Рождественский пост.

В этот день:
Русская Православная Церковь отмечает память святых:

Великомученицы Анастасии Узорешительницы (ок. 304).
Священномученика Димитрия Киранова, протоиерея
Священномученика Феодора Поройкова, протоиерея

Храни вас Господь, Матерь Божия и все святые, их же память мы сегодня отмечаем!

Молитвы

Вмц. Анастасии. Тропарь, глас 4.

Победоноснаго Воскресения/ истинноименитая наречена еси, мученице Христова,/ победы на враги поставила еси мук терпением,/ Христа ради, Жениха твоего,/ Егоже возлюбила еси./ Того моли/ спасти души наша.

Вмц. Анастасии. Кондак, глас 2. Во искушениих и скорбех сущий,/ к твоему храму притекающе,/ приемлют честная дарования от живущия в тебе Божественныя благодати, Анастасие:/ ты бо присно миру точиши исцеления.

Pages: 1 2 3

Рождественский пост.

В этот день:
Русская Православная Церковь отмечает память святых:

Мученица Иулиания и с нею 500 мужей и 130-ти жен, в Никомидии пострадавших
Святитель Петр, митр. Московский и всея России
Благоверная княгиня Иулиания Вяземская
Преставление блж. Прокопия, Христа ради юродивого, Вятского (1627).
Святитель Филарет, митр. Киевский
Святой Антоний II (Багратиони), католикос-патриарх всея Грузии
Святой мученик Фемистоклей
Преп. Макария постника, настоятеля Хахульского монастыря (XI) (Груз.).
Сщмч. Леонтия диакона (1940).

Храни вас Господь, Матерь Божия и все святые, их же память мы сегодня отмечаем!

Молитвы:

Cвт. Петра, митр. Московского, всея России чудотворца. Тропарь, глас 4.
Яже прежде безплодная, земле, ныне веселися:/ се бо Христос светильника в тебе показа,/ яве сияюща в мире/ и исцелевающа недуги и болезни наша./ Сего ради ликуй и веселися со дерзновением:/ святитель бо есть Вышняго,/ сия соделоваяй.

Cвт. Петра, митр. Московского, всея России чудотворца. Ин тропарь, глас 8.
Ликуй светло, благославнейший граде Москва/, имеяй в себе архиерея Петра,/ яко зарю солнца, всю Россию чудодеянии озаряюща:/ той бо немощи врачует/ и недуги, яко тьму, прогонит от вопиющих ему:/ радуйся, иерарше Бога Вышняго,/ тобою сия пастве твоей соделовающаго.

Cвт. Петра, митр. Московского, всея России чудотворца. Ин тропарь, глас 4.
Благоверно пожив в мире,/ житием чистым просветився,/ учением святительства приим паству,/ апостолом наследниче./ Тем прием дар чудес от Бога, отче Петре,/ моли Христа Бога/ да спасет души наша.

Cвт. Петра, митр. Московского, всея России чудотворца, кондак, глас 4.
Явися днесь пресветлая память твоя, святителю преблаженне Петре,/ в мире светло сияющи/ и являющи всем Божественное сияние.

Cвт. Петра, митр. Московского, всея России чудотворца, кондак, глас 2.
Взбранному и дивному нашел земли чудотворцу,/ днесь любовию тебе притекаем, песнь, Богоносе, плетуще,/ яко, имея дерзновение ко Господу,/ многообразных избави нас обстояний, да зовем ти:/ радуйся, утверждение граду нашему.

Мч. Иулиании. Тропарь, глас 4.
Агница Твоя, Иисусе, Иулиания/ зовет велиим гласом:/ Тебе, Женише мой, люблю,/ и, Тебе ищущи, страдальчествую,/ и сраспинаюся, и спогребаюся крещению Твоему,/ и стражду Тебе ради,/ яко да царствую в Тебе,/ и умираю за Тя, да и живу с Тобою,/ но, яко жертву непорочную, приими мя, с любовию пожершуюся Тебе./ Тоя молитвами,/ яко милостив, спаси души наша.

