В этот день:
Русская Православная Церковь отмечает память святых:

Апостола Стахия
Апостола Амплия
Апостола Урвана
Апостола Аристовула
Мученика Епимаха Александрийского (ок. 250).
Свщенномученика Александра Воздвиженского (1937)
Священномученика Всеволода Смрнова (1937)
Священномученика Иоанна Кочурова Чикагского и Петроградского (1917).
Прпп. Спиридона и Никодима, просфорников Печерских, в Ближних пещерах (XII).
100.000 Мучеников, убиенных хорезмийцами в Тбилиси (1227) (Груз.)
Апостолов Наркисса и  Апеллия
Прп. Мавры Константинопольской (V).
Храни вас Господь, Матерь Божия и все святые, их же память мы сегодня отмечаем!

Молитвы:

Мч. Епимаха Александрийского. Тропарь, глас 4.

Мученик Твой, Господи, Епимах,/ во страдании своем венец прият нетленный от Тебе, Бога нашего:/ имеяй бо крепость Твою,/ мучителей низложи,/ сокруши и демонов немощныя дерзости./ Того молитвами/ спаси души наша.

Кондак мученику Епимаху, глас 4.

Многообразный раны претерпел еси/ и венец прием от Христа Бога,/ Емуже о нас молися, блаженне Епимаше,/ верно совершающих память твою, да спасет души наша.

Кондак апостолов, глас 8.

Яко священная сокровища Всесвятаго Духа/ и Солнца Славы сияния, по долгу воспоим мудрыя апостолы,/ Апеллия, Урвана же и Аристовула,/ Амплия, Наркисса и Стахия,/ яже благодать собра Бога нашего.

Прпп. Спиридона и Никодима, просфорников Печерских, в Ближних пещерах. Тропарь, глас 4.

Хлебы приносныя руками своими творя, / псалмопение непрестанное усты своими / яко жертву хвалы приношаше Господеви, / со честным Никодимом, блаженне Спиридоне, / с нимже молися Христу Богу о душах наших

Прпп. Спиридона и Никодима, просфорников Печерских, в Ближних пещерах. Кондак, глас 3.

Да явиши разжженную твою ко Господу любовь,/ чудне Спиридоне,/ разжегшуюся зело пещь/ мантиею своею заграждавши/ и да покажеши источник вод дарований духа в тебе живущ,/ одеждею своею, нося воду,/ угашаеши пламень огненный,/ тем, яко имея дерзновение ко Господу,/ со блаженным Никодимом/ молися присно о нас, поющих тя.

Pages: 1 2 3

В этот день:
Русская Православная Церковь отмечает память святых:
Апостола Марка от 70-ти
Апостола Клеопы от 70-ти (Греч.).
Сщмч. Зиновия, еп. Егейского, и сестры его Зиновии (285).
Преподобномученицу Анастасиию Римляныну (III)
Свв. Стефана Милютина, короля Сербского (1320), брата его Драгутина (1316) и матери их Елены (1306) (Серб.).
Обретение мощей вмч. Стефана-Уроша III Дечанского, царя Сербского (1331).
Мученицы Евтропии Александрийской (ок. 250).
Исповедника Варнавы (Настика) Боснийского (1964).
Апостолов от 70-ти Тертия, Иуста и Артемы (I).
Священномучененика Маркиана, еп. Сиракузского (II).
Священномученика Леонида пресвитера (1941).
Мч. Иотама Зедгенидзе Параванского (1465) (Груз.)
Преподобной Евтропии Херсонской
Озерянская икона Божией Матери

Храни вас Господь, Матерь Божия и все святые, их же память мы сегодня отмечаем!

Молитвы:
Сщмч. Зиновия. Тропарь, глас 4.
Мученицы Твои, Господи,/ во страданиих своих венцы прияша нетленныя от Тебе, Бога нашего,/ имуще бо крепость Твою,/ мучителей низложиша,/ сокрушиша и демонов немощныя дерзости,/ тех молитвами/ спаси души наша.

Сщмч. Зиновия.Кондак, глас 8.
Истины свидетели и благочестия проповедники,/ двоицу достойно почтим в Богодухновенных песнех,/ Зиновия вкупе с мудрою Зиновиею,/ купно жившия и отшедшия/ и мучением приимшия венец нетленный.

Озерянской иконы Богородицы. Тропарь, глас 3.
Твоего предстательства уверение / и милосердия Твоего явление / икона Озерянская нам, Владычице, показася; / пред неюже души наша в молитве изливаем / и верою Тебе вопием: / воззри, Милосердая, на люди Твоя, / вся скорби наша и печали утоли, / утешение благое в сердца наша низпосли / и спасение вечное душам нашим, Пречистая, испроси.

Озерянской иконы Богородицы.Кондак, глас 5.
Не отрини, о Милосердая Мати,/ слез и воздыханий наших,/ но прошения наша милостивно приимши,/ пред иконою Твоею молящихся людей веру укрепи,/ умилением сердца их исполни и крест земнаго жития носити им помози;/ елика бо хощеши, можеши.

