В этот день:
Русская Православная Церковь отмечает память святых:

Апостола и евангелиста Иоанна Богослова (98-117).
Преподобного Арсения Великого (449-450).
Святителя Виро еп. Утрехтского. (735)
Преподобного Пимена постника Печерский в Дальних пещерах. (XII)
Преподобного Арсения трудолюбивого (XIV)
Прп. Арсения Новгородского, юродивого. (1570)
Святителя Макария, архиеп. Гентского (1012; Нидерл.).
Прпп. Зосимы и Адриана Волоколамских (XV-XVI).
Мученика  Никифора  Зайцева(1942)

Храни вас Господь, Матерь Божия и все святые, их же память мы сегодня отмечаем!

Молитвы:

Тропарь апостола Иоанна Богослова, глас 2

Апостоле, Христу Богу возлюбленне,/ ускори избавити люди безответны,/ приемлет тя припадающа/ Иже падша на перси приемый./ Егоже моли, Богослове,/ и належащий облак языков разгнати,// прося нам мира и велия милости.

Кондак апостола Иоанна Богослова, глас 2

Величия твоя, девственниче, кто повесть?/ Точиши бо чудеса, и изливаеши исцеления,/ и молишися о душах наших,// яко Богослов и друг Христов.

Тропарь преподобного Арсения, глас 8

Слез твоих теченьми пустыни безплодное возделал еси,/ и иже из глубины воздыханьми во сто трудов уплодоносил еси,/ и был еси светильник вселенней, сияя чудесы, Арсение отче наш,// моли Христа Бога спастися душам нашим.

Кондак преподобного Арсения, глас 3

От Рима возсиял еси, якоже солнце великое,/ и к Царскому граду достигл еси, преблаженне,/ словесы твоими просвещая сего и делы,/ всяку неразумия мглу отгоня./ Сего ради тя почитаем,// отцев славо, Арсение преподобне.

Тропарь преподобного Арсения трудолюбивого, глас 8

Слез твоих теченьми пустыни безплодное возделал еси,/ и иже из глубины воздыханьми во сто трудов уплодоносил еси,/ и был еси светильник вселенней, сияя чудесы, Арсение отче наш,/ моли Христа Бога спастися душам нашим.

Кондак преподобного Арсения трудолюбивого, глас 8

Яже на земли оставль, Христовым стопам последовал еси тепле/ и, Того, славне, на рамо взем честный крест,/ умертвил еси труды постническими телесныя желания, треблаженне./ Темже зовем ти: радуйся, отче Арсение.

Pages: 1 2 3

Неделя 7-я по Пасхе, святых отцев I Вселенского Собора

В этот день:

Русская Православная Церковь отмечает память святых:

Праведной Лидии порфиропродательницы, Филиппийской (I в.)
Мученика Акакия сотника (303).
Воспоминание явления на небе Креста Господня в Иерусалиме (351).
Преподобного Евфимия Великого (473)
Преподобного Шио Мгвимского (около 559)
Прпп. Иоанна Зедазнийского и учеников его (VI) (Груз. ).
Святителя Иоанна Беверлийского, еп. Йоркского (751) (Кельт. и Брит.).
Преподобного Нила Сорского (1508).
Обретение мощей прп. Нила Мироточивого, Афонского (1815).
Святителя Дометиана, еп. Маастрихтского (560) (Нидерл.).
Новомч. Пахомия Патмосского (1730) (Греч. ).
Любечской иконе Божией Матери
Жировицкой  иконе Божией Матери.

Проповедь в Неделя 7-ю по Пасхе, святых отец 1 Вселенского Собора. Схиархимандрит Авраам (Рейдман)

Храни вас Господь, Матерь Божия и все святые, их же память мы сегодня отмечаем!

Молитвы:

Тропарь в честь воспоминания явления на небе Креста Господня, глас 8

Креста Твоего образ ныне паче солнца возсия,/ егоже от горы святыя даже до лобнаго места простерл еси/ и в нем Твою, Спасе, крепость уяснил еси./ сим укрепляя нас/ и спасай выну в мире/ молитвами Богородицы, Христе Боже, и спаси нас.

Кондак в честь воспоминания явления на небе Креста Господня, глас 4

Отверзый небеса заключенная,/ на небеси пресветлыя лучи,/ на земли возсия пречистый Крест;/ Темже сияний Его действа приемше,/ к незаходимому наставляемся свету/ и во бранех имамы Его оружие мира/ непобедимую победу.

Тропарь преподобного Нила Сорского, глас 4

Удалився бегая Давидски мира,/ и вся яже в нем яко уметы вменив,/ и в месте безмолвне вселився,/ духовныя радости исполнился еси, отче наш Ниле:/ и Единому Богу изволив служити,/ процвел еси яко финикс,/ и яко лоза благоплодна умножил еси чада пустыни./ Темже благодарственно вопием:/ слава Укрепившему тя в подвизе пустынножительства,/ слава Избравшему тя в России отшельником уставоположника изрядна,/ слава молитвами твоими и нас Спасающем.

Ин тропарь преподобного Нила Сорского, глас 1

Мирскаго жития отвергся/ и мятежа житейскаго бегая,/ преподобне и Богоносне отче наш Ниле,/ не обленился еси собрати цветы райския от писаний отеческих/ и, в пустыню вселився,/ процвел еси, яко крин сельныи,/ отонюду же прешел еси и в Небесныя обители;/ научи и нас, честно почитающих тя,/ твоим царским путем шествовати/ и молися о душах наших.

