В этот день:

Русская Православная Церковь отмечает память святых:

Апостола от 70-ти Ерма (Ермиа) (I).
Мученика Ермия Команского (II).
Мученика Мага волхва, обращенного мученичеством мч. Ермия. (II)
Мученика Философа Александрийского (III).
Мучеников Евсевия и Харалампия (X) (Греч.).
Святителя Евстафия, Патриарха Константинопольского (1025)
Святителя Филиппа, митр. Московского (1569)
Святителя Филофея, митр. Тобольского (1727).
Сщмч. Философа пресвитера и сыновей его мчч. Бориса и Николая (1918)
Новосщмчч. Иерофея, еп. Никольского (1928) и иеросхимон. Серафима (1923).
Храни вас Господь, Матерь Божия и все святые, их же память мы сегодня отмечаем!

Молитвы:

Мч. Ермея Команского. Тропарь, глас 4.

Мученик Твой, Господи, Ермей/ во страдании своем венец прият нетленный от Тебе, Бога нашего:/ имеяй бо крепость Твою,/ мучителей низложи,/ сокруши и демонов немощный дерзости./ Того молитвами/ спаси души наша.

Мч. Ермея Команского. Кондак, глас 6.

Иже по Христе усердно подвизався,/ в сединах доблих мужество стяжа, мучениче Ермее,/ беззаконных злоумышления поправ Христовою силою,/ от чаровных напоений невредим пребысть, зовый:/ Бог есть со мною, и никтоже на мя.

Ап. от 70-ти Ерма. Тропарь, глас 3.

Апостоле святый Ермие,/ моли Милостиваго Бога,/ да прегрешений оставление/ подаст душам нашим.

Ап. от 70-ти Ерма. Кондак, глас 4.

Яко звезда, возсиял еси вселенней,/ светом просияв солнца, блаженне,/ всесветлаго Павла,/ мира просвещшаго концы,/ сего ради тя чтим, Ермие.
понедельник 1-ой седмицы по Пятидесятнице.

Pages: 1 2 3

В этот день:

Русская Православная Церковь отмечает память святых:

Преподобного Исаакия исп., игумена обители Далматской (383)
Св. Макрины, бабки свт. Василия Великого. (IV)
Святого Хуберта Маастрихского, (727)
Прп. Иакова Галичского (XV)
Прпп. Исаии и Никанора Архангельских
Священномученика Василия Смоленского пресвитера (1942).

Храни вас Господь, Матерь Божия и все святые, их же память мы сегодня отмечаем

Молитвы:

Прп. Исаакия исп., игумена обители Далматской. Кондак, глас 8.

Яко угодник Божий верный,/ по Христове Церкви ревностию разжегся,/ бразды Валентовы удержав,/ пророчески тому о затворении Церкве пагубную смерть предрекл еси, преподобие./ Темже присно моли о нас, чтущих тя, Исаакие преподобие.

Pages: 1 2 3

В этот день:
Русская Православная Церковь отмечает память святых:

Мчч. Кирилла, отрока Карела, Примола, Финода, Венуста, Гиссина, Александра, Тредентия и Иокунда Кесарийских в Каппадокии (253-259)
Святой мученицы Феодосии, девы, Тирской (ок. 307-308).
Свт. Александра, патр. Александрийского. (328)
Преподобномученицы Феодосии, девы, Константинопольской (730)
Праведных Иоанна и Марии, Устюжских (XIII).
Царя-мученика Константина. (1453)
Мученик Андрей Аргентис (1465)
Христа ради юродивого Иоанна, устюжского чудотворца,  (1494)
Преподобного Иова, в схиме Иисуса Анзерского (1720)
Новомч. Иоанна Смирнского (1802).
Священочемученник Иоанна диакона (1938).
Мученик Андрея Трофимова (1938).
Святого Луки исповедника, архиепископа Симферопольского (1961)
Иконы Божией Матери «Споручница грешных».
Иконы Божией Матери «Недремлющее Око».
Иконы Божией Матери Цесарская — Боровская.

Храни вас Господь, Матерь Божия и все святые, их же память мы сегодня отмечаем

Молитвы:

Мц. Феодосии девы, Тирской. Тропарь, глас 4.

Добродетель благоприятно, мученице, постигла еси,/ Христово приятелище бывши чистое/ святаго Духа дом возлюблен;/ отнюдуже посрамила еси врага, борющаго род человеческий,/ добре страдавшая,/ и посекла еси Копронима, Феодосие, мечем веры,/ и к чертогу Небесному преставилася еси, радующися./ Тебе верою чтущим/ присно проси велия милости.