Свв. Стефана Милютина. Тропарь, глас 3.
Ты на земли вседушно Христа возлюбив/ и Того заповеди соблюдая,/ яко река, благоутробием изсохших нищетою богатно напоил еси/ и люди своя снабдел еси,/ и рака мощей твоих благоухания цельбы всем подает,/ сего ради, святе, молим тя,/ изпроси душам нашим велию милость.

Свв. Стефана Милютина. Кондак, глас 4.
Явился еси от корене благаго/ отрасль преславная отечеству своему и прародителем своим,/ новообразен подобник бывавши/ и людем своим являешися утварь прекрасная.

Pages: 1 2 3

В этот день:
Русская Православная Церковь отмечает память святых:

Преподобномученицу Анастасиию Римляныну (III).
Преподобного Аврамия затворника и блж. Марии, племянницы его (ок. 360).
Преподобного Аврамия, архим. Ростовского (1073—1077).
Преподобного Аврамия, затворника Печерского
Преподобной Ермилиндисы, пустынницы (Нидерл.).
Мучеников Клавдия, Астерия, Неона и Феониллы (285).
Сщмч. Николая пресвитера и с ним. мчч. Космы, Виктора, Наума, Филиппа, Иоанна, Павла, Андрея, Павла, Василия, Алексия, Иоанна и мц. Агафии (1918).
Мц. Анастасии (после 1937).
Преподобного Тимофея Есфигменского (Греч.).
Прп. Анны Константинопольской (826).
Св. Серапиона Зарзмского (900) (Груз.).
Храни вас Господь, Матерь Божия и все святые, их же память мы сегодня отмечаем!

Молитва:
Прмц. Анастасии Римляныни. Тропарь, глас 4.
Агница Твоя, Иисусе, Анастасия,/ зовёт велиим гласом:/ Тебе, Женише мой, люблю/ и, Тебе ищущи, страдальчествую, / и сраспинаюся, и спогребаюся Крещению Твоему,/ и стражду Тебе ради, яко да царствую в Тебе, / и умираю за Тя, да и живу с Тобою;/ но, яко жертву непорочную, приими мя с любовию, пожершуюся Тебе./ Тоя молитвами/ яко Милостив спаси души наша.

Кондак преподобномученицы Анастасии Римляныни глас 3
Девства водами очищенна, преподобная,/ мученичества кровьми, Анастасие, венчавшися,/ подаеши сущим в нуждах недугов исцеление и спасение,/ приступающим от сердца,/ крепость бо тебе подает Христос,// источая благодать приснотекущую.

Прп. Аврамия. Тропарь, глас 8.
В тебе, отче, известно спасеся еже по образу:/ приим бо крест, последовал еси Христу/ и, дея, учил еси презирати убо плоть, преходит бо,/ прилежати же о души, вещи безсмертней./ Темже и со Ангелы срадуется, преподобие Авраамие, дух твой.

Кондак Авраамия, глас 3.
Во плоти, яко Ангел, на земли явился еси,/ и лощением был еси, яко древо насажденное, / водою воздержания добре возрастився/, и теченьми твоих слез скверну омыв:/ сего ради явился еси приятелище Божественное, Авра-амие, Духа.

Прп. Аврамия, архим. Ростовского. Тропарь, глас 1.
Просветився Божественною благодатию, / неверныя люди наставил еси к свету Богоразумия: / и по смерти сияя светлостию жития твоего, / источаеши исцеления притекающим с верою к тебе, / Авраамие отче наш, / Христа Бога моли даровати нам велию милость.

Прп. Аврамия, архим. Ростовского. Кондак, глас 2.
Иго Христово прием, Авраамие, / и Того крест на рамо взем,/ последовал еси Ему,/ насажден быв в дому Господни / и процвел еси, яко финике и яко кедр, иже в Ливане,/ умножил еси чада твоя, муж желаний духовных:/ от возлюбленнаго же апостола Иоанна Богослова благодать восприим,/ жезлом сокрушил еси идола/ и рассыпал еси его, яко прах,/ и чудотворец убо велий явился еси, преподобие./ Темже Христа Бога моли/ непрестанно о всех нас.

Прп. Аврамия, затворника Печерского. Тропарь, глас 2.
Велия веры исправления, / в пещернем затворе, яко на воде упокоения, / преподобне отче Авраамие, радовался еси, / огнем бо любве Божественным распалаемь, / бдением и молитвою безстрастия достигл еси / и явился еси равноангельный на земли, / того молитвами, Христе Боже, спаси души наша.

Прп. Аврамия Затворника, Печерского. Кондак, глас 3.
Во плоти яко Ангел на земли явился еси,/ и пощением, яко древо насажденное при водах воздержания, добре возрос еси,/ теченьми же твоих слез скверну омыв, Авраамие,/ явился еси селение Божественное Святаго Духа.

