Великий Пост

В этот день: Русская Православная Церковь отмечает память святых:

Священномученика Николая пресвитера Преподобномученика Корнилия Псково-Печерского Преподобного Агафона Печерского, в Дальних пещерах (XIII-XIV). Благоверного кн. Ярослава Мудрого Священномученика Садока, еп. Персидского Преподобного Агафона, папы Римского Козельщанской иконы Божией Матери (1881). 34 Преподобномученников Валаамских (1578). Прп. Виссариона Великого, Египетского. Свт. Киндея, еп. Писидийского (Греч.). Сщмч. Елевферия, еп. Византийского (II). Св. Елевферия, еп. Турнайского (531). Св. Ечерия, еп. Орлеанского (740).

Прп. Льва, еп. Катанского. Тропарь, глас 4. Правило веры и образ кротости,/ воздержания учителя,/ яви тя стаду твоему,/ яже вещей истина,/ сего ради стяжал еси смирением высокая,/ нищетою богатая,/ отче Льве,/ моли Христа Бога/ спастися душам нашим.

Якоже светильника превелика, Церковь имать, всеблаженне,/ тебе, паче солнца сияюща,/ юже твоими молитвами сохрани, блаженне,/ непобедиму, и непоколебиму от ереси всякий, и нескверну,/ яко приснопамятный.

Псково-Печерская обитель,/ издревле славная чудесы иконы Богоматерни,/ многия иноки Богови воспита,/ тамо и преподобный Корнилий/ подвигом добрым подвизася,/ чудную Богоматерь славя,/ иноверныя просвещая,/ иноки и многия люди спасая,/ обитель же свою дивно украшая и ограждая./ Тамо и мученичества венец/ по многих летех пастырства своего доблестне прият./ Темже воспоим, людие,/ Христа Бога и Пречистую Его Матерь возблагодарим,/ яко даров а нам преподобномученика славна/ и молитвенника о душах наших достоблаженна.

Из млада, Корнилие чудный,/ трудом и подвигом себе предав,/ игуменом Псково-Печерстей обители поставлен был еси,/ образом веры и постническаго жития всем быв,/ многия люди к Богу привел еси/. За своя же великия добродетели/ завистию от злых гоним,/ мученически душу свою Богови предал еси./ Того ради с верою возопиим:/ преподобномучениче Корнилие достославный,/ моли Христа Бога спастися душам нашим.

Светлый светильник Православия/ и сугубая/ Псковския земли защита был еси,/ многобожие искореняя и люди к Богу наставляя./ Дом Богоматери тобою укрепися и прославися,/ добродетельми же украшен, венец мученика приял еси,/ поминай нас, чад твоих, и у Господа, преподобномучениче Корнилие.

Блага Небесная ради дел твоих стяжавый,/ благости тезоимените, Агафоне,/ моли Благаго Господа, молим тя тепле,/ яко да не лишит нас вечных благ Своих.

Ведый известно, яко снедию род человечь испаде из рая,/ постом же паки вниде в онь,/ постное избрал еси себе житие,/ в немже крепце подвизался,блаженне Агафоне,/ и бесовская шатания тем низлагая,/ приял еси целебныя дары от Христа Бога,/ Емуже присно молися о душах наших.

Великий Пост

Апостолов от 70-ти Архиппа и Филимона и мц. равноап. Апфии Преподобных Евгения и Макария исповедников, пресвитеров Антиохийских Преподобного Досифея, ученика прп. аввы Дорофея Преподобного Феодора Санаксарского (1791). Мч. Димитрия (1942). Мчч. Максима, Феодота, Исихия, мц. Асклипиодоты (305-311). Прп. Равулы (ок. 530). Прп. Конона, игумена Палестинского. Сщмч. Никиты Нового, Палестинского. Прпмц. Филофеи Афинской (Греч.). Св. Месропа, переводчика Армянского (439).

Молитвы:

Учениче Павлов и апостоле Христов, Архиппе,/ Евангелия провозвестниче и Колоссаев учителю,/ каменное побиение приемый,/ аки драгоценное украшение,/ имже венец мучения украсив, вшел еси на веселие Царствия,/ идеже помяни нас поющих твою память,/ апостолов сопрестольниче.

