Неделя 4-я по Пятидесятнице

В этот день:
Русская Православная Церковь отмечает память святых:

Владимирской чудотворной иконе Божие Матери

Собор Владимирских святых
Святой мученицы Агрипины (259)
Преподобной Этельдреды, игуменьи  Элийской (679)
Преподобного Михаила Клопского (1456)
Праведного Артемия Веркольского (1545)
Святителя Германа, архиеп. Казанского (1567)
Преподобного Иосифа Заоникиевского (1612)
Священомученика Митрофана, архиепископа Астраханского (1919).
Мучеников Евстохия, Гаия, Провия, Лоллия, Урвана (IV).
Праведной Параскевы Пиринемской (XVI)
Священомученика Александра Миропольского, пресвитера (1918)
Священомученика Алексия Введенского, пресвитера (1918)
Священомученика Петра Смородинцева пресвитера (1918).

Иконы Божией Матери Псково-Печерской, именуемой "Умиление" (1524),
Иконы Божией Матери именуемой «Вратарница», или «Неугасимая Свеча» (1894).

Поученіе. Св. мученица Агрипина. Прот. Григорій Дьяченко

Храни вас Господь, Матерь Божия и все святые, их же память мы сегодня отмечаем!

Молитвы:

Владимирской иконы Богородицы. Тропарь, глас 4.
Днесь светло красуется славнейший град Москва,/ яко зарю солнечную восприимши, Владычице,/ чудотворную Твою икону,/ к нейже ныне мы притекающе и молящеся. Тебе взываем сице:/ о, пречудная Владычице Богородице!/ Молися из Тебе воплощенному Христу Богу нашему,/ да избавит град сей/ и вся грады и страны христианския невредимы от всех навет вражиих,/ и спасет души наша, яко Милосерд.

Владимирской иконы Богородицы. Ин кондак, глас 8.
Взбранней Воеводе и Заступнице, Деве и Богородице,/ в чистей совести, верою утвердившеся, русстии народи,/ невозвратно надежду имуще, притецем,/ к чудотворному Ея и пречистому образу, и возопием Ей:/ радуйся, Невесто Неневестная.

Владимирской иконы Богородицы. Кондак, глас 8.
Взбранной Воеводе победительная,/ яко избавльшеся от злых пришествием Твоего честнаго образа,/ Владычице Богородице,/ светло сотворяем празднество сретения Твоего/ и обычно зовем Ти:/ радуйся, Невесто Неневестная.

Собор Владимирских святых. Тропарь, глас 4.
Днесь светло красуется Пресвятыя Богородицы избранный град/ и с ним вси концы земли Владимирския торжествуют,/ память совершающе богопрославленнаго великаго лика святых,/ в подвизех Православный веры издревле во уделе сем Богу угодивших,/ и к ним с любовию вопиют:/ о предивнии Христу Богу молитвенницы,/ венцы пресветлыми от Него увенчанныя,/ мир и благоденствие отечеству вашему испросите/ и душам нашим велию милость.

Собор Владимирских святых. Кондак, глас 4.
Яко звезды пресветлыя Церкве Российския,/ исповеданием Православный веры в той возсиявшии,/ вси святии земли Владимирския:/ Богомудрии святителие и благовернии князи,/ преподобнии отцы и матери,/ страстотерпцы и праведницы,/ Христу Богу усердно молитеся,/ грехов оставление даровати/ любовию чтущим святую память вашу.

Мц. Агриппины. Тропарь, глас 4.
Агница Твоя, Иисусе, Агрипина/ зовет велиим гласом:/ Тебе, Женише мой, люблю,/ и, Тебе ищущи, страдальчествую,/ и сраспинаюся, и спогребаюся крещению Твоему,/ и стражду Тебе ради,/ яко да царствую в Тебе,/ и умираю за Тя, да и живу с Тобою;/ но, яко жертву непорочную, приими мя, с любовию пожершуюся Тебе./ Той молитвами, яко Милостив, спаси души наша.

Мц. Агриппины. Кондак, глас 4.
Светлых подвиг твоих светоносный наста день,/ воньже почитающи сих, Божественная Церковь вся созывает весело вопити тебе:/ радуйся, дево и мученице, Агрипино всечестная.

Прав. отрока Артемия Веркольского. Тропарь, глас 2.
Вышняго повелением,/ тученосным облаком, небо помрачившим/ и молниям блистающим,/ грому же возшумевшу с прещением,/ испустил еси душу твою в руце Господеви,/ премудре Артемие,/ и ныне предстоиши Престолу Владыки всех,/ иже верою и любовию приходящим к тебе,/ подай исцеление всем неотложно/ и моляся Христу Богу,/ спастися душам нашим.

Прав. отрока Артемия Веркольского. Кондак, глас 8.
Возсия днесь пресветлая память премудраго Артемия;/ Богоданная благодать, яко реки, изливает от целебных мощей его дивная исцеления,/ имиже от многоразличных недуг избавляемся,/ с верою приемлюще я и взывающе:/ радуйся, Артемие Богомудре.

Свт. Германа, архиеп. Казанского. Тропарь, глас 4.
От юности иго Христово усердно восприим,/ бденными подвиги поста и молитвы прославился еси./ Отонудуже призывающу тя Богу на служение Церкви/ в новопросвещеннем царстве Казанстем,/ вкупе со святителем Гурием воззван был еси,/ идеже яко первоначальник/ созданной тобою в граде Свияжске обители/ и достойный первосвятителю преемник явился еси./ Духом предстоя Престолу Владычню,/ молися, святителю Германе, со святителем Гурием/ православной пастве во благочестии преспевати/ и тьме иноверия светом веры разгнатися.

Свт. Германа, архиеп. Казанского. Кондак, глас 4.
Доблестями преподобия и правды/ врученное тебе словесное стадо озаряя/ и на злачных Слова Христова пажитях питая,/ на правый путь заповедей Господних/ силою духа твоего наставлял еси е./ Темже и ныне, осеняемое цельбоносными чудотворении твоими,/ в святую память твою, зовем тебе:/ не престай, святителю, предстательствовати/ пред Пастыреначальником о стаде твоем,/ яко паствы твоей утверждение/ и сущим по тебе святителем удобрение.