Кондак преподобного Нила Сорского, глас 8

Любве ради Христовы удалився мирских смущений,/ радостною душею вселился еси в пустыни,/ в нейже подвизався добре,/ яко Ангел на земли, отче Ниле, пожил еси:/ бдением бо и постом тело свое изнурил еси вечныя ради жизни./ Еяже ныне сподобився,/ во свете неизреченныя радости Пресвятей Троице со святыми предстоя,/ моли, молимтися, припадающе, чада твоя,/ сохранитися нам от всякаго навета и злых обстояний/ видимых и невидимых враг/ и спастися душам нашим.

Ин кондак преподобного Нила Сорского, глас 3

Терпя, потерпел еси суетныя обычаи/ и мирския нравы братии твоих,/ обрел еси пустынное безмолвие, преподобне отче,/ идеже постом, бдением и непрестанною молитвою в трудех подвизався,/ ученьми твоими правыя стези указал еси нам/ шествовати ко Господу./ Темже и почитаем тя, всеблаженне Ниле.

Тропарь преподобного Шио Мгвимского, глас 8

В тебе, отче, известно спасеся еже по образу,/ приим бо крест, последовал еси Христу,/ и, дея, учил еси презирати убо плоть, преходит бо,/ прилежати же о души, вещи безсмертней./ Темже и со Ангелы срадуется, преподобне Шио, дух твой.

Кондак преподобного Шио Мгвимского, глас 4

Житие твое служением Господним исправил еси/ и, взем крест, оставил еси вся житейская,/ красото пустыни, преподобне Шио./ Кого убо паче тя, и по смерти жива суща/ страна Иверская почитает/ и мощми твоими, от гроба явленными услаждается,/ темже не престай моляся о нас ко Господу.

Тропарь Божией Матери пред иконой Ее Жировицкой, глас 5

Пред святою Твоею иконою, Владычице,/ молящиися исцелений сподобляются,/ веры истинныя познание приемлют/ и агарянская нашествия отражают/ Темже и нам, к Тебе припадающим,/ грехов оставления испроси,/ помыслами благочестия сердца наша просвети/ и к Сыну Твоему молитву вознеси/ о спасении душ наших.

Ин тропарь особый Божией Матери пред иконой Ее Жировицкой, глас 2

Помощи от Тебе требующий не презри, Владычице,/ и милосердия бездну отверзи всем,/ притекающим к цельбоносней иконе Твоей./ Печали наша житейский утоли, Всещедрая,/ и от юдоли сея плачевныя/ к радости вечней верныя Твоя престави:/ Тебе бо вси стяжахом надежду и утверждение,/ милости источник, покров и спасение душ наших.

Кондак Божией Матери пред иконой Ее Жировицкой, глас 4

Величия Твоя кто исповесть,/ Пресвятая Дево,/ Творца всех Христа Бога рождшая?/ Едина бо еси Мати и Дева/ Преблагословенная и Препрославленная,/ упование наше, источник благостыни,/ верным прибежище и миру спасение.

Тропарь Божией Матери пред иконой Ее Любечской, глас 4

Преблагословенная Царице,/ Пречистая Дево Богородице,/ прославльшая град Любеч/ угодника Твоего преподобнаго Антония Печерскаго рождением и чудотворныя иконы Твоея явлением,/ молим Тя, Всеблагая:/ моли за ны рождшагося от Тебе Царя,/ Христа Бога нашего,/ и Матерним Твоим к Нему предстательством избави нас от всякаго зла,/ недуги наша исцели, печали наша утоли/ и наследники яви нас Царствия Небеснаго,/ яко Милосердна.

Кондак Божией Матери пред иконой Ее Любечской, глас 8

Притецем, вернии, к многоцелебному образу Заступницы нашел, Богородицы Марии,/ и, припадающе к нему с любовию, сице рцем:/ о Всепетая Мати, о Царице Всемилостивая,/ призри свыше благосердием Твоим на ны, недостойныя,/ и молитвами угодника Твоего, преподобнаго Антония Печерскаго,/ яви нам Твоя милости и щедроты:/ в болезнех исцеление, в скорбех утешение,/ в бедах скорую помощь нам даруй,/ и вся ны спаси, на Тя уповающий, да зовем Ти:/ радуйся, Дево, христиан заступ

Pages: 1 2 3

В этот день:

Русская Православная Церковь отмечает память святых:

Праведного Иова Многострадального (ок. 2000—1500 гг. до Р.Х.).
Мчч. Варвара воина, Вакха, Каллимаха и Дионисия (ок. 362).
Святителя  Фульгентия Руспийского , епископа, блаженного (530)
свт. Едберта, еп. Ландисфарнского (698) (Кельт. и Брит.).
Святителя Кассиана Нарнского, епископа (VI-VII)
Мученика Варвара, бывшего разбойника (IX)
Перенес. мощей прп. Саввы Сербского (1237; Греч.).
Перенес. мощей прп. Пахомия Нерехтского. (1384).
Преподобного Михея Радонежского (1385).
Преподобного Иова, игумена и чудотворца Почаевского. (1651).
Мученика Вукашина (Мандрапа) Ясеновацкого, Клепацкого (1943)
Прп. Серафима с горы Домву (1602; Греч.).

Храни вас Господь, Матерь Божия и все святые, их же память мы сегодня отмечаем!

Молитвы

Тропарь праведного Иова Многострадального, глас 1

Богатство видев добродетелей Иовлих,/ украсти кознствоваше праведных враг,/ и, растерзав столп телесе,/ сокровище не украде духа,/ обрете бо вооружену непорочнаго душу,/ мене же и обнажив плени:/ предварив убо мя прежде конца,// избави мя льстиваго, Спасе, и спаси мя.

Ин тропарь праведного Иова Многострадального, глас 2

Память праведнаго Твоего Иова, Господи, празднующе,/ тем Тя молим:/ избави нас от наветов и сетей лукаваго диавола/ и спаси души наша, яко Человеколюбец.

