преподобне Вениамине, благоугождая,/ приял от Него велию и богатую милость.

Pages: 1 2 3

Проповеди
Успенский пост

В этот день:
Русская Православная Церковь отмечает память святых:
Святые мученики Фотий и Аникита (305-306).
Святой священномученик Александр, епископ Команский (III).
Святых мучеников Памфила и Капитона
Преподобномученика Варлаама (Коноплёва), архимандрита Белгородского и еже с ним, (1918).
Священномученика Василия пресвитера.
Преподобного Паламона Египетского
Гареджских преподобномучеников
Священномучеников Леонида, пресвитера (1937).
Священномученика Иоанна, пресвитера (1937).
Священномученика Николая, пресвитера (1937).

Храни вас Господь, Матерь Божия и все святые, их же память мы сегодня отмечаем!

Молитвы

Тропарь мучеников Фотия и Аникиты глас 4

Мученицы Твои, Господи,/ во страданиих своих венцы прияша нетленныя от Тебе, Бога нашего,/ имуще бо крепость Твою,/ мучителей низложиша,/ сокрушиша и демонов немощныя дерзости./ Тех молитвами// спаси души наша.

Кондак мучеников Фотия и Аникиты глас 2
Божественныя, вернии, и храбрыя/ ублажим супруги Христовы славныя,/ и похвалим, яко твердыя проповедники благочестию/ и суща рачители, Фотия и Аникиту,/ и песньми и хвалами венчаем.

Pages: 1 2 3

Проповеди
Успенский пост

В этот день:
Русская Православная Церковь отмечает память святых:
Преподобных Феодора и Василия, иноков Киево-Печерских (1098).
Святой мученицы Сосанны девы и иных с нею мучеников (295-296).
Святитель Нифонт, патриарх Константинопольский
Святого мученика Евпла диакона (304).
Преподобный Феодор Васильевич Острожский, Печерский, князь (ок. 1438).
Преподобный Иоанн Святогорский, затворник, чудотворец
Воспоминание чуда святителя Спиридона с Агарянами
Святитель Жери Брюссельский, епископ Камбре и Арраса
Святитель Блэйн Бьютский
Преподобный Пассарион Палестинский, хорепископ

Храни вас Господь, Матерь Божия и все святые, их же память мы сегодня отмечаем!

Молитвы:
Тропарь мученика архидиакона Евпла глас 4
Мученик Твой, Господи, Евпл/ во страдании своем венец прият нетленный от Тебе, Бога нашего,/ имеяй бо крепость Твою,/ мучителей низложи,/ сокруши и демонов немощныя дерзости./ Того молитвами// спаси души наша.

Кондак мученика архидиакона Евпла глас 1
Законы Христовы в руку обнося,/ предстал еси, вопия врагом, в подвизе:/ самозван есмь страдальчествовати твердейши./ Темже, приклонив радостно выю твою,/ подъял еси усечение мечем,// скончавый течение твое.

Тропарь преподобного Феодора, князя Острожского, Печерского, в Дальних пещерах глас 7
Преобразил еси земнаго княжения славу / во иночества образ смиренный, / и вместо врагов видимых / на невидимыя ополчился еси, / и, обою победитель красен являяся, / един от чудотворец Печерских показался еси; / темже и нам ревности Божия дар испроси, / братолюбием сердца наша просвети / и ко спасению вечному стези наша, Феодоре блаженне, направи.

Ин тропарь преподобного Феодора, князя Острожского, Печерского глас 4
Княжеских дароношений и всего суетствия мирскаго спешне отвергся,/ Божиих же дарований, премудре Феодоре, преискренне сподобитися желая,/ приял еси иноческий образ/ и, в нем смиренным послушанием и безмолвным житием Царю Небесному благоугождая,/ получил еси от Него безсмертныя дары,/ ихже и нам, чтущим тя,/ получити молися.

Ин тропарь преподобного Феодора, князя Острожского, Печерского глас 4
Яко благочестиваго корене пречестная отрасль был еси,/ блаженне Феодоре,/ яви бо тя Христос/ яко воистинну богодарованное сокровище Волынстей земли,/ новаго поборника веры Православныя,/ и народу российскому преславна и благоприятна./ Темже ныне, плоды светоносных трудов твоих/ в стране нашей под сению Святыя Церкве Православныя наслаждающеся,/ хвалим Господа,/ даровавшаго тебе силу и крепость на сопротивныя,/ Егоже моли спасти отечество твое,/ и державе сродник твоих богоугодней быти,/ и сыновом российским спастися.

Кондак преподобного Феодора, князя Острожского, Печерского глас 4
Красоты ризныя возгнушавшагося/ и богатства тленнаго со благодарением отвершагося,/ в ризу же безстрастия облекшагося/ и богатому в щедротах Христу возследовавшаго,/ приидите, вернии, восхвалим Феодора достославна,/ яко молящася непрестанно/ о душах наших.

Тропарь преподобномучеников Феодора, кн. Острожского, Печерского, в Дальних пещерах глас 1
Союзом любве связавшеся, преподобнии,/ всяк союз козней вражиих попрасте,/ страдание же и смерть неповинне/ от сребролюбиваго князя претерпесте добле,/ тем молим вас, вкупе поживших/ и венцы мучения приемших,/ молитеся Господеви о нас,/ яко да во мнозей любви, вере и надежди добре поживше,/ всегда ублажаем вас,/ Феодоре и Василие добропобеднии.