Прп. Иосифа Заоникиевского. Тропарь, глас 5.
Смиренномудрием наказание благодушие приемля,/ иже от Небес неизреченный дар приити сподобился,/и в плоти сый, преподобие,/ безплотен в служении своем к Богоматери трудолюбие подвизася,/ бдении, пощении, слезами и молитвами,/ имиже и пустыню многожительну устроил еси,/ благоухищренным же юродством человеческия славы избежа./ Сего ради Всевышний Мздовоздатель/ в конец века сего сугубо тя прослави,/ и гроб твой святый точением чудес обогатися,/ Егоже моли, преподобие отче наш Иосифе,/ даровати нам отпущение грехов и велию милость.

Прп. Иосифа Заоникиевского. Кондак, глас 8.
Вышних благ желаяй,/ преобидел еси долу влекущая мудрования,/ ибо трудолюбивое свое тело/ острым власяным плетением стерл еси,/ и бысть благоугоден служитель Богоматере,/ страждущим в недузех являлся, скоро помогавши,/ и с верою притекающим к тебе неоскудное здравие подаеши./ Сего ради зовем ти:/ разреши наша болезни душевныя и телесныя/ еже к Богу молитвами твоими,/ началообразный смирению наставниче, отче наш Богомудре Иосифе,/ монахом удобрение.

Pages: 1 2 3

Проповеди

В этот день:
Русская Православная Церковь отмечает память святых:

Св. Албана, первомч. Британского (ок. 209 или 305; Кельт. и Брит.).
Священномученика Евсевия, еп. Самосатского (380).
Мучеников Галактиона, Иулиании и Сатурнина. (III)
Преподобной Анастасии, матери святителя Саввы I Сербского (1200; Серб.)
Св. Григория, митр. Валашского (1834) (Румын.).
Мучеников Зинона и Зины (304).
Святителя Афанасия, епископа Хитрского, чудотвореца (IV в.)
Сщмч. Геннадия пресвитера (1918).
Сщмч. Феодора диакона (1938)
Сщмч. Гавриила диакона (1938).

Поученіе. Св. священномуч. Евсевій. Прот. Григорій Дьяченко

Храни вас Господь, Матерь Божия и все святые, их же память мы сегодня отмечаем!

Молитвы:

Сщмч. Евсевия. Кондак, глас 4.
Благочестно во святительстве пожив/ и мучения путь прошед,/ идольския угасил еси жертвы, святителю Евсевие,/ но яко имеяй дерзновение ко Христу Богу,/ моли спастися душам нашим.

Pages: 1 2 3

Проповеди

В этот день:
Русская Православная Церковь отмечает память святых:

Сщмч. Терентия (Тертия), еп. Иконийского (I).
Мученика Иулиана Тарсийского (ок. 305).
Преподобной Анастасии, матери свт. Саввы Сербского (ок. 1200).

Обретение мощей прп. Максима Грека (1556).
Новомч. Никиты Нисиросского (1732) (Греч.).
Прп. Георгия (Лаврова) исп (1932).
Прмч. Ионы (Санкова) (1938).
Прпп. Иулия пресвитера и Иулиана диакона (V).
Мч. Федора, правоверного князя Стародубского (1330).
Мученика Арчилла II (1622) (Груз.).
Сщмч. Иоанна  пресвитера (1918).
Сщмч. Алексия Скворцова, пресвитера (1938)
Сщмч. Павла Успенского, пресвитера (1938)
Сщмч. Николая Розанова, пресвитеров (1938).
Мч. Никиты (1942).

Поученіе. Св. муч. Юліань Тарсянинъ. Прот. Григорій Дьяченко

Храни вас Господь, Матерь Божия и все святые, их же память мы сегодня отмечаем!

Молитвы:

Мч. Иулиана Тарсийского. Тропарь, глас 4.
Мученик Твой, Господи, Иулиан,/ во страдании своем венец прият нетленный от Тебе, Бога нашего:/ имеяй бо крепость Твою,/ мучителей низложи,/ сокруши и демонов немощныя дерзости./ Того молитвами/ спаси души наша.

Мч. Иулиана Тарсийского. Кондак, глас 2.
Благочестия непобедимаго воина/ и истины согласника и оружника,/ вси достойно восхвалим Иулиана днесь/ и к нему возопиим:/ моли Христа Бога о всех нас.

Св. Иулианом и иже с ним. Тропарь, глас 1.
Светлыя постничества подвиги,/ радуяся, понесл еси, Иулиане Богоблаженне, с преподобною Василиссою,/ и страдания добльственно претерпел еси/ с честными твоими сострадальцы,/ с нимиже моли Христа Бога/ спастися душам нашим.

Св. Иулианом и иже с ним. Кондак, глас 8.
Иже в преподобных и мученицех/ преславнаго Иулиана и сподвижников его/ любовию память почитаем днесь,/ яко прославивших Господа Божественными делы/ и прославленных Господом Божественными чудесы,/ ихже песньми увенчаим, зовуще:/ радуйтеся, воини Христовы непобедимии.

Прп. Анастасии, матери свт. Саввы Сербского. Тропарь, глас 4.
Добродетельми богатая,/ кротостию и благочестием украшенная,/ возсияла еси чистотою жития твоего,/ сего ради Благий Бог благослови тя/ быти материю светильника рода сербскаго,/ темже вопием ти:/ радуйся, преподобная мати Анастасие.

Прп. Анастасии, матери свт. Саввы Сербского. Кондак, глас 4.
Во благословением браце поживши,/ нескверно удержала еси законно целомудрие,/ чада же твоя кротко учила еси/ паче всех Христа любити,/ Емуже ныне предстоящи и молящися,/ помяни и нас, вопиющих ти:/ радуйся, преподобная мати Анастасйе.

Обретение мощей прп. Максима Грека. Тропарь, глас 8.
Зарею Духа облистаемь,/ витийствующих богомудренно сподобился еси разумения,/ неведением омраченная сердца человеков светом благочестия просвещая,/ пресветел явился еси Православия светильник, Максиме преподобне,/ отонудуже ревности ради Всевидящаго/ отечества чужд и странен, Российския страны был еси пресельник,/ страдания темниц и заточения от самодержавнаго претерпев,/ десницею Вышняго венчаешися и чудодействуеши преславная./ И о нас ходатай буди непреложен,/ чтущих любовию святую память твою.

