В этот день:

Русская Православная Церковь отмечает память святых:

Мученика Емилиана (363).
Преподобного Памвы пустынника (IV).
Святого мученика Иакинфа Амастридского (IV).
Великомученика Афанасия (IV)
Святителя Филастрия Бриксийского (387)
Священномученика Фридриха Утрехтского (838; Нидерл.)
Преподобного Иоанна Многострадального, Печерского (1160).
Преподобного Памвы, Киево-Печерского затворника (1241)
Преподобномученика Аполлинария (1918).
Калужской иконы Божией Матери.

Храни вас Господь, Матерь Божия и все святые, их же память мы сегодня отмечаем!

Молитвы

Тропарь мученика Емилиана глас 4

Мученик Твой, Господи, Емилиан/ во страдании своем венец прият нетленный от Тебе, Бога нашего,/ имеяй бо крепость Твою,/ мучителей низложи,/ сокруши и демонов немощныя дерзости./ Того молитвами// спаси души наша.

Кондак мученика Емилиана глас 3

Божественною ревностию распалаем,/ огня сослужащаго не устрашился еси,/ но возшед небоязненно волею,/ возгнещающим огнем всесожжегся,/ и Владыце, яко жертва, принеслся еси,/ мучениче славне Емилиане,/ Христа Бога моли// даровати нам велию милость.

Тропарь преподобного Иоанна Многострадального, Печерского, в Ближних пещерах глас 1

Терпения столп воистину непоколебимый/ и забрало от вражиих стреляний необоримо,/ равноангельне и многострадальне отче наш Иоанне,/ имуще тя, мы, недостойнии, молимся,/ припадающе к честным твоим мощем тепле:/ избави нас душетленных страстей плотских и спаси твоими молитвами.

Кондак преподобного Иоанна Многострадального, Печерского, в Ближних пещерах глас 2

Столп целомудрия, вражиими бореньми непобедимь сый,/ аки столп, многострадальное водруженно оставил еси нам тело твое,/ всечестне Иоанне,/ емуже в немощех душевных и телесных покланяющеся,/ молим тя, преподобне:/ моли Христа Бога непрестанно о всех нас.

Тропарь преподобного Памвы пустынника Египетского глас 5

В пустыни живый в толстинных и многошвенных твоих ризах,/ и без тщеславия и мятежа внутрь поя Богови,/ и человеча деяния собою прообразовав в наказание, отче Памво,/ моли Христа Бога,/ да спасет души наша.

Кондак преподобного Памвы пустынника Египетского глас 5

Мира сего учение отрину,/ и, в сердцы смирением сподобився Богу угодити,/ кичения ненавидение стяжа,/ тем и ученика своего о страсе Божий обличи,/ и наказа без ликования умоляти Бога,/ истиннаго смирения, Христовы нищеты подражателю,/ пустынная красото, отче наш Памво,/ не престай моля о чтущих тя.

Тропарь преподобного Памвы, затворника Печерского, в Дальних пещерах глас 1

Неленостным послушанием/ и отвержением воли своей/ крепко себе обуздав,/ вдался еси за Христа Бога на муки и раны,/ от Негоже сугубо, всечестне отче Памво, венчався,/ молися о душах наших.

Кондак преподобного Памвы, затворника Печерского, в Дальних пещерах глас 2

Послушание иноческое кровию мучения обагривша,/ ублажаем тя любезне,/ преподобномучениче Памво,/ и, покланяющеся честным мощем, верно молим:/ молися Господеви непрестанно о всех нас.

Pages: 1 2 3

В этот день:

Русская Православная Церковь отмечает память святых:

Великомученицы Марины (IV).
Мученика Кенельма Уэльсского, короля Мерсийского (ок. 821; Кельт. и Брит.)
Преподобного Лазаря Галисийского (1054)
Преподобный Леонид Устьнедумский (1654)
Святителя Евфрасия, епископа Ионопольского 
Преподобного Иринарха, игумена Соловецкого (1628)
Псково-Святогорская икона Божией Матери Одигитрия (1569).
Иконы Божией Матери «Святогорская» (Святогорская Лавра)

Храни вас Господь, Матерь Божия и все святые, их же память мы сегодня отмечаем

Молитвы

Тропарь великомученицы Марины глас 4

Агница Твоя, Иисусе, Марина/ зовет велиим гласом:/ Тебе, Жените мой, люблю,/ и, Тебе ищущи, страдальчествую,/ и сраспинаюся, и спогребаюся крещению Твоему,/ и стражду Тебе ради,/ яко да царствую в Тебе,/ и умираю за Тя, да и живу с Тобою,/ но яко жертву непорочную приими мя, с любовию пожершуюся Тебе./ Той молитвами,/ яко Милостив, спаси души наша.

Кондак великомученицы Марины глас 3

Девства добротами преиспещренна, дево,/ нетленными венцы венчалася еси, Марино,/ кровьми же мученичества обагрена,/ чудесы просветившися исцелений,/ благочестно, мученице, прияла еси почесть победы твоего страдания.

Ин кондак великомученицы Марины глас 3

Марина днесь вражию главу сокрушает,/ победы венец с Небесе приемши./ Егоже бо пророцы удержати не возмогоша,/ того она, связавши, уязви./ Сего ради показася мучеником украшение, вкупе же и похвала.

