В этот день: Русская Православная Церковь отмечает память святых:

Перенесение мощей мчч. бессребреников и чудотворцев Кира и Иоанна (412).

Преподобных Сергия и Германа, Валаамских чудотворцев (ок. 1353). Преподобного Ксенофонта, игум. Робейского (1262). Прп. Павла врача Коринфского. Сщмч. Василия диакона (1918). Прмц. Севастианы (1938). Сщмч. Григория диакона (1940). Прп. Сергия Критского. Прп. Моисея Сирийского. Св. Сеннуфия, Знаменосца. Св. Австолла Корнуэльского (VI) (Кельт. и Брит.). Сщмч. Доната Ливийского (Греч.). 3 мчч. галатийских (Греч.). 70 мчч. скифопольских (Греч.). Прп. Магна (Греч.). Мч. Папия (Греч.). Мч. Македония (Греч.). Блж. Сергия Магистрата, основателя монастыря «Никитиата» (Греч.). Мчч. Серения, Плутархия, Гераклита, Герона, Раисо и других в Александрии (202). Иконы Божией Матери, именуемой «Троеручица» (VIII).

Храни вас Господь, Матерь Божия и все святые, их же память мы сегодня отмечаем!

Молитвы

Тропарь преподобных Сергия и Германа, Валаамских чудотворцев, глас 4 Евангелия Христова истиннии послушницы/ явистеся, преподобнии,/ мир и вся, яже в нем, яко не сущая,/ преобидевше любве ради Христовы,/ и в морский остров вселистеся,/ и трудолюбно в нем противу козней невидимых врагов подвизастеся,/ постом, бдением же и всенощным стоянием/ плоти своя духу мудре повинули есте./ Сего ради от Вседержительныя десницы достойныя венцы прияли есте,/ и ныне Пресвятей Троице предстояще, молитеся,/ всеблаженнии отцы Сергие и Германе,/ сохранитися в мире отечеству нашему// и спастися душам нашим.

Кондак преподобных Сергия и Германа, Валаамских чудотворцев, глас 4

От мирскаго жития изшедше,/ отвержением мира Христу последовасте,/ и достигосте великаго Нева езера,/ и, в нем на острове Валааме всельшеся,/ равноангельное житие пожили есте,/ отонудуже веселящеся прешли есте к Небесным чертогом./ И ныне со Ангелы Владычню Престолу предстояще,/ поминайте нас, чад своих,/ яже собрали есте, богомудрии,/ да радостно от души вопием:// радуйтеся, Сергие и Германе, отцы преблаженнии.

Тропарь преподобных Сергия и Германа Валаамских, глас 1

От мирския молвы бегающе, безмолвия и благочестия рачители,/ в тихое пристанище Валаама от востока приидосте,/и в нем Евангельски Христу добродетельми последовавше, на верх совершенства востеклй есте:/и ныне в торжестве премирном Богозрением наслаждающиеся,/ всеблаженнии отцы Сергие и Германе, Человеколюбца Бога молите,/ еже спасти всех нас, благочестно вас почитающих.

Тропарь бессребреников мучеников Кира и Иоанна, глас 5

Чудеса святых Твоих мученик/ стену необориму нам даровавый, Христе Боже,/ тех молитвами советы языков разори,/ Церковь Святую укрепи,// яко Един Благ и Человеколюбец.

Кондак бессребреников мучеников Кира и Иоанна, глас 3

От Божественныя благодати дар чудес приемши, святии,/ чудодействуете непрестанно,/ вся наша страсти рукодейством секуще невидимым,/ Кире богомудре со Иоанном славным:// вы бо Божественнии врачеве есте. Февраль

Ин тропарь бессребренников мучеников Кира и Иоанна, глас 5

Троичная благодать всельшися в честная сердца ваша,/ преблаженнии Кире и Иоанне,/ на духи нечистью страшни прогонителие явистеся./ И не точию явленным, но и тайным/ недугом врачеве бысте,/ темже, дерзновение имуще к Человеколюбцу Богу,/ непрестанною молитвою душевныя наша страсти исцелите.

Ин кондак мучеников бессребреников и чудотворцев Кира и Иоанна, глас 6

Великое врачевство вселенней,/ супряжение Христово возлюбленное,/ светильники сияющия, зарю исцелений,/ воспоем, вернии, велегласно,/ внутрь церкве им вопиюще:/ Кире и Иоанне,/ податели чудесем, врачеве недужным,/ освящаете вся страны.

Тропарь преподобного Ксенофонта Робейского, глас 4

Пустыни явился еси доброе прозябение, / отче преподобне, / от юности бо чистое житие изволил еси, / духовному учителю последуя, / и, того учением ум твой к Небесным вперив, / в пустыню вселился еси, / и в ней обитель создал еси, / и стаду твоему премудр наставник показался еси, / великому же Новуграду похвала и утверждение, / темже и Христос, яко пресветла светильника, / чудесы обогати и прослави тя. / Ксенофонте, отче наш, / моли Христа Бога спастися душам нашим.

Тропарь Божией Матери пред иконой Ее Троеручица, глас 4

Днесь светло красуется царствующий град Москва,/ имеющи в себе, о Всемилостивейшая, всея твари Честнейшая,/ Заступнице наша Дево Богородице,/ честный образ Твой,/ имже подсолнечныя концы земли удивляеши/ и мир мирови даруеши,/ во образ бо Святыя Троицы являеши трие руце:/ двема убо Сына Своего, Христа Бога нашего, носиши,/ третиею от напастей и бед/ верно к Тебе прибегающих избавляеши,/ и от потопления изымаеши,/ и всем полезная даруеши,/ и преподобному Михаилу Малеонскую гору показа,/ и всех всегда милуеши,/ честною ризою Своею покрываеши жительство сие/ и вся грады и страны наша, да зовем Ти:/ радуйся, Обрадованная.