Яко звезду великую, тя Церковь имущи, Архиппе,/ чудес твоих лучами просвещаема, зовет тебе:/ спаси верою почитающия память твою.

Pages: 1 2 3

Великий Пост

Преподобного Шио Мгвимского Святителя Льва, папы Римского Преподобного Космы Яхромского Святителя Флавиана исп., патриарха Цареградского Святителя Агапита, еп. Синадского, Фригийского Свт. Колмана, еп. Ландисфарнского (676) (Кельт. и Брит.). Новомчч. пресв. Александра (Медведского) (1931) и иером. Вениамина (1938). Прп. Владимира исп. (1933). Мц. Анны (1940). Мчч. Льва и Паригория, иже в Патаре Ликийском (Греч.). Св. Власия, монаха Афонского (IX). Обретение мощей (1961) новомц. Ирины Лесбосской (1463). Св. Николая, католикоса Грузии (1591) (Груз.).

Молитвы:

В тебе, отче, известно спасеся еже по образу,/ приим бо крест, последовал еси Христу,/ и, дея, учил еси презирати убо плоть, преходит бо,/ прилежати же о души, вещи безсмертней./ Темже и со Ангелы срадуется, преподобие Шио, дух твой.

Житие твое служением Господним исправил еси/ и, взем крест, оставил еси вся житейская,/ красото пустыни, преподобие Шио./ Кого убо паче тя, и по смерти жива суща/ страна Иверская почитает/ и мощми твоими, от гроба явленными услаждается,/ темже не престай моляся о нас ко Господу.

Православия наставниче,/ благочестия учителю и чистоты,/ вселенныя светильниче, архиереев Богодухновенное удобрение,/ Льве премудре,/ ученьми твоими вся просветил еси, цевнице духовная./ Моли Христа Бога спастися душам нашим.

На престоле, славне, священства сед/ и львов уста словесных заградив,/ догматы Богодухновенными Честный Троицы озарил еси свет Богоразумия твоему стаду./ Сего ради прославился еси/ яко Божественный тайнник Божия благодати.

Горняго желая премирнаго жития,/ дольняя возненавидел еси,/ и, взем крест свой, последовал еси Христу,/ и в пустыню вселился еси, досточудне,/ в ней подвизася в пениих, в бдениих и пощениих./ Темже в тя вселися Пресвятый Дух,/ но яко имея дерзновение ко Христу Богу,/ испроси людем православным здравие и спасение/ и не забуди посещая чад своих,/ совершающих священную память твою,/ Космо, преподобне отче наш.

Душевныя страсти из корене исторгая,/ в пустыню вселился еси, преподобие,/ и неболезненную жизнь в болезнех восприял еси,/ болезнем же лютым уставлявши озлобления просящим у тебе с верою./ Темже разреши болезни наша душевныя и телесныя, да зовем ти:/ радуйся, Космо Богомудре.

В этот день: Русская Православная Церковь отмечает память святых:

Священномученика Ермогена, патриарха Московского и всея России, чудотворца (1612). Преподобного Феодора молчаливого, Печерского, в Дальних пещерах Праведной Мариамны, сестры ап. Филиппа Св. блгв. царя Маркиана и его супруги Пульхерии (Греч.). Святого Варнавы, старца Гефсиманского скита Сергиевской Лавры Преподобного Феодосия Болгарского и ученика его Романа, монаха Св. Николая (Планаса), пресвит. Афинского (1932). Сщмч. Михаила, Павла пресвитеров (1938). Обретение мощей мч. Мины Калликелада (867-889). Свт. Финана, еп. Ландисфарнского (661) (Кельт. и Брит.). Свт. Авксивия Кипрского, еп. Солийского (Греч.). Новомч. Феодора (1795) (Греч.). Новомч. Михаила Мавроедиса Адрианапольского (1490). Новомч. Федора игум. Аджарского, пострадавшего от турков на горе Афонской (XIX).

Вмч. Феодора Тирона.Тропарь, глас 2. Велия веры исправления,/ во источнице пламене, яко на воде упокоения,/ святый мученик Феодор радовашеся:/ огнем бо всесожегся,/ яко хлеб сладкий Троице принесеся./ Того молитвами, Христе Боже, спаси души наша.