Кондак праведного Иова Многострадального, глас 8

Яко истинен и праведен, богочестив и непорочен,/ освящен же явлься, всеславне, Божий угодниче истинный,/ просветил еси мир в терпении твоем, терпеливейший и доблейший.// Темже вси, богомудре, память твою воспеваем.

Тропарь мученика Варвара, бывшего разбойника, глас 4

Мученик Твой, Господи, Варвар,/ во страдании своем венец прият нетленный от Тебе, Бога нашего:/ имеяй бо крепость Твою,/ мучителей низложи,/ сокруши и демонов немощный дерзости./ Того молитвами/ спаси души наша.

Кондак мученика Варвара, бывшего разбойника, глас 3

От Бога данныя ти благодати,/ страстотерпче Варваре святе,/ яко многоценным миром, нас посещай целебне,/ да вопием ти:/ радуйся, испивый сладостне чашу Христовых страстей.

Тропарь преподобного Иова игумена Почаевского, глас 4

Многострадальнаго праотца долготерпение стяжав,/ Крестителеву воздержанию уподобляяся,/ Божественныя же ревности обою приобщаяся,/ тех имена достойно прияти сподобился еси/ и истинныя веры был еси проповедник безбоязнен;/ темже монахов множества ко Христу привел еси,/ и вся люди в Православии утвердил еси,/ Иове преподобне отче наш,/ моли спастися душам нашим.

Кондак преподобного Иова игумена Почаевского, глас 4

Явился еси Истинныя веры столп,/ Евангельских же заповедей ревнитель,/ гордыни обличение, смиренным же предстатель и научение:/ темже и ублажающим тя грехов отпущение испроси/ и обитель твою невредиму сохрани,/ Иове отче наш,/ Многострадальному подобный.

Тропарь преподобного Михея Радонежского, глас 4

Иго Господне на рамо взем,/ последовал еси Христови со учителем своим преподобным Сергием,/ с нимже и сподобился еси видети Пресвятую Богородицу./ И слышал еси пресладкий глас Ея,/ яко обещася неотступна быти места сего,/ но, о преподобне Михее,/ молися о чтущих святую память твою.

Кондак преподобного Михея Радонежского, глас 8

Приидите, монашествующих собори и постников лицы,/ сошедшеся, похвалим блаженнаго Михея,/ спостника преподобнаго Сергия,/ с нимже предстоит Святей Троице/ и молится спастися душам нашим.

Pages: 1 2 3

В этот день:

Русская Православная Церковь отмечает память святых:

Великомученицы Ирины (I-II).
Св. Илария Арльского (449).
Святого Альдхельма еп. Шерборнского. (709)
Святителя Евфимия, епископа Мадитского (996)
Преподобного Варлаама Серпуховского (1377).
Преподобного Гедеона Серпуховского (1392)
Преподобного Адриана Монзенского. (1610)
Прпмч. Ефрема, Неа Макрийского (1426; Греч.).
Обретение мощей прп. Иакова Железноборовского (1442).
Иконы Божией Матери «Неупиваемая чаша» (1878).

Храни вас Господь, Матерь Божия и все святые, их же память мы сегодня отмечаем!

Молитвы:

Тропарь мученицы Ирины, глас 4

Агница Твоя, Иисусе, Ирина/ зовет велиим гласом:/ Тебе, Женише мой, люблю,/ и, Тебе ищущи, страдальчествую,/ и сраспинаюся, и спогребаюся Крещению Твоему,/ и стражду Тебе ради,/ яко да царствую в Тебе, и умираю за Тя,/ да и живу с Тобою,/ но яко жертву непорочную приими мя,/ с любовию пожершуюся Тебе.// Тоя молитвами, яко Милостив, спаси души наша.

Кондак мученицы Ирины, глас 4

Девства добротами преиспещренна, дево,/ страдальчеством была еси краснейшая, Ирино,/ кровьми твоими истекшими обагрена,/ прелесть же низложившая безбожия.// Сего ради и прияла еси почести победы рукою Создателя твоего.

Тропарь преподобного Иакова Железноборовского, глас 4

Небеснаго желая,/ земная возненавидел еси/ и, взем крест свой, последовал еси Христу/ и от Него прием дарования чудес,/ исцеляти недужныя;/ но, яко имея дерзновение ко Святей Троице,/ испроси православным Христианом здравие и спасение,/ на враги же победу/ и не забуди, посещая чад своих,/ припадающих к цельбоносному гробу твоему,/ Иакове, преподобне отче наш.

Кондак преподобного Иакова Железноборовского, глас 8

Сердечная очи, досточудне, ко Господу вперив/ и телесныя страсти из корене исторгая,/ неболезненную жизнь в болезнех восприял еси, преподобне,/ болезнем же лютым даеши исцеление просящим с верою у тебе,/ темже молим тя, досточудне,/ исцели наша болезни душевныя и телесныя, да зовем ти:/ радуйся, Иакове Богомудре, отче наш.

Тропарь Божией Матери пред иконой Ее Неупиваемая чаша, глас 4

Днесь притецем вернии/ к Божественному и пречудному образу Пресвятыя Богоматери,/ напояющей верных сердца/ небесною Неупиваемою Чашею Своего милосердия/ и людем верным чудеса показующей./ Яже мы видяще и слышаще/ духовно празднуем и тепле вопием:/ Владычице премилостивая,/ исцели наша недуги и страсти/ молящи Сына Твоего Христа Бога нашего/ спасти души наша.

Кондак Божией Матери пред иконой Ее Неупиваемая чаша,

Избранное и дивное избавление нам даровася — Твой образ Честный, Владычице Богородице, яко избавльшеся явлением его от недугов душевных и телесных и скорбных обстояний, бла-годарственная хваления приносим Ти, Всемилостивая Заступнице. Ты же, Владычице, «Неупиваемою Чашею» нами именуемая, приклонися благоутробно к нашим воздыханиям и воплем сердечным, и избавление подаждь страждущим недугом пианства, да с верою воззовем Ти: Радуйся, Владычице, Неупиваемая Чаша, духовную жажду нашу утоляющая.