Тропарь Божией Матери пред иконой Ее 'Троеручица', глас 4

Днесь всемирная радость возсия нам велия:/ даровася святей Горе Афонстей/ цельбоносная Твоя, Владычице Богородице, икона,/ со изображением тричисленно и нераздельно пречистых рук Твоих/ в прославление Святыя Троицы,/ созываеши бо верных и молящихся Тебе о сем познати,/ яко двема Сына и Господа держиши,/ третию же яви на прибежище и покров чтущим Тя,/ от всяких напастей и бед избавляти,/ да вси, притекающии к Тебе, верою приемлют неоскудно от всех зол свобождение,/ от врагов защищение,/ сего ради и мы вкупе со Афоном вопием:// радуйся, Благодатная, Господь с Тобою.

Ин тропарь Божией Матери пред иконой Ее Троеручица, глас 4

Яко звезда светозаряющая,/ из Сербии на Афон чудесно прииде/ всечестная икона Твоя Троеручица,/ юже обитель Хиландарская благоговейно восприемши,/ яко Божественный дар свыше,/ прославляет Тя, Владычицу,/ и умильно вопиет:/ не остави милость Твою от нас,/ но пребуди с нами во веки.

Кондак Божией Матери пред иконой Ее 'Троеручица', глас 8

Днесь веселое наста ныне Твое торжество, Богомати Пречистая,/ вси вернии исполнишася радости и веселия,/ яко сподобльшеся изрядно воспети/ предивное явление честнаго образа Твоего/ и рождшагося из Тебе Младенца, истинна же Бога,/ Егоже двема рукама объемлеши,/ и третиею от напастей и бед нас изымаеши// и избавляеши от всех зол и обстояний.

Кондак Божией Матери пред иконой Ее 'Троеручица', глас 3

Дева днесь благоволение к нам являет,/ Гора же Афон благодарение Ей приносит,/ Ангели и иноцы славословят,/ Троеручица из Сербии чудесно путешествует:/ нас бо ради прииде// и вселися во святую обитель Хиландарскую.

Pages: 1 2 3

В этот день:

Русская Православная Церковь отмечает память святых:

Преподобного Сампсона странноприимца (ок. 530) Святой Севир пресвитер (VI). Святая Иоанна Мироносица (I) Преподобного Георгия Святогорца, Иверского (1065) Блаженный Мартин Туровский (после 1146) Преподобный Серапион Кожеезерский (1611) Обретение мощей преподобного Амвросия Оптинского (1998). Священномучеников  Александра и Владимира пресвитеров (1918). Священномученика Петра пресвитера (1939).

Храни вас Господь, Матерь Божия и все святые, их же память мы сегодня отмечаем!

Молитвы

Прп. Сампсона странноприимца. Тропарь, глас 4.

В терпении твоем стяжал еси мзду твою, отче преподобне,/ в молитвах непрестанно терпевый,/ нищия возлюбивый и сия удовливый,/ но молися Христу Богу, Сампсоне милостиве блаженне,/ спастися душам нашим.

Прп. Сампсона странноприимца. Кондак, глас 8.

Яко врача всеизрядна и молитвенника благоприятна,/ к раце твоей Божественней притекающе, Сампсоне Богомудре преподобие,/ сошедшеся любовию, псалмы и песньми, радующеся, Христа прославляем,/ таковую тебе благодать подавающа исцелений.

Память о победе русских войск над шведами под Полтавой 27.07. 1709 г. Тропарь, глас 8.

Препрославлен еси, Господи Боже наш,/ даровавый крепость на враги отечеству нашему,/ якоже Давиду на прегордаго Голиафа,/ осенил еси над главою его в день брани,/ препоясал еси немощныя силою свыше/ и теми всю дерзость вражию низложил еси./ Многомилостиве, слава Тебе.

Память о победе русских войск над шведами под Полтавой 27.07. 1709 г. Кондак, глас 2.

В Вышних живый и на смиренныя призирали,/ Иже не дал еси вепрю от дубравы озобати/ и уединенному дивому поясти винограда Твоего,/ утверди, Боже, еже соделал еси в нас,/ призри с Небесе и виждь, и посети виноград сей, и соверши его,/ егоже насади десница Твоя.

Pages: 1 2 3

В этот день: Русская Православная Церковь отмечает память святых: Тихвинской иконы Божией Матери (1383). Преподобного Давида Солунского (ок. 540). Святителя Дионисия, архиеп. Суздальского (1385). Преподобного Иоанна, еп. Готфского (VIII). Обретение мощей прп. Тихона Луховского, Костромского (1569). Сщмч. Георгия пресвитера (1918). Святых мучеников братьев Иоанна и Павла, и Галликана. Прп. Серапиона, Кожеезерского. Перенес. мощей св. Брэннока (Бринаха) Браунтонского (Кельт. и Брит.). Новомч. Давида из скита св. Анны, пострадавшего в Фессалонике (1813). Св. Анфиона монаха (Греч.). Нямецкой иконы Божией Матери(1399), Седмиезерной иконы Божией Матери (XVII) и Лиддской (Римской) иконы Божией Матери.

Храни вас Господь, Матерь Божия и все святые, их же память мы сегодня отмечаем!