Мч. Иулиании. Кондак, глас 3.
Девства добротами преочищена, девице,/ и мучения венцы, Иулиание, ныне венчавшися,/ даеши сущим в нуждах и недузех исцеление и спасение,/ приступающим к раце твоей:/ Божественную бо благодать Христос источает и жизнь вечную.

Блгв. кн. Иулиании Вяземской. Тропарь, глас 2.
Благочестно в законе поживши/ и благими делы украсившися,/ яко крепкий адамант, явися,/ целомудренная святая благоверная княгине Иулиание,/ тленную славу и добротство телесное презревши,/ злокозненнаго врага победила еси,/ целомудрия ради мученическую смерть прияла еси./ Сего ради от Христа Бога нетленным и вечным венцем венчавшися,/ ныне с лики мученик ликуеши/ и нам велия чудеса, приходящим ко гробу твоему,/ обильно источавши./ Темже ти вопием:/ молися Христу Богу о всех нас,/ верою и любовию страдания твоя почитающих.

Блгв. кн. Иулиании Вяземской. Кондак, глас 2.
Воспоем днесь Благодетеля всех Бога,/ прославльшаго в России Иулианию Богомудрую,/ да молитвами ей подаст душам нашим/ грехов оставление и велию милость.

Блж. Прокопия. Тропарь, глас 4.
Иже на земли Христа ради волею в буйство преложися,/ и мира сего красоты отнюд возненавиде,/ и плотская играния увядив постом и жаждою/ и на земли леганием,/ от зимы студению и мразом,/ и от зноя солнечнаго и дождя/ и прочил тяготы никогда же уклонися под кров,/ и на теле своем не имея одеяния,/ Божиею помощию покрываем,/ и душу очистил еси добродетельми своими, яко злато в горниле,/ Прокопие премудре,/ с верою творящим память твою честно/ и усердно притекающим к мощем твоим,/ прославляюще твое святое успение,/ Христу Богу молися, благоюроде,/ да избавит ны Господь от варварскаго нашествия и междоусобныя брани/ и мир мирови дарует/ и душам нашим велию милость.

Блж. Прокопия. Ин тропарь, глас 4.
Велию любовь ко Господу в себе имея,/ все претрудное житие твое/ во граде Хлынове, юродствуя, провел еси, блаженне Прокопие,/ зной и мраз, глад и жажду благодушно терпя,/ биение и поношение от людий безбожных/ радостно принимал еси, подвижниче добропобедный,/ любовию же и добром велиим за зло воздавая,/ мнозем предрекал еси их ожидающее/ и от недугов исцелял еси, беззлобие,/ тем же, наслаждался ныне в сонме святых,/ моли Господа помиловати град и люди, тя почитающия.

Блж. Прокопия. Ин тропарь, глас 8.
Ангельски живя на земли богоугодно,/ многия скорби и труды терпеливо неся,/ добродетельми и дарованиями от Бога украсився,/ предвещая грядущая и исцеляя болезни,/ безмолвно, непрестанно моляся,/ юродствуя, скрыв дарования своя,/ ныне наслаждался в селениих святых,/ святый блаженне Прокопие,/ моли Христа Бога спастися душам нашим.

Блж. Прокопия. Ин кондак, глас 8.
Многою любовию к Богу пламенея,/ любви и смирению людей безмолвно учил еси,/ деянием будущая являя,/ недуги и болезни целил еси./ На путь спасения нас настави,/ от язв греховных исцели,/ Прокопие блаженне,/ о всех нас Христа Бога моли.

Блж. Прокопия. Кондак, глас 2.
Возбранному и дивному в праведницех мужу,/ волею во юродство претворившуся,/ мира сего красоты возненавидел еси,/ плотская мудрования увядил еси постом и жаждею,/ студению мраза, снега, и зноя, и дождя,/ и от прочил воздушныя тяготы никогда же уклонися/ и очистил еси себе, яко злато в горниле, Прокопие блаженне,/ всей Вятской земли похвала и утверждение.

Pages: 1 2 3

Рождественский пост.