Pages: 1 2 3

Вознесение Господне  двунадесятый праздник

В этот день:

Русская Православная Церковь отмечает память святых:

Мученицы Пелагии, девы Тарсийской (ок. 290).
Священномученика Еразма, еп. Формийского (303).
Мученика Флориана и с ним 40 мученников Лорщских (304).
Священномученика Альвиана, еп. Анийского (304).
Священномученика Сильвана, еп. Газского, и с ним 40 мучеников (311)
Св. Моники Тагастинской (матери блж. Августина) (387)
Прпмчч. Афродисия, Леонтия, Антония, Валериана, Макровия и иных монахов Палестинских. (387)
Св. Етельреда, короля Меркийского и монаха (716; Кельт. и Брит.).
Прп. Никифора, игумена Мидикийского. (813)
Свт. Афанасия, еп. Коринфского (X; Греч.).
Преподобных Никиты, Кирилла, Никифора, Климента и Исаакия, братьев Алфановых (Сокольницких) в Новгороде (XIV-XV).
Сщмч. Иоанна пресвитера (1942).
Сщмч. Николая диакона (1943).
Старорусской иконы Божией Матери (1570).

Храни вас Господь, Матерь Божия и все святые, их же память мы сегодня отмечаем!

Молитвы:

Тропарь Вознесения Господня, глас 4

Вознеслся еси во славе, Христе Боже наш, радость сотворивый учеником, обетованием Святаго Духа, извещенным им бывшим благословением, яко Ты еси Сын Божий, Избавитель мира.

Кондак Вознесения Господня, глас 6

Еже о нас исполнив смотрение, и яже на земли соединив Небесным, вознеслся еси во славе, Христе Боже наш, никакоже отлучаяся, но пребывая неотступный, и вопия любящим Тя: Аз есмь с вами, и никтоже на вы.

Величание

Величаем Тя,/ Живодавче Христе,/ и почитаем еже на Небеса/ с пречистою Твоею Плотию// Божественное вознесение.

Тропарь мученицы Пелагии, глас 4

Агница Твоя, Иисусе, Пелагия/ зовет велиим гласом:/ Тебе, Женише мой, люблю,/ и, Тебе ищущи, страдальчествую,/ и сраспинаюся, и спогребаюся Крещению Твоему,/ и стражду Тебе ради,/ яко да царствую в Тебе, и умираю за Тя,/ да и живу с Тобою,/ но яко жертву непорочную приими мя, с любовию пожершуюся Тебе./ Той молитвами,/ яко Милостив, спаси души наша.

Кондак мученицы Пелагии, глас 3

Временная презревши/ и Небесных благ причастница бывши,/ венец страдания ради приимши,/ Пелагие всечестная,/ яко дар принесла еси кровныя потоки Владыце Христу./ Моли от бед избавити нас,/ твою память почитающих.

Тропарь Никиты, Кирилла, Никифора, Климента и Исаакия, братьев Алфановых (Сокольницких) в Новгороде, глас 1

Послушаша Господня гласа,/ добрии рачители бывше,/ благий Его ярем на ся вземше,/ усердно понесосте/ и постничества путь достигше,/ преподобнии отцы, святии чудотворцы,/ воини Небеснаго Царя Христа,/ Никито, Кирилле, Никифоре, Клименте и Исаакие,/ сего ради от Вседержительныя десницы венцы неувядаемыми увязостеся,/ и Небесною славою одеястеся,/ и чудотворении обогатистеся,/ темже и о нас молите не престайте,/ да получим вечных благ,/ мы же сице взываем:/ слава Давшему вам к подвигу крепость,/ слава Венчавшему вас,/ слава Дающему вами всем исцеления.

Кондак Никиты, Кирилла, Никифора, Климента и Исаакия, братьев Алфановых (Сокольницких) в Новгороде, глас 8

Благодать приемше исцелением,/ простираете здравие сущим в болезнех,/ преподобнии отцы и чудотворцы славнии,/ Никито чудне, и Кирилле блаженне,/ и Никифоре пречестне, Клименте святе и Исаакие преподобне,/ но молитвами ваю противных шатание разорите,/ и болезни наша исцелите,/ и грехов прощение испросите,/ да благодарив воззовем вам:/ радуйтеся, великому Новуграду похвало и утверждение.

Тропарь священномученику Альвиану Анейскому

И нравом причастник, / и престолом наместник апостолом быв,/ деяние обрел еси, Богодухновенне, / в видения восход, / сего ради слово истины исправляя, / веры ради пострадал если даже до крове, / священномучениче Альвиане, / моли Христа Бога / спастися душам нашим.

Pages: 1 2 3

В этот день:

Русская Православная Церковь отмечает память святых:

Мученика Тимофея чтеца (ок. 286).
Св. католикоса Мамая (744; Груз.).
Святитель Петр Аргосский, епископ (928)
Прп. Экумения Трикалийского (945; Греч.).
Перенес. мощей прп. Луки с горы Стирион (946/953; Греч.).
Преп. Михаила Улумбийского (IX; Груз.).
Преподобного Луки Елладского, Стиридского (953)
Преподобного Петра чудотворца, еп. Аргоссийского (X).
Преподобного Феодосия, игумена Киево-Печерского (1074).
Свт. Ансфреда, еп. Утрехтского (1010) (Нидерл.)
Прпп. Иулиании и Евпраксии Московских. (1393)
Новомч. Ахмета Каллиграфа, Константинопольского (1682; Греч.)
Сщмч. Николая пресвитера (1941)
Иконы Божией Матери  Яскинской
Иконы Божией Матери Успения Киево-Печерской 
Иконы Божией Матери Печерской (с предстоящими Антонием и Феодосием) 
Иконы Божией Матери Свенской (1288)
Иконы Божией Матери  Влахернской.