Кондак преподобномучеников Феодора, кн. Острожского, Печерского, в Дальних пещерах глас 2
Добр советник явлься блаженному Феодору,/ Богомудре Василие,/ избавил еси того советом своим от прелести диаволи/ и ко свету богоразумия наставль./ С темже послежде блаженную приял еси кончину,/ устрелен неправедно быв во утробу от сребролюбиваго князя./ И ныне, предстоя Господеви,/ молися непрестанно о всех нас.

Pages: 1 2 3

Проповеди

В этот день:
Русская Православная Церковь отмечает память святых:
Воспоминание о чуде святой великомученицы Евфимии Всехвальной (451).
Преставление блаженной княгини Ольги, во святом крещении Елены (969).
Память святого мученика Киндея (III-IV).
Обретение и перенесение мощей преподобного Аркадия Вяземского и Новоторжского (1677).
Прп. Никодима Ватопедского, Афонского (Греч. ).
Преподобный Дростан Абердинский, игумен Далконгэйльский
Иконы Божией Матери Ржевская или Оковецкая (1539)
Икона Богородицы  Ржевская (оковецкая на сайте
Иконы Божией Матери Борколабовской
Рудненской иконы Божией Матери.

Св. благоврная княгиня Ольга. (Въ христіанской вр великое и неоцненное благо). Прот. Григорій Дьяченко

Храни вас Господь, Матерь Божия и все святые, их же память мы сегодня отмечаем!

Молитвы:
Тропарь великомученицы Евфимии глас 4
Агница Твоя, Иисусе, Евфимия/ зовет велиим гласом:/ Тебе, Женише мой, люблю,/ и, Тебе ищущи, страдальчествую/ и сраспинаюся и спогребаюся Крещению Твоему,/ и стражду Тебе ради,/ яко да царствую в Тебе,/ и умираю за Тя, да и живу с Тобою,/ но яко жертву непорочную приими мя,/ с любовию пожершуюся Тебе.// Тоя молитвами, яко Милостив, спаси души наша.

Ин тропарь великомученицы Евфимии всехвальной глас 4
Жениха твоего Христа возлюбивши/ и свещу твою светлу уготовльши,/ добродетельми возсиявши, всехвальная Евфимие,/ тем возшла еси с Ним на брак,/ венец страдания от Него приемши./ Но от бед избави нас,/ чтущих верою память твою.

Кондак великомученицы Евфимии глас 6
Подвиги во страдальчестве, подвиги в вере/ положила еси тепле за Христа, Жениха твоего./ Но и ныне якоже ереси и врагов шатание/ под ноги воинству нашему покорити моли Богородицею,/ яже от шестисот тридесяти богоносных отец/ предел приемшая// и хранящая, всехвальная.

Ин кондак великомученицы Евфимии всехвальной глас 4
Во страдании своем добре подвизася/ и по смерти нас освящавши чудес течением, всехвальная./ Тем твое успение поем,/ верою прибегающе в Божественную твою церковь,/ да избавимся недуг душевных и чудес благодать почерпем.

Тропарь равноапостольной Ольги глас 1
Крилами богоразумия вперивши твой ум,/ возлетела еси превыше видимыя твари,/ взыскавши Бога и Творца всяческих,/ и, Того обретши, паки рождение Крещением прияла еси,/ древа животнаго наслаждающися, нетленна во веки пребываеши,// Ольго приснославная.

Ин тропарь равноапостольной Ольги глас 8
В тебе, Богомудрая Елено, известен спасения образ бысть в Русстей стране,/ яко, приимши баню святаго Крещения, последовала еси Христу,/ творящи же и учащи, еже оставити идольскую прелесть,/ восприяти же попечение о души, вещи безсмертней,/ темже и со Ангелы радуется, равноапостольная, дух твой.

Ин тропарь равноапостольной Ольги глас 4
Оставивши лесть идольскую,/ последовала еси Христу, Безсмертному Жениху, Ольго Богомудрая,/ в Егоже чертозе радующися,/ непрестанно молися/ о чтущих верою и любовию святую память твою.

Ин тропарь равноапостольной Ольги, еллинский глас 3
Святая равноапостольная избраннице Христова, княгине Ольго,/ народ твой словесным и чистым Христовым млеком напоившая,/ молися Милостиву Богу,/ да прегрешений оставление/ подаст душам нашим.

Кондак равноапостольной Ольги глас 4
Воспоем днесь Благодетеля всех Бога,/ прославльшаго в России Ольгу богомудрую,/ да молитвами ея/ подаст душам нашим// грехов оставление.

Ин кондак равноапостольной Ольги глас 4
Явися днесь благодать всех Бога,/ прославльши в Руси Ольгу Богомудрую,/ молитвами ей, Господи,/ людем подаждь/ грехом оставление.

