Успенский пост

Проповеди:
В этот день:
Русская Православная Церковь отмечает память святых:
Происхождение честного и животворящего креста Господня
Святых мучеников семи братьев Маккавеев (166 до Р.Х.).,
Празднество Всемилостивому Спасу и Пресвятой Богородице (1164).
Обретение мощей прп. Софии Суздальской (1995)
Свт. Николая (Касаткина), архиеп. Японии
Сщмч. Димитрия пресвитера (1937).
Мчч. в Пергии Памфилийской: Леонтия, Аттия, Александра, Киндея, Минсифея, Кириака, Минеона, Катуна и Евклея (III).
Исповедника Фриарда Виндумиттского и Секунделла диакона (VI) (Галл.).
Свт. Этельвольда, еп. Винчестерского (984) (Кельт. и Брит.).
Иконы Божией Матери «Предвозвестительница».

Храни вас Господь, Матерь Божия и все святые, их же память мы сегодня отмечаем

Молитвы:

Кондак Креста Господня глас 4
Вознесыйся на Крест волею,/ тезоименитому Твоему новому жительству/ щедроты Твоя даруй, Христе Боже,/ возвесели нас силою Твоею,/ победы дая нам на супостаты,/ пособие имущим Твое оружие мира// непобедимую победу.

Тропарь мучеников Маккавеев глас 1
Болезньми святых, имиже о Тебе пострадаша,/ умолен буди, Господи,/ и вся наша болезни исцели,// Человеколюбче, молимся.

Кондак мучеников Маккавеев глас 2
Премудрости Божия столпи седмочисленнии/ и Божественнаго Света светильницы седмосвещнии,/ Маккавеи всемудрии,/ прежде мучеников превелии мученицы,/ с нимиже всех Богу молитеся// спастися почитающим вас.

Pages: 1 2 3

Проповеди

В этот день:
Русская Православная Церковь отмечает память святых:
Предпразднство происхождения честных древ Животворящего Креста Господня.
Святой праведный Евдоким Каппадокиянин (IX).
Память святой мученицы Иулитты (304-305).
Священномученика Вениамина, митр. Петроградского и Гдовского, и иже с ним убиенных (1922).
Святителя  Василия, епископа Кинешемского (1945).
Мч. Максима (1928).
Священномученика Владимира пресвитера (1937).
Священномученика Иоанна пресвитера,(1937).
Священноисповедника  Константина иерея , (1937).
Мученицу Анны Серову, (1937).
Святой исповедницы Елисаветы Румянцевой, (1937).
Священномученика Николая пресвитера (1941).

Храни вас Господь, Матерь Божия и все святые, их же память мы сегодня отмечаем!

Молитвы:
Тропарь священномученика Вениамина глас 1
Светильник всесветлый во граде святаго Петра явился еси,/ пастырю добрый, священномучениче отче Вениамине./ Любовь и милосердие в сердцах верных насаждая,/ благотворити призывал еси терпящим глад и нищету. Сего ради и мы к тебе прибегаем и с верою вопием ти:/ моли милостиваго Бога/ Отечество наше в Православии и благочестии утвердити,/ мир Церкви даровати// и душам нашим велию милость.

Кондак священномученика Вениамина глас 6
От юности иго Христово на рамо взем,/ истинный страж Православныя Церкве явился еси,/ священномучениче Вениамине./ Клевету, узы, страдания и суд неправедный/ от беззаконных мужественне претерпевая,/ святыню церковную на поругание не предал еси./ Темже и Христос даром терпения и любве тя исполни,/ во еже пред мученическою кончиною/ со благодарением взывати:// за вся, Господи, слава Тебе.

Тропарь праведного Евдокима глас 4
От земли воззвавый тя к Небесным селением/ соблюдает и по смерти невредимо тело твое, святе Евдокиме:/ ты бо в целомудрии и чистом жительстве, блаженне,/ жительствовал еси, не осквернив плоти.// Темже со дерзновением моли Христа Бога спастися нам.

Кондак праведного Евдокима глас 2
Вышних желая, с вышними совокупляяся,/ и колесницу огненную, Божественными восхожденьми добродетелей, совершил еси душу,/ преблаженне Евдокиме,/ на земли пожив, яко безплотен,// Зиждителю всех благоугодил еси.

Тропарь Креста Господня глас 1
Спаси, Господи, люди Твоя/ и благослови достояние Твое,/ победы на сопротивныя даруя// и Твое сохраняя Крестом Твоим жительство.

Pages: 1 2 3

Проповеди

В этот день:
Русская Православная Церковь отмечает память святых:
Святого апостола Андроника
Святого апостола Силы
Святого апостола Силуана
Святого Иоанна Воина (IV).
Преподобного Анатолия Младшего, Оптинского (1922)
Обретение мощей преподобного Германа Соловецкого (1484)
Собор Самарских святых
Священномученик Валентин, епископ Интерамнский
Прав. Ангелины, деспотиссы Сербской (Серб.).
Святых апостолов Крискент, Епенета и Андроника
Святого священномученика Валентина (Уалентина) епископа и трех учеников его.
Святого мученика Полихрония, еп. Вавилонского и еже с ним (ок. 251).
Священномученика Иоанна диакона (1918).
Князя Цотне Дадиани, исп. Мингльского (XIII) (Груз.).
Мученики Авдон и Сеннис, князья Персидские
Оконской иконы Божией Матери
Храни вас Господь, Матерь Божия и все святые, их же память мы сегодня отмечаем!