Храни вас Господь, Матерь Божия и все святые, их же память мы сегодня отмечаем!

Молитвы:

Тропарь преподобного Феодосия, глас 8

Возвысився на добродетель, измлада возлюбив монашеское житие,/ к желанию доблественне достиг, вселился еси в пещеру/ и, украсив житие твое пощением и светлостию,/ в молитвах, яко безплотен, пребывал еси,/ в Российстей земли, яко светлое светило, просияв, отче Феодосие,// моли Христа Бога спастися душам нашим.

Кондак преподобного Феодосия, глас 3

Звезду Российскую днесь почтим,/ от востока возсиявшую и на запад пришедшую,/ всю бо страну сию чудесы и добротою обогатившу и вся ны/ содеянием и благодатию монашескаго устава,// блаженнаго Феодосия.

Кондак мучеников Тимофея чтеца и Мавры, глас 4

Многообразныя язвы претерпевше/ и венцы от Бога приемше,/ о нас молитеся ко Господу,/ память всесвященную вашу совершающих,/ превеликий Тимофее и преславная Мавро,/ еже умирити град и люди,/ Той бо есть верных утверждение.

Тропарь мучеников Тимофея чтеца и Мавры, глас 4

Мученицы Твои, Господи,/ во страданиих своих венцы прияша нетленныя от Тебе, Бога нашего,/ имуще бо крепость Твою,/ мучителей низложиша,/ сокрушиша и демонов немощныя дерзости./ Тех молитвами/ спаси души наша.

Тропарь Божией Матери пред иконой Ее Печерской, глас 4

Днесь светло торжествует Печерская обитель/ и радуется явлением образа Богоматере/ безмерный лик Печерских отцев,/ с нимиже и мы непрестанно вопием:/ радуйся, Благодатная, Печерская похвало.

Тропарь Божией Матери пред иконой Ее Свенской, глас 4

Днесь светло торжествует Свенская обитель;/ и радуется явлением образа Богоматери;/ Безмерный лик Печерских отцев/ с ними же и мы непрестанно вопием:/ Радуйся Благодатная Свенская Похвало.

Кондак Божией Матери пред иконой Ее Печерской, глас 3

Дева днесь невидимо предстоит в церкви/ и с лики Печерских отцев молится о нас,/ благоговейно величающих Ей безмерную милость к роду нашему,/ явльшуюся в чудном образе Ея,/ обитель Печерскую украшающем.

Преподобным Иулиании и Евпраксии. Тропарь, глас 1

Христу Жениху уневеститеся возжелавшия/ и подвиги иноческия Того ради понесшия,/ добродетельным житием и любовию ко всем/ себе украсившия, преподобныя Иулиание и Евпраксие./ Во граде Москве первыя обители девическия/ устроительницы явистеся/ и трудов и подвигов брата вашего святителя Алексия/ ревнительницы показастеся./ Сего ради, ныне на Небесех вкупе с ним торжествующе,/ молите граду Москве в Православии утвердитися,/ обители вашей сохранитися/ и спастися душам нашим.

Преподобным Иулиании и Евпраксии. Кондак, глас 2

Что вас наречем, богомудрыя Иулиание и Евпраксие?/ Немощный сосуд естеством,/ но подвиги и труды мужески понесосте;/ преподобныя жены,/ но славы отцев воистину сподобистеся;/ от земных рода благаго,/ но Небеснаго отечества достигосте./ Молите усердно Владыку Христа спастися душам нашим.

Преподобным Иулиании и Евпраксии. Величание

Ублажаем вас, преподобнии Иулиание и Евпраксие, и чтим святую память вашу, наставницы монахов и собеседницы Ангелов.

Pages: 1 2 3

В этот день:

Русская Православная Церковь отмечает память святых:

Мчч. Еспера и Зои и чад их Кириака и Феодула (II).
Святителя Афанасия Великого, архиеп. Александрийского (373).
Равноап. царя Бориса, во святом Крещении Михаила (906-907; Болг.).
Блгвв. князей страстотерпцев Бориса и Глеба, во святом Крещении Романа и Давида (1072 и 1115).
Святителя Афанасия, патриарха Константинопольского, Лубенского чудотворца (1654).
Блж. Василия Кадомского (1848).
Иконы Божией Матери «Путивльской» (1635)
Иконы Божией Матери «Вутиванской»

Храни вас Господь, Матерь Божия и все святые, их же память мы сегодня отмечаем!

Молитвы

Тропарь святителя Афанасия Великого, глас 3

Столп был еси православия,/ Божественными догматы подтверждая Церковь,/ священноначальниче Афанасие:/ Отцу бо Сына Единосущна проповедав,/ посрамил еси Ария./ Отче преподобне,/ Христа Бога моли// даровати нам велию милость.

Кондак святителя Афанасия Великого, глас 2

Православия насадив учения,/ злославия терния изсекл еси,/ умножив семя веры одождением Духа, преподобне,// темже тя поем, Афанасие.

Тропарь святителя Афанасия, патриарха Константинопольского, Лубенского чудотворца, глас 8

Премудростию учений твоих царствующий град просветив,/ тьму неведения еретического разгнал еси, преблаженне;/ твое благословение земли Российстей принесл еси,/ отче наш, святителю Афанасие,/ идеже скончав течение твое,/ на крилех чистоты возлетел еси в Небесное Царство./ Моли Христа Бога непрестанно о душах наших.