Тропарь преподобного Леонида Устьнедумского глас 1

Божественною любовию и житием духовным/ от юности распалився, преподобне,/ и вся, яже в мире красная, возненавидев,/ Христа единаго от души возлюбил еси, отче,/ легкое иго на рамо взем,/ Божественным Промыслом и Пречистыя Богородицы чудным явлением направляемь/ достиже пустыни/ и в ней многолетне подвизался еси/ в трудех многих и слезах,/ всяким злостраданием плоть свою изнуряя./ Отонудуже Бог, твоя труды видев,/ умножи тебе чада в пустыни./ Но яко имея дерзновение к Богу,/ моли о нас, рабех твоих, отче преподобне Леониде,/ да избавит нас от всех навет вражиих/ и спасет души наша.

Кондак преподобного Леонида Устьнедумского глас 8

Все свое умножив желание и к Богу вперив/ и Тому невозвратно от души последовав,/ в пустыню вселися и в ней многия труды в Бозе показал еси./ В непроходных местех источники водныя ископал еси/ и умертвил еси подвиги твоими телесная мудрования,/ многим путь был еси ко спасению./ Темже молим тя:/ спаси нас и яже собра, мудре, да зовем ти:/ радуйся, Леониде преподобне, пустынный жителю.

Pages: 1 2 3

В этот день:

Русская Православная Церковь отмечает память святых:

Крещенiе Руси

Мучеников Кирика и Иулитты (ок. 305)
Свт. Свитхуна, еп. Винчестерского (862) (Кельт. и Брит. ).
Равноапостольного великого князя Владимира (1015)
Святой Матроны Хиосской (1462;Греч. ).
Собор Киевских святых
Мученика Авудима (IV)
Св. Дональда Огилвийского (716) (Шотландия)
Преподобного Никандра Борисоглебского, игумена (1911)
Священномученика. Петра Троицкого, диакона (1938).
Преподобного Иова Угольского (1985)

Храни вас Господь, Матерь Божия и все святые, их же память мы сегодня отмечаем!

Молитвы

Тропарь равноапостольного великого князя Владимира глас 4

Уподобился еси купцу, ищущему добраго бисера,/ славнодержавный Владимире,/ на высоте стола седя матере градов,/ богоспасаемаго Киева:/ испытуя же и посылая к Царскому граду/ уведети православную веру,/ обрел еси безценный бисер — Христа,/ избравшаго тя, яко втораго Павла,/ и оттрясшаго слепоту во святей купели,/ душевную вкупе и телесную./ Темже празднуем твое успение,/ людие твои суще,// моли спастися державы твоея Российския начальником и множеству владомых.

Тропарь равноапостольного великого князя Владимира глас 1

Яко начальнику Крещения/ и кореню веры Божественныя,/ идолов разрушителю,/ блаженне княже Василие равноапостольне, вопием ти:/ слава вразумльшему тя Христу Богу,/ слава освятившему тя Крещением Своим,/ слава просветившему тобою всю страну Русскую.

Ин тропарь равноапостольного великого князя Владимира глас 8

Правоверия наставниче/ и всея Руси просветителю,/ благочестивый великий княже Владимире,/ святым Крещением всех просветил еси/ и церкви многи славны украсил еси,/ о премудре Василие,/ Христа Бога моли спастися душам нашим.

Кондак равноапостольного великого князя Владимира глас 8

Подобствовав великому апостолу Павлу, в сединах, всеславне Владимире,/ вся яко младенческая мудрования, яже о идолех тщания, оставль,/ яко муж совершенный, украсился еси Божественнаго Крещения багряницею,/ и ныне, Спасу Христу в веселии предстоя,// моли спастися державы Российския начальником и множеству владомых.

Ин кондак равноапостольного великого князя Владимира глас 8

Изрядному воеводе и правоверному,/ благодарственная восписует ти вся Русь, Василие, имущи тя начальника и заступника,/ яко избавил еси нас от всякия скверны и лести, темже ти вопием:/ радуйся, великий княже Владимире преблаженне.

Ин кондак равноапостольного великого князя Владимира глас 4

Отеческу прелесть, идолы, яко суетни, отверг,/ Христа, всех истиннаго Бога, Царя и Благодателя, познал еси./ Темже и люди, изрядны Тому, святым Крещением просветил еси,/ преславне Владимире./ Сего ради почитаем тя,/ яко Троице служителя,/ Христа моли даровати нам велию милость.

Тропарь мучеников Кирика и Иулитты глас 8

Яко лоза благоплодная, Иулитто честная,/ грозд зрел принесла еси Цареви, всех Богу,/ сына твоего Кирика славнаго,/ мучением того богатно украсивши/ и твоею кровию навершивши,/ тем и дарова тебе Вышний возмездие в Вышних,/ идеже ликующе, помяните нас, мученицы терпеливодушнии.

Кондак мучеников Кирика и Иулитты глас 4

Во объятиих носящи христомученица Иулитта Кирика,/ на подвизе мужески веселящися, взываше:/ Христос есть мучеников похвала.

Ин кондак мучеников Кирика и Иулитты глас 2

Жертва приятна, Богови приносима,/ и свидетель верен Христов являемь,/ с материю пострадал еси Иулиттою, Кириче славне,/ с неюже Христа Бога молити не престай о всех нас.

Ин тропарь мучеников Кирика и Иулитты глас 4

Мученицы Твои, Господи,/ во страданиих своих венцы пришла нетленныя от Тебе, Бога нашего:/ имуще бо крепость Твою,/ мучителей низложиша,/ сокрушиша и демонов немощныя дерзости./ Тех молитвами/ спаси души наша.