Молитвы:
Тропарь мученика Иоанна Воина глас 4
Всеблагаго Бога и Царя/ благоверный раб и воин явился еси, Иоанне чудодетелю,/ пострадав бо ради веры мужески,/ блаженно же скончав течение,/ зриши Всетворца Господа в Небесех светлейше./ От Негоже прием дарование чудес,/ страждущим человеком во всяких напастех помогаеши,/ укрепляеши воины в ратех,/ от врагов пленения, ран же и внезапных смертей и от бед лютых изымаеши./ Темже моли Владыку Христа, приснопамятне,/ да во всяком обстоянии сотворит нам милость/ и не введет нас во искушения,// но спасет души наша, яко Человеколюбец.

Ин тропарь мученика Иоанна Воина глас 8
Блаженство евангельское возлюбив, Богомудре Иоанне,/ чистоту сердца девством почтил еси./ Темже суету мира сего пренебрег,/ устремился еси зрети Бога,/ Иже тя прослави чудесы во врачевании различие страждущих./ Сего ради молим тя:/ проси нам у Христа Господа всяких скорбей избавления/ и получения Царства Небеснаго.

Кондак мученика Иоанна Воина глас 6
Благочестиваго воина Христова,/ победившаго враги душевныя и телесныя богомудренно,/ Иоанна мученика достодолжно песньми восхвалим,/ чудодействуя бо, подает обильная исцеления страждущим людем/ и молится Господу Богу// от всяких бед спасти правоверныя.

Ин кондак мученика Иоанна Воина глас 3
Великая скорбным людем радость в бедах обретаешися, чудотворче Иоанне,/ всякия бо страсти молящим тя врачуеши,/ исполняя их прошения./ Темже и ныне моли Господа,/ да спасет ны в милости Своей.

Тропарь апостолов от 70-ти Силы, Силуана, Крискента, Епенета и Андроника глас 3
Лик пяточисленный апостол Христовых песньми восхвалим,/ Силу, Силуана, Крискента, Андроника со Епенетом,/ сии бо идольскую лесть обличиша/ и, неверныя в веру уловивше,/ молят непрестанно о всех, память их величающих.

Тропарь преподобного Германа Соловецкого глас 8
Желанием духовным от юности распаляемь, преподобне Германе,/ Христу тесным жития путем последовал еси/ и, в морский пустынный остров, аки в тихое пристанище, вселився,/ в нем многа лета постнически пожил еси,/ идеже блаженным отцем Зосиме и Савватию сожитель был еси,/ с ними же моли Христа Бога о нас,/ любовию чтущих святую память твою.

Ин тропарь, древний, преподобного Германа Соловецкого глас 8
Украсився, премудре, постническим житием,/ спостник был еси и сожитель в морстем отоце/ преподобным отцем Зосиме и Савватию,/ сподвизавел в молитвах, и трудех, и в пощениих,/ преподобне отче Германе,/ но, яко имея дерзновение к Богу,/ моли избавити нас от враг и спасти души наша.

Кондак преподобного Германа Соловецкого глас 4
Вышних желая,/ вся долу влекущая возненавидел еси/ и, отечество свое оставль,/ в поморие пустынное отшел еси,/ таже в морский остров удалився,/ в нем многа лета Господеви поработал еси./ Темже, память твою празднующе,/ любовию вопием ти:/ радуйся, Германе Богомудре, отче наш.

Pages: 1 2 3

Проповеди

В этот день:
Русская Православная Церковь отмечает память святых:
Рождество свт. Николая Чудотворца, архиеп. Мир Ликийских
Святой мученицы девицы Серафимы (117-138).
Святого мученика Каллиника (III-IV).
Св. Олафа, короля Норвегии (1030) (Кельт. и Брит.).
Святого мученика Евстафия Мцхетского (589)
Преподобного Константина Косинского (XIII).
Прп. Романа, игумена Киржачского.
Преподобномученик Михаил Эдесский (IX)
Прмчч. Серафима и Феогноста (1921).
Мученицы Феодотии и трех чад её ок. 304
Прмч. Анатолия .
Священномученика Алексия пресвитера,(1938)
Преподобномучеников Ардалиона (1938)
Преподомученика Пахомия (1938).
Свт. Лупа Исповедника, еп. Тройского.

Божия и все святые, их же память мы сегодня отмечаем!

Молитвы:

Тропарь на рождество Святителя Николая Чудотворца, глас 4

Чудное и славное рождество твое, святителю Николае,/ Церковь днесь православных светло празднует, /ибо стоянием ногу твоею/ яви тя Господь и провозвести быти светильника и учителя миряном, /весь мир обогащающа и просвещающа чудесы. /Тем вопием ти: /моли Христа Бога спастися душам нашим.

Тропарь мученика Каллиника глас 4
Мученик Твой, Господи, Каллиник/ во страдании своем венец прият нетленный от Тебе, Бога нашего,/ имеяй бо крепость Твою,/ мучителей низложи,/ сокруши и демонов немощныя дерзости./ Того молитвами// спаси души наша.

