Проповеди

В этот день:
Русская Православная Церковь отмечает память святых:

Преподобного Михаила исп., еп. Синадского (821).
Обретение мощей свт. Леонтия, еп. Ростовского (1164).
Собор Ростово-Ярославских святых: святителей и чудотворцев Ростовских
Преподобной Евфросинии, княжны и игумении Полоцкой (1173).
Преподобного Паисия Галичского (1460).
Св. жены-мироносицы Марии Клеоповой.
Прмч. Михаила черноризца (IX).
Преп. Дамиана (в миру — царя Димитрия I) (1157) (Груз.).

Поученіе. Препод. Евфросинія, княжна полоцкая. Прот. Григорій Дьяченко († 1903 г.)
Поученіе. Святитель Леонтій, ростовскій чудотворецъ.  Прот. Григорій Дьяченко († 1903 г.)

Храни вас Господь, Матерь Божия и все святые, их же память мы сегодня отмечаем!

Молитвы:

Обретение мощей свт. Леонтия, еп. Ростовского. Тропарь, глас 4.
Апостолом сопричастник/ и к Богу молебник верен,/ добродетельми возшед на Небесная,/ и любовь возложил еси к Любящему тя,/ и неверныя люди обратил еси в веру./ Тем ныне, со Ангелы ликуя,/ предстоиши престолу славы всех, Царя Христа Бога:/ молися, святителю Леонтие,/ да спасет души наша.

Свт. Леонтия, еп. Ростовского. Кондак, глас 4.
Жития ради чистоты,/ Всевидец Господь свет Свой насади в души твоей,/ вразумити люди многия/ твоими учении,/ Леонтие преподобие.

Собор Ростово-Ярославских святых. Тропарь, глас 4.
Облагочестный соборе,/ о людие избраннии,/ святителие преподобный и праведный,/ и благовернии граждане российстии,/ яко звезды, на тверди церковней/ страны Ростовский и Ярославский к Богу предстателие,/ величаем с любовию вас, по плоти наших сродников./ Вы же молитеся даровати мир стране и Церкви нашей,/ благословение и милость Божию всем людем,/ всепрощение и спасение,/ ходатаи бо есте приснии о нас ко Святей Троице.

Тропарь святителем Ростовским, глас 4.
Святителие премудрии,/ паствы вашея учителие богопросвещеннии,/ веру евангельскую в людех преумноживший,/ любве Небесныя на земли достоподражательнии образи,/ люди страны Ростовския и Ярославския приобщавший спасению,/ служителие воистинну Божий/ и сопричастницы апостолов достойнии явилися есте,/ Леонтие священномучениче, Исаие, Игнатие, Иакове, Феодоре/ и златословесниче Российский Димитрие,/ Христа Бога молите/ о архиереех, на престоле вашем преемницех,/ о людех, благочестно вас почитающих,/ о стране нашей православной/ и о всей Христовей Церкви.

Кондак. Святителям Ростовским, глас 4.
Новаго Завета Бога с человеки хранителие,/ евангельских заповедей исполнителие,/ в добрых делех совершеннии,/ святителие мудрии, преподобный и праведнии Богоноснии,/ землю Ростовскую и Ярославскую/ облагоухавшии молитвами,/ именуемый вси и неименуемии,/ явленнии и сокровеннии,/ предстояще Живоначальней Троице,/ не отступайте от нас духом/ и Божественное милосердие преклоните к нам,/ да с дерзновением славу в Вышних Богу вси приносим,/ да пребудет на земли мир нерушимый,/ любовь же и благоволение/ посреде всех человек.

Свт. Ростовских — Леонтия, Исаии, Игнатия. Тропарь, глас 4.
Апостольским преданием, истинней вере проповедницы,/ и от тьмы к свету Богоразумия человеком наставницы,/ и за ны к Богу молебницы,/ на Небесная любовь возложисте к Любящему вы./ И ныне на Небеси со Ангелы и со всеми святыми ликовствующе/ у Престола славы всех Царя, Христа Бога нашего,/ святии чудотворцы Леонтие, и Исаие, и Игнатие,/ молите даровати стране нашей мир,/ на враги одоление,/ Церкви единомыслие/ и душам нашим велию милость.

Свт. Ростовских — Леонтия, Исаии, Игнатия. Кондак, глас 8.
Яко во вселенней трие велицыи святителие,/ бысте вы благочестием и добродетелию наставницы Ростову/ и, благоверием приимше паству, стадо Христово упасосте/ и вечный покой наследовасте./ Молим вас, святии чудотворцы,/ подати добродетелем исправление,/ и болезнем нашим исцеление, и соблазном избавление,/ и душам спасение, да зовем вам:/ радуйтеся, граду нашему Ростову похвала и утверждение.

Прп. Евфросинии, княжны и игумении Полоцкой. Тропарь, глас 4.
Подражающи дванадесятолетна дванадесятолетну Христу,/ учившему во святилищи Божию слову,/ последовала еси, Евфросиние./ Славу временную и земнаго обручника оставльши/ и вся мирская презревши,/ краснейшему паче всех Христу себе уневестила еси,/ крест вземши, путем ангельскаго жития шествующи/ и многия к Нему наставляющи,/ во благоухании мира в Небесный Чертог востекла еси,/ идеже моли, Егоже возлюбила еси,/ о чтущих благочестно память твою.

Прп. Евфросинии, княжны и игумении Полоцкой. Ин тропарь, глас 4.
Богатство свое нищим расточивши/ и славу княжескую ни во что же вменивши,/ обручника временнаго, красная дево, возгнушалася еси/ и, уневестившися Жениху Христу,/ Тому, якоже вено, чистоту душевную и телесную принесла еси, Евфросиние./ Емуже ныне в веселии предстоя,/ поминай нас, чтущих память твою.

Прп. Евфросинии, княжны и игумении Полоцкой. Ин кондак, глас 8.
Чистое свое девство и честное/ милостынею, яко светильник елеем, украсившую/ и с мудрыми девами в пресветлый чертог Христов вшедшую,/ Евфросинию славную ублажим/ и, припадше к честным ея мощем, насладимся ея благоухания/ и умильне к ней возопием:/ яко имея дерзновение ко Христу Богу/ моли избавитися зловония страстей и спастися душам нашим.

Прп. Евфросинии, княжны и игумении Полоцкой. Ин кондак, глас 4.
Превитавши от земли Полотския,/ отечество свое, яко Авраам, наследовавши, Евфросиние,/ землю высоку сообразну — Горний Сион,/ темже тело твое душевным благомужествием, страданием постным/ яко жертву приносила еси/ милосердием Своим, Давшему Себе за человеки Жертву благоприятну.