Pages: 1 2 3

Проповеди

В этот день:
Русская Православная Церковь отмечает память святых:

Преподобного Антония Киево-Печерского, начальника всех русских монахов
Святого мученика Аполлония (III).
Святых мучеников Вианора и Силуана
Святых сорока пяти мучеников, пострадавших в Никополе Армянском
Положение честной ризы Господа нашего Иисуса Христа в Москве (1625).
Священномученика Петра Зефирова, иерея (1918)
Священномучеников Стефана иерея, Георгия и Нестора диаконов (1918).
Преподобных пустынников египетских, огнем и дымом уморенных (ок. 398).
Преподобных Евмения (1920) и Парфения (1905) Гортинских.
Коневской иконы Божией Матери.

Поученіе. Положеніе честныя ризы Господней въ царствующемъ град Москв (О значеніи страданій Христовыхъ). Прот. Григорій Дьяченко
Поученіе. Препод. Антоній кіево-печерскій (Религіозно-воспитательное значеніе монастырей). Прот. Григорій Дьяченко

Храни вас Господь, Матерь Божия и все святые, их же память мы сегодня отмечаем!

Молитвы:
Тропарь преподобного Антония глас 4
От мирскаго мятежа изшед,/ отвержением же мира евангельски Христу последовал еси/ и, равноангельное житие пожив,/ в тихое пристанище Святыя Горы Афона достигл еси,/ отонудуже благословением отцев в гору Киева пришед/ и тамо трудолюбно жизнь совершив,/ Отечество твое просветил еси/ и, множеству монашествующих стезю, ведущую к Небесному Царствию, показав,/ Христу сия привел еси,/ Егоже моли, Антоние преподобне,// да спасет души наша.

Кондак преподобного Антония глас 8
Возложив себе Богу, паче всех возлюбленному от юности, преподобне,/ Тому от всея души любовию последовал еси,/ мира же тленная ни во чтоже вменив, в земли пещеру соделал еси/ и, в ней добре противу невидимаго врага козней подвизався,/ яко светозарное солнце, во вся концы земли возсиял еси,/ отонудуже, веселяся, прешел еси к Небесным чертогом./ И ныне со Ангелы Владычню престолу предстоя,/ поминай нас, чтущих память твою, да зовем ти:// радуйся, Антоние, отче наш.

Ин кондак прп. Антония Киево-Печерского, начальника всех русских монахов глас 8
В мире яко Ангел, отче, пожил еси,/ в земли пещеру себе соделав,/ в нейже добре подвизався противу невидимаго врага козней,/ и оттуду, веселяся, прешел еси к Небесным чертогом./ Поминай нас, чтущих память твою, да зовем ти:/ радуйся, Антоние, отче наш.

Тропарь Положения честной ризы Господа нашего Иисуса Христа глас 4
Днесь притецем, вернии,/ к Божественней и цельбоносней ризе Спасителя нашего Бога,/ благоизволившаго сию плотию носити/ и на Кресте святую Свою Кровь излияти,/ еюже искупи нас от работы вражия./ Тем благодаряще вопием Ему:/ спаси Отечество наше,/ и архиереев, и град, и вся люди,/ честною Твоею ризою защити/ и спаси души наша,// яко Человеколюбец.

Кондак Положения честной ризы Господа нашего Иисуса Христа глас 4
Одеяние нетления, спасительнаго целения/ всем человеком, Владыко, даровал еси,/ Твое Божественное сокровище — честную ризу,/ яже есть хитон,/ еюже живоносную и святую плоть вочеловечения Твоего/ одеяти благоволил еси./ Сию желанием приемлюще, светло празднуем,/ страхом же и любовию, яко Благодетелю воспевающе,/ зовем Ти, Христе:/ сохрани в мире Отечество наше, и архиереев, и вся люди,// по велицей Твоей милости.

Тропарь 45-ти мученикам в Никополе Армянском глас 1
Единоумне душею связани бывше,/ четыредесять с пятьми страдальцы святии,/ на врага ополчистеся,/ победителие же явльшеся,/ прилете венцы от Христа Бога/ и вечное мучений ваших воздаяние,/ тыя и нам улучити молите,/ благочестно песньми вас величающим.

Кондак 45-ти мученикам в Никополе Армянском глас 8
Христа ради, мученицы, многия муки подъясте,/ и многобожие низложисте все идольское,/ и разрушисте безбожие всякия прелести,/ Христовою силою сия поправите,/ нас всех верно научаете вопити яве: аллилуйя.

Тропарь Божией Матери пред иконой Ее Коневской глас 1
Возсия нам, яко солнце светозарное от востока в велелепии,/ Твоя, Владычице, икона,/ озаряющи чудес сиянием преславно/ всех, выну приходящих к ней с верою и любовию/ и молящихся усердно Твоему, еже о Сыне Твоем и Бозе, величию./ Слава Богу, Арсением сию давшему нам,/ слава возвратившему от Новаграда,/ слава Действующему тою всем исцеления.

Кондак Божией Матери пред иконой Ее Коневской глас 8
Препрославленная Вышняго Мати созывает к песнопению нас/ Своего образа пришествием от Новаграда/ и возбуждает зрением того на подвиг,/ побеждати сопротивных силу,/ и к Ней, яко нашел радости виновней, пети:/ радуйся, Невесто Неневестная.