Кондак мученика Каллиника глас 2
Горняя красная достойно ныне наследовал еси,/ Христовою бо зело любовию разжегся,/ на огнь, Каллиниче, тем мужественно дерзнул еси,/ Емуже и ныне предстоя,// не престай моля о всех нас.

Тропарь преподобных Константина и Космы Косинских, глас 3
Яко великаго во отцех Варлаама ученик,/ прехвальне Константине,/ и сам чадо послушания, блаженнаго Косму, возрастил еси,/ темже, преподобнии, вкупе Престолу Владычню ныне предстоящии,/ молитвами вашими в вере Православней нас утвердите,/ в послушании Церкви Святей укрепите/ и вся полезная душам нашим испросите.

Тропарь мученицы Серафимы глас 8
Невесто Христова возлюбленная, Серафиме,/ наследнице Царствия Небеснаго,/ добре за Господа пострадавшая/ и кровию твоею обагренная/ и, аки царскою багряницею, украшенная,/ поминай нас, совершающих святую память твою.

Кондак мученицы Серафимы глас 2
Серафимскою любовию Господа возлюбила еси,/ святая дево Серафиме,/ и всю себе за Господа на мучение предаде,/ дондеже достигла еси Царствия Небеснаго.

Pages: 1 2 3

Проповеди

В этот день:
Русская Православная Церковь отмечает память святых:
Апостола Прохора, от 70-ти
Апостола Никанора, от 70-ти
Апостола Тимона, от 70-ти
Апостола Пармена
Собор Тамбовских святых.
Святитель Питирим Тамбовский, чудотворец (1698)
Преподобный Моисей Печерский (XIII-XIV)
Прп. Павла Ксиропотамита, Афонского (820).
Свт. Сампсона, еп. Дольского (ок. 565) (Кельт. и Брит.).
Св. Георгия, строителя (1033) (Груз)
Прп. Ирины, Каппадокийской.
Память святого мученика Евстафия (ок. 316).
Святого мученика Акакия, иже в Милете Карийском (ок. 321).
Святого мученика Иулиана (ок. 138-161).
Гребневская икона Божией Матери (1380)
Смоленская икона Божией Матери, именуемая «Одигитрия» (Путеводительница) (1046)
Икона Божией Матери Одигитрия Костромская (1672)
Икона Божией Матери «Умиление» Серафимо-Дивеевская (1885)
Устюженская икона Божией Матери (1290)
Икона Божией Матери Одигитрия Выдропусская (XV)
Икона Богоматери Воронинская (1524)
Икона Богоматери Одигитрии Христофоровская (XVI)
Икона Божией Матери Супрасльская (XVI)
Икона Божией Матери Югская (1615)
Икона Богоматери Игрицкая (1624)
Икона Смоленской Божией Матери (Сергиевская) (1730)
Икона Смоленской Божией Матери Шуйская (1654—1655),
Икона Смоленской Божией Матери Седмиезерная (XVII),
Тамбовской иконы Божией Матери (1692).
Сщмч. Николая диакона (1918).
Прмч. Василия, иеромонаха (1937)
Прмц. Анастасии, монахини (1937)
Прмц. Елены, (1937)
мчч. Арефы, (1937)
Мученик Иоанн Ломакин, (1937)
Мученик Иоанн Милешкин, (1937)
Мученик Иоанн Сельманов, (1937)
Мученица Мавра Моисеева(1937).

Храни вас Господь, Матерь Божия и все святые, их же память мы сегодня отмечаем!

Молитвы
Тропарь Божией Матери пред иконой Ее «Одигитрия» глас 4
К Богородице прилежно ныне притецем,/ грешнии и смиреннии, и припадем,/ в покаянии зовуще из глубины души:/ Владычице, помози, на ны милосердовавши,/ потщися, погибаем от множества прегрешений,/ не отврати Твоя рабы тщи,// Тя бо и едину надежду имамы.

Кондак Божией Матери пред иконой Ее «Одигитрия» глас 6
Предстательство христиан непостыдное,/ ходатайство ко Творцу непреложное,/ не презри грешных молений гласы,/ но предвари, яко Благая, на помощь нас, верно зовущих Ти:/ ускори на молитву и потщися на умоление,// предстательствующи присно, Богородице, чтущих Тя.

Ин кондак Божией Матери пред иконой Ее " Одигитрия" глас 6
Не имамы иныя помощи,/ не имамы иныя надежды,/ разве Тебе, Владычице,/ Ты нам помози,/ на Тебе надеемся/ и Тобою хвалимся,/ Твой бо есмы раби,/ да не постыдимся.

Тропарь святителя Питирима, епископа Тамбовского глас 4
Веры и благочестия наставниче,/ Церкве светильниче, монашествующих образе,/ святителю Питириме премудре,/ стадо твое благочестно упасл еси/ и ко Христу привел еси,/ темже в Вышних венцем славы украшен,/ с нами на земли духом пребываеши, сияя чудесы./ Моли Христа Бога/ спастися душам нашим.

Кондак святителя Питирима, епископа Тамбовского глас 8
Монахов наставника изрядна и святителя всем людем милостива,/ чудотворца предивна и молитвенника о нас неусыпна,/ сошедшеся, воспоим Питирима, Тамбовский земли похвалу.