Pages: 1 2 3

В этот день:
Русская Православная Церковь отмечает память святых:

Мученицы Параскевы, нареченной Пятница (III).
Святителя Арсения I, архиеп. Сербского (1266).
Преподобного Иова, игумена Почаевского (1651).
Святителя Димитрия, митр. Ростовского (1709).
Преподобного Нестора некнижного, Печерского, в Дальних пещерах (XIV).
Священномученика Кириака, патриарха Иерусалимского (363).
Преподобного Иоанна Хозевита, еп. Кесарийского (VI).
Мучеников Терентия и Неониллы и чад их: Сарвила, Фота, Феодула, Иеракса, Нита, Вила и Евникии (249-250).
Прп. Стефана Савваита, творца канонов
Сщмч. Неофита, еп. Урбнисского (VI) (Груз.).
Св. Феофила Киевского, Христа ради юродивого (1853).
Священномученика Иоанна пресвитера (1918).
Храни вас Господь, Матерь Божия и все святые, их же память мы сегодня отмечаем!

Молитвы:

Тропарь святителя Димитрия глас 8
Православия ревнителю и раскола искоренителю,/ Российский целебниче и новый к Богу молитвенниче,/ списаньми твоими буих уцеломудрил еси,/ цевнице духовная, Димитрие блаженне,// моли Христа Бога спастися душам нашим.

Тропарь святителям Ростовским глас 4
Святителие премудрии,/ паствы вашея учителие богопросвещеннии,/ веру евангельскую в людех преумножившия,/ любве Небесныя на земли достоподражательнии образи,/ люди страны Ростовския и Ярославския приобщавшии спасению,/ служителие воистинну Божий/ и сопричастницы апостолов достойнии явилися есте,/ Леонтие священномучениче, Исаие, Игнатие, Иакове, Феодоре/ и златословесниче Российский Димитрие,/ Христа Бога молите/ о архиереех, на престоле вашем преемницех,/ о людех, благочестно вас почитающих,/ о стране нашей православной/ и о всей Христовой Церкви.

Кондак святителя Димитрия глас 4
Звезду Российскую, от Киева возсиявшую,/ и чрез Новград Северский в Ростов достигшую,/ всю же страну сию ученьми и чудесы озарившую,/ ублажим златословеснаго учителя Димитрия:/ той бо всем вся написа, яже к наставлению,/ да всех приобрящет, якоже Павел, Христу// и спасет правоверием души наша.

Тропарь преподобного Иова игумена Почаевского глас 4
Многострадальнаго праотца долготерпение стяжав,/ Крестителеву воздержанию уподобляяся,/ Божественныя же ревности обою приобщаяся,/ тех имена достойно прияти сподобился еси/ и истинныя веры был еси проповедник безбоязнен;/ темже монахов множества ко Христу привел еси,/ и вся люди в Православии утвердил еси,/ Иове преподобне отче наш,/ моли спастися душам нашим.

Кондак преподобного Иова игумена Почаевского глас 4
Явился еси Истинныя веры столп,/ Евангельских же заповедей ревнитель,/ гордыни обличение, смиренным же предстатель и научение:/ темже и ублажающим тя грехов отпущение испроси/ и обитель твою невредиму сохрани,/ Иове отче наш,/ Многострадальному подобный.

Тропарь святителя Арсения, архиепископа Сербского глас 8
Милости наставниче и благоутробия сокровище,/ еже всем отверзл еси,/ правоверия учителю и архиереев Божественное удобрение,/ отче наш, иерарше Арсение,/ нищих был еси заступник:/ тем моли Христа Бога,/ просветити души наша, да не когда уснем в смерть.

Кондак святителя Арсения, архиепископа Сербского глас 2
В пищи словес твоих, Богоносе Арсение,/ разумно чада твоя питая,/ языком хваля, устнами же пение принося, вещанием зовый:/ Христе, Ты еси Свет неизреченный.

Тропарь великомученицы Параскевы Пятницы глас 4
Премудрая и всехвальная Христова мученица Параскева,/ мужескую крепость приимши,/ женскую же немощь отвергши,/ диавола победи и мучителя посрами,/ вопиющи и глаголющи:/ приидите, тело мое мечем ссецыте и огнем сожгите,/ аз бо, радующися, иду ко Христу, Жениху моему./ Тоя молитвами, Христе Боже,/ спаси души наша.

Ин тропарь святой великомученицы Параскевы
глас 8
Иже веруя и мужеством душевным, тезоименитне,/ диавола посрамила еси/ и мучительское прещение и раны доблественне победила еси,/ мученице Параскево, вопия:/ мечем сосецайте и огнем сожизайте тело мое,/ яко да, радуюся, прииду Жениху моему Христу Богу./ Егоже моли спастися душам нашим.

Кондак великомученицы Параскевы Пятницы глас 3
Всесвятое и непорочное мучение принесши,/ яко вено пречестное, безсмертному Жениху Христу,/ Ангельское ликостояние возвеселила еси/ и победила еси демонския козни./ Сего ради тя честно верою чтим,/ мученице Параскево многострадальная.