Прп. Евфросинии, княжны и игумении Полоцкой. Кондак глас 8.
Избранней Богом от самаго рождения/ и признанней на служение Ему,/ в чине ангельстем Господеви послужившей свято,/ и преподобно пожившей,/ и ныне с Небесными силами Господа восхваляющей,/ о нас же, грешных, пред Господем ходатайствующей,/ с радостию и любовию воззовем:/ радуйся, Евфросиние, невесто Христова всечестная.

Прп. Михаила исп., еп. Синадского. Кондак, глас 8.
Яко архиерей всечестен и благочестия священнострадалец,/ прещения злоименитаго не убоявся,/ еретическое того противление победил еси,/ свободным гласом велегласно вопия:/ иконе покланяюся Христове и Пречистыя Того Матере./ Сего ради тя почитаем, Михаиле.

Прп. Паисия Галичского. Тропарь, глас 8.
Днесь возсия нам память твоя, славне Паисие,/ яко солнце светозарное, лучами озаряющи весь мир,/ тако и ты, преподобне,/ чудесы своими тьму нощи злых духов от нас отгоняя;/ днесь Небесныя силы, и святых Ангел,/ и души праведных мысленно торжествуют, радующеся;/ днесь и мы, грешнии, припадающе честному твоему образу молимся:/ о, преподобне Паисие,/ Христа Бога моли непрестанно/ спасти град и люди, иже тебе почитающия.

Прп. Паисия Галичского. Кондак, глас 3.
Возсия, Господи, граду Твоему Галичу,/ яко светозарное солнце, угодник Твой Паисий,/ радостно вселенную озаряя своими чудесы,/ и приходящих с верою ко гробу его святому;/ тако молитвами Пречистый Богородицы от бед всех нас избави,/ и упраздни варварская шатания,/ яко мы, людие Твой, Господи,/ и град наш и страна вельми Тобою хвалится,/ и спасается молитвами преподобнаго Паисия.

Pages: 1 2 3

Проповеди

В этот день:
Русская Православная Церковь отмечает память святых:

Пророка Мелхиседека, царя Салимского.
Память II Вселенского Собора (381).
Мученика Василиска (ок. 308).
Мученика Иоанна-Владимира, кн. Сербского (1015).
Блаженного Якова, отрока Боровичского в Новгороде (1540).
Сщмч. Михаила пресвитера (1942).
Новосщмч. Захарии Прусского (1802) (Греч.).
Тупичевской иконе Божией Матери
Кипрской икон Божией Матери

Поученіе. Св. мученикъ Василискъ.  Прот. Григорій Дьяченко († 1903 г.)

Храни вас Господь, Матерь Божия и все святые, их же память мы сегодня отмечаем!

Молитвы:

Мч. Василиска. Кондак, глас 8.
Во страдании крепок и мужествен явился еси и в чудесех предивен,/ явленно Христово имя преднося, мучителя посрамил еси./ Тем тя почитаем, Василиске, присно зовуще, всечестне:/ радуйся, мучеников светлая доброто.

Мч. Иоанна-Владимира. Тропарь, глас 4.
Крест, явльшийся тебе с Небесе, светел проповедал еси,/ просветив языки ясно, Владимире славне,/ обагреньми кровей твоих украсився,/ сподобился еси почестей нетленных,/ предстояй Троице,/ тем со дерзновением/ моли спастися нам.

Мч. Иоанна-Владимира. Ин тропарь, глас 4
Крест, явльшийся тебе с Небес в блистании, всем проповедал еси,/ просветив языки верно, Владимире славне./ Искуплением же, кровьми твоими возблистав,/ сподобился еси мзды нелестныя, предстоя Троице./ Темже дерзновенно моли Христа спастися нам.

Мч. Иоанна-Владимира. Кондак, глас 8.
Яко сокровище многоценное/ и источник, точащ земным токи,/ недуги очищающий,/ нам подадеся тело твое священное,/ болезнем различным подающе исцеление/ и благодать Божественную притекающим к нему, да зовем ти:/ радуйся, княже Владимире.

Мч. Иоанна-Владимира. Кондак, глас 8.
Верою и любовию/ твое честное пренесение празднующих, блаженне,/ сохрани и соблюди от веяния злобы и соблазна змиина,/ имаши бо дерзновение ко Владьще всех, Христу Богу./ Бгоже моли спасти православныя люди,/ молящия тя, да вси вопием ти:/ радуйся, отче Иакове,/ всея Российския земли удобрение.

Блж. Якова, отрока Боровичского в Новгороде. Тропарь, глас 1.
Божественною благодатною просветився,/ и по смерти даруеши исцеление/ притекающим к тебе, премудре Иакове:/ темже и мы ныне чтим честных мощей пренесение,/ веселяще вкупе души и телеса./ Тем вси вопием:/ слава Давшему ти крепость!/ Слава Венчавшему тя!/ Слава Действующему тобою всем исцеления!

Память Владимирской иконы Божией Матери

Проповеди

В этот день:
Русская Православная Церковь отмечает память святых:
Равноапп. царя Константина и матери его царицы Елены
Блгв. кн. Константина (Ярослава) (1129) и чад его Михаила и Феодора, Муромских чудотворцев (XII).
Свт. Василия, еп. Рязанского.
Обретение мощей блж. Андрея Симбирского (1998).
Преподобного Кассиана грека, Угличского чудотворца (1504).
Собор Карельских святых.
Собор Уфимских святых.
Преподобномученика Агапита Маркушевского.
Св. Хоспиция, Триерского (Галл.).
Сщмч. Секунда и всех кто с ним в Александрии (356).
Св. Кирилла, еп. Ростовского (1262).

Чтимые списки с Владимирской иконы Божией Матери:

Псково-Печерская «Умиление»,
Заоникиевская,
Красногорская (Черногорская),
Оранская.

Поученіе. Св. равноапостольные Константинъ и Елена. Прот. Григорій Дьяченко († 1903 г.)
Поученіе. Праздникъ въ честь иконы Владимірской Божіей Матери. Прот. Григорій Дьяченко († 1903 г.)

Храни вас Господь, Матерь Божия и все святые, их же память мы сегодня отмечаем!

Молитвы:

Владимирской иконы Богородицы. Тропарь, глас 4.
Днесь светло красуется славнейший град Москва,/ яко зарю солнечную восприимши, Владычице,/ чудотворную Твою икону,/ к нейже ныне мы притекающе и молящеся. Тебе взываем сице:/ о, пречудная Владычице Богородице!/ Молися из Тебе воплощенному Христу Богу нашему,/ да избавит град сей/ и вся грады и страны христианския невредимы от всех навет вражиих,/ и спасет души наша, яко Милосерд.