Мц. Феодосии девы, Тирской. Кондак, глас 2.

Трудами живот нетрудный достигла еси,/ кровию же Копронима удавила еси, мученице,/ сквернаго врага Христовы Церкве, всеблаженная Феодосие,/ и с Вышними радуешися воинствы,/ чтущия память твою покрывающи.

Блж. Иоанна, Христа ради юродивого, Устюжского. Тропарь, глас 5.

Наготою телесною и терпением/ обнажил еси вражия коварствия,/ обличая неподобное его деяние,/ зельне стражда солнечный вар/ и нуждныя великия студени мраза,/ и огня не чул еси,/ Божиею помощию покрываемь,/ Иоанне премудре,/ моли о верою творящих память твою честно/ и усердно притекающих к раце мощей твоих,/ избавитися от бед и падения избежати.

Блж. Иоанна, Христа ради юродивого, Устюжского. Ин кондак, глас 1.

Иоанне премудре,/ земныя славы не возлюбив,/ того ради яко неистов ся творя,/ желая Царство Небесное наследовати,/ ударения и укорения приемля,/ наготу и зной терпя,/ тем ныне со Ангелы ликуеши,/ моли Христа Бога о душах наших.

Блж. Иоанна, Христа ради юродивого, Устюжского. Кондак, глас 8.

Вышния красоты желая,/ нижния сладости телесное ядение тщательно оставил еси,/ нестяжанием суетнаго мира возлюбил еси ангельское житие,/ преходя скончався, Иоанне блаженне,/ с нимиже моли Христа Бога непрестанно о всех нас.

Иконы Богородицы «Споручница грешных». Тропарь, глас 4.

Умолкает ныне всякое уныние/ и страх отчаяния исчезает,/ грешницы в скорбех сердца обретают утешения/ и небесною любовию озаряются светло./ Днесь бо Мати Божия простирает к нам спасающую руку/ и от Пречистаго образа Своего вещает, глаголя:/ Аз Споручница грешных к Моему Сыну,/ Сей дал Мне за них руце слышати Мя выну./ Темже людие, обремененнии грехми и скорбьми многими,/ припадите к подножию Ея иконы со слезами, вопиюще:/ Заступнице мира, грешных Споручнице!/ Умоли Матерними Твоими молитвами Избавителя всех,/ да Божественным всепрощением покрыет грехи наша/ и светлыя двери райския отверзет нам,/ Ты бо еси предстательство и спасение рода христианскаго.

Иконы Богородицы «Споручница грешных». Кондак, глас 1.

Честное жилище бывшее/ неизреченнаго естества Божественнаго/ выше слова и паче ума/ и грешным еси Споручница,/ подававши благодать и исцеление,/ яко Мати всех Царствующаго:/ моли Сына Твоего/ получийти нам милость в День судный.

Pages: 1 2 3

Неделя 2-я по Пятидесятнице, Всех святых в земле Российской просиявших.

В этот день:
Русская Православная Церковь отмечает память святых:

Священномученика Евтихия, еп. Мелетинского (I).
Мученицы Еликониды (244)
Святителя Германа, еп. Парижского (576) (Галл.)
Священномученика Елладия еп. (VI-VII).
Святого Андрея Христа ради юродивого Константинипольского (911)
Преподобного Никиты исп., еп. Халкидонского (IX)
Святителя Игнатия, еп. Ростовского (1288)
Св. Геронтия, митр. Московского (1489).
Преподобного Софрония (1510) (Болг.)
Преподобной Елены Дивеевской (1832)
Всех преподобных и богоносных отцов, во Святой Горе Афонской просиявших
Св. Ираклия, исп (1936)
Блаженной Домнике Алешковской (1967)
Прмч. Макария (Моржова) (1931),
Прмч. Дионисия (Петушкова) (1931),
Сщмч. Николая Аристова, диакона (1931),
Мч. Игнатия Маркова (1931)
Мч. Петра Юдина (1931).
Прмц. Гермогены (Кадомцевой) (1942).
Иконы Божией Матери «Никейской»(304),
Иконы Божией Матери Чухломской (Галичской) (1350),
Иконы Божией Матери Антиохийской 
Храни вас Господь, Матерь Божия и все святые, их же память мы сегодня отмечаем!