В этот день:
Русская Православная Церковь отмечает память святых:

Священномученик Игнатий Богоносец
Праведный Иоанн Кронштадский
Преподобный Игнатий, архим. Печерского, в Дальних пещерах
Святой Даниил, архиепископ Сербский
Святитель Филогоний, епископ Антиохийский
Свт. Антония, архиеп. Воронежского (1846).
Новомч. Иоанна на о. Фасос (Греч. ).
Икона Божией Матери Новодворская
Икона Божией Матери Леньковской  именуемой «Спасительница утопающих»

Храни вас Господь, Матерь Божия и все святые, их же память мы сегодня отмечаем!

Молитвы:

Сщмч. Игнатия Богоносца. Тропарь, глас 4.
Апостольских нравов подражателю/ и престола их снаследниче,/ архиереев удобрение/ и мучеников славо, Богодухновенне,/ на огнь, и меч, и звери дерзнул еси веры ради/ и, слово истины исправляя,/ до крове пострадал еси, священномучениче Игнатие,/ моли Христа Бога/ спастися душам нашим.

Священномученика Игнатия Богоносца, кондак, глас 3.
Светлых подвиг твоих светоносный день/ предпроповедует всем в вертепе рожденнаго:/ сего бо жаждая от любве насладитися,/ потщался еси от зверей снеден быти;/ сего ради и Богоносец нареклся еси, Игнатие всемудре.

Тропарь праведного Иоанна Кронштадтского, глас 1
Православныя веры поборниче,/ земли Российския печальниче,/ пастырем правило и образе верным,/ покаяния и жизни во Христе проповедниче,/ Божественных Таин благоговейный служителю/ и дерзновенный о людех молитвенниче,/ отче праведный Иоанне,/ целителю и предивный чудотворче,/ граду Кронштадту похвало/ и Церкве нашея украшение,/ моли Всеблагаго Бога// умирити мир и спасти души наша.

Кондак праведного Иоанна Кронштадтского, глас 3
Днесь пастырь Кронштадтский/ предстоит Престолу Божию/ и усердно молит о верных/ Христа Пастыреначальника,/ обетование давшаго:/ созижду Церковь Мою, // и врата адоване одолеют ей.

Предпразднство Рождества Христова. Тропарь, глас 4.
Готовися, Вифлееме,/ отверзися всем, Едеме,/ красуйся, Евфрафо,/ яко древо живота в вертепе процвете от Девы:/ рай бо Оноя чрево явися мысленный,/ в немже Божественный сад,/ от негоже ядше, живи будем,/ не якоже Адам умрем./ Христос раждается прежде падший возставити образ.

Кондак предпразднства Рождества Христова, глас 3.
Дева днесь превечное Слово в вертепе грядет родити неизреченно:/ ликуй, вселенная, услышавши,/ прослави со Ангелы и пастырьми/ хотящаго явитися Отроча Младо, Превечнаго Бога.

Св. Даниила, архиеп. Сербского. Тропарь, глас 3.
Чудо явися извещения,/ делами добродетелей Божиих возсиял еси,/ монашествующих лики упасл еси,/ архиерейская седалища утвердил еси,/ еретическаго нападения не усумневся,/ Церковию Христовою управляя,/ преподобне отче, Данииле премудре,/ умер, яко спя,/ тело же твое цело и нетленно соблюдено бысть,/ и подает цельбы болящим от различных недугов,/ и демоны прогоняет./ Сего ради молим тя: моли спастися душам нашим.

Святителя Даниила, архиепископа Сербского. Кондак, глас 8.
Возбранному и дивному нашел земли светильнику днесь любовию притекаем/ и песнь тебе, Богоносе, плетем,/ яко имущему дерзновение ко Господу:/ избави нас от многообразных обстояний, да зовем ти:/ радуйся, утверждение отечеству нашему и великий покровителю обители своея.

Преподобного Игнатия, архим. Печерского. Тропарь, глас 4.
Чистаго ради и непорочнаго твоего жития,/ Богоносе отче Игнатие,/ приемый от Господа чудотворныя дары исцеляти немощныя,/ исцели, молим тя, и немощи наша,/ моля о нас Единаго Человеколюбца.