Владимирской иконы Богородицы. Ин кондак, глас 8.
К Взбранней Воеводе и Заступнице, Деве и Богородице,/ в чистей совести, верою утвердившеся, русстии народи,/ невозвратно надежду имуще, притецем,/ к чудотворному Ей и пречистому образу, и возопием Ей:/ радуйся, Невесто Неневестная.

Владимирской иконы Богородицы. Кондак, глас 8.
Взбранной Воеводе победительная,/ яко избавльшеся от злых пришествием Твоего честнаго образа,/ Владычице Богородице,/ светло сотворяем празднество сретения Твоего/ и обычно зовем Ти:/ радуйся, Невесто Неневестная.

Красногорской (Владимирской) иконы Богородицы. Тропарь, глас 2.
Радуйся, святая гора Красная, небеси подобная,/ слава бо Божия на Тебе возсия./ Взыграйте, горы и холми, веселием,/ яко на сей горе икона Божия Матере,/ честнаго Ея умиления, прославися./ Ликуйте, человецы, и веселитеся./ яко нам даровася богатство неотъемлемое, исцелении сокровище,/ гласы, якоже трубы, возшумите,/ прославляюще Ея чудеса преславная./ И Ты, Чистая, радуйся, яко с Тобою Господь.

Красногорской (Владимирской) иконы Богородицы. Кондак, глас 3.
На горе святей видяще Твою святую икону,/ Богородице, Мати Дево,/ поем Твоего светообразнаго лика изображение,/ поклоняемся Твоей святей иконе,/ почитаем оную,/ и славим той преславная чудеса,/ и сице зовем Тебе:/ радуйся, Невесто Неневестная.

Равноап. Константина, царя и Елены. Тропарь, глас 8.
Креста Твоего образ на Небеси видев/ и, якоже Павел, звание не от человек прием,/ в царех апостол Твой, Господи,/ Царствующий град в руце Твоей положи,/ егоже спасай всегда в мире молитвами Богородицы,/ едине Человеколюбче.

Равноап. Константина, царя и Елены. Кондак, глас 3.
Константин днесь с материю Еленою/ Крест являют, всечестное древо,/ всех убо иудеев посрамление суще,/ оружие же на противныя верных людей:/ нас бо ради явися знамение велие/ и во бранех грозное.

Блгв. кн. Константина и чад его Михаила и Феодора. Тропарь, глас 4.
Константин днесь весело ликовствует,/ предстоя престолу Святыя Троицы,/ видя отечествие свое, мастию духовною сияющее;/ емуже последоваша Михаил и Феодор, сынове его,/ и молятся вси трие вкупе о душах наших.

Блгв. кн. Константина и чад его Михаила и Феодора. Кондак, глас 8.
Изрядному воеводе и правоверному князю Константину с сынома его вкупе/ отечество его, хваляся, вопиет,/ имеющее его начальника и заступника,/ яко избавльшееся им от прелести и скверны идольския./ Сего ради вопием ему сице:/ радуйся, княже Константине преблаженне.

Прп. Кассиана грека, Угличского чудотворца. Тропарь, глас 8.
В тебе, отче Кассиане, известно спасеся еже по образу,/ восприем бо крест и последовав Христови,/ творил еси заповеди Его тщательне./ Темже ныне со Ангелы радуется, преподобне, дух твой.

Прп. Кассиана грека, Угличского чудотворца. Тропарь святаго, глас 4.
Днесь град Углеч тобою хвалится,/ в концех бо его пресветло, яко велие солнце, возсиял еси/ и чудесы твоими вся озарил еси,/ и ныне молися Господеви,/ Кассиане преподобие,/ за град Углеч и обитель сию,/ и всяк град, и страну, и люди,/ иже верою тебе почитающия,/ и о спасении душ наших.

Прп. Кассиана грека, Угличского чудотворца. Ин тропарь, глас 4
Днесь пресветло красуется славнейший Углеч град,/ церковь же Божия Матере вельми радуется,/ имеющи многоцелебныя в себе мощи великаго чудотворца,/ преподобнаго Кассиана, возсиявшаго от Рима,/ якоже солнце, всему миру, издалеча просвещающаго верных сердца,/ имже украси Бог церковь Матере Своей./ Темже ныне молим тя:/ буди покровитель и заступник непобедимый/ от всяких бед граду нашему/ и всем верным хранилище,/ притекающим в дом Божия Матере и кланяющимся тебе,/ преподобие угодниче Христов Кассиане,/ моли Христа Бога спастися душам нашим.

Прп. Кассиана грека, Угличского чудотворца. Кондак, глас 8.
Яко светозарная звезда, пришел еси от востока на запад,/ оставль отечество и княжение твое Христа ради,/ и в царствующий град Москву пришел еси,/ и, промышлением Божественнаго разума направляемь,/ Углеча града достигл еси,/ и, близ его, над Волгою рекою, в пустыни Учме вселився,/ обитель сотворил еси, и церковь созда,/ и созва монахов во спасение;/ с нимиже моли о нас, чтущих память твою, да зовем ти:/ радуйся, преподобие отче Кассиане.

Иконы Богородицы «Умиление». Тропарь, глас 4.
К Богородице со умилением припадем,/ вси грехми обремененнии,/ чудотворную Ея икону Умиление облобызающе/ и вопиюще со слезами:/ Владычице, приими моление недостойных раб Твоих/ и подаждь нам, просящим,/ велию Твою милость.

Pages: 1 2 3

Проповеди

В этот день:
Русская Православная Церковь отмечает память святых:

Обретение мощей святителя Алексия, митр. Московского и всея России, чудотворца (1431).
Св. Марка пустынника (Греч.)
Благоверного Довмонта, во св. крещении Тимофея, Псковского (1299).
Преподобного Стефана, игумена Сербского (Греч.).
Преп. Завулона и Сосанны, родителей святой равноапостольной Нины (Нино).
Мученика Фалалея, Александра и Астерия (ок. 284).
Св. Етелберта, короля и мученика (793) (Кельт. и Брит.).
Мученика  Аскалона (ок. 287).
Прп. Фалассия мироточца, Ливийского.

Поученіе. Обртеніе честныхъ мощей иже во святыхъ отца нашего Алексія, митрополита московскаго и всея Россіи чудотворца. Прот. Григорій Дьяченко († 1903 г.)

Храни вас Господь, Матерь Божия и все святые, их же память мы сегодня отмечаем!

Молитвы:

Обретение мощей святителя Алексия, митр. Московского и всея России, чудотворца. Тропарь, глас 2.
Яко сокровище пребогатое, многодетно в земли сокровенное,/ честныя мощи твоя обретошася чудоточащия,/ всеблаженне отче святителю Алексие:/ от нихже врачевство приемлюще, обогащаемся/ и Христа славословим, глаголюще:/ слава прославляющему святыя Своя.