Pages: 1 2 3

В этот день:

Русская Православная Церковь отмечает память святых:

Святого Апостола Акилы (I).
Святого мученика Иуста (I).
Св. Ираклия, патр. Александрийского (246).
Преподобный  Онисим чудотворец, иже в Магнезии (ок. 284-305)
Мученика Иоанна Мерва (IV в.
Преподобного Еллия  монаха, Египетского (IV).
Св. Маркеллина, иерея (775; Нидерл.).
Преподобного Стефана Махрищского (1406)
Преподобный Никодима Святогорца (1809).
Преподобного Феофила Киевского (1853)
Священномученика Константина пресвитера (1918).
Священномученика Николая пресвитера (1933).

Храни вас Господь, Матерь Божия и все святые, их же память мы сегодня отмечаем!

Молитвы:

Тропарь апостола Акилы глас 3

Апостоле святый Акило,/ моли Милостиваго Бога,/ да прегрешений оставление// подаст душам нашим.

Кондак апостола Акилы глас 4

Яко велие солнце, Церковь тя стяжавши,/ славне Акило,/ светлостьми учения твоего просвещает/ верно чтушия тя,// Господень апостоле.

Тропарь преподобного Никодима Святогорца глас 3

Мудрости благодатию, отче, украшенный,/ труба богогласная показался еси Духа/ и добродетелей наставник, Никодиме Богоглаголивый,/ всем бо подаеши спасительная учения,/ жития чистаго показуя сияние/ богатством Божественных твоих словес,/ имиже, яко свет, мирови возсиял еси.

Кондак преподобного Никодима Святогорца глас 8

Яко таинника изряднейшаго добродетельнаго жития и благочестия,/ богоноснаго учителя Православия, празднует тя Церковь,/ с Небес бо дарования приемый,/ озарявши Божественными твоими писании вопиющих ти:/ радуйся, отче Никодиме.

Тропарь преподобного Стефана Махрищского глас 8

Православия ревнителю,/ благочестия наставниче и чистоты,/ ищущим спасения путеводительный светильниче,/ монашествующих Богодухновенное удобрение,/ преподобнаго Сергия духовный собеседниче,/ Стефане премудре,/ ученьми и добродеяньми твоими души просветил еси/ и пустыни населил еси,/ моли Христа Бога спастися душам нашим.

Кондак преподобного Стефана Махрищского глас 8

Чистотою душевною божественно вооружився,/ блаженную жизнь совершил еси,/ в пустыню, яко во град, вселився,/ благодать приял еси от Бога/ исцеляти недуги приходящим к честней твоей раце/ и всех возвышати к Божественней высоте,/ темже, имея дерзновение ко Святей Троице,/ поминай нас, чтущих память твою, да зовем ти:/ радуйся, преподобне Стефане, постником удобрение.

Pages: 1 2 3

В этот день:

Русская Православная Церковь отмечает память святых:

Собор святого Архангела Гавриила
Святителя Иулиана епископа Кеноманийского (I).
Мученика Маркиана Иконийского (258)
Святого Серапиона (II-III)
Преподобного Стефана Савваита (794).

Храни вас Господь, Матерь Божия и все святые, их же память мы сегодня отмечаем!

Молитвы:

Кондак Архангела Гавриила глас 2

На Небесех зря Божию славу и на земли с высоты подая благодать,/ начальниче Ангелов, мудре Гаврииле, Божия славы служителю/ и мира Божественный поборниче,/ спасай, соблюдай вопиющия ти:// сам буди помощник, и никтоже на ны.

Тропарь преподобного Стефана Савваита глас 5

Воздержанием житие украси и страсти умертвив,/ посрамил еси вражия прилоги, отче Стефане,/ и преложися к Богу, чудотворец показася,/ в вечней славе со Ангелы ликуя,/ с ними же моли помиловати души наша.

Pages: 1 2 3

В этот день:

Русская Православная Церковь отмечает память святых:

Праведной Вероники (I)
Страдание святых мучеников Прокла и Илария (II).
Преподобного Михаила Малеина (962)
Мучеников Феодора Варяга и сына его Иоанна, в Киеве (983).
Преподобных Иоанна и  Гавриила Святогорцев(X)
Преподобного Арсения Новгородского, Христа ради юродивого (1570)
Преподобномученик Симон Воломский (1641)
Святителя Григория (Каллидос),  митрополита Ираклийского (1925)
Мученицы Голиндухи во св. Крещении Марии (591).
Святителя Серапиона, епископа Владимирского (1275)
Преподобномученика Сильвана (1539)
Иконы Божией Матери, именуемая Троеручица (VII)
Иконыа Божией Матери  «Самонаписавшаяся»

Храни вас Господь, Матерь Божия и все святые, их же память мы сегодня отмечаем!

Молитвы:

Тропарь Божией Матери пред иконой Ее Троеручица глас 4

Днесь светло красуется царствующий град Москва,/ имеющи в себе, о Всемилостивейшая, всея твари Честнейшая,/ Заступнице наша Дево Богородице,/ честный образ Твой,/ имже подсолнечныя концы земли удивляеши/ и мир мирови даруеши,/ во образ бо Святыя Троицы являеши трие руце:/ двема убо Сына Своего, Христа Бога нашего, носиши,/ третиею от напастей и бед/ верно к Тебе прибегающих избавляеши,/ и от потопления изымаеши,/ и всем полезная даруеши,/ и преподобному Михаилу Малеонскую гору показа,/ и всех всегда милуеши,/ честною ризою Своею покрываеши жительство сие/ и вся грады и страны наша, да зовем Ти:/ радуйся, Обрадованная.