Прп. Игнатия, архим. Печерского. Кондак, глас 1.
Проходя, всеблаженне, добродетельми от силы в силу,/ и всех, с тобою сущих, оными превозвышая,/ всем служил еси, Игнатие, и угождал,/ тем избран был еси всем, в дому Божия Матере сущим, в старейшину и вождя,/ в несом; паче Господеви благоугождь и стадо Его добре; упасши,/ молися о нас, чадех твоих.

Pages: 1 2 3

Рождественский пост.

В этот день:
Русская Православная Церковь отмечает память святых:

Мученик Вонифатий Тарсийский
прав. Аглаиды Римской
Преподобного Илия Муромеца, Печерского
Святой Вонифатий Милостивый, еп. Ферентийский
Мученики Илия, Пров и Арис
Мученики Полиевкт и Тимофей
Святой Григорий, еп. Омиритский
Преп. Георгия и брата его Саввы Хахульских (XI) (Груз).

Храни вас Господь, Матерь Божия и все святые, их же память мы сегодня отмечаем!

Молитвы:

Мч. Вонифатия Тарсийского. Тропарь, глас 4.
К сословию послан мучеников,/ мученик был еси истинен,/ пострадав за Христа крепчайше, всехвальне,/ мощми же возвратился еси верою пославшей тя, Вонифатие блаженне,/ моли Христа Бога прияти нам грехов прощение.

Мч. Вонифатия Тарсийского. Кондак, глас 4.
Священие непорочное самовольне Тебе привел еси, Иже от Девы тебе ради родитися хотящему,/ святе венченосче, премудре Вонифатие.

Мученика Вонифатия, Ин кондак глас 4
Изыде к приятию страстотерпческих мощей и страждущих законне веры ради зря,/ показал еси мужески крепость свою,/ устремився на страсти исповеданием во Христа,/ Иже прием почесть победы твоего страдания,/ Вонифатие, присно моли за ны.

Pages: 1 2 3

Рождественский пост.

В этот день:
Русская Православная Церковь отмечает память святых:

Мученик Севастиан и дружина его
Преподобный Севастиан Сохотский, Пошехонский
Прославление (1694) прав. Симеона Верхотурского
Святитель Модест, архиеп. Иерусалимский
Священномучеников Закхея диакона и Алфея чтеца, Кесарийских (Греч.).
Священномученика Фаддея, архиеп. Тверского и Кашинского (1937).
Преподобный Флор, еп. Амийский
Преподобный Михаил сингелл
Святого Гатияна, первого еп. Турского (III).
Преподобного Виннибальда, игумена (761) (Кельт. и Брит.).

Храни вас Господь, Матерь Божия и все святые, их же память мы сегодня отмечаем!

Молитвы:

Мчч. Севастиана и дружины его. Тропарь, глас 4.
Мученицы Твои, Господи,/ во страданиих своих венцы прията нетленный от Тебе, Бога нашего,/ имуще бо крепость Твою,/ мучителей низложиша,/ сокрушиша и демонов немощный дерзости,/ тех молитвами/ спаси души наша.

Свт. Модеста, архиеп. Иерусалимского. Тропарь, глас 4.
Преподобно пожив, Богомудрие Модесте,/ и святительскою одеждою украшен,/ пастырю Иерусалима блаженнейший,/ в веселии ныне Христу предстоиши/ и концы озаряеши чудесы,/ помощник убо буди тя призывающим,/ моляся, отче, о всех нас.

Свт. Модеста, архиеп. Иерусалимского. Кондак, глас 3.
Светлых подвигов твоих твердость/ и сострадания ко всем богатство видя,/ Всеблагий Подвигоположник Бог/ богатых дарований Своих сподоби тя, Модесте,/ славный иерарше и чудотворче./ Тем, молящеся тебе, вопием:/ свобождай нас от лютых обстояний/ и недугом нашим подаждь исцеление.

Прп. Севастиана Сохотского, Пошехонского. Тропарь, глас 4.
Удалився мира и водворився в пустыни,/ добрым подвигом подвизася,/ злостраданием, и вниманием, и молитвами,/ отонюдуже и по смерти источаеши исцеления,/ Севастиане, отче наш,/ моли Христа Бога/ спастися душам нашим.