Pages: 1 2 3

Проповеди

В этот день:
Русская Православная Церковь отмечает память святых:

Пророка Елисея (IX в. до н.э.)
Мчч. Инны, Пинны и Риммы скифов (перенесение мощей, I-II)
Священномученика Мефодия, еп. Патарского (312)
Святителя Наума Охридского (910; Болг.)
Святителя Мины, еп. Полоцкого (1116)
Блгв. кн. Глеба Владимирского (сына св. Андрея Боголюбского) (1175)
Святитель Николая Кавасилы, еп. Диррахийского (1397)
Святителя Гурия, архиеп. Казанского (1563)
Святых мучеников Павла, Кириака, Павлы, Фелицианы, Фомы, Феликса, Мартирия, Виталия, Криспина и Емилия (290)
Мученика Аристоклия пресвитера и еже с ним, (ок. 306)
Свт. Левкия исп., еп. Врунтисиопольского (V).
Свт. Каллиста, патр. Константинопольского (1363)
Перенес. мощей и риз апп. Луки, Андрея и Фомы, прор. Елисея и мч. Лазаря в церковь 12 апп. в Константинополе (Греч.).
Косинской(Моденской) иконы Божией Матери

Поученіе. Св. священномуч. Меодій. Прот. Григорій Дьяченко

Храни вас Господь, Матерь Божия и все святые, их же память мы сегодня отмечаем!

Молитвы:

Сщмч. Мефодия, еп. Патарского. Тропарь, глас 1.
Кровь твоя, мудре, тайно вопиет от земли,/ якоже Авелева к Богу,/ Богомудре святителю Мефодие,/ ясно проповедавый Божие вочеловечение./ Темже и посрамил еси Оригенову лесть,/ и преставился еси в Небесный чертог./ Моли Христа Бога,/ да спасет души наша.

Сщмч. Мефодия, еп. Патарского. Кондак, глас 4.
Священнотайнник Святыя Троицы,/ и яже паче ума повелений Божественных проповедник,/ и православным утверждение был еси, Мефодие,/ злославныя обличил еси смыслы,/ правоверия ради кровию твоею священномученик явлься,/ и, Христу со Ангелы предстоя,/ моли спастися нам.

Блгв. кн. Глеба Владимирского. Тропарь святаго, глас 4.
Днесь светло красуется славнейший град Владимир,/ имея в себе пребогатое сокровище —/ чудоточащия честныя мощи благовернаго князя Глеба,/ имиже украшался и хваляся,/ вселенную всю созывает к веселию/ и велегласно вопиет:/ о Владыко Христе,/ даровавый таковую благодать угоднику Твоему,/ его молитвами помилуй нас.

Блгв. кн. Глеба Владимирского. Кондак, глас 8.
Взбранному и крепкому в праведницах,/ православною мудростию сияющему великому чудотворцу,/ благодарственная восписуем ти, благоверный княже Глебе:/ яко имея дерзновение у Престола Христова,/ верою чтущих тя, град и люди сохраняй молитвами твоими:/ ты бо еси земли Российския похвала и утверждение.

Перенесение мощей свт. Гурия, архиеп. Казанского. Тропарь, глас 4.
Яко крин благовонный,/ мироточивыя твоя мощи/ от вертограда Церкве Спасовы/ в вертоград Церкве Богородичны честне принесошася,/ святителю Гурие,/ яко же бо дар честен,/ тя даровав Христос Пречистей Матери Своей,/ и исполнися храм Ея святый благоухания твоего,/ и возрадовася архиерейский престол,/ приемый тя, первоседателя своего./ Возвеселися же собор верных со святителем и священноначальники/ о преславном цельбоносных твоих мощей пренесении,/ еже мы радостно празднующе, молим тя,/ угодниче Божий:/ моли Христа Бога/ подати душам нашим мир и велию милость.

Перенесение мощей свт. Гурия, архиеп. Казанского. Ин тропарь, глас 3.
Добродетельного и благороднаго ради твоего жития,/ извел тя есть Прещедрый Бог/ на первопрестольство богоспасаемаго царства Казани/ и просветил есть учением твоим бесерменьстии языцы./ И многия, святителю Гурие, во избранное Христово стадо привел еси,/ и нищелюбием богоугодно пожил еси,/ и по преставлении твоем много лет сокровенное твое тело/ от недр земных на удивление явися,/ и благоуханнаго мира гроб наполнися приходящим с верою,/ взимающим миро от раки честньгх мощей твоих,/ всем источаеши исцеления,/ святителю Христов Гурие,/ моли Христа Бога/ спастися душам нашим.

Перенесение мощей свт. Гурия, архиеп. Казанского. Ин кондак, глас 6.
Истине основание, и веры утверждение,/ и в поучениих преизряднаго свемы тя, благочестию споспешника,/ апостолом сопрестольника, страстотерпцем сопричастника,/ постником купноревнителя похваляем тя, Гурие святителю,/ и велия таинника Божия благодати.

Перенесение мощей свт. Гурия, архиеп. Казанского. Кондак, глас 4.
Чувственный страсти победив,/ чистотою, яко солнце, возсиял еси,/ чисто житие до конца сохранив,/ и от неверия в веру многих ко Христу привел еси,/ того ради от Бога нетлением почтен,/ чудесы твоими вся удивил еси./ Молим убо тя, святителю Гурие,/ молитвами твоими от бед избави нас, да зовем ти:/ радуйся, отче предивный, граду Казани похвале и утверждение.

Свт. Наума Охридского. Тропарь, глас 4.
Мир оставил еси, прилепився Христу,/ плоть распял еси, пожив Духу,/ Науме всеблаженне,/ потщался еси апостольским подвизатися течением/ и уловил еси к вере Болгарская неисчетная множества./ Темже молитвами твоими/ избави нас от искушений.