Веру Христову, яко щит, внутрь приим в сердце твоем,/ противный силы попрал еси, многострадальче,/ и венцем Небесным венчался еси вечно, Феодоре,/ яко непобедимый.

Российский земли первопрестольниче/ и неусыпный о ней к Богу молитвенниче!/ За веру Христову и паству твою душу свою положив,/ страну нашу от нечестия избавил еси./ Темже вопием ти:/ спасай нас молитвами твоими,/ священномучениче Ермогене, отче наш.

Приспе день светлаго торжества,/ град Москва радуется,/ и с ним Русь Православная ликовствует/ песньми и пеньми духовными:/ днесь бо священное торжество/ в явлении честных и многоцелебных мощей/ святителя и чудотворца Ермогена,/ якоже солнце незаходимое возсия светозарными лучами,/ разгоняя тьму искушений же и бед/ от вопиющих верно:/ спасай нас, яко предстатель наш, великий Ермогене.

Темницею и гладом изнуряемь,/ даже до смерти верен пребыл еси, блаженне Ермогене,/ малодушие от сердец людей твоих отгоняя/ и на общий подвиг вся призывая./ Темже и нечестивых мятеж низложил еси и страну нашу утвердил еси,/ да вси зовем ти:/ радуйся, заступниче Российския земли.

Pages: 1 2 3

Великий Пост

Русская Православная Церковь отмечает память святых:

Святителя Макария митр. Московского и Коломенского (1926). Преподобного Маруфа, еп. Месопотамского (422). Праведного Василия Грязного Павлово-Посадского (1869). Святого Флавиана, архиепископа Антиохийского (404). Новомч. Илии, пресвитера (1934) и иерея Петра (Лагова) (1931). Сщмч. Павла пресвитера (1938). Мчч. Персидских в Мартирополе (IV). Мч. Романа Афонского (Греч.). Новосв. Марии Бизийской во Фрасе

Кондак покаянного канона прп.Андрея Критского: Душе моя, душе моя, / востани, что спиши? / конец приближается, / и имаши смутитися: / воспряни убо, да пощадит тя Христос Бог, / везде сый и вся исполняяй.

Мчч. Памфила и иже с ним. Кондак, глас 4. Мучением страшным предлежащим/ Господни страдальцы доблии/ в небоязненном радующеся мудровании,/ сим собеседоваша, о плоти нерадивше,/ темже наследствоваша вечнующую славу,/ о нас молящеся присно,/ восхваляющих их подвиги.

Великий Пост

Русская Православная Церковь отмечает память святых:

Преподобного Пафнутия, затворника Печерского, в Дальних пещерах Преподобного Далмата, игумена Успенского м-ря в Сибири. Преподобного Евсевия, пустынника Сирийского Прп. Пафнутия и дщери его Евфросинии (V). Новосщмчч. свящ. Михаила Пятаева и свящ. Иоанна Куминова (1930). Сщмч. Николая, Алексия, Алексия пресвитеров, Симеона диакона, прмч. Павла и прмц. Софии (1938). Муч. Майора Газского. Св. Освия, короля Нортумберийского (670)(Кельт. и Брит.). Прп. Анфима Хиосского (Греч.). Собор св. Иоанна Богослова Диаконисского. Св. Феогниса, еп. Бефелийского около Газы (523). Иконы Божией Матери Виленской Иконы Божией Матери  Далматской

Ап. от 70-ти Онисима. Тропарь, глас 3: Апостоле святый Онисиме,/ моли Милостиваго Бога,/ да прегрешений оставление/ подаст душам нашим.

Ап. от 70-ти Онисима. Кондак, глас 4. Я ко луча, возсиял еси вселенней,/ зарями сияя солнца, блаженне,/ всесветлаго Павла, мир просветившаго:/ темже тя почитаем, Онйсиме славне.

Велия веры исправления,/ в пещернем затворе, яко на воде упокоения,/ преподобне отче Пафнутие, радовался еси,/ огнем бо любве Божественныя распаляемь,/ бдением и молитвою безстрастия достигл еси/ и явился еси равноангельный на земли,/ того молитвами, Христе Боже, спаси души наша.

Помышляя исход души твоея/ и праведное мздовоздаяние по делом,/ непрестанными слезами умолил еси Господа/ даровати тебе неизреченных радостей наследие,/ яже уже со святыми предвкушая, Пафнутие преподобие, /поминай и нас пред Богом, чтущих тя.