Тропарь преподобнаго Моисея, в Дальних пещерах почивающаго глас 1
Велия исправления и крепкия подвиги во псалмопениих же и коленопреклонениих бесчисленных показавши и многими труды и чудодействии, богоносе Моисее, просиявый, моли Христа Бога во еже спастися нам.

Кондак преподобнаго Моисея, в Дальних пещерах почивающаго глас 1
Являя твердую и неразоримую свою любовь ко Господу, поясом железным его ради поясался еси, к сему и крест железен присно на себе носил еси велий, преподобне Моисее, в коем стеснении сый, еже и делы ручными удручался еси, за еже велиими чудесы обогащася и Царствию Христову общник явлься, моли и нам в тожде вселитися.

Тропарь Божией Матери пред иконой Ее Гребневской глас 8
Днесь, яко солнце пресветло,/ просия в Российстей стране, в конце ея полуденнем,/ всечестная икона Твоя, Владычице,/ юже благоверный великий князь Димитрий в град Москву принесе./ Светло празднуем, благовернии людие, честнаго образа пришествие,/ молящеся прилежно:/ Владычице Богородице, молися Сыну Твоему, Христу Богу нашему,/ избавити град Москву, страну нашу и вся православныя Христианы/ от варварскаго пленения, и междоусобныя брани, и всех навет вражиих,/ Тебе бо Едину Заступницу имамы.

Кондак Божией Матери пред иконой Ее Гребневской глас 8
От святыя иконы Твоея, Богородице Дево,/ источаются исцеления, яко реки многи,/ яже видевше, российстии людие, сице глаголем:/ о Пресвятая Владычице Богородице,/ не забуди грешных раб Твоих,/ молящихся Христу Богу нашему спастися нам.

Тропарь Божией Матери пред иконой Ее Устюжской (Смоленской) глас 4
Всепетая и Всеславная Царице Богородице,/ Мати всея твари Содетеля,/ христианская Надеждо и Заступнице,/ печальным утешение, ненадеющимся и отчаявшимся скорое надеяние, молим Тя:/ милостива буди нам, грешным,/ не остави раб Твоих/ и не отрини моления недостойных./ Молимтися, взирающе ко образу Твоему честному/ святыя и чудотворныя иконы Твоея/ и вопиюще с плавающими и путь шествующими,/ да пребудет милость Твоя./ О Владычице, ризою честною защити,/ и во всяцех местех злых соблюди,/ и молися к рождшемуся из Тебе Христу Богу нашему,/ да спасет от грех души наша.

Тропарь Божией Матери пред иконой Ее, именуемой Шуйская-Смоленская глас 4
Яко многоценное сокровище прият град Шуя чудесно написанную икону Твою, Пресвятая Владычице, Дево Богородице, во исцеление лютыя язвы и во утешение православных Тобою дарованную, от неяже источники благодатныя и до ныне обильно изливаются. Пробави, Пречистая, и на будущее время милости Твоя ведущим Тя, храни град Твой и всю Русскую землю и спасай людей, к Тебе с верою и любовию притекающих.

Ин тропарь Божией Матери пред иконой Ее, именуемой Шуйская-Смоленская глас 4
Всеблагая и премилостивая Заступнице рода христианскаго, Пречистая Дево Богородице, припадающе пред святым и чудотворным Твоим образом, имже от лютаго смертоносия град Шую древле избавила еси, умильно взываем Ти: не престай под кровом Своея благости сохраняти от бед и обстояний град Твой и вся грады и веси страны Российския и молити Сына Твоего, Христа Бога нашего, да спасет души наша.

Кондак Божией Матери пред иконой Ее, именуемой Шуйская-Смоленская глас 3
Мати Божия Пресвятая, стено христианом, града нашего Шуи покров и заступление! Молитвы раб Твоих, ко иконе Твоей припадающих, приими, во исповедании Православныя веры укрепи, от всякия напасти и беды избави, скорби земныя на радость преложи и Сына Твоего моли граду и людем Твоим в мире спастися.

Ин кондак Божией Матери пред иконой Ее, именуемой Шуйская-Смоленская глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти: ускори на молитву и потщися на умоление, предстательствующи присно, Богородице, чтущих Тя.

Pages: 1 2 3

Проповеди:

В этот день:
Русская Православная Церковь отмечает память святых:
Святого великомученика Пантелеимона (305).
Преподобной игумении Анфисы и 90 сестер ее (VIII).
Преподобный Герман Аляскинский (1837)
Святого равноапостольного Климента, епископа Охридского (IX-X)
Преподобного Наума Охридского
Равноапостольного Горазда Охридского
Святителя Иоасафа, митр. Московского.
Блаженнного Николая Кочанова, Новгородского, Христа ради юродивого (1392)
Священномученика Амвросия, еп. Сарапульского (1918).
Священномучеников Платона, пресвитера (1918)
Священномученика Пантелеимона, пресвитера (1918).
Сщмч. Иоанна пресвитера (1941).
Новомч. Христодула (1777) (Греч.).
Слепого, исповедовавшего Христа и умученного с св. Пантелеимоном (Греч.).
853 мчч. фракийских (Греч.).