Свт. Наума Охридского. Кондак, глас 3.
Светлых твоих подвигов пречестная память,/ яко велие солнце, всем возсиявает,/ лица воспевающих тя просвещает,/ демоны и всяку болезнь отгоняет,/ сего ради, сошедшеся, любовию сию верно восхвалим.

Pages: 1 2 3

Проповеди

В этот день:
Русская Православная Церковь отмечает память святых:

Апостола Иуды, брата Господня (ок. 80).
Св. мироносицы Марии Иаковлевой (I)
Мученика Зосимы (116)
Преподобного Паисия Великого (400)
Преподобного Паисия Хилендарского (кон. XVIII; Болг.)
Святителя Иова, патриарха Московского и всея Руси (1607)
Святителя Иоанна Шанхайского и Сан-Францисского (1966)
Прп. Иоанна отшельника Иерусалимского (586)
Пеподобного Ромуальда, игумена (1037) (Кельт. и Брит.).
Преподобного Варлаама Важского, Шенкурского (1462).
Новомч. Сергия Флоринского пресвитера Эстонского (1918).

Поученіе. Св. апостолъ Іуда. Прот. Григорій Дьяченко
Поученіе. Преподобный Паисій Великій. Прот. Григорій Дьяченко

Храни вас Господь, Матерь Божия и все святые, их же память мы сегодня отмечаем!

Молитвы:

Апостола Иуды, брата Господня. Тропарь, глас 1.
Христова тя сродника, о Иудо, ведуще и мученика тверда,/ священно восхваляем,/ прелесть поправша и веру соблюдша./ Темже, днесь всесвятую твою память празднующе,/ грехов разрешение молитвами твоими приемлем.

Апостола Иуды, брата Господня. Ин тропарь, глас 1.
Чистоту душевную и житие непорочно стяжав,/ Пречйстаго Света, нам приблйжшагося, быв по плоти брат и ученик,/ благочестия проповедник и языком учитель истинный,/ Иудо всехваль-не,/ моли Христа Бога,/ да спасет души наша.

Апостола Иуды, брата Господня. Кондак, глас 2.
Павлу явлься собеседник, апостоле,/ с сим нам проповедь возвестил еси Божественный благодати,/ тайноглагольниче Иудо блаженне./ Сего ради вопием ти:/ не престай моляся о всех нас.

Свт. Иова, патриарха Московского и всея Руси. Тропарь, глас 3.
Да торжествует Церковь Христова/ и да радуется град Москва,/ яко возсия светильник земли Российския,/ во исповедании истины непоколебимый Иов Патриарх,/ егоже молитвами. Господи,/ вся соблазны мира сего и ереси искорени,/ люди во благочестии настави/ и утверди в Православии.

Свт. Иова, патриарха Московского и всея Руси. Тропарь, глас 5.
Православия поборниче,/ веры Христовы исповедник был еси,/ первоиерарше Церкве Русския,/ святителю отче Иове,/ за ны Христа Бога моли:/ веру отеческую утвердйти,/ грехов оставление нам даровати/ и подати миру велию милость.

Свт. Иова, патриарха Московского и всея Руси. Кондак, глас 6.
Светйльник Церкве Русския/ и пастырь добрый явился еси,/ святителю отче Иове,/ молитвою твоею ко Господу/ храни землю Российскую/ и спаси души наша.

Прп. Паисия Великого. Тропарь, глас 2.
Пустынный житель, и в телеси ангел,/ и чудотворец показался еси, Богоносе отче наш Паисие:/ постом, бдением и молитвою Небесная дарования прием,/ исцеляеши недужныя и души верою притекающих ти./ Слава Давшему тебе крепость,/ слава Венчавшему тя,/ слава Действующему тобою всем исцеления.

Прп. Паисия Великого. Кондак, глас 8.
От млада званию Господа твоего последовал еси усердно, блаженне,/ вся, яже в мире красная, Его ради оставив./ Крест твой на рамена взем,/ вселился еси в пустыню,/ и, тамо ангельски пожив,/ тело твое постом и молитвами изнурил еси,/ и многим путь был еси ко спасению,/ вся возводя к Божественней высоте,/ Пайсие преподобие,/ отцев и постников твердое основание.

Прп. Паисия Великого. Тропарь, глас 2.
Божественною любовию от юности распалаемь, преподобие,/ вся красная, ямсе в мире, вознена-вйде,/ Христа едйнаго возлюбил еси,/ сего ради в пустыню вселйся,/ идеже сподобися Божествен-наго посещения,/ Егоже неудббь зрети и ангель-скима очйма,/ паде, поклонйся./ Великий же Дародатель, яко Человеколюбец, рече к тебе:/ не ужасайся, возлюбленный Мой,/ дела твоя угодна Мне,/ се даю тебе дар:/ о коем-лйбо грешнице помолишися,/ отпустятся ему греси./ Ты же в чистоте сердца твоего возгореся,/ прием воду и прикоснуся Неприкосновенному,/ умы нозе Его/ и, воду пив, даром чудес обогатйся,/ болящия исцеляти, бесы от человек отгоняти/ и грешники от муки молитвою своею избавляти./ О преподобие отче Пайсие,/ молю тя, да умолиши и о мне,/ якоже тебе Бог обетова,/ ибо от сих грешник первый аз есмь,/ да даст ми Господь время покаяния/ и простит мое согрешение,/ яко Благйй и Человеколюбец,/ да со всеми и аз воспою Ему: аллилуйя.

Прп. Паисия Великого. Кондак, глас 2.
Житейских молв оставлъ,/ безмолвное житие возлюбил еси,/ Крестителю подобяся всеми образы,/ с нймже тя почитаем,/ отче отцев Пайсие.

Прп. Варлаама Важского, Шенкурского. Тропарь, глас 3.
Иже к добродетелем прилежанием взыграния плоти обуздал еси,/ благими нравы душу свою украсив,/ от земных Христу превозведе ум свой,/ тем от Него исцелением струя независтна явися,/ притекающим верою к тебе и любезно зовущим:/ Варлааме, отче наш,/ моли Христа Бога,/ да спасет души наша.