Молитвы:

Кондак русских святых, глас 3

Прп. Никиты исп., еп. Халкидонского. Тропарь, глас 4.

Правило веры и образ кротости,/ воздержания учителя/ яви тя стаду твоему,/ Яже вещей истина./ Сего ради стяжал еси смирением высокая,/ нищетою богатая,/ отче Никито,/ моли Христа Бога/ спастися душам нашим.

Прп. Никиты исп., еп. Халкидонского. Кондак, глас 8.

Светлостию дел твоих просиял еси, преподобне,/ апостольскаго престола наследник был еси, Никите,/ и, яко солнце, облистал еси твоей пастве, отче,/ вся Божественных учений исполнь./ Темже зовем ти:/ радуйся, Халкидону удобрение.

Свт. Игнатия, еп. Ростовского. Тропарь, глас 4.

Благоверия просвещся учении,/ святительства прием паству/ и апостолов наследник быв,/ тем приял еси от Бога дар чудес, святителю отче Игнатие,/ моли Христа Бога,/ да спасет души наша.

Свт. Игнатия, еп. Ростовского. Кондак, глас 4.

Явися днесь пресветлая память твоя,/ святителю преблаженне Игнатие,/ в мире светло сияющи и являющи всем Божественное сияние.

Никейской иконы Богородицы. Тропарь, глас 4.

Бысть чрево Твое святая трапеза,/ имущи Небеснаго Хлеба, Христа,/ от Негоже всяк ядый не умирает,/ якоже рече всяческих,/ Богородице, Питатель.

Никейской иконы Богородицы. Кондак, глас 6.

Предстательство христиан непостыдное,/ ходатайство ко Творцу непреложное,/ не презри грешных молений гласы,/ но предвари яко Благая на помощь нас,/ верно зовущих Ти:/ ускори на молитву и потщися на умоление,/ предстательствующи присно, Богородице, чтущих Тя.

Иконы Богородицы «Умиление». Тропарь, глас 4.

К Богородице со умилением припадем,/ вси грехми обремененнии,/ чудотворную Ея икону Умиление облобызающе/ и вопиюще со слезами:/ Владычице, приими моление недостойных раб Твоих/ и подаждь нам, просящим,/ велию Твою милость.

Pages: 1 2 3

В этот день:

Русская Православная Церковь отмечает память святых:

Священномученика Ферапонта, еп. Кипрского.
Третье обретение главы Предтечи и Крестителя Господня Иоанна (ок. 850).
Св. Додо, царя Грузинского (596)
Св. Беды Достопочтенного (735) (Брит.)
Свт. Иннокентия, архиеп. Херсонского (1857).
Прмц. Елены (1938).
Прмч. Тавриона (1939)
Воспоминание воссоединения 3-х миллионов униатов с Православной церковью в г. Вильно (1831).

Храни вас Господь, Матерь Божия и все святые, их же память мы сегодня отмечаем!

Молитвы:

3-е обретение главы Иоанна Предтечи. Тропарь, глас 4.

Яко Божественное сокровище, сокровенное в земли, / Христос откры главу твою нам, пророче и Предтече. / Вси убо, сошедшеся в сея обретение, / песньми богоглаголивыми Спаса воспоим, / спасающа нас от тления молитвами твоими.

3-е обретение главы Иоанна Предтечи. Кондак, глас 6.

Светоявленный и Божественный в мире столп,/ солнца светильник,/ Предтеча, главу светоносную и Божественную свою показавши в концех,/ освящает той верно покланяющихся и взывающих:/ Христов премудрый Крестителю, спаси всех нас.

Pages: 1 2 3

В этот день:

Русская Православная Церковь отмечает память святых:

Мчч. Мелетия Стратилата и с ними 1218 воинов (ок. 218)
Прп. Викентия Леринского. (ок. 450)
Преподобного Симеона столпника Дивногорца (596).
Мц. Марфы, настоятельницы Монемвасийской (990).
Преподобного Георгия Святогорца, Иверского (1065)
Преподобного Никиты, столпника Переславльского (1186)
Святителя Григория, архиеп. Новгородского. (1193)
Блаженной Ксении Петерсбургской (1803).

Храни вас Господь, Матерь Божия и все святые, их же память мы сегодня отмечаем!

Молитвы:

Прп. Симеона столпника на Дивной горе. Тропарь, глас 1.