Храни вас Господь, Матерь Божия и все святые, их же память мы сегодня отмечаем!

Молитвы:
Тропарь великомученика Пантелеимона глас 3
Страстотерпче святый и целебниче Пантелеимоне,/ моли Милостиваго Бога,/ да прегрешений оставление// подаст душам нашим.

Кондак великомученика Пантелеимона глас 5
Подражатель сый Милостиваго/ и исцелений благодать от Него прием,/ страстотерпче и мучениче Христа Бога,/ молитвами твоими душевныя наша недуги исцели,/ отгоня присно борца соблазны от вопиющих верно:// спаси ны, Господи.

Тропарь преподобного Германа Аляскинского глас 7
Звездо пресветлая Церкве Христовы,/ на севере просиявшая,/ вся к Царствию Небесному путеводящая,/ учителю и апостоле истинныя веры,/ предстателю и заступниче гонимых,/ украшение изящное Святыя Церкве во Америце,/ преподобне отче Германе Аляскинский,/ молися ко Господу, Спасу нашему,/ спастися душам нашим.

Ин тропарь преподобного Германа Аляскинского, поемый во Америце глас 3
Преподобне отче наш Германе,/ первый светильниче, в земли нашей просиявый,/ приносим вси тебе похвалы сия,/ ты же, яко имея дерзновение ко Господу,/ буди нам заступник и утешитель/ и Церкве нашел покровитель дивный,/ да вси со умилением зовем ти:/ радуйся, отче наш Германе, Аляски и всея Америки преславный чудотворче.

Кондак преподобного Германа Аляскинского глас 3
Свет вечный Христа Спаса нашего/ тя на путь евангельский во Америку настави,/ возвестити весть о мире евангельскую./ Днесь Престолу Славы предстоя,/ молися о стране твоей и людех ея,/ о мире всего мира/ и спасении душ наших.

Ин кондак преподобного Германа Аляскинского глас 8
Валаама постриженник честный, возлюбленный Божия Матери бывый, ревнитель подвигов древних, подвижник новый, молитву, яко копие и щит, приемый, страшен демоном и тьме языческой ставый, Германе преподобне, моли Христа Бога спасти души наша.

Тропарь святителя Горазда глас 2
Достойнейший преемник учителя своего Мефодия,/ Моравския Церкве первопрестольника,/ был еси, святителю отче наш Горазде,/ столп Православия предивен,/ мученик без крове,/ и изгнание от своего стада коварными мужи претерпев./ Далече от своего отечества, Моравския земли,/ утвердив проповедию догматы Божественныя Истины,/ Духом соединился еси со святыми учители своими Кириллом и Мефодием в Царстве Небеснем./ Моли о нас, блаженне,/ верою почитающих память твою,/ умирити мир и спасти души наша.

Тропарь святителя Климента, архиепископа Охридского глас 4
Словесы наставил еси языки в веру Христову,/ делы же возвысил еси себе к Божественней жизни,/ святителю Клименте равноапостольне,/ чудесы сияя приступающим к тебе верно/ и знаменьми озаряя Церковь преславно,/ сего ради честную твою память славим.

Ин тропарь святителя Климента Охридского
глас 4
Яко труба Архангела Божия/ оглашавши роди словенстии на вся веки/ и к чудеси преславному утверждения людей твоих в Православии/ прилагавши неиждиваемо чудеса велия даже доныне./ Темже с любовию почитаем присночестную память твою,/ святителю Клименте равноапостольне, и молим:/ молися о душах наших.

Кондак святителя Климента Охридского глас 3
Храм твой, святе, врачевство духовное/ преславно показуется верно приступающим,/ всех бо различных болезней избавляет,/ страсти же душ всяческия усыпает./ Сего ради тя, всеблаженне,/ тепла предстателя именуем.

Тропарь святителя Наума Охридского глас 4
Мир оставил еси, прилепився Христу,/ плоть распял еси, пожив Духу,/ Науме всеблаженне,/ потщался еси апостольским подвизатися течением/ и уловил еси к вере Болгарская неисчетная множества./ Темже молитвами твоими/ избави нас от искушений.

Кондак святителя Наума Охридского глас 3
Светлых твоих подвигов пречестная память,/ яко велие солнце, всем возсиявает,/ лица воспевающих тя просвещает,/ демоны и всяку болезнь отгоняет,/ сего ради, сошедшеся, любовию сию верно восхвалим.

Тропарь блаженного Николая Кочанова глас 8
Терпением своим и мужеством/ Христа ради во юродство претворився, блаженне Николае,/ худость ризную имея,/ тягость вара дневнаго понесл еси/ и мразы зимныя терпел еси./ И ныне, в Вышних Троице предстоя,/ нам, приходящим с верою к ране мощей твоих,/ исцеление подаеши, твое успение честно славящим,/ и молиши Христа Бога спастися душам нашим.

Ин тропарь блаженного Николая Кочанова глас 8
Горняя мудрствуя,/ свято жительствуя и славы мира отбегая,/ юродство Христа ради избрал еси, блаженне Николае,/ и ныне, в Вышних Троице предстоя,/ нам, честную память твою славящим/ и с верою к ране мощей твоих приходящим,/ исцеление подаеши/ и молиши Христа Бога спастися душам нашим.