Кондак святителя Афанасия, патриарха Константинопольского, Лубенского чудотворца, глас 8

О всесвятейший пастырю и учителю вселенныя,/ преблаженне отче наш святителю Афанасие!/ К раце мощей твоих припадающе, усердно молим тя:/ приими от убогих душ наших любовию приносимая тебе моления/ и, яко имея дерзновение у Престола Владычня,/ испроси молитвами твоими чтущим тя/ со Ангелы и всеми святыми/ непрестанно Пресвятей Троице воспевати: аллилуйя.

Тропарь благоверного и равноапостольного царя Бориса, во святом Крещении Михаила, глас 6

Исполнен страха Божия/ и Крещением святым просвещен,/ был еси жилище Святаго Духа,/ благоверный царю Борисе./ Утвердив же веру Православную на земли Болгарстей/ и жезл царствия оставив,/ вселился еси в пустыню,/ процвел еси в подвизех/ и обрел еси благодать пред Господем./ Ныне же предстоя Престолу Всевышняго,/ моли даровати нам, молящимся тебе,/ спасение душ наших.

Кондак благоверного и равноапостольного царя Бориса, во святом Крещении Михаила, глас 8

Взбранный воеводо Бога Вышняго,/ силою Креста победивый востание тьмы/ и насадивый благочестие на земли твоей,/ имеяй же дерзновение ко Господу,/ сохраняй молитвами твоими достояние твое, да зовем ти:/ радуйся, равноапостольне царю Борисе,/ крестителю земли Болгарския.

Тропарь благоверных князей Бориса и Глеба, глас 4

Днесь церковная разширяются недра,/ приемлющи богатство Божия благодати,/ веселятся русстии собори,/ видяще преславная чудеса,/ яже творите приходящим к вам верою,/ святии чудотворцы Борисе и Глебе,// молите Христа Бога, да спасет души наша.

Ин тропарь благоверных князей страстотерпцев Бориса и Глеба, глас 2

Пречестнии, и целомудреннии, и незлобивии страстотерпцы,/ Романе славный и Давиде чудный,/ иго бо Господне евангельски на рамо вземше,/ последовасте Христу/ и, крест Его, яко скипетр, в руку имуще,/ врага брата и злаго властолюбца соодолесте,/ и той ныне в геенне мучится,/ вы же радуетеся, с лики ангельскими предстояще Святей Троице,/ молитеся о державе сродник ваших, благоугодней быти,/ и сыновом русским спастися.

Ин тропарь благоверных князей страстотерпцев Бориса и Глеба, глас 4

Мученицы Господни спасшиися,/ преславнии блаженнии князи Борисе и Глебе,/ труждающимся быстрин помощницы,/ недужным целители,/ вы бо болезни врачуете/ притекающих в церковь с верою./ Темже и мы молимся:/ от бед избавите нас,/ чтущих с любовию пренесение мощей ваших.

Ин тропарь благоверных князей страстотерпцев Бориса и Глеба, глас 8

Днесь всякая душа верных веселится,/ в пренесение честных мощей ваших, Борисе и Глебе,/ слепыя просвещаете, немым уста отверзаете и печальный утешаете,/ прияли бо есте от Христа Бога благодать исцелений,/ молитеся о душах наших.

Кондак благоверных князей Бориса и Глеба, глас 4

Явися днесь в стране Русстей/ благодать исцеления/ всем, к вам, блаженнии,/ приходящим и вопиющим:// радуйтеся, заступницы теплии.

Ин кондак благоверных князей страстотерпцев Бориса и Глеба, глас 4

От гроба знамения показасте во стране Русстей,/ явися днесь благодать исцеления/ всем, к вам, страстотерпцы, притекающим с верою,/ Борисе славный со Глебом чудным./ Крепцы верою, добропобеднии мученицы, за Христа подъемше различный муки,/ и на многа лета сокровени быша ваши святии мощи,/ ныне же являетеся от земли,/ возсиявше лучами, яко богатство многоценно,/ и в церковь Божию честно носими, архиерей Божиих дланьми./ Темже вопием вам:/ радуйтеся, князи, русстии заступницы.

Ин кондак благоверных князей страстотерпцев Бориса и Глеба, глас 3

Приидите, вси русстии собери,/ чудотворцу и мученику Бориса и Глеба восхвалим,/ законно бо пострадавше,/ победисте сопротивнаго врага,/ тем святым заступлением князи русстии враги побеждают,/ тем память ею весело и любовию похвалим, вопиюще:/ за ны молите Святую Троицу,/ умирити мир и спасти души наша.

Pages: 1 2 3

В этот день:
Русская Православная Церковь отмечает память святых:

Пророка Иеремии (VI в. до Р.Х.).
Святого Корентина еп. Квимперского. (460)
Преподобномученика Ваты Персянина (IV).
Преподобного Бриокп Бретонского (502)
Мученика Сигизмунда, короля Бургундского (524)
Преподобномучеников Асафа, еп. Лланвильского (VI-VII)(Кельт. и Брит.).
Святой Тамары, царицы Грузинской (1213).
Преподобного Пафнутия Боровского (1478).
Священномученика Макария, митр. Киевского (1497).
Преподобного Герасима Болдинского (1554).
Свт. Панарета, архиеп. Кипрского (1790/1791) (Греч.).
Прмчч. Афонских Евфимия (1814), Игнатия (1814) и Акакия (1816).
Смц. Нины Кузнецовой, блаженной (1938)
Преподобного Никифора Хиосского (1821)
Иконы Божией Матери Царевококшайской, или Мироносицкой (1647),
Иконы Божией Матери  «Нечаянная Радость» 
Иконы Божией Матери Андрониковской (XIV)
Иконы Божией Матери «Византийской»

Храни вас Господь, Матерь Божия и все святые, их же память мы сегодня отмечаем!