Обретение мощей святителя Алексия, митр. Московского и всея России, чудотворца. Ин тропарь, глас 4.
Апостольских преемников архиереев сопрестольниче,/ России всея пастырю и учителю,/ всеблаженне отче Алексие,/ Владыце всех молися/ мир пастве твоей даровати,/ и спасение душам,/ и велию милость.

Обретение мощей святителя Алексия, митр. Московского и всея России, чудотворца. Ин тропарь, глас 3.
Свыше от Бога глас глаголющ услышав,/ от юности подвизався, мудре,/ в молитвах, и во умилении, и слезах,/ во бдениих же и пощениих образ быв добродетели,/ отонюдуже и дом Духу Пречистому явися./ Сего ради Русския митрополии архиерейским саном почтен быв,/ Христово стадо упасл еси добре,/ еретическая нападения, не усумнеся, отрази/ и церкви воздвиже Христови, святителю Алексие,/ иночествующих лики собра/ и сих Христови привел еси./ Умре же, явися, яко спящ,/ цел соблюден бысть пред многими леты,/ подавая цельбы болящим./ Тем молим тя:/ моли Христа Бога спасти град твой Москву неврежден/ и страну и православный люди по велицей Его милости.

Обретение мощей святителя Алексия, митр. Московского и всея России, чудотворца. Ин кондак, глас 3.
Яко светоносная память святителя/ всем разруши уныние/ и свет облиста Небесных даров,/ всех созывающи на веселие:/ от Бога бо, святителю Алексие, благодать обрете прогонити недуги/ и вся человеки исцеляти,/ и мнихом же степень показася.

Обретение мощей святителя Алексия, митр. Московского и всея России, чудотворца. Кондак, глас 8.
Яко солнце незаходимое, от гроба возсия нам/ от мног лет сокровены честный твоя мощи нетленны,/ святителю Алексие,/ тобою благодать приемлем:/ всю бо страну сию и вся ны чудесы и добротою обогащавши,/ действом благодати, да поем ти:/ радуйся, отче, светило России.

Блгв. кн. Довмонта, во св. крещении Тимофея. Тропарь, глас 8.
Иже отчее нечестие возненавидев,/ преблаженне княже Доманте,/ и нощи страстныя избег, еже к идолом тщание,/ прииде мыслию к Солнцу славы — Христу,/ озарився благодатию Божественнаго Крещения,/ и ныне во свете Пресвятыя Троицы предстоя,/ моли Христа Бога сохранити и спасти православный люди/ и град твой от безбожных агарян,/ и латин нашествия, и междоусобныя брани/ и спастися душам нашим.

Блгв. кн. Довмонта, во св. крещении Тимофея. Ин тропарь, глас 4.
Духом Божиим наставляемь,/ отчее нечестие отвергл еси,/ святый благоверный княже Тимофее,/ потщался еси приити в богоспасаемый град Псков,/ в немже душу твою благодатию святаго Крещения просветив,/ верою и любовию обитель в себе сотворил еси Пресвятей Троице,/ Ейже непрестанно молися/ даровати душам нашим/ мир и велию милость.

Блгв. кн. Довмонта, во св. крещении Тимофея. Кондак, глас 8.
Любовию Христовою уязвися, преблаженне княже Доманте,/ ум вперив зарею Духа,/ идольскую прелесть отеческаго нечестия возненавидев,/ порождением святьш купели Тимофей наречен еси,/ слезами и милостынею ко Христу присвоився,/ и жизни сей течение добре скончав,/ веру непорочну соблюд,/ и ныне молим тя:/ моли Пресвятую Троицу и Пречистую Богородицу/ за град Псков и за всех, притекающих к раце мощей твоих,/ избавитися нам от всяких зол,/ да тебе вси, яко тепла заступника, непрестанно почитаем.

Pages: 1 2 3

Проповеди

В этот день:
Русская Православная Церковь отмечает память святых:
Преподобного Корнилия, чудотворца Комельского (1537).
Благоверного вел кн. Димитрия Донского (1389).
Преподобного Корнилия, игумена Палеостровского, Олонецкого (ок. 1420).
Собор Харьковских святых.
Преподобного Иоанна, еп. Готфского (VIII).
Блгв. кн. Иоанна Угличского, в иночестве Игнатия, Вологодского (1523).
Преподобного Сергия Шухтомского (1609).
Священномученика Онуфрия, ариеп. Курского (1938).
Вступление в Грузию Равноап. Нины (Нино), просветительницы Грузии (323).
Свт. Дунстана, архиеп. Кентерберийского (988) (Кельт. и Брит.).
Кантарских преподобномучеников и исповедников, пострадавших от католиков, (1231).
Сщмчч. Онуфрий (Галаюк), еп. Курский (1938).
Мученика Калуфа Египтянина (284-303).
Священномученика Патрикия, еп. Прусского, и дружины его: Акакия, Менандра и Полиена пресвитеров (II-III).
Сщмч. Виктора Каракулина (1937).
Прмч. Валентина (Лукьянова) (1940).
Свт. мчч. Парфения и с ним брата его Калогерия (250).

Поученіе.Преп. Корнилій комельскій.  Прот. Григорій Дьяченко († 1903 г.)
Поученіе. Св. благоврный Іоаннъ угличскій, въ инокахъ Игнатій, вологодскій чудотворецъ.  Прот. Григорій Дьяченко († 1903 г.)

Храни вас Господь, Матерь Божия и все святые, их же память мы сегодня отмечаем!

Молитвы:

Сщмч. Патрикия, еп. Прусского. Кондак, глас 4.
Яко светосиянен добротою священства/ и мучения кровию преукрашен,/ с пострадавшими с тобою, Патрикие, Христу предстоя,/ о нас поминай,/ яко страдалец честный.

Прп. Корнилия, чудотворца Комельского. Тропарь, глас 4.
От юности горящим желанием Божественныя любве разжигаемь,/ житейския молвы оставил еси, преподобне,/ ревнитель Антонию Великому быв,/ безмолвием и жестоким пребыванием последуя Христу,/ бдением, и молитвами, и постом образ был еси твоим учеником./ Темже молися Господеви, Корнилие блаженне,/ спастися душам нашим.

Прп. Корнилия, чудотворца Комельского. Ин тропарь, глас 8.
Постническими труды нетрудную жизнь стяжа, преподобие,/ слезами же мысленнаго фараона потопил еси/ и вместо скорби радость обрел еси,/ предстоя Христови в лице святых,/ поминай молящихся чад твоих, Корнилие, отче наш.