Тропарь мучеников Терентия и Неонилы и чад их глас 4
Мученицы Твои, Господи,/ во страданиих своих венцы прияша нетленныя от Тебе, Бога нашего:/ имуще бо крепость Твою,/ мучителей низложиша,/ сокрушиша и демонов немощныя дерзости,/ тех молитвами// спаси души наша.

Кондак мучеников Терентия и Неонилы и чад их глас 4
Мученическая честная память прииде днесь,/ веселящи всяческая,/ Терентия премудраго и подружии его,/ тепле убо стецемся,/ да приимем исцеление,/ сии бо благодать приемше от Духа Святаго// исцеляти недуги и болезни душ наших.

Pages: 1 2 3

В этот день:
Русская Православная Церковь отмечает память святых:

Мученика Нестора Солунского (ок. 306).
Прп. Нестора Летописца, Печерского, в Ближних пещерах (ок. 1114).
Обретение мощей блгв. кн. Андрея Смоленского в Переславле-Залесском (1539).
Мученика Марка и иже с ним.
Преподобного Димитрия Басарбовского в Болгарии (XII-XIII).
Мучениц Капитолины и Еротииды (304).
Праведной Проклы, жены Пилата.
Храни вас Господь, Матерь Божия и все святые, их же память мы сегодня отмечаем!

Молитвы:

Тропарь мученика Нестора глас 4
Мученик Твой, Господи, Нестор/ во страдании своем венец прият нетленный от Тебе, Бога нашего,/ имеяй бо крепость Твою,/ мучителей низложи,/ сокруши и демонов немощныя дерзости:/ того молитвами// спаси души наша.

Кондак мученика Нестора глас 2
Страдальчествовав добре,/ безсмертную славу наследовал еси ныне,/ яко воин изрядный Владыки был еси,/ молитвами Димитрия мученика:/ с ним убо, Несторе мудре,// моля не престай о всех нас.

Ин кондак мученика Нестора Солунского глас 4
Благочестия непобедимаго воина/ и истине согласника и оружника/ вси по достоянию восхвалим Нестора великаго днесь/ и к нему возопием:/ моли Христа Бога о всех нас.

Тропарь благоверного князя Андрея Смоленского глас 8
Блаженство Евангельское возлюбив,/ Богомудре княже Андрее,/ чистоту сердца девством почтил еси/ и, суету мира сего презрев,/ устремился еси зрети Бога,/ Иже тя прослави чудесы/ во врачевании различие страждущих./ Сего ради молим тя:/ проси нам у Христа Господа/ всяких скорбей избавления/ и получение Царства Небеснаго.

Ин тропарь благоверного князя Андрея Смоленского глас 2
Град твой Смоленск яко чужд имея,/ водворился еси во граде Переяславле,/ и в дому святителя Николая/ жестоким житием временную жизнь совершив,/ востекл еси в Горняя предстояти Христу,/ Егоже моли о творящих память твою,/ да вси вопием ти:/ радуйся, святе княже Андрее,/ Ангелом собеседниче и человеком помощниче.

Ин тропарь благоверного князя Андрея Смоленского глас 4
Возвысився на добродетель/ и, очистив ум свой, к желанию прекрасному достигл еси,/ безстрастием украсився своим лощением изрядно,/ в молитвах безплотно вознесеся/ и возсия в мире, яко солнце, во граде Переяславле,/ отче преблаженне, святе княже Андрее Смоленский,/ моли спастися душам нашим.

Кондак благоверного князя Андрея Смоленского глас 8
Насажден во дворех Господних,/ своими преподобными детельми/ в дому святаго Чудотворца Николая/ красно процвел еси,/ мира красоту и славу сего света ни во что вменив,/ Единаго Христа возлюбил еси;/ слез твоих течением напаяем,/ уязвился еси желанием будущих даров./ Темже зовем ти:/ радуйся, святе княже Андрее Смоленский,/ граду Переяславлю похвало/ и всей Российстей земли великое утверждение.
Тропарь преподобного Нестора Летописца, Печерского, в Ближних пещерах глас 4
Великих князей русских деяния/ и преподобных отец Печерских жития и чудеса написавый,/ свое же, Богомудре Несторе, многих ти ради добродетелей имя/ написано на небеси стяжавый, моли и нам написатися в Книги Животныя.

Ин тропарь преподобного Нестора Летописца, Печерского, в Ближних пещерах глас 4
Времена и лета достопамятных деяний,/ подвиги и труды Богоносных отец,/ Несторе премудре, написуя,/ любовию возгорелся еси последовати стопам первоначальных,/ с нимиже не престай молитися Христу Богу,/ спастися душам нашим.

Кондак преподобного Нестора Летописца, Печерского, в Ближних пещерах глас 2
Яко сый Богоноснаго Феодосия ученик/ и истинный жития того подражатель,/ первый честных его мощей самовидец быти сподобился еси,/ яже с прочиими святолепно пренес,/ наследил еси с темиже Царство Небесное,/ еже получити и нам, чтущим тя, Господеви молися.