Пустынный житель, и в телеси Ангел,/ и чудотворец явился еси, Богоносе, отче наш Симеоне,/ постом, бдением, молитвою Небесная дарования приим,/ исцелявши недужныя и души верою притекающих ти./ Слава Давшему тебе крепость,/ слава Венчавшему тя,/ слава Действующему тобою всем исцеления.

Прп. Симеона столпника на Дивной горе. Кондак, глас 2.

Вышняя желая, дольная отложив,/ и, яко небо, столп соделавый,/ тем облистал еси чудес зарею, преподобие,/ и Христу, всех Богу, молишися непрестанно о всех нас.

Прп. Никиты, столпника Переславльского. Тропарь, глас 4.

Православным смыслом юношская возжеления возненавидев/ и доблественныя нравы восприим, врага победил еси,/ и во благоразумии Богу угодил еси,/ и свыше от Него прием дар чудес,/ бесы прогоняти, недуги исцеляти,/ Никито преславне,/ моли Христа Бога, да спасет души наша.

Прп. Никиты, столпника Переславльского. Ин тропарь, глас 4.

Христову мученику тезоименит был еси, преподобие,/ многи подвиги и труды претерпел еси Христа ради,/ Егоже ради вериги носил еси, блаженне,/ Того ныне о нас моли, Никито преподобие,/ душевныя наша и телесныя страсти уврачевати,/ иже верою и любовию/ почитающих присно память твою.

Прп. Никиты, столпника Переславльского. Кондак, глас 8.

Xриста ради от твоих рабов нуждную смерть претерпел еси/ и венец нетления от Него восприял еси,/ приходящим же с верою от честнаго твоего гроба подавши цельбы,/ о Никито преподобие,/ молитвенниче о душах наших.

Pages: 1 2 3

В этот день:

Русская Православная Церковь отмечает память святых:

Праведной жены-мироносицы Марии Клеоповой. (I)
Святого Синезия Киренского (Птолемаидского) (V)
Святителя Михаила исп., еп. Синадского (821).
Прмч. Михаила черноризца (IX).
Обретение мощей свт. Леонтия, еп. Ростовского (1070).
Преподобной Евфросинии, княжны и игумении Полоцкой (1173).
Преподобного Паисия Галичского (1460).
Собор Ростово-Ярославских святых: святителей и чудотворцев Ростовских
Преп. Дамиана (в миру — царя Димитрия I) (1157) (Груз.).

Храни вас Господь, Матерь Божия и все святые, их же память мы сегодня отмечаем!

Молитвы:

Апостолом сопричастник/ и к Богу молебник верен,/ добродетельми возшед на Небесная,/ и любовь возложил еси к Любящему тя,/ и неверныя люди обратил еси в веру./ Тем ныне, со Ангелы ликуя,/ предстоиши престолу славы всех, Царя Христа Бога:/ молися, святителю Леонтие,/ да спасет души наша.

Свт. Леонтия, еп. Ростовского. Кондак, глас 4.

Жития ради чистоты,/ Всевидец Господь свет Свой насади в души твоей,/ вразумити люди многия/ твоими учении,/ Леонтие преподобие.

Собор Ростово-Ярославских святых. Тропарь, глас 4.

Облагочестный соборе,/ о людие избраннии,/ святителие преподобный и праведный,/ и благовернии граждане российстии,/ яко звезды, на тверди церковней/ страны Ростовский и Ярославский к Богу предстателие,/ величаем с любовию вас, по плоти наших сродников./ Вы же молитеся даровати мир стране и Церкви нашей,/ благословение и милость Божию всем людем,/ всепрощение и спасение,/ ходатаи бо есте приснии о нас ко Святей Троице.

Кондак. Святителям Ростовским, глас 4.

Новаго Завета Бога с человеки хранителие,/ евангельских заповедей исполнителие,/ в добрых делех совершеннии,/ святителие мудрии, преподобный и праведнии Богоноснии,/ землю Ростовскую и Ярославскую/ облагоухавшии молитвами,/ именуемый вси и неименуемии,/ явленнии и сокровеннии,/ предстояще Живоначальней Троице,/ не отступайте от нас духом/ и Божественное милосердие преклоните к нам,/ да с дерзновением славу в Вышних Богу вси приносим,/ да пребудет на земли мир нерушимый,/ любовь же и благоволение/ посреде всех человек.

Прп. Евфросинии, княжны и игумении Полоцкой. Тропарь, глас 4.