Прп. Варлаама Важского, Шенкурского. Кондак, глас 8.
Яко звезда светозарная,/ от Велйкаго Новагра-да пришед,/ в чужих, яко в западных странах, зайде,/ от восток чудес, яко солнце, возсия,/ темже, иже во тьме и сени смертней, в недузех лежащий,/ свет исцеления от тебе приемлюще,/ с нами, чады твоими, непрестанно вопиют ти:/ радуйся, Богомудре Варлааме, отче наш.

Прп. Паисия Хилендарского. Тропарь, глас 4.
Кирилла равноапостольнаго язык,/ защитив обновил еси/ и Патриарха Евфимия благословение Тройческое, предначав,/ исполнил еси./ Твоим бо трудом болгаром/ паки внятным их языком благочестие воспроповедася,/ и тобою первее начат Промысл Тройческий -/ дело освобождения рода Болгарскаго./ Сего ради тя почитаем,/ Паисие блаженне,/ и любовию совершаем честную память твою.

Прп. Паисия Хилендарского. Кондак, глас 8.
Во брань вступил еси не оружием,/ но книжицею малою, блаженне,/ никакоже устрашйвся силы врагов,/ но, зажег светильник посреде смертныя тьмы,/ победил еси в конец за люди твоя./ Сего ради вопием ти:/ радуйся, Пайсие отче,/ деннице светлая болгарскаго новаго дне.

Pages: 1 2 3

Проповеди

В этот день:
Русская Православная Церковь отмечает память святых:
Мученика Леонтия и с ним мучеников Ипатия и Феодула (79).
Преподобного Леонтия отрока, канонарха Печерского, в Дальних пещерах (XIV).
Преподобного Леонтия Прозорливого, Афонского (1605)
Сщмч. Виктора, еп. Глазовского (1934).
Мученика Еферия Никомидийского (ок. 305)
Прмч. Никанора Морозкина,архим. (1938)
Сщмч. Василия, протоиерея (1938).
Сщмч. Александра, иерея (1938).
Сщмч. Василия, иерея (1938).
Сщмч. Сергия протоиерея (1938).
Боголюбской иконы Божией Матери (1157).
Чтимые списки с Боголюбской иконы Божией Матери:

Угличская (1654)
Зимаровская (XIII)
Московская (1157).

Пюхтицкой иконы Божией Матери, именуемой «У Источника» (1946).

Поученіе. Празднованіе въ честь Боголюбской иконы Божіей Матери. Прот. Григорій Дьяченко
Поученіе. Св. мучен. Леонтій. Прот. Григорій Дьяченко

Храни вас Господь, Матерь Божия и все святые, их же память мы сегодня отмечаем!

Молитвы:
Боголюбской иконы Богородицы. Тропарь, глас 1.
Боголюбивая Царице,/ неискусомужная Дево Богородице Марие!/ Моли за ны Тебе Возлюбившаго/ и рождашагося от Тебе Сына Твоего Христа Бога нашего,/ подати нам оставление прегрешений,/ и мирови мир, земли плодов изобилие,/ пастырем святыню/ и всему человечу роду спасение./ Грады наша и страны Российския от нахождения иноплеменных заступи/ и от междуусобныя брани сохрани./ О Мати Боголюбивая Дево!/ О Царице Всепетая!/ Ризою Твоею покрый нас от всякаго зла,/ от видимых и невидимых враг защити,/ и спаси души наша.

Боголюбской иконы Богородицы. Ин тропарь, глас 1.
Всепетая и Всеславная Царице Богородице,/ Мати всея твари Содетеля,/ христианская надеждо и Заступнице,/ печальных утешение, ненадеющихся и отчаявшихся скорое надеяние,/ молим Тя: милостива буди нам, грешным,/ и не остави раб Своих,/ и не отрини моления верных,/ в скорбех и бедах пред честным образом Твоим избавления требующих./ О Владычице, Благая Помощнице!/ Ризою Твоею честною нас защити и от всех зол избави,/ молящи Сына Твоего, Христа Бога нашего,/ да спасет души наша, яко Милосерд.

Боголюбской иконы Богородицы. Кондак, глас 3. Творение Патриарха Сергия.
Дева днесь предстоит Сыну,/ руце Свой к Нему простирающи,/ святый князь Андрей радуется,/ и с ним Российская страна торжествует,/ нас бо ради молит Богородица Превечнаго Бога.

Мч. Леонтия. Тропарь, глас 4.
Мученик Твой, Господи, Леонтий/ во страдании своем венец прият нетленный от Тебе, Бога нашего:/ имеяй бо крепость Твою,/ мучителей низложи,/ сокруши и демонов немощныя дерзости./ Того молитвами/ спаси души наша.

Мч. Леонтия. Кондак, глас 3.
Мучителей посрамил еси лукавая коварства/ и еллинов обличил еси безбожное служение,/ возсиял еси богоразумие всем человеком ученьми благочестия,/ Богомудре мучениче./ Сего ради твою память почитаем любовию,/ премудре Леонтие.

Прп. Леонтия отрока, канонарха Печерского, в Дальних пещерах. Тропарь, глас 3.
Всечестный канонарше Леонтие,/ правилоначальный бывый в церкви/ и в правиле иночестем возсиявший светло,/ моли Христа Бога,/ да прегрешений оставление/ подаст душам нашим.

Прп. Леонтия отрока, канонарха Печерского. Кондак, глас 1.
Канонаршествуя, честный канонарше Леонтие,/ и пение церковное поющим предводительствуя в церкви,/ уподобился воистинну Ангелом,/ поющим Бога на Небеси,/ ихже и житию подражая, и, с ними ликуя,/ поминай ны, любовию хвалящих тя.

Pages: 1 2 3

Неделя 3-я по Пятидесятнице

В этот день:
Русская Православная Церковь отмечает память святых:

Святителя Тихона, еп. Амафунтского (425).
Преподобного Тихона Медынского, Калужского (1492).
Преподобного Тихона Луховского, Костромского чудотворца (1503)
Преподобного Моисея Оптинского (1862)
Перенесение мощей свт. Феофана, Затворника Вышенского (2002)
Сщмч. Тигрия пресвитера и мч. Евтропия чтеца (ок. 404)
Преподобного Никифора Калужского (XV-XVI вв.)
Святого Каихосро Грузинского (1612). (Груз.).
Сщмчч. Гермогена, еп. Тобольского, Ефрема, Михаила и Петра пресвитеров и мч. Константина (1918)

Поученіе. Св. Тихонъ, амаунтскій чудотворецъ. Прот. Григорій Дьяченко

Храни вас Господь, Матерь Божия и все святые, их же память мы сегодня отмечаем!