Pages: 1 2 3

В этот день:
Русская Православная Церковь отмечает память святых:

Великомученика Димитрия Солунского (ок. 306).
Преподобного Феофила Печерского, архиеп. Новгородского, в Дальних пещерах (1482).
Мученика Луппа (ок. 306).
Прп. Димитрия Басарбовского, Болгарского (1685).
Преподобного Димитрия (ХIV).
Святитель Антоний, епископ Вологодский
Святителя Эты, еп. Хексхэмского и игумена Ландисфарнского (686) (Кельт. и Брит.).
Прп. Афанасия Мидикийского (ок. 814).
Св. Александра Окропиридзе еп. Гурииско-Мингрельского (1907) (Груз.).
Храни вас Господь, Матерь Божия и все святые, их же память мы сегодня отмечаем!

Молитвы:

Вмч. Димитрия Солунского. Тропарь, глас 3.
Велика обрете в бедах/ тя поборника вселенная, страстотерпче,/ языки побеждающа./ Якоже убо Лиеву низложил еси гордыню,/ и на подвиг дерзновенна сотворив Нестора,/ тако, святе Димитрие,/ Христу Богу молися/ даровати нам велию милость.

Кондак великомученика Димитрия Солунского, глас 2.
Кровей твоих струями, Димитрие,/ Церковь Бог обагри,/ давый тебе крепость непобедимую/ и соблюдая град твой невредим;/ того бо еси утверждение.

Прп. Феофила Печерского, архиеп. Новгородского, в Дальних пещерах. Тропарь, глас 4.
Правило веры, и образ кротости, / и воздержания известный учитель Христову стаду воистину был еси, / уча е выну смирению, / . не мудрствовати еже высокая, / сего ради стяжал, яже желаше, / отче святителю Феофиле, / моли Христа Бога спастися душам нашим.

Прп. Феофила Печерского, архиеп. Новгородского, в Дальних пещерах Кондак, глас 4.
Яко воистинну по имени своему ты,/ Боголюбезне святителю Феофиле и преподобие, соблюдши,/ явися тебе Христос Спас,/ обещая ти Живот и Царствие Свое,/ в немже, днесь ликуя, не забуди нас, рабов твоих.

Свт. Антония, еп. Вологодского. Тропарь, глас 4.
Иже от юности, Богомудре, возследуя Христу, / во бдениих и в пощениих пребывая, / и паству, от Бога дарованную ти, добре пасый, / и учений Божественных исполняя, и в жизненный путь наставляя: / отнюду же и архиерейства саном почтеся, / Церковь и люди возвеселил еси; / и по преставлении своем чудес лучи испущаеши, / недугом с верою приходящим к тебе исцеление подая, / и слепу младенцу свет дарова, / угодниче Христов, святителю Антоние, / предстоя Престолу Христову с лики Ангельскими, / с нимиже моли Его о нас, притекающих к тебе / получити от него оставление грехов и велию милость.

Свт. Антония, еп. Вологодского. Кондак, глас 8.
Возвеселися Христова Честная Церковь,/ приимши тя в недра своя пастыря и учителя;/ мы же, вернии людие, прославляем Подавшаго ти благость неоскудну,/ яже твориши преславная чудеса./ Тем, святителю, не престай моля Христа, Емуже угодил еси,/ о нас хвалящих и чтущих тя, к тебе притекающих,/ подати милость зде и в день Судный, да зовем ти:/ радуйся, святителю Антоние, граду нашему похвала и утверждение.

Pages: 1 2 3

В этот день:
Русская Православная Церковь отмечает память святых:
Преподобной Матроны (Власовой) инокини, исп. (1963).
Преподобного Мартирия диакона, Печерского в Дальних пещерах
Преподобного Мартирия затворника, Печерского в Дальних пещерах (XIII—XIV).
Мученика Анастасия (III).
Мучеников Маркиана и Мартирия, нотариев Константинопольских (ок. 355).
Мучеников Криспина и Криспиана Суассонских (286).
Праведной Тавифы (I).
Мученика Миниата Флорентийского (251).
Храни вас Господь, Матерь Божия и все святые, их же память мы сегодня отмечаем!

Молитвы:

Тропарь мучеников Маркиана и Мартирия глас 1

Мученик двоица единонравная,/ Маркиан с Мартирием славным,/ Ариево нечестие разрушиша/ и Соприсносущна Сына Отцу и Духови веровати научиша,/ Павлу повинующеся, истинных повелений учителю,/ темже мечем убиени, умроша,/ и присно со Христом живуще,// о нас Того молят спасти души наша.

Кондак мучеников Маркиана и Мартирия глас 4

Подвигшеся добре от младенства,/ Маркиане с мудрым Мартирием,/ отступника Ария низложисте,/ невредно сохраньше Православную веру,/ Павлу последующе, мудрому учителю,/ темже с ним обретосте живот,// яко Троицы поборницы изряднейшии.