Прп. Севастиана Сохотского, Пошехонского. Кондак, глас 3.
Сиянием Духа Пресвятаго, мудре Севастиане, просвещся,/ оставил еси яже в житий молвы,/ пустыню же достиг, преподобие отче,/ возвеселил еси иже над всеми Бога и Зиждителя./ Сего ради прославляет тя Христос, блаженне, Великий Дародатель.

Прав. Симеона Верхотурского. Тропарь, глас 4.
Мирскаго мятежа бегая,/ все желание обратил еси к Богу,/ да в видения восход обрящеши Горе,/ отнюдуже не уклонився в лукавствия сердца,/ но очистив душу и тело,/ приял еси благодать точити цельбы верным и неверным,/ притекающим к тебе, праведный Симеоне. Темже, по данному ти дару,/ испроси у Христа Бога исцеление нам,/ болящим душевными страстьми,/ и моли спасти души наша.

Прав. Симеона Верхотурского. Кондак, глас 2.
Мира суетнаго отверглся еси,/ да блага вечныя жизни наследиши,/ возлюбив незлобие и чистоту души и тела./ Снискал еси, еже возлюбил,/ свидетельствует бо о сем гроб и нетление мощей твоих/ и благодать чудотворения наипаче./ Точиши бо цельбы всем притекающим к тебе и непросвещенным,/ Симеоне блаженне,/ чудотворче предивный.

Pages: 1 2 3

Рождественский пост.

Неделя 30-я Притча Много званных, но мало избранных

В этот день:
Русская Православная Церковь отмечает память святых:

Пророк Даниил
Трех отроков: Анании, Азарии и Мисаила
Святой Дионисий Закинфский
Преподобного диакона Аввакума Сербского (Серб.).
Преподобный Даниил исповедник
Преподобного Мисаила иеромон. Абалатского (1797).
Святого Штурма, еп. и основателя Фулдского монастыря (779) (Герм.).

Храни вас Господь, Матерь Божия и все святые, их же память мы сегодня отмечаем!

Молитвы:

Прор. Даниила и трех отроков. Тропарь, глас 2.
Велия веры исправления,/ во источнице пламене, яко на воде упокоения,/ святии трие отроцы радовахуся,/ и пророк Даниил львом пастырь яко овцам являшеся./ Тех молитвами, Христе Боже, спаси души наша.

Прор. Даниил. Кондак, глас 3.
просветившееся Духом чистое твое сердце/ пророчества бысть светлейшаго приятелище:/ зриши бо, яко настоящая, далече сущая./ Львы укротил еси, ввержен в ров;/ сего ради тя почитаем, пророче блаженне, Данииле славне.

Прор. Даниил. Кондак, глас 6.
Рукописаннаго образа не почетше,/ но неописанным существом защитившеся, треблаженнии,/ в подвизе огня прославистеся;/ среде же пламене нестерпимаго стояще, Бога призвасте:/ ускори, о Щедрый!/ и потщися, яко милостив, в помощь нашу,/ яко можеши хотяй.

Pages: 1 2 3

Рождественский пост.

В этот день:
Русская Православная Церковь отмечает память святых:

Пророк Аггей (500 г. до Р.Х.).
Преподобная Софии (Соломии), монахиня, супруга великого князя Василия III
Святителя Мемнона, архиеп. Ефесского.
Мученик Марин
Блаженная царица Феофания
Святой Николай Хрисоверг, патр. Константинопольский
Преподобный Альбер Гамбронский
Священномученик Аркадий (Остальский), епископ Бежецкий (1937)
Преподобномученика Макария (Смирнова) (1937).

Храни вас Господь, Матерь Божия и все святые, их же память мы сегодня отмечаем!

Молитвы:

Прп. Софии. Тропарь, глас 4.
Вышняго красотою явственно украшался,/ постническими бо труды подвизася преподобная София,/ и бысть наследница Небесному Царствию,/ и вниде в Небесный Чертог насладитися Христовы красоты,/ Его же моли спастися граду Суждалю/ от поганых нахождений и междоусобныя брани/ и подаждь душам нашим велию милость.