Pages: 1 2 3

Проповеди

В этот день:
Русская Православная Церковь отмечает память святых:

Священномученика Панкратия, епископа Тавроменийского (I).
Сщмч. Кирилла, еп. Гортинского (III-IV).
Мученика Михаила Садовника, Афинского (1771)
Святого Феодора, епископа Едесского (IX).
Блж. Петра, сщмч. Черевковского.
Св. Эверильды девы (700) (Кельт. и Брит.).
Сщмч. Киллиана еп. Восточно-Франкийского и Тюрингского и еже с ним (689).
Прпп. Дионисия Ритора и Митрофана, Афонских (Греч.).
Прп. Феодосия Едесского.
Преподобных отцов Патермуфия и Коприя и с ними Александра мирянина
Преподобного Патермуфия
Преподобного Коприя
Сщмч. Константина Лебедева, пресвитера (1918).
Колочская икона Божией Матери (1413)
икона Божией Матери Кипрской

Поученіе. Св. еодоръ — епископъ едесскій. (Храмъ Божій источникъ благословеній Божіихъ). Прот. Григорій Дьяченко
Поученіе. Св. еодоръ, епископъ едесскій. (Нужно молиться ко премудрости Наставнику и смысла Подателю, чтобы Онъ просвтилъ нашъ умъ и вразумилъ наше сердце къ познанію истины и добра). Прот. Григорій Дьяченко

Храни вас Господь, Матерь Божия и все святые, их же память мы сегодня отмечаем!

Молитвы:

Тропарь священномученика Панкратия глас 4
И нравом причастник,/ и престолом наместник апостолом быв,/ деяние обрел еси, богодохновенне,/ в видения восход,/ сего ради слово истины исправляя,/ и веры ради пострадал еси даже до крове,/ священномучениче Панкратие,/ моли Христа Бога// спастися душам нашим.

Тропарь священномученика Панкратия, епископа Тавроменийского глас 8
Яко стрела огнезрачная,/ от Верховнаго послан был еси Тавроменийскому престолу/ уязвляти безбожных злочестие,/ верных же сердца просвещати,/ яже боговещанными твоими словесы в вере утвердив/ и течение совершив, пострадал еси до крове,/ священномучениче Панкратие,/ моли за вся, поющия память твою.

Кондак священномученика Панкратия глас 4

Светлая тавромениом, Панкратие,/ звезда показался еси/ и священнострадалец явился еси за Христа,/ Емуже ныне предстоя,// моли за чтущия тя, блаженне.

Тропарь священномученика Кирилла, епископа Гортинского глас 3

Гласом божественным от темницы изведен,/ в Риме братию в божественней вере утвердил еси,/ и, от Ангела глаголы приим о святительстей пастве,/ во страдании своем паки гласу с Небесе сподобися,/ богоповеленный святителю и страдальче Кирилле,/ моли за души наша.

Кондак священномученика Кирилла, епископа Гортинского глас 3

Видев себе ради темничныя двери отверсты в полунощи/ и идолы сокрушены,/ и Гортинскую паству святительскую,/ от Бога повеленную, добре упас,/ и по Христе надеждно пострадав,/ священномучениче Кирилле,/ молися за чтущия тя.

Тропарь святителя Феодора, епископа Едесского глас 4

Апостолом подражатель/ и божественных учений столп бысть,/ тем ко Христу притече,/ молением, блаженне, Моавия царя светом Крещения просвещена показа, Феодоре,/ и исповедания ради кровь свою излиял есть,/ исходатайствен тому явися венец от Христа Царя,/ Егоже моли спасти души наша.

Кондак святителя Феодора, епископа Едесского глас 4

Яко солнце, осиявая светлым житием, Феодоре, яве,/ вавилонскому царю явися чудесы/ и сего угодника Христу, святителю, показа,/ с нимже ныне Троице предстоя,/ нас поминай, светло торжествующих память твою, мудре.

Pages: 1 2 3

Проповеди

В этот день:
Русская Православная Церковь отмечает память святых:
Празднество Пресвятой Деве Богородице в честь явления Ее иконы Казанской
Святого великомученика Прокопия (303).
Праведный Прокопий Устьянский, Важский, Вологодский, Христа ради юродивый (XVII)
Святого Прокопия, Христа ради юродивого, Устюжского чудотворца (1303).
Священномученика Александра Попова, иерея (1918)
Священномученика Феодора Распопова, иерей (1918).
Московский список с чудотворной Казанской иконы Божией Матери (1612)
Казанская икона Божией Матери, именуемая Чимеевская (1624)
Чудотворная Казанская (Тобольская) икона Божией Матери (1661)
Тамбовская чудотворная икона Божией Матери (1895)
Казанская чудотворная икона в Каплуновке (1689),
Песчанской  иконы Божией Матери (1754)
Якобштадтской иконы Божией Матери (XVII).
Знамение от иконы Божией Матери Благовещения во граде Устюге (1290)
Казанской иконы Божией Матери в Шлиссельбурге (1702)
Казанская (Пензенская) икона Божией Матери (1717)
Петербургский список с чудотворной Казанской иконы Божией Матери (1721)
Казанская чудотворная икона Божией Матери, именуемая Нижнеломовская (1643)
Казанская чудотворная икона Божией Матери, именуемая Высочиновская (XVIII)
Чтимый Вышенский список с Казанской иконы Божией Матери (1812)
Казанская икона Божией Матери, именуемая Ярославская (1588)

Поученіе. Блаженный Прокопій Устюжскій. (Общественныя бдствія отвращаются покаяніемъ и молитвою). Прот. Григорій Дьяченко
Поученіе. Святой великомученикъ Прокопій. (Гд и какъ является намъ I. Христосъ?). Прот. Григорій Дьяченко

Храни вас Господь, Матерь Божия и все святые, их же память мы сегодня отмечаем!