Молитвы

Тропарь преподобного Пафнутия Боровского, глас 4

Жития светлостию просветив твое отечество,/ в молитвах и постех дарований Божественнаго Духа исполнился еси,/ и, во временней сей жизни добре подвизався,/ милость благоутробия всем скорбящим отверзл еси,/ и нищим был еси заступник./ Тем молим тя, отче Пафнутие,/ моли Христа Бога, да спасет души наша.

Кондак преподобного Пафнутия Боровского, глас 8

Божиим светолитием просвещен, отче,/ постническое стяжал еси жительство, преподобне,/ иноком предобрый наставниче и постником благое украшение./ Сего ради Господь, труды, твоя видев,/ чудес даром обогати тя,/ источавши бо исцеления./ Мы же, радующеся, вопием ти:/ радуйся, отче Пафнутие.

Тропарь пророка Иеремии, глас 2

Пророка Твоего Иеремии память, Господи, празднующе,/ тем Тя молим:// спаси души наша.

Кондак пророка Иеремии, глас 3

Очистив духом, великий пророче и мучениче,/ твое светозарное сердце,/ славнее Иеремие,/ пророчествия дар свыше приял еси/ и возопил еси велегласно во странах:/ се Бог наш, и не приложится ин к Нему,/ Иже, воплощся, на земли явился есть

Кондак преподобномучеников Афонских Евфимия, Игнатия и Акакия, глас 4

Явися днесь Церкви новое торжество/ триех страстотерпцев,/ яко светила, озаряющее/ православных, Христе,/ исполнения.

Тропарь священномученика Макария, митрополита Киевского, глас 8

Божественныя Безкровныя совершая Жертвы,/ кровь твою, от безбожных агарян излиянную,/ в жертву непорочную принесл еси Владыце твоему, Пастыреначальнику Христу./ Егоже моли, молим тя,/ пролити гнев на языки, хотящия браней;/ христолюбивое воинство наше на враги укрепи/ и стадо твое от всяких бед неврежденно соблюди,/ тебе бо крепкаго заступника почитаем,/ новый свяшенномучениче российский,/ святителю блаженный Макарие.

Кондак священномученика Макария, митрополита Киевского, глас 8

Веселится град Киев,/ великое сокровище стяжав,/ твое тлению непричастное тело,/ святителю блаженный Макарие,/ твой бо престол даже до крове от лютых врагов нашествия хранил еси./ И ныне Небесному предстоиши Престолу,/ идеже молитвенно пред Творцем поминай нас, отче наш,/ да во всех бедах имеем тя прибежище и тобою хвалимся, зовуще:/ радуйся, Макарие, архиереом честное украшение.

Тропарь благоверной Тамары, царицы Грузинской, глас 8

Вышния красоты желая,/ нижния сласти телесныя далече от себе отгнала еси/ и, в чертозе царском пребывающи,/ ангельское житие препровождала еси,/ царице Тамаро блаженная,/ моли Христа Бога спастися душам нашим.

Ин тропарь благоверной Тамары, царицы Грузинской, глас 4

Во святых дивная,/ Иверии светило,/ благоверная царице Тамаро,/ на горах высоких храмы воздвигшая,/ да в них моления возсылают ко Господу,/ мольбами твоими крепость даровавшая воем христолюбивых людей страны Иверския,/ десницею же своею полчища агарянская низпровергшая,/ моли Христа Бога/ спастися душам нашим.

Тропарь Божией Матери пред иконой Нечаянная Радость, глас 4
Днесь вернии людие/ духовно торжествуем,/ прославляюще Заступницу усердную рода христианскаго/ и притекающе к пречистому Ея образу, взываем сице:/ о, Премилостивая Владычице Богородице,/ подаждь нам нечаянную радость,/ обремененным грехи и скорбьми многими,/ и избави нас от всякого зла,/ молящи Сына Твоего, Христа Бога нашего, спасти души наша.

Кондак Божией Матери пред иконой Ее Нечаянная Радость
глас 6
Не имамы иныя помощи,/ не имамы иныя надежды,/ разве Тебе, Владычице./ Ты нам помози,/ на Тебе надеемся/ и Тобою хвалимся,/ Твой бо есмы раби,/ да не постыдимся.

Pages: 1 2 3

Исцеление слепорожденного

В этот день:
Русская Православная Церковь отмечает память святых:

Апостола Иакова Зеведеева, брата Иоанна Богослова (44).
Святителя Доната, еп. Еврии (ок. 387).
Священномученика Василия, еп. Амасийского (322)
Мучеников Европия и Естела Саинтесских (III; Галл.)
Святителя Ерконвальда, еп. Лондонского (ок. 693; Кельт. и Брит.).
Прп. Климента песнописца. (после 868)
Святителя Никиты, еп. Новгородского (1108). 
Мученица Аргира Прусская, Константинопольская (1725).
Святителя Игнатия Брянчанинова, еп. Кавказского и Черноморского (1867).
Иконы Божией Матери «Страстной».

Храни вас Господь, Матерь Божия и все святые, их же память мы сегодня отмечаем!

Молитвы

Тропарь апостола Иакова Зеведеева, брата Иоанна Богослова, глас 3

Апостоле святый Иакове,/ моли Милостиваго Бога,/ да прегрешений оставление/ подаст душам нашим.

Ин тропарь апостола Иакова Зеведеева, брата Иоанна Богослова, глас 3

Апостол Христов был еси избранный/ и Богослову возлюбленному брат единородный,/ всехвальне Иакове,/ поющим тя грехов оставление испроси/ и душам нашим велию милость.

Кондак апостола Иакова Зеведеева, брата Иоанна Богослова, глас 2

Глас Божественный слышав, призывающ тя,/ любовь отца презрел еси/ и притекл еси ко Христу, Иакове, с сродником твоим, славне,/ с нимже сподобился еси видети/ Господне Божественное преображение.