Великий Пост

Русская Православная Церковь отмечает память святых:

Преподобного Авксентия Преподобного Исаакия, затворника Печерского, в Ближних пещерах Перенесение мощей блгв. кн. Михаила Черниговского и боярина его Феодора (1578). Преподобного Марона, пустынника Сирийского Святителя Авраамия, еп. Каррийского 12-ти греков, строителей соборной Успенской церкви Киево-Печерской Лавры (XI). Св. Рафаэля, еп. Бруклинского (1915). Сщмч. Онисима, еп. Тульского (1937). Сщмч. Трифона диакона (1938). Сщмч. Филимона, еп. Газского. Новомч. Георгия Митиленского, Константинопольского (Греч.). Новомч. Николая Коринфского (Греч.). Св. Петра, патр. Александрийского (380). Новомч. монаха Дамиана Филофейского, пострардавшего в Лариссе (1568). Св. Илариона Имеретинского и Афонского (1854) (Груз.). Храни вас Господь, Матерь Божия и все святые, их же память мы сегодня отмечаем!

Молитвы:

Великий Канон Андрея Критского читаемый в понедельник первой седмицы Святаго и Великаго поста

От пелен прилежно Премудрость сестру себе сотворив, Богогласе,/ пресветлую видев, яко девицу чисту,/ юже приемь, приведе,/ яко монисты златыми, сею украсив свою душу и ум,/ и обретеся яко другий Кирилл, блаженне,/ разумом и именем мудре.

Твердым и Богодохновенным учением/ просвещая мир пресветлыми зарями,/ обтече, яко молния вселенную, Кирилле блаженне,/ разсевая пресветлое Божие слово,/ на западе, и севере, и юзе, мир просвещая чудесы.

Пустынный житель, и в телеси Ангел,/ и чудотворец явился еси, Богоносе отче наш Авксентие,/ постом, бдением, молитвою Небесная дарования приим,/ исцелявши недужныя и души верою притекающих ти./ Слава Давшему тебе крепость,/ слава Венчавшему тя,/ слава Действующему тобою всем исцеления.

Насладився, Богомудре, воздержания/ и желания плоти твоей обуздав,/ явился еси, верою сияя,/ якоже сад посреди рай, процвел еси,/ Авксентие отче священне.

Светлости святых насладитися вожделев,/ в темную вселился еси пещеру, прехвальне,/ и добре подвизался еси, Исаакие,/ прельщен же быв от врага,/ паки крепко попрал еси того вся коварства./ И ныне, яко победитель,/ в веселии предстоя Христу Богу,/ проси нам мира и велия милости.

Вражию прелесть низложивша и в постничестве светло просиявша,/ приидите, вернии, восхвалим Исаакия победоноснаго,/ иже, яко злато, во искушениих просил/ и просвещает сердца верно к нему притекающих,/ моляся Господеви непрестанно о душах наших.

Яко незаходимое солнце возсия нам днесь/ светозарными твоими молитвами, преподобне отче наш Мароне,/ иже некия горы достигл/ и тамо на ней живущими нечестивыми чтом бысть,/ за превосходящую твою к Богу добродетель,/ и тамо обрет требище идольское. Богу освятив, в нем пребывал еси,/ и видев Человеколюбец Бог твой подвиг и труды,/ дарова тебе дар Свой,/ имже пронесеся имя твое в человецех,/ целити скорби, огневицу и трясавицу прибегающим к тебе с верою./ Темже и зовем ти:/ радуйся, целителю наш скорый;/ радуйся, заступниче наш теплый,/ предстоиши бо у Пресвятыя Троицы,/ молися Той о призывающих имя твое святое,/ да избавит от сих тяжких скорбей и спасет души наша.

Пресветлое житие твое, отче Мароне,/ Ангелы удивило есть,/ и бесовская шатания яве устраши./ Верных же собрания светло украси./ К Небесному Христову жилищу, повелевая шествовати всегда./ Егоже моли от тли и бед избавитися,/ верою творящим всечестную память твою.