Прп. Корнилия, чудотворца Комельского. Кондак, глас 8.
Господеви, от Святыя Девы возсиявшу мирови,/ и Тому измлада, яко Ангел, послужил еси, блаженне,/ и силою Его пустыню, яко град, сотворил еси,/ множество же ученик в ней собрал еси,/ ихже Богодохновенными ученьми просветил еси./ Тем вопием ти:/ радуйся, отче наш Корнилие, иноком Божественное удобрение.

Прп. Корнилия, игумена Палеостровского. Тропарь, глас 5.
От юности, премудре, прилежно подвизався,/ от Бога наставляемь,/ отечество свое оставль — град Псков,/ и вселися в пустыню,/ во отоце великаго езера Онега,/ иноки собра мудре/ и извещением Святаго Духа обитель согради/ и храм созда Пресвятей Богородице/ в похвалу Рождества Ей,/ струями же слез твоих/ безплотныя враги погрузил еси/ и жития твоего целомудрием со ангельскими лики совокупися,/ преподобие отче Корнилие,/ с нимиже Христа Бога моли/ спастися душам нашим.

Прп. Корнилия, игумена Палеостровского. Кондак, глас 3.
Яко Ангел во плоти, на земли показася,/ пощением насажден быв, преподобие отче Корнилие,/ наставник иноком многим был еси,/ сего ради вопием ти:/ моли Христа Бога спастися душам нашим.

Блгв. кн. Иоанна Угличского, в иночестве Игнатия, Вологодского. Тропарь, глас 2.
В житии своем многи скорби претерпел еси, блаженне,/ и терпения ради венец от Бога приял еси,/ и по смерти своей чудотворец показался еси,/ того ради память твою песньми почитаем,/ преподобие отче наш Игнатие,/ молися, предстоя Святей Троице,/ державе сродник твоих богоугодней быти/ и сыновом Российским спастися.

Блгв. кн. Иоанна Угличского, в иночестве Игнатия, Вологодского. Ин кондак, глас 8.
Чисто житие на земли пожил еси,/ душу и тело без скверны соблюл еси/ и терпения ради, своего мзду восприял еси./ И ныне на Небесех со Ангелы веселяся, преподобие отче Игнатие,/ молися непрестанно Христу Богу о всех нас, почитающих память твою/ и притекающих к раце мощей твоих.

Блгв. кн. Иоанна Угличского, в иночестве Игнатия, Вологодского. Кондак, глас 8.
Изрядная отрасле благочестиваго корене,/ дивный благородный цвете,/ избранный от пелен благодатию Христовою,/ возлюбленный от юности Духом Святым,/ девственное процветение, Игнатие блаженне,/ днесь, сошедшеся, вернии, в память твою,/ похвальными венцы честную твою главу венчающе, зовем:/ радуйся, преподобие, сосуде Святаго Духа, всея Российской земли удобрение.

Прп. Сергия Шухтомского. Тропарь, глас 8.
Бденными молитвами и потоки слезными пустыню напоил еси/ и из глубины воздыханьми ю расплодил еси/ и бысть постнически равно Ангелом житие твое;/ страдальчески бореньми, яже от бесов и от ненаказанных человек, претерпел еси/ и Ангелом собеседник явися,/ Божественнаго винограда насеятель быв;/ и, оставив временное житие, преселился еси в жилище Небесное./ Темже тя почитаем, преподобне отче наш Сергие,/ моли Христа Бога спастися душам нашим.

Pages: 1 2 3

Проповеди

В этот день:
Русская Православная Церковь отмечает память святых:

Память святых отцев семи Вселенских Соборов.
Мученика Феодота Анкирского .
Святого Макария (Глухарева), Алтайского, Сибирского (1847).
Праведного Иоанна (Гашкевича) пресвитера Кормского (1917).
Мучеников Симеона, Исаака и Вахтисия (IV).
Мучеников Петра, Дионисия, Андрея, Павла, Христины (249-251).
Священномученика Дамиана Граховского (1940) (Сербия)
Сщмч. Михаила Виноградова, иерея (1932).
Сщмч. Василия Крылова, пресвитера (1942).
Мчч. Ираклия, Павлина и Венедима (250).
Мчч. Давида и Таричана (693) (Груз.).
Мч. Евфрасии, Никейской (Греч.).

Поученіе. Св. муч. еодотъ анкирскій. Прот. Григорій Дьяченко († 1903 г.)

Храни вас Господь, Матерь Божия и все святые, их же память мы сегодня отмечаем!

Кондак мученика Феодота Анкирского и иже с ним, глас 2

Страдальчески подвизався добре, со сострадальцы твоими, Феодоте,/ и венцы почести приясте с честными страстотерпицами девами.// Темже Христа Бога молите непрестанно о всех нас.

Иоанна (Гашкевича) Кормского. Тропарь, глас 4
Святче Божий, отче наш праведне Иоанне, пресвитере славне стада Христова, свято житие твое совершив, даром прозрения и исцеления Господь тя одари, и ныне нетленным телесем с нами пребывая, моли Христа Бога нашего, да спасет Господь души наша, почитающих, блаженне, святую память твою.

Иоанна (Гашкевича) Кормского. Кондак, глас 6
От чрева матери дивно прореченный, избранник Божий явился еси, не токмо в житии Богом прославленный, но и по смерти нас не оставивый, в дивном явлении руце за род православный ко Христу простирая, молися Владыце всех царю помиловати нас, чтущих святую память твою.

Иоанна (Гашкевича) Кормского. Величание
Величаем тя, святый праведный отче наш Иоанне, и чтим святую память твою, ты бо молиши за нас Христа Бога нашего.

Pages: 1 2 3

Проповеди

В этот день:
Русская Православная Церковь отмечает память святых:
Апостола от 70-ти Андроника и св. Иунии, помощницы его (I).
Преподобной Евфросинии, в миру Евдокии, вел. кн. Московской (1407).
Праведного Ионы, пресвитера Одесского (1924).
Великомученика Николая Софийского (1555).
Св. Мелангеллы, девы-отшельницы Уэлльской (V) (Кельт. и Брит.).
Прпп. Нектария и Феофана Метеорских (Греч.).
Мученика Солохона (284-305).
Святителя Стефана, патриарха Константинопольского (893).
Перенес. мощей прп. Адриана, игумена Ондрусовского.

Поученіе. Св. апостолъ Андроникъ и и Юнія, помощница его. Прот. Григорій Дьяченко († 1903 г.)

Храни вас Господь, Матерь Божия и все святые, их же память мы сегодня отмечаем!

Молитвы:

Ап. от 70-ти Андроника. Тропарь, глас 3.
Апостоли святии,/ молите Милостиваго Бога,/ да прегрешений оставление/ подаст душам нашим.

Ап. от 70-ти Андроника. Кондак, глас 2.
Звезду пресветлую,/ Богоразумия светом просвещшаго языки/ апостола Христова Андроника восхвалим/ и с ним во благовестии потрудившуюся Иунию премудрую, вопиюще:/ молите Христа Бога непрестанно о всех нас.

