Православный календарь 14 Декабря (1 Декабря ст.ст.)

Рождественский пост.
В этот день:
Русская Православная Церковь отмечает память святых:

Пророка Наума (VII в. до Р.Х.).
Праведного Филарета Милостивого (792).
Святителя Елигия, еп. (Нидерл.).
Святого Ботольфа еп. и исп. Бостонского (Англия) (680) (Кельт. и Брит.).
Преподобного Антония Нового, монаха, Хиосского (Греч.).
Мученика Анании Персянина.
Преподобного Иоанникия Девиченского (Серб.).

Храни вас Господь, Матерь Божия и все святые, их же память мы сегодня отмечаем!

Молитвы:

Прор. Наума. Тропарь, глас 2.
Пророка Твоего Наума память, Господи, празднующе,/ тем Тя молим:/ спаси души наша.

Прор. Наума. Кондак, глас 4.
Просветившееся Духом чистое твое сердце/ пророчества бысть светлейшаго приятелище:/ зриши бо, яко настоящая, далече сущая;/ сего ради тя почитаем,/ пророче блаженне Науме славне.

Прав. Филарета Милостивого. Тропарь, глас 4.
Аврааму в вере подражая,/ Иову же в терпении последуя,/ отче Филарете,/ благая земли разделял еси неимущим/ и лишение сих терпел еси мужественне./ Сего ради светлым тя венцем увенча Подвигоположник,Христос Бог наш,/ Егоже моли спастися душам нашим.

Прав. Филарета Милостивого. Ин тропарь, глас 8.
В терпении твоем стяжал еси мзду свою, праведне,/ и в заповедех Господних совершение пожил,/ нищих возлюбил и сих удоволил еси,/ но молися Христу Богу, блаженне,/ спастися душам нашим.

Прав. Филарета Милостивого. Ин кондак, глас 4.
Добродетельми украшался и страхом Божиим,/ предивен во всех явися Царскаго града,/ нищим сокровище богатства раздав/ и нетленно благих богатство на Небесех прием./ Темже всюду и везде, Филарете, чтущих тя поминай,/ славо праведным и похвало.

Прав. Филарета Милостивого. Кондак, глас 3.
Истинно всеизрядная твоя купля зрится/ и мудрою быти судится всеми благомудрствующими:/ отдал бо еси дольняя и кратковременная, взыскуя Горних и вечных./ Темже и достойно стяжал еси вечную славу, милостиве Филарете.

Ина служба святаго праведнаго Филарета Милостиваго
Тропарь, глас 8.
В терпении твоем стяжал еси мзду твою, отче преподобие,/ в молитвах непрестанно терпевый,/ нищия возлюбивый и сия удовливый,/ но молися Христу Богу, Филарете милостиве блаженне,/ спастися душам нашим.

Прав. Филарета Милостивого. Кондак, глас 2.
Богатство твое расточил еси убогим/и Небесное богатство ныне восприял еси, Филарете всеблаженне,/ сего ради тя почитаем, совершающе память твою, добродетели о тезоимените.

Pages: 1 2 3