Фарисейскаго тщеславия удалялся,/ преподобие отче наш Мароне,/ на гору высокую возшел еси,/ и тамо победу показал еси на диавола:/ требище бо бесовское обрет и Богу освятив,/ в нем пребыл еси,/ молитвами твоими огневицу и трясавицу утоляя,/ и бесы прогоняя,/ и от различных недуг свобождая./ Того ради, святе, молися Христу Богу,/ да спасет души наши.

Страстей пещь, преподобие, угасил еси, воздержания росою./ Дарованием обогатился еси исцелений от Бога, Мароне,/ приял еси целити верным болезни тяжкия,/ и бесов отгонити полки./ Сего ради с веседием почитаем тя.

Троичнаго Божества осиянием просветився,/ страстотерпче великий княже Михаиле,/ с премудрым болярином ти Феодором,/ самозванна к подвигом устремистася,/ сквозе огнь не идоста,/ кусту же и идолом не поклонистася, но оплеваста/ и нечестиваго царя обличиста,/ Христа же Единаго от Троицы Бога Суща исповедаста./ И того ради кровей своих струями обагристася, славная./ Темже и венца от Него победная прилета,/ и нас свыше назираета,/ молим ва, святая, молите Того,/ яко да вашими молитвами избавит нас от всяких обстоящих ны зол/ и подаст нам вся благая,/ Иже Един Сый прославляемый во святых Своих.

Солнца мысленнаго праведнаго — Христа/ озарився сиянием, пребогате Михаиле,/ видимому солнцу не поклонился еси/ и твари паче Творца не послужил еси/ и нечестие обуздал еси,/ ярости царя не убоявся/ и крове своей обагрением/ Христови предстал еси, радуяся./ И ныне в пренесении мощей твоих/ нас свыше назирай и Христа Бога моли,/ молимся яко спастися нам/ и Православию непоколебиму пребыти,/ Отечеству нашему соблюстися во всем/ молитвами твоими, святе,/ по велицей Его милости.

Воспоминание Адамова изгнания. Прощеное воскресенье

Русская Православная Церковь отмечает память святых:

Преподобного Симеона, царя Сербского, мироточивого Преподобного Евлогия, архиеп. Александрийского Сщмчч. Василия и Гавриила пресвитеров (1919). Новосщмч. Сильвестра (Ольшевского), архиеп. Омского и Павлодарского (1920). Сщмч. Зосимы, Николая, Василия, Иоанна, Леонтия, Владимира, Парфения, Иоанна, Иоанна, Михаила пресвитеров и Евгения диакона, прмцц. Анны, Веры и Ирины, мч. Павла (1938). Св. Мартина Милостивого. Свт. Модомноха, еп. Оссорского (Кельт. и Брит. ). Апп. и мчч. Акилы и Прискиллы (Греч. ). Св. Тимофея, Патриарха Александрийского (385). Св. Иосифа Волоколамского (1515). Св. Кастора иеромонаха Карденского (Герм. ). Св. Ерменхильды игумении Елийской. Св. Хуна монаха Хунейского. Перенесение мощей св. Едварда короля английского.

Молитвы:

Пламень искушений слез теченьми погасил еси, блаженне,/ и, морская волнения, и зверей стремления обуздавый, взывал еси:/ препрославлен еси, Всесильне, огня и бури спасый мя.

Яко подвижника благочестия искусна,/ и страдальца произволением честнаго,/ и пустыни жителя и всельника,/ в песнех достойно восхвалим Мартиниана присночестнаго:/ той бо змия попра.

Божественною благодатию просветився,/ и по смерти показуеши светлость жития твоего,/ источаеши бо миро благоухания/ притекающим к раце мощей твоих,/ и люди твоя наставил еси к свету Богоразумия,/ Симеоне отче наш,/ Христа Бога мо,/ к Немуже любящих тя апостольски наставил еси, вопия:/ возлюбите Бога, якоже Он возлюби нас.

Ангельское возлюбив на земли житие,/ миродержание и мир оставив,/ пощением Христу, Симеоне, последовал еси,/ к Немуже любящих тя апостольски наставил еси, вопия:/ возлюбите Бога, якоже Он возлюби нас.