Тропарь Божией Матери пред иконой Ее 'Троеручица' глас 4

Днесь всемирная радость возсия нам велия:/ даровася святей Горе Афонстей/ цельбоносная Твоя, Владычице Богородице, икона,/ со изображением тричисленно и нераздельно пречистых рук Твоих/ в прославление Святыя Троицы,/ созываеши бо верных и молящихся Тебе о сем познати,/ яко двема Сына и Господа держиши,/ третию же яви на прибежище и покров чтущим Тя,/ от всяких напастей и бед избавляти,/ да вси, притекающии к Тебе, верою приемлют неоскудно от всех зол свобождение,/ от врагов защищение,/ сего ради и мы вкупе со Афоном вопием:// радуйся, Благодатная, Господь с Тобою.

Ин тропарь Божией Матери пред иконой Ее Троеручица глас 4

Яко звезда светозаряющая,/ из Сербии на Афон чудесно прииде/ всечестная икона Твоя Троеручица,/ юже обитель Хиландарская благоговейно восприемши,/ яко Божественный дар свыше,/ прославляет Тя, Владычицу,/ и умильно вопиет:/ не остави милость Твою от нас,/ но пребуди с нами во веки.

Кондак Божией Матери пред иконой Ее 'Троеручица' глас 8

Днесь веселое наста ныне Твое торжество, Богомати Пречистая,/ вси вернии исполнишася радости и веселия,/ яко сподобльшеся изрядно воспети/ предивное явление честнаго образа Твоего/ и рождшагося из Тебе Младенца, истинна же Бога,/ Егоже двема рукама объемлеши,/ и третиею от напастей и бед нас изымаеши// и избавляеши от всех зол и обстояний.

Тропарь преподобнаго Михаила Малеина глас 8

Крилами мысленными к Боговедению возлетев разумно,/ мятеж мира оставил еси, блаженне,/ презрев плоти мудрования,/ мудрость Вышнюю взыскал еси, еже жити с Богом,/ и всем образ дав собою, глаголя:/ добро есть с Богом жити, Михаиле преподобне.

Кондак преподобного Михаила Малеина глас 2

Плотскую тяготу утончил еси делы,/ душевную же быстрость вперил еси просвещением, Михаиле,/ и явился еси Троице жилище,/ Юже зря, блаженне, ясно,// моли непрестанно о всех нас.

Кондак мучеников Прокла и Илария, глас 4

Яко денница звезда, возсия/ мучеников Прокла и Илария/ честное страдание,/ предозаряющи нас чудес светлостьми./ Темже празднуем память вашу:/ Христа Бога молите,// да спасет души наша.

Тропарь преподобного Арсения Новгородского глас 4

Отечество свое и род оставил еси,/ Христу прилепися,/ и Великаго Новаграда достигл еси,/ и в нем во юродстве трудолюбное твое тело изнурил еси/ многим постом и воздержанием,/ и пророчествия дар прияти сподобися,/ и многошвенныя ризы изволил еси на себе носити,/ и, тело в нем предложив,/ обитель себе в премирнем Царствии у Христа, всех Бога, сотворил еси./ Егоже моли, святе Арсение преподобне,/ Церкви и стране нашей в мире пребывати от всех навет вражиих,/ ущедрити нас, почитающих твое торжество,/ и спасти души наша.

Тропарь преподобного Симона Воломского глас 4

От юности твоея вперив ум твой к Богу, блаженне Симоне,/ мира же отвергся, вселился еси в пустыню непроходимую,/ и тамо, от Господа укрепляемь,/ в молитвах и пощениих доблественне пожил еси,/ и жизнь твою страдальчески/ убиением от сынов противления скончал еси./ Сего ради со преподобными и мученики венчался еси,/ с ними же и ныне предстоиши Престолу Пресвятыя Троицы./ Сию моли, молим тя,/ оставление подати согрешений наших/ и даровати нам велию милость.

Кондак преподобного Симона Воломского глас 8

Возложив себе Богу, паче всех возлюбленному,/ от юности, преподобномучениче, Тому от всея души любовию последовал еси,/ мира же тленная ни во что же вменив,/ и в непроходимую пустыню вселился еси,/ и в ней добре противу невидимаго врага подвизався,/ и, яко светозарное солнце, во вся концы возсиял еси,/ и от человеков ненавистных нуждную смерть, и мечное посечение,/ и ножи разбодение, и огненное опаление приял еси,/ и, радуяся, пришел еси к Небесным чертогом./ И ныне со Безплотными лики Владычнему Престолу предстоя,/ поминай нас, чтущих память твою, да зовем ти:/ радуйся, Симоне преподобне, пустынный жителю.

Тропарь мучеников Феодора варяга и сына его Иоанна глас 2

Страстотерпцы Господни,/ Феодоре со Иоанном отроком, славнии!/ Блаженна земля Русская, напившаяся кровьми вашими,/ и радуется отечество наше,/ в немже вы первии, идолы посрамивше,/ Христа со дерзновением исповедаете/ и за Него пострадаете./ Того, яко Блага, молите,/ до скончания века в стране нашей Церковь Православную непоколебиму утвердити/ и всех русских людей во истинней вере и благочестии сохранити.

