Православный календарь 1 ноября (19 октября ст. ст.)

Проповеди
В этот день:
Русская Православная Церковь отмечает память святых:
Пророк Иоиль (800 г. до Р.Х.).
Мученик Уара и с ним семи учителей христианских (ок. 307).
Блаженной Клеопатры (327)
Священномученика Садока, еп. Персидского, и с ним 128-ми мучеников (342).
Преподобной Фридесвиды, Оксфордской, игумении (735) (Кельт. и Брит.).
Преподобного Прохора Пчиньского,чудотворца (X)
Перенесение мощей преподобного Иоанна Рыльского (1238).
Свмщ. Николая Двали Иерусалимского (1314)
Блгв. царевича Димитрия, Угличского и Московского (1582).
Святителя Гавриила настоятеля скита Афонского (1901).
Преподобного Димитрий (Абашидзе) (1941)
Сщенномученика Сергия пресвитера (1937).

Храни вас Господь, Матерь Божия и все святые, их же память мы сегодня отмечаем!

Молитвы:
Прор. Иоиля. Тропарь, глас 2.
Предведый Божие пришествие во плоти / и наитие Духа Святаго и грядущий Суд предсказавый, / пророче Иоиле: / спасай молитвами твоими / чтущия тя от всех скорбей.

Кондак пророка Иоиля, глас 4.
Просветившееся Духом чистое твое сердце/ пророчества бысть светлейшаго приятелище:/ зриши бо, яко настоящая, далече сущая,/ сего ради тя почитаем, пророче, блаженне Иоиле, славне.

Тропарь мученику Уару, глас 4.
Воинством святых страстотерпец страждущих законне,/ зря онех, показал еси мужески крепость свою./И устремився на страсть волею,/ и умрети вожделе за Христа,/ Иже приял еси почесть победы твоего страдания, Уаре,/ моли спастися душам нашим.

Кондак мученику Уару, глас 4.
Христу последуя, мучениче Уаре,/ Того, испив чашу,/ и мучения венцем увязеся,/ и со Ангелы ликовствуеши:/ моли непрестанно за души наша.

Преподобного Иоанна Рыльского. Тропарь, глас 1.
Покаяния основание, прописание умиления,/ образ утешения, духовнаго совершения/ равноангельное житие твое бысть, преподобие./ В молитвах убо и в пощениих и в слезах пребывавый,/ отче Иоанне,/ моли Христа Бога о душах наших.

Возвращение мощей преподобного Иоанна Рыльского из Тырново в Рыльск. Тропарь глас 4
Твоих мощей возвращением/ обитель твоя обогатися,/ церковь же твоя, приемши я, просветися/ и, красящися, верных созывает с веселием/ светоносный твой светло праздновати день,/ грядите, глаголющи,/ и приимите благодатей дарования.

Преподобного Иоанна Рыльского. Кондак, глас 8.
Ангельскому житию поревновав, преподобие,/ вся земная оставив, ко Христу притекл еси/ и, Того заповедъми ограждался,/ явился еси столп непоколебим от вражиих нападений./ Тем зовем ти:/ радуйся, отче Иоанне, светило пресветлое.

Блгв. царевича Димитрия, Угличского. Тропарь, глас 2.
Яко благочестиваго корене Боголюбивый произыде плод,/ яко агня незлобиво, неповинно во младенстве заклан бысть/ от властолюбца вкупе и злаго раба./ Тем, яко златыми крылы,/ душевною чистотою и младенческим незлобием/ к Небесней высоте возлетел еси, страстотерпче Димитрие./ И ныне кровь твоя от земли тайно вопиет к Богу,/ яко Авеля праведнаго./ Сего ради покланяемся верою ти,/ славяще прославлынаго тя Бога,/ Егоже моли стране нашей Богоугодне быти/ и сыновом русским спастися.

Блгв. царевича Димитрия, Угличского. Ин тропарь, глас 1.
Всеоружеством Духа благодати вооружен быв/ и необорим столп и утверждение отечеству своему показася,/ яко агнец незлобивый, от врага неправедно заклан быв/ и в жертву непорочну Господеви принесеся./ И ныне дар благодати от всех Подвигоположника прием,/ источавши всем исцеление, достохвальне благоверный царевичу княже Димитрие./ Слава Восприимшему тя от земных в Небесная,/ слава Венчавшему тя венцем неувядаемым,/ слава Действующему тобою всем исцеление.

Блгв. царевича Димитрия, Угличского. Тропарь, глас 2.
Велика обрете тебе целебника в последнем роде,/ люди твои, рустии народи,/ новый страстотерпче Христов, благоверный царевичу княже Димитрие,/ возсия бо на земли чудесы своими, яко звезда небосветлая,/ но, созрелый убо клас Христу, испив чашу,/ яко агнец непорочен, заклан бысть в жертву чисту,/ принесе себе Владыце всех,/ от Негоже победным венцем увязеся,/ просия мирови, яко солнце,/ прелести вся угасил еси/ и Соборную обогащавши Церковь чудотворении,/ стране нашей на враги поборник,/ одержимым же различными недуги врач,/ всех нас освящаеши богатными даровании, всехвальне,/ и молитвами, святе, твоими всем даеши Божественное исцеление.

Блгв. царевича Димитрия, Угличского. Ин тропарь, глас 4.
Царскою диадемою одеян, Богомудре мучениче,/ за скипетр крест в руку приим,/ явися яко победоносец/ и всесожжения жертву священну себе принесл еси, Димитрие,/ показася изряден врач русской стране,/ образ в себе чудотворения нося,/ яко агнец непорочен, от раба заколение прият,/ убивающаго тело, души же коснутися не могуща./ Да плачется убо злый властолюбец,/ ты же, радуяся, предстоиши Святей Троице,/ молися стране нашей Богоугодне быти/ и сыновом русским спастися.

Блгв. царевича Димитрия, Угличского. Кондак, глас 8.
Возсия днесь благоцветущая отрасль благочестиваго корене,/ от благоверных Российския страны доброрасленный грозд израсте/ и Христови красен плод прозябе./ Темже от земли Воззвавый тя к вечным обителем,/ соблюдает и по убиении твоем невредимо тело твое,/ страдальчески обагрено кровию;/ благородие святе Димитрие,/ соблюдай отечество свое и град твой невредим,/ тому бо еси утверждение.

Блгв. царевича Димитрия, Угличского. Кондак, глас 8.
Светило явися пресветлое днесь Божественная память твоя,/ Богодарованная ти чудеса от всяких многоразличных недуг подают исцеления/ с верою призывающим тя,/ созывающи нас к похвалению прославлыпаго тя Бога,/ Егоже моли, страстотерпче благоверный Димитрие,/ мир мирови даровати/ и от видимых враг люди невредны сохранити, да зовем ти:/ радуйся, ты бо еси утверждение граду нашему.

Сщмч. Садока. Кондак, глас 4.
Владычню речению усердно в подобстве последова,/ яко убо пастырь добрый душу свою за Христовы овцы положил еси,/ священномучениче Садофе, молим тя, многострадально,/ моли пастырем начальника Христа/ и нас причести деснаго овец стояния,/ да воспоем ти:/ радуйся, священный отче Садофе,/ иже за Христа кровь свою излиявый.

Pages: 1 2 3