В этот день: Русская Православная Церковь отмечает память святых:

Святителя Мелетия, архиеп Антиохийского Святителя. Алексия, митр. Московского и всея России, чудотворца Святителя Мелетия, архиеп. Харьковского Преподобной Марии, именовавшейся Марином, и отца ее Евгения Святителя Антония, патриарха Константинопольского Прп. Вассиана Угличского. Новосщмч. Алексия, еп. Воронежского (1930). Новомч. прот. Митрофана (1931). Св. Каллии. Прп. Гертруды Нидерландской. Св. Эфивальда Ландисфарнского (740) (Кельт. и Брит.). Новомч. Хрестоса Константинопольского (1748) (Греч.). Мчч. Сатурния и Плотиния (Греч.). Сщмч. Урвана, еп. Римского (223-230). Свв. Прохора Грузина (X), Луки Иерусалимского (1277), Николая Двали (1314) и других мучеников и преподобных, живших в Грузинских монастырях Иерусалима.

Молитвы:

От святыя иконы Твоея,/ о Владычице Богородице,/ исцеления и цельбы подаются обильно/ с верою и любовию приходящим к ней,/ тако и мою немощь посети,/ и душу мою помилуй, Благая,/ и тело исцели благодатию Твоею, Пречистая.

Аще и в море ввержена бысть святая икона Твоя, Богородице,/ от вдовицы, не могущия спасти сию от врагов,/ но явилася есть Хранительница Афона/ и Вратарница обители Иверския, враги устрашающая/ и в Православней Российстей стране/ чтущия Тя от всех бед и напастей избавляющая.

Дерзость ненавидящих образ Господень/ и держава нечестивых безбожно в Никею прииде,/ и посланнии безчеловечно вдовицу,/ благочестно чтущую икону Богоматери, истязуют,/ но тая нощию с сыном икону в море пусти, вопиющи:/ слава Тебе, Чистая,/ яко непроходимое море плещи своя подаде,/ слава правошествию Твоему, Едина Нетленная.

Совозсия днесь Свету Воскресения свет чистыя иконы Твоей,/ обоя весело торжествующе вопием:/ сохрани раб Твоих благодатию, Владычице.

Апостольских догмат опасна хранителя,/ Церкве российский пастыря и учителя,/ преблаженнаго Алексия святителя память празднующе,/ славословим Христа Бога нашего песньми достодолжными,/ даровавшаго нам угодника Своего,/ яко обильный источник, точащ врачевания,/ граду же Москве похвалу и утверждение.

Яко светоносная возсия днесь память твоя, славне,/ верных озаряющи души и телеса,/ и исцеления струй Богоприятными ти молитвами источаеши,/ отче святителю Алексие,/ темже тя молим, яко архиереом сопрестольна и чудодейственника изрядна,/ иже Христову Престолу предстояй,/ о нас не оскудевай моляся спастися душам нашим.

Божественнаго и пречестнаго святителя Христова,/ новаго чудотворца Алексия,/ верно вси поюще, людие, любовию да ублажим, яко пастыря великаго,/ служителя же и учителя премудра земли Российстей./ Днесь, в память его притекше,/ радостно возопием песнь Богоносному:/ яко имея дерзновение к Богу,/ многообразных нас избави обстояний, да зовем ти:/ радуйся, утверждение граду нашему.

Правило веры и образ кротости,/ воздержания учителя/ яви тя стаду твоему,/ яже вещей истина,/ сего ради стяжал еси смирением высокая,/ нищетою богатая./ Отче Мелетие,/ моли Христа Бога/ спастися душам нашим.

Духовнаго твоего дерзновения убоявся,/ отступник бегает Македонии,/ молитвенное же служение совершающе, твои раби,/ любовию притекаем,/ Ангелом собеседниче, Мелетие,/ огненный мечу Христа Бога нашего,/ вся безбожныя закалаяй:/ воспеваем тя, светильника, просветившаго вся.

Мира сего временная, яко преходящая уразумел еси,/ от юности постническое и многотрудное житие возлюбил еси, всеблаженне,/ иерархов славо и преподобных похвале,/ Предвечнаго Слова усердный благовестниче,/ сирых и неимущих крове и прибежище./ Темже в молитвах пребывая, Христу утреневати прилежал еси/ и, Сего взыскуя, венец неувядаемый со всеми святыми стяжал еси,/ отче наш, святителю Мелетие,/ моли Христа Бога спастися душам нашим.