Подражающи дванадесятолетна дванадесятолетну Христу,/ учившему во святилищи Божию слову,/ последовала еси, Евфросиние./ Славу временную и земнаго обручника оставльши/ и вся мирская презревши,/ краснейшему паче всех Христу себе уневестила еси,/ крест вземши, путем ангельскаго жития шествующи/ и многия к Нему наставляющи,/ во благоухании мира в Небесный Чертог востекла еси,/ идеже моли, Егоже возлюбила еси,/ о чтущих благочестно память твою.

Прп. Евфросинии, княжны и игумении Полоцкой. Ин тропарь, глас 4.

Богатство свое нищим расточивши/ и славу княжескую ни во что же вменивши,/ обручника временнаго, красная дево, возгнушалася еси/ и, уневестившися Жениху Христу,/ Тому, якоже вено, чистоту душевную и телесную принесла еси, Евфросиние./ Емуже ныне в веселии предстоя,/ поминай нас, чтущих память твою.

Прп. Евфросинии, княжны и игумении Полоцкой. Ин кондак, глас 8.

Чистое свое девство и честное/ милостынею, яко светильник елеем, украсившую/ и с мудрыми девами в пресветлый чертог Христов вшедшую,/ Евфросинию славную ублажим/ и, припадше к честным ея мощем, насладимся ея благоухания/ и умильне к ней возопием:/ яко имея дерзновение ко Христу Богу/ моли избавитися зловония страстей и спастися душам нашим.

Прп. Евфросинии, княжны и игумении Полоцкой. Ин кондак, глас 4.

Превитавши от земли Полотския,/ отечество свое, яко Авраам, наследовавши, Евфросиние,/ землю высоку сообразну — Горний Сион,/ темже тело твое душевным благомужествием, страданием постным/ яко жертву приносила еси/ милосердием Своим, Давшему Себе за человеки Жертву благоприятну.

Прп. Евфросинии, княжны и игумении Полоцкой. Кондак глас 8.

Избранней Богом от самаго рождения/ и признанней на служение Ему,/ в чине ангельстем Господеви послужившей свято,/ и преподобно пожившей,/ и ныне с Небесными силами Господа восхваляющей,/ о нас же, грешных, пред Господем ходатайствующей,/ с радостию и любовию воззовем:/ радуйся, Евфросиние, невесто Христова всечестная.

Прп. Михаила исп., еп. Синадского. Кондак, глас 8.

Яко архиерей всечестен и благочестия священнострадалец,/ прещения злоименитаго не убоявся,/ еретическое того противление победил еси,/ свободным гласом велегласно вопия:/ иконе покланяюся Христове и Пречистыя Того Матере./ Сего ради тя почитаем, Михаиле.

Прп. Паисия Галичского. Тропарь, глас 8.

Днесь возсия нам память твоя, славне Паисие,/ яко солнце светозарное, лучами озаряющи весь мир,/ тако и ты, преподобне,/ чудесы своими тьму нощи злых духов от нас отгоняя;/ днесь Небесныя силы, и святых Ангел,/ и души праведных мысленно торжествуют, радующеся;/ днесь и мы, грешнии, припадающе честному твоему образу молимся:/ о, преподобне Паисие,/ Христа Бога моли непрестанно/ спасти град и люди, иже тебе почитающия.

Прп. Паисия Галичского. Кондак, глас 3.

Возсия, Господи, граду Твоему Галичу,/ яко светозарное солнце, угодник Твой Паисий,/ радостно вселенную озаряя своими чудесы,/ и приходящих с верою ко гробу его святому;/ тако молитвами Пречистый Богородицы от бед всех нас избави,/ и упраздни варварская шатания,/ яко мы, людие Твой, Господи,/ и град наш и страна вельми Тобою хвалится,/ и спасается молитвами преподобнаго Паисия.

Pages: 1 2 3

В этот день:

Русская Православная Церковь отмечает память святых:

Пророка Мелхиседека, царя Салимского.
Мученика Василиска (ок. 308).
Память II Вселенского Собора (381).
Мученицы Квитерии (476)
Мученика Иоанна-Владимира, кн. Сербского (1015).
Блаженного Якова, отрока Боровичского в Новгороде (1540).
Новосщмч. Захарии Прусского (1802) (Греч.).
Священномученика Петра Беляева (1918)

Храни вас Господь, Матерь Божия и все святые, их же память мы сегодня отмечаем!

Молитвы:

Мч. Василиска. Кондак, глас 8.

Во страдании крепок и мужествен явился еси и в чудесех предивен,/ явленно Христово имя преднося, мучителя посрамил еси./ Тем тя почитаем, Василиске, присно зовуще, всечестне:/ радуйся, мучеников светлая доброто.