Тропарь преподобного Мартирия, диакона Печерского, в Дальних пещерах глас 1

Служивый в чину диаконства Господеви добре,/ честный иеродиаконе Мартирие,/ и тамо яко слуга Господень обретыйся,/ идеже и Господь твой,/ молися Ему и о нас,/ да подаст нам велию милость.

Кондак преподобного Мартирия, диакона Печерского, в Дальних пещерах глас 2

Диаконе честный, иночествующим похвало/ и преподобным сопричастниче всеблаженне Мартирие,/ молися Господеви непрестанно о всех нас.

Тропарь праведной Тавифы глас 4

Днесь вера Христова утверждается камнем веры,/ и ликовствует в веселии Иоппия,/ псаломски славословят Жизнодавца Сына Божия вернии,/ видяще совершаемо велие чудо:/ первоверховный апостол глаголет,/ и умершая востает от гроба,/ юже Низложитель смерти дарует Церкви,/ да украшаются во образ ея добродетельми люди./ Приидите убо, христиане,/ принесем ко святей моления наша:/ блаженная Тавифо и милосердная,/ вознеси наша воздыхания Пресвятей Троице/ и молися со дерзновением,/ да сынове Света Превечнаго будем,/ да сподобимся Божия милости,/ да пребываем в любви Божественней,/ и да царствует мир во вселенней.

Кондак праведной Тавифы глас 4

Ужасахуся Иоппийстии людие, и дивляхуся Ангели Божии,/ егда исцеливый Еннея воззва от мертвых серну нарицаемую, милосердием преукрашенную,/ о нейже к нему взываху вдовицы неимущыя./ И ныне, Тавифо блаженная, услыши молитвы наша, к тебе приносимыя,/ и испроси у всяческих благ Подателя милости и щедроты верным Его,/ да, блажаще тя, вопием ти:/ радуйся, добродетели нас научающая.

Pages: 1 2 3

В этот день:
Русская Православная Церковь отмечает память святых:

Иконы Божией Матери «Всех скорбящих Радость» (1688).
Сщмчч. Лаврентия, еп. Балахнинского, Алексия пресвитера и мч. Алексия (1918).
Блженного Елезвоя, царя Ефиопского (ок. 553-555).
Блаженнного старца Георгия (Карслидиса)
Свт. Афанасия, патриарха Цареградского (после 1311).
Преподобного Арефа Затворника, в Ближних Пещерах
Преподобного Зосимы (Верховского) старца Сибирского (1833).
Мученика Арефа и с ним 4299 мучеников
Преподобного Арефы Валаамского
Преподобных Сисоя (XIII) и Феофила (XII-XIII), затворников Печерских, в Ближних пещерах.
Мученик Алексей Нейдгардт
Храни вас Господь, Матерь Божия и все святые, их же память мы сегодня отмечаем!

Молитвы:

Иконы Богородицы «Всех скорбящих радосте». Тропарь, глас 4.
К Богородице прилежно ныне притецем,/ грешнии и смиреннии, и припадем,/ в покаянии зовуще из глубины души:/ Владычице, помози, на ны милосердовавши,/ потщися, погибаем от множества прегрешений,/ не отврати Твоя рабы тщи,/ Тя бо и едину надежду имамы.

Божией Матери пред иконой Ее 'Всех скорбящих Радость. ин тропарь, глас 4.
Не умолчим никогда, Богородице,/ силы Твоея глаголати недостойнии:/ аще бо Ты не бы предстояла молящи,/ кто бы нас избавил от толиких бед;/ кто же бы сохранил доныне свободны;/ не отступим, Владычице, от Тебе:/ Твоя бо рабы спасаеши присно от всяких лютых.

Божией Матери пред иконой Ее Всех скорбящих Радость. Тропарь, глас 8.
Ко источнику приснотекущему милосердия,/ Пречистей Деве Богородице,/ притецем, людие вси, священницы же и иноцы,/ мужие, и жены, и чада, здравии и болящие,/ в покаянии вопиюще и умильно глаголюще:/ Владычице, помози грешным рабом Твоим,/ яви яко Благая славу Твою,/ присно потщися умилосердитися на ны,/ испросити очищение душ и телес наших/ от Источника жизни нашел, Бога,/ Егоже родила еси, едина Благословенная.

Божией Матери пред иконой Ее 'Всех скорбящих Радость'. Ин тропарь, глас 4.
Днесь пресветло красуется славнейший град Москва,/ имея чудотворную икону Владычицы нашея Богородицы:/ та бо, верным являющи чудеса,/ низпосылает дары целебныя./ Сего ради и мы с верою припадающе молимся,/ и на Тоя пречистый образ взирающе,/ яко истинную Самую зрим Владычицу нашу Присно деву Богородицу,/ и умильно глаголем:/ воззри, Мати Божия, оком милости,/ простри к нам руце Твои пречистыя,/ якоже на иконе Твоей сие зрится,/ и подаждь всем скорбящим радость,/ больным от всех недугов исцеление и от бед избавление,/ яко Ты еси скорая Предстательница о душах наших.