Молитвы:
Тропарь Божией Матери пред иконой Ее Казанской глас 4
Заступнице усердная,/ Мати Господа Вышняго,/ за всех молиши Сына Твоего, Христа Бога нашего,/ и всем твориши спастися,/ в державный Твой покров прибегающим./ Всех нас заступи, о Госпоже, Царице и Владычице,/ иже в напастех, и скорбех, и в болезнех обремененных грехи многими,/ предстоящих и молящихся Тебе умиленною душею/ и сокрушенным сердцем/ пред пречистым Твоим образом со слезами/ и невозвратно надежду имущих на Тя,/ избавления всех зол,/ всем полезная даруй/ и вся спаси, Богородице Дево:// Ты бо еси Божественный покров рабом Твоим.

Кондак Божией Матери пред иконой Ее Казанской глас 8
Притецем, людие, к тихому сему и доброму пристанищу,/ скорой Помощнице, готовому и теплому спасению, покрову Девы,/ ускорим на молитву и потщимся на покаяние:/ источает бо нам неоскудныя милости Пречистая Богородица,/ предваряет на помощь и избавляет от великих бед и зол// благонравныя и богобоящияся рабы Своя.

Тропарь великомученика Прокопия глас 4
Мученик Твой, Господи, Прокопий/ во страдании своем венец прият нетленный от Тебе, Бога нашего:/ имели бо крепость Твою,/ мучителей низложи,/ сокруши и демонов немощныя дерзости./ Того молитвами/ спаси души наша.

Кондак великомученика Прокопия глас 2
Ревностию ко Христу Божественною распалаемь/ и Креста крепостию ограждаемь,/ врагов шатание и дерзость низложил еси, Прокопие,/ и честную Церковь возвысил еси,/ верою преуспевая и просвещая нас.

Тропарь праведного Прокопия, Христа ради юродивого, Устюжского чудотворца глас 4
Просветився Божественною благодатию, Богомудре,/ и весь разум и сердце от суетнаго мира сего к Зиждителю неуклонно возложив/ целомудрием и многим терпением,/ во временней жизни течение добре скончал еси/ и веру соблюл еси непорочну./ Темже и по смерти явися светлость жития твоего:/ источаеши бо чудесем источник неисчерпаемый/ верою притекающим ко святому твоему гробу,/ Прокопие всеблаженне,/ моли Христа Бога,/ да спасет души наша.

Ин тропарь праведного Прокопия, Христа ради юродивого, Устюжского чудотворца глас 4
В терпении твоем от Бога мзду дарований пророчества/ приял еси, блаженне,/ молитвами, бдением и лощением/ тело свое изнурив,/ душу же возвысив на Небесная,/ Царя всех Христа Бога славы зрети сподобися/ и неувядаемым венцем увязеся./ Емуже с лики святых предстоя,/ за люди своя моление предлагая,/ тепле пролия слез источник,/ избавил еси град Великий Устюг и люди своя/ от труса страшнаго, и огня, и напрасныя смерти./ Темже и мы, к честней раце твоей припадающе, вопием ти:/ о Прокопие чудоносне,/ ходатай нам буди ко Господу/ во дни нашедших печалей, рабом твоим,/ и молися, да спасет души наша.

Ин тропарь праведного Прокопия, Христа ради юродивого, Устюжского чудотворца глас 4
От земли Воззвавый тя к вечным обителем/ соблюдает и по смерти неврежденно тело твое, святе,/ ты бо, в целомудрии и чистоте житие пожив, блаженне,/ не осквернил еси плоти нетлением смертным./ Темже тя любовию чтим, Прокопие.

Ин тропарь праведного Прокопия, Христа ради юродивого, Устюжского чудотворца глас 2
В терпении твоем, святче Божий,/ от Господа мзду восприял еси/ и пожал еси ниву пищи райския,/ безсонным бдением и юродством тело твое изнурил еси/ и мудростию душу твою спасл еси,/ живота земнаго небрегл еси,/ но Небеснаго Царствия зрети возжелел еси,/ и Небеснаго Царя видети сподобился еси,/ и Тому поклонился еси./ Мы же, недостойный раби твой, ко гробу твоему умильно припадающе/ и сокрушенным сердцем взирающе на образ иконы твоей, сице вопием:/ о Прокопие чудный,/ ходатай буди и молитвенник ко Господу о рабех твоих/ и заступник граду нашему/ во дни нашедших печалей/ и молися ко Господу о спасении душ наших.