Молитвы: Тихвинской иконы Богородицы. Тропарь, глас 4. Днесь, яко солнце пресветлое, возсия нам на воздусе/ всечестная икона Твоя, Владычице,/ лучами милости мир просвещающи,/ юже великая Россия,/ яко некий дар Божественный/ свыше благоговейне восприимши,/ прославляет Тя, Богомати, всех Владычицу,/ и от Тебе рождшагося Христа Бога нашего величает радостно./ Емуже молися, о Госпоже Царице Богородице,/ да сохранит вся грады и страны христианския невредимы от всех навет вражиих/ и спасет верою поклоняющихся/ Его Божественному и Твоему пречистому образу,/ Дево Неискусобрачная.

Тихвинской иконы Богородицы. Кондак, глас 8.

Притецем, людие, к Девей Богородице Царице,/ благодаряще Христа Бога,/ и, к Той чудотворней иконе, умильно взирающи, припадем и возопием Ей:/ о Владычице Марие,/ присетивше страну сию Твоего честнаго образа явлением чудесно,/ спасай в мире и благовременстве отечество наше и вся христианы,/ наследники показующи Небесныя жизни,/ Тебе бо верно зовем:/ радуйся, Дево, мира спасение.

Прп. Давида Солунского. Тропарь, глас 8.

В тебе, отче, известно спасеся, еже по образу:/ приим бо крест, последовал еси Христу/ и, дея, учил еси презирати убо плоть, преходит бо,/ прилежати же о души, вещи безсмертней./ Темже и со Ангелы срадуется, преподобие Давиде, дух твой.

Прп. Давида Солунского. Кондак, глас 1.

Сад присноцветущ, добродетелей плоды приносяй,/ явился еси на садовне древе, яко благопеснивая птица;/ рай же паче, жизни древо, Господа, в сердцы твоем прием,/ яко возделав, Богомудре,/ имже питавши нас благодатию;/ присно моли о нас, Давиде всеблаженне.

Свт. Дионисия, архиеп. Суздальского. Тропарь, глас 8.

Православия ревнителю, благочестия наставниче,/ ищущим спасения добрый кормчий,/ монашествующих Богодухновенное украшение,/ Богоноснаго Евфимия собеседниче, святителю Дионисие,/ ученьми и добродетельми отечество твое просветил еси,/ не забуди нас, чтущих тя,/ но в мире управи живот наш.

Свт. Дионисия, архиеп. Суздальского. Кондак, глас 8.

Звезду Российскую от Киева возсиявшую/ чрез Нижний Новград в Суждаль достигшую,/ и всю страну сию учением озарившую,/ ублажим Богомудраго Дионисия,/ той бо молится Господу спастися душам нашим.

Pages: 1 2 3

В этот день: Русская Православная Церковь отмечает память святых:

Преподобномученицу Февронию, деву

Святые Петр и Феврония  Преподобного Никона Оптинского, исповедника (1931). Священномученика Николая и Василия пресвитеров (1918). Священномученика Василия пресвитера (1940). Прпмцц. Леониды, Ливии и Евтропии, Сирийских. Прп. Симеона Синаита. Прп. Дионисия и Дометия, Афонских (Греч.). Новомч. Прокопия Смирнского Афонского (1810) (Греч.). Новомч. Георгия Атталийского (Греч.). Мч. Галициана патриция Египетского (362). Св. Аделберта, архидиакона (740) (Нидерл.). Св. Феолепта, митр. Филадельфийского (1322). Св. Молуака Лисморского (592) (Кельт. и Брит.).

Храни вас Господь, Матерь Божия и все святые, их же память мы сегодня отмечаем!

Молитвы

Акафист святым благоверным князю Петру и княгине Февронии, Муромским

Тропарь благоверных князей, глас 8 Яко благочестиваго корене пречестная отрасль был еси,/ добре во благочестии пожив, блаженне Петре,/ тако и с супружницею твоею, премудрою Феврониею,/ в мире Богу угодивше, и преподобных житию сподобистеся./ С нимиже молитеся Господеви/ сохранити без вреда отечество ваше,// да вас непрестанно почитаем.

Кондак благоверных князей, глас 8

Мира сего княжение и славу временну помышляя,/ сего ради благочестно в мире пожил еси, Петре,/ купно и с супружницею твоею, премудрою Феврониею,/ милостынею и молитвами Богу угодивше./ Темже и по смерти неразлучно во гробе лежаще,/ исцеление невидимо подаваете,/ и ныне Христу молитеся,// сохранити град же и люди, иже вас славящих.

Тропарь преподобномученицы Февронии, глас 4

Агница Твоя, Иисусе, Феврония/ зовет велиим гласом:/ Тебе, Женише мой, люблю,/ и, Тебе ищущи, страдальчествую,/ и сраспинаюся, и спогребаюся крещению Твоему,/ и стражду Тебе ради,/ яко да царствую в Тебе,/ и умираю за Тя, да и живу с Тобою;/ но яко жертву непорочную приими мя,/ с любовию пожершуюся Тебе.// Тоя молитвами, яко Милостив, спаси души наша.

Кондак преподобномученицы Февронии, глас 6

Женише мой, сладчайший Христе, -/ взываше Феврония, -/ не трудно ми тещи во след Тебе,/ ибо сладость любве Твоея душу мою надеждею впери/ и красота милости Твоея сердце мое услади/ испити чашу страданий по Тебе,/ да достойну мя в чертозе с мудрыми девами/ ликовствовати о Тебе сопричтеши./ Темже, преподобная страстотерпице,/ почитающе подвиги трудов твоих, молим тя:// моли не затворитися и нам чертога дверем.