Pages: 1 2 3

В этот день:

Русская Православная Церковь отмечает память святых:

Великомученицы Евфимии Всехвальной (304)
Мученика Киндея (III-IV).
Преподобного Дростана Абердинского (610)
Преставление блаженной княгини Ольги, во святом крещении Елены (969).
Прп. Никодима Ватопедского, Афонского ( XIV; Греч. ).
Преподобного Аркадия Вяземского и Новоторжского (1677).
Священномученика Доброслава Блажевича, священника (1941; Серб.)
Священномученика Милана Божича, протоиерея (1941; Серб.)
Преподобномученика Михаила (Джусича), иеромонаха (1945; Серб.)
Священномученика Момчило Гргучевича, пресвитера (1945; Серб.)
Иконы Божией Матери Ржевская или Оковецкая (1539)
Иконы Божией Матери Борколабовской
Рудненской иконы Божией Матери.

Храни вас Господь, Матерь Божия и все святые, их же память мы сегодня отмечаем!

Молитвы:

Тропарь великомученицы Евфимии глас 4

Агница Твоя, Иисусе, Евфимия/ зовет велиим гласом:/ Тебе, Женише мой, люблю,/ и, Тебе ищущи, страдальчествую/ и сраспинаюся и спогребаюся Крещению Твоему,/ и стражду Тебе ради,/ яко да царствую в Тебе,/ и умираю за Тя, да и живу с Тобою,/ но яко жертву непорочную приими мя,/ с любовию пожершуюся Тебе.// Тоя молитвами, яко Милостив, спаси души наша.

Ин тропарь великомученицы Евфимии всехвальной глас 4

Жениха твоего Христа возлюбивши/ и свещу твою светлу уготовльши,/ добродетельми возсиявши, всехвальная Евфимие,/ тем возшла еси с Ним на брак,/ венец страдания от Него приемши./ Но от бед избави нас,/ чтущих верою память твою.

Кондак великомученицы Евфимии глас 6

Подвиги во страдальчестве, подвиги в вере/ положила еси тепле за Христа, Жениха твоего./ Но и ныне якоже ереси и врагов шатание/ под ноги воинству нашему покорити моли Богородицею,/ яже от шестисот тридесяти богоносных отец/ предел приемшая// и хранящая, всехвальная.

Ин кондак великомученицы Евфимии всехвальной глас 4

Во страдании своем добре подвизася/ и по смерти нас освящавши чудес течением, всехвальная./ Тем твое успение поем,/ верою прибегающе в Божественную твою церковь,/ да избавимся недуг душевных и чудес благодать почерпем.

Тропарь равноапостольной Ольги глас 1

Крилами богоразумия вперивши твой ум,/ возлетела еси превыше видимыя твари,/ взыскавши Бога и Творца всяческих,/ и, Того обретши, паки рождение Крещением прияла еси,/ древа животнаго наслаждающися, нетленна во веки пребываеши,// Ольго приснославная.

Ин тропарь равноапостольной Ольги глас 8

В тебе, Богомудрая Елено, известен спасения образ бысть в Русстей стране,/ яко, приимши баню святаго Крещения, последовала еси Христу,/ творящи же и учащи, еже оставити идольскую прелесть,/ восприяти же попечение о души, вещи безсмертней,/ темже и со Ангелы радуется, равноапостольная, дух твой.

Ин тропарь равноапостольной Ольги глас 4

Оставивши лесть идольскую,/ последовала еси Христу, Безсмертному Жениху, Ольго Богомудрая,/ в Егоже чертозе радующися,/ непрестанно молися/ о чтущих верою и любовию святую память твою.

Ин тропарь равноапостольной Ольги, еллинский глас 3

Святая равноапостольная избраннице Христова, княгине Ольго,/ народ твой словесным и чистым Христовым млеком напоившая,/ молися Милостиву Богу,/ да прегрешений оставление/ подаст душам нашим.

Кондак равноапостольной Ольги глас 4

Воспоем днесь Благодетеля всех Бога,/ прославльшаго в России Ольгу богомудрую,/ да молитвами ея/ подаст душам нашим// грехов оставление.

Ин кондак равноапостольной Ольги глас 4

Явися днесь благодать всех Бога,/ прославльши в Руси Ольгу Богомудрую,/ молитвами ей, Господи,/ людем подаждь/ грехом оставление.

Pages: 1 2 3

В этот день:

Русская Православная Церковь отмечает память святых:

Мученика Аполлония (III).
Святых сорока пяти мучеников, пострадавших в Никополе Армянском (ок. 318)
Преподобных пустынников египетских, огнем и дымом уморенных (ок. 398).
Святых мучеников Вианора и Силуана (IV).
Преподобного Антония Киево-Печерского, начальника всех русских монахов (1073)
Положение честной ризы Господа нашего Иисуса Христа в Москве (1625)
Священномученика Иосифа Дамасского, протоиерея (1860)
Священномученика Петра Зефирова, иерея (1918)
Священномучеников Стефана иерея, Георгия и Нестора диаконов (1918).
Преподобных Евмения (1920) и Парфения (1905) Гортинских.
Коневской иконы Божией Матери.

Храни вас Господь, Матерь Божия и все святые, их же память мы сегодня отмечаем!

Молитвы:

Тропарь преподобного Антония глас 4

От мирскаго мятежа изшед,/ отвержением же мира евангельски Христу последовал еси/ и, равноангельное житие пожив,/ в тихое пристанище Святыя Горы Афона достигл еси,/ отонудуже благословением отцев в гору Киева пришед/ и тамо трудолюбно жизнь совершив,/ Отечество твое просветил еси/ и, множеству монашествующих стезю, ведущую к Небесному Царствию, показав,/ Христу сия привел еси,/ Егоже моли, Антоние преподобне,// да спасет души наша.