Мч. Иоанна-Владимира. Тропарь, глас 4.

Крест, явльшийся тебе с Небесе, светел проповедал еси,/ просветив языки ясно, Владимире славне,/ обагреньми кровей твоих украсився,/ сподобился еси почестей нетленных,/ предстояй Троице,/ тем со дерзновением/ моли спастися нам.

Мч. Иоанна-Владимира. Ин тропарь, глас 4

Крест, явльшийся тебе с Небес в блистании, всем проповедал еси,/ просветив языки верно, Владимире славне./ Искуплением же, кровьми твоими возблистав,/ сподобился еси мзды нелестныя, предстоя Троице./ Темже дерзновенно моли Христа спастися нам.

Мч. Иоанна-Владимира. Кондак, глас 8.

Яко сокровище многоценное/ и источник, точащ земным токи,/ недуги очищающий,/ нам подадеся тело твое священное,/ болезнем различным подающе исцеление/ и благодать Божественную притекающим к нему, да зовем ти:/ радуйся, княже Владимире.

Мч. Иоанна-Владимира. Кондак, глас 8.

Верою и любовию/ твое честное пренесение празднующих, блаженне,/ сохрани и соблюди от веяния злобы и соблазна змиина,/ имаши бо дерзновение ко Владьще всех, Христу Богу./ Бгоже моли спасти православныя люди,/ молящия тя, да вси вопием ти:/ радуйся, отче Иакове,/ всея Российския земли удобрение.

Блж. Якова, отрока Боровичского в Новгороде. Тропарь, глас 1.

Божественною благодатною просветився,/ и по смерти даруеши исцеление/ притекающим к тебе, премудре Иакове:/ темже и мы ныне чтим честных мощей пренесение,/ веселяще вкупе души и телеса./ Тем вси вопием:/ слава Давшему ти крепость!/ Слава Венчавшему тя!/ Слава Действующему тобою всем исцеления!

Pages: 1 2 3

Память Владимирской иконы Божией Матери

В этот день:

Собор всех святых

Русская Православная Церковь отмечает память святых:

Равноапп. царя Константина (337) и матери его царицы Елены (327)
Блгв. кн. Константина (Ярослава) (1129) и чад его Михаила и Феодора, Муромских чудотворцев(XII).
Преподобного Кассиана грека, Угличского чудотворца (1504)
Блаженного Андрея Симбирского (1841).
Собор Карельских святых.
Сщмч. Секунда и всех кто с ним в Александрии (356).
Св. Хоспиция, Триерского (Галл.).
Св. Кирилла, еп. Ростовского (1262).
Собор Уфимских святых.
Преподобномученика Агапита Маркушевского. (1548)

Чтимые списки с Владимирской иконы Божией Матери:

Псково-Печерская «Умиление»,
Заоникиевская,
Красногорская (Черногорская),
Оранская.

Храни вас Господь, Матерь Божия и все святые, их же память мы сегодня отмечаем!

Молитвы:

Владимирской иконы Богородицы. Тропарь, глас 4.

Днесь светло красуется славнейший град Москва,/ яко зарю солнечную восприимши, Владычице,/ чудотворную Твою икону,/ к нейже ныне мы притекающе и молящеся. Тебе взываем сице:/ о, пречудная Владычице Богородице!/ Молися из Тебе воплощенному Христу Богу нашему,/ да избавит град сей/ и вся грады и страны христианския невредимы от всех навет вражиих,/ и спасет души наша, яко Милосерд.

Владимирской иконы Богородицы. Ин кондак, глас 8.

К Взбранней Воеводе и Заступнице, Деве и Богородице,/ в чистей совести, верою утвердившеся, русстии народи,/ невозвратно надежду имуще, притецем,/ к чудотворному Ей и пречистому образу, и возопием Ей:/ радуйся, Невесто Неневестная.

Владимирской иконы Богородицы. Кондак, глас 8.

Взбранной Воеводе победительная,/ яко избавльшеся от злых пришествием Твоего честнаго образа,/ Владычице Богородице,/ светло сотворяем празднество сретения Твоего/ и обычно зовем Ти:/ радуйся, Невесто Неневестная.

Красногорской (Владимирской) иконы Богородицы. Тропарь, глас 2.