Pages: 1 2 3

В этот день: Русская Православная Церковь отмечает память святых: Рождество Пророка, Предтечи и Крестителя Господня Иоанна. Святителя Герасима (Добросердова), еп. Астраханского и Енотаевского Преподобногор Антония Дымского (ок. 1224). Праведных отроков Иакова и Иоанна Менюжских (1566—1569). Великого кязя Михаила Тверского. Преподобного Иоанна Яренгского (Соловецкого). Мчч. семи братий: Орентия, Фарнакия, Ероса, Фирмоса, Фирмина, Кириака и Лонгина (VI). Свт. Никиты, еп. Ремессианского. Новомч. Панагиота Кесарийского, Каппадокийского (1765) (Греч.). Мч. Иоанна Нового, Сукевийского (Рум.). Собор правв. Захарии и Елисаветы (Греч.). Св. Иоанна пустынника Богемского (904). Св. Афанасия Пароского (1813).

Храни вас Господь, Матерь Божия и все святые, их же память мы сегодня отмечаем!

Молитвы: Рождество честного славного Иоанна Предтечи. Тропарь, глас 4. Пророче и Предтече пришествия Христова,/ достойно восхвалити тя недоумеем мы, любовию чтущии тя:/ неплодство бо рождшия и отчее безгласие разрешися/ славным и честным твоим рождеством,/ и воплощение Сына Божия мирови проповедуется.

Рождество честного славного Иоанна Предтечи.Кондак, глас 3.

Прежде неплоды днесь Христова Предтечу раждает,/ и той есть исполнение всякаго пророчества:/ Егоже бо пророцы проповедаша,/ на Сего во Иордане руку положив,/ явися Божия Слова пророк, проповедник, вкупе и Предтеча.

Прп. Антония Дымского. Тропарь, глас 4. Добродетелей ревнителю,/ пустынный житель,/ подвижник веры Христа Бога нашего,/ пощением и труды умертвивый плотская вожделения,/ тезоимените великому Антонию,/ егоже житию поревновал еси/ и во егоже имя Божественный храм воздвигл еси,/ купно с ним, преподобне Антоние, моли Спасителя всех,/ да и нас сотворит победители плотских похотей/ и храмы Духа Святаго,/ по велицей Его милости.

Прп. Антония Дымского. Кондак, глас 6. Сверстник и подражатель преподобному Варлааму,/ послушание к нему истинное стяжав,/ достоин явился ему преемник,/ упасши до времене стадо его,/ добродетелем же его поревновав,/ в туюжде меру возраста достигл еси,/ безмолвие пустынное возлюбив,/ и угоден Господеви показался еси,/ первоначальник быв пустыни при езере Дымском:/ тем ти вопием:/ с преподобным Варлаамом, отче Антоние, моли о нас Бога,/ да даст нам такожде угодити Ему, якоже и ты,/ образе послушания и безмолвия тихий рачителю.

Правв. отроков Иакова и Иоанна Менюжских. Тропарь, глас 1. Болезньми святых праведных отроков/ Иакова и Иоанна,/ имиже о Тебе пострадаша,/ умолен буди, Господи,/ и вся наша болезни исцели,/ Человеколюбие, молимся.

Прп. Иоанна Яренгского (Соловецкого). Тропарь, глас 4. От земли Возведый тя к вечным обителем/ соблюдает и по смерти невредимо тело твое, святе Иоанне,/ ты бо в целомудрии и чистоте жития, блаженне, пожил еси,/ не осквернив тело,/ темже со дерзновением моли Христа Бога спастися душам нашим.

Pages: 1 2 3

В этот день: Русская Православная Церковь отмечает память святых: Собор Владимирских святых Святой мученицы Агрипины (253-259) Праведного Артемия Веркольского (1545). Преподобного Иосифа Заоникиевского Второе перенесение мощей свт. Германа, архиеп. Казанского (1714). Священомученика Митрофана, архиепископа Астраханского (1919). Священомучеников Александра, Алексия, Петра пресвитеров (1918). Мучеников Евстохия, Гаия, Провия, Лоллия, Урвана и иных (IV). Владимирской чудотворной иконе Божие Матери Иконы Божией Матери Псково-Печерской, именуемой "Умиление" (1524), Иконы Божией Матери именуемой «Вратарница», или «Неугасимая Свеча» (1894).

Храни вас Господь, Матерь Божия и все святые, их же память мы сегодня отмечаем!

Молитвы:

Владимирской иконы Богородицы. Тропарь, глас 4.

Днесь светло красуется славнейший град Москва,/ яко зарю солнечную восприимши, Владычице,/ чудотворную Твою икону,/ к нейже ныне мы притекающе и молящеся. Тебе взываем сице:/ о, пречудная Владычице Богородице!/ Молися из Тебе воплощенному Христу Богу нашему,/ да избавит град сей/ и вся грады и страны христианския невредимы от всех навет вражиих,/ и спасет души наша, яко Милосерд.

Владимирской иконы Богородицы. Ин кондак, глас 8.

Взбранней Воеводе и Заступнице, Деве и Богородице,/ в чистей совести, верою утвердившеся, русстии народи,/ невозвратно надежду имуще, притецем,/ к чудотворному Ея и пречистому образу, и возопием Ей:/ радуйся, Невесто Неневестная.

Владимирской иконы Богородицы. Кондак, глас 8.

Взбранной Воеводе победительная,/ яко избавльшеся от злых пришествием Твоего честнаго образа,/ Владычице Богородице,/ светло сотворяем празднество сретения Твоего/ и обычно зовем Ти:/ радуйся, Невесто Неневестная.

Собор Владимирских святых. Тропарь, глас 4.

Днесь светло красуется Пресвятыя Богородицы избранный град/ и с ним вси концы земли Владимирския торжествуют,/ память совершающе богопрославленнаго великаго лика святых,/ в подвизех Православный веры издревле во уделе сем Богу угодивших,/ и к ним с любовию вопиют:/ о предивнии Христу Богу молитвенницы,/ венцы пресветлыми от Него увенчанныя,/ мир и благоденствие отечеству вашему испросите/ и душам нашим велию милость.