Кондак праведного Прокопия, Христа ради юродивого, Устюжского чудотворца глас 4
Христа ради юродством/ воздушная мытарства на руках ангельских неприкосновенно прешед,/ царскаго достигл еси престола/ и от Царя всех Христа Бога дар прием благодать исцелений,/ многими бо чудесы твоими и знамением страшным/ удивил еси град твой Великий Устюг:/ людем твоим милость испросив,/ миро от честнаго образа Пресвятыя Богородицы молитвою извел еси/ и недужным подал еси цельбы./ Тем же молим тя, чудоносче Прокопие:/ моли Христа Бога непрестанно подати грехов наших прощение.

Ин кондак праведного Прокопия, Христа ради юродивого, Устюжского чудотворца глас 4
Верою память твою, блаженне, совершающих/ и любовию празднующих святое торжество твое/ соблюдай от всякия злобы и соблазна змиина,/ имаши бо дерзновение ко всех Владыце,/ Егоже моли избавится от бед рабом твоим, Богомудре Прокопие.

Тропарь праведного Прокопия Устьянского глас 1
Божественною благодатию просветився,/ и по смерти даруеши исцеления/ притекающим к тебе, премудре Прокопие,/ темже и мы ныне чтим честных мощей твоих явление,/ веселящее вкупе души и телеса./ Тем вси вопием:/ слава Давшему ти крепость,/ слава Венчавшему тя,/ слава Действующему тобою всем исцеления.

Кондак праведного Прокопия Устьянского глас 8
Верою и любовию/ твое честное явление празднующих, блаженне,/ сохрани и соблюди от веяния злобы и соблазна змиина,/ имаши бо дерзновение ко Владыце всех, Христу Богу./ Егоже моли спасти православный люди,/ молящия тя, да вси вопием ти:/ радуйся, отче Прокопие,/ всея Российский земли удобрение.

Тропарь Божией Матери пред иконой Ее Благовещение во граде Устюге глас 4
Всепетая и Всеславная Царице Богородице,/ Мати всея твари Содетеля,/ христианская Надеждо и Заступнице,/ печальным утешение, ненадеющимся и отчаявшимся скорое надеяние, молим Тя:/ милостива буди нам, грешным,/ не остави раб Твоих/ и не отрини моления недостойных./ Молимтися, взирающе ко образу Твоему честному/ святыя и чудотворныя иконы Твоей/ и вопиюще с плавающими и путь шествующими,/ да пребудет милость Твоя./ О Владычице, ризою честною защити,/ и во всяцех местех злых соблюди,/ и молися к рождшемуся из Тебе Христу Богу нашему,/ да спасет от грех души наша.

Тропарь Божией Матери пред иконой Ее Тамбовской глас 4
Днесь светло красуется град Тамбов,/ и святитель Христов Питирим радуется./ Сияет бо ныне чудесы икона Твоя, Владычице,/ юже из первопрестольнаго града Москвы святитель принесе,/ и дивное людем являет Твое заступление,/ подающи исцеление всем, с верою к Тебе притекающим./ Темже умильно вопием Ти:/ спасай нас иконою Твоею,/ Дево Всепетая.

Pages: 1 2 3

Проповеди

В этот день:
Русская Православная Церковь отмечает память святых:

Преподобного Сисоя Великого (429).
Святой мученицы Лукии девицы и с нею Рикса и других
Преподобный Сисой, схимник Печерский (XIII)
Святая праведная дева Иулиания, княжна Ольшанская (XVI)
Преподобные Василий, Тихон и Никон Соколовские (VI)
Собор Радонежских святых.
Преподобномученика Евфимия (1931).
Преподобномученика Феодора (1943).
Святого мученика Коинта Фригийского (ок. 283).
Мучеников Марина, Марфы, Авдифакса, Аввакума, Кирика, Валентина пресвитера, Астерия и многих других (269).
Мучеников Исавр диакон, Иннокентийи др. Македонских (301).
Богородско-Уфимской иконы Божией Матери (1621).

Поученіе. Препод. Сисой Великій. (О смиреніи).  Прот. Григорій Дьяченко

Храни вас Господь, Матерь Божия и все святые, их же память мы сегодня отмечаем!

Молитвы:
Тропарь преподобного Сисоя Великого глас 2
Плотския страсти умертвив воздержанием,/ миру распялся еси и, в пустыни живый,/ всех похотей отсечением/ Ангел земный и Небесный человек показался еси,/ сего ради тя, яко наставника иноком,/ поем, Сисое отче наш, и просим:/ моли Христа Бога, да спасет души наша.

Кондак преподобного Сисоя Великого глас 4
Подвизався, Ангел на земли виден был еси,/ озаряли, преподобне, помышления верных Богознаменьми всегда./ Темже тя верою, Сисое, почитаем.

Тропарь Собора Радонежских святых глас 4
Днесь светло празднуем, вернии людие,/ преславныя Троицкия обители торжество:/ се бо велий собор святых чудотворцев Радонежских,/ яко дивныя птицы небесныя,/ являет нам Церковь Российская,/ стезями честнаго их жития шествовати всех призывающи,/ к нимже, с верою и любовию притекающе, воззовем:/ молитеся о нас ко Пресвятей Троице,/ преподобный отцы наши с Богоносным аввою Сергием,/ мир мирови даровати/ и душам нашим велия милости.