Молитвы:

Свт. Тихона, еп. Амафунтского. Тропарь, глас 1.
Пустынный житель, и в телеси ангел,/ и чудотворец явился еси, Богоносе отче наш Тихоне:/ постом, бдением, молитвою Небесная дарования приим,/ исцеляеши недужныя и души верою притекающих ти./ Слава Давшему тебе крепость,/ слава Венчавшему тя,/ слава Действующему тобою всем исцеления.

Свт. Тихона, еп. Амафунтского. Ин кондак, глас 8.
Иже Божественнаго Духа благодатию избран святитель явися/ и чудотворец показася предивен./ Яко солнце, чудесы сияя, Тихоне,/ память твоя пресветлая./ Темже зовем ти:/ радуйся, пресловущее миру светило.

Свт. Тихона, еп. Амафунтского. Кондак, глас 3.
В постничестве, святе, боголюбезном пребыв,/ Утешителеву силу с высоты приял еси/ идол низложити прелести,/ люди же спасти,/ демоны отгнати, недуги исцеляти./ Сего ради почитаем тя/ яко Божия друга,/ Тихоне блаженне.

Прп. Тихона Медынского, Калужского. Тропарь, глас 4.
Яко светильник пресветлый,/ явился еси в Российстей земли,/ преподобне отче наш Тихоне,/ в пустыни вселився,/ в нейже преходя жестокое жительство,/ яко безплотен, пожил еси,/ сего ради и чудес дарованием обогати тя Бог./ Тем и мы, притекающе к мощем твоим, умильно глаголем:/ отче преподобне,/ моли Христа Бога/ спастися душам нашим.

Прп. Тихона Медынского, Калужского. Кондак, глас 8.
Отечества удалився, преподобие,/ в пустыню вселился еси,/ идеже жестокое житие твое показал еси/ и, многих добродетельми удивив,/ дарование чудес от Христа приял еси./ Темже поминай нас, чтущих память твою, да зовем ти:/ радуйся, преподобие Тихоне, отче наш.

Прп. Тихона Луховского, Костромского чудотворца. Тропарь, глас 4.
Желанием духовным в пустыню вселился еси/ и, тамо невозвратно шествовав Божественными стезями,/ достигл еси в Небесныя обители,/ и ныне со Ангелы предстоиши/ у Престола всех Царя Христа Бога,/ Емуже прилежно молися/ помиловати град сей и люди,/ верою празднующия пречестную память твою,/ Тихоне преподобне, отче наш.

Прп. Тихона Луховского, Костромского чудотворца. Кондак, глас 8.
Христовою любовию уязвився, преподобие,/ во след Его невозвратно шествовал еси,/ постом и воздержанием плотския страсти умертвил еси,/ бдением же и молитвами вселукаваго врага до конца низложил еси/ и слезами, яко елеем, свещу светлу себе уготовал еси;/ темже в Небесныя обители невозбранно вшел еси,/ идеже, радуяся, Господеви предстоиши,/ Емуже прилежно молися, молим тя,/ яко да милостив нам будет в День страшнаго Его пришествия,/ и да не пребудем и мы вне чертога Христова,/ но да сподобит ны одесную Себе стати/ молитвами твоими, преподобие, да зовем ти:/ радуйся, Богомудре отче наш Тихоне.

Pages: 1 2 3

Проповеди

В этот день:
Русская Православная Церковь отмечает память святых:

Пророка Амоса (VIII в. до Р.Х.)
Апостола Фортуната (I в.)
Мучеников Вита, Модеста и Крискентии питательницы (ок. 303).
Преподобного Иеронима Стридонского (419-420).
Блаженного Августина, еп. Иппонийского (430).
Преподобного Феодора Сикеота, еп. Анастасиупольского (ок. IX).
Святителя Михаила, митр. Киевского (992)
Святителя кн. Сербского Лазаря (1389).
Святителя Ионы, митр. Московского и всея России, чудотворца (1461).
Святителя Ефрема, патриарха Сербского (XIV).
Святителя Кедрона, патр. Александрийского (107).
Мученика Исихия, воина Доростолумского (302).
Мученика Дулы Киликийского (313).
Преподобного Дулы страстотерпца, Египетского (313)
Преподобного Орсисия Тавенисиотского (380)
Преподобного Авраама, игумена Клермонского (480; Галл.).
Преподобных Григория и Кассиана Авнежских (1392)
Святителя Симеона, архиеп. Новгородского. (1412)
Священномученика Амоса пресвитера (1919).
Всех новомученников Сербских.

Поученіе. Св. прор. Амосъ.  Прот. Григорій Дьяченко
Поученіе. Св. Іона, митрополитъ московскій.   Прот. Григорій Дьяченко

Храни вас Господь, Матерь Божия и все святые, их же память мы сегодня отмечаем!

Молитвы:

Прор. Амоса. Кондак, глас 4.

Очистив духом, пророче,/ твое светозарное сердце, славный Амосе,/ пророчествия дар свыше приемь,/ возопил еси велегласно во странах:/ се Бог наш, и не приложится ин к Нему.

Свт. Ионы, митр. Московского и всея России, чудотворца. Тропарь, глас 4.

От юности твоей весь сам себе Господеви возложив,/ в молитвах, и трудех, и в постех образ быв добродетели,/ отонудуже видев Бог твое благое произволение,/ архиерея тя и пастыря Церкви Своей устрояет./ Темже и по преставлении честное тело твое цело и нетленно соблюдеся,/ Ионо святителю,/ моли Христа Бога, да спасет души наша.

Свт. Ионы, митр. Московского и всея России, чудотворца. Ин тропарь, глас 3.