Собор Владимирских святых. Кондак, глас 4.

Яко звезды пресветлыя Церкве Российския,/ исповеданием Православный веры в той возсиявшии,/ вси святии земли Владимирския:/ Богомудрии святителие и благовернии князи,/ преподобнии отцы и матери,/ страстотерпцы и праведницы,/ Христу Богу усердно молитеся,/ грехов оставление даровати/ любовию чтущим святую память вашу.

Мц. Агриппины. Тропарь, глас 4.

Агница Твоя, Иисусе, Агрипина/ зовет велиим гласом:/ Тебе, Женише мой, люблю,/ и, Тебе ищущи, страдальчествую,/ и сраспинаюся, и спогребаюся крещению Твоему,/ и стражду Тебе ради,/ яко да царствую в Тебе,/ и умираю за Тя, да и живу с Тобою;/ но, яко жертву непорочную, приими мя, с любовию пожершуюся Тебе./ Той молитвами, яко Милостив, спаси души наша.

Мц. Агриппины. Кондак, глас 4.

Светлых подвиг твоих светоносный наста день,/ воньже почитающи сих, Божественная Церковь вся созывает весело вопити тебе:/ радуйся, дево и мученице, Агрипино всечестная.

Прав. отрока Артемия Веркольского. Тропарь, глас 2.

Вышняго повелением,/ тученосным облаком, небо помрачившим/ и молниям блистающим,/ грому же возшумевшу с прещением,/ испустил еси душу твою в руце Господеви,/ премудре Артемие,/ и ныне предстоиши Престолу Владыки всех,/ иже верою и любовию приходящим к тебе,/ подай исцеление всем неотложно/ и моляся Христу Богу,/ спастися душам нашим.

Прав. отрока Артемия Веркольского. Кондак, глас 8.

Возсия днесь пресветлая память премудраго Артемия;/ Богоданная благодать, яко реки, изливает от целебных мощей его дивная исцеления,/ имиже от многоразличных недуг избавляемся,/ с верою приемлюще я и взывающе:/ радуйся, Артемие Богомудре.

Свт. Германа, архиеп. Казанского. Тропарь, глас 4.

От юности иго Христово усердно восприим,/ бденными подвиги поста и молитвы прославился еси./ Отонудуже призывающу тя Богу на служение Церкви/ в новопросвещеннем царстве Казанстем,/ вкупе со святителем Гурием воззван был еси,/ идеже яко первоначальник/ созданной тобою в граде Свияжске обители/ и достойный первосвятителю преемник явился еси./ Духом предстоя Престолу Владычню,/ молися, святителю Германе, со святителем Гурием/ православной пастве во благочестии преспевати/ и тьме иноверия светом веры разгнатися.

Свт. Германа, архиеп. Казанского. Кондак, глас 4.

Доблестями преподобия и правды/ врученное тебе словесное стадо озаряя/ и на злачных Слова Христова пажитях питая,/ на правый путь заповедей Господних/ силою духа твоего наставлял еси е./ Темже и ныне, осеняемое цельбоносными чудотворении твоими,/ в святую память твою, зовем тебе:/ не престай, святителю, предстательствовати/ пред Пастыреначальником о стаде твоем,/ яко паствы твоей утверждение/ и сущим по тебе святителем удобрение.

Прп. Иосифа Заоникиевского. Тропарь, глас 5.

Смиренномудрием наказание благодушие приемля,/ иже от Небес неизреченный дар приити сподобился,/и в плоти сый, преподобие,/ безплотен в служении своем к Богоматери трудолюбие подвизася,/ бдении, пощении, слезами и молитвами,/ имиже и пустыню многожительну устроил еси,/ благоухищренным же юродством человеческия славы избежа./ Сего ради Всевышний Мздовоздатель/ в конец века сего сугубо тя прослави,/ и гроб твой святый точением чудес обогатися,/ Егоже моли, преподобие отче наш Иосифе,/ даровати нам отпущение грехов и велию милость.

Прп. Иосифа Заоникиевского. Кондак, глас 8.

Вышних благ желаяй,/ преобидел еси долу влекущая мудрования,/ ибо трудолюбивое свое тело/ острым власяным плетением стерл еси,/ и бысть благоугоден служитель Богоматере,/ страждущим в недузех являлся, скоро помогавши,/ и с верою притекающим к тебе неоскудное здравие подаеши./ Сего ради зовем ти:/ разреши наша болезни душевныя и телесныя/ еже к Богу молитвами твоими,/ началообразный смирению наставниче, отче наш Богомудре Иосифе,/ монахом удобрение.

Pages: 1 2 3

В этот день: Русская Православная Церковь отмечает память святых: Священномученика Евсевия, еп. Самосатского (380). Мучеников Галактиона, Иулиании и Сатурнина. Св. Григория, митр. Валашского (1834) (Румын.). Сщмч. Геннадия пресвитера (1918). Сщмчч. Феодора и Гавриила диаконов (1938). Новомч. Михаила Стефановского. Мчч. Зинона и Зины (304). Св. Албана, первомч. Британского (ок. 209 или 305) (Кельт. и Брит.). Мч. Помпиана (Греч.). 1480 мученников Самарийских в Палестине (615).

Храни вас Господь, Матерь Божия и все святые, их же память мы сегодня отмечаем!

Молитвы:

Сщмч. Евсевия. Кондак, глас 4. Благочестно во святительстве пожив/ и мучения путь прошед,/ идольския угасил еси жертвы, святителю Евсевие,/ но яко имеяй дерзновение ко Христу Богу,/ моли спастися душам нашим.