Ин тропарь Собора Радонежских святых глас 2
Плоды добродетелей на земли принесше,/ преподобнии отцы,/ в Небесных чертозех ныне благоухаете, яко райстии цвети,/ и лицем к лицу зрите Пресвятую Троицу,/ Юже дерзновенно молите,/ спастися душам нашим.

Кондак Собора Радонежских святых глас 8
Приидите, вси концы отечества нашего,/ прославим святый лик угодников Радонежских,/ яко звезды, украсивших небо церковное подвиги земнаго жительства,/ тех бо предстателъством теплым ко Господу/ многия нам милости Его низпосылаются,/ бедствия отгоняются и злыя страсти укрощаются./ Ихже всесвятую память ныне празднующе, тако возопиим:/ радуйтеся, Сергие и Никоне и вси Радонежстии чудотворцы,/ усерднии служителие Живоначальныя Троицы.

Тропарь прп. Сисоя, схимника Печерского, в Дальних пещерах глас 1
Пустынный житель, и в телеси Ангел,/ и чудотворец явился еси, Богоносе отче наш Сисое,/ постом, бдением, молитвою Небесная дарования приим,/ исцеляеши недужныя и души верою притекающих ти./ Слава Давшему тебе крепость,/ слава Венчавшему тя,/ слава Действующему тобою всем исцеления.

Кондак прп. Сисоя, схимника Печерского, в Дальних пещерах глас 1
Сисое чудне,/ на страсти вельми подвизавыйся/ и постом и мощными молитвами сия успивый,/ благодать от Христа приял еси/ в страстех бедствующим пособствовати./ Тем и наша страсти плоти и духа исцели, молимся.

Тропарь праведной девы Иулиании глас 8
Яко непорочная невеста Нетленнаго Жениха Христа,/ праведная дево Иулиание,/ с светлою свещею добрых дел вошла еси в чертог Его Небесный/ и тамо со святыми блаженства вечнаго наслаждаешися./ Темже моли, Бгоже возлюбила еси/ и Емуже девство твое обручила еси,/ спасти души наша.

Кондак праведной девы Иулиании глас 8
Храм Божий одушевленный,/ девственною чистотою благоукрашенный,/ вемы тя, святая и праведная дев о, княжно Иулиание,/ темже, с любовию празднующе/ святых твоих мощей обретение, молим тя,/ известная желаний наших ходатаице:/ принеси за нас молитвы твоя ко Господу/ и от всяких бед свобождай нас/ предстательством твоим у Престола Всевышняго, да зовем ти:/ радуйся, дево святая Иулиание, невесто Христова прекрасная.

Тропарь Божией Матери пред иконой Ее, именуемой Богородско-Уфимская глас 4
Заступнице Усердная, Надеждо ненадежных, Помощнице нищих и сирых, плачущих Утешение, согрешающих очищение, Путеводительнице заблуждших, болящих Целебнице и исправление падающих, Ты бо еси Похвало земли Уфимския, Дево Богородице.

Кондак Божией Матери пред иконой Ее, именуемой Богородско-Уфимская глас 5
О, Милосердная Мати, не отрини слез и воздыханий наших, с верою и любовию к Тебе приносимых: пред иконою Богородскою услыши ныне молящихся и на путь спасения настави, и душ наших грехи исцели, от земли Уфимския вся пагуби потреби, Ты бо еси людем сокровище вечнаго спасения и источниче Божественныя благодати.

Pages: 1 2 3

Проповеди

В этот день:
Русская Православная Церковь отмечает память святых:

Преподобного Афанасия Афонского
Обретение честных мощей Преподобного Сергия, игумена Радонежского (1422)
Преподобномученицау великаю княгиню Елисавету и инокиню Варвару (1918)
Святого Арсения, еп Тверского (1409).
Собор Тверских святых.
Собор 23 свв. Лесбосских (Греч.).
Преподобный Агапит исповедник (1936).
Преподобного Лампада Иринопольского (X).
Новомч. кн. Игоря Константиновича Романова,
Новомч. кн. Иоанна Константиновича Романова,
Новомуч. кн. Владимира
Св. Морвенны, покровительницы Морвеннстоу (VI) (Кельт. и Брит.).
Иконы Божией Матери, именуемой «Экономисса».

Поученіе. Препод. Аанасій аонскій. (Почему праведники иногда умираютъ несчастной смертью?).  Прот. Григорій Дьяченко
Поученіе. Обртеніе мощей преподобнаго Сергія, радонежскаго чудотворца. (Уроки изъ его жизни). Прот. Григорій Дьяченко
Поученіе. Обртеніе честныхъ мощей препод. отца нашего Сергія, радонежскаго чудотворца. (О любви къ отечеству). Прот. Григорій Дьяченко

Храни вас Господь, Матерь Божия и все святые, их же память мы сегодня отмечаем!

Молитвы:
Тропарь преподобного Афанасия Афонского глас 3
Еже во плоти житию твоему/ удивишася ангельстии чини:/ како с телом к невидимым сплетением изшел еси, приснославне,/ и уязвил еси демонские полки./ Отонудуже, Афанасие,/ Христос тебе воздаде богатыми дарованьми,/ сего ради, отче, моли/ спастися душам нашим.