Великомч. Николая Софийского. Тропарь, глас 3.
Зарею Духа обогатився, славне,/ и оттуду восприим дерзновение,/ исповедал еси на судищи мужески Троицу Единосущную,/ темже и камением побиваемь,/ не покорился еси./ Огнем же сожигаемь,/ обличил еси прелесть безбожных,/ многострадальне святе Николае./ Сего ради молим тя:/ испроси душам нашим/ велию милость.

Великомч. Николая Софийского. Кондак, глас 2.
Благочестия истиннаго поборника/ и в бедах непобедимаго помощника,/ Божественнаго Николая в песнех восхвалим:/ сей бо явися в последняя лета звезда пресветлая,/ просвещающая верных сердца,/ и, со Ангелы ныне Троице предстоя,/ непрестанно молится о всех нас.

Прп. Евфросинии, в миру Евдокии. Тропарь, глас 8.
По земнем вдовстве Небесному Жениху себе уневестивши/ и в княжестем чертозе подвижнически поживши,/ послежде и чертог, и чад твоих Бога ради оставила еси,/ преподобная Евфросиние,/ и, вшедши во обитель, тобою созданную,/ во иноческом образе многи подвиги показала еси,/ и святое житие по благодати Божией блаженною кончиною увенчала еси/. И ныне, предстоящи Христу Богу,/ моли спастися душам нашим.

Прп. Евфросинии, в миру Евдокии. Кондак, глас 2.
Вся красная мира сего яко суетная презревши/ и тело твое постом и бдением изнуривши,/ непрестанными молитвами Богу угодила еси,/ преподобная Евфросиние,/ и, дар исцелений от Него прияти сподобльшися,/ слепому прозрение/ и многим недужным исцеление даровала еси./ Темже радостно взываем, глаголюще:/ слава Богу, прославляющему святыя Своя.

Pages: 1 2 3

Проповеди

В этот день:
Русская Православная Церковь отмечает память святых:

Преподобного Пахомия Великого (348).
Святителя Исаии, еп. Ростовского, чудотворца (1090).
Святителя Макария (Глухарева) архиман. Алтайского (1847).
Благоверного царевича Димитрия, Угличского и Московского (день убиения) (1591).
Преподобного Пахомия Нерехтского (1384).
Преподобнго Евфросина и ученика его Серапиона, Псковских (1481).
Св. Варвара Мироточивого
Прп. Ахиллия, еп. Ларисийского (ок. 330).
Св. Арефы Верхотурского и Валаамского (1903).
Преподобного Исаии Печерского (1115).
Свт. Пахомия Черниговского (1938),
Свщмч. Аверкия (Кедрова) (1937)

Поученіе. Преподобный Пахомій великій. Прот. Григорій Дьяченко († 1903 г.)
Поученіе. Святый благоврный князь царевичъ Димитрій угличскій. Григорій Дьяченко († 1903 г.)

Храни вас Господь, Матерь Божия и все святые, их же память мы сегодня отмечаем!

Молитвы:

Прп. Пахомия Великого. Тропарь, глас 8.
Слез твоих теченьми пустыни безплодное возделал еси,/ и иже из глубины воздыханьми во сто трудов уплодоносил еси,/ и был еси светильник вселенней, сияя чудесы, Пахомие отче наш,/ моли Христа Бога спастися душам нашим.

Прп. Пахомия Великого. Кондак, глас 2.
Светильник светел показался еси в концех,/ пустыню же грады сотворил еси множествы монашескими,/ сам себе распен, крест твой на рамо взем,/ и воздержанием тело изнурил еси,/ моля непрестанно о всех нас.

Свт. Исаии, еп. Ростовского, чудотворца. Тропарь, глас 8.
Православия наставниче,/ благочестия учителю и чистоты,/ Ростову пресветлый светильниче,/ святителем Богодохновенное удобрение,/ Исаие премудре,/ учением бо твоим вся Российския концы просветил еси благодатию духовною,/ святителю блаженне,/ моли Христа Бога, да спасет души наша.

Свт. Исаии, еп. Ростовского, чудотворца. Ин тропарь, глас 2.
В иноцех святыя лавры Печерския/ благоискусен показавыйся/ и во архиерейстем сане добр пастырь/ своему стаду, Боголюбезне Исаие, бывый,/ моли о нас Пастыреначальника Христа Бога/ да помилует и спасет души наша.

Свт. Исаии, еп. Ростовского, чудотворца. Кондак, глас 3.
Яко гром, возгремел еси Божественными твоими учении в Российстей земли/ и явился еси светильник пресветел,/ осияя светом Богоразумия, Исаие блаженне./ Темже вопием тй:/ Христа Бога моли непрестанно о всех нас.

Блгв. царевича Димитрия. Тропарь, глас 4.
Царскую диадиму обагрил еси кровию твоею,/ Богомудре мучениче,/ за скиптр Крест в руку приим,/ явился еси победоносец/ и жертву непорочну Владыце принесл еси себе:/ яко бо агнец незлобив, от раба заколен еси./ И ныне, радуяся, предстоиши Святей Троице,/ молися о державе сродников твоих богоугодней быти/ и сыновом российским спастися.

Блгв. царевича Димитрия, Ин тропарь, глас 2.
Яко благочестиваго корене Боголюбивый произыде плод,/ яко агня незлобиво, неповинно во младенстве заклан бысть/ от властолюбца вкупе и злаго раба./ Тем, яко златыми крылы,/ душевною чистотою и младенческим незлобием/ к Небесней высоте возлетел еси, страстотерпче Димитрие./ И ныне,кровь твоя от земли тайно вопиет к Богу,/ яко Авеля праведнаго./ Сего ради покланяемся верою ти,/ славяще прославльшаго тя Бога,/ Егоже моли стране нашей богоугодней быти/ и сыновом русским спастися.

Блгв. Царевича Димитрия, Ин тропарь, глас 1.
Всеоружеством Духа благодати вооружен быв/ и необорим столп и утверждение отечеству своему показася,/ яко агнец незлобивый, от врага неправедно заклан быв/ и в жертву непорочну Господеви принесеся./ И ныне дар благодати от всех Подвигоположника прием,/ источавши всем исцеление, достохвальне благоверный царевичу княже Димитрие./ Слава Восприимшему тя от земных в Небесная,/ слава Венчавшему тя венцем неувядаемым,/ слава Действующему тобою всем исцеление.