Кондак преподобного Антония глас 8

Возложив себе Богу, паче всех возлюбленному от юности, преподобне,/ Тому от всея души любовию последовал еси,/ мира же тленная ни во чтоже вменив, в земли пещеру соделал еси/ и, в ней добре противу невидимаго врага козней подвизався,/ яко светозарное солнце, во вся концы земли возсиял еси,/ отонудуже, веселяся, прешел еси к Небесным чертогом./ И ныне со Ангелы Владычню престолу предстоя,/ поминай нас, чтущих память твою, да зовем ти:// радуйся, Антоние, отче наш.

Кондак прп. Антония Киево-Печерского, начальника всех русских монахов глас 8

В мире яко Ангел, отче, пожил еси,/ в земли пещеру себе соделав,/ в нейже добре подвизався противу невидимаго врага козней,/ и оттуду, веселяся, прешел еси к Небесным чертогом./ Поминай нас, чтущих память твою, да зовем ти:/ радуйся, Антоние, отче наш.

Тропарь Положения честной ризы Господа нашего Иисуса Христа глас 4

Днесь притецем, вернии,/ к Божественней и цельбоносней ризе Спасителя нашего Бога,/ благоизволившаго сию плотию носити/ и на Кресте святую Свою Кровь излияти,/ еюже искупи нас от работы вражия./ Тем благодаряще вопием Ему:/ спаси Отечество наше,/ и архиереев, и град, и вся люди,/ честною Твоею ризою защити/ и спаси души наша,// яко Человеколюбец.

Кондак Положения честной ризы Господа нашего Иисуса Христа глас 4

Одеяние нетления, спасительнаго целения/ всем человеком, Владыко, даровал еси,/ Твое Божественное сокровище — честную ризу,/ яже есть хитон,/ еюже живоносную и святую плоть вочеловечения Твоего/ одеяти благоволил еси./ Сию желанием приемлюще, светло празднуем,/ страхом же и любовию, яко Благодетелю воспевающе,/ зовем Ти, Христе:/ сохрани в мире Отечество наше, и архиереев, и вся люди,// по велицей Твоей милости.

Тропарь 45-ти мученикам в Никополе Армянском глас 1

Единоумне душею связани бывше,/ четыредесять с пятьми страдальцы святии,/ на врага ополчистеся,/ победителие же явльшеся,/ прилете венцы от Христа Бога/ и вечное мучений ваших воздаяние,/ тыя и нам улучити молите,/ благочестно песньми вас величающим.

Кондак 45-ти мученикам в Никополе Армянском глас 8

Христа ради, мученицы, многия муки подъясте,/ и многобожие низложисте все идольское,/ и разрушисте безбожие всякия прелести,/ Христовою силою сия поправите,/ нас всех верно научаете вопити яве: аллилуйя.

Тропарь Божией Матери пред иконой Ее Коневской глас 1

Возсия нам, яко солнце светозарное от востока в велелепии,/ Твоя, Владычице, икона,/ озаряющи чудес сиянием преславно/ всех, выну приходящих к ней с верою и любовию/ и молящихся усердно Твоему, еже о Сыне Твоем и Бозе, величию./ Слава Богу, Арсением сию давшему нам,/ слава возвратившему от Новаграда,/ слава Действующему тою всем исцеления.

Кондак Божией Матери пред иконой Ее Коневской глас 8

Препрославленная Вышняго Мати созывает к песнопению нас/ Своего образа пришествием от Новаграда/ и возбуждает зрением того на подвиг,/ побеждати сопротивных силу,/ и к Ней, яко нашел радости виновней, пети:/ радуйся, Невесто Неневестная.

Pages: 1 2

В этот день:

Слово въ недлю восьмую по Пятьдесятниц. Прав. Іоаннъ Кронштадтскій († 1908 г.)

Русская Православная Церковь отмечает память святых:

Священномученика Панкратия, епископа Тавроменийского (I).
Преподобных отцов Патермуфия и Коприя и с ними Александра мирянина (363)
Сщмч. Кирилла, еп. Гортинского (III-IV).
Преподобного Патермуфия (IV-V)
Преподобного Коприя (IV-V)
Сщмч. Киллиана еп. Восточно-Франкийского и Тюрингского и еже с ним (689)
Св. Эверильды девы (700; Кельт. и Брит.)
Святителя Феодора, епископа Едесского (IX)
Прпп. Дионисия Ритора и Митрофана, Афонских (1609; Греч.).
Священномученика Петра Черевковского (1613)
Сщмч. Константина Лебедева, пресвитера (1918).
Колочская икона Божией Матери (1413)
Кипрской икона Божией Матери

Храни вас Господь, Матерь Божия и все святые, их же память мы сегодня отмечаем!

Молитвы:

Тропарь священномученика Панкратия глас 4

И нравом причастник,/ и престолом наместник апостолом быв,/ деяние обрел еси, богодохновенне,/ в видения восход,/ сего ради слово истины исправляя,/ и веры ради пострадал еси даже до крове,/ священномучениче Панкратие,/ моли Христа Бога// спастися душам нашим.

Тропарь священномученика Панкратия, епископа Тавроменийского глас 8

Яко стрела огнезрачная,/ от Верховнаго послан был еси Тавроменийскому престолу/ уязвляти безбожных злочестие,/ верных же сердца просвещати,/ яже боговещанными твоими словесы в вере утвердив/ и течение совершив, пострадал еси до крове,/ священномучениче Панкратие,/ моли за вся, поющия память твою.