Кондак преподобного Афанасия Афонского глас 8
Яко невещественных существ зрителя изрядна/ и деятельна сказателя всеистинна,/ взывает тя стадо твое, Богоглагольниче:/ не оскудей, моля о рабех твоих,/ избавитися напастей и обхождений, вопиющим ти:/ радуйся, отче Афанасие.

Тропарь преподобного Сергия глас 8
От юности восприял еси Христа в души твоей, преподобне,/ и паче всего вожделел еси мирскаго мятежа уклонитися:/ мужески в пустыню вселился еси/ и чада послушания в ней, плоды смирения, возрастил еси./ Тем, быв Троице вселение,/ чудесы твоими всех просветил еси, приходящих к тебе верою,/ и исцеления всем подая обильно.// Отче наш Сергие, моли Христа Бога, да спасет души наша.

Тропарь общий преподобным Сергию и Никону глас 8
Яко трисветлаго солнца светозарный звезды,/ Троическим светом озаряете сердца верных,/ сосуда Света Пресвятыя Троицы явльшеся,/ и предивным вашим житием иноком бысте твердии законоположителие/ и церквам благолепие, и благоверным, и святителем, и всем людем,/ вся бо демонския скверны отгнавше отсюду/ вашими чистыми учении и делы,/ добре упасосте стадо, собранное вами,/ но и ныне молим вас:/ посещайте чад своих, яко имущий дерзновение ко Святей Троице,/ Богомудре Сергие с чудным учеником своим Никоном,/ и молите Христа Бога, да спасет души наша.

Тропарь преподобнаго Сергия глас 8
От юности восприял еси Христа в души твоей, преподобне,/ и паче всего вожделел еси мирскаго мятежа уклонитися,/ мужески в пустыню вселился еси/ и чада послушания в ней, плоды смирения, возрастил еси./ Тем быв Троице вселение,/ чудесы твоими всех просветил еси, приходящих к тебе верою,/ и исцеления всем подай обильно./ Отче наш Сергие, моли Христа Бога, да спасет души наша.

Ин тропарь преподобного Сергия, игумена Радонежского глас 4
Днесь пресветло красуется царствующий град Москва,/ яко светолучными зарями, молниями чудес твоих осияемь,/ всю вселенную созывает/ похвалити тя, Богомудре Сергие;/ пречестная же и славная обитель твоя,/ юже во Имя Святыя Троицы многими труды твоими создал еси, отче,/ имущи в себе стада ученик твоих,/ веселия и радости исполняется./ Мы же, празднующе преславное обретение честных мощей твоих, в земли сокровенных,/ яко цвет благоуханен и кадило благовонно,/любезно я лобызающе, различная исцеления приемлем/ и твоими молитвами грехов прощения сподобляемся,/ отче преподобне Сергие,/ моли Святую Троицу/ спасти души наша.

Кондак преподобного Сергия глас 8
Днесь, яко солнце пресветло, возсиявше от земли,/ честныя мощи твоя нетленны обретошася,/ яко благоуханный цвет, множеством чудес сияюще,/ и всем верным источающе различная исцеления,/ и веселяще избранное твое стадо,/ еже мудре собрав, добре паствил еси./ О нихже и ныне Троице предстоиши, моляся,/ и воинству победительная на враги даровати,// да вси вопием ти: радуйся, Сергие богомудре.

Ин кондак преподобного Сергия, игумена Радонежского глас 8
Взирающе на предлежащий честный твой гроб,/ в немже скрыся, яко многоценное сокровище, святое трудолюбное твое тело чистоты,/ мы, чада твоя суще жалостная,/ в удивлении един со единем вещающе, вопием:/ отче наш Сергие, моли Святую Троицу/ и нам спастися, твоим чадом.

Тропарь преподобномученицы великой княгини Елисаветы Феодоровны глас 1
Смирением достоинство княжеское сокрывши, богомудрая Елисавето, сугубым служением Марфы и Марии Христа почтила еси. Милосердием, терпением и любовию себе предочистивши, яко жертва праведная Богу принеслася еси. Мы же, чтуще добродетельное житие и страдания твоя, яко истинную наставницу усердно просим тя: святая мученице великая княгине Елисавето, моли Христа Бога спасти и просветити души наша.

Кондак преподобномученицы великой княгини Елисаветы Феодоровны глас 2
Величие подвига веры кто повесть? Во глубине земли, яко в раи светлости, страстотерпица великая княгиня Елисавета со ангелы во псалмех и пениих радовашеся и, убиение претерпевающи, о безбожных мучителех взываше: Господи, прости им грех сей, не ведят бо, что творят. Тоя молитвами, Христе Боже, помилуй и спаси души наша.

Ин кондак преподобномученицы великой княгини Елисаветы Феодоровны глас 5
От славы царственныя, вземши Крест Христов, прешла еси к славе небесней, молящи врагов, и обрела еси радость вечную, святая мученице княгине Елисавето, с Варварою мученицею. Темже молим вас: молите о душах наших.

Тропарь Божией Матери пред иконой Ее Экономисса глас 4
Предстательство страшное и непостыдное,/ не презри, Благая, молитв наших,/ Всепетая Богородице, Милостивая верных Домостроительнице,/ утверди православных жительство,/ спаси страну нашу/ и всех православно живущих в ней защити,/ зане родила еси Бога, Едина Благословенная.

Pages: 1 2 3