Ярем Господень измлада восприим,/ и Того стопам невозвратным желанием последовал еси,/ и освященнаго подвига достигл,/ святительства паству приим и чудес от Бога дары прият,/ с верою приходящим к раце мощей твоих/ подаеши различным недугом исцеление неоскудно,/ отче наш Ионо, святителю Христов,/моли Христа Бога даровати нам велию милость.

Свт. Ионы, митр. Московского и всея России, чудотворца. Кондак, глас 8.

Яко от младенства Господеви поработив себе, мудре,/ постом и бдением тело твое удручая,/ темже сосуд чист и дом Духу Пресвятому явился еси,/ сего ради и Церкви Своей тебе архиерея и пастыря устрояет,/ юже добре упас, ко Господу отходиши, Егоже возлюбил еси./ Тем молим тя:/ поминай нас, верою чтущих святую память твою, да вси зовем ти:/ радуйся, отче Ионо, святителю всечестный.

Прп. Иеронима Стридонского. Тропарь, глас 3.

Велика имеет тя предстателя, Богомудре,/ православных собрание,/ якоже убо преподобных еси собеседник/ и Божественныя премудрости сопричастник,/ тако, пречудне Иерономе,/ Христу Богу молося/ даровати нам велию милость.

Прп. Иеронима Стридонского. Кондак, глас 8.

В преподобных преподобнейшаго и в блаженных блаженнейшаго учителя,/ песньми восхвалим Иеронима достохвальнаго,/ верных наставника и заступника, любовию тому зовуще:/ радуйся, отче Богомудре.

Свт. Ефрема, патриарха Сербского. Тропарь, глас 8.

Патриархов великое удобрение,/ святителем красото, монахом правило,/ пустынником славу, милости подателя, разсуждения светильника,/ сошедшеся, вернии, восхвалим,/ кротости учителя, Божественнаго рачителя,/ премудраго архипастыря, великаго святителя и отца,/ Ефрема, Патриарха Сербскаго,/ звезду, темныя люди просвещающую/ и вся верныя озаряющую./ Темже, притекающе к раце мощей его,/ любовию целуем я и вопием:/ святе святый, непрестай молити Христа Бога/ спастися душам нашим.

Свт. Ефрема, патриарха Сербского. Кондак, глас 8.

Яко благочестия учителя прекраснаго/ и архиереом первопрестольника премудраго,/ иночествующим наставника и привило,/ церковная чада, сошедшеся, почтим память его песньми, глаголюще:/ радуйся, отче, деяний и видений уме совершенный.

Блгв. кн. Сербского Лазаря. Тропарь, глас 3.

Красоту возжелев славы Божия,/ в земней Тому благоугодил еси/ и, порученный ти талант добре возделав, усугубил еси,/ о немже и подвизався до крове./ Отонудуже и мзду болезней твоих,/ яко мученик, приял еси от Христа Бога:/ Егоже моли спастися/ поющим тя, Лазаре.

Блгв. кн. Сербского Лазаря.Кондак, глас 8.

Возбранника благочестия всеизрядна/ и мученика о истине непостыдна,/ честне и по долгу восхваляет тя стадо твое, Богомудре,/ но яко имея дерзновение ко Христу Богу,/ тебе славящим смирение испроси, да зовем ти:/ радуйся, Лазаре приснопамятна.

Свт. Михаила, митр. Киевского. Тропарь, глас 4.

Днесь пророчествие во апостолех Первозваннаго исполнися:/ се бо на сих горах возсия благодать и вера умножися./ И иже неверием обветшавший/ Божественною купелию отродишася/ и быша людие обновления,/ царское священие, язык свят, Христово стадо,/ емуже ты первый пастырь явился еси,/ яко первее Крещением послуживый./ И ныне, предстоя Владыце Христу Богу,/ моли всем сыном русским спастися:/ имаши бо дерзновение яко иерарх Божий и священнослужитель.

Свт. Михаила, митр. Киевского. Кондак, глас 2.

Моисей вторый России явился еси, отче,/ пренесый мысленный виноград от египетскаго идолослужения/ в землю пророчествием предувидену./ Будет, рече, утверждение веры на земли,/ и на версех гор Киевских превознесется паче Ливана/ плод питающ мира всего./ От негоже вкусивше,/ ублажаем тя, Михаиле, Божий иерарше.

Перенесение мощей прп. Феодора Сикеота, еп. Анастасиопольского. Тропарь, глас 2.

Познан быв от пелен освящен/ и явлься благодатей исполнен,/ чудесы мир озарил еси/ и демонов множество отгнал еси,/ священнодетелю Феодоре,/ темже о нас молися Господеви.

Перенесение мощей прп. Феодора Сикеота, еп. Анастасиопольского. Кондак, глас 3.

Яко на огненную колесницу добродетельми, Богоносе, возшед,/ востекл еси на Небесная жилища,/ яко Ангел, с человеки пожил еси/ и яко человек со Ангелы окрест ликовствуеши./ Сего ради показался еси/ чудес Божественное приятелище, Феодоре преподобие.

Pages: 1 2 3

Проповеди

В этот день:
Русская Православная Церковь отмечает память святых:

Пророка Елисея (IX в. до Р.Х.).
Святителя Мефодия, патриарха Константинопольского (847).
Благоверного кн. Мстислава, во св. Крещении Георгия, Храброго, Новгородского (1180).
Преподобного Мефодия, игумена Песношского (1392).
Преподобного Елисея Сумского (XV-XVI).
Священномученика Владимира, митрополита Киевскиогои Галицкого (1918)
Собор Дивеевских святых.
Преподобной Иулии (Иулитты) Тавеннийской, Египетской (IV)
Святителя Иоанна, митр. Евхаитского. (1100)
Преподобного Нифонта Афонского. (1411)
Сщмч. Иосифа Сикова, иерея (1918).
Свщмч. Александра Парусникова, протоиерея (1938)
Свщмч.Павла Иванова, иерея (1938).
Сщмч. Николая Запольского, диакона (1938).

Поученіе. Св. прор. Елисей. Прот. Григорій Дьяченко

Храни вас Господь, Матерь Божия и все святые, их же память мы сегодня отмечаем!