Ревнуя, поревновал еси к Богу, Егоже возлюбил еси/ и Егоже всем сердцем возжелал еси, отче наш Мелетие,/ и Егоже ради к иноческому подвигу потекл еси/ и заклатися Христу Богу самаго себе привел еси,/ яко пастырь добрый врученное тебе стадо овец Христовых мудре упасл еси./ Моли о нас Христа Бога, святителю достохвальне.

В этот день: Русская Православная Церковь отмечает память святых:

Благоверного кн. Всеволода, во св. Крещении Гавриила, Псковского Преподобного Димитрия Прилуцкого, Вологодского Прп. Георгия, игумена Кратовского, Сербского (1515) Праведной Феодоры, царицы греческой Св. Гобнеты (V) (Кельт. и Брит.). Прп. Кедмона Витбийского, монаха (680) (Кельт. и Брит.). Сщмч. Лукия Адрианопольского во Фрасе (348). Св. Бедедикт Анинский (821) (Галл.).

Прп. Димитрия Прилуцкого, Вологодского. Тропарь, глас 1. Свыше от Бога, преподобне,/ благодать приял еси духовную,/ и от Него убо познался еси, блаженне,/ того ради и ты духом познал еси лучшая Его,/ будущаго века пребывание,/ и постнически испытався во своих обителех./ И ныне со ангели ликовствуя,/ Спасу всех за ны молися, святе Димитрие, да вси вопием:/ Слава Давшему ти крепость,/ слава Венчавшему тя,/ слава Действующему тобою всем исцеления.

Жезлом, святе Димитрие, от Бога данным ти,/ люди своя упасе на пажитех закона живоносна,/ зверя же невидимаго шатание сокруши под нозе тебе поющих,/ яко да в бедах тя тепла предстателя имамы.

От юности, преподобие, крест твой взем, Христу последовал еси,/ в молитвах и пощениих, во бдениих же и злостраданиих плоть твою изнуряя;/ темже и Всевидящее Око, твоя труды видев,/ чудесы тя прославляет и всех звати тебе научает:/ радуйся, преподобие отче Димитрие, постников удобрение.

И нравом причастник,/ и престолом наместник Апостолом быв,/ деяния обрел еси, Богодохновенне,/ в видения восход,/ сего ради слово истины исправляя,/ и веры ради пострадал еси даже до крове,/ священномучениче Власие./ Моли Христа Бога/ спастися душам нашим.

Божественное прозябение, цвет неувядаемый,/ лозы Христовы розго многострадальная, Богоносе Власие,/ верою чтущия память твою веселия твоего исполни,/ моляся непрестанно о всех нас.

Священия помазанием и мучения кровию украсился еси, славне Власие,/ и сияеши всюду, в Вышних ликуя/ и нас назирая, в храм твой пришедшия/и в нем тебе непрестанно зовущия:/ всех нас соблюди.

Из млада явился еси, Богомудре княже Гаврииле,/ Божественный сосуд, избран Богови,/ благочестием воспитан, веру непорочну соблюд/ и многи святыя церкви устроив,/ изгнание претерпел еси от своих,/ якоже и целомудрии прародители твой от брата убиение./ С нимиже предстоя Святей Троице,/ молися, стране нашей сохраненной быти/ и всем нам спастися.

Многомудренно преселився во град Псков, блаженне княже Гаврииле,/ плод благий Богови в жизни сей был еси,/ присноцветущ добродетельми и, якоже Давид, незлобием./ Того ради получил еси жизнь вечную на Небесех,/ всегда зря Святую Троицу./ Моли избавитися нам от всяких бед, да зовем ти:/ радуйся, утверждение граду нашему.

В терпении многоискуснем, блаженне мучениче Георгие,/ огнеискусную смерть претерпел еси/ и по кончине твоей венец от Христа нетленный/ с мученическими лики приял еси./ И ньше, на земли кротких достойно водворялся,/ Христа Бога о нас непрестанно моли,/ иже верою покланяющихся раце мощей твоих.

Вышния славы желая, многострадальне Георгие,/ агарянскую прелесть поплевав, попрал еси/ и победы венец приял еси,/ Ангелом ныне свеселяся и мучеником соводворяяся,/ с нимиже Христу Богу молися непрестанно о всех нас.