Кондак священномученика Панкратия глас 4

Светлая тавромениом, Панкратие,/ звезда показался еси/ и священнострадалец явился еси за Христа,/ Емуже ныне предстоя,// моли за чтущия тя, блаженне.

Тропарь священномученика Кирилла, епископа Гортинского глас 3

Гласом божественным от темницы изведен,/ в Риме братию в божественней вере утвердил еси,/ и, от Ангела глаголы приим о святительстей пастве,/ во страдании своем паки гласу с Небесе сподобися,/ богоповеленный святителю и страдальче Кирилле,/ моли за души наша.

Кондак священномученика Кирилла, епископа Гортинского глас 3

Видев себе ради темничныя двери отверсты в полунощи/ и идолы сокрушены,/ и Гортинскую паству святительскую,/ от Бога повеленную, добре упас,/ и по Христе надеждно пострадав,/ священномучениче Кирилле,/ молися за чтущия тя.

Тропарь святителя Феодора, епископа Едесского глас 4

Апостолом подражатель/ и божественных учений столп бысть,/ тем ко Христу притече,/ молением, блаженне, Моавия царя светом Крещения просвещена показа, Феодоре,/ и исповедания ради кровь свою излиял есть,/ исходатайствен тому явися венец от Христа Царя,/ Егоже моли спасти души наша.

Кондак святителя Феодора, епископа Едесского глас 4

Яко солнце, осиявая светлым житием, Феодоре, яве,/ вавилонскому царю явися чудесы/ и сего угодника Христу, святителю, показа,/ с нимже ныне Троице предстоя,/ нас поминай, светло торжествующих память твою, мудре.

Pages: 1 2

В этот день:

Русская Православная Церковь отмечает память святых:

Празднество Пресвятой Деве Богородице в честь явления Ее иконы Казанской
Великомученика Прокопия (303).
Мученика Митридата (Мирдат) V, царя Карталинского (420)
Преподобного Димитрия Басарбовского (XIII)
Святого Прокопия, Христа ради юродивого, Устюжского чудотворца(1303).
Преподобного Феофила Мироточивого (1548)
Праведный Прокопий Устьянский, Важский, Вологодский, Христа ради юродивый (XVII)
Священномученика Анастасия Янинского, священника (1743)
Священномученика Александра Попова, иерея (1918)
Священномученика Феодора Распопова, иерей (1918)
Казанская Богородица
Казанская икона Божией Матери, именуемая Ярославская (1588)
Московский список с чудотворной Казанской иконы Божией Матери (1612)
Казанская икона Божией Матери, именуемая Чимеевская (1624)
Казанская икона Божией Матери, именуемая Нижнеломовская (1643)
Казанская (Тобольская) икона Божией Матери (1661)
Казанская чудотворная икона в Каплуновке (1689)
Казанской иконы Божией Матери в Шлиссельбурге (1702)
Казанская (Пензенская) икона Божией Матери (1717)
Казанская икона Божией Матери, именуемая Высочиновская (XVIII)
Песчанской  иконы Божией Матери (1754)
Тамбовская чудотворная икона Божией Матери (1895)
Якобштадтской иконы Божией Матери (XVII)
Знамение от иконы Божией Матери Благовещения во граде Устюге (1290)
Петербургский список с чудотворной Казанской иконы Божией Матери(1721)
Вышенский список с Казанской иконы Божией Матери (1812)

Храни вас Господь, Матерь Божия и все святые, их же память мы сегодня отмечаем!

Молитвы:

Тропарь Божией Матери пред иконой Ее Казанской глас 4

Заступнице усердная,/ Мати Господа Вышняго,/ за всех молиши Сына Твоего, Христа Бога нашего,/ и всем твориши спастися,/ в державный Твой покров прибегающим./ Всех нас заступи, о Госпоже, Царице и Владычице,/ иже в напастех, и скорбех, и в болезнех обремененных грехи многими,/ предстоящих и молящихся Тебе умиленною душею/ и сокрушенным сердцем/ пред пречистым Твоим образом со слезами/ и невозвратно надежду имущих на Тя,/ избавления всех зол,/ всем полезная даруй/ и вся спаси, Богородице Дево:// Ты бо еси Божественный покров рабом Твоим.

Кондак Божией Матери пред иконой Ее Казанской глас 8

Притецем, людие, к тихому сему и доброму пристанищу,/ скорой Помощнице, готовому и теплому спасению, покрову Девы,/ ускорим на молитву и потщимся на покаяние:/ источает бо нам неоскудныя милости Пречистая Богородица,/ предваряет на помощь и избавляет от великих бед и зол// благонравныя и богобоящияся рабы Своя.

Тропарь великомученика Прокопия глас 4

Мученик Твой, Господи, Прокопий/ во страдании своем венец прият нетленный от Тебе, Бога нашего:/ имели бо крепость Твою,/ мучителей низложи,/ сокруши и демонов немощныя дерзости./ Того молитвами/ спаси души наша.

Кондак великомученика Прокопия глас 2

Ревностию ко Христу Божественною распалаемь/ и Креста крепостию ограждаемь,/ врагов шатание и дерзость низложил еси, Прокопие,/ и честную Церковь возвысил еси,/ верою преуспевая и просвещая нас.

Тропарь праведного Прокопия, Христа ради юродивого, Устюжского чудотворца глас 4

Просветився Божественною благодатию, Богомудре,/ и весь разум и сердце от суетнаго мира сего к Зиждителю неуклонно возложив/ целомудрием и многим терпением,/ во временней жизни течение добре скончал еси/ и веру соблюл еси непорочну./ Темже и по смерти явися светлость жития твоего:/ источаеши бо чудесем источник неисчерпаемый/ верою притекающим ко святому твоему гробу,/ Прокопие всеблаженне,/ моли Христа Бога,/ да спасет души наша.