Прп. Софии. Кондак, глас 1.
Нощи страстный избегши, Богомудрая Софие преподобная,/ к Незаходимому же Солнцу, Христу, пришедши,/ умертвила еси плотское мудрование постом же, воздержанием и молитвами,/ показася равна Ангелом,/ на земли бо поживе и духи нечистыя от человек отгнала еси,/ и различная исцеления подававши, от многих бед и зол избавлявши,/ Софие преподобная,/ моли спастися душам нашим.

Pages: 1 2 3

Рождественский пост.

В этот день:
Русская Православная Церковь отмечает память святых:
Священномученик Елевферия и мать его Анфия
Преподобный Трифон Печенгский
Святитель Стефан, архиеп. Сурожский
Преподобный Павел Латрийский
Собор Крымских святых.
Священномученик Иларион (Троицкий), еп. Верейского
Сщмч. Иосифа (Петровых), митр. Петроградского (1938)
Собор Кольских святых.
Мученик Елевферий Кувикулярий
Преподобный Пард отшельник
Святитель Авберт (Aubert), епископ Камбрайский
Мученика Вакха Нового.

Храни вас Господь, Матерь Божия и все святые, их же память мы сегодня отмечаем!

Молитвы:

Свт. Стефана исп., архиеп. Сурожского. Тропарь, глас 4.
Яко святитель со Безплотными единожитель быв,/ священномучениче Стефане,/ восприем бо Крест яко оружие,/ и став крепко сопротив иконоукорителя и духоборцев,/ не покланяющихся пречистому образу Христа Бога нашего,/ и отсекл еси всяку ересь лукавых./ Того ради прием мучения венец,/ избавил еси град твой Сурож от всякия неприязни./ И ныне молим тя, святе,/ да избавиши нас от всяких злых искушений, и бед,/ и вечныя муки.

Свт. Стефана исп., архиеп. Сурожского. Кондак, глас 3.
Вышняго силою, священне, укрепився,/ царева низложил еси иконоборная шатания;/ днесь Сурожу и нам верным предлежат/ слава и богатство — святыя твоя мощи,/ ихже свыше дароносят Ангельстии чинове,/ песньми и пением славословят тя,/ великий священный Стефане.

Сщмч. Елевферия. Тропарь, глас 4.
И нравом причастник,/ и престолом наместник, апостолом быв,/ деяние обрел еси, Богодохновенне,/ в видения восход,/ сего ради, слово истины исправляя,/ и веры ради пострадал еси даже до крове,/ священномучениче Елевферие,/ моли Христа Бога/ спастися душам нашим.

Прп. Павла Латрийского. Тропарь, глас 4.
Яко Безплотных единовсельника/ и всем преподобным сообщника,/ всеславне Павле, поем тя и молим тя:/ молися всегда о нас,/ яко да обрящем милость.

Кондак преподобнаго Павла, глас 8.
От юности, мудре, яже паче смысла вожделел еси мужески,/ мирский мятеж оставил еси,/ и был еси Божественнаго ради жительства Троицы жилище,/ и просветил еси верою приступающий тебе./ Тем зовем: радуйся, Павле пребогате.

Кондак священномученику Елевферию, глас 2.
Яко удобрение священников, преподобие,/ и предувещание страстотерпцев вси восхваляем/ и просим тя, священномучениче Елевферие:/ любовию память твою празднующия/ бед многообразных свободи,/ моля непрестанно о всех нас.

Прп. Трифона Печенгского, Кольского. Тропарь, глас 8.
Пути, вводящаго в жизнь, наставник и учитель был еси:/ первее бо, преподобне отче наш Трифоне,/ пришел еси в часть Норвегския земли/ и в последних концех северныя страны языки просветил еси,/ породив водою и Духом Святым,/ и священная твоя чада в безплодней пустыни,/ яко древа масличная, насадил еси,/ велию обитель Святыя и Живоначальныя, Единосущныя и Нераздельныя Троицы создал еси/ и монахов множество собрав./ Тем, яко апостолом и пустынножителем равночестна чтуще тя,/ прилежно припадающе, вопием:/ моли всех Бога за Русскую землю, за область твою и за вся люди,/ почитающия память твою.