Божией Матери пред иконой Ее 'Всех скорбящих Радость'. Тропарь, глас 2.
Всех скорбящих Радосте, / и обидимых Заступнице, / и алчущих Питательнице, / странных Утешение, / обуреваемых Пристанище, / больных посещение, / немощных покров и заступнице, / Жезл старости, / Мати Бога Вышняго Ты еси, Пречистая: / потщися, молимся, спастися рабом Твоим.

Божией Матери пред иконой Ее 'Всех скорбящих Радость'. Кондак, глас 4.
Не имамы иныя помощи,/ не имамы иныя надежды,/ разве Тебе, Владычице./ Ты нам помози:/ на Тебе надеемся и Тобою хвалимся,/ Твои бо есмы раби,/ да не постыдимся.

Мч. Арефы и с ним 4299 мучеников. Тропарь, глас 1.
Мужествовавше во Христе противу безбожнаго царя,/ мученицы святии,/ и того неверие иудейское во Христа обличивше,/ прияша мук томление и главам усечение;/ тем восхвалиша тя Ангели,/ и верных роди тя прославляют, Арефо,/ и пострадавших с тобою,/ яко молящихся присно о душах наших.

Мч. Арефы и с ним 4299 мучеников. Кондак, глас 4.
Веселия ходатай нам наста/ светоносный днесь страстотерпец праздник,/ егоже совершающе, славим в Вышних сущаго Господа.

Свт. Афанасия, патриарха Цареградского. Тропарь, глас 1.
Чистоты жития светом страстное терние попалил еси / и течением слез безплодную землю напоил еси, / многоплодну ниву душевную соделав, / Афанасие преблаженне, / светило Царюграду, Патриархом удобрение, / моли Христа Бога спастися душам нашим.

Мч. Арефы и с ним 4299 мучеников. Кондак, глас 2.
В светлую священия одежду одеявся,/ мысленно в Небесныя радостно достигл еси Царства/. Тем восприяша тя селения праведных,/ идеже есть неизглаголанно веселие,/ и слова, и всех святых лицы,/ святителю Афанасие,/ моли непрестанно о всех нас.

Арефы, затворника Печерского, в Ближних пещерах. Тропарь, глас 2.
Богатство твое душевное погубити хотя враг, / помрачил тя бяше богатством тленным исперва, / но всех спасаяй Господь / богатство гибнущее окрасти попусти, / душевное же невредно соблюд, / Небесных сокровищ наследника тя показа, Арефо, / тем тя чтим и ублажаем.

Арефы, затворника Печерского, в Ближних пещерах. Кондак, глас 2.
Иова терпеливодушнаго ревнуя благодарению,/окра дений тленнаго своего имения претерпел еси благодарив, преподобие Арефо,/ тем с ним обрет нетленное имение на Небеси,/ моли Христа Бога о всех нас.

Блж. Елезвоя. Тропарь, глас 4.
Иже Божественным рачением подвигся/ на отмщение пролитыя крови праведных,/ яко Давид от Самуила,/ ты же от Зинона предивнаго,/ пророчески яже сбытися тебе предрекша,/ еже обещанием к нему,/ и того благословением победы на враги и одоления показавшу,/ отнюду же со отложением царства/ постных селений горы жизнь соверши, Елезвое царю,/ моли Небеснаго Царя Христа/ спасти души наша.

Блж. Елезвоя. Кондак, глас 4.
Высоту земнаго царства, и венца венец светлости,/ и багряницу отложшаго любве ради Царя Христа,/ от Негоже на Небесех славно венчана, Елезвоя царя мудраго,/ иже тленным царством и мимоходящим, Царство Вечное изменшаго,/ в пениих песненных восхвалим,/ молитвенника о мире велика.

Pages: 1 2 3

В этот день:
Русская Православная Церковь отмечает память святых:

Апостола Иакова, брата Господня по плоти (ок. 63).
Блж. Иакова Боровичского, Новгородского чудотворца (перенесение мощей ) (ок. 1540).
Свт. Игнатия, патриарха Константинопольского (877-878).
Преподобного Елисея Лавришевского (ок. 1250).
Священномученика Николая Архангельского (1937)
Священномученик Владимир Амбарцумов
Храни вас Господь, Матерь Божия и все святые, их же память мы сегодня отмечаем!

Молитвы:

Апостола Иакова, брата Господня по плоти. Тропарь, глас 2.
Яко Господень ученик восприял еси, праведне, Евангелие, / яко мученик имаши еже неописанное, / дерзновение яко брат Божий, / еже молитися яко иерарх: / моли Христа Бога спастися душам нашим.

Апостола Иакова, брата Господня по плоти. Кондак, глас 4.
Отчее Единородное Бог Слово,/ пришедшее к нам в последний дни,/ Иакове Божественне,/ перваго тя показа Иерусалимлян пастыря и учителя,/ и вернаго строителя таинств духовных:/ темнее тя вси чтим, апостоле.