Pages: 1 2 3

В этот день: Русская Православная Церковь отмечает память святых: Мученика Иулиана Тарсийского (ок. 305). Обретение мощей прп. Максима Грека (1996). Преподобной Анастасии, матери свт. Саввы Сербского (ок. 1200). Мученика Арчилла II (1622) (Груз.). Сщмч. Иоанна пресвитера (1918). Прп. Георгия исп (1932). Сщмч. Алексия, Павла и Николая пресвитеров (1938). Прмч. Ионы (1938). Мч. Никиты (1942). Сщмч. Терентия (Тертия), еп. Иконийского (I). Прпп. Иулия пресвитера и Иулиана диакона (V). Новомч. Никиты Нисиросского (1732) (Греч.). Мч. Афродисия Киликийского. Мч. Иулиана Ливийского (Греч.). Сщмчч. Антония, Анастасия, восставшего из мертвых, Келсия, матери его Василиссы, 20 стражей темничных и 7 братьев, замученных вместе со св. Иулианом (Греч.). Мч. Федора, правоверного князя Стародубского (1330). Св. Кормака Морского (590) (Кельт. и Брит.). Св. Мевана игумена Миинского. Храни вас Господь, Матерь Божия и все святые, их же память мы сегодня отмечаем!

Молитвы:

Мч. Иулиана Тарсийского. Тропарь, глас 4.

Мученик Твой, Господи, Иулиан,/ во страдании своем венец прият нетленный от Тебе, Бога нашего:/ имеяй бо крепость Твою,/ мучителей низложи,/ сокруши и демонов немощныя дерзости./ Того молитвами/ спаси души наша.

Мч. Иулиана Тарсийского. Кондак, глас 2.

Благочестия непобедимаго воина/ и истины согласника и оружника,/ вси достойно восхвалим Иулиана днесь/ и к нему возопиим:/ моли Христа Бога о всех нас.

Св. Иулианом и иже с ним. Тропарь, глас 1.

Светлыя постничества подвиги,/ радуяся, понесл еси, Иулиане Богоблаженне, с преподобною Василиссою,/ и страдания добльственно претерпел еси/ с честными твоими сострадальцы,/ с нимиже моли Христа Бога/ спастися душам нашим.

Св. Иулианом и иже с ним. Кондак, глас 8.

Иже в преподобных и мученицех/ преславнаго Иулиана и сподвижников его/ любовию память почитаем днесь,/ яко прославивших Господа Божественными делы/ и прославленных Господом Божественными чудесы,/ ихже песньми увенчаим, зовуще:/ радуйтеся, воини Христовы непобедимии.

Прп. Анастасии, матери свт. Саввы Сербского. Тропарь, глас 4.

Добродетельми богатая,/ кротостию и благочестием украшенная,/ возсияла еси чистотою жития твоего,/ сего ради Благий Бог благослови тя/ быти материю светильника рода сербскаго,/ темже вопием ти:/ радуйся, преподобная мати Анастасие.

Прп. Анастасии, матери свт. Саввы Сербского. Кондак, глас 4.

Во благословением браце поживши,/ нескверно удержала еси законно целомудрие,/ чада же твоя кротко учила еси/ паче всех Христа любити,/ Емуже ныне предстоящи и молящися,/ помяни и нас, вопиющих ти:/ радуйся, преподобная мати Анастасйе.

Обретение мощей прп. Максима Грека. Тропарь, глас 8.

Зарею Духа облистаемь,/ витийствующих богомудренно сподобился еси разумения,/ неведением омраченная сердца человеков светом благочестия просвещая,/ пресветел явился еси Православия светильник, Максиме преподобне,/ отонудуже ревности ради Всевидящаго/ отечества чужд и странен, Российския страны был еси пресельник,/ страдания темниц и заточения от самодержавнаго претерпев,/ десницею Вышняго венчаешися и чудодействуеши преславная./ И о нас ходатай буди непреложен,/ чтущих любовию святую память твою.

Pages: 1 2 3

В этот день: Русская Православная Церковь отмечает память святых: Священномученика Мефодия, еп. Патарского (312). Блгв. кн. Глеба Владимирского (сына св. Андрея Боголюбского) (1175). Перенесение мощей свт. Гурия, архиеп. Казанского (1630). Святителя Наума Охридского (Болг.). Святителя Мины, еп. Полоцкого (1116). Мчч. Инны, Пинны и Риммы скифов (перенесение мощей, I-II). Святитель Николая Кавасилы, еп. Диррахийского (1397). Мчч. Аристоклия пресвитера, Димитриана диакона и Афанасия чтеца (ок. 306). Свт. Левкия исп., еп. Врунтисиопольского (V). Свт. Каллиста, патр. Константинопольского. Перенес. мощей и риз свв. апп. Луки, Андрея и Фомы, прор. Елисея и мч. Лазаря в церковь 12 апп. в Константинополе (Греч.). Мчч. Павла, Кириака, Павлы, Фелицилана, Фомы, Феликса, Мартирия, Виталия, Криспина и Емилия в Томии (290). Св. Студия, основателя Студийского монастыря (V). Обретение мощей (1959) нового мч. иеромонаха Рафаеля Лесбоского (1463).

Косинской(Моденской) иконы Божией Матери

Храни вас Господь, Матерь Божия и все святые, их же память мы сегодня отмечаем!

Молитвы:

Сщмч. Мефодия, еп. Патарского. Тропарь, глас 1.

Кровь твоя, мудре, тайно вопиет от земли,/ якоже Авелева к Богу,/ Богомудре святителю Мефодие,/ ясно проповедавый Божие вочеловечение./ Темже и посрамил еси Оригенову лесть,/ и преставился еси в Небесный чертог./ Моли Христа Бога,/ да спасет души наша.