Тропарь святителя Игнатия Брянчанинова, епископа Кавказского и Черноморского, глас 8

Православия поборниче, покаяния и молитвы делателю и учителю изрядный, архиереев богодухновенное украшение, монашествующих славо и похвало: писании твоими вся ны уцеломудрил еси. Цевнице духовная, Игнатие Богомудре, моли Слова Христа Бога, Егоже носил еси в сердце твоем, даровати нам прежде конца покаяние.

Кондак святителя Игнатия Брянчанинова, епископа Кавказского и Черноморского, глас 8

Аще и совершал еси стезю жития земнаго, святителю Игнатие, обаче непрестанно зрел еси законы бытия вечнаго, сему поучая ученики словесы многими, имже последовати и нам, святче помолися.

Тропарь святителя Никиты, затворника Печерского, еп. Новгородского, глас 4

Насладився, богомудре, воздержания / и желание плоти твоея обуздав, / на престоле святительства сел еси, / и яко звезда многосветлая, просвещая верных сердца / зарями чудес твоих, отче наш, святителю Никито, / и ныне моли Христа Бога, / да спасет души наша.

Кондак святителя Никиты, затворника Печерского, еп. Новгородского, глас 6

Архиерейства саном почтився/ и чисте Чистейшему предстоя,/ прилежно моление за люди твоя приносил еси,/ яко и дождь молитвою свел еси,/ овогда же и града запаления угасил еси./ И ныне, святителю Никито,/ моли Христа Бога/ спасти люди твоя молящияся,/ да вси вопием ти:/ радуйся, святителю отче предивный.

Кондак священномученика Василия, епископа Амасийского, глас 4

Царево повеление преобидев,/ Царство Небесное получил еси, Василие,/ в немже ликуя,/ поминай нас, чтущих память твою,/ священномучениче.

Тропарь святителя Доната, епископа Еврийского, глас 8

Благий ярем Христов и бремя легко Евангельскаго учения взем,/ иерарше Донате Богоблаженне,/ вельми подвизался еси во временней жизни,/ архиерей убо Богоугоден быв,/ добре пасый люди Божия,/ просветив тыя учением,/ чудотворением вселенную удивил еси./ Сего ради молим тя:/ да избавит нас Христос Бог от всяких бед/ и Небеснаго блаженства сподобит.

Ин тропарь святителя Доната, епископа Еврийского, глас 4

Блажен делатель и украситель Церкве Христовы,/ отче Донате, был еси,/ непрестанно попечение о стаде твоем стяжав,/ научая и руководя оно в любви Сына Божия,/ не токмо бо в твоем граде многий народ,/ но в Константинополе самодержца и в нем вся люди/ удивил еси/ православными чудесы твоими./ Богоугодныя убо мольбы/ сотворяя ко Христу Богу,/ помощник скор всем явися,/ предстоя Всесвятей Троице,/ в Вышних моли Ю о всех нас,/ да спасет души наша.

Pages: 1 2 3

Поученіе. Свв. девять мучениковъ кизическихъ
(О польз обращаться въ болзняхъ съ молитвою къ св. мученикамъ). Прот. Григорій Дьяченко

В этот день:

Русская Православная Церковь отмечает память святых:

Священномученика Родопиана диакона и мученика Диодора Афродисийских (284-305)
Девяти мучеников Кизических (286-299).
Святителя Иоанна Калоктена, митрополита Фивского, экзарх всея Беотии (1193)
Святителя Василия, еп. Захолмского или Острожского (в Черногории, Cербского) (XVI).
Преподобного Мемнона чудотворца.
Станко мученика (1712)
Святителя Арсения архиеп. Суздальского (1627).
Преподобного Нектария Оптинского (1928).
Преподобного Амфилохия Почаевского (1970).

Храни вас Господь, Матерь Божия и все святые, их же память мы сегодня отмечаем!

Молитвы:

Тропарь девяти мучеников Кизических, глас 8

Святии девяточисленнии мученицы,/ от различных градов во един лик совокупившеся манием Божественным,/ мужественно за Христа пострадасте, невидимаго врага победисте,/ зловерныя князи и мучители посрамисте вашим терпением,/ огнем же любве Божия разжизаеми,/ вещественно вас огнь мучащий в хлад преложисте,/ темже дадеся вам от Христа Бога благодать трясавичную исцеляти болезнь,/ от неяже и многовидных страстей// милостивно спасайте и нас предстательством вашим, молимся.

Кондак девяти мучеников Кизических, глас 2

Твердый и всесветлый лик мученик девяти,/ Трисолнечнаго Божества исповедницы,/ на судищи Тому начально взываху:/ кровь и души наша с телесы,/ яко непорочную жертву, приносим Тебе, Владыко,/ в лицех Небесных Твоих сопричти,// яко Бог Милостивый.

Тропарь святителя Василия, епископа Захолмского или Острожского (в Черногории, Cербского), глас 4

От юности твоея всего себе Господеви отдал еси,/ пребывая в молитвах, трудех и постех, отче Богоносне,/ образ был еси добродетели твоему стаду;/ сего ради видя Бог твое благое произволение,/ поставляет тя Своей Церкви пастыря и добраго архиерея/ и по преставлении твоем соблюде святое тело твое нерушимо, святителю Василие./ Темже, яко имея дерзновение,/ молися Христу Богу/ спастися душам нашим.

Кондак святителя Василия, епископа Захолмского или Острожского (в Черногории, Cербского), глас 8

Яко от младенства себе поработив Господеви,/ постом и бдением свое тело удручая, мудре,/ сосуд честен Духу Пресвятому явился еси,/ сего ради поставляет тя пастырем Своей Церкви,/ юже добре пасл еси./ Темже ко Господу отходиши, Егоже возлюбил еси./ Молимся ти, помяни и нас, верою чтущих святую память твою, да вси зовем ти:/ радуйся, всечестне отче Василие.

Pages: 1 2 3