Блж. Иакова Боровичского. Тропарь, глас 1.
Божественною благодатию просветився,/ и по смерти даруеши исцеление/ притекающим к тебе, премудре Иакове:/ темже и мы ныне чтим честных мощей твоих пренесение,/ веселяще вкупе души и телеса./ Тем вси вопием:/ Слава Давшему ти крепость!/ Слава Венчавшему тя!/ Слава Действующему тобою всем исцеления!

Блж. Иакова Боровичского. Кондак, глас 8.
Верою и любовию/ твое честное пренесение празднующих, блаженне,/ сохрани и соблюди от всякия злобы и соблазна змиина,/ имаши бо дерзновение ко Владыце всех, Христу Богу./ Егоже моли спасти православный люди,/ молящия тя, да вси вопием ти:/ радуйся, отче Иакове,/ всея Российския земли удобрение.

Прп. Елисея Лавришевского и свт. Лаврентия, затворника Печерского, еп. Туровского в Ближних пещерах. Тропарь, глас 3.
Преподобне отче наш Елиссее, / с Лаврентием чудным подвизался еси, учителю своему подражая, / земную славу и честь стопам Христа повергли есте, / темже Господь увенча вас / нетленным венцем славы Своея.

Pages: 1 2 3

Неделя 22-я по Пятидесятнице, о Лазаре и богаче

В этот день:
Русская Православная Церковь отмечает память святых:

Празднование Казанской иконе Божией Матери
Равноапостольного Аверкия, еп. Иерапольского, чудотворца (ок. 167).
Семи отроков, иже во Ефесе: Максимилиана, Иамвлиха, Мартиниана, Дионисия, Антонина, Константина (Ексакустодиана) и Иоанна ( ок. 250, 408-450).
Преподобного Лота Египетского.
Священномученика Серафима, архиеп. Угличского (1937)
Мучеников Александра еп., Ираклия воина и жен: Анны, Елисаветы, Феодотии и Гликерии (II-III).
Преподобномученика Мины, архиеп. Рязанского (1937).
Священномученика Александра Андреева, прот. (1937)
Андрониковской иконы Божией Матери
Якобштадтской иконы Божией Матери.

Храни вас Господь, Матерь Божия и все святые, их же память мы сегодня отмечаем!

Молитвы:
Тропарь Божией Матери пред иконой Ее Казанской глас 4
Заступнице усердная,/ Мати Господа Вышняго,/ за всех молиши Сына Твоего, Христа Бога нашего,/ и всем твориши спастися,/ в державный Твой покров прибегающим./ Всех нас заступи, о Госпоже Царице и Владычице,/ иже в напастех, и скорбех, и в болезнех, обремененных грехи многими,/ предстоящих и молящихся Тебе/ умиленною душею и сокрушенным сердцем,/ пред пречистым Твоим образом со слезами,/ и невозвратно надежду имущих на Тя/ избавления всех зол./ Всем полезная даруй/ и вся спаси, Богородице Дево:// Ты бо еси Божественный покров рабом Твоим.

Кондак Божией Матери пред иконой Ее Казанской глас 8
Притецем, людие, к тихому сему и доброму пристанищу,/ скорой Помощнице, готовому и теплому спасению, покрову Девы,/ ускорим на молитву и потщимся на покаяние,/ источает бо нам неоскудныя милости Пречистая Богородица,/ предваряет на помощь и избавляет от великих бед и зол// благонравныя и богобоящияся рабы Своя.

Тропарь равноапостольного Аверкия, епископа Иерапольского, чудотворца глас 4
Истины проповедник и чудотворец дивен показался еси,/ сирот отец и нищих заступник,/ бодрый пастырь словеснаго стада, бесом страшен,/ всех убо от тех нападений заступай, вопиющих ти:/ Аверкие отче наш,/ моли Христа Бога,/ да спасет души наша.

Кондак равноапостольного Аверкия, епископа Иерапольско глас 8
Яко священника превелиикаго и апостолов совсельника,/ Церковь почитает тя, вся верных, Аверкие:/ юже твоими молитвами соблюдай, блаженне,/ непобедиму и необуреваему от всякия ереси, и нескверну,/ яко приснопамятный.

Тропарь семи отроков Ефесских глас 4
Велия веры чудесе,/ в пещере, яко в чертозе царском,/ святии седмь отроцы пребыша,/ и умроша без тли,/ и по мнозех временех восташа, яко от сна,/ во уверение воскресения всех человеков.// Тех молитвами, Христе Боже, помилуй нас.

Кондак семи отроков Ефесских глас 4
Мира сущая тленная презревше/ и нетленныя дары приемше,/ умерше, кроме тления пребыша./ Темже востают по многих летех,/ все погребше лютых неверие,/ яже во хвалении днесь, вернии, восхваляюще,// Христа воспоим.

Ин кондак семи отроков Ефесских глас 4
Прославивый на земли святыя Твоя/ прежде втораго и страшнаго пришествия Твоего, Христе,/ преславным востанием отроков/ показал еси Воскресение неведящим е,/ нетленна одеяния и телеса явив,/ и царя уверил еси вопити:/ воистинну есть мертвых востание.

Pages: 1 2 3