Прп. Трифона Печенгского, Кольского. Кондак, глас 8.
Все твое умное желание к Богу вперив,/ Того званию невозвратно от души последовал еси,/ в пустыню конечную вселився,/ и, тамо ангельски и равноапостольне пожив,/ многим путь был еси ко спасению./ Сего ради и Христос тя прослави и даром чудес обогати./ Темже вси вопием ти:/ радуйся, исповедниче Христа Бога нашего;/ радуйся, граду твоему неколебимое утверждение, Трифоне, отче наш.

Pages: 1 2 3

Рождественский пост.

В этот день:
Русская Православная Церковь отмечает память святых:

Мученики Фирса, Левкия и Каллиника
Святитель Иларион, митрополит Суздальский
Святитеь Венатий Фортуната, еп. Пуатье (VII) (Кельт. и Брит.).
Мучеников Филимона, Аполлония Антинойских (286)
Святитель Фольквин, епископ Теруанский
Мучеников Ариана и Феотиха Антинойских (287).
Св. Вассиана исп., архиеп. Тамбовского (1940).
Прп. Хибальда, игумена Линкольнширского (VII) (Кельт. и Брит.).

Храни вас Господь, Матерь Божия и все святые, их же память мы сегодня отмечаем!

Молитвы:
Мчч. Фирса, Левкия, Филимона и иже с ними. Тропарь, глас 4.
На одре низлежу уныния, Всенепорочная,/ и леностно прохожду житие,/ и ужасаюся конца моего времене, Богородице,/ да, не якоже лев, нещадно расторгнет/ смиренную мою душу змий вселукавый. / Темже Твоею благостию, прежде конца предваривши,/ к покаянию мя воздвигни.

Мчч. Фирса, Левкия, Филимона и иже с ними. Кондак глас 2.
Благочестия веры поборницы, злочестиваго мучителя оплевавше,/ обличисте зверообразное его кровопролитие/ и победисте того яростное противление,/ Христовою помощию укрепляеми, Фирсе и Левкие,/ с пострадавшими о нас молитеся.

Свт. Илариона. Тропарь, глас 5.
Воспойте убо, вси людие,/ в Триех Ипостасех Единаго Бога,/ на Небесех непостижно пребывающаго,/ мановением же всяческая управляющаго,/ на землю же щедротно призирающаго,/ в пустынном же пребывающаго противу невидимых врагов,/ угодника Своего преподобнаго Илариона укрепльшаго,/ того молитвами, Боже, помилуй и спаси нас.

Pages: 1 2 3

Рождественский пост.

В этот день:
Русская Православная Церковь отмечает память святых:

Мучеников Евстратия, Авксентия, Евгения, Мардария и Ореста
Преподобного Германа Аляскинского (1837).
Прп. Мардария, затворника Печерского, в Дальних пещерах (XIII).
Прп. Аркадия Новоторжского (XI).
Прп. Иннокентия, еп. Херсонского (1857).
Святой мученицы Лукии девы
Преподобная Одилия Хоэнбургская (Эльзасская)
Преподобного Арсения, иже в Латре
Святителя Гавриила (Кикодзе) Имеретинского
Св. Колумбаны Теригласской (549) (Кельт. и Брит.).
Свт. Гавриила, архиеп. Сербского (Серб.).
Святителя Досифея, митр. Молдавского (1693) (Румын.).

Храни вас Господь, Матерь Божия и все святые, их же память мы сегодня отмечаем!

Молитвы:

Мчч. Евстратия, Авксентия, Евгения, Мардария и Ореста. Тропарь, глас 4.
Мученик всечестных светлость,/ пяточисленных страстотерпцев воспоем,/ славу земных презревших,/ солнца светлаго Евстратия,/ премудраго витию со страдальцы,/ на огнь и муки дерзнувших за всех Царя Христа/ и от Престола Того славы почестьми венцев обдаренных./ Тех молитвами, Христе Боже,/ спаси души наша.