Блгв. царевича Димитрия, Кондак, глас 8.
Возсия днесь в славней памяти твоей верным веселие,/ яко бо доброрасленный грезн, прозябл еси/ и Христу красен плод принесл еси себе;/ темже и по убиении твоем соблюде тело твое нетленно,/ страдальчески обагреное кровию./ Благородие святе Димитрие,/ соблюдай отечество твое и град твой невредим,/ тому бо еси утверждение.

Прп. Евфросина Псковского. Тропарь, глас 4.
Житейскую печаль и всяк мятеж мира сего/ любве ради Христовы со дерзновением отвергл еси, блаженне,/ и повеленная распятым Господем Иисусом Христом/ вся исправил еси,/ и, Того ярем взем, во всем воли Его повинулся еси,/ и, благочестив делатель, животным заповедем Христовым/ благотрудно прилежал еси./ И сего ради Бог прослави тя/ и по преставлении чудеса показа от честнаго гроба твоя,/ Темже и неоскудно угобзися обитель твоя,/ и нищим бысть богатное пристанище и покров,/ отче наш преподобне Евфросине,/ моли Христа Бога, да спасет души наша.

Прп. Евфросина Псковского. Ин тропарь, глас тойже.
Изволением Божественнаго разума вселися в пустыню/ и тамо вперив свой ум в Небесныя обители/ и равно Ангелом житие пожив на земли,/ в молитвах, и в трудех, и в пощениих образ быв своим учеником./ Темже Бог, видев твое благое изволение,/ умножи тебе чада в пустыни,/ слез твоих тучами напаяема,/ но, яко имея дерзновение к Богу,/ поминай стадо свое, еже собрал еси, мудре,/ и не забуди, якоже обещался еси, посещая чад своих,/ Евфросине, преподобие отче наш.

Прп. Евфросина Псковского. Кондак, глас 8.
Божиим светолитием просвещен, отче,/ постническое стяжав жительство, преподобие,/ иноком предобрый наставниче и постником благое украшение./ Сего ради Господь, труды твоя видев, даром чудес обогати тя,/ источавши бо исцеления./ Мы же, радующеся, вопием ти:/ радуйся, отче Евфросине, иноком удобрение.

Прп. Пахомия Нерехтского. Тропарь, глас 1.
Житейских молв, преподобне, отвергся/ и, яко птищ, обрете себе в пустыни безмолвие,/ в молитвах и бдении прилежа Богови,/ преподобне отче Пахомие,/ и остави древнее пребывание,/ и отыде в пустыню, и в ней водворися,/ и состави обитель во Имя Пресвятыя Троицы,/ и процвел еси, аки финикс,/ и бысть образ утешения духовнаго./ Темже, преподобне Пахомие,/ моли Пресвятую Троицу/ спастися душам нашим.

Pages: 1 2 3

Проповеди

В этот день:
Русская Православная Церковь отмечает память святых:

Мученика Исидора (251).
Блаженного Исидора, Христа ради юродивого, Ростовского чудотворца (1474).
Преподобного Никиты, затворника Печерского, еп. Новгородского (1109).
1-е открытие мощей свт. Тихона, еп. Задонского (1846).
Мученика Максим Азийского (ок. 250).
Преподобного Серапиона Синдонита (V).
Святителя Леонтия, патриарха Иерусалимского (1175).
Св. Матфея, иеромонаха Ярамского на Вятке (1927).
Сщмч. Петра пресвитера (1939).
Свт. Апрункула, еп. Клермонского, в Галлии (Галл.).
Cвв. мчч. Александра, Варвара и Аколифа (Греч.).
Св. Андрея, настоятеля Рафаельского (Тобольского) (1820).
Теребенской иконы Божией Матери (1654)
Ярославской (Печерской) иконы Божией Матери (1823).
Икона Божией Матери Челнская (Умиление)

Поученіе. День внчанія на царство Благочестивйшаго Государя Императора Николая Александровича. Прот. Григорій Дьяченко († 1903 г.)
Поученіе. День коронованія Ихъ Императорскихъ Величества. Прот. Григорій Дьяченко († 1903 г.)
Поученіе. Святой мученикъ Исидоръ.  Прот. Григорій Дьяченко († 1903 г.)
Поученіе. Преп. Серапіонъ. Прот. Григорій Дьяченко († 1903 г.)

Храни вас Господь, Матерь Божия и все святые, их же память мы сегодня отмечаем!

Молитвы:

Мч. Исидора. Тропарь, глас 4.
Мученик Твой, Господи, Исидор/ во страдании своем венец прият нетленный от Тебе, Бога нашего,/ имеяй бо крепость Твою/ мучителей низложи,/ сокруши и демонов немощныя дерзости./ Того молитвами/ спаси души наша.

Мч. Исидора. Кондак, глас 4.
Управитель превеликий вселенней ты явился еси, святе,/ твоими к Богу молитвами,/ темже воспеваем тя днесь,/ мучениче Богомудре,/ Исидоре преславне.
Блж. Исидора, Христа ради юродивого. Тропарь, глас 4.
Просветився Божественною благодатию, Богомудре,/ целомудрием многим и терпением/ во временней жизни течение добре скончал еси./ Тем и по смерти яви тя светлость жития твоего:/ источавши бо исцелений благодать/ иже с верою притекающим ко святому твоему гробу,/ Исидоре блаженне,/ моли Христа Бога,/ да спасет души наша.
Блаженного Исидора. Ин тропарь, глас тойже.
От земли Воззвавый тя на вечныя обители,/ соблюдает и по смерти тело твое невредимо,/ святе Исидоре,/ ты бо в целомудрии и чистоте жития пожил еси, блаженне,/ не осквернив своего телесе,/ темже со дерзновением Христа Бога моли/ спастися душам нашим.

Блаженного Исидора. Ин тропарь, глас 1.
Божественною свыше просветився благодатию, Богомудре,/ многим терпением во временней жизни течение совершил еси,/ темже и по успении источавши чудеса/ иже с верою приходящим к раце мощей твоих, Исидоре всеблаженне./ Слава Давшему ти крепость,/ слава Прославльшему тя в чудесех,/ слава Действующему тобою всем исцеления.

Блаженного Исидора. Ин кондак, глас 4.
Верою память твою, блаженне, совершающий,/ соблюдай от всякия злобы и соблазна змиина,/ имаши бо дерзновение ко всех Владыце, Христу Богу,/ Егоже моли избавитися от бед и напастей рабом твоим,/ Богомудре Исидоре.

Блаженного Исидора. Кондак, глас 8.
Взбранному и дивному в праведницех,/ иже убо от Христа дар чудес приимшему,/ похвальный ныне принесем глаголы,/ но яко имея дерзновение ко Святей Троице,/ Юже моли избавитися от бед рабом твоим, да зовем ти:/ радуйся, Богомудре Исидоре.