Молитвы:

Прор. Елисея. Тропарь, глас 4.
Во плоти Ангел,/ пророков основание,/ вторый Предтеча пришествия Христова, Илия славный,/ свыше пославый Елиссееви благодать/ недуги отгоняти/ и прокаженныя очищати,/ темже и почитающим его точит исцеления.

Прор. Елисея. Ин тропарь, глас 4.
Иже во плоти Ангел/ и пророков начальнику свидетельствова, славный Елисее,/ дивны чудеса соделал еси, пророче,/ поспешеством Святаго Духа;/ силою Илииною исцелив водное естество,/ звери же погуби пожирающия,/ и Неемана очисти,/ и вдовича сына воскресил еси,/ и всем чтущим тя даруй благодать и исцеление.

Прор. Елисея. Кондак, глас 2.
Пророк Божий явился еси,/ сугубую благодать приемь,/ воистинну достойную тебе, Елисеев блаженне:/ Илии бо был еси совсельник,/ с нимже Христу Богу молися непрестанно о всех нас.

Свт. Мефодия. Кондак, глас 2.
На земли подвизался еси, яко безплотный,/ и Небеса наследовал еси, Мефодие,/ яко изъяснивый в концех икон поклонение,/ в трудех бо и болезнех вящше пребыв,/ не престал еси дерзновением,/ обличая отметающияся иконы Христовы.

Блгв. кн. Мстислава. Тропарь, глас 4.
Измлада явился еси, Богомудре княже Мстиславе,/ Божественный сосуд, избран Богови,/ благочестием воспитан,/ веру непорочну соблюл еси./ Темже предстоя Святей Троице,/ молися стране Российстей сохраненной быти/ и всем нам спастися.

Блгв. кн. Мстислава. Кондак, глас 8.
Многомудренно пожив в княжении твоем/ в великом Нове граде сем,/ благоверный княже Мстиславе,/ плод благий Богови в жизни сей был еси,/ присноцветущ добродетельми,/ того ради получил еси жизнь вечную на Небесех,/ тело же твое нетлением прославлено бысть на земли./ Мы же, предстояще иконе твоей, любовию вопием ти:/ радуйся, утверждение граду нашему.

Прп. Мефодия, игумена Песношского Тропарь, глас 8.
Божественною любовию от юности распалаемь,/ вся, яже в мире красная, возненавидев,/ Христа Единаго возлюбил еси,/ и, сего ради в пустыню вселився,/ в ней обитель сотворил еси,/ и, собрав инок множество,/ приял еси от Бога чудес дар, отче Мефодие,/ и был еси о Христе собеседник и спостник преподобному Сергию,/ с нимже у Христа Бога испроси православным христианом здравие, и спасение,/ и душам нашим велию милость.

Прп. Мефодия, игумена Песношского. Кондак, глас 4.
Послушания добрый рачитель быв,/ безплотныя враги слезными молитвами твоими крепко посрамил еси/ и явился еси Пресвятыя Троицы жилище,/ Юже зря, блаженне, ясно,/ Богомудре Мефодие преподобие,/ чудес дар от Ней приял еси./ Темже исцелявши с верою приходящих недуги,/ утолявши скорби/ и молишися непрестанно о всех нас.

Pages: 1 2 3

Проповеди

В этот день:
Русская Православная Церковь отмечает память святых:

Мученицы  Акилины (293).
Мученицы Антонины Никейской (305)
Преподобных Андроника (ок. 1395) и Саввы (XV), игуменов Московских.
Новомч. Николая, диакона Лесбосского (1463; Греч.).
Св. Антима Иверского, митр. Влахии (1716) (Груз.).
Св. Александры, основательниы Дивеевского конвента (1789).
Святителя Трифиллия, еп. Левкусии Кипрской (ок. 370).
Святителя Антипатра, еп. Бостры Аравийской. (458)
Преподобной Анны Вифинской (826).
Сщмч. Александра Архангельского, иерея (1918).
Сщмч. Димитрия Смирнова, протоиерея (1940).
Прмц. Пелагии (Жидко) (1944).

Поученіе. Св. муч. Акилина. Прот. Григорій Дьяченко

Храни вас Господь, Матерь Божия и все святые, их же память мы сегодня отмечаем!

Молитвы:

Мц. Акилины. Тропарь, глас 4.
Агница Твоя, Иисусе, Акилина/ зовет велиим гласом:/ Тебе, Женише мой, люблю/ и, Тебе ищущи, страдальчествую,/ и сраспинаюся, и спогребаюся крещению Твоему,/ и стражду Тебе ради,/ яко да царствую в Тебе,/ и умираю за Тя, да и живу с Тобою;/ но, яко жертву непорочную, приими мя, с любовию пожершуюся Тебе./ Той молитвами,/ яко Милостив, спаси души наша.

Мц. Акилины. Кондак, глас 2.
Девства твоего добротами предочистивши душу твою,/ на высоту мучением востекла еси Акилино всечестная,/ любовию Жениха твоего Христа уязвившися,/ Емуже со Ангелы предстоиши, веселящися,/ с нимиже не престай моляся всех наас.

Андроника, Саввы и Александра Московских, Даниила Черного, Андрея Рублева. Тропарь, глас 2.
Плоды добродетелей на земли принесше,/ преподобнии отцы,/ в Небесных чертозех ныне благоухаете, яко райстии цвети,/ и лицем к лицу зрите Пресвятую Троицу,/ Юже дерзновенно молите/ спастися душам нашим.

Тропарь преподобных Андроника и Саввы Московских, глас 8

От юности своея, преподобнии отцы Андрониче и Савво, / в пустыни вселистеся Сергия великаго, / того житию последующе, / плоды смирения и послушания возрастили есте, / сего ради сподобившеся быти строители и первоначальники / обетныя обители святителя Алексия, / с нимже испросите у Христа Бога верным людем здравие и спасение / и душам нашим велию милость.

Кондак преподобных Андроника, Саввы и Александра Московских, Даниила Черного, Андрея Рублева, глас 3

Вас молим, преподобнии отцы наши,/ телом почивающий на земли,/ духом же Божию престолу предстоящий:/ молитеся о граде Москве/ и о всех, почитающих честную память вашу.

Pages: 1 2 3