Кондак блаженного Николая Кочанова глас 4
Яко Андрея блаженнаго ученик и наследник был еси,/ того же стопам последуя, юродиве Николае Кочанов,/ и паки от мирския чади уничижение и пхание приемля,/ о ихже согрешениих Христу Богу моляся./ По честнем же твоем успении Великий Новград имать мощи твоя в себе,/ яко неистощимое сокровище,/ подаеши бо исцеление/ верою к ране мощей твоих приходящим/ и успение твое честно славящим.

Pages: 1 2 3

Проповеди

В этот день:
Русская Православная Церковь отмечает память святых:
Преподобного Моисея Угрина Печерского (ок. 1043).
Священномученика Ермолая, иерея Никомидийского (ок. 305).
Святой преподобномученицы Параскевы (138-161).
Св. Иакова (Нецветова), иерея-миссионера эскимосов (1867).
Сщмч. Сергия пресвитера (1937).
Прп. Геронтия, основателя скита прав. Анны на Афоне (Греч. ).

Храни вас Господь, Матерь Божия и все святые, их же память мы сегодня отмечаем!

Молитвы:

Тропарь священномученика Ермолая и иже с ним глас 4
Мученицы Tвои, Господи,/ во страданиих своих венцы прияша нетленныя от Тебе, Бога нашего:/ имуще бо крепость Tвою,/ мучителей низложиша,/ сокрушиша и демонов немощныя дерзости./ Tех молитвами// спаси души нaша.

Тропарь священномученика Ермолая глас 1
Миром благодати помазан,/ преблаженне отче Ермолае,/ иерей Бога Вышняго явился еси/ и благочестия светлый проповедник,/ мученик же твердый и безмездный врач притекающих к тебе./ Слава Давшему тебе крепость,/ слава Венчавшему тя,/ слава Действующему тобою всем исцеления.

Ин тропарь священномучеников Ермолая, Ермиппа и Ермократа глас 8
Троицы провозвестницы,/ троице мучеников честная,/ идольское нечестие обличивший/ и тьмочисленнаго врага сокрушивший,/ ныне, со Христом царствующе, молите,/ священный Ермолае со Ермиппом и Ермократом славным,/ яко да и наша враги победим/ и приимем от Царя всех, Бога, вечный живот/ и венец нетленный.

Кондак священномученика Ермолая глас 4
Яко святитель благочестно пожив/ и священномучения венец приял еси./ Идольския жертвы погасив,/ добрый пастырь Христова стада был еси, премудре,/ и Пантелеимону истинный учитель./ Сего ради почитаем тя песньми, вопиюще:// от бед избави нас присно молитвами твоими, Ермолае, отче наш.

Тропарь преподобного Моисея Угрина глас 3
Другаго тя Иосифа,/ великий чистоты и целомудрия рачителю,/ всечестне и равноангельне Моисее,/ священными песньми восхваляюще, грешнии,/ молимтися прилежно:/ моли Христа Бога,/ яко да исцелит вся наша страсти// и подаст велию милость.

Ин тропарь преподобного Моисея Угрина, Печерского, в Ближних пещерах глас 3
Труды и подвиги со страстьми по чистоте твоей видя, святе,/ кто не удивится?/ Глад бо, темницу и раны приемля,/ не поработился еси сластем ляховицы,/ но, яко царь, страстьми обладаяй,/ ныне и тогда воспрославился еси от Всевидящаго человеческая сердца,/ от Негоже во искушениих всем пособствовати благодать прием,/ пособствуй и нам, твою память чтущим,/ Моисее преподобне

Кондак преподобного Моисея Угрина глас 3
В Вышних единаго Бога ища,/ земная вся презрел еси,/ о телеси своем нерадив,/ на муки мужески себе вдал еси,/ глад, жажду, узы, в темнице затворяемь, доблественно претерпел еси,/ биения, крове излияние и удов отрезание,/ чистаго ради девства твоего,/ мужески понесл еси./ И ныне с девственными лики предстоя Пресветей Троице,/ от всех искушений моли избавитися вопиющим ти:/ радуйся, Моисее, отче блаженнейший.

Тропарь преподобномученицы Параскевы глас 1
Тщание имущи сообразно имени твоему, тезоименитая,/ равноимянную тебе веру в сожительство избрала еси,/ Параскево победоносная,/ темже изливавши исцеления и молишися о душах наших.

Кондак преподобномученицы Параскевы глас 4
Храм твой, всечестная,/ яко врачебницу душевную обретше,/ в нем вси вернии/ велегласно почитаем тя,/ преподобномученице Параскево славная.

Ин кондак преподобномученицы Параскевы глас 8
Страстотерпице, вернии, песнь Параскеве, приидите, согласно воспоим,/ облиставает бо чудесы в мире,/ отгоняющи прелести тьму,/ подающи верным благодать независтную, зовущим:/ радуйся, мученице многострадальная.

Pages: 1 2 3

Проповеди
В этот день:
Русская Православная Церковь отмечает память святых:
Преподобной девы Евпраксии (413).
Святой Олимпиады диакониссы (410)
Успение праведной Анны, матери Пресвятой Богородицы
Преподобный Макарий Желтоводский и Унженский (1444)
Пятый Вселенский Собор (553)
Сщмч. Александра пресвитера (1927).
Св. Ираиды исп (1967).
Новосщмч. Феодора Тонковида пресвитера Ловецкого (Псков) (1942)
Мчч. Санкта, Маттура, Аттала и Бландины, Лионских (Галл. ).
Прп. Христофора, игумена Сольвычегодского.