Сщмч. Мефодия, еп. Патарского. Кондак, глас 4.

Священнотайнник Святыя Троицы,/ и яже паче ума повелений Божественных проповедник,/ и православным утверждение был еси, Мефодие,/ злославныя обличил еси смыслы,/ правоверия ради кровию твоею священномученик явлься,/ и, Христу со Ангелы предстоя,/ моли спастися нам.

Блгв. кн. Глеба Владимирского. Тропарь святаго, глас 4.

Днесь светло красуется славнейший град Владимир,/ имея в себе пребогатое сокровище —/ чудоточащия честныя мощи благовернаго князя Глеба,/ имиже украшался и хваляся,/ вселенную всю созывает к веселию/ и велегласно вопиет:/ о Владыко Христе,/ даровавый таковую благодать угоднику Твоему,/ его молитвами помилуй нас.

Блгв. кн. Глеба Владимирского. Кондак, глас 8.

Взбранному и крепкому в праведницах,/ православною мудростию сияющему великому чудотворцу,/ благодарственная восписуем ти, благоверный княже Глебе:/ яко имея дерзновение у Престола Христова,/ верою чтущих тя, град и люди сохраняй молитвами твоими:/ ты бо еси земли Российския похвала и утверждение.

Перенесение мощей свт. Гурия, архиеп. Казанского. Тропарь, глас 4.

Яко крин благовонный,/ мироточивыя твоя мощи/ от вертограда Церкве Спасовы/ в вертоград Церкве Богородичны честне принесошася,/ святителю Гурие,/ яко же бо дар честен,/ тя даровав Христос Пречистей Матери Своей,/ и исполнися храм Ея святый благоухания твоего,/ и возрадовася архиерейский престол,/ приемый тя, первоседателя своего./ Возвеселися же собор верных со святителем и священноначальники/ о преславном цельбоносных твоих мощей пренесении,/ еже мы радостно празднующе, молим тя,/ угодниче Божий:/ моли Христа Бога/ подати душам нашим мир и велию милость.

Перенесение мощей свт. Гурия, архиеп. Казанского. Ин тропарь, глас 3.

Добродетельного и благороднаго ради твоего жития,/ извел тя есть Прещедрый Бог/ на первопрестольство богоспасаемаго царства Казани/ и просветил есть учением твоим бесерменьстии языцы./ И многия, святителю Гурие, во избранное Христово стадо привел еси,/ и нищелюбием богоугодно пожил еси,/ и по преставлении твоем много лет сокровенное твое тело/ от недр земных на удивление явися,/ и благоуханнаго мира гроб наполнися приходящим с верою,/ взимающим миро от раки честньгх мощей твоих,/ всем источаеши исцеления,/ святителю Христов Гурие,/ моли Христа Бога/ спастися душам нашим.

Перенесение мощей свт. Гурия, архиеп. Казанского. Ин кондак, глас 6.

Истине основание, и веры утверждение,/ и в поучениих преизряднаго свемы тя, благочестию споспешника,/ апостолом сопрестольника, страстотерпцем сопричастника,/ постником купноревнителя похваляем тя, Гурие святителю,/ и велия таинника Божия благодати.

Перенесение мощей свт. Гурия, архиеп. Казанского. Кондак, глас 4.

Чувственный страсти победив,/ чистотою, яко солнце, возсиял еси,/ чисто житие до конца сохранив,/ и от неверия в веру многих ко Христу привел еси,/ того ради от Бога нетлением почтен,/ чудесы твоими вся удивил еси./ Молим убо тя, святителю Гурие,/ молитвами твоими от бед избави нас, да зовем ти:/ радуйся, отче предивный, граду Казани похвале и утверждение.

Свт. Наума Охридского. Тропарь, глас 4.

Мир оставил еси, прилепився Христу,/ плоть распял еси, пожив Духу,/ Науме всеблаженне,/ потщался еси апостольским подвизатися течением/ и уловил еси к вере Болгарская неисчетная множества./ Темже молитвами твоими/ избави нас от искушений.

Свт. Наума Охридского. Кондак, глас 3.

Светлых твоих подвигов пречестная память,/ яко велие солнце, всем возсиявает,/ лица воспевающих тя просвещает,/ демоны и всяку болезнь отгоняет,/ сего ради, сошедшеся, любовию сию верно восхвалим.

Pages: 1 2 3

В этот день: Русская Православная Церковь отмечает память святых: Апостола Иуды, брата Господня (ок. 80). Святителя Иова, патриарха Московского и всея Руси (1607). Мученика Зосимы (II). Преподобного Паисия Великого (V). Прп. Паисия Хилендарского (Болг.). Прп. Варлаама Важского, Шенкурского (1462). Прп. Иоанна отшельника Иерусалимского (VI). Прп. Зинона, пустынника Египетского. Св. мироносицы Марии Иаковлевой, матери Иосии. Новомч. еп. Парфения (1937). Новомч. Сергия Флоринского пресвитера Эстонского (1918). Сщмч. Асинкрита (Греч.). Прп. Ромуальда, игумена (1037) (Кельт. и Брит.). Св. Макария Петраского (IV). Храни вас Господь, Матерь Божия и все святые, их же память мы сегодня отмечаем!

Молитвы:

Апостола Иуды, брата Господня. Тропарь, глас 1.

Христова тя сродника, о Иудо, ведуще и мученика тверда,/ священно восхваляем,/ прелесть поправша и веру соблюдша./ Темже, днесь всесвятую твою память празднующе,/ грехов разрешение молитвами твоими приемлем.

Апостола Иуды, брата Господня. Ин тропарь, глас 1.