Радуйся, святая гора Красная, небеси подобная,/ слава бо Божия на Тебе возсия./ Взыграйте, горы и холми, веселием,/ яко на сей горе икона Божия Матере,/ честнаго Ея умиления, прославися./ Ликуйте, человецы, и веселитеся./ яко нам даровася богатство неотъемлемое, исцелении сокровище,/ гласы, якоже трубы, возшумите,/ прославляюще Ея чудеса преславная./ И Ты, Чистая, радуйся, яко с Тобою Господь.

Красногорской (Владимирской) иконы Богородицы. Кондак, глас 3.

На горе святей видяще Твою святую икону,/ Богородице, Мати Дево,/ поем Твоего светообразнаго лика изображение,/ поклоняемся Твоей святей иконе,/ почитаем оную,/ и славим той преславная чудеса,/ и сице зовем Тебе:/ радуйся, Невесто Неневестная.

Равноап. Константина, царя и Елены. Тропарь, глас 8.

Креста Твоего образ на Небеси видев/ и, якоже Павел, звание не от человек прием,/ в царех апостол Твой, Господи,/ Царствующий град в руце Твоей положи,/ егоже спасай всегда в мире молитвами Богородицы,/ едине Человеколюбче.

Равноап. Константина, царя и Елены. Кондак, глас 3.

Константин днесь с материю Еленою/ Крест являют, всечестное древо,/ всех убо иудеев посрамление суще,/ оружие же на противныя верных людей:/ нас бо ради явися знамение велие/ и во бранех грозное.

Блгв. кн. Константина и чад его Михаила и Феодора. Тропарь, глас 4.

Константин днесь весело ликовствует,/ предстоя престолу Святыя Троицы,/ видя отечествие свое, мастию духовною сияющее;/ емуже последоваша Михаил и Феодор, сынове его,/ и молятся вси трие вкупе о душах наших.

Блгв. кн. Константина и чад его Михаила и Феодора. Кондак, глас 8.

Изрядному воеводе и правоверному князю Константину с сынома его вкупе/ отечество его, хваляся, вопиет,/ имеющее его начальника и заступника,/ яко избавльшееся им от прелести и скверны идольския./ Сего ради вопием ему сице:/ радуйся, княже Константине преблаженне.

Прп. Кассиана грека, Угличского чудотворца. Тропарь, глас 8.

В тебе, отче Кассиане, известно спасеся еже по образу,/ восприем бо крест и последовав Христови,/ творил еси заповеди Его тщательне./ Темже ныне со Ангелы радуется, преподобне, дух твой.

Прп. Кассиана грека, Угличского чудотворца. Тропарь святаго, глас 4.

Днесь град Углеч тобою хвалится,/ в концех бо его пресветло, яко велие солнце, возсиял еси/ и чудесы твоими вся озарил еси,/ и ныне молися Господеви,/ Кассиане преподобие,/ за град Углеч и обитель сию,/ и всяк град, и страну, и люди,/ иже верою тебе почитающия,/ и о спасении душ наших.

Прп. Кассиана грека, Угличского чудотворца. Кондак, глас 8.

Яко светозарная звезда, пришел еси от востока на запад,/ оставль отечество и княжение твое Христа ради,/ и в царствующий град Москву пришел еси,/ и, промышлением Божественнаго разума направляемь,/ Углеча града достигл еси,/ и, близ его, над Волгою рекою, в пустыни Учме вселився,/ обитель сотворил еси, и церковь созда,/ и созва монахов во спасение;/ с нимиже моли о нас, чтущих память твою, да зовем ти:/ радуйся, преподобие отче Кассиане.

Иконы Богородицы «Умиление». Тропарь, глас 4.
К Богородице со умилением припадем,/ вси грехми обремененнии,/ чудотворную Ея икону Умиление облобызающе/ и вопиюще со слезами:/ Владычице, приими моление недостойных раб Твоих/ и подаждь нам, просящим,/ велию Твою милость.

Метки: Православный календарь

Pages: 1 2 3

В этот день:

Русская Православная Церковь отмечает память святых:

Преп. Завулона и Сосанны, родителей святой равноапостольной Нины (Нино). (III-IV)
Мученика Фалалея, Александра и Астерия (ок. 284).
Мученика  Аскалона (ок. 287).
Св. Марка пустынника (IV; Греч.)
Прп. Фалассия мироточца, Ливийского. (668)
Св. Етелберта, короля и мученика (793; Кельт. и Брит.).
Благоверного Довмонта, во св. крещении Тимофея, Псковского (1299)
Святителя Алексия, митр. Московского и всея России, чудотворца (1378).
Преподобного Стефана, игумена Сербского (1679; Греч.).