Храни вас Господь, Матерь Божия и все святые, их же память мы сегодня отмечаем!

Молитвы:
Тропарь преподобного Макария Желтоводского, Унженского глас 5
Днесь град твой Галич тобою хвалится,/ в концех бо его пресветло,/ яко велие солнце, возсиял еси/ и чудесы твоими, преподобне Макарие, вся озарил еси./ И ныне молися Господеви/ избавитися душам нашим от прелести вражия/ и спастися граду твоему от поганскаго наития.

Ин тропарь преподобного Макария Желтоводского, Унженского глас 4
Богомудрый Желтоводския обители первоздателю,/ Богом поставленный монашескаго жития столпе,/ благописанный досточуднаго постничества образе,/ Богозданный Духа Святаго сосуде,/ златозарное Русския земли светило всесветлое,/ молим тя, отче Макарие,/ светозарною молитв твоих лучею разрешай мрачных страстей наших облак.

Кондак преподобного Макария Желтоводского, Унженского глас 2
Вторый Моисей явился еси, преподобне:/ он бо жезлом море раздели,/ ты же страсти, яко Амалика, победил еси/ и непроходную пустыню немятежным умом прошел еси,/ в нейже молитвами твоими велие чудо сотворил еси:/ гладныя люди до изобилия прекормил еси./ И ныне молися Господеви/ подати всем печальным утешение,/ Макарие, отче приснопамятне,/ иже Галичестей стране и всей Российстей земли/ похвала и утверждение.

Тропарь праведной Анны глас 4
Жизнь рождшую во чреве носила еси, Чистую Богоматерь,/ богомудрая Анно./ Темже к приятию Небесному, идеже веселящихся жилище,/ в славе радующися, ныне преставилася еси,/ чтущим тя любовию/ прегрешений просящи очищение,// присноблаженная.

Кондак праведной Анны глас 2
Прародителей Христовых память празднуем,/ тех верно просяще помощи,/ избавитися всем от всякия скорби, зовущим:// Бог наш с нами, сих прославлей, якоже благоволи.

Pages: 1 2 3

Проповеди

В этот день:
Русская Православная Церковь отмечает память святых:
Святой мученицы Христины (ок. 300).
Преподобного Поликарпа, архимандрита Печерского (1182).
Мчч. блгвв. князей Бориса и Глеба, во св. Крещении Романа и Давида (1015).
Преподобного Боголепа, отрока схимонаха Астраханского (1667).
Священноисповедника Иоаннна Оленевского (1951) .
Новомч. Феофила из Закинфоса (1603) (Греч.).
Сщмч. Алфея диакона (1937).
Священномученика Николая (1942)
Новомч. Афанасия Киосского (1660) (Греч.).
Мч. Ермогена.
Прп. Пахомия, игумена, Вологодского.
Св. Илариона Твалэли (XI) (Груз).

Храни вас Господь, Матерь Божия и все святые, их же память мы сегодня отмечаем!

Молитвы:
Тропарь благоверных князей Бориса и Глеба глас 2
Правдивая страстотерпца/ и истинная Евангелия Христова послушателя,/ целомудренный Романе с незлобивым Давидом,/ не сопротив стаста врагу сущу брату,/ убивающему телеса ваша,/ душам же коснутися не могущу./ Да плачется убо злый властолюбец,/ вы же, радующеся с лики Ангельскими,/ предстояще Святей Троице,/ молитеся о державе сродников ваших богоугодней быти// и сыновом Российским спастися.

Ин тропарь благоверных князей страторпцев Бориса и Глеба глас 4
Яко плодовита винограда, отрасли добродетелей суще,/ Небесный дождь Христов прилете,/ источающе отечеству своему струю Православия,/ Борисе пречудне с доблим Глебом,/ вкупе молитеся Господеви сохранити град и люди,/ и на враги пособствовати,/ и душам нашим даровати велию милость.

Ин тропарь благоверных князей страторпцев Бориса и Глеба глас 4
Мученическою кровию порфиру окропивше светло,/ украшени предстоите, страдальцы славнии, Царю Безсмертному,/ и, венцы славы от Него приимше,/ молитеся стране нашей подати на враги одоление/ и душам нашим велию милость.

Кондак благоверных князей Бориса и Глеба глас 3
Возсия днесь преславная память ваша,/ благороднии страстотерпцы Христовы, Романе и Давиде,/ созывающи нас к похвалению Христа Бога нашего./ Тем, притекающе к раце мощей ваших,/ исцеления дар приемлем молитвами вашими, святии:// вы бо божественнии врачеве есте.

Ин кондак благоверных князей страторпцев Бориса и Глеба глас 8
Аще и убиени бысте и во гробех положени,/ но на Вышнее Царство преидосте,/ оваго бо копии насунута,/ другаго же, яко агнца незлобива, ножем зарезаша,/ тем и кровь ваша бысть исцеление миру,/ верою призывающим вас, святии, на помощь.