Чистоту душевную и житие непорочно стяжав,/ Пречйстаго Света, нам приблйжшагося, быв по плоти брат и ученик,/ благочестия проповедник и языком учитель истинный,/ Иудо всехваль-не,/ моли Христа Бога,/ да спасет души наша.

Апостола Иуды, брата Господня. Кондак, глас 2.

Павлу явлься собеседник, апостоле,/ с сим нам проповедь возвестил еси Божественный благодати,/ тайноглагольниче Иудо блаженне./ Сего ради вопием ти:/ не престай моляся о всех нас.

Свт. Иова, патриарха Московского и всея Руси. Тропарь, глас 3.

Да торжествует Церковь Христова/ и да радуется град Москва,/ яко возсия светильник земли Российския,/ во исповедании истины непоколебимый Иов Патриарх,/ егоже молитвами. Господи,/ вся соблазны мира сего и ереси искорени,/ люди во благочестии настави/ и утверди в Православии.

Свт. Иова, патриарха Московского и всея Руси. Тропарь, глас 5.

Православия поборниче,/ веры Христовы исповедник был еси,/ первоиерарше Церкве Русския,/ святителю отче Иове,/ за ны Христа Бога моли:/ веру отеческую утвердйти,/ грехов оставление нам даровати/ и подати миру велию милость.

Свт. Иова, патриарха Московского и всея Руси. Кондак, глас 6. Светйльник Церкве Русския/ и пастырь добрый явился еси,/ святителю отче Иове,/ молитвою твоею ко Господу/ храни землю Российскую/ и спаси души наша.

Прп. Паисия Великого. Тропарь, глас 2.

Пустынный житель, и в телеси ангел,/ и чудотворец показался еси, Богоносе отче наш Паисие:/ постом, бдением и молитвою Небесная дарования  прием,/ исцеляеши недужныя и души верою притекающих ти./ Слава Давшему тебе крепость,/ слава Венчавшему тя,/ слава Действующему тобою всем исцеления.

Прп. Паисия Великого. Кондак, глас 8. От млада званию Господа твоего последовал еси усердно, блаженне,/ вся, яже в мире красная, Его ради оставив./ Крест твой на рамена взем,/ вселился еси в пустыню,/ и, тамо ангельски пожив,/ тело твое постом и молитвами изнурил еси,/ и многим путь был еси ко спасению,/ вся возводя к Божественней высоте,/ Пайсие преподобие,/ отцев и постников твердое основание.

Прп. Паисия Великого. Тропарь, глас 2.

Божественною любовию от юности распалаемь, преподобие,/ вся красная, ямсе в мире, вознена-вйде,/ Христа едйнаго возлюбил еси,/ сего ради в пустыню вселйся,/ идеже сподобися Божествен-наго посещения,/ Егоже неудббь зрети и ангель-скима очйма,/ паде, поклонйся./ Великий же Дародатель, яко Человеколюбец, рече к тебе:/ не ужасайся, возлюбленный Мой,/ дела твоя угодна Мне,/ се даю тебе дар:/ о коем-лйбо грешнице помолишися,/ отпустятся ему греси./ Ты же в чистоте сердца твоего возгореся,/ прием воду и прикоснуся Неприкосновенному,/ умы нозе Его/ и, воду пив, даром чудес обогатйся,/ болящия исцеляти, бесы от человек отгоняти/ и грешники от муки молитвою своею избавляти./ О преподобие отче Пайсие,/ молю тя, да умолиши и о мне,/ якоже тебе Бог обетова,/ ибо от сих грешник первый аз есмь,/ да даст ми Господь время покаяния/ и простит мое согрешение,/ яко Благйй и Человеколюбец,/ да со всеми и аз воспою Ему: аллилуйя.

Прп. Паисия Великого. Кондак, глас 2.

Житейских молв оставлъ,/ безмолвное житие возлюбил еси,/ Крестителю подобяся всеми образы,/ с нймже тя почитаем,/ отче отцев Пайсие.

Прп. Варлаама Важского, Шенкурского. Тропарь, глас 3.

Иже к добродетелем прилежанием взыграния плоти обуздал еси,/ благими нравы душу свою украсив,/ от земных Христу превозведе ум свой,/ тем от Него исцелением струя независтна явися,/ притекающим верою к тебе и любезно зовущим:/ Варлааме, отче наш,/ моли Христа Бога,/ да спасет души наша.

Прп. Варлаама Важского, Шенкурского. Кондак, глас 8.

Яко звезда светозарная,/ от Велйкаго Новагра-да пришед,/ в чужих, яко в западных странах, зайде,/ от восток чудес, яко солнце, возсия,/ темже, иже во тьме и сени смертней, в недузех лежащий,/ свет исцеления от тебе приемлюще,/ с нами, чады твоими, непрестанно вопиют ти:/ радуйся, Богомудре Варлааме, отче наш.

Прп. Паисия Хилендарского. Тропарь, глас 4.

Кирилла равноапостольнаго язык,/ защитив обновил еси/ и Патриарха Евфимия благословение Тройческое, предначав,/ исполнил еси./ Твоим бо трудом болгаром/ паки внятным их языком благочестие воспроповедася,/ и тобою первее начат Промысл Тройческий -/ дело освобождения рода Болгарскаго./ Сего ради тя почитаем,/ Паисие блаженне,/ и любовию совершаем честную память твою.

Прп. Паисия Хилендарского. Кондак, глас 8.

Во брань вступил еси не оружием,/ но книжицею малою, блаженне,/ никакоже устрашйвся силы врагов,/ но, зажег светильник посреде смертныя тьмы,/ победил еси в конец за люди твоя./ Сего ради вопием ти:/ радуйся, Пайсие отче,/ деннице светлая болгарскаго новаго дне.

Pages: 1 2 3