Мчч. Евстратия, Авксентия, Евгения, Мардария и Ореста. Кондак, глас 2.
Светильник явился еси светлейший во тьме неведения седящим, страстотерпче:/ верою бо, яко копием, обложився,/ врагов шатания не убоялся еси, Евстратие,/ риторов сый благоязычнейший.

Мчч. Евстратия, Авксентия, Евгения, Мардария и Ореста. Кондак, глас 3.
Витийствуя пред беззаконнующими Божественная,/ биения претерпел еси мужественнейшим сердцем,/ облистал еси Богознаменьми, пречудне,/ угасил еси возвышенный прелести пламень,/ сего ради тя чествуем, всеблаженне мучениче Христов Евстратие.

Прп. Германа Аляскинского. Тропарь, глас 1.
Лозу Православия принесл еси в Америку из России благочестивый/ и, удобрив корень постническими трудами/ и напоив обильне молитвенными слезами,/ плоды принесл еси — виноград возлюбленный,/ Германе преблаженне отче наш./ Темже и Бог тя прослави, яко апостола преподобнаго,/ нетлением мощей и благодатию чудес,/ от них же почерпающе благодеяния, восхваляем тя:/ слава Давшему ти крепость,/ слава Венчавшему

Прп. Германа Аляскинского. Ин тропарь, глас 3.
Преподобие отче наш Германе,/ первый светильниче, в земли нашей просиявый,/ приносим вси тебе похвалы сия,/ ты же, яко имеяй дерзновение ко Господу,/ буди заступник нам, и утешитель,/ и Церкви нашея покровитель дивный,/ да вси со умилением зовем ти:/ радуйся, отче наш Германе, Аляски и всея Америки преславный чудотворче.

Прп. Германа Аляскинского. Ин кондак, глас 8.
Валаама пострижник,/ честный возлюбленник Божией Матери бывый,/ ревнитель подвигов древних подвижников новый,/ молитву, яко копие и щит, приемый,/ страшен демоном и тьме язычестей ставый,/ Германе преподобие, моли Христа Бога спасти души наша.
Прп. Германа Аляскинского. Кондак, глас 8.
Взбранному Воеводе своинствовався,/ в брань вступил еси на духа злобы в поле преподобия и апостольства./ И, пожав победы обоюдныя,/ воздвизаеши нас вопити тебе:/ радуйся, святе Германе, апостоле преподобный.

Прп. Аркадия Новоторжского. Тропарь, глас 4.
От духовнаго наставника, отца преподобнаго Ефрема, наставляемь,/ послушания добрый рачителю, отче Аркадие,/ от мирскаго мятежа удалился еси/ и, инок быв изрядный,/ добрым подвигом ревнуяй,/ от Христа Бога приял еси венец славы Небесныя;/ и ныне, вкупе с преподобным отцем Ефремом у Престола Вышняго предстоя,/ о нас молися, избавитися нам от всех бед и скорбей/ и спастися душам нашим.

Прп. Аркадия Новоторжского. Кондак, глас 2.
К глубинам Божественнаго разума вперив ум свой,/ в Небесныя обители востекл еси/ и равноангельно житие, отче Аркадие, на земли пожил еси,/ и во всем повинулся еси духовному своему настоятелю и наставнику, преподобному отцу Ефрему,/ и ныне, вкупе предстояще у Престола Владыки Христа,/ молися непрестанно о всех нас.

Прп. Мардария, затворника Печерского, в Дальних пещерах. Тропарь, глас 4.
Бывый, блаженне Мардарие,/ нестяжатель Христа ради,/ и Того за многая твоя благодеяния/ в сердце твое вселивый,/ молися о нас, поющих тя.

Прп. Мардария, затворника Печерского, в Дальних пещерах. Кондак, глас 2.
Вышних ища, нижних не стяжал еси,/ и колесницу огненну к Небеси, нестяжание, себе поставль,/ со Ангелы жити сподобился еси./ Мардарие славне,/ с нимиже Христа Бога моли/ непрестанно о всех нас.

Pages: 1 2 3