Ин тропарь праведного Прокопия, Христа ради юродивого, Устюжского чудотворца глас 4

В терпении твоем от Бога мзду дарований пророчества/ приял еси, блаженне,/ молитвами, бдением и лощением/ тело свое изнурив,/ душу же возвысив на Небесная,/ Царя всех Христа Бога славы зрети сподобися/ и неувядаемым венцем увязеся./ Емуже с лики святых предстоя,/ за люди своя моление предлагая,/ тепле пролия слез источник,/ избавил еси град Великий Устюг и люди своя/ от труса страшнаго, и огня, и напрасныя смерти./ Темже и мы, к честней раце твоей припадающе, вопием ти:/ о Прокопие чудоносне,/ ходатай нам буди ко Господу/ во дни нашедших печалей, рабом твоим,/ и молися, да спасет души наша.

Ин тропарь праведного Прокопия, Христа ради юродивого, Устюжского чудотворца глас 4

От земли Воззвавый тя к вечным обителем/ соблюдает и по смерти неврежденно тело твое, святе,/ ты бо, в целомудрии и чистоте житие пожив, блаженне,/ не осквернил еси плоти нетлением смертным./ Темже тя любовию чтим, Прокопие.

Ин тропарь праведного Прокопия, Христа ради юродивого, Устюжского чудотворца глас 2

В терпении твоем, святче Божий,/ от Господа мзду восприял еси/ и пожал еси ниву пищи райския,/ безсонным бдением и юродством тело твое изнурил еси/ и мудростию душу твою спасл еси,/ живота земнаго небрегл еси,/ но Небеснаго Царствия зрети возжелел еси,/ и Небеснаго Царя видети сподобился еси,/ и Тому поклонился еси./ Мы же, недостойный раби твой, ко гробу твоему умильно припадающе/ и сокрушенным сердцем взирающе на образ иконы твоей, сице вопием:/ о Прокопие чудный,/ ходатай буди и молитвенник ко Господу о рабех твоих/ и заступник граду нашему/ во дни нашедших печалей/ и молися ко Господу о спасении душ наших.

Кондак праведного Прокопия, Христа ради юродивого, Устюжского чудотворца глас 4

Христа ради юродством/ воздушная мытарства на руках ангельских неприкосновенно прешед,/ царскаго достигл еси престола/ и от Царя всех Христа Бога дар прием благодать исцелений,/ многими бо чудесы твоими и знамением страшным/ удивил еси град твой Великий Устюг:/ людем твоим милость испросив,/ миро от честнаго образа Пресвятыя Богородицы молитвою извел еси/ и недужным подал еси цельбы./ Тем же молим тя, чудоносче Прокопие:/ моли Христа Бога непрестанно подати грехов наших прощение.

Ин кондак праведного Прокопия, Христа ради юродивого, Устюжского чудотворца глас 4

Верою память твою, блаженне, совершающих/ и любовию празднующих святое торжество твое/ соблюдай от всякия злобы и соблазна змиина,/ имаши бо дерзновение ко всех Владыце,/ Егоже моли избавится от бед рабом твоим, Богомудре Прокопие.

Тропарь праведного Прокопия Устьянского глас 1

Божественною благодатию просветився,/ и по смерти даруеши исцеления/ притекающим к тебе, премудре Прокопие,/ темже и мы ныне чтим честных мощей твоих явление,/ веселящее вкупе души и телеса./ Тем вси вопием:/ слава Давшему ти крепость,/ слава Венчавшему тя,/ слава Действующему тобою всем исцеления.

Кондак праведного Прокопия Устьянского глас 8

Верою и любовию/ твое честное явление празднующих, блаженне,/ сохрани и соблюди от веяния злобы и соблазна змиина,/ имаши бо дерзновение ко Владыце всех, Христу Богу./ Егоже моли спасти православный люди,/ молящия тя, да вси вопием ти:/ радуйся, отче Прокопие,/ всея Российский земли удобрение.

Тропарь Божией Матери пред иконой Ее Благовещение во граде Устюге глас 4

Всепетая и Всеславная Царице Богородице,/ Мати всея твари Содетеля,/ христианская Надеждо и Заступнице,/ печальным утешение, ненадеющимся и отчаявшимся скорое надеяние, молим Тя:/ милостива буди нам, грешным,/ не остави раб Твоих/ и не отрини моления недостойных./ Молимтися, взирающе ко образу Твоему честному/ святыя и чудотворныя иконы Твоей/ и вопиюще с плавающими и путь шествующими,/ да пребудет милость Твоя./ О Владычице, ризою честною защити,/ и во всяцех местех злых соблюди,/ и молися к рождшемуся из Тебе Христу Богу нашему,/ да спасет от грех души наша.

Тропарь Божией Матери пред иконой Ее Тамбовской глас 4

Днесь светло красуется град Тамбов,/ и святитель Христов Питирим радуется./ Сияет бо ныне чудесы икона Твоя, Владычице,/ юже из первопрестольнаго града Москвы святитель принесе,/ и дивное людем являет Твое заступление,/ подающи исцеление всем, с верою к Тебе притекающим./ Темже умильно вопием Ти:/ спасай нас иконою Твоею,/ Дево Всепетая.

Pages: 1 2