Прп. Никиты, затворника Печерского. Тропарь, глас 2.
Небеснаго пространства желая,/ от юности в тесне месте затворился еси,/ в немже прельщен быв от врага,/ паки смирением и послушанием победил еси прелестника крепце, Никито,/ и ныне, предстоя Христови,/ моли спастися всем нам.

Прп. Никиты, затворника Печерского. Кондак, глас 1.
Победив вражия лести добле/ и светло добродетельми просияв,/ святительства одеждою облеклся еси, преславне Никито,/ в немже светом жития твоего и чудесы сияя паче солнца,/ многих просветив, привел еси Христови,/ Егоже моли о нас, поющих тя.

Pages: 1 2 3

Проповеди

В этот день:
Русская Православная Церковь отмечает память святых:

Святителя Серватия первого епископа Маастрихтского (384)
Мученицы Гликерии девы и с нею мч. Лаодикия, стража темничного (ок. 177).
Праведной Гликерии девы, Новгородской (1522).
Прмчч. Макария, архим. Каневского, игумена Пинского, Переяславского чудотворца (1688).
Мученика Александра Римского (284-305).
Преподобного Амфилохия Глущицкого (1452)
Преподобного Евфимия Нового, осн. Иверского м-ря и его сподвижников (Греч.).
Св. Леандра Севильского (660).
Святителя Павсикакия, еп. Синадского (606).
Преподобного Иоанна Иверского, Афонского (Греч.).
Сщмч. Василия Соколова, протоиерея,(1922)
Сщмч. Александра Заозерского, протоиерея, (1922)
Сщмч. Христофора Надеждина, священник, (1922)
Прмч. Макария (Телегина), иеромонаха (1922)
Мч. Сергия Тихомирова, мирянина (1922).
103 новомчч. Черкасских.(XX)

Поученіе. Св. мученица Гликерія. Прот. Григорій Дьяченко († 1903 г.)

Храни вас Господь, Матерь Божия и все святые, их же память мы сегодня отмечаем!
Молитвы:

Мц. Гликерии девы. Тропарь, глас 4.
Агница Твоя, Иисусе, Гликерия,/ зовет велиим гласом:/ Тебе, Женише мой, люблю,/ и, Тебе ищущи, страдальчествую,/ и сраспинаюся, и спогребаюся крещению Твоему,/ и стражду Тебе ради,/ яко да царствую в Тебе, и умираю за Тя,/ да и живу с Тобою,/ но, яко жертву непорочную, приими мя, с любовию пожершуюся Тебе./ Тоя молитвами,/ яко Милостив, спаси души наша.

Мц. Гликерии девы. Кондак, глас 3.
Деву любящи и Богородицу Марию,/ соблюла еси нетленно твое девство,/ любовию же ко Господу усердствовавши,/ пострадала еси мужемудренно даже до смерти./ Сего ради и сугубым тя, дево мученице, венцем венчает Христос Бог.

Прмч. Макария, архим. Каневского. Тропарь, глас 4.
Христу, нас ради с Небес сошедшему,/ последовал еси в подвизех твоих,/ Макарие, отче наш./ Егоже моли о нас, ублажающих тя,/ прощение прегрешений даровати нам,/ любовию же и смирением сердца наша озарити/ и спасти души наша.

Прмч. Макария, архим. Каневского. Ин тропарь, глас 4.
Божественным желанием весь сам себе от юнаго возраста Господеви возложив,/ явился еси светильник светлый граду твоему,/ поучая всех истинней вере и житию богоугодному,/ священно-мучениче Макарие, Овручская похвало./ Сего ради, яко агнец непорочный, гонимый от распрелюбивых врагов,/ возшел еси во обитель Каневскую,/ идеже, яко пастырь добрый, душу твою положил еси за овцы твоя./ И ныне ко всечестней раце многоцелебных мощей твоих/ мы, грешнии, со умилением притекающе,/ дар исцеления приемлем, многострадальне:/ ты бо присно источаеши болящим здравие, печальным утешение/ и всем, чтущим тя, всякое исполнявши требование,/ моляся Христу Богу спастися душам нашим.

Прмч. Макария, архим. Каневского. Ин тропарь, глас 8.
Ко всечестней раце многоцелебных мощей твоих,/ преподобномучениче Макарие,/ мы, грешнии, притекающе, дар исцеления приемлем:/ ты бо присно источаеши болящим здравие, печальным утешение/ и всех, чтущих тя, всякое исполнявши требование,/ молящеся Христу Богу спастися душам нашим.

Прмч. Макария, архим. Каневского. Ин кондак, глас 2.
Постническое и равноангельное житие твое/ страдальческими уяснил еси подвиги/ и Ангелом совсельник, Богоблаженне, явился еси, Макарие,/ с нимиже Христу Богу моляся не престай/ о всех нас.

Прмч. Макария, архим. Каневского. Кондак, глас 4.
Нетленною красотою смиреннаго жития твоего/ Бога на земли прославил еси/ и Божественный веры чистоту/ сохраняти люди научил еси,/ страдальческими же подвиги кончину прием,/ от Бога прославлен явился еси,/ преподобномучениче Макарие, отче наш.

Прав. Гликерии девы, Новгородской. Тропарь, глас 8.
Вышния красоты желающи,/ нижния сласти телесныя далече от себе отринула еси/ и, нестяжание паче суетнаго мира возлюбивши,/ ангельское житие провождала еси, Гликерие, дево блаженная,/ моли Христа Бога спастйся душам нашим.

Прпп. Амфилохия, Макария, Тарасия, и Феодосия, Глушицких чудотворцев. Тропарь, глас 8.
Светильники светлыя явльшеся,/ доброту земную мудренно оставльше,/ и идоша во внутреннюю пустыню, Амфилохие, Макарие, Тарасие и Феодосие,/ смирение и всякую добродетель извыкше,/ и обретоша безсмертие,/ постом и бдением и прочим воздержанием себе приносите Христу,/ и ныне на Небесех Престолу Христову предстоите./ Молите, отцы Богомудрии, Амфилохие, Макарие, Тарасие и Феодосие,/ умирити мир и спастися душам поющих вас/ и согрешений оставление даровати/ чтущим всечестную память вашу.

Прпп. Амфилохия, Макария, Тарасия, и Феодосия, Глушицких чудотворцев. Кондак, глас 2.
Яко незаходимая светила мысленнаго Солнца,/ просветисте вселенную/ и, верных души и телеса лучами чудес ваших озаряюще,/ независтно подаваете от недуг исцеление./ Темже, сошедшеся, верою вас в песнех восхваляем,/ яко наши премудрыя наставники и к Богу ходатаи,/ и непрестанно вопием: радуйтеся, отцы Богомудрии,/ Амфилохие, Макарие, Тарасие и Феодосие.

Pages: 1 2 3