Тропарь мученицы Христины глас 4
Агница Твоя, Иисусе, Христина/ зовет велиим гласом:/ Тебе, Женише мой, люблю,/ и, Тебе ищущи, страдальчествую/ и сраспинаюся и спогребаюся Крещению Твоему,/ и стражду Тебе ради,/ яко да царствую в Тебе,/ и умираю за Тя, да и живу с Тобою,/ но яко жертву непорочную приими мя,/ с любовию пожершуюся Тебе.// Тоя молитвами, яко Милостив, спаси души наша.

Тропарь мученицы Христины глас 4
Званием евангельски Христу уневестившися,/ Христино славная,/ славу мира сего и похоть бренную вменила еси ни во что же,/ о самом телеси небрегущи,/ муки претерпела еси доблественно,/ тем твое страдание хвалами почитаем,/ мученице, Христу тезоименитая.

Кондак мученицы Христины глас 4
Световидная голубица позналася еси, криле имущи злате,/ и к высоте Небесней возлетела еси, Христино честная./ Темже твой славный праздник совершаем,/ верою покланяющеся твоих мощей раце,/ из неяже истекает всем обильно/ исцеление Божественное,// душам же и телом.

Тропарь преподобного Поликарпа, архимандрита Печерского глас 4
Тезоименит званию твоему,/ яко многоплодное древо,/ насажден сый во обители Божия Матере,/ многая и чудная тщанием твоим исправления показавый,/ мудре Поликарпе,/ моли Христа Бога о нас,/ яко да и мы, многия плоды добродетелей Ему принесше, спасемся.

Кондак преподобного Поликарпа, архимандрита Печерского глас 8
Яко преподобным Печерским совсельника/ и житий их в себе делом и писанием изобразителя неложна,/ вкупе же славы Небесныя с теми общника явльшагося,/ приидите, вернии, песньми священными преподобнаго Поликарпа ублажим, зовуще:/ радуйся, архимандритов Печерских похвало.

Pages: 1 2 3

Проповеди
В этот день:
Русская Православная Церковь отмечает память святых:
Прав. Анны, матери прор. Самуила.
Память святых мучеников Трофима и Феофила
Православного воина Феодора Ушакова
Священномученика  Аполлинария, епископа Равеннийского (ок. 75).
Собор Смоленских святых
Преподобного Иоанна Нового Хозевита
Перенес. мощей свт. Германа, архиеп. Казанского.
Мученика Андрея (1938).
Св. Анны Константинопольской (Греч.).
Новомч. Нектария (Терзвинского), еп. Яранского.
Почаевская икона Божией Матери (1675)
Икона Божией Матери «Всех скорбящих Радость» (с грошиками) (1888)

Храни вас Господь, Матерь Божия и все святые, их же память мы сегодня отмечаем!

Молитвы:

Тропарь Божией Матери пред иконой Ее Почаевской глас 5
Пред святою Твоею иконою, Владычице,/ молящиися исцелений сподобляются,/ веры истинныя познание приемлют/ и агарянская нашествия отражают./ Темже и нам, к Тебе припадающим,/ грехов оставление испроси,/ помыслы благочестия сердца наша просвети/ и к Сыну Твоему молитву вознеси// о спасении душ наших.

Ин тропарь Божией Матери пред иконой Ее Почаевской глас 4
К Богородице прилежно ныне притецем грешнии и смиреннии, и припадем к дивному образу Ея, иже на горе Почаевстей: к немуже умильно взирающе и молящеся Царице Владычице из глубины душевныя вопием: О Пречудная Дево, Мати Господа Вышняго, от лет древних избравшая обитель Почаевскую в место селения Своего! Землю отечественную нашу в православии и мире утверди, и спаси всех предстоящих и молящихся Тебе умиленною душею и сокрушенным сердцем, пред Пречистым Твоим образом со слезами. Не отврати рабы Твоя тщи: Тя бо едину Надежду имами.

Кондак Божией Матери пред иконой Ее Почаевской глас 1
Источник исцелений и веры Православныя утверждение/ Почаевская Твоя икона, Богородице, явися,/ темже и нас, к ней притекающих,/ от бед и искушений свободи,/ лавру Твою невредиму сохрани,/ Православие во окрест стоящих странах утверди/ и грехи разреши молитвенник Твоих:// елика бо хощеши, можеши.

Ин тропарь Божией Матери пред иконой Ее «Всех скорбящих радость» глас 8
Ко источнику приснотекущему милосердия, Пречистей Деве Богородице, притецем, людие вси, священницы же и иноцы, мужие, и жены, и чада, здравии и болящии, в покаянии вопиюще и умильно глаголюще: Владычице, помози грешным рабом Твоим, яви яко Благая славу Твою, присно потщися умилосердитися на ны, испросити очищение душ и телес наших от Источника жизни нашея, Бога, Егоже родила еси, едина Благословенная.

Кондак Божией Матери пред иконой Ее «Всех скорбящих Радость» глас 6
Не имамы иныя помощи,/ не имамы иныя надежды,/ разве Тебе, Владычице,/ Ты нам помози:/ на Тебе надеемся/ и Тобою хвалимся,/ Твои бо есмы раби,// да не постыдимся.

Pages: 1 2 3