Храни вас Господь, Матерь Божия и все святые, их же память мы сегодня отмечаем!

Молитвы:

Обретение мощей святителя Алексия, митр. Московского и всея России, чудотворца. Тропарь, глас 2.

Яко сокровище пребогатое, многодетно в земли сокровенное,/ честныя мощи твоя обретошася чудоточащия,/ всеблаженне отче святителю Алексие:/ от нихже врачевство приемлюще, обогащаемся/ и Христа славословим, глаголюще:/ слава прославляющему святыя Своя.

Обретение мощей святителя Алексия, митр. Московского и всея России, чудотворца. Ин тропарь, глас 4.

Апостольских преемников архиереев сопрестольниче,/ России всея пастырю и учителю,/ всеблаженне отче Алексие,/ Владыце всех молися/ мир пастве твоей даровати,/ и спасение душам,/ и велию милость.

Обретение мощей святителя Алексия, митр. Московского и всея России, чудотворца. Ин тропарь, глас 3.

Свыше от Бога глас глаголющ услышав,/ от юности подвизався, мудре,/ в молитвах, и во умилении, и слезах,/ во бдениих же и пощениих образ быв добродетели,/ отонюдуже и дом Духу Пречистому явися./ Сего ради Русския митрополии архиерейским саном почтен быв,/ Христово стадо упасл еси добре,/ еретическая нападения, не усумнеся, отрази/ и церкви воздвиже Христови, святителю Алексие,/ иночествующих лики собра/ и сих Христови привел еси./ Умре же, явися, яко спящ,/ цел соблюден бысть пред многими леты,/ подавая цельбы болящим./ Тем молим тя:/ моли Христа Бога спасти град твой Москву неврежден/ и страну и православный люди по велицей Его милости.

Обретение мощей святителя Алексия, митр. Московского и всея России, чудотворца. Ин кондак, глас 3.

Яко светоносная память святителя/ всем разруши уныние/ и свет облиста Небесных даров,/ всех созывающи на веселие:/ от Бога бо, святителю Алексие, благодать обрете прогонити недуги/ и вся человеки исцеляти,/ и мнихом же степень показася.

Обретение мощей святителя Алексия, митр. Московского и всея России, чудотворца. Кондак,глас 8.

Яко солнце незаходимое, от гроба возсия нам/ от мног лет сокровены честный твоя мощи нетленны,/ святителю Алексие,/ тобою благодать приемлем:/ всю бо страну сию и вся ны чудесы и добротою обогащавши,/ действом благодати, да поем ти:/ радуйся, отче, светило России.

Блгв. кн. Довмонта, во св. крещении Тимофея. Тропарь, глас 8.

Иже отчее нечестие возненавидев,/ преблаженне княже Доманте,/ и нощи страстныя избег, еже к идолом тщание,/ прииде мыслию к Солнцу славы — Христу,/ озарився благодатию Божественнаго Крещения,/ и ныне во свете Пресвятыя Троицы предстоя,/ моли Христа Бога сохранити и спасти православный люди/ и град твой от безбожных агарян,/ и латин нашествия, и междоусобныя брани/ и спастися душам нашим.

Блгв. кн. Довмонта, во св. крещении Тимофея. Ин тропарь, глас 4.

Духом Божиим наставляемь,/ отчее нечестие отвергл еси,/ святый благоверный княже Тимофее,/ потщался еси приити в богоспасаемый град Псков,/ в немже душу твою благодатию святаго Крещения просветив,/ верою и любовию обитель в себе сотворил еси Пресвятей Троице,/ Ейже непрестанно молися/ даровати душам нашим/ мир и велию милость.

Блгв. кн. Довмонта, во св. крещении Тимофея. Кондак, глас 8.

Любовию Христовою уязвися, преблаженне княже Доманте,/ ум вперив зарею Духа,/ идольскую прелесть отеческаго нечестия возненавидев,/ порождением святьш купели Тимофей наречен еси,/ слезами и милостынею ко Христу присвоився,/ и жизни сей течение добре скончав,/ веру непорочну соблюд,/ и ныне молим тя:/ моли Пресвятую Троицу и Пречистую Богородицу/ за град Псков и за всех, притекающих к раце мощей твоих,/ избавитися нам от всяких зол,/ да тебе вси, яко тепла заступника, непрестанно почитаем.

Pages: 1 2 3